Kub 30
30
Abaana ba Yakobbo abandi
1Rakeeri obu yarozire atazaaliire Yakobbo mwana n'omu, yarwaza owanyina ihali, yagambira Yakobbo ati: “Nzarra abaana, okutuntura kutanyita.” 2Yakobbo yabiihirirwa Rakeeri, yamuhagukira naagamba ati: “Nyowe, nonyeta Ruhanga ayakwimire oruzaaro?” 3Rakeeri yagamba ati: “Omuzaana wange Biriha, ngugwo, temba ekitabu kye, ozaale abaana mbalere, nukwo babe bange.” 4Aho, Rakeeri yaha Yakobbo omuzaana we Biriha, Yakobbo yatemba ekitabu kye, 5Biriha yatwara enda, yazarra Yakobbo omwana omwojo. 6Hanyuma, Rakeeri nukwo kugamba ati: “Ruhanga ancweriiremu, yahurra ebigambo byange, yampa omwana omwojo.” Nukwo kumuruka ibara Daani. 7Biriha yatwara enda endi, yazarra Yakobbo omwana ondi omwojo. 8Rakeeri yagamba ati: “Ncwire amagezi goona ag'okurwanisa owanyina-nyowe kandi mmusingwire.” Omwana ogu, nukwo kumuruka ibara Nafutaali.
9Leeya obu yarozire nkooku alekiire aho kuzaara, na uwe yakwata omuzaana we Ziripa, yamuha Yakobbo amuzarre abaana abandi. 10Ziripa yazarra Yakobbo omwana omwojo. 11Leeya yagamba ati: “Ka ky'omugisa.” Omwana nikyo yamurukiire ibara Gaadi. 12Ziripa yazarra Yakobbo omwana omwojo owa kabiri, 13kandi Leeya yagamba ati: “Ka mpiiriirwe! Abakazi baraanyetaga omuhiirwa.” Omwana ogu, yamuruka ibara Aseeri.
14Omu kasumi ak'igesa ery'engano, Rubbeni akagenda omu kisaka, yasangayo ebidodoima, yabireetera Leeya nyina. Aho Rakeeri yasaba Leeya ati: “Nkwesengeriize, mpaho ebidodoima bya mutabani wawe.” 15Baitu Leeya yagarukamu ati: “Nooteekereza kintu ky'okuzaana, iwe kunyihaho iba nyowe? Hati nooyenda kutwara n'ebidodoima bya mutabani wange?” 16Orwebagyo, Yakobbo obu akaba naaruga omu kisaka, Leeya yaimuka yagenda kumutangirra, yamugambira ati: “Kiro kinu, orandaarra, habwokuba nkuguzire, nakuheera ebidodoima bya mutabani wange.” Kiro eki, Yakobbo yaraarra Leeya. 17Ruhanga akahurra Leeya, yatwara enda, yazarra Yakobbo omwana omwojo owa kataano. 18Leeya yagamba ati: “Ruhanga ampaire eki naheeriire ebyange, habwokuba, omuzaana wange nkamuha ibanyowe.” Omwana ogu, nukwo kumuruka ibara Isakara. 19Leeya yayongera yatwara enda, yazarra Yakobbo omwana omwojo owa mukaaga, 20nubwo Leeya yagambire ati: “Ruhanga ampaire ekisembo ekirungi, hati ibanyowe, naija kuntamuga ekitiinisa, habwokuba mmuzaaliire aboojo mukaaga,” ogu yamuruka ibara Zabburuni. 21Hanyuma yazaara omwana omwisiki, yamuruka ibara Dina. 22Aho, Ruhanga yaijuka kandi yahurra okusaba kwa Rakeeri, yamuha oruzaaro, 23yatwara enda yazaara omwana omwojo, yagamba ati: “Ruhanga anyihireho kugaywa.” 24Omwana ogu, yamuruka ibara Yosefu, naagamba ati: “MUKAMA aba kunyongera akoojo akandi!”
