Kub 27
27
Yakobbo naagobeza Isaaka amwiheho omugisa
1Isaaka obu yakuzire, amaiso ge gahimbaire, atakyasobora kuhweza, yayeta Esau mutabani we omukuru, Esau yayetebuka ati: “Taata.” 2Yamugambira ati: “Ohurre kurungi mwana wange, hati ngurusire, timmanyire kiro eki ndifeeraho, 3hati nu mwana wange, kwata ebintu byawe ebi ohiigisa, omufuko n'obuta bwawe, ogende omu kisaka ompiigire ebisoro, 4oncumbire ebyokulya ebirukunnurra, nk'ebi, ebi ngonza, obindeetere mbirye, nukwo nkuhe omugisa ntakafiire.”
5Omu kasumi ako, Isaaka obu yabazaaga n'omutabani Esau, Rebbeka akaba ategere okutu. Esau obu yagenzire omu kisaka kuhiiga nukwo aleete enyama, 6Rebbeka yagambira omutabani Yakobbo ati: “Mpuliire Sso naagambira mutaahi wawe Esau ati: 7‘Ondeetere enyama oncumbire ebyokulya ebirukunnurra, mbirye, nkusabire omugisa ntakafiire.’ 8Hati mwana wange, ompurre kandi okole eki ndaakuragira. 9Genda omu igana ly'embuzi onyihireyo ebyana ebirungi ncumbire Sso ebyokulya ebirungi nkooku agonza 10obimusembereze abirye, nukwo akusabire omugisa atakafiire.” 11Yakobbo yagarukamu nyina ati: “Kandi, mugenzi wange Esau ka muntu w'ebyoya, nyowe timbiina, 12kakuba taata ankwatakwata akammanyirra, naija kumanya nkooku ndukumubiihabiiha, aho ndaayeretera omukyeno omu kiikaro ky'omugisa.” 13Nyina yamugarukamu ati: “Mwana wange, omukyeno gwawe, gube hali nyowe. Kyonka iwe, kora eki ndukukugambira, genda ondeetere ebyana by'embuzi.” 14Yakobbo yagenda yabimuleetera, nyina yacumbira Isaaka ebyokulya ebirukunura nk'ebi agonza. 15Rebbeka yaleeta ebyokujwara ebirukukira oburungi eby'omutabani omukuru Esau ebi akaba ayahwire, yabijweka omutabani omuto Yakobbo, 16kandi yamujweka obuhu bw'embuzi ha mikono na ha bikya h'arukuteerra. 17Yamukwasa ebyokulya ebirungi n'omugaati ebi akaba acumbire.
18Yakobbo yaija hali ise yamweta ati: “Taata.” Ise yayetebuka yagamba ati: “Ndi hanu mwana wange niiwe oha?” 19Yakobbo yagarukamu ati: “Ninyowe Esau omuzigaijo gwawe, eki ondagiire nkikozire, hati ikarra olye enyama ei mpiigire, nukwo onsabire omugisa.” 20Isaaka yakaguza omutabani ati: “Leero hati koizire bwango?” Yakobbo yamugarukamu ati: “Habwokuba MUKAMA Ruhanga wawe ampaire omugisa.” 21Aho Isaaka yagambira Yakobbo ati: “Irra haihi nkwetegereze mwana wange, nukwo mmanye obu oraaba olikwo mwana wange Esau.” 22Yakobbo obu yairiire haihi, ise yamukwataho, yagamba ati: “Iraka lya Yakobbo, baitu emikono y'Esau.” 23Tiyamumanyirra, habwokuba emikono ye ekaba eroho ebyoya nk'ey'Esau owanyina, nikyo yamusabiriire omugisa. 24Yamukaguza ati: “Niiwe kwo mwana wange Esau?” Yakobbo yamugarukamu ati: “Ninyowe.” Nubwo ise yamugambira ati: 25“Binyirize haihi ndye ha muhiigo gwawe, nukwo nkusabire omugisa.” Yakobbo yabimwiriza haihi, Isaaka yalya, yamuha amarwa, yanywa. 26Nubwo ise yamugambira ati: “Irra haihi mwana wange, onywegere.” 27#Baheb 11:20.Yakobbo yairra haihi ise, yamunywegera, Isaaka obu yaboyiirwe ebyokujwara by'Esau, yasabira Yakobbo omugisa naagamba ati:
“Okuboya kw'omwana wange nikusisana nk'okw'omusiri
MUKAMA ogu ahaire omugisa.
