Ekim. 19
19
Ŋasuban ŋuna a ataok a ŋina areŋan
1Kirwor Ekapolon neni a Moses ka Aron tema, 2“Erae nu ŋakiro ŋuna etubunitoe anakiciket a ŋina alimu Ekapolon,” tolimok Ŋisirael ikiinut iyoŋ ataok ŋina areŋan, ŋina emam neni eŋwalit, ŋina nyitoroniyaritae ka emam ayokot keponi toenikinae. 3Emaikina iyoŋ inak ataok ŋin neni a Eleasar a esacaradoti, tosodi yaarae ataok ŋin kiŋa alomar, toŋolae eyai Eleasar. 4Elemuni Eleasar ŋolo erae esacaradoti ŋaokot ataok a ŋin ŋadi a ekimoin keŋ, towuatak kiŋaren eema ŋolokilipet ŋawuatakinet ŋakanikaarei. 5Ekaku emaikina kicunyae ataok ŋin ite Eleasar, emaikina kicunyarae ejamu keŋ, akiriŋ keŋ ka ŋaokot keŋ ta ŋikujit keŋ. 6Elemuni esacaradoti akitoe ŋina a Cedar, ekitoe ŋolo enyaritae Isop ka ausi ŋina areŋan, tosodi kimasak ikes nakim ŋina icunyere ataok. 7Emaikina nai esacaradoti kilota ŋilowi keŋ ka kiloŋar, kedau ŋun epedori alomar nalomar, nai erubakini esacaradoti itoroniyaritae akitodol eboŋ. 8Emaikina ŋolo ecunyi ataok daŋ kilota ŋilowi keŋ ka kiloŋar; erubakini iŋes daŋ itoroniyaritae akitodol eboŋ. 9Emaikina nai ituŋanan ŋini nyitoroniyaritae tomuda ekuron a ataok, kiwuak nakibois ŋina eseg ŋina ke etal alokiŋa alomar. Iŋadaaryo ekuron ŋol aŋuna a Ŋisirael ka aŋuna ka akiwuakin nakipi ŋuna italeununeere ŋituŋa. Arae ŋin ainakinet ŋina italeunere ŋituŋa. 10Emaikina ŋolo amudari ekuron a ataok kilota ŋilowi keŋ, ido erubakini itoroniyaritae akitodol eboŋ.
Eruwor ŋun ŋakiro ŋuna etubunitoe aŋuna a Ŋisirael ka ŋigelaanotin daadaŋ ŋulu iboiyete ka ikes, ŋuna emaikina kiwuapae ŋikaru ka ŋikaru. 11Ŋulu etapete akuwan a ituŋanan a ŋini atwanit, erubakinete itoroniyaritae ŋirwa ŋikanikaarei. 12Epedorete ikes akiteseguno a ŋakipi edolete ŋirwa ŋiuni ka edolete ŋirwa ŋikanikaarei, ameun anakoloŋit a ŋina etoroniyarere ikes; aŋun, nyitoroniyaryo ikes. Nai ani pa kitesegunosi ikes edolete ŋirwa ŋiuni ka edolete ŋirwa ŋikanikaarei, nyitesegunio ikes nabo. 13Ŋituŋa daadaŋ ŋulu etapete akuwan a ituŋanan a ŋini etwanit, ido nyitaleunosi, emunaarete eema ŋolo ke Ekapolon. Emaikina ŋituŋa ŋulu ikote ŋul totyakarae alo Isirael; anerae nyewuatakina ŋakipi ŋuna italeere ŋituŋa neni kec, aŋun, erubakinete ikes itoroniyaritae ka eyakatar aronis kec.
