Kub 39
39
Yosefu nagaanja omuka ya Potifa
1Yosefu obu yatwairwe Misiri, omunyoro wa Faraaho omukuru w'abalinzi Omunyamisiri, yamugura hali Abaisimairi, abakaba bamutwaireyo. 2#Ebik 7:9.MUKAMA yaikaraga na Yosefu, yaba muntu w'omugisa, yaikara omunju ya mukama we Omunyamisiri. 3Mukama we akarora MUKAMA nkooku akaba ali na Yosefu kandi byona ebi yakoraga nkooku yabihaga omugisa. 4Yosefu nukwo kuganja hali mukama we, nukwo kumufoora muheereza we, yamuha obukuru obw'okurolerra enju ye na byona ebi akaba ainabyo. 5Okuruga obu yamuhaire obukuru obw'okurolerra ebintu bye byona, enju y'omunyoro ogu Omunyamisiri MUKAMA yagiha omugisa habwa Yosefu, omugisa gwa MUKAMA gwahika ha bintu bye byona ebi akaba anyinabyo. 6Potifa, byona ebi akaba anyinabyo, nukwo kubikwasa Yosefu. Akasumi koona aka yamazire na uwe, Potifa tiyafahoga kintu kyona kwihaho kulya kwonka.
Yosefu na muka Potifa
Yosefu akaba ali murungi kandi nyamibwa. 7Obu haahingwireho ebiro, muka mukama we yamurora n'amaiso agarukumuligira, yamugamba ati: “Ija tubyame hamu.” 8Baitu Yosefu yayanga, yamugarukamu ati: “Mahano! Kuruga mukama wange antunga, omunju ye munu, tagira eki atunturra, byona ebi anyinabyo akabinkwasa, 9omunju munu, akampa obusobozi bwona, busaho na kimu eki yanyimire okwihaho iwe wenka, habwokuba oli mukazi we. Nsobora nta kukora ekibi ekikooto nk'eki nkabiihiza Ruhanga?” 10Omukazi ogu noobwakubaire buli kiro yaikaraga nasoonasoona Yosefu, baitu uwe atagonze kumuhuliriza, kubyama na uwe, rundi kwikara na uwe. 11Baitu kiro kimu, Yosefu obu yataahire omunju kukora omulimo gwe, omunju hatarumu muntu ondi n'omu, 12omukazi yakwata ekijwaro kya Yosefu yagamba ati: “Hati noobyama na nyowe.” Baitu Yosefu yamwirukaho, yamusiga akwasire omwegereko gwe, yairuka yaturuka aheeru. 13Omukazi obu yarozire Yosefu amusigiire omwegereko, kandi airukire yaruga omunju, 14yayeta abasaija abaikaraga omuka yabagambira ati: “Murole, iba yowe akatuleetera Omuhebburaayo ow'okutuhemura, antaahiriire, naayenda kubyama na nyowe, nateera enduuru, nayesaalinga. 15Obu arozire nayesaalinga nateera enduuru, nukwo kwiruka akansigira omwegereko gwe, yairuka yaruga omunju.” 16Aho omwegereko gwa Yosefu, omukazi ogu akagwahura aho nambere akaba ali, okuhika mukama wa Yosefu agarukire omuka, 17yamugambira ebigambo nk'ebi yagambiire abasaija ati: “Omuhebburaayo ou waleesire, antaahiriire yaija kumpamba, 18baitu obu natoka nayesaalinga, nukwo kunsingira omwegereko gwe gunu, yairuka yaruga omunju.”
Yosefu nibamuta omunju y'enkomo
19Mukama wa Yosefu obu yahuliire ebigambo mukazi we ebi yamugambiire ati: “Ebi nibyo omuheereza wawe ankozire,” Ekiniga kyayenda kumwita, 20nukwo kukwata Yosefu kumuta omu nkomo, nambere haakwatirwaga abanyankomo b'omukama. 21#Ebik 7:9.Baitu MUKAMA yaikaraga na Yosefu, yamugirra embabazi ezitagambwa, yamuha kugonzibwa mukuru w'enju y'enkomo egi 22Omulinzi w'enkomo, nukwo kukwasa Yosefu abanyankomo boona abakaba bali omunju y'enkomo abarolerre, kyona ekyakorwaga oku, nuwe kyakaguzibwaga. 23Mukuru w'enkomo, tiyagaruka kutunturra kintu na kimu, Yosefu eki yakwasiibwe kurolerra, habw'okuba MUKAMA yaikaraga na uwe, kandi kyona eki yakoraga MUKAMA yakihaga omugisa.
