Ekim. 32
32
Akikamar ka akorakin akwap ŋina alo Kide Yorodan”
(Ŋikis. 3:12-22)
1Ayakatar ŋituŋa a ekabila a Ruben ka ŋituŋa a ekabila a Gad ŋaatuk ŋuna alalak nooi. Ani eanyunete ikes atemar ejokak ŋalup ŋuna ka akwap a Yaser ka Gilead aŋuna a ŋaatuk, 2apotu Ŋigadi ka Ŋirubeni toloto neni a Moses ka neni a Eleasar a esacaradoti ta neni a ŋikarikok Ŋisirael temasi, 3“Erae ŋakiboisyo nu: Atoros, Dibon, Yaser, Nimira, Esibon Eleale, Sebam, Nebo ka Beon 4ŋakiboisyo ŋuna a akwap a ŋina adau Ekapolon akiloun aŋuna a Ŋisirael ejokak aŋuna a ŋaatuk, ido isua ŋiketiyak kon ikiyakar ŋaatuk. 5Ani kikijokak isua alokiŋaren kon, inakinae isua ŋiketiyak kon akwap ŋin toruwor ŋina kosi, kimyekinae isua edoŋo ne nyikilot lowae ye Yorodan.”
6Nai tolimok Moses ŋituŋa a ekabila a Gad ka ŋulu a ekabila a Ruben tema, “Kaanukiro idoŋioto iyes ne tolosete bo lojie? 7Kaanukiro icamitotor iyes akitokadanakin Ŋisirael analosit nakwap ŋina adau Ekapolon ainakin ikes? 8Apotu atapapa kus kitiyata ŋun apaki ŋina eyakiyaritor ayoŋ ikes alo Kades-Barinea akiŋolikin akwap. 9Ani itipeiyorete ikes neni ayai ayonae Esikol, ido ani iŋolikinete akwap ŋin, apotu ikes kitakadakis Ŋisirael analosit nakwap ŋina aris Ekapolon keinaki ikes. 10Abu Ekapolon toŋo akoloŋit ŋin kikoŋ tema, 11‘Kire mam ituŋanan alotuŋa a ŋulu etipeunete alo Ijipit ŋini erae ŋikaru ŋatomoniarei ka ŋikan ka adepar ŋini epedori akiŋolikin akwap ŋina abu ayoŋ ekoŋ ainakin Aburam, Isaka ka Yakob, anerae nyiwuapa ikes ŋuna kaŋ a acamit kec a daadaŋ, 12mam ipei daŋ alotooma kec ŋini edoli nakwap ŋin mati Kaleb lokoku ka Yepune Ekenisait ka Yosua lokoku a Nun ŋulu apotu kiwuapakis ŋuna kaŋ a acamit kec a daadaŋ.’ 13Abu Ekapolon toŋoik Ŋisirael, kimyek ikes kirimo analoŋisat ŋikaru ŋatomoniomwon tari ŋina adaunor anyamet daadaŋ ŋina abu kitiya ŋuna aronok alokiŋaren Ekapolon. 14Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael. 15Ani kiŋero iyes akiwuap ŋuna ke Ekapolon, imyekini nabo iŋes Ŋisirael analoŋisat ka emunyari ŋituŋa lu daadaŋ.”
16Aŋun, potu ŋituŋa a ekabila a Ruben ka ŋulu a ekabila a Gad temasi, “Ikidukokini isua ne ŋanokin aŋuna a ŋamesekin kosi ka ŋitaunio aŋuna a ŋaberu kosi ka ŋidwe kosi, 17nai ikilemuni isua ŋiboro kosi ŋulu ke ejie, kiŋarenikinoe Ŋisirael daadaŋ tari ŋina ikiyaunia isua ikes nakibois kec. Nai mono emaikina ŋidwe kosi kidoŋo lotaunio ŋulu edukuk ejok aŋuna a ŋituŋa a ŋulu iboiyete anakwap a na. 18Nyikiboŋuni isua lorerya kosi tari ŋina eryamuniata Ŋisirael daadaŋ akwap ŋina eruwor ŋina kec. 19Nyikikorakinio isua akwap kaapei ka ikes alokekwaye Yorodan, anerae aryamun isua akorakinet kosi alowae a lo Yorodan, alowae a ŋolo alo Kide.”
