Ekim. 28
28
Ŋainakineta aŋuna a ŋinakoloŋit
(Awos. 29:38-46)
1Kirwor Ekapolon neni a Moses tema, 2“Kicik Ŋisirael daadaŋ, tolimok ikes ebe, ‘Emaikina iyes yaut neni kaŋ anapaki a ŋina etubunitoe ŋainakineta ŋuna epeyo ŋuna a ŋamugati aŋuna ebob eure kec aneni kaŋ.’” 3Tolimok ikes atemar erae nu ŋainakineta ŋuna epeyo, ŋuna emaikina iyes inakis neni a Ekapolon: Ŋikaalei ŋulumesekin ŋiarei ŋulu erae apolou kec ekaru epei, ŋulu emam neni eŋwalit ikwapei ŋainakineta ŋuna a ŋinakoloŋit. 4Inak ikale ipei taparacu, ido inak ŋinice eboŋ, 5emaikina inakinae ŋinikale kaapei ka ainakinet ŋina a ŋikinyom ŋina erae akilo apei ŋina a ŋakirya iguritoe a akimyet a ŋina ajokan a ŋina erae elita epei. 6Erae ŋun ŋainakineta ŋuna epeyo ŋuna emaikina inanakinetei a ŋinakoloŋit, ŋuna epeyo ŋuna ebob eure kec aneni ke Ekapolon. 7Ikwapei ainakinet ŋina a ŋimaten, emaikina inakinae aŋuna a ŋinikale elita epei ŋolo ke epiini; emaikina tobukokinae aŋuna ke Ekapolon ainakinet ŋina a ŋimaten nakibois ŋina asegan. 8Emaikina iyoŋ inak ikale ŋinice eboŋ kaapei ka ainakinet ŋina a ŋikinyom ta ainakinet ŋina a ŋimaten lopite ŋolo etiyaere aŋuna ka ainakinet a ŋina ka ataparacu. Emaikina inak iŋes erae ainakinet ŋina epeyo ŋina ebob eure aneni ke Ekapolon ka ŋina elakara Ekapolon aŋuna keŋ.
Ŋainakineta aŋuna a Sabato
9Akoloŋit ŋina a Sabato emaikina iyoŋ yau ŋikaalei ŋiarei ŋulumesekin ŋulu erae apolou ekaru epei, ŋulu emam neni eŋwali, yau ŋul kaapei ka ainakinet ŋina a ŋikinyom ŋakiloi ŋaarei ŋuna a ŋakirya a ŋuna ajokak a ŋuna iguritoe ka akimyet ta ainakinet ŋina a ŋimaten. 10Erae ŋin ainakinet ŋina epeyo ŋina a ŋinakoloŋit a Sabato ŋina emaikina yaunae kaapei ka ainakinet ŋina epeyo a ŋinakoloŋit ta ainakinet ŋina a ŋimaten.
Ŋainakineta aŋuna a ŋololap.
11Ŋirwa ke elap epei a ŋololap, emaikina iyes yaut ŋainakineta nu ŋuna epeyo neni ke Ekapolon: Ŋimoŋin ŋulusorok ŋiarei, emesek, ŋikaalei ŋulumesekin ŋikanikaarei ŋulu erae apolou kec ekaru epei, ido tomam neni eŋwalilt 12ka daŋ aŋuna a ŋolomoŋ, emaikina yaunae ŋakiloi ŋauni ŋuna a ŋakirya ŋuna ajokak a ŋuna iguritoe ka akimyet ikwapei ainakinet ŋina a ŋikinyom ka aŋuna a emesek, emaikina yaunae ŋakiloi ŋaarei ŋuna a ŋakirya a ŋuna ajokak a ŋuna iguritoe ka akimyet 13ka aŋuna a ŋinikalemesek, emaikina yaunae akilo apei ŋina a ŋakirya a ŋuna ajokak a ŋuna iguritoe ka akimyet. Erae ŋin ainakinet ŋina epeyo ŋina ebob eure aneni ke Ekapolon. 14Ŋainakineta kec ŋuna a ŋimaten erae ŋilitae ŋiarei ŋulu ke epiini aŋuna a ŋolomoŋ, elita epei aŋuna emesek ka elita epei aŋuna a ŋinikalemesek. Erae ŋun ŋainakineta aŋuna a ŋololap, alolapyo a daadaŋ a ŋulu ke ekaru. 15Tosodi emaikina yaunae ekoroe epei erae ainakinet neni ke Ekapolon aŋuna ka asecit a ŋina emaikina yaunae kaapei ka ainakinet ŋina epeyo a ŋinakoloŋit ta ainakinet ŋina a ŋimaten.
