Luke 2
2
Jesus Ṫuƞpi
1Wahehaƞl, Mak̇asitomniya-Yataƞpi Augustus, mak̇a akaƞ oyate ki iyuha, wiċayawapi ċiƞ yelo. 2Ċa oyate ki wiċayawapi ki le oṫokahe ic̄upi, hehaƞ Quirinius ec̄iyapi ki, Syria mak̇opaṡpe hel oiṫaċaƞḣc̄a heċa. 3Yuƞk̇aƞ, oyate ki iyuha, oigwapi kta ċa titakuye tuktetaƞhaƞpi eċetkiya akiyagle.
4Joseph, Galilee mak̇oċe el, Nazareth oṫuƞwahe etaƞhaƞ yiƞ na Judea mak̇oċe el, Bethlehem oṫuƞwahe ekta ki. Lel Wiċaṡa-Yataƞpi David ṫuƞpi na Joseph David wiċoiċaġe etaƞhaƞ heuƞ ċa heċiya ki. 5-6Joseph ṫawic̄u kte ki kiċi ċaje-oigwapi kta ċa ipi. Igluṡʹake yuƞk̇aƞ Bethlehem ekta uƞpi eċuƞhaƞ hokṡiyuha kte ki ikic̄ihuƞni. 7Hokṡi-ṫokaṗa ki le hokṡila ċa yuha. Mniḣuha uƞ opemni na waniyapi owokʹu waƞ el eyuƞpe, oḣpaye tipi ki ok̇aƞ ṡni ċa heuƞ.
Ṫaḣc̄a-ṡuƞkala Awaƞyaƞkapi na Ogligle.
8Bethlehem ik̇aƞyela, haƞhepi eċuƞhaƞ, wiċaṡa eya hepiya ṫaḣc̄a-ṡuƞkala awaƞwiċaglakapi. 9Yuƞk̇aƞ, Wak̇aƞṫaƞka ṫaogligle waƞ ṫaƞiƞicʹiye. Wak̇aƞṫaƞka ṫawowak̇aƞ ki aiċayojaƞjaƞ. Lila wak̇okiṗapi 10eyaṡ ogligle ki hewiċakiye, “Wak̇okiṗapi ṡni yo, taku waṡte oċic̄iyakapi kta wahi ki le oyate ki lila iyuṡkiƞpi kte. 11Le aƞpetu ki David ṫaoṫuƞwahe ekta Wanikiya ki, Christ Iṫaċaƞ, ṫuƞpelo. 12Le wowic̄ak̇e ki leċel slolyayapi kte: Hokṡic̄ala waƞ mniḣuha aopemnipi na waniyapi owokʹu el mahel ḣpaye ċa hel waƞlakapi ktelo,” eye.
13Yuƞk̇aƞ, ognahelaka ogligle ki le isakib ogligle lila ota ṫaƞiƞicʹiyapi nahaƞ Wak̇aƞṫaƞka leċel yaonihaƞpi:
14“Wak̇aƞṫaƞka maḣpiyata yaonihaƞpo.
Na mak̇a akaƞ, ċaƞtewaṡteya wiċouƞ hena Wak̇aƞṫaƞka iyowiċakipi,” eya lowaƞpi.
15Ogligle ki maḣpiyatakiya kiglapi hehaƞ, ṫaḣc̄a-ṡuƞkala-awaƞyaƞke ki hekiċiyapi, “Iyayapo, Bethlehem ekta uƞyapi na Wak̇aƞṫaƞka taku tok̇a keye ki le waƞuƞyaƞkapi ktelo,” eyapi.
