Kub 26
26
Isaaka naitirana Abimereki
1Omu biro ebi, omunsi egi hakagwamu kiihe, eyakurasire kiihe eri, ey'okubanza, eyagwire omu biro by'Abburahamu. Isaaka nukwo kugenda Gerai, hali Abimereki omukama w'Abafirisiti. 2MUKAMA yabonekera Isaaka yamugambira ati: “Otagenda Misiri, oikale omunsi ei ndaakwoleka. 3#Kub 22:16-18.Ikara omunsi enu, ndaikaraga na iwe kandi ndaakuhaga omugisa, habwokuba, ensi zinu zoona, ndizikuha kandi ndiziha abaijukuru bawe, ndihikiriza endagaano ei naragaine n'Abburahamu Sso. 4Ndikanyisa abaijukuru bawe, baingane enyunyuuzi eza haiguru, ndibaha ensi zinu zoona kandi omuli bo amahanga goona ag'ensi, numwo galiheererwa omugisa. 5Habwokuba Abburahamu akampurra, yakora eki namuragiire, yakwata ebiragiro byange, ebigambo byange na byona ebi nataireho.” 6Nahabweki, Isaaka yaikara Gerali.
7 #
Kub 12:13; 20:2. Abantu ab'omunsi egi, obu baamukagwize hali mukazi we, akabagarukamu ati: “Omukazi ogu, munyanya-nyowe,” habwokuba akatiina kubagambira ati: “Mukazi wange,” naateekereza ngu abasaija ab'ekiikaro eki, basobora kumwita nibamutura Rebbeka. Habwokuba akaba ali mukazi nyamibwa. 8Isaaka obu akaba amazire omunsi egi omwanya mukooto, Abimereki omukama w'Abafirisiti yayemerra omu idirisa, yarora Isaaka nazaana kandi nayagaaga mukazi we Rebbeka. 9Abimereki nukwo kweta Isaaka yamugambira ati: “Hati, nnanukire, ogu mukazi wawe, tali munyanyoko, nubwo yamukagwize ati: ‘Kiki ekyakugambisize oti, omukazi ogu munyanya-nyowe?’ ” Isaaka yamugarukamu ati: “Habwokuba nkatiina nti, tinyikara kufa nkamugwaho.” 10Abimereki yamukaguza ati: “Eki, kiki wankozire? Omu habasaija abanyakuli hanu, yaakusoboire kubyama na mukazi wawe, kandi obu, waakubaire otuleetiire omusango.” 11Abimereki nukwo kuhabura abantu boona naagamba ati: “Weena alikwataho omusaija onu rundi mukazi we, ogu, w'okwita.” 12Isaaka yasiga embibo omunsi egi, omu mwaka ogu gwonka, yagesa kukira ebi yasigire emirundi kikumi. MUKAMA yamuha omugisa, 13yatunga, yagenda naayeyongera itungo okuhika obu yaguudahaliire kimu, 14akaba anyina amagana maingi ag'entaama n'ag'embuzi, amahyo g'ente, n'abantu baingi. Abafirisiti baamukwatirwa ihali. 15(Omu kasumi ako, Abafirisiti bakaba baigaire amaziba abairu b'Abburahamu ise, aga bakaba balimire, omu biro by'Abburahamu.) 16Abimereki yagambira Isaaka ati: “Turugize ogende, habwokuba nootukira muno amaani.”
17Isaaka nukwo kuruga omunsi egi, yagenda yatembura mu kyeya ekya Gerai, nuho yaikara. 18Isaaka yaigura amaziba agakaba galimirwe omu biro by'Abburahamu ise, habwokuba Abafirisiti, bakaba bagaigaire, Abburahamu amazire kufa. 19Abairu ba Isaaka, obu baalimire iziba omu kyeya, haijamu amaizi amarungi, 20abaliisa aba Gerai baakungana n'abaliisa aba Isaaka, buli omu naagamba ati: “Iziba linu lyaitu.” Iziba eri, Isaaka nikyo yalirukiire ibara Eseki, habwokuba abantu bakamukunganiza. 21Hanyuma, baalima erindi, nalyo baalikunganira, eri yaliruka ibara Sitina. 22Aho yarugaho, yalima iziba erindi, eri, tibaalikunganira, nukwo kuliruka Rehobboti, naagamba ati: “Hati Ruhanga atuhaire omwanya ogurukumara, nitwija kukanya omunsi.”
