Lukas 16
16
1Hehan waonspewicakiye cin hewicakiya; Wicaśta wijica wanji waawanyake wan yuha; unkan he yuhe cin woyuha tawa yutakuni śni ce, keya okiyakapi.
2Hehan kico qa heciya; Taku eniciyapi kin de toketu he; waawandake cin ito ohdaka wo; wanna waawandake cin aduśtan kta ce.
3Unkan waawanyake cin cante mahen heya; Token ecamon kta he; waawanmdake cin he mayuhe cin imicicu; maḣqapi kin owakitpani, qa timatayapi kin he imaśteca.
4Taku ecamon kte cin he sdonwakiya, heon tohan waawanmdake cin he etanhan ḣeyata iyemayanpi kinhan, tipi kin en tin hiyumayanpi kta ce.
5Unkan hecen yuhe cin tona ikicazopi qon owasin wicakico, qa tokaheya kin he heciya; Mayuhe cin tona nahaḣin yecu śni he.
6Unkan, Wihdi iyutapi opawinge ce, eya. Unkan heciya; Koyaḣanna wowapi nitawa kin ehdaku, qa iyotanke, c̣a wikcemna zaptan e okiwa wo.
7Unkan wanji tokeca hehan heciya; Qa niś tona nahaḣin yecu śni he. Unkan, Aguyapisu iyutapi opawinge ce, eya. Unkan heciya; Wowapi nitawa kin ehdaku, qa wikcemna śahdogan e okiwa wo.
8Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.
9Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.
10Tuwe taku iyotan cistinna on wicaka hecinhan, hee taku ota nakun on wicaka ece; qa tuwe taku iyotan cistinna kin on owotanna śni hecinhan, hee taku ota kin nakun on owotanna śni ece.
11Hecen woyuha owotanna śni kin he on wicayakapi śni ehantanhan, wicake cin he tuwe ecin yuheniciyapi kta he.
12Qa wicaśta tokeca taku tawa kin on wicayakapi śni ehantanhan, niye nitawapi kin hee tuwe ecin nic̣upi kta he.
13Ookiye kin tuwedan yuhe cin nonpa en wowidagic̣iye kta okihi śni; wanji śicedake kta, qa unma iś waśtedake kta; qa iś wanji en iyaihdaśke kta, qa unma kin iś ekta ewacin kte śni. Wakantanka qa mammon napin en wowidagnic̣iyapi kta oyakihipi śni ce.
14Unkan Pharisee kin wakonpi kin, hena owasin naḣonpi; qa wowiḣayapi.
15Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.
16Woope qa wicaśta wokcan kin hena Johannes hehanyan; tuka hetanhan Wakantanka tokiconze kin oyakapi ece, qa owasin en opapi kte ḣinca.
17Maḣpiya maka ko tokan iyaye kte cin he aoptetu, qa woope oowa wanjidan kaeś yuecetupi kte śni kin hee teḣika ce.
18Tuwe tawicu eḣpekiye c̣a wanji tokeca yuze cinhan, hee wawiciḣaḣapi econ ece: qa hihnaku eḣpeye ciqon he tuwe yuze cinhan he wawiciḣaḣapi econ ece.
19Wicaśta wanji wijica, he wokoyake stan qa miniḣuha zimzipedan ece koyaka, qa anpetu otoiyohi wiyuśkinyan un.
20Nakun wicaśta waḣpanica wan Lazaros eciyapi, he tatiyopa kin en ahionpapi, tancan owancaya ḣdihdi;
21Qa wicaśta wijica wahna wotapi tawa kin etanhan osnaśna hinḣpaye cin hena yunkiyapi kta cin. Tuka śunka kin en ahi, qa oḣdiḣdi kin śdipapi.
22Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.
23Unkan wakanśica tipi kin en kakiś yanke c̣ehan, wankan etonwe, c̣a tehan tanhan Abraham wanyaka; qa maku kin ohna Lazaros yanka.
24Unkan heya niyan; Ate Abraham, onśimakida qa Lazaros u śi wo, napsukaza inkpa kin mini en oputkan qa ceji makasni kta; oide kin de ohna makakija ce.
25Tuka Abraham heya; Cinś, yani qon he ehan taku waśteśte yahduha, qa Lazaros taku śikśica yuha, he kiksuya wo; tuka nakaha iye kicanptapi qa niye kakiśniyanpi.
26Qa nakun unkiyotahedan kaksiza wan tanka yanka; hecen tona deciya tanhan niye ekta ye wacinpi keś okitpanipi ece; qa nakun heciya tanhan den ekta unhipi kta okitpanipi ece.
27Hehan heya; Heon ate, ceciciya ce, ate ti kin ekta ye yaśi kta;
28Misunka zaptan, hena wowicakiyake kta; iś eya okinni wokakije kin de en upi nun ce.
29Abraham heciya; Moses qa wicaśta wokcan kin hena yuhapi; hena iś anawicagoptanpi eśta śni.
30Tuka heya; Hiya, ate Abraham: tuka ṭapi kin eciyatonhan wanji ekta wicai unkanś, ihduecetupi kta tuka.
31Unkan heciya; Moses qa wicaśta wokcan kin hena anawicagoptanpi śni ehantanhan, ṭapi kin eciyatanhan wanji kini qeyaś, nakun wicadapi kte śni ce, eya.
