Luk. 16
16
Ekawuoikiniton ŋolo aronon ŋolo ke etic
1Tolimok Yesu ŋikeekasyomak tema, “Ayai ekile ŋolo abarit, ŋolo ayakar ekawoikiniton etic ŋiboro keŋ. Tolimokinae nai ekabaran atemar ebolyar ekawoikiniton etic ŋiboro keŋ. 2Tosodi ekapolon tonyarau iŋes kiŋit tema, ‘Anukiro nu ŋuna apupi ayoŋ atemar itiyae iyoŋ? Kitoodikinae cenite ekimar a ŋiboro kaŋ daadaŋ, anerae acepaki nyirubakini iyoŋ irae eketiyan kaŋ.’ 3Totamatama eketiyan alotau keŋ tema, ‘Akalema tokona ayoŋ ekapolon alotic, ekokini ayoŋ ai? Meere ayoŋ ituŋanan ŋini agogoŋon, ŋini apedori akitare, nabo ekerumito ŋileec alosit akilipanar. 4Nai ayeni ayoŋ ŋuna etiyakini; ikotere ani kekerita ayoŋ ekapolon alotic keŋ, ekejaut ŋituŋa alorerya kec.’
5“Tonyarau iŋes ŋituŋa daadaŋ ŋulu ayakatar ŋamicae ŋuna ke ekapolon keŋ. Tonyaraununu ikes a ŋipeipei, kiŋit ŋolo ke ekiŋaren tema, ‘Nyo etyae a ibore a ŋini ikimicae iyoŋ ekapolon kaŋ?’ 6Toboŋok iŋes tema, ‘Akimyet ŋina ilelebun ŋamoti ŋuna apolok amiat.’ Tolimok ekawuoikiniton etic iŋes tema, ‘Ekimar kon logo, kiboikin kigirak ŋatomonikan make.’ 7Tosodi kiŋit iŋes ŋoloce tema, ‘Etya ai ibore ikimicao iyoŋ?’ Toboŋok iŋes tema, ‘Ŋicweei ŋulu a ŋimomwa amiat.’ Tolimok ekawuoikiniton etic iŋes tema, ‘Ekimar kon logo, kiboikin atipei, kigirak ŋatomonikanikauni.’
8“Abu ekapolon kipur ekawuoikiniton etic ŋolo aronon ŋol, aŋuna etiyaa iŋes ŋuna ka apiiryanut, anerae ŋituŋa ŋulu ka akwap a na, epiiryaka nooi aloticisyo akilo ŋituŋa ŋulu ka akica.”
9Tolimu nai Yesu tema, “Akalimokini ayoŋ iyes daŋ atemar kikoneutu ŋikonei ke ebari kus a ŋolo ka akwap a na. Ani edaun ebari kus anakwap a na, ikijaunete ikes iyes lore ŋolo eyai akiyar ŋina nyedaun. 10Ŋinituŋanan ikinyomitae anibore a ŋini edit, ikinyomitae iŋes tari a ŋini alalan; ŋinituŋanan nyikinyomitae anibore a ŋini edit, nyikinyomitae iŋes tari a ŋini alalan. 11Ani pa kikikinyomitae iyoŋ alobari a ŋolo ka akwap a na, ŋae ikijokokini iyoŋ ebari ŋolo a kire? 12Ani pa kikikinyomitae iyoŋ a ibore a ituŋanan a ŋinice, ŋae ikiinakini iyoŋ ŋini itemokino toruwor ŋini kon?
13“Emam eketiyan epedori akitiya ŋiticisyo ŋulu a ŋikapolok a ŋiarei; eŋeri epei, tosodi tominak ŋoloce, kori imiidikin neni ke epei, tosodi tojamuwa ŋoloce. Nyipedorete iyes akikicarikin akitiyanakin Akuj ka ebari.”
Ŋakiro ŋace ŋuna abu Yesu kirwor
(Mat. 11:12-13, 5:31-32; Mar. 10:11-12)
14Ani iirarete Ŋiparisayon ŋulu aminasi ŋisiliŋa ŋakiro ŋun daadaŋ, tojamuwasi iŋes. 15Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.
16“Etatamyo koloŋ Ŋikisila a Moses ka ŋakigireta ŋuna a ŋikadwarak tari lorwa ŋulu a Yoana ke Ekebatisan. Ŋinapei alorwa a ŋul, aponi kisyakinae alimonokin Ŋakiro ŋuna Ajokak ŋuna ka Apukan ka Akuj. Nabo ecamit ŋinituŋanan alomar Napukan ka agogoŋu. 17Nai epatana nakuj ka akwap aŋopiyar, akilo tari enyukuta epei a Lokisila aruwor koŋin.