Ŋainakineta a apaki a ŋina a Paska
(Ŋilep. 23:5-14)
16Ŋirwa ke elap ŋitomon ka ŋiomwon elap ŋolo ke epei, emaikina yaunae ŋainakineta ŋuna a Paska. 17Ani edoli ŋirwa ke elap ŋitomon ka ŋikan elap ŋol, emaikina kitiyata ŋasuban; emaikina ŋituŋa kimuja ŋamugati ŋuna emam ŋakinyalet ŋirwa ŋikanikaarei. 18Akoloŋit ŋin, emaikina ŋituŋa tocunakinos iwapei kilipa, nyilot loticisyo kus akitiya. 19Emaikina yaunae neni ke Ekapolon ŋainakineta ŋuna epeyo: Ŋimoŋin ŋulusorok ŋiarei, emesek ka ŋikaalei ŋulumesekin ŋikanikaarei ŋulu erae apolou ke ekaru epei ŋulu emam neni eŋwalit. 20Ainakinet kec ŋina a ŋikinyom emaikina erae ŋakirya ŋuna ajokak ŋuna iguritoe ka akimyet; aŋuna a ŋolomoŋ, emaikina yaunae ŋakiloi ŋauni ŋuna a ŋakirya aŋuna a emesek, emaikina yaunae ŋakiloi ŋaarei 21ka aŋuna a ŋinikale a ŋulukanikaarei emaikina yaunae akilo apei ŋina a ŋakirya; 22emaikina daŋ yaunae ekoroe epei ikwapei ainakinet aŋuna ka asecit aŋuna ka amookunia iyes. 23Emaikina iyes yaut ŋainakineta ŋun kaapei ka ŋainakineta ŋuna epeyo a ŋina taparacu, ŋun erae ŋainakineta ŋuna a ŋinakoloŋit. 24Alopite a ŋolopei a ŋol emaikina iyes yaut a ŋinakoloŋit alotooma ŋirwa ŋikanikaarei, akimuj ŋina epeyo ŋina erae ainakinet ŋina ebob eure aneni ke Ekapolon, einakinio iŋes kaapei ka ainakinet ŋina epeyo ŋina a ŋinakoloŋit ta ainakinet ŋina a ŋimaten. 25Tosodi akoloŋit ŋina a ŋakanikaarei emaikina iyes tocunakinos iwapei kilipa, nyiloto loticisyo kus kitiyata.
Ŋainakineta aŋuna a ŋasuban a ŋisabito
(Ŋilep. 23:15-22)
26Akoloŋit ŋina iyauniata iyes ŋaraito ŋuna eŋarenok, apaki ŋina iyauniata iyes neni ke Ekapolon ainakinet ŋina a ŋikinyom aŋuna a ŋasuban a ŋisabito, emaikina iyes tocunakinos kilipa, nyilot loticisyo kus kitiyata. 27Emaikina iyes yaut ŋainakineta nu ŋuna epeyo, ŋuna ebob eure kec aneni ke Ekapolon: Ŋimoŋin ŋiarei ŋulusorok, emesek ka ŋikaalei ŋulumesekin ŋikanikaarei ŋulu erae apolou kec ekaru epei, ŋulu emam neni eŋwalit. 28Ikwapei ainakinet ŋina a ŋikinyom, emaikina iyes yaut ŋakirya ŋuna ajokak ŋuna iguritoe ka akimyet, emaikina iyes yaut ŋakirya ŋuna iguritoe ka akimyet ŋakiloi ŋauni aŋuna a ŋolomoŋ, ŋakiloi ŋaarei aŋuna a emesek 29ka akilo apei aŋuna a ŋinikale a ŋulukanikaarei. 30Emaikina daŋ iyes yaut ekoroe aŋuna ka amookuno kus. 31Einakinio ŋainakineta ŋun kaapei ka ŋainanakineta ŋuna epeyo ŋuna a ŋinakoloŋit kaapei ka ŋainakineta ŋuna a ŋikinyom ta ainakinet ŋina a ŋimaten. Emaikina ŋibaren ŋul daadaŋ emam neni eŋwalit.
