Yoa. 20
20
Toryamunae akuwan a Yesu emam analyal
(Mat. 28:1-8; Mar. 16:1-8; Luk. 24:1-12)
1Ani taparacu eriŋa akwap iryono, akoloŋit ŋina ke Esabit, tolot Maria Magadalena nalyal. Ani edoli inaa, kiŋolik amoru ŋina agolitere aturukan kelemar nawae alopuke. 2Toem nai iŋes neni a Simoni Petero ka ekasyoman ŋoloce, ŋolo amina Yesu, tolimok ikes tema, “Kelemar akuwan ke Ekapolon analyal ka nyikiyeni tari neni kiwuakis ikes iŋes.”
3Tonyout nai Petero ka ekasyoman ŋoloce, toloto nalyal. 4Toema ikes, nai abu ekasyoman ŋoloce kilany Petero kisyau nalyal. 5Tokukokin iŋes, kiŋolik anaŋga eperi a nen, nai nyeloma tooma. 6Todolu nai Simoni Petero ŋolo amotuno alokaku, toloma tooma naturukan, kiŋolik anaŋga eperi, 7pa erukito ŋina aenikinitae nakou a Yesu ka ŋinace, nai ebilakina aneni keŋ bon. 8Abu ekasyoman ŋoloce daŋ ŋolo esyauni nen, toloma tooma aturukan, kiŋolik, ido tonup. 9(Akigiret a ŋina abala ebe, itemokino iŋes toyaru alokatwak.) 10Toboŋosi nai ŋikasyomak ŋul lorerya kec.
Totakanu Yesu neni a Maria Magadalena
(Mat. 28:9-10; Mar. 16:9-11)
11Nai awuoi Maria alokiŋa aturukan kigworo. Ani ekukokin iŋes aripikin aturukan, 12kiŋolik ŋimalaikan ŋiarei ŋulu anapito ŋilowi ŋulu akwaŋak iboiyete aneni eperikinitoe akuwan a Yesu. Eboi epei alowae a ŋolo ka akou, epei alowae a ŋolo a ŋakejen. 13Kiŋita ŋimalaikan Maria temasi, “Aberu, kaanukiro igworor iyoŋ?”
Toboŋok Maria ikes tema, “Egworo ayoŋ, anerae kelemar akuwan ŋina ke Ekapolon kaŋ, ka nyayeni ayoŋ neni kiwuakis ikes iŋes.”
14Kedau alimun ŋun, toboboŋ kiŋolik Yesu ewuoi, nai pa ayeni iŋes atemar arae Yesu. 15Kiŋit Yesu Maria tema, “Aberu, kaanukiro igworor iyoŋ? Ŋae iwarit iyoŋ?”
Abala Maria kori erae ekile ŋol eketen emanikor; aŋun, tolimok iŋes tema, “Ekapolon, ani kerae iyoŋ ilemarit iŋes, tolimokinae neni iwuakinit iyoŋ iŋes, ikotere olot olema.”
16Tolimok Yesu iŋes tema, “Maria!”
Toboboŋ Maria tolimu a Ŋaburaniyae tema, “Rabbuni!” (Iŋes atemar eketataman.)
17Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”
18Tolot Maria Magadalena, tolimok ŋikasyomak a Yesu tema, “Aanyu ayoŋ Ekapolon.” Tolimok nabo ikes ŋakiro ŋuna alimokini Yesu iŋes.
Totakanu Yesu lokasyomak keŋ
(Mat. 28:16-20; Mar. 16:14-18; Luk. 24:36-49)
19Ataboŋ ŋinapei ŋin, ŋina ke Esabit, atukokina ŋikasyomak a Yesu tooma akai ŋina agolitoe ŋipukei, anerae akuryakito ikes aŋuna a ŋikarikok a Ŋiyudayan. Abu Yesu towo alokidiŋ kec tolimok ikes tema, “Toyai ekisil neni kus.” 20Ani kedau alimokin ikes ŋun, kitoodik ikes ŋakan ka esyep keŋ. Tolakaros ŋikasyomak iŋolikinete Ekapolon. 21Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.” 22Kedau alimun ŋun, kieŋak neni kec tema, “Kijaasi Etau ŋolo Asegan. 23Ituŋanan daadaŋ ŋini isyoniyete iyes ŋasecisya keŋ, isyoniyo, ituŋanan daadaŋ ŋini nyisyoniyete iyes ŋasecisya keŋ, nyisyoniyo.”