Yakobbo naagobeza Labbani
25Rakeeri obu yamazire kuzaara Yosefu, Yakobbo yasaba Labbani ati: “Ndeka ngaruke owaitu nambere narugire, 26mpa bakazi bange n'abaana bange aba nakoleriire, nukwo ngende, habwokuba, noomanya kurungi emirimo ei nakukoliire.” 27Labbani yamugarukamu ati: “Ka mbanze nkugambire ekigambo kimu, ntungire ebintu bingi, kandi Ruhanga ampaire omugisa habwawe. 28Hati, ngambira obu ndaaba nyina eki ntarakusaswire, nkikusasule.” 29Yakobbo yamugarukamu ati: “Na iwe wenka, noomanya nkooku nakukoliire kandi n'amagana gawe nkooku gaayeyongiire kukanya habwange kugalinda kurungi. 30Nambere naiziire, nkakusanga n'amagana make, hati geeyongiire muno muno, kandi omulimo gwona ogu nkozire, Ruhanga agukuheeriiremu omugisa. Obu, nyowe eka yange ndigitegeka di?” 31Labbani yamukaguza ati: “Nooyenda nkuhe ki?” Yakobbo yamugarukamu ati: “Tindukwenda kintu kindi, kyonka obu oraikiriza eki ndaakugambira, nubwo ndaikiriza kukukorra nkooku nkabaire ninkukorra, 32kiro kinu, ka ndabemu igana lyawe lyona, nsoroolemu entaama enkuru zoona, kibuubi, ibamba mpuuga, n'entaama ento zoona ezirukwiragura, n'omu mbuzi, nsoroolemu ez'ebitanga, n'ez'ebigabu, egi niyo ebe mpeera yange. 33Akasumi ak'okusasura obu kalihika, nubwo olyetegereza obwesigwa bwange. Obu ndisangwa n'embuzi etali kigondo rundi kitanga, rundi entaama erukwiragura, egi eriba ibirwe.” 34Labbani yagarukamu ati: “Ego, eki nukwo kibe nkooku ogambire.” 35Ha kiro eki, Labbani yasoroora omu igana embuzi zoona empaya, n'ebuguma ez'ebigabu, ez'ebitanga, n'ez'ebigondo, yoona eyasangirwe enyina ibara erirukwera, na buli ntaama eyekaba niiragura, yazikwasa abaana be bazirolerre, 36Labbani yatwara amagana ge, yagata omu mwanya ogw'orugendo rw'ebiro bisatu, okuruga ha ga Yakobbo. Yakobbo yaliisa ekicweka eky'igana erya Labbani ekyasigaireho. 37Yakobbo yacwa obutaagi obubisi obw'emiti popule, alimonda na puleni,#30:37 puleni Emiti egi y'omunsi Palestina. yabususuura naatamu amagoobe. 38Obuti obu yabusimba kurungi omu micungiro nambere zaazarraga ez'amabara. 39Nahabweki embuzi obuzaliraaga omumaiso g'obuti, zazaraga ez'ebihuuga, ez'ebigondo n'ez'ebitanga. 40Yakobbo yasoroora empaya ento ez'amabara, yazita omu igana lya Labbani. 41Yakobbo obu yaroraga ez'amaani iteegere, nubwo yataga obuti omu micungiro omumaiso gaazo, nukwo ezimu zisobole kwema ziri omumaiso g'obuti, obu haijaga ezitali z'amaani, obuti tiyabutahoga. 42Habweki, enceke zoona zikaba za Labbani, kandi ez'amaani, zaaba za Yakobbo. 43Yakobbo, nukwo yaguudahaire ati, yatunga amagana maingi, abaheereza, abasaija n'abakazi, engamiya n'enkaina.
Currently Selected:
Kub 30: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 30
30
Abaana ba Yakobbo abandi
1Rakeeri obu yarozire atazaaliire Yakobbo mwana n'omu, yarwaza owanyina ihali, yagambira Yakobbo ati: “Nzarra abaana, okutuntura kutanyita.” 2Yakobbo yabiihirirwa Rakeeri, yamuhagukira naagamba ati: “Nyowe, nonyeta Ruhanga ayakwimire oruzaaro?” 3Rakeeri yagamba ati: “Omuzaana wange Biriha, ngugwo, temba ekitabu kye, ozaale abaana mbalere, nukwo babe bange.” 4Aho, Rakeeri yaha Yakobbo omuzaana we Biriha, Yakobbo yatemba ekitabu kye, 5Biriha yatwara enda, yazarra Yakobbo omwana omwojo. 6Hanyuma, Rakeeri nukwo kugamba ati: “Ruhanga ancweriiremu, yahurra ebigambo byange, yampa omwana omwojo.” Nukwo kumuruka ibara Daani. 7Biriha yatwara enda endi, yazarra Yakobbo omwana ondi omwojo. 8Rakeeri yagamba ati: “Ncwire amagezi goona ag'okurwanisa owanyina-nyowe kandi mmusingwire.” Omwana ogu, nukwo kumuruka ibara Nafutaali.
9Leeya obu yarozire nkooku alekiire aho kuzaara, na uwe yakwata omuzaana we Ziripa, yamuha Yakobbo amuzarre abaana abandi. 10Ziripa yazarra Yakobbo omwana omwojo. 11Leeya yagamba ati: “Ka ky'omugisa.” Omwana nikyo yamurukiire ibara Gaadi. 12Ziripa yazarra Yakobbo omwana omwojo owa kabiri, 13kandi Leeya yagamba ati: “Ka mpiiriirwe! Abakazi baraanyetaga omuhiirwa.” Omwana ogu, yamuruka ibara Aseeri.
