Luke 22
22
Jesus Anaptapi
1Wokiksuye woeċuƞ waƞ “Wiċiwaƞkab” eyapi na nakuƞ “Aġuyapi Blaska Yutapi” eyapi ċa wana kiyela ihuƞni. 2Waċekiye-wiċaṡa-oiṫaċaƞpi na wooṗe-awaƞyaƞkapi ki hena tuktognayaƞ anaḣmala Jesus ktewiċakiyapi kta awaċiƞpi. Owiċota ohaƞ oyuspapi haƞtaƞṡ oyate ki waƞwiċayaƞkapi kta ik̇okiṗapi.
Judas Eċa Jesus Aoyakiƞ Kte
3Ak̄e nupa ki waƞji, Judas Iscariot ec̄iyapi ki, Wak̇aƞ-ṡic̄a ki ṫawaċiƞ kaṡkayuze. 4Judas waċekiye-wiċaṡa-oiṫaċaƞ hena e na akiċita eya Tipi-Wak̇aƞ awaƞyaƞkapi oiṫaċaƞ waƞ hena ekta wiċai na tokeṡke Jesus oyuspa okihipi ki ob iwoglake. 5Le lila iyokipipi na Judas kic̄aijupi kta gluṡtaƞpi. 6Iyowiƞicʹiyiƞ na tuktognayaƞ anaḣmala Jesus oyuspapi kte ki awaċiƞ.
Jesus Wiċiwaƞkab Wotiƞ Kta Igluwiƞyeya
7Ċa wana Aġuyapi Blaska Yutapi aƞpetu ki hihuƞni. Le aƞpetu ki nakuƞ Wiċiwaƞkab eyapi. Woeċuƞ ki le eċuƞhaƞ ṫaḣc̄a-ṡuƞkala ċiƞc̄ala wiċayutapi ċa wana kiċaƞwiċayapi. 8Ċa Jesus Peter e na John wawiċaṡi, “Iyayapi na wokiksuye woeċuƞ waƞ Wiċiwaƞkab he woyute ki yuwiƞyeyapo,” eye.
9Iyuƞġapi, “Tuktel woyute ki le uƞyuwiƞyeyapi kta hwo?” eyapi.
10Jesus leċel awiċayupte, “Oṫuƞwahe el iyahuƞnipi ki, wiċaṡa waƞ mni ṫokṡu ċa atayapi kte. He ihakab ti ki ekta yapo. 11Na okiyakapo, ‘Wauƞspekiye ki tuktel ak̄e nupa ki ob wokiksuye woeċuƞ wotiƞ kte ki slolya ċiƞ.’ 12Wiċaṡa ki tiwaƞkal yuok̇aƞ ċa nic̄ipazopi ktelo,” eye.
13Ċa iyayapi na Jesus taku eye ki iyuha aiyeċel iyeyapi ċa waƞc̄agna woyute ki yuwiƞyeyapi.
Jesus Kiċi Ehake Wotapi
14Jesus ak̄e nupa ki ob wotiƞ kta iyotake. 15Na lewiċakiye, “Makakijiƞ kte ṡnihaƞni Wokiksuye Woeċuƞ wauƞtapi kte ki le lila awiyukc̄aƞ wauƞ. 16Takuwe ki le tohaƞl mak̇asitomniya Wak̇aƞṫaƞka yuonihaƞpi ki nakeṡ leċeḣc̄i wotapi el ake omaṗa ktelo,” eye.
17Wiyatke waƞ ic̄u na wopila eye, “Letaƞ iyuha yatkaƞpo,” eye. 18“Takuwe ki le, tohaƞl Wak̇aƞṫaƞka kiċiuƞkinajiƞpi ki nakeṡ ake mniṡa blatkiƞ ktelo,” eye.
19Na hehaƞl, aġuyapi blaska waƞ ic̄u na ċokaƞ yukse. Wiċakʹu na leye, “Le miṫaċaƞ ċa ċicʹupi. Yutapi na ṫokatakiya leċeḣc̄i miksuyapo,” eye. 20Wol-igluṡtaƞpi hehaƞ, Jesus ake wiyatke waƞ mniṡa ojula ċa ake ic̄u na leye, “Le we miṫawa yelo,” eye.