16Ċa inaḣni iyayapi na Mary e na Joseph iyewiċayapi na hokṡic̄ala ki owokʹu mahel ḣpaye ki waƞyaƞkapi. 17Ṫaḣc̄a-ṡuƞkala-awaƞyaƞke ki hokṡic̄ala ki waƞyaƞkapi hehaƞ, ogligle waƞ hokṡic̄ala ki le ṫaƞtaƞhaƞ wowiċakiyake waƞ he sam iyopteya Mary e na Joseph owiċakiyakapi. 18Oyate tona ṫaḣc̄a-ṡuƞkala-awaƞyaƞke ki woyakapi ki naḣʹuƞpi hehaƞ lila inihaƞpi. 19Mary taku ki lena pipiya iyukc̄aƞ. 20Ṫaḣc̄a-ṡuƞkala-awaƞyaƞke ki kawiƞḣya kiglapi hehaƞ taku naḣʹuƞpi na waƞyaƞkapi ki lena uƞ Wak̇aƞṫaƞka yaonihaƞpi. Ogligle ki woyake waƞ hena iyuha iyeċetu welo.
Jesus Ċaje Kʹupi
21Oko waƞji wahehaƞlya hokṡila ċeḣpi-iwiċac̄upi wak̇aƞ woeċuƞ waƞ kic̄iyuṡtaƞpi, na ogligle ki Mary igluṡʹake ṡnihaƞni tokel iwahowiċaye waƞ he iyeċel eċuƞpi na Jesus eya ċaṡṫuƞpi.
Jesus Tipi-Wak̇aƞ El Gloipi
22Yuƞk̇aƞ wana wak̇aƞya woeċuƞ waƞ Moses ṫawooṗe el owapi waƞ he iyehaƞtu ċa Joseph e na Mary hokṡila ki Jerusalemta gloipi na Wak̇aƞṫaƞka etkiya wakic̄iyuṡtaƞpi. 23Wak̇aƞṫaƞka ṫawooṗe el leċel owapi: “Hokṡila ṫokaṗapi na waniyapi bloka ṫokaheya ṫuƞpi hena Wak̇aƞṫaƞka kiċupi kte,” eya owapi. 24Nakuƞ wooṗe el taku wakicʹuƞ wiċaṡipi aiyeċel wakiƞyela num wiċaglohipi.
25Wahehaƞlya nakuƞ Jerusalem el wiċaṡa waṡte waƞ Simeon ec̄iyapi ċa uƞ. Le Wak̇aƞṫaƞka yuonihaƞ na Israel yueċetupi kta aṗe uƞ. Woniya-Wak̇aƞ ki kiċi uƞ 26na tʹe ṡnihaƞni Wak̇aƞṫaƞka wanikiya waƞ hiyuyiƞ kte ki he waƞyaƞkiƞ kte ki okiyake. 27Woniya-Wak̇aƞ ki Simeon Tipi-Wak̇aƞ itimahel yekiye. Mary e na Joseph Jesus Tipi-Wak̇aƞ el wooṗe ognayaƞ wak̇aƞya woeċuƞ waƞ eċakic̄iċuƞpi kta ċa gloipi. 28Simeon wak̇aƞyeja ki aloksohaƞ yuha wopila uƞ waċekiye,
29“Wak̇aƞṫaƞka, taku iwahouƞyayapi waƞ he iyeċetu,
wana wiċoni ayuṡtaƞmayakiya ki asniwakiyiƞ kte.
30Wanikiya ki he miyuƞk̇ala waƞblake,
31na oyate ṫogṫogya le ablezapi kte;
32aojaƞjaƞwiċayayiƞ kte,
na Israel wowitaƞ yuhapi ktelo,” eya ċekiye.
33Yuƞk̇aƞ taku Jesus eċiyataƞhaƞ Simeon waeye ki lena Mary e na Joseph naḣʹuƞpi na lila inihaƞpi. 34Simeon wiċayawaṡte na Mary lekiye, “Wak̇aƞyeja ki le Wak̇aƞṫaƞka glaḣniġe, oyate ota Israel el niwiċayiƞ na huƞḣ wic̄alapi ṡni uƞ iyatakunipi kte ṡni. Wak̇aƞṫaƞka oyate wiċiṫokabya gluaṫaƞiƞ kte na oyate ota iglepi kte. 35Na ċaƞte mahel ṫawowiyukc̄aƞpi ki gluaṫaƞiƞpi ktelo. Mary, ċaƞte ihaƞgniyapi ktelo,” eye.