14Omu kasumi ak'igesa ery'engano, Rubbeni akagenda omu kisaka, yasangayo ebidodoima, yabireetera Leeya nyina. Aho Rakeeri yasaba Leeya ati: “Nkwesengeriize, mpaho ebidodoima bya mutabani wawe.” 15Baitu Leeya yagarukamu ati: “Nooteekereza kintu ky'okuzaana, iwe kunyihaho iba nyowe? Hati nooyenda kutwara n'ebidodoima bya mutabani wange?” 16Orwebagyo, Yakobbo obu akaba naaruga omu kisaka, Leeya yaimuka yagenda kumutangirra, yamugambira ati: “Kiro kinu, orandaarra, habwokuba nkuguzire, nakuheera ebidodoima bya mutabani wange.” Kiro eki, Yakobbo yaraarra Leeya. 17Ruhanga akahurra Leeya, yatwara enda, yazarra Yakobbo omwana omwojo owa kataano. 18Leeya yagamba ati: “Ruhanga ampaire eki naheeriire ebyange, habwokuba, omuzaana wange nkamuha ibanyowe.” Omwana ogu, nukwo kumuruka ibara Isakara. 19Leeya yayongera yatwara enda, yazarra Yakobbo omwana omwojo owa mukaaga, 20nubwo Leeya yagambire ati: “Ruhanga ampaire ekisembo ekirungi, hati ibanyowe, naija kuntamuga ekitiinisa, habwokuba mmuzaaliire aboojo mukaaga,” ogu yamuruka ibara Zabburuni. 21Hanyuma yazaara omwana omwisiki, yamuruka ibara Dina. 22Aho, Ruhanga yaijuka kandi yahurra okusaba kwa Rakeeri, yamuha oruzaaro, 23yatwara enda yazaara omwana omwojo, yagamba ati: “Ruhanga anyihireho kugaywa.” 24Omwana ogu, yamuruka ibara Yosefu, naagamba ati: “MUKAMA aba kunyongera akoojo akandi!”
Yakobbo naagobeza Labbani
25Rakeeri obu yamazire kuzaara Yosefu, Yakobbo yasaba Labbani ati: “Ndeka ngaruke owaitu nambere narugire, 26mpa bakazi bange n'abaana bange aba nakoleriire, nukwo ngende, habwokuba, noomanya kurungi emirimo ei nakukoliire.” 27Labbani yamugarukamu ati: “Ka mbanze nkugambire ekigambo kimu, ntungire ebintu bingi, kandi Ruhanga ampaire omugisa habwawe. 28Hati, ngambira obu ndaaba nyina eki ntarakusaswire, nkikusasule.” 29Yakobbo yamugarukamu ati: “Na iwe wenka, noomanya nkooku nakukoliire kandi n'amagana gawe nkooku gaayeyongiire kukanya habwange kugalinda kurungi. 30Nambere naiziire, nkakusanga n'amagana make, hati geeyongiire muno muno, kandi omulimo gwona ogu nkozire, Ruhanga agukuheeriiremu omugisa. Obu, nyowe eka yange ndigitegeka di?” 31Labbani yamukaguza ati: “Nooyenda nkuhe ki?” Yakobbo yamugarukamu ati: “Tindukwenda kintu kindi, kyonka obu oraikiriza eki ndaakugambira, nubwo ndaikiriza kukukorra nkooku nkabaire ninkukorra, 32kiro kinu, ka ndabemu igana lyawe lyona, nsoroolemu entaama enkuru zoona, kibuubi, ibamba mpuuga, n'entaama ento zoona ezirukwiragura, n'omu mbuzi, nsoroolemu ez'ebitanga, n'ez'ebigabu, egi niyo ebe mpeera yange. 33Akasumi ak'okusasura obu kalihika, nubwo olyetegereza obwesigwa bwange. Obu ndisangwa n'embuzi etali kigondo rundi kitanga, rundi entaama erukwiragura, egi eriba ibirwe.” 34Labbani yagarukamu ati: “Ego, eki nukwo kibe nkooku ogambire.” 35Ha kiro eki, Labbani yasoroora omu igana embuzi zoona empaya, n'ebuguma ez'ebigabu, ez'ebitanga, n'ez'ebigondo, yoona eyasangirwe enyina ibara erirukwera, na buli ntaama eyekaba niiragura, yazikwasa abaana be bazirolerre, 36Labbani yatwara amagana ge, yagata omu mwanya ogw'orugendo rw'ebiro bisatu, okuruga ha ga Yakobbo. Yakobbo yaliisa ekicweka eky'igana erya Labbani ekyasigaireho. 37Yakobbo yacwa obutaagi obubisi obw'emiti popule, alimonda na puleni,#30:37 puleni Emiti egi y'omunsi Palestina. yabususuura naatamu amagoobe. 38Obuti obu yabusimba kurungi omu micungiro nambere zaazarraga ez'amabara. 39Nahabweki embuzi obuzaliraaga omumaiso g'obuti, zazaraga ez'ebihuuga, ez'ebigondo n'ez'ebitanga. 40Yakobbo yasoroora empaya ento ez'amabara, yazita omu igana lya Labbani. 41Yakobbo obu yaroraga ez'amaani iteegere, nubwo yataga obuti omu micungiro omumaiso gaazo, nukwo ezimu zisobole kwema ziri omumaiso g'obuti, obu haijaga ezitali z'amaani, obuti tiyabutahoga. 42Habweki, enceke zoona zikaba za Labbani, kandi ez'amaani, zaaba za Yakobbo. 43Yakobbo, nukwo yaguudahaire ati, yatunga amagana maingi, abaheereza, abasaija n'abakazi, engamiya n'enkaina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.