21“Waƞji iglahomni na kaṡkapimayiƞ kte ki waglutapi lel ohaƞ yaƞke yelo. 22Wiċaṡa-Ċiƞkṡitku ki he miye. Wak̇aƞṫaƞka eye ki iyeċel, wiċoni abluṡtaƞ kte, eyaṡ tuwe wiċaṡa waƞ makte ċiƞpi waƞ hena aomayake ki he lila oteḣi slolyiƞ ktelo.
23Le naḣʹuƞpi hehaƞ, kiċipasipi, tuwe ċa leċuƞ okihi hec̄i.
Tuwa Oiṫaċaƞ Kte Ki Akiċikinic̄api
24Na tuwa oiṫaċaƞ kte ki akiċikinic̄api. 25Ċa Jesus awiċayupte, “Mak̇a akaƞ wiċaṡa-yataƞpi ki oyate ki iṡiƞkċiƞya owiċakuwapi na k̇ohaƞ uƞṡiwiċalapi keyapi. 26Eyaṡ, niye heċuƞpi ṡni yo. Niohaƞ tuwa oiniṫaċaƞpi ki hena ihaƞkeya uƞṡiicʹiyapo. 27Ċa tuwa ihaƞkeya waċiƞṫaƞka hwo; waƞji waglutapi ekta yaƞke ki he, naiƞṡ waƞji waokiyiƞ na wakpamni ki he e hwo? Le ablezapo, miye uƞṡiicʹiya wauƞ welo.
28Niyeċa, oteḣi waƞblake ki eċuƞhaƞ misakib yauƞpelo. 29Ċa takuku oiniṫaċaƞpi ki he wowaṡʹake ċicʹupi kte, Atewaye ki miṡ-eya wowaṡʹake makʹu ki aiyeċel. 30Ċa tohaƞl oimaṫaċaƞ ki misakib wayatapi ktelo. Israel el tioṡpaye igluotapi ak̄e nupa hena oiniṫaċaƞpi ktelo.”
Peter Jesus Slolye Ṡni Kuƞziƞ Kte
31Hehaƞl Jesus Peter hekiye, “Simon Peter, Wak̇aƞ-ṡic̄a ki iniyuṫapi ċiƞ, ṡic̄e ki waṡte etaƞhaƞ nic̄akak̇aƞpi ċiƞ yelo. 32Simon, wowic̄ala niṫawa ki waṡʹakiƞ kte ki ċec̄ic̄iċiye. Tohaƞl okakṡaƞ el mayaku ki, obnitu ki lena iƞṡ-eya waṡʹagwiċaya yo,” eye.
33Peter leye, “Iṫaċaƞ, owiċakaṡke ekta nihakab wau kte, na niktepi ki miṡ-eya maktepi okihipelo.”
34Eyaṡ Jesus leċel ayupte, “Peter, le namic̄iḣʹuƞ wo, k̇okayaḣʹaƞla ki aƞpo hoṫuƞ ṡnihaƞni, yamni kigleya slolmayaye ki anayakiḣmi ktelo,” eye.
Mazaska Ognake, Wopaḣte, Na Mila Haƞska
35Leya iwiċayuƞġe, “Mazaska ognake naiƞṡ wopaḣte naiƞṡ haƞpa ċola iyayeċiyapi hehaƞ takuƞl iniyuċaƞpi hwo?” eye.
“Takuni,” eya ayuptapi.
36Na lewiċakiye, “Eyaṡ wana, tuwa mazaska ognake naiƞṡ wopaḣte luhapi haƞtaƞṡ ikikc̄upo, na mila haƞska ninic̄api haƞtaƞṡ, ogle wiyoṗekiyapi na waƞji oṗeicʹiṫuƞpo. 37Leċuƞpo, ċiƞ Wowapi-Wak̇aƞ el leċeḣc̄i owa yaƞke: Wooṗe kaksapi ki hena oṗamayapi ki eċani iyeċetu ktelo,” eye.