20Abu nai Moses tolimok ikes tema, “Ani kitiyata iyes nu, kilemut ŋiboro ŋulu ke ejie, ido toloto ikiŋarenikinit Ekapolon lojie, 21toloto kaapei ka ŋituŋa kus daadaŋ ŋulu eyakatar ŋiboro ŋulu ke ejie ka toloto lowae ye Yorodan ikiŋarenikinit Ekapolon tari ŋina iritarya Ekapolon ŋimoe keŋ alokiŋaren keŋ, 22ido kikamarae akwap alokiŋaren Ekapolon, ekaku a ŋun iŋes nai iboŋunioto iyes ne, anerae idaut akiricakin ŋuna amaikina iyes kitiyata aŋuna ke Ekapolon ka aŋuna a Ŋisirael, ido eruwor akwap na ŋina kus alokiŋaren Ekapolon. 23Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus. 24Toduko ŋitaunio aŋuna a ŋidwe kus ka ŋanokin aŋuna a ŋamesekin kus, nai kitiyata ŋuna idaut iyes akiikin.”
25Tolimokis nai ŋituŋa a ekabila a Ruben ka ŋulu a Gad Moses temasi, “Isua ŋiketiyak kon, ikitiyae lopite ŋolo ilimunio iyoŋ ekapolon kosi. 26Idoŋete ŋidwe kosi, ŋaberu kosi, ŋamesekin kosi ka ŋibaren kosi ŋuluce daadaŋ ama lotaunio a Gilead; 27nai isua ŋiketiyak kon, ikilosi odokasi lowae ye Yorodan, elosete daadaŋ ŋulu etiŋito ŋiboro ŋulujiet, ajiore aŋuna ke Ekapolon, lopite ŋolo ilimunio iyoŋ ekapolon.”
28Aŋun abu Moses kicik Eleasar esacaradoti ka Yosua lokoku a Nun ta ŋikarikok a ŋatekerin a Ŋisirael aŋuna a ŋituŋa a ekabila a Ruben ka Gad. 29Kirwor Moses neni kec tema, “Ani kelosete ŋituŋa a ekabila a Ruben ka ŋulu a Gad, ŋikilyok daadaŋ ŋulu etenito ejie iŋarenikinit Ekapolon, totuboros ekekwaye Yorodan kaapei ka iŋes, ido kilounae akwap ŋina eyai kiŋaren kus, ŋun iŋes ipedoryata iyes ainakin ikes akwap a Gilead toruwor ŋina kec; 30nai ani pa kecamut ikes atubor kaapei ka iyes etenito alosit lojie, eryamunete ikes kaapei ka iyes akwap ŋina eruwor ŋina kec anakwap a Kanaan.” 31Toboŋokis ŋituŋa a ekabila a Ruben ka ŋulu a Gad temasi, “Ikwapei adaunia Ekapolon akirwor neni kon, ikitiyae isua ŋiketiyak kon ŋuna alimu iŋes. 32Ikilosi isua nakwap a Kanaan ikiŋarenikinit Ekapolon ka ikitenit aŋuna ke ejie, nai akwap ŋina ikiryamuni isua erae ŋina kosi, idoŋi erae ŋina kosi alowae a lo aŋolol Yorodan.” 33Abu Moses inak ŋituŋa a ekabila a Gad ka ŋulu a ekabila a Ruben ta ŋulu a atutubet a apei a ŋina a ekabila a Manase alokoku a Yosepu akwap ŋina sek epukat erwosit Sikon ŋolo a Ŋiamori ka akwap ŋina sek epukat Og ŋolo a Basan; abu Moses inak ikes akwap ŋin ka ŋitaunio a akwap a ŋin ta ŋakiboisyo ŋuna edunyito nen. 34Apotu nai ŋituŋa a ekabila a Gad toduko nabo Dibon, Ataros, Aroer, 35Atiros-Sopan, Yaser, Yogibea, 36Bes-Nimiraa ka Bes-Aran, ŋitaunio ŋulu adukitoe ŋaduketa ŋunajiet ka adukitoe ŋanokin a ŋamesekin. 37Tosodi toduko nabo ŋituŋa a ekabila a Ruben Eleale Esibon, Kiriasaim, 38Nebo ka Baal-Meon (aponi kilocokinoe ŋirorwa a ŋitaunio a ŋul,) toduko nabo ikes Sibima ka tolimokis tari ŋitaunio ŋulu apotu ikes toduko nabo ŋirorwa ŋice. 39Apotu ŋiletok a Makir alokoku a Manase toloto Gilead, kikamasi ka kiritasi Ŋiamori ŋulu aya nen. 40Aŋun, abu Moses inak Gilead neni a Makir a lokoku a Manase, ido abu Makir tolom nen. 41Abu Yair lokoku a Manase tolot kikama ŋirerya a Gilead, tolimok ikes ekiro lo, Apos-Yair. #32:41 Apos-Yair: Iŋes atemar ŋirerya a Yair 42Tosodi Noba tolot kikama etaun Kenas ka ŋirerya keŋ, ido tolimok etaun ŋol ekiro keŋ pei.
