Kub 41
41
Ebirooto bya Faraaho
1Obu haahingwireho emyaka ebiri, Faraaho akaroota ayemeriire haihi n'ekyambu Nairo, 2yarora ente musanju enungi kandi ezinyakugomokere, niziruga omu kyambu eki, zaatandika kuliira omu rugoro. 3Ente ezindi musanju embi kandi ezinyakudoodookere, nazo zaaruga omu kisaaru Nairo, zaayemerra haihi n'ezi, ha musa ogw'ekyambu Nairo. 4Ente ziri embi kandi ezinyakudoodookere, zaalya ente omusanju enungi ezinyakugomokere zaazimaraho. Aho Faraaho yasisiimuka. 5Yayongera yagwijagira yaroota obwakabiri, obu, yarora entwe musanju ez'engano, ezinyakunyina enjuma ezinyakunyesire kandi enungi, zaanire ha musenka gumu. 6Entwe ezindi musanju ez'enjuma entoito kandi ezinyakuhohiibwe omuyaga ogwa Buturukaizooba, nazo zaatungurra ha musenka ogu gwonyini. 7Entwe ziri ez'enjuma entoito kandi ezinyakuhohere, zaamira entwe ziri omusanju ezinyakunyina enjuma enkooto kandi enungi, zaazimaraho. Aho yasisiimuka, yayetegereza nkooku kiri kirooto. 8#Dan 2:2.Obwire obu bwakiire, yatuntura muno, yatuma bamwetere abantu abafumu n'ab'amagezi abanyakuli omunsi Misiri, yabarootorra ebi aroosire, baitu hatabeho n'omu ayamusoborroliire amakuru gabyo.
9Nubwo mukuru w'abaheereza b'embonekyo, yagambira Faraaho ati: “Kiro kinu, naijuka eki nasobeze, 10Faraaho obu yabiihiriirwe abaheereza be, yanta omunju y'enkomo na mukuru w'abookya, omunju eyaraarwamuga mukuru w'abalinzi, 11kiro kimu omu bwire bw'ekiro, itwembi tukaroota, buli omu, akaroota ekirooto ekinyakunyina amakuru gakyo. 12Omunju egi, tukaba turumu n'omusaija Omuhebburaayo, omuheereza wa mukuru w'abalinzi; obu twamurootoroire, akasoborra kurungi amakuru ag'ebirooto byaitu, buli omu namusoborra amakuru ag'ekirooto kye. 13Nkooku yatumanyisize, nukwo byabairekwo, nyowe nkagarurwa ha mulimo gwange, kandi omwokya yahanikwa ha muti.”
Yosefu naasoborra amakuru ag'ebirooto bya Faraaho
14Aho Faraaho yatuma bamwetere Yosefu, obu yamazire kwemwa n'okujwara ebijwaro ebindi, yaija omumaiso ga Faraaho. 15Faraaho yagambira Yosefu ati: “Ndoosirege ekirooto, baitu busaho n'omu asoboire kunsoborra amakuru gakyo, mpuliire abantu nibagamba ngu, iwe obu bakurootorra ekirooto, osobora kusoborra amakuru gakyo.” 16Yosefu yagarukamu Faraaho ati: “Okusoborra ekirooto, tikiri kyange baitu kya Ruhanga wenka, nuwe araaha Faraaho amakuru agahikire.” 17Nukwo Faraaho yagambira Yosefu ati: “Kinu nikyo ndoosirege, mbaire nyemeriire ha musa ogw'ekisaaru Nairo, 18narora ente musanju ezinyakugomokere kandi enungi, zaaruga omu kyambu eki, zaaliira omu rugoro, 19ente ezindi musanju embi ezinyakwanukire, ezi ntakabonaga omunsi yoona Misiri. 20Ente ezinyakwanukire zaalya ente omusanju ez'okubanza ezinyakugomokere. 21Baitu obu zimazirege kuzirya, busaho n'omu amanyirege nkooku ziziriire, habwokuba, ziikaire zaanukire nkooku zisangirwege. Aho nasisiimuka, 22kandi nyongiirege naroota nindora entwe musanju ezinyakunyina enjuma nkooto enungi, zaanire ha musenka gumu; 23kandi narora entwe musanju, ezinyakuhohere ezitanyina njuma nungi, ezinyakuhohiibwe omuyaga ogwa Burugaizooba, nazo zaatungurra ha musenka ogu gwonyini, 24entwe ezinyakuhohere zaamira entwe omusanju enungi. Ekirooto eki, obu nkirotoliirege abafumu, busaho n'omu asoboirege kunsoborra amakuru gakyo.”