38Yuƞk̇aƞ obtu ki leyapi, “Waƞyaƞka yo, Iṫaċaƞ, mila haƞska ki nupa yelo,” eyapi.
Jesus “henala” eye.
Jesus Wigli K̇aƞta Paha Eyapi Ċa El Waċekiye
39Oṫuƞwahe etaƞhaƞ hinaṗiƞ na heċiya yapi sʹa ċa Wigli K̇aƞta Paha eyapi ċa etkiya iyaye. Ihakab-uƞpi ki kiċi iyayapi. 40Hel hihuƞnipi hehaƞ Jesus hewiċakiye, “Ohiƞniyaƞ waċekiyapo, heċel miḣeyab iniyutaƞpi kte ṡni,” eye.
41Wiċitohaƞya iyayiƞ na ṗamagle waċekiya iyotake. 42“Ate, oyakihi haƞtaƞṡ, makakijiƞ kte ki le yuḣeyab imic̄ic̄u wo. Eyaṡ taku yaċiƞ ki eċel eċamu ktelo,” eye. 43Wak̇aƞṫaƞka ṫaogligle waƞ ṫaƞiƞicʹiyiƞ na Jesus blihelye. 44Lila ċaƞteṡic̄a ċa hehaƞl aotaƞhaƞ waċekiye. Kakije heuƞ temni ki we iyeċel ṡʹeṡʹe.
45Waċekiye igluṡtaƞ hehaƞ ikpanajiƞ na ihakab-uƞpi ki ekta wiċaki. Ċaƞteṡic̄a sam-iyayapi heuƞ iṡtimapi. 46Eyaṡ Jesus wiċayuḣic̄e, “Iṡtimapi ṡni yo. Kiktapi na waċekiyapo, heċel miḣeyab iniyutaƞpi kte ṡni yelo,” eye.
Jesus Oyuspapi
47Woglake ki eċuƞhaƞ, wiċota ahihuƞni. Ak̄e nupa ki waƞji, Judas ec̄iyapi ki eċa awiċahi. Kiyela ihuƞni hehaƞ Jesus ṫaṗuƞ el ipuṫake. 48Yuƞk̇aƞ Jesus hekiye, “Judas, takuwe Wiċaṡa-Ċiƞkṡitku ki leċel wiyoṗemayaya hwo?” eye.
49Jesus obtu ki ṡic̄aya kte ki waƞyaƞkapi hehaƞ Jesus iyuƞġapi, “Iṫaċaƞ mila haƞska uƞ nauƞnic̄ijiƞpi yaċiƞ hwo?” eyapi. 50Yuƞk̇aƞ, waƞji waċekiye-wiċaṡa-oiṫaċaƞḣc̄a ṫawowaṡi ki nuġe kaksa iḣpeye.
51Eyaṡ Jesus kuṡeya hoṫaƞiƞ, “Heċuƞp ṡni yo!” eye. Wiċaṡa ki nuġe ki eyuṫaƞ na asniye.
52Waċekiye-wiċaṡa-oiṫaċaƞpi na takuku oiṫaċaƞpi eya anagwakapi uƞ hipi ċa Jesus hewiċakiye, “Wamanu wiċaṡa wok̇okṗeka ċa hiyoyahipi iyeċel mila haƞska na ċaƞ gluha mahiyoyahipelo. 53Wana oko waƞji aƞpetu iyohila, Tipi-Wak̇aƞ okṡaƞ wauƞ eyaṡ omayaluspapi ṡni yelo. Eyaṡ le aƞpetu ki wowaṡʹake luhapi kte ki Wak̇aƞṫaƞka iyowiƞniċiyapelo. Le aƞpetu ki Wak̇aƞ-ṡic̄a wowaṡʹake yuha yelo,” eye.
