Lukas 11
11
1Unkan tukten cekiya un, qa ayaśtan qehan waonspewicakiye cin wanji heciya; Itancan, wocekiye eya onspeunkiya po, Johannes waonspewicakiye cin onspewicakiye ciqon he iyececa.
2Unkan hewicakiya; Ceyakiyapi kinhan kaken eya po; Ateunyanpi maḣpiya ekta nanke cin, nicaje wakandapi nunwe: Nitokiconze kin u kte: Maḣpiya ekta nitawacin econpi kin he iyecen maka akan econpi nunwe.
3Anpetu otoiyohi anpetu woyute unqu po.
4Qa waunḣtanipi kin unkicicajuju miye, unkiś tona śicaya ecaunkiconpi wicunkicicajujupi kin he iyececa. Qa taku wawiyutanyan un kin en unkayapi śni po; tuka taku śice cin etanhan eunhdaku po.
5Unkan hewicakiya; Niyepi kid wanji tuwe kodayayapi, qa hanye cokaya ekta yaipi, qa heyakiyapi; Koda, aguyapi yamni omaqu wo:
6Mitakoda wanji icimani hi, tuka taku itokam ewahnake kta takudan mduhe śni ce.
7Hehan iye timahen tanhan waayupte, c̣a heye kta; Nagiyemaye śni wo; tiyopa wanna natakapi, qa micinca om mahen imunka; hecen nawajin qa cic̣u kta owakitpani ce.
8Heciciyapi; He kodaya on etanhan najin qa qu kte śni qeyaś, nina kitan kin heon etanhan, najin qa tona cin kinhan qu kta ce.
9Nakun heciciyapi; Da po, kinhan nic̣upi kta; akita po, kinhan iyeyapi kta; katoto po, kinhan niciyuḣdokapi ece e kta.
10Tuwe da eca he icu ece; qa tuwe akita eca he iyeya ece; qa tuwe katoto eca he kiciyuḣdokapi ece e kta.
11Cinca niyukanpi kin, wanji tukte cinhintku aguyapi kida kinhan, inyan wan qu kta he; qa iś hogan wan da kinhan, hogan on wamduśka wan qu kta he.
12Qa iś witka wanji da kinhan sinteḣda wan qu kta he.
13Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.
14Hehan wakan śica wanji tankan iyayeya, unkan ia okitpani. Unkan wakan śice cin wanna tankan hinape c̣ehan, ia okitpani qon hehan ia; hecen oyate kin inihanpi.
15Tuka apa heyapi; Beelzebub wakan śica itancan kin he eciyatanhan wakan śica napewicaya ece.
16Qa apa toktokeca iś iyutanyanpi kta on maḣpiya eciyatanhan wowapetokeca kidapi.
17Tuka tawacinpi kin sdonwicaye c̣a hewicakiya; Wokiconze kin tona iye iyakitedan kicipajinpi kin hena atakuni śni ece; qa tipi wanji iye ic̣ipajin kinhan he jujuwahan ece.
18Qa Satan iś iye ic̣ipajin kinhan tokiconze kin he token ecin ecen he kta he. Beelzebub eciyatanhan wakan śica napewicawaya ece, kehapi kin heon etanhan.
19Unkan miye Beelzebub eciyatanhan wakan śica napewicawaya ehantanhan, niye nicincapi kin hena tuwe eciyatanhan napewicayapi he; hecen iyepi kin niciyukcanpi kta.
20Tuka miye Wakantanka napsukaza on wakan śica napewicawaya ehantanhan, Wakantanka tokiconze kin awicakehan nihiyohipi ce.
21Wicaśta wan waśake c̣a wipe ton ti awanhdake cinhan, hecen woyuha tawa kin tanyan hiyeya ece.
22Tuka wanji ikapeya waśake cin he takpe hi, qa ktedan kinhan, tawipe wacinkiye ciqon he owasin ekiciyaku, hehan taku tawa qon pamni ece.
23Tuwe micica śni kin he makipajin; qa tuwe miciwapahi śni kin he wayumdeca ece.