18“Ŋinituŋanan elaki akeeberu kiit ace, aruwor ekaloman; ŋini daŋ iitari aberu ŋina elakitae, aruwor ekaloman.”
Akitadapet ŋina ke ekabaran ka Lasaro
19“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ. 20Ayai nabo nen ekulyakit ŋolo anyaritae Lasaro, ŋolo erikarito ŋajemei akuwan daadaŋ. Arikununuyo iŋes lokek ke ekile a ŋolo abaran a ŋol, 21iitanit akimuj ŋina acakunun alomesa keŋ. Aponeneete ŋiŋokwo daŋ akime ŋajemei keŋ.
22“Totwan ekulyakit ŋol, yaasi ŋimalaikan iŋes kisiboikis diyete Aburaam anakuj. Totwan ekabaran daŋ, tonukae. 23Aryeba ekabaran nooi aneni aya ŋikatwak. Ani ireori iŋes kidiama, toanyuwa Aburaam elwana nooi ka Lasaro iboi alodiye keŋ. 24Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’
25“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu. 26Akilo ŋun daadaŋ, eyai auwuat ŋinati aoyan ŋina iriwokina kidiŋ yok, ido ani ŋulu ebasi oloto a ne opotu neni kus, nyepedosi, kori ŋulu ecamito aponare aina neni kosi, nyepedosi.’ 27Toboŋok ekabaran ŋol iŋes tema, ‘Nai ekemaimai ca ayoŋ iyoŋ papa atemar kiyakiya Lasaro lore ŋolo a papa kaŋ, 28neni eya atalokaato kaŋ ŋulukan. Kicik iŋes ikes toyenut, ikotere nyepotu nakim ŋina apipilan nooi na.’
29“Tolimok Aburaam iŋes tema, ‘Eyakatar atalokaato kon Moses ka ŋikadwarak, itemokino kiirasi ikes.’ 30Toboŋok ekabaran ŋol tema, ‘Papa Aburaam, nyitemokino ŋuna; nai ani kelot ituŋanan idio ŋini ayaru alokatwak neni kec, kire ekiyete ikes asecenen.’ 31Toboŋok Aburaam iŋes tema, ‘Ani pa kiirasi ikes Moses ka ŋikadwarak, nyepedorete akinup tari keyaru ituŋanan alokatwak.’ ”
Currently Selected:
Luk. 16: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Luk. 16
16
Ekawuoikiniton ŋolo aronon ŋolo ke etic
1Tolimok Yesu ŋikeekasyomak tema, “Ayai ekile ŋolo abarit, ŋolo ayakar ekawoikiniton etic ŋiboro keŋ. Tolimokinae nai ekabaran atemar ebolyar ekawoikiniton etic ŋiboro keŋ. 2Tosodi ekapolon tonyarau iŋes kiŋit tema, ‘Anukiro nu ŋuna apupi ayoŋ atemar itiyae iyoŋ? Kitoodikinae cenite ekimar a ŋiboro kaŋ daadaŋ, anerae acepaki nyirubakini iyoŋ irae eketiyan kaŋ.’ 3Totamatama eketiyan alotau keŋ tema, ‘Akalema tokona ayoŋ ekapolon alotic, ekokini ayoŋ ai? Meere ayoŋ ituŋanan ŋini agogoŋon, ŋini apedori akitare, nabo ekerumito ŋileec alosit akilipanar. 4Nai ayeni ayoŋ ŋuna etiyakini; ikotere ani kekerita ayoŋ ekapolon alotic keŋ, ekejaut ŋituŋa alorerya kec.’
5“Tonyarau iŋes ŋituŋa daadaŋ ŋulu ayakatar ŋamicae ŋuna ke ekapolon keŋ. Tonyaraununu ikes a ŋipeipei, kiŋit ŋolo ke ekiŋaren tema, ‘Nyo etyae a ibore a ŋini ikimicae iyoŋ ekapolon kaŋ?’ 6Toboŋok iŋes tema, ‘Akimyet ŋina ilelebun ŋamoti ŋuna apolok amiat.’ Tolimok ekawuoikiniton etic iŋes tema, ‘Ekimar kon logo, kiboikin kigirak ŋatomonikan make.’ 7Tosodi kiŋit iŋes ŋoloce tema, ‘Etya ai ibore ikimicao iyoŋ?’ Toboŋok iŋes tema, ‘Ŋicweei ŋulu a ŋimomwa amiat.’ Tolimok ekawuoikiniton etic iŋes tema, ‘Ekimar kon logo, kiboikin atipei, kigirak ŋatomonikanikauni.’