Peter Jesus Slolye Ṡni Kuƞze
54Jesus yupaḣ oyuspapi na waċekiye-wiċaṡa-oiṫaċaƞḣc̄a ki ti ekta aipi. Peter itohaƞ wiċihakab uƞ. 55Lel iṫaƞkal ċetipi na makikc̄eya iyotakapi ċa Peter iƞṡ-eya ohaƞ iyotake. 56Yuƞk̇aƞ wik̇oṡkalaka waƞ wowaṡiyapi ċa Peter iyekiyiƞ na hekiye, “Wiċaṡa ki le Jesus obtu ki waƞji,” eye.
57Eyaṡ Peter wic̄ala ṡni, “Hiya! Ataṡ slolwaye ṡni yelo,” eye.
58Iyeċani, tuwa ake iyekiyiƞ na hekiye, “Jesus obtu ki niwaƞji yelo,” eye.
Eyaṡ ake Peter wic̄ala ṡni, “He mawaƞji ṡni yelo,” eye.
59Oaṗe waƞji wahehaƞl ak̄e waƞji heye, “Wiċaṡa ki le Jesus kiċic̄a iteke ċiƞ nupiƞ Galilee mak̇oċe etaƞhaƞpelo,” eye.
60Eyaṡ Peter ake wic̄ala ṡni, “Takuwe hehe ki slolwaye ṡni yelo,” eye.
Eyaṡtaƞ ṡnihaƞni, k̇okayaḣʹaƞla waƞ hoṫuƞ. 61Iṫaċaƞ ki igluhomni na Peter ayuta. Peter Iṫaċaƞ ki iṫokab waeye ki kiksuye. Hehaƞ heye, “K̇okayaḣʹaƞla ki aƞpo hoṫuƞ ṡnihaƞni slolmayaye ki yamni kigle anayakiḣmi ktelo,” eye. 62Ċa Peter hetaƞhaƞ ḣeyab iyayiƞ na iṡnaċeye.
Jesus Oiḣaḣapi Na Aṗapi
63Wiċaṡa eya Jesus awaƞyaƞkapi ki oiḣaḣapi na aṗapi. 64Iṡta ṗaḣtapi na iyopaṡtakapi, “Wiċaṡa-wak̇aƞ-waayaṫaƞiƞ heniċa ki uƞkipazopo. Tuwe ċa aniṗe ki oyaka yo,” eyapi. 65Na isamsam yaṡic̄api.
Jesus Omnic̄iye-Ṫaƞka Iṫokab Wiyuƞġapi
66Ihihaƞni hehaƞ, waċekiye-wiċaṡa-oiṫaċaƞpi ki e na wooṗe-awaƞyaƞkapi ki e na tuwaoka oyate oiṫaċaƞpi waƞ hena igluwitayapi, ċa akiċita ki wiċiṫokab Jesus ahiglepi. 67Wayasupi ki le oiṫaċaƞpi ki Jesus iyuƞġapi, “Messiah ki niye haƞtaƞṡ, lel oglaka yo,” eyapi.
Eyaṡ leċel awiċayupte, “Oċic̄iyakapi haƞtaƞṡ ċetʹuƞmayaglapi ktelo,” eye. 68“Na takuwe ċetʹuƞmayaglapi ki iċiyuƞġapi haƞtaƞṡ, amayaluptapi kte ṡni yelo. 69Letaƞ ṫokatakiya, Wiċaṡa-Ċiƞkṡitku ki Wak̇aƞṫaƞka kiċi ċatkutaƞhaƞ yaƞkiƞ ktelo,” eye.
70Ċa leya iyuƞġapi, “Ċa Wak̇aƞṫaƞka-Ċiƞhiƞtku ki he niye hwo?” eyapi.
“Ċiƞ niyeṡ hehapelo,” eya Jesus awiċayupte.
71Yuƞk̇aƞ ake heyapi, “Isam takuni uƞpasipi kte ṡni. Iyuƞk̇ala oicʹiglakelo,” eyapi.