36-37Wiƞyaƞ-wak̇aƞ-waayaṫaƞiƞ waƞ waniyetu ota, Anna ec̄iyapi. Wiwazic̄a heċa, atkuku ki Phanuel ec̄iyapi, Asher tioṡpaye igluotapi hetaƞhaƞ. Hiƞgnaṫuƞ na waniyetu ṡakowiƞ heċegla wokiċiyuze slolye. Wana waniyetu wikc̄emna ṡagloġaƞ sam ak̄e topa hihuƞni. Tipi-Wak̇aƞ el kiṡtaƞyaƞ akiḣʹaƞicʹiye sʹa. Waċiƞṫaƞgya Wak̇aƞṫaƞka ċekiye. 38Eċuƞhaƞ Anna iƞṡ-eya Tipi-Wak̇aƞ timahel hi na wopila uƞ Wak̇aƞṫaƞka ċekiyiƞ na wak̇aƞyeja ki le eċiyataƞhaƞ woglake, Wak̇aƞṫaƞka tokeṡke Israel oyate ki niwiċayiƞ kte ki he owiċakiyake.
Nazareth Ekta Kipi
39Joseph e na Mary woeċuƞ waƞ Wak̇aƞṫaƞka ṫawooṗe ognayaƞ eċuƞ wiċaṡipi he igluṡtaƞpi ohakabya Galilee mak̇oċe ekta Nazareth oṫuƞwahe etkiya kiglapi. 40Wak̇aƞṫaƞka hokṡila ki le yawaṡte ċa taƞyaƞ iċaġiƞ na lila ksape.
Jesus Tipi-Wak̇aƞ Itimahel I
41Waniyetu iyohila Jesus huƞku na atkuku ki Jerusalemta woeċuƞ waƞ ekta yapi sʹa. Woeċuƞ ki le “awiċahomni iyaye” wokiksuye heċa. 42Jesus waniyetu ak̄e nupa wahehaƞl woeċuƞ heċiya ake ipi. 43Woeċuƞ ki he igluṡtaƞpi hehaƞl tiyatakiya kiglapi. Jesus Jerusalemtani uƞ eyaṡ huƞku na atkuku ki slolyapi ṡni. 44Huƞku na atkuku ki glapi ohaƞ oṗa keċiƞpi. Aƞpetu waƞji glapi, hehaƞl nakeṡ Jesus takuwiċayapi waƞ hena ohaƞ okilepi. 45Eyaṡ iyekiyapi ṡni ċa hektakiya Jerusalemta ole kipi. 46Aƞpetu yamni wahehaƞlya Tipi-Wak̇aƞ itimahel wauƞspewiċakiyapi ki ohaƞ waanaġoptaƞ na iwiċayuƞḣ yaƞke iyekiyapi. 47Waċiƞksabya waayupte ki tona naḣʹuƞpi hena iyuṡʹiƞyayapi. 48Huƞku na atkuku ki waƞglakapi na inihaƞpi. Huƞku ki hekiye, “Miċiƞkṡi, takuwe leċel uƞkoyakiḣʹaƞpi he? Niyate kiċi nihiƞlya uƞkonilepi kṡto,” eye.
49Yuƞk̇aƞ leċel awiċayupte, “Takuwe heċel omayalepi hwo? Ate ti el wauƞ kte ki he slolyayapi ṡni hwo?” eye. 50Eyaṡ okaḣniġapi ṡni.
51Ċa Jesus ob hektakiya Nazareth ekta kigle, heċiya waanaġoptaƞya uƞ. Huƞku ki taku lena iyuha ċaƞteokignake. 52Yuƞk̇aƞ Jesus taƞyaƞ iċaġiƞ na samṗaya ksape. Wak̇aƞṫaƞka e na oyate ki nakuƞ iyokic̄ipipelo.