25Nubwo Yosefu yagambira Faraaho ati: “Ebirooto ebibiri ebi oroosire, ekirooto kimu, Ruhanga akwolekere eki ali haihi kukora. 26Ente omusanju enungi, nizimanyisa emyaka musanju, entwe musanju enungi ez'engano, nazo nizimanyisa emyaka musanju, ekirooto nikyo kimu. 27Ente musanju ezinyakwanukire, ezaahondiire ziri, nizimanyisa emyaka musanju, kandi entwe musanju ez'engano ezinyakuhohere, ezaahohiibwe omuyaga ogwa Buturukaizooba, nazo nizimanyisa emyaka musanju eya kiihe. 28Nkooku ngambirege, Ruhanga eki ali haihi kukora, akikwolekere. 29Nihaija kubaho emyaka musanju ey'omweru mwingi muno omunsi yoona Misiri, 30egi obu erihwaho, 31omweru gwona ogwabaire omunsi Misiri, guliba gutakyaijukwa omunsi, habwokuba, kiihe erikurataho, eriba y'amaani muno. 32Ekirooto kyawe kwija emirundi ebiri, nikimanyisa ngu, ekintu kinu, Ruhanga akigumiize kimu, kandi ali haihi kukikora. 33Nahabweki, hati osemeriire okome omuntu ow'amagezi kandi arukwetegereza, omuhe obusobozi obw'okulema ensi eya Misiri. 34Oyongere kukoma abantu abaraarolerra ensi, baiheho abantu ekicweka kimu ekya kataano eky'ebirimwa byona ebya Misiri, omu kasumi ak'emyaka musanju enu ey'omweru. 35Basorooze ebyokulya eby'emyaka egi erukwija ey'omweru, bahunike omu mbuga engano, nibahondera eki oragiire, baleke kugikwataho, omu kasumi ak'emyaka enu musanju ey'omweru, ikale omu busobozi bwawe. 36Engano egi, abantu niyo balirya ebamazeeho emyaka musanju eya kiihe erukwija kugwera ensi Misiri, abantu baleke kuhwerekerezibwa kiihe.”
Yosefu naaforwa mulemi w'ensi Misiri
37Ekiteekerezo eki, Faraaho hamu n'abanyoro be baakisiima, 38Faraaho yakaguza abanyoro be ati: “Tusobora kuzoora omuntu anyakwina Mwoyo wa Ruhanga nk'onu?” 39Aho Faraaho yagamba Yosefu ati: “Ruhanga nkooku akwolekere ebi, busaho muntu n'omu ow'amagezi kandi arukwetegereza nka iwe, 40#Ebik 7:10.niiwe oraarolerraga ekikaali kyange, kandi abantu bange boona baraahonderaga eki orukuragira, kimu kyonka, ekitebe eky'obukama, nikyo kiraanfooraga mukuru kukira iwe.” 41Yayongera yamugira ati: “Nkuhaire obusobozi obw'okurolerra ensi Misiri yoona.” 42#Dan 5:29.Faraaho yajuura empeta enyakuroho emanyiikirizo, yagijweka Yosefu, yamujweka ebijwaro ebya kitaani enungi muno, yamujweka omu bikya omufubaso ogwa zaabbu, 43yaragira bamusindikire omu kigaali kye ekya kabiri, abantu baatoka omumaiso ge nibagamba bati: “Inywena muteeze amaju.” Faraaho, nukwo yahaire Yosefu ati obusobozi obw'okulema Misiri. 44Faraaho yayongera yagamba ati: “Ninyowe Faraaho, ninkugambira nti: Busaho muntu n'omu omunsi Misiri alikora ekintu na kimu, iwe otamwikiriize.” 45Nubwo Faraaho yaruka Yosefu ibara Zafenasi-paneya, yamuha Asenasi muhara wa Potifera nyakatagara wa Oni amuswere. Obusobozi bwa Yosefu bwahika omunsi yoona eya Misiri.
Emyaka ey'omweru n'eya kiihe
46Yosefu akaba ahikize emyaka makumi asatu, ha yatandikiire kuheereza Faraaho omukama wa Misiri. Yosefu yaruga omumaiso ga Faraaho, yagenda kurambura ensi Misiri yoona. 47Omu myaka musanju ey'omweru, ensi ekeeza muno ebintu bingi, 48Yosefu yasorooza ebyokulya byona ebyayezire omu myaka egi, obu bikaba bikyali bingi omunsi Misiri, yabihunika omu mbuga, omu buli rubuga, yahunikamu ebyokulya ebinyakurugire omu Misiri ey'ensi ezinyakumuli haihi. 49Yosefu yahunika ebyokulya bingi muno eby'enjuma, ebirukwingana omusenyi gw'enyanja, okuhika obu yakalemerwe kubirenga, habwokuba, bikahingurana obwingi.