Currently Selected:
Ekim. 32: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 32
32
Akikamar ka akorakin akwap ŋina alo Kide Yorodan”
(Ŋikis. 3:12-22)
1Ayakatar ŋituŋa a ekabila a Ruben ka ŋituŋa a ekabila a Gad ŋaatuk ŋuna alalak nooi. Ani eanyunete ikes atemar ejokak ŋalup ŋuna ka akwap a Yaser ka Gilead aŋuna a ŋaatuk, 2apotu Ŋigadi ka Ŋirubeni toloto neni a Moses ka neni a Eleasar a esacaradoti ta neni a ŋikarikok Ŋisirael temasi, 3“Erae ŋakiboisyo nu: Atoros, Dibon, Yaser, Nimira, Esibon Eleale, Sebam, Nebo ka Beon 4ŋakiboisyo ŋuna a akwap a ŋina adau Ekapolon akiloun aŋuna a Ŋisirael ejokak aŋuna a ŋaatuk, ido isua ŋiketiyak kon ikiyakar ŋaatuk. 5Ani kikijokak isua alokiŋaren kon, inakinae isua ŋiketiyak kon akwap ŋin toruwor ŋina kosi, kimyekinae isua edoŋo ne nyikilot lowae ye Yorodan.”
6Nai tolimok Moses ŋituŋa a ekabila a Gad ka ŋulu a ekabila a Ruben tema, “Kaanukiro idoŋioto iyes ne tolosete bo lojie? 7Kaanukiro icamitotor iyes akitokadanakin Ŋisirael analosit nakwap ŋina adau Ekapolon ainakin ikes? 8Apotu atapapa kus kitiyata ŋun apaki ŋina eyakiyaritor ayoŋ ikes alo Kades-Barinea akiŋolikin akwap. 9Ani itipeiyorete ikes neni ayai ayonae Esikol, ido ani iŋolikinete akwap ŋin, apotu ikes kitakadakis Ŋisirael analosit nakwap ŋina aris Ekapolon keinaki ikes. 10Abu Ekapolon toŋo akoloŋit ŋin kikoŋ tema, 11‘Kire mam ituŋanan alotuŋa a ŋulu etipeunete alo Ijipit ŋini erae ŋikaru ŋatomoniarei ka ŋikan ka adepar ŋini epedori akiŋolikin akwap ŋina abu ayoŋ ekoŋ ainakin Aburam, Isaka ka Yakob, anerae nyiwuapa ikes ŋuna kaŋ a acamit kec a daadaŋ, 12mam ipei daŋ alotooma kec ŋini edoli nakwap ŋin mati Kaleb lokoku ka Yepune Ekenisait ka Yosua lokoku a Nun ŋulu apotu kiwuapakis ŋuna kaŋ a acamit kec a daadaŋ.’ 13Abu Ekapolon toŋoik Ŋisirael, kimyek ikes kirimo analoŋisat ŋikaru ŋatomoniomwon tari ŋina adaunor anyamet daadaŋ ŋina abu kitiya ŋuna aronok alokiŋaren Ekapolon. 14Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael. 15Ani kiŋero iyes akiwuap ŋuna ke Ekapolon, imyekini nabo iŋes Ŋisirael analoŋisat ka emunyari ŋituŋa lu daadaŋ.”
16Aŋun, potu ŋituŋa a ekabila a Ruben ka ŋulu a ekabila a Gad temasi, “Ikidukokini isua ne ŋanokin aŋuna a ŋamesekin kosi ka ŋitaunio aŋuna a ŋaberu kosi ka ŋidwe kosi, 17nai ikilemuni isua ŋiboro kosi ŋulu ke ejie, kiŋarenikinoe Ŋisirael daadaŋ tari ŋina ikiyaunia isua ikes nakibois kec. Nai mono emaikina ŋidwe kosi kidoŋo lotaunio ŋulu edukuk ejok aŋuna a ŋituŋa a ŋulu iboiyete anakwap a na. 18Nyikiboŋuni isua lorerya kosi tari ŋina eryamuniata Ŋisirael daadaŋ akwap ŋina eruwor ŋina kec. 19Nyikikorakinio isua akwap kaapei ka ikes alokekwaye Yorodan, anerae aryamun isua akorakinet kosi alowae a lo Yorodan, alowae a ŋolo alo Kide.”
