Ekim. 10
10
Ŋarupepe ŋuna etiyaunitae a Esilipa
1Kirwor Ekapolon neni a Moses tema, 2“Kitiyau a esilipa ŋarupepe ŋaarei, emaikina iyoŋ kityeku ikes kisitiya anyaraunununia Ŋisirael iwapei ka akitowotonokinia Ŋisirael anakiboisyo a ŋuna elomeneneete ikes. 3Ani ekutakinio ŋarupepe ŋunaarei daadaŋ kaapei, ecunun atukot a Ŋisirael daadaŋ kiŋaren kon lopuke ŋolo ke eema a ŋolokilipet. 4Nai ani ekutakinio arupepe apei bon, ŋikarikok ka ŋikapolokinitok a ŋikabilae a Ŋisirael make ikes ecunun kiŋaren kon. 5Ani eruunete ŋarupepe erae ŋuna ke eli, aruunet ŋina esyaunan, ewotokinete ŋituŋa a ŋikabilae a ŋulu elomito lowae ŋolo alo Kide alomar 6ka ani eruunete nabo aruunet ŋina a ŋaarei, ewotokinete ŋituŋa a ŋikabilae a ŋulu elomito lowae ŋolo alo Kwap alomar. 7Nai ani ecamitae ŋituŋa tocununos iwapei, ekutakinio ŋarupepe nai nyeruut esibit eramio eli. 8Ŋidwe ka Aron ŋulusapa ŋulu erae ŋisacaradotin ikes emaikina ekusete ŋarupepe, emaikina ŋun kiwuapae ananyameta a daadaŋ a ŋuna eponito. 9Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus. 10Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”
Awotokin alo Sinai
11Ani edoli ŋirwa ke elap ŋatomoniarei elap ŋolo a ŋiarei ekaru ŋolo a ŋiarei kedaut Ŋisirael alomun anakwap a Ijipit, abu adis kikyaar alokidiama eema ŋolo ayai Asaduku ŋina ka Acamunet. 12Apotu nai Ŋisirael towotokis analoŋisat a ŋina a Sinai, ani edolete naloŋisat ŋina a Paran towo adis a nen. 13Towotokis Ŋisirael awotokinet ŋina esyaunan ikwapei ecikia Ekapolon Moses. 14Arae ŋatuketa a ŋituŋa a ŋulu apolokinit ekabila a Yuda ikes ageunete awotokin a ŋatuketa kec iŋarenikinit abendera, Nason lokoku ka Aminadab iŋes arikit ŋatuketa ŋun. 15Nasaniel lokoku a Suar iŋes arikit ŋatuketa a ŋituŋa a ŋulu apolokinit ekabila a Isakar 16ka ŋatuketa a ŋituŋa a ŋulu apolokinit ekabila a Sebulon arae Eliab lokoku a Elon iŋes arikit.
17Kedaut ŋituŋa ŋul daadaŋ awotokin, tolacunae nai eema inakinae ŋituŋa a ŋatekerin a Ŋigerisoni ka Ŋimerari todaka, towotokis nai ŋul daŋ, 18kiwuapakis nai ŋatuketa a ŋituŋa a ŋulu apolokinit ekabila a Ruben towotokis ŋul daŋ a ŋatuketa kec, arae Elisur lokoku Sedeur iŋes arikit ikes daadaŋ, 19arikit Selumiel lokoku ka Surisadai ŋatuketa a ŋituŋa a ŋulu apolokinit ekabila a Simeon, 20ido arae Elisap lokoku ka Deuel arikit ŋatuketa a ŋituŋa a ŋulu apolokinit ekabila a Gad.
21Ekaku towotokis nai Ŋikaoti ŋulu ewokito ŋiboro ŋulu asegak, amaikina eema todukokinae eriŋa ikes nyedoluno neni elomio. 22Ekaku kiwuapakis ŋatuketa a ŋituŋa a ŋulu apolokinit ekabila a Epuraim, towotokis ŋulu daŋ a ŋatuketa kec. Arae Elisama lokoku ka Amiud iŋes arikit ŋatuketa ŋun, 23arikit Gamaliel lokoku a Pedasur ŋatuketa a ŋituŋa a ŋulu apolokinit ekabila a Manase, 24ido arae Abidan lokoku a Gideoni iŋes arikit ŋatuketa a ŋituŋa a ŋulu apolokinit ekabila a Benjamin.
25Ekaku a daadaŋ towotokis ŋatuketa a ŋituŋa a ŋulu apolokinit ekabila a Dan, ikes ewasiyete alokaku a ŋatuketa daadaŋ, towotokis ŋul daŋ a ŋatuketa kec. Aieser lokoku ka Amisadai iŋes arikit ikes. 26Pagiel lokoku ka Okiran iŋes arikit ŋatuketa a ŋituŋa a ŋulu apolokinit ekabila ka Aser 27ka arae Aira lokoku ka Enan iŋes arikit ŋatuketa a ŋituŋa a ŋulu apolokinit ekabila a Naputali. 28Arae ŋol epite ŋolo awosyata Ŋisirael a ŋatuketa kec apaki ŋina ewotokiniata.