24Woniya śapa kin wicaśta wan etanhan hinanpa eca makoce puze cin en ece un, qa oziic̣iye kta akita; tuka takudan iyeye śni kinhan, hehan heya; Wati etanhan wahinawape ciqon he ake ekta wahde kta ce.
25Unkan en hdi eca, wanna kahintapi qa ayuco yuśtanpi iyekiya ece.
26Hecen tokiya ye c̣a, woniya toktokeca iye kin isanpa wicaśtapiśni śakowin ewicayaku, qa hena en yapi, qa otipi: hecen wicaśta kin he otokahe kin isanpa oehake kin he śica ece.
27Unkan hena hecekcen eya icunhan, wicota kin etanhan winoḣinca wan ho wankan yeye c̣a heciya; Wicitpi etanhan inicage cin he, qa aze dazoke cin hena yawaśtepi ce.
28Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.
29Unkan oyate kin wanna en himniciyapi qehan, hewicakiya; Wicoicage kin de śica; wowapetokeca akitapi, tuka wowapetokeca takudan wicaqupi kte śni; Jonas waayate ciqon wowapetokeca tawa kin heceedan.
30Ninewe oyate kin Jonas wowapetokeca yuhapi qon, he iyecen wicoicage kin de Wicaśta Cinhintku kin wowapetokeca yuhapi kta.
31Woyaco kin ekta itokaga wicaśtayatapi winoḣinca qon he wicoicage kin de itkom nawicajin, qa wicayaco kta; he iye maka owihanke tanhan Solomon toksape kin naḣon hi; unkan iho, wanji Solomon isanpa tanka den un ce.
32Woyaco kin ekta Ninewe wicaśta kin hena wicoicage kin de on inajinpi kta, qa yacopi kta; he iye Jonas wowicakiyake cin on iyopeic̣iyapi; unkan inyun, wanji Jonas isanpa tanka den un ce.
33Tuwedan petijanjan wan ideya eca naḣmana ehde śni, qa iś ohna wiyutapi kin iyahdapśinyan hnake śni; tuka petijanjan ihupa wan akan ehde ece; qa hecen tona en hipi kinhan ojanjan kin wanyakapi kte.
34Wicatancan iyoyanpa kin wiciśta kin hee: heon etanhan niiśta kin hecetu kinhan, nitancan kin iś eya iyoyanpa ojudan ece; tuka niiśta kin he śica eca, nitancan kin iś eya ocowasin otpaza ojudan ece.
35Hecen iyoyanpa en niun kin he otpaze kte śni e wakta wo.
36Heon nitancan kin ocowasin iyoyanpa ojudan, qa tuktedan otpaze śni ehantanhan, petijanjan wan yeḣya ide iyoyamniyan kin he iyecen ocowasin iyoyanpa ojudan kta ce.
37Unkan heya icunhan Pharisee wan kico: hecen en i, qa wote kta iyotanka.
38Unkan wote śni itokam ihdujaja śni kin he Pharisee qon wanyake c̣ehan, inihan.
39Unkan Itancan kin heciya; Niye Pharisee kin, miniyatkan wakśica ko akapatanhan duskapi ece; tuka mahen tanhan wawicakipi wicoḣan śica ko onijupidan ece.
40Winitkotkopike cin, akapatanhan un kin he tuwe kaga hecinhan, he iś mahen un kin nakun kage śni he.
41Tuka taku duhapi kin etanhanhan wicaqu po; kinhan taku owasin niciskapi kta ece.
42Tuka Pharisee kin niyepi woteḣi niciyankapi ece; ceyakata, wacanga, waḣpe waśtemna ko owasin etanhan iwikcemnamna wicayaqupi ece; tuka wicoḣan owotanna Wakantanka waśtedakapi ko, hena acayakśinpi ece; dena e is ecen ecanonpi kta, qa unma qon oyakaptapi kte śni tuka.
43Pharisee kin niyepi woteḣi niciyankapi ece; omniciye tipi kin en oyanke waśteśte kin hena waśteyadakapi ece, nakun wopeton tipi kin ekta yaonihanyan oniciyapi kin.
44Wowapi kagapi qa Pharisee, wanaic̣iḣmanpi kin, woteḣi niciyankapi ece; wicaśta hnakapi tanin śni hiyeye c̣a wicaśta kin sdonye śni amanipi kin henicecapi ece.