Currently Selected:
Luke 2: LKTNT20
Highlight
Share
Copy
Want to have your highlights saved across all your devices? Sign up or sign in
© American Bible Society
Luke 2
2
Jesus Ṫuƞpi
1Wahehaƞl, Mak̇asitomniya-Yataƞpi Augustus, mak̇a akaƞ oyate ki iyuha, wiċayawapi ċiƞ yelo. 2Ċa oyate ki wiċayawapi ki le oṫokahe ic̄upi, hehaƞ Quirinius ec̄iyapi ki, Syria mak̇opaṡpe hel oiṫaċaƞḣc̄a heċa. 3Yuƞk̇aƞ, oyate ki iyuha, oigwapi kta ċa titakuye tuktetaƞhaƞpi eċetkiya akiyagle.
4Joseph, Galilee mak̇oċe el, Nazareth oṫuƞwahe etaƞhaƞ yiƞ na Judea mak̇oċe el, Bethlehem oṫuƞwahe ekta ki. Lel Wiċaṡa-Yataƞpi David ṫuƞpi na Joseph David wiċoiċaġe etaƞhaƞ heuƞ ċa heċiya ki. 5-6Joseph ṫawic̄u kte ki kiċi ċaje-oigwapi kta ċa ipi. Igluṡʹake yuƞk̇aƞ Bethlehem ekta uƞpi eċuƞhaƞ hokṡiyuha kte ki ikic̄ihuƞni. 7Hokṡi-ṫokaṗa ki le hokṡila ċa yuha. Mniḣuha uƞ opemni na waniyapi owokʹu waƞ el eyuƞpe, oḣpaye tipi ki ok̇aƞ ṡni ċa heuƞ.
Ṫaḣc̄a-ṡuƞkala Awaƞyaƞkapi na Ogligle.
8Bethlehem ik̇aƞyela, haƞhepi eċuƞhaƞ, wiċaṡa eya hepiya ṫaḣc̄a-ṡuƞkala awaƞwiċaglakapi. 9Yuƞk̇aƞ, Wak̇aƞṫaƞka ṫaogligle waƞ ṫaƞiƞicʹiye. Wak̇aƞṫaƞka ṫawowak̇aƞ ki aiċayojaƞjaƞ. Lila wak̇okiṗapi 10eyaṡ ogligle ki hewiċakiye, “Wak̇okiṗapi ṡni yo, taku waṡte oċic̄iyakapi kta wahi ki le oyate ki lila iyuṡkiƞpi kte. 11Le aƞpetu ki David ṫaoṫuƞwahe ekta Wanikiya ki, Christ Iṫaċaƞ, ṫuƞpelo. 12Le wowic̄ak̇e ki leċel slolyayapi kte: Hokṡic̄ala waƞ mniḣuha aopemnipi na waniyapi owokʹu el mahel ḣpaye ċa hel waƞlakapi ktelo,” eye.
13Yuƞk̇aƞ, ognahelaka ogligle ki le isakib ogligle lila ota ṫaƞiƞicʹiyapi nahaƞ Wak̇aƞṫaƞka leċel yaonihaƞpi:
14“Wak̇aƞṫaƞka maḣpiyata yaonihaƞpo.
Na mak̇a akaƞ, ċaƞtewaṡteya wiċouƞ hena Wak̇aƞṫaƞka iyowiċakipi,” eya lowaƞpi.
15Ogligle ki maḣpiyatakiya kiglapi hehaƞ, ṫaḣc̄a-ṡuƞkala-awaƞyaƞke ki hekiċiyapi, “Iyayapo, Bethlehem ekta uƞyapi na Wak̇aƞṫaƞka taku tok̇a keye ki le waƞuƞyaƞkapi ktelo,” eyapi.
