Mat. 28
28
Ayarun a Yesu
(Mar. 16:1-10; Luk. 24:1-12; Yoa. 20:1-10)
1Ani kelunyar akoloŋit ŋina a Sabato, akiwalaret ŋina ke Esabit, apotu Maria Magadalena ka Maria ŋinace toloto aanyun alyal. 2Ŋolopeikiro tomaranik akwap; bu emalaika ŋolo ke Ekapolon anakuj, kikokoriyo amoru nawae, kiboikin kidiama keŋ. 3Anoki iŋes ikwa akimilyaunet ka akwaŋ elou keŋ kya ikwa ŋalepan. 4Tobul ŋisigarya, tomaranikis kiketaros kikokis ŋituŋa ŋulu atwak.
5Tolimok nai emalaika ŋaberu tema, “Nyikibul iyes, anerae ayeni ayoŋ atemar iwarito iyes Yesu ŋolo ebubukinio lomusalaba. 6Emam iŋes a ne, anerae ayaru ikwaŋinapei alimunitor iŋes. Potu kiŋolikisi neni eperikinitoe iŋes. 7Nai toloto atipei tolimokis ŋikasyomak keŋ atemar ayaru iŋes alokatwak ka elosi iŋes Galileya ikiŋarenikinit iyes; ianyunete iyes iŋes aina. Eŋuna adau ayoŋ alimokin iyes.”
8Aŋun, torotokis ikes atipei analyal ebulit ka elakara nooi; toŋeda alimokin ŋikasyomak a Yesu ŋakiro daadaŋ.
9Ŋolopeikiro, kiryamun Yesu ka ikes tolimok tema, “Toyai ekisil neni kus.” Potu ikes toryediko, totapa ŋakejen keŋ kilipa. 10Tolimok Yesu ikes tema, “Nyikibul, toloto tolimokisi ŋikaitotoi kaŋ toloto Galileya, akaanyuwarete ikes ayoŋ aina.”
Ŋuna apotu ŋiketeok alyal kitatamut
11Ani erotokinete ŋaberu, torotokis ŋisigarya daŋ ŋice ŋulu eteete alyal lotaun, kitatamikis ŋisacaradotin ŋulu apolok ŋakiro daadaŋ ŋuna apotu totakanut. 12Ani ecunakinosi ŋisacaradotin ŋulu apolok ka ŋikatukok Natukot, tolemut ŋisiliŋa ŋulu alalak inakis ŋisigarya, 13tolimokis ikes temasi, “Tolimokisi ŋituŋa atemar, ‘Apotu ŋikasyomak keŋ potu nakwaare tokokoiyasi akuwan keŋ ejotoo isua!’ 14Ani kiira ekapolon a Ŋiromanin ŋakiro ŋun, ikitunupi isua iŋes, nyiryamut iyes akisicanio.”
15Kijaasi ŋisigarya ŋisiliŋa kiwuapa ŋakiro ŋuna alimokinitae. Ekeikina ŋakiro nu Loyudayan daadaŋ tari nakuwar na.
Totakanu Yesu lokasyomak keŋ
(Mar. 16:14-18; Luk. 24:36-49; Yoa. 20:19-23; Ŋitic. 1:6-8)
16Toloto ŋikasyomak keŋ ŋulutomon ka epei Galileya, lomoru ŋolo sek alimokinit Yesu ikes alosit. 17Ani iŋolikinete ikes iŋes, kilipa neni keŋ, nai aya ŋice ŋulu aŋayaŋayato. 18Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap. 19Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan. 20Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”
Currently Selected:
Mat. 28: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Mat. 28
28
Ayarun a Yesu
(Mar. 16:1-10; Luk. 24:1-12; Yoa. 20:1-10)
1Ani kelunyar akoloŋit ŋina a Sabato, akiwalaret ŋina ke Esabit, apotu Maria Magadalena ka Maria ŋinace toloto aanyun alyal. 2Ŋolopeikiro tomaranik akwap; bu emalaika ŋolo ke Ekapolon anakuj, kikokoriyo amoru nawae, kiboikin kidiama keŋ. 3Anoki iŋes ikwa akimilyaunet ka akwaŋ elou keŋ kya ikwa ŋalepan. 4Tobul ŋisigarya, tomaranikis kiketaros kikokis ŋituŋa ŋulu atwak.
5Tolimok nai emalaika ŋaberu tema, “Nyikibul iyes, anerae ayeni ayoŋ atemar iwarito iyes Yesu ŋolo ebubukinio lomusalaba. 6Emam iŋes a ne, anerae ayaru ikwaŋinapei alimunitor iŋes. Potu kiŋolikisi neni eperikinitoe iŋes. 7Nai toloto atipei tolimokis ŋikasyomak keŋ atemar ayaru iŋes alokatwak ka elosi iŋes Galileya ikiŋarenikinit iyes; ianyunete iyes iŋes aina. Eŋuna adau ayoŋ alimokin iyes.”
8Aŋun, torotokis ikes atipei analyal ebulit ka elakara nooi; toŋeda alimokin ŋikasyomak a Yesu ŋakiro daadaŋ.
9Ŋolopeikiro, kiryamun Yesu ka ikes tolimok tema, “Toyai ekisil neni kus.” Potu ikes toryediko, totapa ŋakejen keŋ kilipa. 10Tolimok Yesu ikes tema, “Nyikibul, toloto tolimokisi ŋikaitotoi kaŋ toloto Galileya, akaanyuwarete ikes ayoŋ aina.”
Ŋuna apotu ŋiketeok alyal kitatamut
11Ani erotokinete ŋaberu, torotokis ŋisigarya daŋ ŋice ŋulu eteete alyal lotaun, kitatamikis ŋisacaradotin ŋulu apolok ŋakiro daadaŋ ŋuna apotu totakanut. 12Ani ecunakinosi ŋisacaradotin ŋulu apolok ka ŋikatukok Natukot, tolemut ŋisiliŋa ŋulu alalak inakis ŋisigarya, 13tolimokis ikes temasi, “Tolimokisi ŋituŋa atemar, ‘Apotu ŋikasyomak keŋ potu nakwaare tokokoiyasi akuwan keŋ ejotoo isua!’ 14Ani kiira ekapolon a Ŋiromanin ŋakiro ŋun, ikitunupi isua iŋes, nyiryamut iyes akisicanio.”
15Kijaasi ŋisigarya ŋisiliŋa kiwuapa ŋakiro ŋuna alimokinitae. Ekeikina ŋakiro nu Loyudayan daadaŋ tari nakuwar na.
Totakanu Yesu lokasyomak keŋ
(Mar. 16:14-18; Luk. 24:36-49; Yoa. 20:19-23; Ŋitic. 1:6-8)
16Toloto ŋikasyomak keŋ ŋulutomon ka epei Galileya, lomoru ŋolo sek alimokinit Yesu ikes alosit. 17Ani iŋolikinete ikes iŋes, kilipa neni keŋ, nai aya ŋice ŋulu aŋayaŋayato. 18Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap. 19Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan. 20Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.