Ekim. 17
17
Kiminiaut ŋakwii alobela ka Aron
1Kirwor Ekapolon neni a Moses tema, 2“Kirwor neni a Ŋisirael, kijau ikes ŋibelae ŋitomon ka ŋiarei, epeibela aŋuna a ŋolokabila, kijau ŋibelae ŋul aneni a ŋikarikok a daadaŋ a ŋulu a ŋikabilae kec. Kigir ekiro a ŋolokarikon lobela keŋ, 3ido ikigir ekiro ka Aron lobela ŋolo a ekabila a Lepi. Emaikina toyai ebela epei aŋuna a ŋolokabila. 4Kiwuak ŋibelae ŋul tooma eema diyete Asaduku ŋina ka Acamunet ke Ekapolon, neni ikiryamununor ayoŋ ka iyes. 5Ebela ŋolo a ekile a ŋolo aseuni ayoŋ iminiaunete ŋakwii, ido etojoŋoe ayoŋ Ŋisirael akiŋuruŋura ŋina erubakinitotor ikes iŋuruŋurasi neni kus.” 6Kirwor Moses neni a Ŋisirael ka apotu ŋikarikok kec daadaŋ inakis iŋes ŋibelae, epeibela aŋuna a ŋolokarikon a ŋolokabila, yaunae ŋibelae ŋitomon ka ŋiarei, ekimar ŋolo a ŋikabilae kec, ido ayai ebela ka Aron daŋ lobelae ŋul. 7Abu nai Moses kiwuak ŋibelae ŋul kiŋaren Ekapolon tooma eema nakibois ŋina ayai Asaduku ŋina ka Acamunet.
8Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito. 9Abu nai Moses yau ŋibelae daadaŋ kiŋa alokiŋaren Ekapolon neni a Ŋisirael a daadaŋ; kiŋolikis ikes, ido abu ŋinituŋanan tolema ebela keŋ. 10Tolimok Ekapolon Moses tema, “Kinyakak ebela ŋolo ka Aron diyete Asaduku ŋina ka Acamunet, kiŋadakinae nen erae akitaanyikinet neni a ŋikaŋerok, ikotere itojoŋoito ikes akiŋuruŋura neni kaŋ, ani kitiyata ikes ŋun etwakete.” 11Kitiya Moses ŋun lopite ŋolo ecikitor Ekapolon iŋes. 12Tolimokis Ŋisirael Moses temasi, “Adaunoi isua, acakaroi isua, aoliyor isua daadaŋ! 13Ituŋanan daadaŋ ŋini eapiyari Nasaduku ŋina ka Acamunet ke Ekapolon etwani. Etwakyo mono isua daadaŋ a?”
Currently Selected:
Ekim. 17: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 17
17
Kiminiaut ŋakwii alobela ka Aron
1Kirwor Ekapolon neni a Moses tema, 2“Kirwor neni a Ŋisirael, kijau ikes ŋibelae ŋitomon ka ŋiarei, epeibela aŋuna a ŋolokabila, kijau ŋibelae ŋul aneni a ŋikarikok a daadaŋ a ŋulu a ŋikabilae kec. Kigir ekiro a ŋolokarikon lobela keŋ, 3ido ikigir ekiro ka Aron lobela ŋolo a ekabila a Lepi. Emaikina toyai ebela epei aŋuna a ŋolokabila. 4Kiwuak ŋibelae ŋul tooma eema diyete Asaduku ŋina ka Acamunet ke Ekapolon, neni ikiryamununor ayoŋ ka iyes. 5Ebela ŋolo a ekile a ŋolo aseuni ayoŋ iminiaunete ŋakwii, ido etojoŋoe ayoŋ Ŋisirael akiŋuruŋura ŋina erubakinitotor ikes iŋuruŋurasi neni kus.” 6Kirwor Moses neni a Ŋisirael ka apotu ŋikarikok kec daadaŋ inakis iŋes ŋibelae, epeibela aŋuna a ŋolokarikon a ŋolokabila, yaunae ŋibelae ŋitomon ka ŋiarei, ekimar ŋolo a ŋikabilae kec, ido ayai ebela ka Aron daŋ lobelae ŋul. 7Abu nai Moses kiwuak ŋibelae ŋul kiŋaren Ekapolon tooma eema nakibois ŋina ayai Asaduku ŋina ka Acamunet.
8Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito. 9Abu nai Moses yau ŋibelae daadaŋ kiŋa alokiŋaren Ekapolon neni a Ŋisirael a daadaŋ; kiŋolikis ikes, ido abu ŋinituŋanan tolema ebela keŋ. 10Tolimok Ekapolon Moses tema, “Kinyakak ebela ŋolo ka Aron diyete Asaduku ŋina ka Acamunet, kiŋadakinae nen erae akitaanyikinet neni a ŋikaŋerok, ikotere itojoŋoito ikes akiŋuruŋura neni kaŋ, ani kitiyata ikes ŋun etwakete.” 11Kitiya Moses ŋun lopite ŋolo ecikitor Ekapolon iŋes. 12Tolimokis Ŋisirael Moses temasi, “Adaunoi isua, acakaroi isua, aoliyor isua daadaŋ! 13Ituŋanan daadaŋ ŋini eapiyari Nasaduku ŋina ka Acamunet ke Ekapolon etwani. Etwakyo mono isua daadaŋ a?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.