Currently Selected:
Lukas 16: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Lukas 16
16
1Hehan waonspewicakiye cin hewicakiya; Wicaśta wijica wanji waawanyake wan yuha; unkan he yuhe cin woyuha tawa yutakuni śni ce, keya okiyakapi.
2Hehan kico qa heciya; Taku eniciyapi kin de toketu he; waawandake cin ito ohdaka wo; wanna waawandake cin aduśtan kta ce.
3Unkan waawanyake cin cante mahen heya; Token ecamon kta he; waawanmdake cin he mayuhe cin imicicu; maḣqapi kin owakitpani, qa timatayapi kin he imaśteca.
4Taku ecamon kte cin he sdonwakiya, heon tohan waawanmdake cin he etanhan ḣeyata iyemayanpi kinhan, tipi kin en tin hiyumayanpi kta ce.
5Unkan hecen yuhe cin tona ikicazopi qon owasin wicakico, qa tokaheya kin he heciya; Mayuhe cin tona nahaḣin yecu śni he.
6Unkan, Wihdi iyutapi opawinge ce, eya. Unkan heciya; Koyaḣanna wowapi nitawa kin ehdaku, qa iyotanke, c̣a wikcemna zaptan e okiwa wo.
7Unkan wanji tokeca hehan heciya; Qa niś tona nahaḣin yecu śni he. Unkan, Aguyapisu iyutapi opawinge ce, eya. Unkan heciya; Wowapi nitawa kin ehdaku, qa wikcemna śahdogan e okiwa wo.
8Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.
9Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.
10Tuwe taku iyotan cistinna on wicaka hecinhan, hee taku ota nakun on wicaka ece; qa tuwe taku iyotan cistinna kin on owotanna śni hecinhan, hee taku ota kin nakun on owotanna śni ece.
11Hecen woyuha owotanna śni kin he on wicayakapi śni ehantanhan, wicake cin he tuwe ecin yuheniciyapi kta he.
12Qa wicaśta tokeca taku tawa kin on wicayakapi śni ehantanhan, niye nitawapi kin hee tuwe ecin nic̣upi kta he.
13Ookiye kin tuwedan yuhe cin nonpa en wowidagic̣iye kta okihi śni; wanji śicedake kta, qa unma iś waśtedake kta; qa iś wanji en iyaihdaśke kta, qa unma kin iś ekta ewacin kte śni. Wakantanka qa mammon napin en wowidagnic̣iyapi kta oyakihipi śni ce.
14Unkan Pharisee kin wakonpi kin, hena owasin naḣonpi; qa wowiḣayapi.
15Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.
16Woope qa wicaśta wokcan kin hena Johannes hehanyan; tuka hetanhan Wakantanka tokiconze kin oyakapi ece, qa owasin en opapi kte ḣinca.
17Maḣpiya maka ko tokan iyaye kte cin he aoptetu, qa woope oowa wanjidan kaeś yuecetupi kte śni kin hee teḣika ce.
18Tuwe tawicu eḣpekiye c̣a wanji tokeca yuze cinhan, hee wawiciḣaḣapi econ ece: qa hihnaku eḣpeye ciqon he tuwe yuze cinhan he wawiciḣaḣapi econ ece.
19Wicaśta wanji wijica, he wokoyake stan qa miniḣuha zimzipedan ece koyaka, qa anpetu otoiyohi wiyuśkinyan un.
20Nakun wicaśta waḣpanica wan Lazaros eciyapi, he tatiyopa kin en ahionpapi, tancan owancaya ḣdihdi;
21Qa wicaśta wijica wahna wotapi tawa kin etanhan osnaśna hinḣpaye cin hena yunkiyapi kta cin. Tuka śunka kin en ahi, qa oḣdiḣdi kin śdipapi.
22Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.
23Unkan wakanśica tipi kin en kakiś yanke c̣ehan, wankan etonwe, c̣a tehan tanhan Abraham wanyaka; qa maku kin ohna Lazaros yanka.
24Unkan heya niyan; Ate Abraham, onśimakida qa Lazaros u śi wo, napsukaza inkpa kin mini en oputkan qa ceji makasni kta; oide kin de ohna makakija ce.
25Tuka Abraham heya; Cinś, yani qon he ehan taku waśteśte yahduha, qa Lazaros taku śikśica yuha, he kiksuya wo; tuka nakaha iye kicanptapi qa niye kakiśniyanpi.
26Qa nakun unkiyotahedan kaksiza wan tanka yanka; hecen tona deciya tanhan niye ekta ye wacinpi keś okitpanipi ece; qa nakun heciya tanhan den ekta unhipi kta okitpanipi ece.
27Hehan heya; Heon ate, ceciciya ce, ate ti kin ekta ye yaśi kta;
28Misunka zaptan, hena wowicakiyake kta; iś eya okinni wokakije kin de en upi nun ce.
29Abraham heciya; Moses qa wicaśta wokcan kin hena yuhapi; hena iś anawicagoptanpi eśta śni.
30Tuka heya; Hiya, ate Abraham: tuka ṭapi kin eciyatonhan wanji ekta wicai unkanś, ihduecetupi kta tuka.
31Unkan heciya; Moses qa wicaśta wokcan kin hena anawicagoptanpi śni ehantanhan, ṭapi kin eciyatanhan wanji kini qeyaś, nakun wicadapi kte śni ce, eya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.