Johannes 4
4
1Jesus waonspewicakiya ota ic̣icage c̣a baptem wicaqu, Johannes econ qon sam iyeya, Pharisee kin hecen naḣonpi, he Itancan kin sdonya.
2Tuka Jesus iye atayedan baptem wicaqu śni, waonspewicakiye cin hena heconpi.
3Hehan Juda makoce kin ayuśtan, qa Galile heciya ake ekta hda.
4Qa Samariya he en acankuye kta iyececu.
5Hecen otonwe wan Sukar eciyapi Samariya makoce en, Joseph en ounye kta e Jakob atkuku qu qon he ikiyedan, he ekta hi.
6Jakob miniyowe town kin he etu; Jesus mdokite hda, qa miniyowe kin he ahankeya iyotanka. Anpetu kin he en wiyotanhe cin hehantu.
7Samariya oyate etanhan winoḣinca wan mini huwe hi; unkan Jesus, Mini maqu wo, eciya.
8He icunhan waonspewicakiye cin otonwe kin ekta taku yutapi opeton iyayapi.
9Winoḣinca Samariya oyate etanhan qon hecen eya, Juda wicaśta kin henica, Samariya oyate kin hematanhan, he tokeca e mini mayakida he. Juda oyate Samariya oyate kici takudan ikicitukapi wanice ciqon.
10Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.
11Itancan, mini kin de temahentuya hiyeya qa takudan on edaku kte śni; tokiya tanhan mini wiconi kin duha he, winoḣinca kin eciya.
12Jakob ateunyanpi miniyowe kin de unqupi, qa etanhan iye mini yatkan, qa cinca qa tawanunyanpi ko, he hecon tuka niye iniyotan he.
13Unkan Jesus ayupte ca heciya; Tuwe mini kin de etanhan yatke cin nakun ipuza kta;
14Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.
15Unkan winoḣinca kin heciya; Itancan, mini kin he etanhan maqu ye, hecen imapuza kte śni, qa nakun icimana mini kin de huwe wahi kte śni, eya.
16Unkan, Nihihna kico ya wo, qa den kici hi wo, Jesus eciya
17Tuka winoḣinca kin waayupte c̣a heciya; Mihihna kin wanica ce. Nihihna wanica kehe cin he hecetu e ecen eha ce;
18Nihihna zaptan, tuka nakaha hihnayaye cin de nitawa śni; hecen ehe cin he wicayaka ce, Jesus eciya.
19Hehan winoḣinca kin heciya; Itancan, wicaśta wokcan kin henica imdukcan;
20Hunkake wicunyanpi paha kin de en ohodapi ece; tuka niye, Jerusalem he en wicaśta ohodapi ece e kta, kehapi ce.
21Unkan Jesus heciya; Winoḣinca, wicamada wo, anpetu wan u ce, paha kin de en, qa Jerusalem nakun en, Ateyapi kin ohoyadapi kte śni.
22Niye taku ohoyadapi kin sdonyayapi śni; unkiye taku ohoundapi kin sdonunyanpi ece. Juda oyate kin eciyatanhan wanikiyapi kin u ce.
23Tuka anpetu u kin he wanna hiyohi, tona wowicake eciyatanhan ohodapi kin hena woksape wowicake eciyatanhan Ateyapi kin ohodapi kta. Ateyapi kin he tona hecen ohodapi kte cin akita ece.
24Woksape kin he Wakantanka kin ee; qa tona ohoda kinhan hena woksape wowicake eciyatanhan ohoda kta.
25Hehan winoḣinca kin heciya; Messiya Sdayapi eyapi kin hi kta, tohan hi kinhan taku kin owasin unkokiyakapi kta e sdonwaya.
26He miye e ociciya ce, Jesus eciya.
27He icunhan waonspewicakiye cin en hdipi, qa winoḣinca kin kici okiciciya un kin heon yuśinyayapi. Tuka wanjidun; Taku ayakita he; qa, Tokeca kici iyaa he, eyapi śni.