28Ruhanga akunagire orume orw'omwiguru
kandi akuhe ensi ey'orwezo,
akuhe ebyokulya n'ebyokunywa bingi.
29 #
Kub 12:3. Enganda zikuheerezeege,
amahanga gakutemuga ekitiinisa.
Olemege beene baanyu,
kandi aboojo abaanyoko bakutemuga ekitiinisa.
Weena araakukyenaga, na uwe akyenwe,
weena arakusabiraga omugisa,
na uwe aheebwege omugisa!”
30Isaaka obu akaba yakamara kuha Yakobbo omugisa, Yakobbo atakarugire omumaiso ge, mugenzi we Esau yataaha naaruga kuhiiga. 31Na uwe yacumba ebyokulya ebirukunura, yabitwarra ise yamugambira ati: “Taata imuka olye enyama ei mpiigire, nukwo onsabire omugisa.” 32Ise yamukaguza ati: “Niiwe oha?” Esau yamugarukamu ati: “Ninyowe Esau mutabani wawe, omuzigaijo.” 33Isaaka yacwekwa enkizi, yakaguza ati: “Kandi nooha anyakuhiigirege, yandeetera enyama nagirya otakaizire, kandi namusabira omugisa?” 34Esau obu yahuliire ebigambo ise ebi yamugambiire, yayamuza, yataabaana ati: “Ai taata, boojo na nyowe nsabira omugisa!” 35Ise yamugarukamu ati: “Owanyoko aizirege yambiihabiiha, namusabira omugisa ogu naakukusabiire.” 36#Kub 25:29-34.Esau yakaguza ati: “Ibara Yakobbo#27:36 Yakobbo Ibara Yakobbo, limanyisa Engobya., litamuhike? Yakangobeza emirundi ebiri. Okubanza akanyihaho obukuru bwange, kandi hati anyihireho n'omugisa gwange.” Yagaruka yakaguza ati: “Nanyowe tonsabiraho mugisa?” 37Isaaka yagarukamu Esau ati: “Mmuhaire obusobozi obw'okukulema, kandi mmuhaire bagenzi be boona babe bairu be, mmuhaire ebyokulya n'ebyokunywa. Hati mwana wange, leero iwe ndaakukorra ki?” 38#Baheb 12:17.Esau yakaguza ati: “Omugisa ogu osabire nugwo gwonka? Ai taata, na nyowe mpa omugisa.” Esau yatamu ekyoboobo. 39#Baheb 11:20.Aho, Isaaka ise yagamba ati: “Oraikaraga omunsi etarumu rwezo kandi etarukugwibwamu rume. 40#Kub 36:8; 2 Bakam 8:20.Empirima yawe niyo eraakulindaga, oraaheerezaaga owanyoko, baitu obu olirwana okasingura, nubwo olyeihaho ekikoligo ky'obwiru.”
41Kuruga obu, Esau yanoba Yakobbo habw'omugisa ise ogu akaba amusabiire, yamalirra ati: “Ise nyowe ali haihi kufa, omu busumi obw'okumugaragarra, nubwo ndiita mugenzi wange Yakobbo.” 42#Ama 10:10.Baagambira Rebbeka ebigambo Esau omutabani omukuru ebi yagambire, aho yatuma bamwetere Yakobbo omutabani omuto, obu yaizire yamugambira ati: “Mugenzi wawe naahiika, kandi naategeka kukwita. 43Hati nu mwana wange, ohurre eki ndukukugambira, iruka ogende Harani omba Labbani munyanya-nyowe, omaleyo akasumi 44okuhika owanyoko obu alikahoibwaho ekiniga, 45akeebwa ebi wamukozire, nubwo ndituma bakutabarre. Habwaki mbafeerwa inywembi izooba limu?” 46Nubwo Rebbeka yagambira Isaaka ati: “Ntamirwe muno abakazi banu Abahiiti. Kakuba Yakobbo aswera omukazi Omuhiiti, arukusisana nka banu, omu ha bakazi ab'ensi enu, obu ndiba nkyali wa ki?”