45Unkan hehan wicoope aiapi kin heca wanji waayupte, c̣a heciya; Waonspekiye cin, hecen eha eca, unkiś eya ienunyahdepi ece.
46Unkan heya; Wicoope aiapi kin niś eya wotehi niciyankapi ece; waqinpi qinpi teḣika wicaśta qinwicayakiyapi ece qa niyepi kin napsukaza wanjidan on waqinpi kin dutanpi kte śni.
47Woteḣi niciyankapi ece; wicaśta wokcan wicahnakapi kin hena niye yakagapi, qa niyatepi kin hena wicaktepi qon.
48Atewicayayapi oḣanyanpi qon iyowinwicayakiyapi e awicakehan nihduotaninpi; he iye hena wicaktepi e wicakapi, qa niye wicaśta hnakapi kin wicayecagapi ece.
49Heon iś eya Wakhntanka toksape kin heya; Waayatapi qa wahośiyapi heca ekta yewicawaśi kta ce; unkan apa wicaktepi, qa onśiya wicakuwapi kta;
50Hecen maka kagapi kin ehantanhan wicaśta wokcanpi we papsonpi kin he owasin wicoicage kin de iwicawangapi kta;
51Abel we kin hetanhan, qa Zacariyas tipi wakan wahna wośnapi kin okitahedan awihnuni qon he we kin iyahdeya: Awicakehan heciciyapi, He wicoicage kin de etanhan iwicawangapi kta ce.
52Niye wicoope aiapi kin woteḣi niciyankapi ece; niś wosdonye iyuḣdoka yutokan edakupi, qa niye ohna idadapi śni, qa tona ohna iyayapi kte cin hena anawicayaptapi ece.
53Unkan hepa hecekcen ewicakiya icunhan, wowapi kagapi qa Pharisee kin taku ota eyekiyapi kta e nina ḣin nagiyeyapi:
54Taku iyaonpapi kta akitapi, heon taku i kin etanhan inanpe kta on hmunkapi kta iyapepi.
Currently Selected:
Lukas 11: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Lukas 11
11
1Unkan tukten cekiya un, qa ayaśtan qehan waonspewicakiye cin wanji heciya; Itancan, wocekiye eya onspeunkiya po, Johannes waonspewicakiye cin onspewicakiye ciqon he iyececa.
2Unkan hewicakiya; Ceyakiyapi kinhan kaken eya po; Ateunyanpi maḣpiya ekta nanke cin, nicaje wakandapi nunwe: Nitokiconze kin u kte: Maḣpiya ekta nitawacin econpi kin he iyecen maka akan econpi nunwe.
3Anpetu otoiyohi anpetu woyute unqu po.
4Qa waunḣtanipi kin unkicicajuju miye, unkiś tona śicaya ecaunkiconpi wicunkicicajujupi kin he iyececa. Qa taku wawiyutanyan un kin en unkayapi śni po; tuka taku śice cin etanhan eunhdaku po.
5Unkan hewicakiya; Niyepi kid wanji tuwe kodayayapi, qa hanye cokaya ekta yaipi, qa heyakiyapi; Koda, aguyapi yamni omaqu wo:
6Mitakoda wanji icimani hi, tuka taku itokam ewahnake kta takudan mduhe śni ce.
7Hehan iye timahen tanhan waayupte, c̣a heye kta; Nagiyemaye śni wo; tiyopa wanna natakapi, qa micinca om mahen imunka; hecen nawajin qa cic̣u kta owakitpani ce.
8Heciciyapi; He kodaya on etanhan najin qa qu kte śni qeyaś, nina kitan kin heon etanhan, najin qa tona cin kinhan qu kta ce.
9Nakun heciciyapi; Da po, kinhan nic̣upi kta; akita po, kinhan iyeyapi kta; katoto po, kinhan niciyuḣdokapi ece e kta.
10Tuwe da eca he icu ece; qa tuwe akita eca he iyeya ece; qa tuwe katoto eca he kiciyuḣdokapi ece e kta.
11Cinca niyukanpi kin, wanji tukte cinhintku aguyapi kida kinhan, inyan wan qu kta he; qa iś hogan wan da kinhan, hogan on wamduśka wan qu kta he.