28Hehan winoḣinca kin wakiśkokpa eḣpeya kihde c̣a, otonwe kin ekta ki, qa wicaśta kin hewicakiya;
29Wicaśta wan taku ecamon qon owasin omiciyake cin he ito wanyagu miye. He Messiya kin ee śni he.
30Hehan otonwe kin etanhan enanpa, qa yanke cin en ai.
31He icunhan waonspewicakiye cin cekiyapi qa, Itancan, wota wo, eciyapi.
32Tuka iye hewicakiya; Taku yutapi sdonyayapi śni kin heca wate kta e mduha ce.
33Heon, Tuwe taku yutapi kahi he, wonspewicakiye cin ekiciyapi.
34Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.
35Ehake wi topa kinhan taku mnaunyanpi kta ce, ehapi. Tuka miś kaken eciciyapi; Wankan etonwanpi qa maga kin wanyaka po, wanna owasin ska qa mnayanpi kin wanna iyehantu.
36Qa tuwe taku mnaye cin he wokajuju icu ece, qa owihanke wanin wiconi waskuyeca mnayan ece; hecen on tona woju, qa tona mnaye cin napin wiyuśkinpi kta.
37Wanji woju qa wanji mnayan, eyapi qon dee e wicakapi.
38Niye ḣtayanipi śni tuka wamnayanpi he econ ciśipi. Wicaśta tokeca ḣtanipi unkan he ḣtanipi kin en niye oyapapi.
39Winoḣinca kin, Token ecamon qon owasin omiciyaka ce, eye ciqon heon wicaśta Samariya oyate otonwe kin he en ota Messiya hee kin wicadapi.
40Heon Samariya oyate Jesus en hipi qa cekiyapi, iye tipi kin en un śipi. Unkan nonpa can hen un.
41Unkan ia naḣonpi kin hehan wicota wicadapi.
42Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.
43Anpetu nonpa iyohakam hehan hetanhan ye c̣a Galile heciya hda.
44Jesus iye atayedan hdaotanin, wicasta wokcan kin heca iye tamakoce kin en yuonihanpi śni ece.
45Unkan Galile ekta ki, hehan Galile wicaśta kin iyowinkiyapi, Jerusalem ekta wośnapi kin icunhan taku econ qon owasin wanyakapi kin heon etanhan; iś eya wośnapi kin ekta ipi nakaeś.
46Unkan Galile en Kana otonwe kin, mini ikceka miniśa icaḣye ciqon he ake en hdi. Unkan Kapernaum ekta wicaśta itancan wanji cinhintku wayazanka:
47He Jesus Juda makoce kin hetanhan Galile en hi, naḣon kin heon ekta ye c̣a cekiya, cinhintku kin asniye kta e ekta u kta; wanna te kta ikiyedan.
48Hehan Jesus heciya; Taku wowanyake wowapetokeca ko wandakapi śni keś wicayadapi kte śni ce.
49Unkan wicaśta itancan kin heciya; Itancan, micinkśi ṭe śni itokam kun u wo.
50Tuka Jesus heciya; Hunktiya wo, nicinkśi ni ce. Unkan wicaśta kin Jesus ie cin wicada, qa ekta hda.
51Tiyatakiya hda, unkan wicaśta wowidake wicayuhe cin awicakipa, unkan, Nicinkśi kin ni ce, eya okiciyakapi.
52Wi kin tohan yanka hehan asni aya he, eya iwicawanga. Unkan, Ḣtanihan wiyotanhan kitanna inaśdoka, hetanhan tancan kata ayuśtan ce, eyapi.
53Unkan atkuku kim tohan Jesus, Nicinkśi ni ce, eciye ciqon hehantu e kiksuya. Unkan iye qa tiyohnaka tawa koya wicadapi.