Currently Selected:
Kub 27: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 27
27
Yakobbo naagobeza Isaaka amwiheho omugisa
1Isaaka obu yakuzire, amaiso ge gahimbaire, atakyasobora kuhweza, yayeta Esau mutabani we omukuru, Esau yayetebuka ati: “Taata.” 2Yamugambira ati: “Ohurre kurungi mwana wange, hati ngurusire, timmanyire kiro eki ndifeeraho, 3hati nu mwana wange, kwata ebintu byawe ebi ohiigisa, omufuko n'obuta bwawe, ogende omu kisaka ompiigire ebisoro, 4oncumbire ebyokulya ebirukunnurra, nk'ebi, ebi ngonza, obindeetere mbirye, nukwo nkuhe omugisa ntakafiire.”
5Omu kasumi ako, Isaaka obu yabazaaga n'omutabani Esau, Rebbeka akaba ategere okutu. Esau obu yagenzire omu kisaka kuhiiga nukwo aleete enyama, 6Rebbeka yagambira omutabani Yakobbo ati: “Mpuliire Sso naagambira mutaahi wawe Esau ati: 7‘Ondeetere enyama oncumbire ebyokulya ebirukunnurra, mbirye, nkusabire omugisa ntakafiire.’ 8Hati mwana wange, ompurre kandi okole eki ndaakuragira. 9Genda omu igana ly'embuzi onyihireyo ebyana ebirungi ncumbire Sso ebyokulya ebirungi nkooku agonza 10obimusembereze abirye, nukwo akusabire omugisa atakafiire.” 11Yakobbo yagarukamu nyina ati: “Kandi, mugenzi wange Esau ka muntu w'ebyoya, nyowe timbiina, 12kakuba taata ankwatakwata akammanyirra, naija kumanya nkooku ndukumubiihabiiha, aho ndaayeretera omukyeno omu kiikaro ky'omugisa.” 13Nyina yamugarukamu ati: “Mwana wange, omukyeno gwawe, gube hali nyowe. Kyonka iwe, kora eki ndukukugambira, genda ondeetere ebyana by'embuzi.” 14Yakobbo yagenda yabimuleetera, nyina yacumbira Isaaka ebyokulya ebirukunura nk'ebi agonza. 15Rebbeka yaleeta ebyokujwara ebirukukira oburungi eby'omutabani omukuru Esau ebi akaba ayahwire, yabijweka omutabani omuto Yakobbo, 16kandi yamujweka obuhu bw'embuzi ha mikono na ha bikya h'arukuteerra. 17Yamukwasa ebyokulya ebirungi n'omugaati ebi akaba acumbire.
18Yakobbo yaija hali ise yamweta ati: “Taata.” Ise yayetebuka yagamba ati: “Ndi hanu mwana wange niiwe oha?” 19Yakobbo yagarukamu ati: “Ninyowe Esau omuzigaijo gwawe, eki ondagiire nkikozire, hati ikarra olye enyama ei mpiigire, nukwo onsabire omugisa.” 20Isaaka yakaguza omutabani ati: “Leero hati koizire bwango?” Yakobbo yamugarukamu ati: “Habwokuba MUKAMA Ruhanga wawe ampaire omugisa.” 21Aho Isaaka yagambira Yakobbo ati: “Irra haihi nkwetegereze mwana wange, nukwo mmanye obu oraaba olikwo mwana wange Esau.” 22Yakobbo obu yairiire haihi, ise yamukwataho, yagamba ati: “Iraka lya Yakobbo, baitu emikono y'Esau.” 23Tiyamumanyirra, habwokuba emikono ye ekaba eroho ebyoya nk'ey'Esau owanyina, nikyo yamusabiriire omugisa. 24Yamukaguza ati: “Niiwe kwo mwana wange Esau?” Yakobbo yamugarukamu ati: “Ninyowe.” Nubwo ise yamugambira ati: 25“Binyirize haihi ndye ha muhiigo gwawe, nukwo nkusabire omugisa.” Yakobbo yabimwiriza haihi, Isaaka yalya, yamuha amarwa, yanywa. 26Nubwo ise yamugambira ati: “Irra haihi mwana wange, onywegere.” 27#Baheb 11:20.Yakobbo yairra haihi ise, yamunywegera, Isaaka obu yaboyiirwe ebyokujwara by'Esau, yasabira Yakobbo omugisa naagamba ati:
“Okuboya kw'omwana wange nikusisana nk'okw'omusiri
MUKAMA ogu ahaire omugisa.