50Emyaka eya kiihe obu ekaba etakahikire, mukazi wa Yosefu Asenasi muhara wa Potifera nyakatagara wa Oni, akaba amazire kuzaara abatabani babiri. 51Yosefu, omuzigaijo yamuruka ibara Manaase, habwokuba akagamba ati: “Ruhanga anyebeseze emihito yange yoona n'eka ya ise nyowe.” 52Omusubiro, yamuruka Ibara Efuraimu, habwokuba akagamba ati: “Ruhanga ankanyisize omunsi ei naboniiremu emihito.”
53Emyaka musanju ey'omweru ogw'abaireho omunsi Misiri obu yahoireho, 54#Ebik 7:11.haakurataho emyaka musanju eya kiihe, Yosefu nkooku akaba arangire. Ensi ezindi zoona zaagwerwa kiihe, Misiri yonka, niyo yasigaize ebyokulya. 55#Yoh 2:5.Faraaho yagambira Abamisiri boona ati: “Mugende hali Yosefu, eki araabaragira, nikyo mukole.” 56Kiihe obu yayehinguliriize ensi Misiri yoona, Yosefu yatandika kuguza Abamisiri ebyokulya eby'omu maguli, habwokuba kiihe ekaba esaaliire omunsi Misiri. 57Abantu ab'ensi yoona baija Misiri hali Yosefu kugura ebyokulya, habwokuba kiihe ekaba esaaliire omunsi yoona.
Currently Selected:
Kub 41: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 41
41
Ebirooto bya Faraaho
1Obu haahingwireho emyaka ebiri, Faraaho akaroota ayemeriire haihi n'ekyambu Nairo, 2yarora ente musanju enungi kandi ezinyakugomokere, niziruga omu kyambu eki, zaatandika kuliira omu rugoro. 3Ente ezindi musanju embi kandi ezinyakudoodookere, nazo zaaruga omu kisaaru Nairo, zaayemerra haihi n'ezi, ha musa ogw'ekyambu Nairo. 4Ente ziri embi kandi ezinyakudoodookere, zaalya ente omusanju enungi ezinyakugomokere zaazimaraho. Aho Faraaho yasisiimuka. 5Yayongera yagwijagira yaroota obwakabiri, obu, yarora entwe musanju ez'engano, ezinyakunyina enjuma ezinyakunyesire kandi enungi, zaanire ha musenka gumu. 6Entwe ezindi musanju ez'enjuma entoito kandi ezinyakuhohiibwe omuyaga ogwa Buturukaizooba, nazo zaatungurra ha musenka ogu gwonyini. 7Entwe ziri ez'enjuma entoito kandi ezinyakuhohere, zaamira entwe ziri omusanju ezinyakunyina enjuma enkooto kandi enungi, zaazimaraho. Aho yasisiimuka, yayetegereza nkooku kiri kirooto. 8#Dan 2:2.Obwire obu bwakiire, yatuntura muno, yatuma bamwetere abantu abafumu n'ab'amagezi abanyakuli omunsi Misiri, yabarootorra ebi aroosire, baitu hatabeho n'omu ayamusoborroliire amakuru gabyo.
9Nubwo mukuru w'abaheereza b'embonekyo, yagambira Faraaho ati: “Kiro kinu, naijuka eki nasobeze, 10Faraaho obu yabiihiriirwe abaheereza be, yanta omunju y'enkomo na mukuru w'abookya, omunju eyaraarwamuga mukuru w'abalinzi, 11kiro kimu omu bwire bw'ekiro, itwembi tukaroota, buli omu, akaroota ekirooto ekinyakunyina amakuru gakyo. 12Omunju egi, tukaba turumu n'omusaija Omuhebburaayo, omuheereza wa mukuru w'abalinzi; obu twamurootoroire, akasoborra kurungi amakuru ag'ebirooto byaitu, buli omu namusoborra amakuru ag'ekirooto kye. 13Nkooku yatumanyisize, nukwo byabairekwo, nyowe nkagarurwa ha mulimo gwange, kandi omwokya yahanikwa ha muti.”