16Ċa inaḣni iyayapi na Mary e na Joseph iyewiċayapi na hokṡic̄ala ki owokʹu mahel ḣpaye ki waƞyaƞkapi. 17Ṫaḣc̄a-ṡuƞkala-awaƞyaƞke ki hokṡic̄ala ki waƞyaƞkapi hehaƞ, ogligle waƞ hokṡic̄ala ki le ṫaƞtaƞhaƞ wowiċakiyake waƞ he sam iyopteya Mary e na Joseph owiċakiyakapi. 18Oyate tona ṫaḣc̄a-ṡuƞkala-awaƞyaƞke ki woyakapi ki naḣʹuƞpi hehaƞ lila inihaƞpi. 19Mary taku ki lena pipiya iyukc̄aƞ. 20Ṫaḣc̄a-ṡuƞkala-awaƞyaƞke ki kawiƞḣya kiglapi hehaƞ taku naḣʹuƞpi na waƞyaƞkapi ki lena uƞ Wak̇aƞṫaƞka yaonihaƞpi. Ogligle ki woyake waƞ hena iyuha iyeċetu welo.
Jesus Ċaje Kʹupi
21Oko waƞji wahehaƞlya hokṡila ċeḣpi-iwiċac̄upi wak̇aƞ woeċuƞ waƞ kic̄iyuṡtaƞpi, na ogligle ki Mary igluṡʹake ṡnihaƞni tokel iwahowiċaye waƞ he iyeċel eċuƞpi na Jesus eya ċaṡṫuƞpi.
Jesus Tipi-Wak̇aƞ El Gloipi
22Yuƞk̇aƞ wana wak̇aƞya woeċuƞ waƞ Moses ṫawooṗe el owapi waƞ he iyehaƞtu ċa Joseph e na Mary hokṡila ki Jerusalemta gloipi na Wak̇aƞṫaƞka etkiya wakic̄iyuṡtaƞpi. 23Wak̇aƞṫaƞka ṫawooṗe el leċel owapi: “Hokṡila ṫokaṗapi na waniyapi bloka ṫokaheya ṫuƞpi hena Wak̇aƞṫaƞka kiċupi kte,” eya owapi. 24Nakuƞ wooṗe el taku wakicʹuƞ wiċaṡipi aiyeċel wakiƞyela num wiċaglohipi.
25Wahehaƞlya nakuƞ Jerusalem el wiċaṡa waṡte waƞ Simeon ec̄iyapi ċa uƞ. Le Wak̇aƞṫaƞka yuonihaƞ na Israel yueċetupi kta aṗe uƞ. Woniya-Wak̇aƞ ki kiċi uƞ 26na tʹe ṡnihaƞni Wak̇aƞṫaƞka wanikiya waƞ hiyuyiƞ kte ki he waƞyaƞkiƞ kte ki okiyake. 27Woniya-Wak̇aƞ ki Simeon Tipi-Wak̇aƞ itimahel yekiye. Mary e na Joseph Jesus Tipi-Wak̇aƞ el wooṗe ognayaƞ wak̇aƞya woeċuƞ waƞ eċakic̄iċuƞpi kta ċa gloipi. 28Simeon wak̇aƞyeja ki aloksohaƞ yuha wopila uƞ waċekiye,
29“Wak̇aƞṫaƞka, taku iwahouƞyayapi waƞ he iyeċetu,
wana wiċoni ayuṡtaƞmayakiya ki asniwakiyiƞ kte.
30Wanikiya ki he miyuƞk̇ala waƞblake,
31na oyate ṫogṫogya le ablezapi kte;
32aojaƞjaƞwiċayayiƞ kte,
na Israel wowitaƞ yuhapi ktelo,” eya ċekiye.
33Yuƞk̇aƞ taku Jesus eċiyataƞhaƞ Simeon waeye ki lena Mary e na Joseph naḣʹuƞpi na lila inihaƞpi. 34Simeon wiċayawaṡte na Mary lekiye, “Wak̇aƞyeja ki le Wak̇aƞṫaƞka glaḣniġe, oyate ota Israel el niwiċayiƞ na huƞḣ wic̄alapi ṡni uƞ iyatakunipi kte ṡni. Wak̇aƞṫaƞka oyate wiċiṫokabya gluaṫaƞiƞ kte na oyate ota iglepi kte. 35Na ċaƞte mahel ṫawowiyukc̄aƞpi ki gluaṫaƞiƞpi ktelo. Mary, ċaƞte ihaƞgniyapi ktelo,” eye.