12Qa iś witka wanji da kinhan sinteḣda wan qu kta he.
13Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.
14Hehan wakan śica wanji tankan iyayeya, unkan ia okitpani. Unkan wakan śice cin wanna tankan hinape c̣ehan, ia okitpani qon hehan ia; hecen oyate kin inihanpi.
15Tuka apa heyapi; Beelzebub wakan śica itancan kin he eciyatanhan wakan śica napewicaya ece.
16Qa apa toktokeca iś iyutanyanpi kta on maḣpiya eciyatanhan wowapetokeca kidapi.
17Tuka tawacinpi kin sdonwicaye c̣a hewicakiya; Wokiconze kin tona iye iyakitedan kicipajinpi kin hena atakuni śni ece; qa tipi wanji iye ic̣ipajin kinhan he jujuwahan ece.
18Qa Satan iś iye ic̣ipajin kinhan tokiconze kin he token ecin ecen he kta he. Beelzebub eciyatanhan wakan śica napewicawaya ece, kehapi kin heon etanhan.
19Unkan miye Beelzebub eciyatanhan wakan śica napewicawaya ehantanhan, niye nicincapi kin hena tuwe eciyatanhan napewicayapi he; hecen iyepi kin niciyukcanpi kta.
20Tuka miye Wakantanka napsukaza on wakan śica napewicawaya ehantanhan, Wakantanka tokiconze kin awicakehan nihiyohipi ce.
21Wicaśta wan waśake c̣a wipe ton ti awanhdake cinhan, hecen woyuha tawa kin tanyan hiyeya ece.
22Tuka wanji ikapeya waśake cin he takpe hi, qa ktedan kinhan, tawipe wacinkiye ciqon he owasin ekiciyaku, hehan taku tawa qon pamni ece.
23Tuwe micica śni kin he makipajin; qa tuwe miciwapahi śni kin he wayumdeca ece.
24Woniya śapa kin wicaśta wan etanhan hinanpa eca makoce puze cin en ece un, qa oziic̣iye kta akita; tuka takudan iyeye śni kinhan, hehan heya; Wati etanhan wahinawape ciqon he ake ekta wahde kta ce.
25Unkan en hdi eca, wanna kahintapi qa ayuco yuśtanpi iyekiya ece.
26Hecen tokiya ye c̣a, woniya toktokeca iye kin isanpa wicaśtapiśni śakowin ewicayaku, qa hena en yapi, qa otipi: hecen wicaśta kin he otokahe kin isanpa oehake kin he śica ece.
27Unkan hena hecekcen eya icunhan, wicota kin etanhan winoḣinca wan ho wankan yeye c̣a heciya; Wicitpi etanhan inicage cin he, qa aze dazoke cin hena yawaśtepi ce.
28Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.
29Unkan oyate kin wanna en himniciyapi qehan, hewicakiya; Wicoicage kin de śica; wowapetokeca akitapi, tuka wowapetokeca takudan wicaqupi kte śni; Jonas waayate ciqon wowapetokeca tawa kin heceedan.
30Ninewe oyate kin Jonas wowapetokeca yuhapi qon, he iyecen wicoicage kin de Wicaśta Cinhintku kin wowapetokeca yuhapi kta.
31Woyaco kin ekta itokaga wicaśtayatapi winoḣinca qon he wicoicage kin de itkom nawicajin, qa wicayaco kta; he iye maka owihanke tanhan Solomon toksape kin naḣon hi; unkan iho, wanji Solomon isanpa tanka den un ce.
32Woyaco kin ekta Ninewe wicaśta kin hena wicoicage kin de on inajinpi kta, qa yacopi kta; he iye Jonas wowicakiyake cin on iyopeic̣iyapi; unkan inyun, wanji Jonas isanpa tanka den un ce.
33Tuwedan petijanjan wan ideya eca naḣmana ehde śni, qa iś ohna wiyutapi kin iyahdapśinyan hnake śni; tuka petijanjan ihupa wan akan ehde ece; qa hecen tona en hipi kinhan ojanjan kin wanyakapi kte.