54Jesus Juda makoce etanhan Galile icicawin en hdi, wowapetokeca econ kin icinonpa kin he dee
Currently Selected:
Johannes 4: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Johannes 4
4
1Jesus waonspewicakiya ota ic̣icage c̣a baptem wicaqu, Johannes econ qon sam iyeya, Pharisee kin hecen naḣonpi, he Itancan kin sdonya.
2Tuka Jesus iye atayedan baptem wicaqu śni, waonspewicakiye cin hena heconpi.
3Hehan Juda makoce kin ayuśtan, qa Galile heciya ake ekta hda.
4Qa Samariya he en acankuye kta iyececu.
5Hecen otonwe wan Sukar eciyapi Samariya makoce en, Joseph en ounye kta e Jakob atkuku qu qon he ikiyedan, he ekta hi.
6Jakob miniyowe town kin he etu; Jesus mdokite hda, qa miniyowe kin he ahankeya iyotanka. Anpetu kin he en wiyotanhe cin hehantu.
7Samariya oyate etanhan winoḣinca wan mini huwe hi; unkan Jesus, Mini maqu wo, eciya.
8He icunhan waonspewicakiye cin otonwe kin ekta taku yutapi opeton iyayapi.
9Winoḣinca Samariya oyate etanhan qon hecen eya, Juda wicaśta kin henica, Samariya oyate kin hematanhan, he tokeca e mini mayakida he. Juda oyate Samariya oyate kici takudan ikicitukapi wanice ciqon.
10Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.
11Itancan, mini kin de temahentuya hiyeya qa takudan on edaku kte śni; tokiya tanhan mini wiconi kin duha he, winoḣinca kin eciya.
12Jakob ateunyanpi miniyowe kin de unqupi, qa etanhan iye mini yatkan, qa cinca qa tawanunyanpi ko, he hecon tuka niye iniyotan he.
13Unkan Jesus ayupte ca heciya; Tuwe mini kin de etanhan yatke cin nakun ipuza kta;
14Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.
15Unkan winoḣinca kin heciya; Itancan, mini kin he etanhan maqu ye, hecen imapuza kte śni, qa nakun icimana mini kin de huwe wahi kte śni, eya.
16Unkan, Nihihna kico ya wo, qa den kici hi wo, Jesus eciya
17Tuka winoḣinca kin waayupte c̣a heciya; Mihihna kin wanica ce. Nihihna wanica kehe cin he hecetu e ecen eha ce;
18Nihihna zaptan, tuka nakaha hihnayaye cin de nitawa śni; hecen ehe cin he wicayaka ce, Jesus eciya.
19Hehan winoḣinca kin heciya; Itancan, wicaśta wokcan kin henica imdukcan;
20Hunkake wicunyanpi paha kin de en ohodapi ece; tuka niye, Jerusalem he en wicaśta ohodapi ece e kta, kehapi ce.
21Unkan Jesus heciya; Winoḣinca, wicamada wo, anpetu wan u ce, paha kin de en, qa Jerusalem nakun en, Ateyapi kin ohoyadapi kte śni.
22Niye taku ohoyadapi kin sdonyayapi śni; unkiye taku ohoundapi kin sdonunyanpi ece. Juda oyate kin eciyatanhan wanikiyapi kin u ce.
23Tuka anpetu u kin he wanna hiyohi, tona wowicake eciyatanhan ohodapi kin hena woksape wowicake eciyatanhan Ateyapi kin ohodapi kta. Ateyapi kin he tona hecen ohodapi kte cin akita ece.
24Woksape kin he Wakantanka kin ee; qa tona ohoda kinhan hena woksape wowicake eciyatanhan ohoda kta.
25Hehan winoḣinca kin heciya; Messiya Sdayapi eyapi kin hi kta, tohan hi kinhan taku kin owasin unkokiyakapi kta e sdonwaya.
26He miye e ociciya ce, Jesus eciya.
27He icunhan waonspewicakiye cin en hdipi, qa winoḣinca kin kici okiciciya un kin heon yuśinyayapi. Tuka wanjidun; Taku ayakita he; qa, Tokeca kici iyaa he, eyapi śni.