20Abu nai Moses tolimok ikes tema, “Ani kitiyata iyes nu, kilemut ŋiboro ŋulu ke ejie, ido toloto ikiŋarenikinit Ekapolon lojie, 21toloto kaapei ka ŋituŋa kus daadaŋ ŋulu eyakatar ŋiboro ŋulu ke ejie ka toloto lowae ye Yorodan ikiŋarenikinit Ekapolon tari ŋina iritarya Ekapolon ŋimoe keŋ alokiŋaren keŋ, 22ido kikamarae akwap alokiŋaren Ekapolon, ekaku a ŋun iŋes nai iboŋunioto iyes ne, anerae idaut akiricakin ŋuna amaikina iyes kitiyata aŋuna ke Ekapolon ka aŋuna a Ŋisirael, ido eruwor akwap na ŋina kus alokiŋaren Ekapolon. 23Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus. 24Toduko ŋitaunio aŋuna a ŋidwe kus ka ŋanokin aŋuna a ŋamesekin kus, nai kitiyata ŋuna idaut iyes akiikin.”
25Tolimokis nai ŋituŋa a ekabila a Ruben ka ŋulu a Gad Moses temasi, “Isua ŋiketiyak kon, ikitiyae lopite ŋolo ilimunio iyoŋ ekapolon kosi. 26Idoŋete ŋidwe kosi, ŋaberu kosi, ŋamesekin kosi ka ŋibaren kosi ŋuluce daadaŋ ama lotaunio a Gilead; 27nai isua ŋiketiyak kon, ikilosi odokasi lowae ye Yorodan, elosete daadaŋ ŋulu etiŋito ŋiboro ŋulujiet, ajiore aŋuna ke Ekapolon, lopite ŋolo ilimunio iyoŋ ekapolon.”
28Aŋun abu Moses kicik Eleasar esacaradoti ka Yosua lokoku a Nun ta ŋikarikok a ŋatekerin a Ŋisirael aŋuna a ŋituŋa a ekabila a Ruben ka Gad. 29Kirwor Moses neni kec tema, “Ani kelosete ŋituŋa a ekabila a Ruben ka ŋulu a Gad, ŋikilyok daadaŋ ŋulu etenito ejie iŋarenikinit Ekapolon, totuboros ekekwaye Yorodan kaapei ka iŋes, ido kilounae akwap ŋina eyai kiŋaren kus, ŋun iŋes ipedoryata iyes ainakin ikes akwap a Gilead toruwor ŋina kec; 30nai ani pa kecamut ikes atubor kaapei ka iyes etenito alosit lojie, eryamunete ikes kaapei ka iyes akwap ŋina eruwor ŋina kec anakwap a Kanaan.” 31Toboŋokis ŋituŋa a ekabila a Ruben ka ŋulu a Gad temasi, “Ikwapei adaunia Ekapolon akirwor neni kon, ikitiyae isua ŋiketiyak kon ŋuna alimu iŋes. 32Ikilosi isua nakwap a Kanaan ikiŋarenikinit Ekapolon ka ikitenit aŋuna ke ejie, nai akwap ŋina ikiryamuni isua erae ŋina kosi, idoŋi erae ŋina kosi alowae a lo aŋolol Yorodan.” 33Abu Moses inak ŋituŋa a ekabila a Gad ka ŋulu a ekabila a Ruben ta ŋulu a atutubet a apei a ŋina a ekabila a Manase alokoku a Yosepu akwap ŋina sek epukat erwosit Sikon ŋolo a Ŋiamori ka akwap ŋina sek epukat Og ŋolo a Basan; abu Moses inak ikes akwap ŋin ka ŋitaunio a akwap a ŋin ta ŋakiboisyo ŋuna edunyito nen. 34Apotu nai ŋituŋa a ekabila a Gad toduko nabo Dibon, Ataros, Aroer, 35Atiros-Sopan, Yaser, Yogibea, 36Bes-Nimiraa ka Bes-Aran, ŋitaunio ŋulu adukitoe ŋaduketa ŋunajiet ka adukitoe ŋanokin a ŋamesekin. 37Tosodi toduko nabo ŋituŋa a ekabila a Ruben Eleale Esibon, Kiriasaim, 38Nebo ka Baal-Meon (aponi kilocokinoe ŋirorwa a ŋitaunio a ŋul,) toduko nabo ikes Sibima ka tolimokis tari ŋitaunio ŋulu apotu ikes toduko nabo ŋirorwa ŋice. 39Apotu ŋiletok a Makir alokoku a Manase toloto Gilead, kikamasi ka kiritasi Ŋiamori ŋulu aya nen. 40Aŋun, abu Moses inak Gilead neni a Makir a lokoku a Manase, ido abu Makir tolom nen. 41Abu Yair lokoku a Manase tolot kikama ŋirerya a Gilead, tolimok ikes ekiro lo, Apos-Yair. #32:41 Apos-Yair: Iŋes atemar ŋirerya a Yair 42Tosodi Noba tolot kikama etaun Kenas ka ŋirerya keŋ, ido tolimok etaun ŋol ekiro keŋ pei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.