29Kirwor Moses neni ka Obab a lokoku a Reuel a ŋolo arae lokamuran a Moses a ŋolo abunit anakwap a Midian tema, “Awotokin tokona isua nakwap ŋina ikilimokinit isua Ekapolon ebe, ‘Akainakini ayoŋ iyes,’ bua orukosi ka isua, itiyao isua ejok neni kon; anerae iikinit Ekapolon ajokis neni a Ŋisirael.” 30Nai tolimok Obab Moses tema, “Nyalosi ayoŋ, nai aboŋori ayoŋ nakwap kaŋ a elope ka loyeneta kaŋ.” 31Tema Moses neni ka Obab, “Nyikimyek isua, anerae iyeni iyoŋ neni emaikina isua tolomae analoŋisat ka iruwor iyoŋ eketenan kosi; 32nabo daŋ kikiruko iyoŋ ka isua, ajokis daadaŋ ŋina itiyae Ekapolon neni kosi, ŋunapei ŋun itiyao isua daŋ neni kon.”
33Aŋun, apotu ikes towotokis alomoru ke Ekapolon (iŋes Sinai), torubakis ewosete ŋirwa ŋiuni, kiŋarenikinite ikes Asaduku ŋina ka Acamunet ke Ekapolon aryamun aŋuna kec akibois ŋina elomete, 34ayai adis ke Ekapolon kidiama kec naparan, apaki ŋina awotokiniata ikes alomoru Sinai.
35Apaki daadaŋ ŋina erotokinioto ŋulu adakito Asaduku ŋina ka Acamunet atemanari Moses,
“Tonyou Ekapolon, elipi kielarae ŋimoe kon,
elipi tobwaŋas ŋimoe kon alokiŋaren kon.”
36Ido ani ieŋunete ŋulu adakito Asaduku ŋina ka Acamunet, atemanari Moses,
“Toboŋu okoe Ekapolon lotuŋa a Isirael ŋulu erae ŋalipyo ka ŋalipyo.”
Currently Selected:
Ekim. 10: NIB2008
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 10
10
Ŋarupepe ŋuna etiyaunitae a Esilipa
1Kirwor Ekapolon neni a Moses tema, 2“Kitiyau a esilipa ŋarupepe ŋaarei, emaikina iyoŋ kityeku ikes kisitiya anyaraunununia Ŋisirael iwapei ka akitowotonokinia Ŋisirael anakiboisyo a ŋuna elomeneneete ikes. 3Ani ekutakinio ŋarupepe ŋunaarei daadaŋ kaapei, ecunun atukot a Ŋisirael daadaŋ kiŋaren kon lopuke ŋolo ke eema a ŋolokilipet. 4Nai ani ekutakinio arupepe apei bon, ŋikarikok ka ŋikapolokinitok a ŋikabilae a Ŋisirael make ikes ecunun kiŋaren kon. 5Ani eruunete ŋarupepe erae ŋuna ke eli, aruunet ŋina esyaunan, ewotokinete ŋituŋa a ŋikabilae a ŋulu elomito lowae ŋolo alo Kide alomar 6ka ani eruunete nabo aruunet ŋina a ŋaarei, ewotokinete ŋituŋa a ŋikabilae a ŋulu elomito lowae ŋolo alo Kwap alomar. 7Nai ani ecamitae ŋituŋa tocununos iwapei, ekutakinio ŋarupepe nai nyeruut esibit eramio eli. 8Ŋidwe ka Aron ŋulusapa ŋulu erae ŋisacaradotin ikes emaikina ekusete ŋarupepe, emaikina ŋun kiwuapae ananyameta a daadaŋ a ŋuna eponito. 9Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus. 10Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”
Awotokin alo Sinai
11Ani edoli ŋirwa ke elap ŋatomoniarei elap ŋolo a ŋiarei ekaru ŋolo a ŋiarei kedaut Ŋisirael alomun anakwap a Ijipit, abu adis kikyaar alokidiama eema ŋolo ayai Asaduku ŋina ka Acamunet. 12Apotu nai Ŋisirael towotokis analoŋisat a ŋina a Sinai, ani edolete naloŋisat ŋina a Paran towo adis a nen. 13Towotokis Ŋisirael awotokinet ŋina esyaunan ikwapei ecikia Ekapolon Moses. 14Arae ŋatuketa a ŋituŋa a ŋulu apolokinit ekabila a Yuda ikes ageunete awotokin a ŋatuketa kec iŋarenikinit abendera, Nason lokoku ka Aminadab iŋes arikit ŋatuketa ŋun. 15Nasaniel lokoku a Suar iŋes arikit ŋatuketa a ŋituŋa a ŋulu apolokinit ekabila a Isakar 16ka ŋatuketa a ŋituŋa a ŋulu apolokinit ekabila a Sebulon arae Eliab lokoku a Elon iŋes arikit.