28Ruhanga akunagire orume orw'omwiguru
kandi akuhe ensi ey'orwezo,
akuhe ebyokulya n'ebyokunywa bingi.
29 #
Kub 12:3. Enganda zikuheerezeege,
amahanga gakutemuga ekitiinisa.
Olemege beene baanyu,
kandi aboojo abaanyoko bakutemuga ekitiinisa.
Weena araakukyenaga, na uwe akyenwe,
weena arakusabiraga omugisa,
na uwe aheebwege omugisa!”
30Isaaka obu akaba yakamara kuha Yakobbo omugisa, Yakobbo atakarugire omumaiso ge, mugenzi we Esau yataaha naaruga kuhiiga. 31Na uwe yacumba ebyokulya ebirukunura, yabitwarra ise yamugambira ati: “Taata imuka olye enyama ei mpiigire, nukwo onsabire omugisa.” 32Ise yamukaguza ati: “Niiwe oha?” Esau yamugarukamu ati: “Ninyowe Esau mutabani wawe, omuzigaijo.” 33Isaaka yacwekwa enkizi, yakaguza ati: “Kandi nooha anyakuhiigirege, yandeetera enyama nagirya otakaizire, kandi namusabira omugisa?” 34Esau obu yahuliire ebigambo ise ebi yamugambiire, yayamuza, yataabaana ati: “Ai taata, boojo na nyowe nsabira omugisa!” 35Ise yamugarukamu ati: “Owanyoko aizirege yambiihabiiha, namusabira omugisa ogu naakukusabiire.” 36#Kub 25:29-34.Esau yakaguza ati: “Ibara Yakobbo#27:36 Yakobbo Ibara Yakobbo, limanyisa Engobya., litamuhike? Yakangobeza emirundi ebiri. Okubanza akanyihaho obukuru bwange, kandi hati anyihireho n'omugisa gwange.” Yagaruka yakaguza ati: “Nanyowe tonsabiraho mugisa?” 37Isaaka yagarukamu Esau ati: “Mmuhaire obusobozi obw'okukulema, kandi mmuhaire bagenzi be boona babe bairu be, mmuhaire ebyokulya n'ebyokunywa. Hati mwana wange, leero iwe ndaakukorra ki?” 38#Baheb 12:17.Esau yakaguza ati: “Omugisa ogu osabire nugwo gwonka? Ai taata, na nyowe mpa omugisa.” Esau yatamu ekyoboobo. 39#Baheb 11:20.Aho, Isaaka ise yagamba ati: “Oraikaraga omunsi etarumu rwezo kandi etarukugwibwamu rume. 40#Kub 36:8; 2 Bakam 8:20.Empirima yawe niyo eraakulindaga, oraaheerezaaga owanyoko, baitu obu olirwana okasingura, nubwo olyeihaho ekikoligo ky'obwiru.”
41Kuruga obu, Esau yanoba Yakobbo habw'omugisa ise ogu akaba amusabiire, yamalirra ati: “Ise nyowe ali haihi kufa, omu busumi obw'okumugaragarra, nubwo ndiita mugenzi wange Yakobbo.” 42#Ama 10:10.Baagambira Rebbeka ebigambo Esau omutabani omukuru ebi yagambire, aho yatuma bamwetere Yakobbo omutabani omuto, obu yaizire yamugambira ati: “Mugenzi wawe naahiika, kandi naategeka kukwita. 43Hati nu mwana wange, ohurre eki ndukukugambira, iruka ogende Harani omba Labbani munyanya-nyowe, omaleyo akasumi 44okuhika owanyoko obu alikahoibwaho ekiniga, 45akeebwa ebi wamukozire, nubwo ndituma bakutabarre. Habwaki mbafeerwa inywembi izooba limu?” 46Nubwo Rebbeka yagambira Isaaka ati: “Ntamirwe muno abakazi banu Abahiiti. Kakuba Yakobbo aswera omukazi Omuhiiti, arukusisana nka banu, omu ha bakazi ab'ensi enu, obu ndiba nkyali wa ki?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.