Yesu ka Tomas
24Amam Tomas (ŋolo anyaritae Emuut), ŋolo arae epei alokasyomak a ŋulutomon ka ŋiarei, apaki ŋina abunio Yesu neni kec. 25Aŋun, tolimokis ŋikasyomak ŋuluce Tomas temasi, “Ikianyu isua Ekapolon.” Nai abu Tomas tolimok ikes tema, “Mati keŋolik ayoŋ ŋapores ŋuna a ŋisumar anakan keŋ, ka ewuak ekimoin kaŋ napores ŋuna a ŋisumar ka ewuak akan kaŋ losyepi keŋ, nyanupi ayoŋ.”
26Kelunyar esabit epei, eboiyete ŋikasyomak nabo kaapei, torukito ka Tomas daŋ alokai a ŋina agolol ŋipukei. Totakanu Yesu neni kec tema, “Toyai ekisil neni kus.” 27Tolimok nai Yesu Tomas tema, “Kiwuak ekonikimoin ne, kiŋolik ŋakaakan. Torwau akonikan, kiwuak losyepi kaŋ, tojoŋo aŋayaŋayat, nai tonup!” 28Tolimok Tomas Yesu tema, “Ekapolon kaŋ, Akuj kaŋ!” 29Tolimok Yesu iŋes tema, “Inup iyoŋ, anerae ikiŋolik ayoŋ a? Erereŋ ŋulu enupito pa iŋolikinito!”
Ŋakiro ŋuna igiritere ekitaabo lo
30Abu Yesu kitiya ŋakujuwuanisya ŋuna alalak iteete ŋikasyomak keŋ, nyigirir ŋakujuwuanisya ŋun daadaŋ lokitaabo lo. 31Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.
Currently Selected:
Yoa. 20: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Yoa. 20
20
Toryamunae akuwan a Yesu emam analyal
(Mat. 28:1-8; Mar. 16:1-8; Luk. 24:1-12)
1Ani taparacu eriŋa akwap iryono, akoloŋit ŋina ke Esabit, tolot Maria Magadalena nalyal. Ani edoli inaa, kiŋolik amoru ŋina agolitere aturukan kelemar nawae alopuke. 2Toem nai iŋes neni a Simoni Petero ka ekasyoman ŋoloce, ŋolo amina Yesu, tolimok ikes tema, “Kelemar akuwan ke Ekapolon analyal ka nyikiyeni tari neni kiwuakis ikes iŋes.”
3Tonyout nai Petero ka ekasyoman ŋoloce, toloto nalyal. 4Toema ikes, nai abu ekasyoman ŋoloce kilany Petero kisyau nalyal. 5Tokukokin iŋes, kiŋolik anaŋga eperi a nen, nai nyeloma tooma. 6Todolu nai Simoni Petero ŋolo amotuno alokaku, toloma tooma naturukan, kiŋolik anaŋga eperi, 7pa erukito ŋina aenikinitae nakou a Yesu ka ŋinace, nai ebilakina aneni keŋ bon. 8Abu ekasyoman ŋoloce daŋ ŋolo esyauni nen, toloma tooma aturukan, kiŋolik, ido tonup. 9(Akigiret a ŋina abala ebe, itemokino iŋes toyaru alokatwak.) 10Toboŋosi nai ŋikasyomak ŋul lorerya kec.
Totakanu Yesu neni a Maria Magadalena
(Mat. 28:9-10; Mar. 16:9-11)
11Nai awuoi Maria alokiŋa aturukan kigworo. Ani ekukokin iŋes aripikin aturukan, 12kiŋolik ŋimalaikan ŋiarei ŋulu anapito ŋilowi ŋulu akwaŋak iboiyete aneni eperikinitoe akuwan a Yesu. Eboi epei alowae a ŋolo ka akou, epei alowae a ŋolo a ŋakejen. 13Kiŋita ŋimalaikan Maria temasi, “Aberu, kaanukiro igworor iyoŋ?”
