Lukas 14
14
1Unkan Pharisee itancan wanji ti kin en anpetu wakan icunhan wote kta tin iyaya; unkan Pharisee kin awanyag kuwapi.
2Unkan iho, wicaśta wan dropsi ececa kin he itokam yanka.
3Hehan Jesus waayupte c̣a, wicoope aiapi kin, qa Pharisee kin hena hewicakiya; Anpetu wakan icunhan waasniyanpi kte cin iyowinwicakiyapi he.
4Tuka inina unpi. Hehan wicaśta qon eyaku, qa asniye, c̣a hdeśi;
5Qa waayupte, c̣a hewicakiya; Niyepi kin wanji tatanka qa iś śonśonna yatonpi, qa anpetu wakan icunhan makoḣdoka wan ohinḣpaye cinhan, wancake hdicuyakiyapi śni naceca he.
6Unkan hena on ayuptapi kta okitpanipi.
7Unkan wicakicopi kin wiyacinpi wan owicakiyaka, oyanke tokapa ece kaḣnigapi kin he wanyake c̣ehan; qa hewicakiya;
8Tuwe tohan kiciyuzapi kin ekta nicopi kinhan, oyanke tokapa kin en iyotanke śni wo; okinni nikapeya kinihanpi wanji kicopi kta;
9Kinhan, sakim nicopi kin he u, qa, Wicaśta kin de kiyukan wo, eniciye cinhan, hehan hinakaha wowiśtenya oyanke hakakta kin hee ekta idotanke kta ce.
10Tuka nicopi kinhan ye, c̣a oyanke hakakta kin en iyotanka wo; hecen nico kin he tohan u kinhan, Koda, wankan wapa ya wo, eniciye kta; hecen om wota idotanke cin hena niyuonihanpi kta.
11Tuwe kaśta ihduwankantu kinhan, hee yuhukun iyayeyapi kta ce; qa tuwe ihduhukuye cinhan, hee yuwankantuya ayapi ece e kta.
12Unkan hehan kico qon he heciya; tohan wiyotanhan wotapi, qa iś ḣtayetu wotapi yakage cinhan, kodawicayaye, c̣a nihunkawanji, qa takuwicayaye cin, qa nikiyedan wijinya unpi kin, hena wicakico śni wo; iś ake okinni nicopi, qa hecen nicicajujupi kta.
13Tuka wotapi wan yakage cinhan, waḣpanicapi, qa huha ksawahanpi, qa huśtepi, qa iśtagongapi kin, hena wicakico wo;
14Kinhan niyawaśtepi kta ce; hena nicicajujupi kta okitpanipi nakaeś, owotanpidan kinipi kte cin ekta nicicajujupi kta ce, eya.
15Unkan opeya wota yankapi kin etanhan wanji hena hecen eya naḣon qehan, heciya; Wakankanka tokiconze kin en tuwe aguyapi yute kta hecinhan hee yawaśtepi ce.
16Unkan hehan heciya; Wicaśta wan ḣtayetu wotapi wan tanka kage, c̣a wicota wicakico:
17Qa wotapi kta wanna iyehantu, hehan taokiye wan wicakicopi qon hewicakiye kta ye śi; U po, wanna taku owasin wiyeya hiyeya ce.
18Unkan owasin okonwanjidan ihdatokanpi. Tokaheya kin he heciya; Makoce onśpa opewaton, qa he wanhdag mde kta iyececa; ceciciya ce, micunni wo.
19Unkan wanji tokeca heya; Tatanka tazaptan opewaton, qa iwicahdute mde kta; ceciciya ce, micunni wo.
20Unkan wanji tokeca heya; Winoḣinca wan mduza, hecen wau owakitpani ce.
21Unkan hecen ookiye qon he ku, qa heyapi kin yuhe cin ecen okiyaka. Unkan hinakaha tipi tawa kin śihda, qa taokiye qon heciya; Koyaḣan wo, qa otonwe canku kin ekta ye, c̣a waḣpanicapi kin, huha ksawahanpi, huśtepi, iśtagongapi kin, hena den awicau wo, eya.
22Unkan ookiye qon heya; Itancan kin, ehe cin he wanna ecen econpi, tuka nahaḣin okan ce, eya.