Currently Selected:
Luke 22: LKTNT20
Highlight
Share
Copy
Want to have your highlights saved across all your devices? Sign up or sign in
© American Bible Society
Luke 22
22
Jesus Anaptapi
1Wokiksuye woeċuƞ waƞ “Wiċiwaƞkab” eyapi na nakuƞ “Aġuyapi Blaska Yutapi” eyapi ċa wana kiyela ihuƞni. 2Waċekiye-wiċaṡa-oiṫaċaƞpi na wooṗe-awaƞyaƞkapi ki hena tuktognayaƞ anaḣmala Jesus ktewiċakiyapi kta awaċiƞpi. Owiċota ohaƞ oyuspapi haƞtaƞṡ oyate ki waƞwiċayaƞkapi kta ik̇okiṗapi.
Judas Eċa Jesus Aoyakiƞ Kte
3Ak̄e nupa ki waƞji, Judas Iscariot ec̄iyapi ki, Wak̇aƞ-ṡic̄a ki ṫawaċiƞ kaṡkayuze. 4Judas waċekiye-wiċaṡa-oiṫaċaƞ hena e na akiċita eya Tipi-Wak̇aƞ awaƞyaƞkapi oiṫaċaƞ waƞ hena ekta wiċai na tokeṡke Jesus oyuspa okihipi ki ob iwoglake. 5Le lila iyokipipi na Judas kic̄aijupi kta gluṡtaƞpi. 6Iyowiƞicʹiyiƞ na tuktognayaƞ anaḣmala Jesus oyuspapi kte ki awaċiƞ.
Jesus Wiċiwaƞkab Wotiƞ Kta Igluwiƞyeya
7Ċa wana Aġuyapi Blaska Yutapi aƞpetu ki hihuƞni. Le aƞpetu ki nakuƞ Wiċiwaƞkab eyapi. Woeċuƞ ki le eċuƞhaƞ ṫaḣc̄a-ṡuƞkala ċiƞc̄ala wiċayutapi ċa wana kiċaƞwiċayapi. 8Ċa Jesus Peter e na John wawiċaṡi, “Iyayapi na wokiksuye woeċuƞ waƞ Wiċiwaƞkab he woyute ki yuwiƞyeyapo,” eye.
9Iyuƞġapi, “Tuktel woyute ki le uƞyuwiƞyeyapi kta hwo?” eyapi.
10Jesus leċel awiċayupte, “Oṫuƞwahe el iyahuƞnipi ki, wiċaṡa waƞ mni ṫokṡu ċa atayapi kte. He ihakab ti ki ekta yapo. 11Na okiyakapo, ‘Wauƞspekiye ki tuktel ak̄e nupa ki ob wokiksuye woeċuƞ wotiƞ kte ki slolya ċiƞ.’ 12Wiċaṡa ki tiwaƞkal yuok̇aƞ ċa nic̄ipazopi ktelo,” eye.
13Ċa iyayapi na Jesus taku eye ki iyuha aiyeċel iyeyapi ċa waƞc̄agna woyute ki yuwiƞyeyapi.
Jesus Kiċi Ehake Wotapi
14Jesus ak̄e nupa ki ob wotiƞ kta iyotake. 15Na lewiċakiye, “Makakijiƞ kte ṡnihaƞni Wokiksuye Woeċuƞ wauƞtapi kte ki le lila awiyukc̄aƞ wauƞ. 16Takuwe ki le tohaƞl mak̇asitomniya Wak̇aƞṫaƞka yuonihaƞpi ki nakeṡ leċeḣc̄i wotapi el ake omaṗa ktelo,” eye.
17Wiyatke waƞ ic̄u na wopila eye, “Letaƞ iyuha yatkaƞpo,” eye. 18“Takuwe ki le, tohaƞl Wak̇aƞṫaƞka kiċiuƞkinajiƞpi ki nakeṡ ake mniṡa blatkiƞ ktelo,” eye.