Currently Selected:
Kub 39: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 39
39
Yosefu nagaanja omuka ya Potifa
1Yosefu obu yatwairwe Misiri, omunyoro wa Faraaho omukuru w'abalinzi Omunyamisiri, yamugura hali Abaisimairi, abakaba bamutwaireyo. 2#Ebik 7:9.MUKAMA yaikaraga na Yosefu, yaba muntu w'omugisa, yaikara omunju ya mukama we Omunyamisiri. 3Mukama we akarora MUKAMA nkooku akaba ali na Yosefu kandi byona ebi yakoraga nkooku yabihaga omugisa. 4Yosefu nukwo kuganja hali mukama we, nukwo kumufoora muheereza we, yamuha obukuru obw'okurolerra enju ye na byona ebi akaba ainabyo. 5Okuruga obu yamuhaire obukuru obw'okurolerra ebintu bye byona, enju y'omunyoro ogu Omunyamisiri MUKAMA yagiha omugisa habwa Yosefu, omugisa gwa MUKAMA gwahika ha bintu bye byona ebi akaba anyinabyo. 6Potifa, byona ebi akaba anyinabyo, nukwo kubikwasa Yosefu. Akasumi koona aka yamazire na uwe, Potifa tiyafahoga kintu kyona kwihaho kulya kwonka.
Yosefu na muka Potifa
Yosefu akaba ali murungi kandi nyamibwa. 7Obu haahingwireho ebiro, muka mukama we yamurora n'amaiso agarukumuligira, yamugamba ati: “Ija tubyame hamu.” 8Baitu Yosefu yayanga, yamugarukamu ati: “Mahano! Kuruga mukama wange antunga, omunju ye munu, tagira eki atunturra, byona ebi anyinabyo akabinkwasa, 9omunju munu, akampa obusobozi bwona, busaho na kimu eki yanyimire okwihaho iwe wenka, habwokuba oli mukazi we. Nsobora nta kukora ekibi ekikooto nk'eki nkabiihiza Ruhanga?” 10Omukazi ogu noobwakubaire buli kiro yaikaraga nasoonasoona Yosefu, baitu uwe atagonze kumuhuliriza, kubyama na uwe, rundi kwikara na uwe. 11Baitu kiro kimu, Yosefu obu yataahire omunju kukora omulimo gwe, omunju hatarumu muntu ondi n'omu, 12omukazi yakwata ekijwaro kya Yosefu yagamba ati: “Hati noobyama na nyowe.” Baitu Yosefu yamwirukaho, yamusiga akwasire omwegereko gwe, yairuka yaturuka aheeru. 13Omukazi obu yarozire Yosefu amusigiire omwegereko, kandi airukire yaruga omunju, 14yayeta abasaija abaikaraga omuka yabagambira ati: “Murole, iba yowe akatuleetera Omuhebburaayo ow'okutuhemura, antaahiriire, naayenda kubyama na nyowe, nateera enduuru, nayesaalinga. 15Obu arozire nayesaalinga nateera enduuru, nukwo kwiruka akansigira omwegereko gwe, yairuka yaruga omunju.” 16Aho omwegereko gwa Yosefu, omukazi ogu akagwahura aho nambere akaba ali, okuhika mukama wa Yosefu agarukire omuka, 17yamugambira ebigambo nk'ebi yagambiire abasaija ati: “Omuhebburaayo ou waleesire, antaahiriire yaija kumpamba, 18baitu obu natoka nayesaalinga, nukwo kunsingira omwegereko gwe gunu, yairuka yaruga omunju.”
Yosefu nibamuta omunju y'enkomo
19Mukama wa Yosefu obu yahuliire ebigambo mukazi we ebi yamugambiire ati: “Ebi nibyo omuheereza wawe ankozire,” Ekiniga kyayenda kumwita, 20nukwo kukwata Yosefu kumuta omu nkomo, nambere haakwatirwaga abanyankomo b'omukama. 21#Ebik 7:9.Baitu MUKAMA yaikaraga na Yosefu, yamugirra embabazi ezitagambwa, yamuha kugonzibwa mukuru w'enju y'enkomo egi 22Omulinzi w'enkomo, nukwo kukwasa Yosefu abanyankomo boona abakaba bali omunju y'enkomo abarolerre, kyona ekyakorwaga oku, nuwe kyakaguzibwaga. 23Mukuru w'enkomo, tiyagaruka kutunturra kintu na kimu, Yosefu eki yakwasiibwe kurolerra, habw'okuba MUKAMA yaikaraga na uwe, kandi kyona eki yakoraga MUKAMA yakihaga omugisa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.