23Unkan Itancan kin ookiye qon heciya; Ocanku ḣince cin, qa maḣinatake ektakta ye, c̣a uwicakiya wo, hecen wati kin ojudan kta.
24Heciciya ce; Wicakicopi qon wanjidan kaeś wowahe cin etanhan onśpadan yutapi kte śni ce, eya.
25Unkan wicota ḣinca kioi yapi; hehan ihduhomni qa hewicakiya;
26Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.
27Qa tuwe kaśta cansusbeca kin kicin, qa miyahna u śni ehantanhan, waonspewicawakiye cin wanji ce kta okitpani ce.
28Niyepi kin wanji conkaśke yakagapi kta kecannipi ehantanhan, ito tokaheya idotankapi, qa yahduśtanpi kte cin iyena yatonpi hecinhan, he iyahdukcanpi śni he.
29Hecanonpi śni kinhan, okinni oahehde kin he wanna eyahnakapi, qa yahduśtanpi kte cin oyakitpanipi kinhan, tona wanyakapi kinhan owasin iniḣapi, qa heyapi kta;
30Wicaśta kin de taku kage kta, tuka hduśtan kta okihi śni ce.
31Qa nakun wicaśtayatapi wan wicaśtayatapi tokeca azuye kte cinhan, ito tokaheya iyotanke, c̣a iye kektopawinge wikcemna wicayuhe cin hena on, tuwe kektopawinge wikcenma nonpa yuha takpe u kin he itkokipa okihi kta hecinhan, he ihdukcan śni naceca he.
32Qa iś, unma kin hinaḣin itehan un, tuwe ekta ye śi, qa wokiyapi kida naceca.
33Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.
34Miniskuya he waśte; tuka miniskuya woskuye kin en un śni ehantanhan, taku ecin on skuya kagapi kta he.
35Maga qa watuśekśeca paha kin unmana on waśte śni; tuka tankan eḣpeyapi ece. Tuwe noge winaḣon yukan hecinhan, naḣon kta ce.
Currently Selected:
Lukas 14: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Lukas 14
14
1Unkan Pharisee itancan wanji ti kin en anpetu wakan icunhan wote kta tin iyaya; unkan Pharisee kin awanyag kuwapi.
2Unkan iho, wicaśta wan dropsi ececa kin he itokam yanka.
3Hehan Jesus waayupte c̣a, wicoope aiapi kin, qa Pharisee kin hena hewicakiya; Anpetu wakan icunhan waasniyanpi kte cin iyowinwicakiyapi he.
4Tuka inina unpi. Hehan wicaśta qon eyaku, qa asniye, c̣a hdeśi;
5Qa waayupte, c̣a hewicakiya; Niyepi kin wanji tatanka qa iś śonśonna yatonpi, qa anpetu wakan icunhan makoḣdoka wan ohinḣpaye cinhan, wancake hdicuyakiyapi śni naceca he.
6Unkan hena on ayuptapi kta okitpanipi.
7Unkan wicakicopi kin wiyacinpi wan owicakiyaka, oyanke tokapa ece kaḣnigapi kin he wanyake c̣ehan; qa hewicakiya;
8Tuwe tohan kiciyuzapi kin ekta nicopi kinhan, oyanke tokapa kin en iyotanke śni wo; okinni nikapeya kinihanpi wanji kicopi kta;
9Kinhan, sakim nicopi kin he u, qa, Wicaśta kin de kiyukan wo, eniciye cinhan, hehan hinakaha wowiśtenya oyanke hakakta kin hee ekta idotanke kta ce.
10Tuka nicopi kinhan ye, c̣a oyanke hakakta kin en iyotanka wo; hecen nico kin he tohan u kinhan, Koda, wankan wapa ya wo, eniciye kta; hecen om wota idotanke cin hena niyuonihanpi kta.
11Tuwe kaśta ihduwankantu kinhan, hee yuhukun iyayeyapi kta ce; qa tuwe ihduhukuye cinhan, hee yuwankantuya ayapi ece e kta.