34Wicatancan iyoyanpa kin wiciśta kin hee: heon etanhan niiśta kin hecetu kinhan, nitancan kin iś eya iyoyanpa ojudan ece; tuka niiśta kin he śica eca, nitancan kin iś eya ocowasin otpaza ojudan ece.
35Hecen iyoyanpa en niun kin he otpaze kte śni e wakta wo.
36Heon nitancan kin ocowasin iyoyanpa ojudan, qa tuktedan otpaze śni ehantanhan, petijanjan wan yeḣya ide iyoyamniyan kin he iyecen ocowasin iyoyanpa ojudan kta ce.
37Unkan heya icunhan Pharisee wan kico: hecen en i, qa wote kta iyotanka.
38Unkan wote śni itokam ihdujaja śni kin he Pharisee qon wanyake c̣ehan, inihan.
39Unkan Itancan kin heciya; Niye Pharisee kin, miniyatkan wakśica ko akapatanhan duskapi ece; tuka mahen tanhan wawicakipi wicoḣan śica ko onijupidan ece.
40Winitkotkopike cin, akapatanhan un kin he tuwe kaga hecinhan, he iś mahen un kin nakun kage śni he.
41Tuka taku duhapi kin etanhanhan wicaqu po; kinhan taku owasin niciskapi kta ece.
42Tuka Pharisee kin niyepi woteḣi niciyankapi ece; ceyakata, wacanga, waḣpe waśtemna ko owasin etanhan iwikcemnamna wicayaqupi ece; tuka wicoḣan owotanna Wakantanka waśtedakapi ko, hena acayakśinpi ece; dena e is ecen ecanonpi kta, qa unma qon oyakaptapi kte śni tuka.
43Pharisee kin niyepi woteḣi niciyankapi ece; omniciye tipi kin en oyanke waśteśte kin hena waśteyadakapi ece, nakun wopeton tipi kin ekta yaonihanyan oniciyapi kin.
44Wowapi kagapi qa Pharisee, wanaic̣iḣmanpi kin, woteḣi niciyankapi ece; wicaśta hnakapi tanin śni hiyeye c̣a wicaśta kin sdonye śni amanipi kin henicecapi ece.
45Unkan hehan wicoope aiapi kin heca wanji waayupte, c̣a heciya; Waonspekiye cin, hecen eha eca, unkiś eya ienunyahdepi ece.
46Unkan heya; Wicoope aiapi kin niś eya wotehi niciyankapi ece; waqinpi qinpi teḣika wicaśta qinwicayakiyapi ece qa niyepi kin napsukaza wanjidan on waqinpi kin dutanpi kte śni.
47Woteḣi niciyankapi ece; wicaśta wokcan wicahnakapi kin hena niye yakagapi, qa niyatepi kin hena wicaktepi qon.
48Atewicayayapi oḣanyanpi qon iyowinwicayakiyapi e awicakehan nihduotaninpi; he iye hena wicaktepi e wicakapi, qa niye wicaśta hnakapi kin wicayecagapi ece.
49Heon iś eya Wakhntanka toksape kin heya; Waayatapi qa wahośiyapi heca ekta yewicawaśi kta ce; unkan apa wicaktepi, qa onśiya wicakuwapi kta;
50Hecen maka kagapi kin ehantanhan wicaśta wokcanpi we papsonpi kin he owasin wicoicage kin de iwicawangapi kta;
51Abel we kin hetanhan, qa Zacariyas tipi wakan wahna wośnapi kin okitahedan awihnuni qon he we kin iyahdeya: Awicakehan heciciyapi, He wicoicage kin de etanhan iwicawangapi kta ce.
52Niye wicoope aiapi kin woteḣi niciyankapi ece; niś wosdonye iyuḣdoka yutokan edakupi, qa niye ohna idadapi śni, qa tona ohna iyayapi kte cin hena anawicayaptapi ece.
53Unkan hepa hecekcen ewicakiya icunhan, wowapi kagapi qa Pharisee kin taku ota eyekiyapi kta e nina ḣin nagiyeyapi:
54Taku iyaonpapi kta akitapi, heon taku i kin etanhan inanpe kta on hmunkapi kta iyapepi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.