19Na hehaƞl, aġuyapi blaska waƞ ic̄u na ċokaƞ yukse. Wiċakʹu na leye, “Le miṫaċaƞ ċa ċicʹupi. Yutapi na ṫokatakiya leċeḣc̄i miksuyapo,” eye. 20Wol-igluṡtaƞpi hehaƞ, Jesus ake wiyatke waƞ mniṡa ojula ċa ake ic̄u na leye, “Le we miṫawa yelo,” eye.
21“Waƞji iglahomni na kaṡkapimayiƞ kte ki waglutapi lel ohaƞ yaƞke yelo. 22Wiċaṡa-Ċiƞkṡitku ki he miye. Wak̇aƞṫaƞka eye ki iyeċel, wiċoni abluṡtaƞ kte, eyaṡ tuwe wiċaṡa waƞ makte ċiƞpi waƞ hena aomayake ki he lila oteḣi slolyiƞ ktelo.
23Le naḣʹuƞpi hehaƞ, kiċipasipi, tuwe ċa leċuƞ okihi hec̄i.
Tuwa Oiṫaċaƞ Kte Ki Akiċikinic̄api
24Na tuwa oiṫaċaƞ kte ki akiċikinic̄api. 25Ċa Jesus awiċayupte, “Mak̇a akaƞ wiċaṡa-yataƞpi ki oyate ki iṡiƞkċiƞya owiċakuwapi na k̇ohaƞ uƞṡiwiċalapi keyapi. 26Eyaṡ, niye heċuƞpi ṡni yo. Niohaƞ tuwa oiniṫaċaƞpi ki hena ihaƞkeya uƞṡiicʹiyapo. 27Ċa tuwa ihaƞkeya waċiƞṫaƞka hwo; waƞji waglutapi ekta yaƞke ki he, naiƞṡ waƞji waokiyiƞ na wakpamni ki he e hwo? Le ablezapo, miye uƞṡiicʹiya wauƞ welo.
28Niyeċa, oteḣi waƞblake ki eċuƞhaƞ misakib yauƞpelo. 29Ċa takuku oiniṫaċaƞpi ki he wowaṡʹake ċicʹupi kte, Atewaye ki miṡ-eya wowaṡʹake makʹu ki aiyeċel. 30Ċa tohaƞl oimaṫaċaƞ ki misakib wayatapi ktelo. Israel el tioṡpaye igluotapi ak̄e nupa hena oiniṫaċaƞpi ktelo.”
Peter Jesus Slolye Ṡni Kuƞziƞ Kte
31Hehaƞl Jesus Peter hekiye, “Simon Peter, Wak̇aƞ-ṡic̄a ki iniyuṫapi ċiƞ, ṡic̄e ki waṡte etaƞhaƞ nic̄akak̇aƞpi ċiƞ yelo. 32Simon, wowic̄ala niṫawa ki waṡʹakiƞ kte ki ċec̄ic̄iċiye. Tohaƞl okakṡaƞ el mayaku ki, obnitu ki lena iƞṡ-eya waṡʹagwiċaya yo,” eye.
33Peter leye, “Iṫaċaƞ, owiċakaṡke ekta nihakab wau kte, na niktepi ki miṡ-eya maktepi okihipelo.”
34Eyaṡ Jesus leċel ayupte, “Peter, le namic̄iḣʹuƞ wo, k̇okayaḣʹaƞla ki aƞpo hoṫuƞ ṡnihaƞni, yamni kigleya slolmayaye ki anayakiḣmi ktelo,” eye.
Mazaska Ognake, Wopaḣte, Na Mila Haƞska
35Leya iwiċayuƞġe, “Mazaska ognake naiƞṡ wopaḣte naiƞṡ haƞpa ċola iyayeċiyapi hehaƞ takuƞl iniyuċaƞpi hwo?” eye.
“Takuni,” eya ayuptapi.
36Na lewiċakiye, “Eyaṡ wana, tuwa mazaska ognake naiƞṡ wopaḣte luhapi haƞtaƞṡ ikikc̄upo, na mila haƞska ninic̄api haƞtaƞṡ, ogle wiyoṗekiyapi na waƞji oṗeicʹiṫuƞpo. 37Leċuƞpo, ċiƞ Wowapi-Wak̇aƞ el leċeḣc̄i owa yaƞke: Wooṗe kaksapi ki hena oṗamayapi ki eċani iyeċetu ktelo,” eye.