14Erae lo ekisil aŋuna a ituŋanan a ŋini etwani alotooma eema: Ituŋanan daadaŋ ŋini elomuni loeema ka ituŋanan daadaŋ ŋini eyai tooma eema, eruwor ŋini itoroniyaritae akidol ŋirwa ŋikanikaarei. 15Tosodi ŋiboro daadaŋ ŋulu eya nen, ŋulu nyerapap eruworosi ŋulu itoroniyaritae. 16Ituŋanan daadaŋ ŋini etapi anariet akuwan a ituŋanan a ŋini kearyo a ekileŋ, kori ŋini ketwani bon, kori akoit a ituŋanan, kori alyal a ituŋanan eruwor iŋes ŋini itoroniyaritae akidol ŋirwa ŋikanikaarei. 17Ŋituŋa ŋulu itoroniyaritae epedorete alemun ekuron a ainakinet a ŋina italeunere ituŋanan, ido kiwuakinae ŋakipi ŋuna eleleete loborosit ŋolo eyai ekuron, 18tolemu ituŋanan ŋini nyitoroniyaritae ekitoe ŋolo enyaritae Isop, kilumok nakipi, ido towuatak ŋakipi loeema ka loboro daadaŋ ŋulu eya tooma eema ka neni a ituŋanan a daadaŋ a ŋini ayai loeema ka a ŋini atapit akoit a ituŋanan, kori a ŋini atapit ituŋanan ŋini kearyo, kori akuwan a ituŋanan a ŋini etwanit, kori alyal. 19Ewuatakini ituŋanan ŋini nyitoroniyaritae ŋituŋa ŋulu itoroniyaritae ŋakipi edolete ŋirwa ŋiuni, kori edolete ŋirwa ŋikanikaarei, aŋun, kitaleu ikes edolete ŋirwa ŋikanikaarei. Ekaku ilotarete ikes ŋilowi kec ka kiloŋarosi, ani edoli eboŋ eruworosi ikes ŋulu nyitoroniyaritae. 20Ituŋanan daadaŋ ŋini itoroniyaritae, ido nyitaleun, emaikina ituŋanan ŋin totyakarae anatukot aŋuna amunaarya iŋes eema ŋolo ke Ekapolon, anerae nyewuatakina iŋes ŋakipi ŋuna italeere ŋituŋa, aŋun, itoroniyaritae iŋes.
21Eruwor ŋun ŋakiro ŋuna etubunitoe, ŋuna emaikina kiwuapae ŋikaru ka ŋikaru. Ituŋanan ŋini ewuasi ŋakipi ŋunakitaleet, emaikina kilota ŋilowi keŋ, ido ituŋanan daadaŋ ŋini etapi ŋakipi ŋunakitaleet, eruwor ŋini itoroniyaritae akitodol eboŋ. 22Ibore daadaŋ ŋini etapi ituŋanan ŋini itoroniyaritae, eruwor ŋini itoroniyaritae ka ituŋanan daadaŋ ŋini etapi ŋiboro ŋulu abu ituŋanan ŋin totap, eruwor ŋini itoroniyaritae akitodol eboŋ.
Currently Selected:
Ekim. 19: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 19
19
Ŋasuban ŋuna a ataok a ŋina areŋan
1Kirwor Ekapolon neni a Moses ka Aron tema, 2“Erae nu ŋakiro ŋuna etubunitoe anakiciket a ŋina alimu Ekapolon,” tolimok Ŋisirael ikiinut iyoŋ ataok ŋina areŋan, ŋina emam neni eŋwalit, ŋina nyitoroniyaritae ka emam ayokot keponi toenikinae. 3Emaikina iyoŋ inak ataok ŋin neni a Eleasar a esacaradoti, tosodi yaarae ataok ŋin kiŋa alomar, toŋolae eyai Eleasar. 4Elemuni Eleasar ŋolo erae esacaradoti ŋaokot ataok a ŋin ŋadi a ekimoin keŋ, towuatak kiŋaren eema ŋolokilipet ŋawuatakinet ŋakanikaarei. 5Ekaku emaikina kicunyae ataok ŋin ite Eleasar, emaikina kicunyarae ejamu keŋ, akiriŋ keŋ ka ŋaokot keŋ ta ŋikujit keŋ. 6Elemuni esacaradoti akitoe ŋina a Cedar, ekitoe ŋolo enyaritae Isop ka ausi ŋina areŋan, tosodi kimasak ikes nakim ŋina icunyere ataok. 7Emaikina nai esacaradoti kilota ŋilowi keŋ ka kiloŋar, kedau ŋun epedori alomar nalomar, nai erubakini esacaradoti itoroniyaritae akitodol eboŋ. 8Emaikina ŋolo ecunyi ataok daŋ kilota ŋilowi keŋ ka kiloŋar; erubakini iŋes daŋ itoroniyaritae akitodol eboŋ. 9Emaikina nai ituŋanan ŋini nyitoroniyaritae tomuda ekuron a ataok, kiwuak nakibois ŋina eseg ŋina ke etal alokiŋa alomar. Iŋadaaryo ekuron ŋol aŋuna a Ŋisirael ka aŋuna ka akiwuakin nakipi ŋuna italeununeere ŋituŋa. Arae ŋin ainakinet ŋina italeunere ŋituŋa. 10Emaikina ŋolo amudari ekuron a ataok kilota ŋilowi keŋ, ido erubakini itoroniyaritae akitodol eboŋ.