23Isaaka obu yarugire aho, yagenda Beesi-seba. 24MUKAMA yamubonekera omu kiro eki kyonyini, omu bwire bw'ekiro, yamugambira ati: “Ninyowe Ruhanga wa Abburahamu Sso; otatiina, habwokuba ndi hamu na iwe, ninyija kukuha omugisa kandi nkanyise abaijukuru bawe, habw'omwiru wange Abburahamu.” 25Aho yayombeka itambiro, yasaba MUKAMA, yateerayo eheema ye, kandi oku naho abairu ba Isaaka baalimayo iziba.
26 #
Kub 21:22. Kandi Abimereki yaruga Gerai, yagenda omba Isaaka, anyina omuhabuzi we, Ahusati, na Fikoli mukuru w'ihe rye. 27Isaaka yakaguza ati: “Kiki ekibaleesire nambere ndi kandi kunu mukannoba mwambinga owanyu?” 28Baamugarukamu bati: “Twetegereriize kimu, MUKAMA nkooku ali na iwe, nahabweki nitugamba tuti: Tusemeriire turahirane kandi tukole endagaano, 29erukwoleka nkooku otalitukora kubi, nka itwe oku tutarakukwasireho kandi nkooku tutarakukozireho kabi koona, kyonka tukakukorra ebirungi, twakwohereza kugenda n'obusinge. Hati, Ruhanga akuhaire omugisa.” 30Nubwo Isaaka yabakorra obugenyi, baalya, baanywa. 31Nyenkya obu bwakiire, baimuka kara, baarahirangana, Isaaka yabaraga baamurugaho, baagenda n'obusinge. 32Ha kiro eki kyonka, abairu ba Isaaka baija baamusubirra ebigambo by'iziba eri bakaba balimire, baamugambira bati: “Tusangiremu amaizi, iziba eri,” 33yaliruka ibara Sibaha, nuho orubuga oru rwarugiriire kwetwa Beesi-seba na hati hoona.
34Esau obu yahikize emyaka makumi ana ey'obukuru, yaswera mukazi ibara lye Yudita, muhara wa Beeri Omuhiiti, yaswera ondi, ibara lye Bbasemasi, muhara wa Eroni na uwe Omuhiiti, 35eki kikabiihiza Isaaka na Rebbeka.
Currently Selected:
Kub 26: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 26
26
Isaaka naitirana Abimereki
1Omu biro ebi, omunsi egi hakagwamu kiihe, eyakurasire kiihe eri, ey'okubanza, eyagwire omu biro by'Abburahamu. Isaaka nukwo kugenda Gerai, hali Abimereki omukama w'Abafirisiti. 2MUKAMA yabonekera Isaaka yamugambira ati: “Otagenda Misiri, oikale omunsi ei ndaakwoleka. 3#Kub 22:16-18.Ikara omunsi enu, ndaikaraga na iwe kandi ndaakuhaga omugisa, habwokuba, ensi zinu zoona, ndizikuha kandi ndiziha abaijukuru bawe, ndihikiriza endagaano ei naragaine n'Abburahamu Sso. 4Ndikanyisa abaijukuru bawe, baingane enyunyuuzi eza haiguru, ndibaha ensi zinu zoona kandi omuli bo amahanga goona ag'ensi, numwo galiheererwa omugisa. 5Habwokuba Abburahamu akampurra, yakora eki namuragiire, yakwata ebiragiro byange, ebigambo byange na byona ebi nataireho.” 6Nahabweki, Isaaka yaikara Gerali.