38Yuƞk̇aƞ obtu ki leyapi, “Waƞyaƞka yo, Iṫaċaƞ, mila haƞska ki nupa yelo,” eyapi.
Jesus “henala” eye.
Jesus Wigli K̇aƞta Paha Eyapi Ċa El Waċekiye
39Oṫuƞwahe etaƞhaƞ hinaṗiƞ na heċiya yapi sʹa ċa Wigli K̇aƞta Paha eyapi ċa etkiya iyaye. Ihakab-uƞpi ki kiċi iyayapi. 40Hel hihuƞnipi hehaƞ Jesus hewiċakiye, “Ohiƞniyaƞ waċekiyapo, heċel miḣeyab iniyutaƞpi kte ṡni,” eye.
41Wiċitohaƞya iyayiƞ na ṗamagle waċekiya iyotake. 42“Ate, oyakihi haƞtaƞṡ, makakijiƞ kte ki le yuḣeyab imic̄ic̄u wo. Eyaṡ taku yaċiƞ ki eċel eċamu ktelo,” eye. 43Wak̇aƞṫaƞka ṫaogligle waƞ ṫaƞiƞicʹiyiƞ na Jesus blihelye. 44Lila ċaƞteṡic̄a ċa hehaƞl aotaƞhaƞ waċekiye. Kakije heuƞ temni ki we iyeċel ṡʹeṡʹe.
45Waċekiye igluṡtaƞ hehaƞ ikpanajiƞ na ihakab-uƞpi ki ekta wiċaki. Ċaƞteṡic̄a sam-iyayapi heuƞ iṡtimapi. 46Eyaṡ Jesus wiċayuḣic̄e, “Iṡtimapi ṡni yo. Kiktapi na waċekiyapo, heċel miḣeyab iniyutaƞpi kte ṡni yelo,” eye.
Jesus Oyuspapi
47Woglake ki eċuƞhaƞ, wiċota ahihuƞni. Ak̄e nupa ki waƞji, Judas ec̄iyapi ki eċa awiċahi. Kiyela ihuƞni hehaƞ Jesus ṫaṗuƞ el ipuṫake. 48Yuƞk̇aƞ Jesus hekiye, “Judas, takuwe Wiċaṡa-Ċiƞkṡitku ki leċel wiyoṗemayaya hwo?” eye.
49Jesus obtu ki ṡic̄aya kte ki waƞyaƞkapi hehaƞ Jesus iyuƞġapi, “Iṫaċaƞ mila haƞska uƞ nauƞnic̄ijiƞpi yaċiƞ hwo?” eyapi. 50Yuƞk̇aƞ, waƞji waċekiye-wiċaṡa-oiṫaċaƞḣc̄a ṫawowaṡi ki nuġe kaksa iḣpeye.
51Eyaṡ Jesus kuṡeya hoṫaƞiƞ, “Heċuƞp ṡni yo!” eye. Wiċaṡa ki nuġe ki eyuṫaƞ na asniye.
52Waċekiye-wiċaṡa-oiṫaċaƞpi na takuku oiṫaċaƞpi eya anagwakapi uƞ hipi ċa Jesus hewiċakiye, “Wamanu wiċaṡa wok̇okṗeka ċa hiyoyahipi iyeċel mila haƞska na ċaƞ gluha mahiyoyahipelo. 53Wana oko waƞji aƞpetu iyohila, Tipi-Wak̇aƞ okṡaƞ wauƞ eyaṡ omayaluspapi ṡni yelo. Eyaṡ le aƞpetu ki wowaṡʹake luhapi kte ki Wak̇aƞṫaƞka iyowiƞniċiyapelo. Le aƞpetu ki Wak̇aƞ-ṡic̄a wowaṡʹake yuha yelo,” eye.