28Hehan winoḣinca kin wakiśkokpa eḣpeya kihde c̣a, otonwe kin ekta ki, qa wicaśta kin hewicakiya;
29Wicaśta wan taku ecamon qon owasin omiciyake cin he ito wanyagu miye. He Messiya kin ee śni he.
30Hehan otonwe kin etanhan enanpa, qa yanke cin en ai.
31He icunhan waonspewicakiye cin cekiyapi qa, Itancan, wota wo, eciyapi.
32Tuka iye hewicakiya; Taku yutapi sdonyayapi śni kin heca wate kta e mduha ce.
33Heon, Tuwe taku yutapi kahi he, wonspewicakiye cin ekiciyapi.
34Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.
35Ehake wi topa kinhan taku mnaunyanpi kta ce, ehapi. Tuka miś kaken eciciyapi; Wankan etonwanpi qa maga kin wanyaka po, wanna owasin ska qa mnayanpi kin wanna iyehantu.
36Qa tuwe taku mnaye cin he wokajuju icu ece, qa owihanke wanin wiconi waskuyeca mnayan ece; hecen on tona woju, qa tona mnaye cin napin wiyuśkinpi kta.
37Wanji woju qa wanji mnayan, eyapi qon dee e wicakapi.
38Niye ḣtayanipi śni tuka wamnayanpi he econ ciśipi. Wicaśta tokeca ḣtanipi unkan he ḣtanipi kin en niye oyapapi.
39Winoḣinca kin, Token ecamon qon owasin omiciyaka ce, eye ciqon heon wicaśta Samariya oyate otonwe kin he en ota Messiya hee kin wicadapi.
40Heon Samariya oyate Jesus en hipi qa cekiyapi, iye tipi kin en un śipi. Unkan nonpa can hen un.
41Unkan ia naḣonpi kin hehan wicota wicadapi.
42Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.
43Anpetu nonpa iyohakam hehan hetanhan ye c̣a Galile heciya hda.
44Jesus iye atayedan hdaotanin, wicasta wokcan kin heca iye tamakoce kin en yuonihanpi śni ece.
45Unkan Galile ekta ki, hehan Galile wicaśta kin iyowinkiyapi, Jerusalem ekta wośnapi kin icunhan taku econ qon owasin wanyakapi kin heon etanhan; iś eya wośnapi kin ekta ipi nakaeś.
46Unkan Galile en Kana otonwe kin, mini ikceka miniśa icaḣye ciqon he ake en hdi. Unkan Kapernaum ekta wicaśta itancan wanji cinhintku wayazanka:
47He Jesus Juda makoce kin hetanhan Galile en hi, naḣon kin heon ekta ye c̣a cekiya, cinhintku kin asniye kta e ekta u kta; wanna te kta ikiyedan.
48Hehan Jesus heciya; Taku wowanyake wowapetokeca ko wandakapi śni keś wicayadapi kte śni ce.
49Unkan wicaśta itancan kin heciya; Itancan, micinkśi ṭe śni itokam kun u wo.
50Tuka Jesus heciya; Hunktiya wo, nicinkśi ni ce. Unkan wicaśta kin Jesus ie cin wicada, qa ekta hda.
51Tiyatakiya hda, unkan wicaśta wowidake wicayuhe cin awicakipa, unkan, Nicinkśi kin ni ce, eya okiciyakapi.
52Wi kin tohan yanka hehan asni aya he, eya iwicawanga. Unkan, Ḣtanihan wiyotanhan kitanna inaśdoka, hetanhan tancan kata ayuśtan ce, eyapi.
53Unkan atkuku kim tohan Jesus, Nicinkśi ni ce, eciye ciqon hehantu e kiksuya. Unkan iye qa tiyohnaka tawa koya wicadapi.
54Jesus Juda makoce etanhan Galile icicawin en hdi, wowapetokeca econ kin icinonpa kin he dee
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.