7 #
Kub 12:13; 20:2. Abantu ab'omunsi egi, obu baamukagwize hali mukazi we, akabagarukamu ati: “Omukazi ogu, munyanya-nyowe,” habwokuba akatiina kubagambira ati: “Mukazi wange,” naateekereza ngu abasaija ab'ekiikaro eki, basobora kumwita nibamutura Rebbeka. Habwokuba akaba ali mukazi nyamibwa. 8Isaaka obu akaba amazire omunsi egi omwanya mukooto, Abimereki omukama w'Abafirisiti yayemerra omu idirisa, yarora Isaaka nazaana kandi nayagaaga mukazi we Rebbeka. 9Abimereki nukwo kweta Isaaka yamugambira ati: “Hati, nnanukire, ogu mukazi wawe, tali munyanyoko, nubwo yamukagwize ati: ‘Kiki ekyakugambisize oti, omukazi ogu munyanya-nyowe?’ ” Isaaka yamugarukamu ati: “Habwokuba nkatiina nti, tinyikara kufa nkamugwaho.” 10Abimereki yamukaguza ati: “Eki, kiki wankozire? Omu habasaija abanyakuli hanu, yaakusoboire kubyama na mukazi wawe, kandi obu, waakubaire otuleetiire omusango.” 11Abimereki nukwo kuhabura abantu boona naagamba ati: “Weena alikwataho omusaija onu rundi mukazi we, ogu, w'okwita.” 12Isaaka yasiga embibo omunsi egi, omu mwaka ogu gwonka, yagesa kukira ebi yasigire emirundi kikumi. MUKAMA yamuha omugisa, 13yatunga, yagenda naayeyongera itungo okuhika obu yaguudahaliire kimu, 14akaba anyina amagana maingi ag'entaama n'ag'embuzi, amahyo g'ente, n'abantu baingi. Abafirisiti baamukwatirwa ihali. 15(Omu kasumi ako, Abafirisiti bakaba baigaire amaziba abairu b'Abburahamu ise, aga bakaba balimire, omu biro by'Abburahamu.) 16Abimereki yagambira Isaaka ati: “Turugize ogende, habwokuba nootukira muno amaani.”
17Isaaka nukwo kuruga omunsi egi, yagenda yatembura mu kyeya ekya Gerai, nuho yaikara. 18Isaaka yaigura amaziba agakaba galimirwe omu biro by'Abburahamu ise, habwokuba Abafirisiti, bakaba bagaigaire, Abburahamu amazire kufa. 19Abairu ba Isaaka, obu baalimire iziba omu kyeya, haijamu amaizi amarungi, 20abaliisa aba Gerai baakungana n'abaliisa aba Isaaka, buli omu naagamba ati: “Iziba linu lyaitu.” Iziba eri, Isaaka nikyo yalirukiire ibara Eseki, habwokuba abantu bakamukunganiza. 21Hanyuma, baalima erindi, nalyo baalikunganira, eri yaliruka ibara Sitina. 22Aho yarugaho, yalima iziba erindi, eri, tibaalikunganira, nukwo kuliruka Rehobboti, naagamba ati: “Hati Ruhanga atuhaire omwanya ogurukumara, nitwija kukanya omunsi.”
23Isaaka obu yarugire aho, yagenda Beesi-seba. 24MUKAMA yamubonekera omu kiro eki kyonyini, omu bwire bw'ekiro, yamugambira ati: “Ninyowe Ruhanga wa Abburahamu Sso; otatiina, habwokuba ndi hamu na iwe, ninyija kukuha omugisa kandi nkanyise abaijukuru bawe, habw'omwiru wange Abburahamu.” 25Aho yayombeka itambiro, yasaba MUKAMA, yateerayo eheema ye, kandi oku naho abairu ba Isaaka baalimayo iziba.
26 #
Kub 21:22. Kandi Abimereki yaruga Gerai, yagenda omba Isaaka, anyina omuhabuzi we, Ahusati, na Fikoli mukuru w'ihe rye. 27Isaaka yakaguza ati: “Kiki ekibaleesire nambere ndi kandi kunu mukannoba mwambinga owanyu?” 28Baamugarukamu bati: “Twetegereriize kimu, MUKAMA nkooku ali na iwe, nahabweki nitugamba tuti: Tusemeriire turahirane kandi tukole endagaano, 29erukwoleka nkooku otalitukora kubi, nka itwe oku tutarakukwasireho kandi nkooku tutarakukozireho kabi koona, kyonka tukakukorra ebirungi, twakwohereza kugenda n'obusinge. Hati, Ruhanga akuhaire omugisa.” 30Nubwo Isaaka yabakorra obugenyi, baalya, baanywa. 31Nyenkya obu bwakiire, baimuka kara, baarahirangana, Isaaka yabaraga baamurugaho, baagenda n'obusinge. 32Ha kiro eki kyonka, abairu ba Isaaka baija baamusubirra ebigambo by'iziba eri bakaba balimire, baamugambira bati: “Tusangiremu amaizi, iziba eri,” 33yaliruka ibara Sibaha, nuho orubuga oru rwarugiriire kwetwa Beesi-seba na hati hoona.
34Esau obu yahikize emyaka makumi ana ey'obukuru, yaswera mukazi ibara lye Yudita, muhara wa Beeri Omuhiiti, yaswera ondi, ibara lye Bbasemasi, muhara wa Eroni na uwe Omuhiiti, 35eki kikabiihiza Isaaka na Rebbeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.