Eruwor ŋun ŋakiro ŋuna etubunitoe aŋuna a Ŋisirael ka ŋigelaanotin daadaŋ ŋulu iboiyete ka ikes, ŋuna emaikina kiwuapae ŋikaru ka ŋikaru. 11Ŋulu etapete akuwan a ituŋanan a ŋini atwanit, erubakinete itoroniyaritae ŋirwa ŋikanikaarei. 12Epedorete ikes akiteseguno a ŋakipi edolete ŋirwa ŋiuni ka edolete ŋirwa ŋikanikaarei, ameun anakoloŋit a ŋina etoroniyarere ikes; aŋun, nyitoroniyaryo ikes. Nai ani pa kitesegunosi ikes edolete ŋirwa ŋiuni ka edolete ŋirwa ŋikanikaarei, nyitesegunio ikes nabo. 13Ŋituŋa daadaŋ ŋulu etapete akuwan a ituŋanan a ŋini etwanit, ido nyitaleunosi, emunaarete eema ŋolo ke Ekapolon. Emaikina ŋituŋa ŋulu ikote ŋul totyakarae alo Isirael; anerae nyewuatakina ŋakipi ŋuna italeere ŋituŋa neni kec, aŋun, erubakinete ikes itoroniyaritae ka eyakatar aronis kec.
14Erae lo ekisil aŋuna a ituŋanan a ŋini etwani alotooma eema: Ituŋanan daadaŋ ŋini elomuni loeema ka ituŋanan daadaŋ ŋini eyai tooma eema, eruwor ŋini itoroniyaritae akidol ŋirwa ŋikanikaarei. 15Tosodi ŋiboro daadaŋ ŋulu eya nen, ŋulu nyerapap eruworosi ŋulu itoroniyaritae. 16Ituŋanan daadaŋ ŋini etapi anariet akuwan a ituŋanan a ŋini kearyo a ekileŋ, kori ŋini ketwani bon, kori akoit a ituŋanan, kori alyal a ituŋanan eruwor iŋes ŋini itoroniyaritae akidol ŋirwa ŋikanikaarei. 17Ŋituŋa ŋulu itoroniyaritae epedorete alemun ekuron a ainakinet a ŋina italeunere ituŋanan, ido kiwuakinae ŋakipi ŋuna eleleete loborosit ŋolo eyai ekuron, 18tolemu ituŋanan ŋini nyitoroniyaritae ekitoe ŋolo enyaritae Isop, kilumok nakipi, ido towuatak ŋakipi loeema ka loboro daadaŋ ŋulu eya tooma eema ka neni a ituŋanan a daadaŋ a ŋini ayai loeema ka a ŋini atapit akoit a ituŋanan, kori a ŋini atapit ituŋanan ŋini kearyo, kori akuwan a ituŋanan a ŋini etwanit, kori alyal. 19Ewuatakini ituŋanan ŋini nyitoroniyaritae ŋituŋa ŋulu itoroniyaritae ŋakipi edolete ŋirwa ŋiuni, kori edolete ŋirwa ŋikanikaarei, aŋun, kitaleu ikes edolete ŋirwa ŋikanikaarei. Ekaku ilotarete ikes ŋilowi kec ka kiloŋarosi, ani edoli eboŋ eruworosi ikes ŋulu nyitoroniyaritae. 20Ituŋanan daadaŋ ŋini itoroniyaritae, ido nyitaleun, emaikina ituŋanan ŋin totyakarae anatukot aŋuna amunaarya iŋes eema ŋolo ke Ekapolon, anerae nyewuatakina iŋes ŋakipi ŋuna italeere ŋituŋa, aŋun, itoroniyaritae iŋes.
21Eruwor ŋun ŋakiro ŋuna etubunitoe, ŋuna emaikina kiwuapae ŋikaru ka ŋikaru. Ituŋanan ŋini ewuasi ŋakipi ŋunakitaleet, emaikina kilota ŋilowi keŋ, ido ituŋanan daadaŋ ŋini etapi ŋakipi ŋunakitaleet, eruwor ŋini itoroniyaritae akitodol eboŋ. 22Ibore daadaŋ ŋini etapi ituŋanan ŋini itoroniyaritae, eruwor ŋini itoroniyaritae ka ituŋanan daadaŋ ŋini etapi ŋiboro ŋulu abu ituŋanan ŋin totap, eruwor ŋini itoroniyaritae akitodol eboŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.