Toboŋok Maria ikes tema, “Egworo ayoŋ, anerae kelemar akuwan ŋina ke Ekapolon kaŋ, ka nyayeni ayoŋ neni kiwuakis ikes iŋes.”
14Kedau alimun ŋun, toboboŋ kiŋolik Yesu ewuoi, nai pa ayeni iŋes atemar arae Yesu. 15Kiŋit Yesu Maria tema, “Aberu, kaanukiro igworor iyoŋ? Ŋae iwarit iyoŋ?”
Abala Maria kori erae ekile ŋol eketen emanikor; aŋun, tolimok iŋes tema, “Ekapolon, ani kerae iyoŋ ilemarit iŋes, tolimokinae neni iwuakinit iyoŋ iŋes, ikotere olot olema.”
16Tolimok Yesu iŋes tema, “Maria!”
Toboboŋ Maria tolimu a Ŋaburaniyae tema, “Rabbuni!” (Iŋes atemar eketataman.)
17Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”
18Tolot Maria Magadalena, tolimok ŋikasyomak a Yesu tema, “Aanyu ayoŋ Ekapolon.” Tolimok nabo ikes ŋakiro ŋuna alimokini Yesu iŋes.
Totakanu Yesu lokasyomak keŋ
(Mat. 28:16-20; Mar. 16:14-18; Luk. 24:36-49)
19Ataboŋ ŋinapei ŋin, ŋina ke Esabit, atukokina ŋikasyomak a Yesu tooma akai ŋina agolitoe ŋipukei, anerae akuryakito ikes aŋuna a ŋikarikok a Ŋiyudayan. Abu Yesu towo alokidiŋ kec tolimok ikes tema, “Toyai ekisil neni kus.” 20Ani kedau alimokin ikes ŋun, kitoodik ikes ŋakan ka esyep keŋ. Tolakaros ŋikasyomak iŋolikinete Ekapolon. 21Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.” 22Kedau alimun ŋun, kieŋak neni kec tema, “Kijaasi Etau ŋolo Asegan. 23Ituŋanan daadaŋ ŋini isyoniyete iyes ŋasecisya keŋ, isyoniyo, ituŋanan daadaŋ ŋini nyisyoniyete iyes ŋasecisya keŋ, nyisyoniyo.”
Yesu ka Tomas
24Amam Tomas (ŋolo anyaritae Emuut), ŋolo arae epei alokasyomak a ŋulutomon ka ŋiarei, apaki ŋina abunio Yesu neni kec. 25Aŋun, tolimokis ŋikasyomak ŋuluce Tomas temasi, “Ikianyu isua Ekapolon.” Nai abu Tomas tolimok ikes tema, “Mati keŋolik ayoŋ ŋapores ŋuna a ŋisumar anakan keŋ, ka ewuak ekimoin kaŋ napores ŋuna a ŋisumar ka ewuak akan kaŋ losyepi keŋ, nyanupi ayoŋ.”
26Kelunyar esabit epei, eboiyete ŋikasyomak nabo kaapei, torukito ka Tomas daŋ alokai a ŋina agolol ŋipukei. Totakanu Yesu neni kec tema, “Toyai ekisil neni kus.” 27Tolimok nai Yesu Tomas tema, “Kiwuak ekonikimoin ne, kiŋolik ŋakaakan. Torwau akonikan, kiwuak losyepi kaŋ, tojoŋo aŋayaŋayat, nai tonup!” 28Tolimok Tomas Yesu tema, “Ekapolon kaŋ, Akuj kaŋ!” 29Tolimok Yesu iŋes tema, “Inup iyoŋ, anerae ikiŋolik ayoŋ a? Erereŋ ŋulu enupito pa iŋolikinito!”
Ŋakiro ŋuna igiritere ekitaabo lo
30Abu Yesu kitiya ŋakujuwuanisya ŋuna alalak iteete ŋikasyomak keŋ, nyigirir ŋakujuwuanisya ŋun daadaŋ lokitaabo lo. 31Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.