Currently Selected:
Ekim. 28: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 28
28
Ŋainakineta aŋuna a ŋinakoloŋit
(Awos. 29:38-46)
1Kirwor Ekapolon neni a Moses tema, 2“Kicik Ŋisirael daadaŋ, tolimok ikes ebe, ‘Emaikina iyes yaut neni kaŋ anapaki a ŋina etubunitoe ŋainakineta ŋuna epeyo ŋuna a ŋamugati aŋuna ebob eure kec aneni kaŋ.’” 3Tolimok ikes atemar erae nu ŋainakineta ŋuna epeyo, ŋuna emaikina iyes inakis neni a Ekapolon: Ŋikaalei ŋulumesekin ŋiarei ŋulu erae apolou kec ekaru epei, ŋulu emam neni eŋwalit ikwapei ŋainakineta ŋuna a ŋinakoloŋit. 4Inak ikale ipei taparacu, ido inak ŋinice eboŋ, 5emaikina inakinae ŋinikale kaapei ka ainakinet ŋina a ŋikinyom ŋina erae akilo apei ŋina a ŋakirya iguritoe a akimyet a ŋina ajokan a ŋina erae elita epei. 6Erae ŋun ŋainakineta ŋuna epeyo ŋuna emaikina inanakinetei a ŋinakoloŋit, ŋuna epeyo ŋuna ebob eure kec aneni ke Ekapolon. 7Ikwapei ainakinet ŋina a ŋimaten, emaikina inakinae aŋuna a ŋinikale elita epei ŋolo ke epiini; emaikina tobukokinae aŋuna ke Ekapolon ainakinet ŋina a ŋimaten nakibois ŋina asegan. 8Emaikina iyoŋ inak ikale ŋinice eboŋ kaapei ka ainakinet ŋina a ŋikinyom ta ainakinet ŋina a ŋimaten lopite ŋolo etiyaere aŋuna ka ainakinet a ŋina ka ataparacu. Emaikina inak iŋes erae ainakinet ŋina epeyo ŋina ebob eure aneni ke Ekapolon ka ŋina elakara Ekapolon aŋuna keŋ.
Ŋainakineta aŋuna a Sabato
9Akoloŋit ŋina a Sabato emaikina iyoŋ yau ŋikaalei ŋiarei ŋulumesekin ŋulu erae apolou ekaru epei, ŋulu emam neni eŋwali, yau ŋul kaapei ka ainakinet ŋina a ŋikinyom ŋakiloi ŋaarei ŋuna a ŋakirya a ŋuna ajokak a ŋuna iguritoe ka akimyet ta ainakinet ŋina a ŋimaten. 10Erae ŋin ainakinet ŋina epeyo ŋina a ŋinakoloŋit a Sabato ŋina emaikina yaunae kaapei ka ainakinet ŋina epeyo a ŋinakoloŋit ta ainakinet ŋina a ŋimaten.
Ŋainakineta aŋuna a ŋololap.
11Ŋirwa ke elap epei a ŋololap, emaikina iyes yaut ŋainakineta nu ŋuna epeyo neni ke Ekapolon: Ŋimoŋin ŋulusorok ŋiarei, emesek, ŋikaalei ŋulumesekin ŋikanikaarei ŋulu erae apolou kec ekaru epei, ido tomam neni eŋwalilt 12ka daŋ aŋuna a ŋolomoŋ, emaikina yaunae ŋakiloi ŋauni ŋuna a ŋakirya ŋuna ajokak a ŋuna iguritoe ka akimyet ikwapei ainakinet ŋina a ŋikinyom ka aŋuna a emesek, emaikina yaunae ŋakiloi ŋaarei ŋuna a ŋakirya a ŋuna ajokak a ŋuna iguritoe ka akimyet 13ka aŋuna a ŋinikalemesek, emaikina yaunae akilo apei ŋina a ŋakirya a ŋuna ajokak a ŋuna iguritoe ka akimyet. Erae ŋin ainakinet ŋina epeyo ŋina ebob eure aneni ke Ekapolon. 14Ŋainakineta kec ŋuna a ŋimaten erae ŋilitae ŋiarei ŋulu ke epiini aŋuna a ŋolomoŋ, elita epei aŋuna emesek ka elita epei aŋuna a ŋinikalemesek. Erae ŋun ŋainakineta aŋuna a ŋololap, alolapyo a daadaŋ a ŋulu ke ekaru. 15Tosodi emaikina yaunae ekoroe epei erae ainakinet neni ke Ekapolon aŋuna ka asecit a ŋina emaikina yaunae kaapei ka ainakinet ŋina epeyo a ŋinakoloŋit ta ainakinet ŋina a ŋimaten.