8“Abu ekapolon kipur ekawuoikiniton etic ŋolo aronon ŋol, aŋuna etiyaa iŋes ŋuna ka apiiryanut, anerae ŋituŋa ŋulu ka akwap a na, epiiryaka nooi aloticisyo akilo ŋituŋa ŋulu ka akica.”
9Tolimu nai Yesu tema, “Akalimokini ayoŋ iyes daŋ atemar kikoneutu ŋikonei ke ebari kus a ŋolo ka akwap a na. Ani edaun ebari kus anakwap a na, ikijaunete ikes iyes lore ŋolo eyai akiyar ŋina nyedaun. 10Ŋinituŋanan ikinyomitae anibore a ŋini edit, ikinyomitae iŋes tari a ŋini alalan; ŋinituŋanan nyikinyomitae anibore a ŋini edit, nyikinyomitae iŋes tari a ŋini alalan. 11Ani pa kikikinyomitae iyoŋ alobari a ŋolo ka akwap a na, ŋae ikijokokini iyoŋ ebari ŋolo a kire? 12Ani pa kikikinyomitae iyoŋ a ibore a ituŋanan a ŋinice, ŋae ikiinakini iyoŋ ŋini itemokino toruwor ŋini kon?
13“Emam eketiyan epedori akitiya ŋiticisyo ŋulu a ŋikapolok a ŋiarei; eŋeri epei, tosodi tominak ŋoloce, kori imiidikin neni ke epei, tosodi tojamuwa ŋoloce. Nyipedorete iyes akikicarikin akitiyanakin Akuj ka ebari.”
Ŋakiro ŋace ŋuna abu Yesu kirwor
(Mat. 11:12-13, 5:31-32; Mar. 10:11-12)
14Ani iirarete Ŋiparisayon ŋulu aminasi ŋisiliŋa ŋakiro ŋun daadaŋ, tojamuwasi iŋes. 15Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.
16“Etatamyo koloŋ Ŋikisila a Moses ka ŋakigireta ŋuna a ŋikadwarak tari lorwa ŋulu a Yoana ke Ekebatisan. Ŋinapei alorwa a ŋul, aponi kisyakinae alimonokin Ŋakiro ŋuna Ajokak ŋuna ka Apukan ka Akuj. Nabo ecamit ŋinituŋanan alomar Napukan ka agogoŋu. 17Nai epatana nakuj ka akwap aŋopiyar, akilo tari enyukuta epei a Lokisila aruwor koŋin.
18“Ŋinituŋanan elaki akeeberu kiit ace, aruwor ekaloman; ŋini daŋ iitari aberu ŋina elakitae, aruwor ekaloman.”
Akitadapet ŋina ke ekabaran ka Lasaro
19“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ. 20Ayai nabo nen ekulyakit ŋolo anyaritae Lasaro, ŋolo erikarito ŋajemei akuwan daadaŋ. Arikununuyo iŋes lokek ke ekile a ŋolo abaran a ŋol, 21iitanit akimuj ŋina acakunun alomesa keŋ. Aponeneete ŋiŋokwo daŋ akime ŋajemei keŋ.
22“Totwan ekulyakit ŋol, yaasi ŋimalaikan iŋes kisiboikis diyete Aburaam anakuj. Totwan ekabaran daŋ, tonukae. 23Aryeba ekabaran nooi aneni aya ŋikatwak. Ani ireori iŋes kidiama, toanyuwa Aburaam elwana nooi ka Lasaro iboi alodiye keŋ. 24Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’
25“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu. 26Akilo ŋun daadaŋ, eyai auwuat ŋinati aoyan ŋina iriwokina kidiŋ yok, ido ani ŋulu ebasi oloto a ne opotu neni kus, nyepedosi, kori ŋulu ecamito aponare aina neni kosi, nyepedosi.’ 27Toboŋok ekabaran ŋol iŋes tema, ‘Nai ekemaimai ca ayoŋ iyoŋ papa atemar kiyakiya Lasaro lore ŋolo a papa kaŋ, 28neni eya atalokaato kaŋ ŋulukan. Kicik iŋes ikes toyenut, ikotere nyepotu nakim ŋina apipilan nooi na.’
29“Tolimok Aburaam iŋes tema, ‘Eyakatar atalokaato kon Moses ka ŋikadwarak, itemokino kiirasi ikes.’ 30Toboŋok ekabaran ŋol tema, ‘Papa Aburaam, nyitemokino ŋuna; nai ani kelot ituŋanan idio ŋini ayaru alokatwak neni kec, kire ekiyete ikes asecenen.’ 31Toboŋok Aburaam iŋes tema, ‘Ani pa kiirasi ikes Moses ka ŋikadwarak, nyepedorete akinup tari keyaru ituŋanan alokatwak.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.