Peter Jesus Slolye Ṡni Kuƞze
54Jesus yupaḣ oyuspapi na waċekiye-wiċaṡa-oiṫaċaƞḣc̄a ki ti ekta aipi. Peter itohaƞ wiċihakab uƞ. 55Lel iṫaƞkal ċetipi na makikc̄eya iyotakapi ċa Peter iƞṡ-eya ohaƞ iyotake. 56Yuƞk̇aƞ wik̇oṡkalaka waƞ wowaṡiyapi ċa Peter iyekiyiƞ na hekiye, “Wiċaṡa ki le Jesus obtu ki waƞji,” eye.
57Eyaṡ Peter wic̄ala ṡni, “Hiya! Ataṡ slolwaye ṡni yelo,” eye.
58Iyeċani, tuwa ake iyekiyiƞ na hekiye, “Jesus obtu ki niwaƞji yelo,” eye.
Eyaṡ ake Peter wic̄ala ṡni, “He mawaƞji ṡni yelo,” eye.
59Oaṗe waƞji wahehaƞl ak̄e waƞji heye, “Wiċaṡa ki le Jesus kiċic̄a iteke ċiƞ nupiƞ Galilee mak̇oċe etaƞhaƞpelo,” eye.
60Eyaṡ Peter ake wic̄ala ṡni, “Takuwe hehe ki slolwaye ṡni yelo,” eye.
Eyaṡtaƞ ṡnihaƞni, k̇okayaḣʹaƞla waƞ hoṫuƞ. 61Iṫaċaƞ ki igluhomni na Peter ayuta. Peter Iṫaċaƞ ki iṫokab waeye ki kiksuye. Hehaƞ heye, “K̇okayaḣʹaƞla ki aƞpo hoṫuƞ ṡnihaƞni slolmayaye ki yamni kigle anayakiḣmi ktelo,” eye. 62Ċa Peter hetaƞhaƞ ḣeyab iyayiƞ na iṡnaċeye.
Jesus Oiḣaḣapi Na Aṗapi
63Wiċaṡa eya Jesus awaƞyaƞkapi ki oiḣaḣapi na aṗapi. 64Iṡta ṗaḣtapi na iyopaṡtakapi, “Wiċaṡa-wak̇aƞ-waayaṫaƞiƞ heniċa ki uƞkipazopo. Tuwe ċa aniṗe ki oyaka yo,” eyapi. 65Na isamsam yaṡic̄api.
Jesus Omnic̄iye-Ṫaƞka Iṫokab Wiyuƞġapi
66Ihihaƞni hehaƞ, waċekiye-wiċaṡa-oiṫaċaƞpi ki e na wooṗe-awaƞyaƞkapi ki e na tuwaoka oyate oiṫaċaƞpi waƞ hena igluwitayapi, ċa akiċita ki wiċiṫokab Jesus ahiglepi. 67Wayasupi ki le oiṫaċaƞpi ki Jesus iyuƞġapi, “Messiah ki niye haƞtaƞṡ, lel oglaka yo,” eyapi.
Eyaṡ leċel awiċayupte, “Oċic̄iyakapi haƞtaƞṡ ċetʹuƞmayaglapi ktelo,” eye. 68“Na takuwe ċetʹuƞmayaglapi ki iċiyuƞġapi haƞtaƞṡ, amayaluptapi kte ṡni yelo. 69Letaƞ ṫokatakiya, Wiċaṡa-Ċiƞkṡitku ki Wak̇aƞṫaƞka kiċi ċatkutaƞhaƞ yaƞkiƞ ktelo,” eye.
70Ċa leya iyuƞġapi, “Ċa Wak̇aƞṫaƞka-Ċiƞhiƞtku ki he niye hwo?” eyapi.
“Ċiƞ niyeṡ hehapelo,” eya Jesus awiċayupte.
71Yuƞk̇aƞ ake heyapi, “Isam takuni uƞpasipi kte ṡni. Iyuƞk̇ala oicʹiglakelo,” eyapi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© American Bible Society