17Kedaut ŋituŋa ŋul daadaŋ awotokin, tolacunae nai eema inakinae ŋituŋa a ŋatekerin a Ŋigerisoni ka Ŋimerari todaka, towotokis nai ŋul daŋ, 18kiwuapakis nai ŋatuketa a ŋituŋa a ŋulu apolokinit ekabila a Ruben towotokis ŋul daŋ a ŋatuketa kec, arae Elisur lokoku Sedeur iŋes arikit ikes daadaŋ, 19arikit Selumiel lokoku ka Surisadai ŋatuketa a ŋituŋa a ŋulu apolokinit ekabila a Simeon, 20ido arae Elisap lokoku ka Deuel arikit ŋatuketa a ŋituŋa a ŋulu apolokinit ekabila a Gad.
21Ekaku towotokis nai Ŋikaoti ŋulu ewokito ŋiboro ŋulu asegak, amaikina eema todukokinae eriŋa ikes nyedoluno neni elomio. 22Ekaku kiwuapakis ŋatuketa a ŋituŋa a ŋulu apolokinit ekabila a Epuraim, towotokis ŋulu daŋ a ŋatuketa kec. Arae Elisama lokoku ka Amiud iŋes arikit ŋatuketa ŋun, 23arikit Gamaliel lokoku a Pedasur ŋatuketa a ŋituŋa a ŋulu apolokinit ekabila a Manase, 24ido arae Abidan lokoku a Gideoni iŋes arikit ŋatuketa a ŋituŋa a ŋulu apolokinit ekabila a Benjamin.
25Ekaku a daadaŋ towotokis ŋatuketa a ŋituŋa a ŋulu apolokinit ekabila a Dan, ikes ewasiyete alokaku a ŋatuketa daadaŋ, towotokis ŋul daŋ a ŋatuketa kec. Aieser lokoku ka Amisadai iŋes arikit ikes. 26Pagiel lokoku ka Okiran iŋes arikit ŋatuketa a ŋituŋa a ŋulu apolokinit ekabila ka Aser 27ka arae Aira lokoku ka Enan iŋes arikit ŋatuketa a ŋituŋa a ŋulu apolokinit ekabila a Naputali. 28Arae ŋol epite ŋolo awosyata Ŋisirael a ŋatuketa kec apaki ŋina ewotokiniata.
29Kirwor Moses neni ka Obab a lokoku a Reuel a ŋolo arae lokamuran a Moses a ŋolo abunit anakwap a Midian tema, “Awotokin tokona isua nakwap ŋina ikilimokinit isua Ekapolon ebe, ‘Akainakini ayoŋ iyes,’ bua orukosi ka isua, itiyao isua ejok neni kon; anerae iikinit Ekapolon ajokis neni a Ŋisirael.” 30Nai tolimok Obab Moses tema, “Nyalosi ayoŋ, nai aboŋori ayoŋ nakwap kaŋ a elope ka loyeneta kaŋ.” 31Tema Moses neni ka Obab, “Nyikimyek isua, anerae iyeni iyoŋ neni emaikina isua tolomae analoŋisat ka iruwor iyoŋ eketenan kosi; 32nabo daŋ kikiruko iyoŋ ka isua, ajokis daadaŋ ŋina itiyae Ekapolon neni kosi, ŋunapei ŋun itiyao isua daŋ neni kon.”
33Aŋun, apotu ikes towotokis alomoru ke Ekapolon (iŋes Sinai), torubakis ewosete ŋirwa ŋiuni, kiŋarenikinite ikes Asaduku ŋina ka Acamunet ke Ekapolon aryamun aŋuna kec akibois ŋina elomete, 34ayai adis ke Ekapolon kidiama kec naparan, apaki ŋina awotokiniata ikes alomoru Sinai.
35Apaki daadaŋ ŋina erotokinioto ŋulu adakito Asaduku ŋina ka Acamunet atemanari Moses,
“Tonyou Ekapolon, elipi kielarae ŋimoe kon,
elipi tobwaŋas ŋimoe kon alokiŋaren kon.”
36Ido ani ieŋunete ŋulu adakito Asaduku ŋina ka Acamunet, atemanari Moses,
“Toboŋu okoe Ekapolon lotuŋa a Isirael ŋulu erae ŋalipyo ka ŋalipyo.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.