12Unkan hehan kico qon he heciya; tohan wiyotanhan wotapi, qa iś ḣtayetu wotapi yakage cinhan, kodawicayaye, c̣a nihunkawanji, qa takuwicayaye cin, qa nikiyedan wijinya unpi kin, hena wicakico śni wo; iś ake okinni nicopi, qa hecen nicicajujupi kta.
13Tuka wotapi wan yakage cinhan, waḣpanicapi, qa huha ksawahanpi, qa huśtepi, qa iśtagongapi kin, hena wicakico wo;
14Kinhan niyawaśtepi kta ce; hena nicicajujupi kta okitpanipi nakaeś, owotanpidan kinipi kte cin ekta nicicajujupi kta ce, eya.
15Unkan opeya wota yankapi kin etanhan wanji hena hecen eya naḣon qehan, heciya; Wakankanka tokiconze kin en tuwe aguyapi yute kta hecinhan hee yawaśtepi ce.
16Unkan hehan heciya; Wicaśta wan ḣtayetu wotapi wan tanka kage, c̣a wicota wicakico:
17Qa wotapi kta wanna iyehantu, hehan taokiye wan wicakicopi qon hewicakiye kta ye śi; U po, wanna taku owasin wiyeya hiyeya ce.
18Unkan owasin okonwanjidan ihdatokanpi. Tokaheya kin he heciya; Makoce onśpa opewaton, qa he wanhdag mde kta iyececa; ceciciya ce, micunni wo.
19Unkan wanji tokeca heya; Tatanka tazaptan opewaton, qa iwicahdute mde kta; ceciciya ce, micunni wo.
20Unkan wanji tokeca heya; Winoḣinca wan mduza, hecen wau owakitpani ce.
21Unkan hecen ookiye qon he ku, qa heyapi kin yuhe cin ecen okiyaka. Unkan hinakaha tipi tawa kin śihda, qa taokiye qon heciya; Koyaḣan wo, qa otonwe canku kin ekta ye, c̣a waḣpanicapi kin, huha ksawahanpi, huśtepi, iśtagongapi kin, hena den awicau wo, eya.
22Unkan ookiye qon heya; Itancan kin, ehe cin he wanna ecen econpi, tuka nahaḣin okan ce, eya.
23Unkan Itancan kin ookiye qon heciya; Ocanku ḣince cin, qa maḣinatake ektakta ye, c̣a uwicakiya wo, hecen wati kin ojudan kta.
24Heciciya ce; Wicakicopi qon wanjidan kaeś wowahe cin etanhan onśpadan yutapi kte śni ce, eya.
25Unkan wicota ḣinca kioi yapi; hehan ihduhomni qa hewicakiya;
26Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.
27Qa tuwe kaśta cansusbeca kin kicin, qa miyahna u śni ehantanhan, waonspewicawakiye cin wanji ce kta okitpani ce.
28Niyepi kin wanji conkaśke yakagapi kta kecannipi ehantanhan, ito tokaheya idotankapi, qa yahduśtanpi kte cin iyena yatonpi hecinhan, he iyahdukcanpi śni he.
29Hecanonpi śni kinhan, okinni oahehde kin he wanna eyahnakapi, qa yahduśtanpi kte cin oyakitpanipi kinhan, tona wanyakapi kinhan owasin iniḣapi, qa heyapi kta;
30Wicaśta kin de taku kage kta, tuka hduśtan kta okihi śni ce.
31Qa nakun wicaśtayatapi wan wicaśtayatapi tokeca azuye kte cinhan, ito tokaheya iyotanke, c̣a iye kektopawinge wikcemna wicayuhe cin hena on, tuwe kektopawinge wikcenma nonpa yuha takpe u kin he itkokipa okihi kta hecinhan, he ihdukcan śni naceca he.
32Qa iś, unma kin hinaḣin itehan un, tuwe ekta ye śi, qa wokiyapi kida naceca.
33Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.
34Miniskuya he waśte; tuka miniskuya woskuye kin en un śni ehantanhan, taku ecin on skuya kagapi kta he.
35Maga qa watuśekśeca paha kin unmana on waśte śni; tuka tankan eḣpeyapi ece. Tuwe noge winaḣon yukan hecinhan, naḣon kta ce.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.