36-37Wiƞyaƞ-wak̇aƞ-waayaṫaƞiƞ waƞ waniyetu ota, Anna ec̄iyapi. Wiwazic̄a heċa, atkuku ki Phanuel ec̄iyapi, Asher tioṡpaye igluotapi hetaƞhaƞ. Hiƞgnaṫuƞ na waniyetu ṡakowiƞ heċegla wokiċiyuze slolye. Wana waniyetu wikc̄emna ṡagloġaƞ sam ak̄e topa hihuƞni. Tipi-Wak̇aƞ el kiṡtaƞyaƞ akiḣʹaƞicʹiye sʹa. Waċiƞṫaƞgya Wak̇aƞṫaƞka ċekiye. 38Eċuƞhaƞ Anna iƞṡ-eya Tipi-Wak̇aƞ timahel hi na wopila uƞ Wak̇aƞṫaƞka ċekiyiƞ na wak̇aƞyeja ki le eċiyataƞhaƞ woglake, Wak̇aƞṫaƞka tokeṡke Israel oyate ki niwiċayiƞ kte ki he owiċakiyake.
Nazareth Ekta Kipi
39Joseph e na Mary woeċuƞ waƞ Wak̇aƞṫaƞka ṫawooṗe ognayaƞ eċuƞ wiċaṡipi he igluṡtaƞpi ohakabya Galilee mak̇oċe ekta Nazareth oṫuƞwahe etkiya kiglapi. 40Wak̇aƞṫaƞka hokṡila ki le yawaṡte ċa taƞyaƞ iċaġiƞ na lila ksape.
Jesus Tipi-Wak̇aƞ Itimahel I
41Waniyetu iyohila Jesus huƞku na atkuku ki Jerusalemta woeċuƞ waƞ ekta yapi sʹa. Woeċuƞ ki le “awiċahomni iyaye” wokiksuye heċa. 42Jesus waniyetu ak̄e nupa wahehaƞl woeċuƞ heċiya ake ipi. 43Woeċuƞ ki he igluṡtaƞpi hehaƞl tiyatakiya kiglapi. Jesus Jerusalemtani uƞ eyaṡ huƞku na atkuku ki slolyapi ṡni. 44Huƞku na atkuku ki glapi ohaƞ oṗa keċiƞpi. Aƞpetu waƞji glapi, hehaƞl nakeṡ Jesus takuwiċayapi waƞ hena ohaƞ okilepi. 45Eyaṡ iyekiyapi ṡni ċa hektakiya Jerusalemta ole kipi. 46Aƞpetu yamni wahehaƞlya Tipi-Wak̇aƞ itimahel wauƞspewiċakiyapi ki ohaƞ waanaġoptaƞ na iwiċayuƞḣ yaƞke iyekiyapi. 47Waċiƞksabya waayupte ki tona naḣʹuƞpi hena iyuṡʹiƞyayapi. 48Huƞku na atkuku ki waƞglakapi na inihaƞpi. Huƞku ki hekiye, “Miċiƞkṡi, takuwe leċel uƞkoyakiḣʹaƞpi he? Niyate kiċi nihiƞlya uƞkonilepi kṡto,” eye.
49Yuƞk̇aƞ leċel awiċayupte, “Takuwe heċel omayalepi hwo? Ate ti el wauƞ kte ki he slolyayapi ṡni hwo?” eye. 50Eyaṡ okaḣniġapi ṡni.
51Ċa Jesus ob hektakiya Nazareth ekta kigle, heċiya waanaġoptaƞya uƞ. Huƞku ki taku lena iyuha ċaƞteokignake. 52Yuƞk̇aƞ Jesus taƞyaƞ iċaġiƞ na samṗaya ksape. Wak̇aƞṫaƞka e na oyate ki nakuƞ iyokic̄ipipelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© American Bible Society