Ŋainakineta a apaki a ŋina a Paska
(Ŋilep. 23:5-14)
16Ŋirwa ke elap ŋitomon ka ŋiomwon elap ŋolo ke epei, emaikina yaunae ŋainakineta ŋuna a Paska. 17Ani edoli ŋirwa ke elap ŋitomon ka ŋikan elap ŋol, emaikina kitiyata ŋasuban; emaikina ŋituŋa kimuja ŋamugati ŋuna emam ŋakinyalet ŋirwa ŋikanikaarei. 18Akoloŋit ŋin, emaikina ŋituŋa tocunakinos iwapei kilipa, nyilot loticisyo kus akitiya. 19Emaikina yaunae neni ke Ekapolon ŋainakineta ŋuna epeyo: Ŋimoŋin ŋulusorok ŋiarei, emesek ka ŋikaalei ŋulumesekin ŋikanikaarei ŋulu erae apolou ke ekaru epei ŋulu emam neni eŋwalit. 20Ainakinet kec ŋina a ŋikinyom emaikina erae ŋakirya ŋuna ajokak ŋuna iguritoe ka akimyet; aŋuna a ŋolomoŋ, emaikina yaunae ŋakiloi ŋauni ŋuna a ŋakirya aŋuna a emesek, emaikina yaunae ŋakiloi ŋaarei 21ka aŋuna a ŋinikale a ŋulukanikaarei emaikina yaunae akilo apei ŋina a ŋakirya; 22emaikina daŋ yaunae ekoroe epei ikwapei ainakinet aŋuna ka asecit aŋuna ka amookunia iyes. 23Emaikina iyes yaut ŋainakineta ŋun kaapei ka ŋainakineta ŋuna epeyo a ŋina taparacu, ŋun erae ŋainakineta ŋuna a ŋinakoloŋit. 24Alopite a ŋolopei a ŋol emaikina iyes yaut a ŋinakoloŋit alotooma ŋirwa ŋikanikaarei, akimuj ŋina epeyo ŋina erae ainakinet ŋina ebob eure aneni ke Ekapolon, einakinio iŋes kaapei ka ainakinet ŋina epeyo ŋina a ŋinakoloŋit ta ainakinet ŋina a ŋimaten. 25Tosodi akoloŋit ŋina a ŋakanikaarei emaikina iyes tocunakinos iwapei kilipa, nyiloto loticisyo kus kitiyata.
Ŋainakineta aŋuna a ŋasuban a ŋisabito
(Ŋilep. 23:15-22)
26Akoloŋit ŋina iyauniata iyes ŋaraito ŋuna eŋarenok, apaki ŋina iyauniata iyes neni ke Ekapolon ainakinet ŋina a ŋikinyom aŋuna a ŋasuban a ŋisabito, emaikina iyes tocunakinos kilipa, nyilot loticisyo kus kitiyata. 27Emaikina iyes yaut ŋainakineta nu ŋuna epeyo, ŋuna ebob eure kec aneni ke Ekapolon: Ŋimoŋin ŋiarei ŋulusorok, emesek ka ŋikaalei ŋulumesekin ŋikanikaarei ŋulu erae apolou kec ekaru epei, ŋulu emam neni eŋwalit. 28Ikwapei ainakinet ŋina a ŋikinyom, emaikina iyes yaut ŋakirya ŋuna ajokak ŋuna iguritoe ka akimyet, emaikina iyes yaut ŋakirya ŋuna iguritoe ka akimyet ŋakiloi ŋauni aŋuna a ŋolomoŋ, ŋakiloi ŋaarei aŋuna a emesek 29ka akilo apei aŋuna a ŋinikale a ŋulukanikaarei. 30Emaikina daŋ iyes yaut ekoroe aŋuna ka amookuno kus. 31Einakinio ŋainakineta ŋun kaapei ka ŋainanakineta ŋuna epeyo ŋuna a ŋinakoloŋit kaapei ka ŋainakineta ŋuna a ŋikinyom ta ainakinet ŋina a ŋimaten. Emaikina ŋibaren ŋul daadaŋ emam neni eŋwalit.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.