Yosefu naasoborra amakuru ag'ebirooto bya Faraaho
14Aho Faraaho yatuma bamwetere Yosefu, obu yamazire kwemwa n'okujwara ebijwaro ebindi, yaija omumaiso ga Faraaho. 15Faraaho yagambira Yosefu ati: “Ndoosirege ekirooto, baitu busaho n'omu asoboire kunsoborra amakuru gakyo, mpuliire abantu nibagamba ngu, iwe obu bakurootorra ekirooto, osobora kusoborra amakuru gakyo.” 16Yosefu yagarukamu Faraaho ati: “Okusoborra ekirooto, tikiri kyange baitu kya Ruhanga wenka, nuwe araaha Faraaho amakuru agahikire.” 17Nukwo Faraaho yagambira Yosefu ati: “Kinu nikyo ndoosirege, mbaire nyemeriire ha musa ogw'ekisaaru Nairo, 18narora ente musanju ezinyakugomokere kandi enungi, zaaruga omu kyambu eki, zaaliira omu rugoro, 19ente ezindi musanju embi ezinyakwanukire, ezi ntakabonaga omunsi yoona Misiri. 20Ente ezinyakwanukire zaalya ente omusanju ez'okubanza ezinyakugomokere. 21Baitu obu zimazirege kuzirya, busaho n'omu amanyirege nkooku ziziriire, habwokuba, ziikaire zaanukire nkooku zisangirwege. Aho nasisiimuka, 22kandi nyongiirege naroota nindora entwe musanju ezinyakunyina enjuma nkooto enungi, zaanire ha musenka gumu; 23kandi narora entwe musanju, ezinyakuhohere ezitanyina njuma nungi, ezinyakuhohiibwe omuyaga ogwa Burugaizooba, nazo zaatungurra ha musenka ogu gwonyini, 24entwe ezinyakuhohere zaamira entwe omusanju enungi. Ekirooto eki, obu nkirotoliirege abafumu, busaho n'omu asoboirege kunsoborra amakuru gakyo.”
25Nubwo Yosefu yagambira Faraaho ati: “Ebirooto ebibiri ebi oroosire, ekirooto kimu, Ruhanga akwolekere eki ali haihi kukora. 26Ente omusanju enungi, nizimanyisa emyaka musanju, entwe musanju enungi ez'engano, nazo nizimanyisa emyaka musanju, ekirooto nikyo kimu. 27Ente musanju ezinyakwanukire, ezaahondiire ziri, nizimanyisa emyaka musanju, kandi entwe musanju ez'engano ezinyakuhohere, ezaahohiibwe omuyaga ogwa Buturukaizooba, nazo nizimanyisa emyaka musanju eya kiihe. 28Nkooku ngambirege, Ruhanga eki ali haihi kukora, akikwolekere. 29Nihaija kubaho emyaka musanju ey'omweru mwingi muno omunsi yoona Misiri, 30egi obu erihwaho, 31omweru gwona ogwabaire omunsi Misiri, guliba gutakyaijukwa omunsi, habwokuba, kiihe erikurataho, eriba y'amaani muno. 32Ekirooto kyawe kwija emirundi ebiri, nikimanyisa ngu, ekintu kinu, Ruhanga akigumiize kimu, kandi ali haihi kukikora. 33Nahabweki, hati osemeriire okome omuntu ow'amagezi kandi arukwetegereza, omuhe obusobozi obw'okulema ensi eya Misiri. 34Oyongere kukoma abantu abaraarolerra ensi, baiheho abantu ekicweka kimu ekya kataano eky'ebirimwa byona ebya Misiri, omu kasumi ak'emyaka musanju enu ey'omweru. 35Basorooze ebyokulya eby'emyaka egi erukwija ey'omweru, bahunike omu mbuga engano, nibahondera eki oragiire, baleke kugikwataho, omu kasumi ak'emyaka enu musanju ey'omweru, ikale omu busobozi bwawe. 36Engano egi, abantu niyo balirya ebamazeeho emyaka musanju eya kiihe erukwija kugwera ensi Misiri, abantu baleke kuhwerekerezibwa kiihe.”
Yosefu naaforwa mulemi w'ensi Misiri
37Ekiteekerezo eki, Faraaho hamu n'abanyoro be baakisiima, 38Faraaho yakaguza abanyoro be ati: “Tusobora kuzoora omuntu anyakwina Mwoyo wa Ruhanga nk'onu?” 39Aho Faraaho yagamba Yosefu ati: “Ruhanga nkooku akwolekere ebi, busaho muntu n'omu ow'amagezi kandi arukwetegereza nka iwe, 40#Ebik 7:10.niiwe oraarolerraga ekikaali kyange, kandi abantu bange boona baraahonderaga eki orukuragira, kimu kyonka, ekitebe eky'obukama, nikyo kiraanfooraga mukuru kukira iwe.” 41Yayongera yamugira ati: “Nkuhaire obusobozi obw'okurolerra ensi Misiri yoona.” 42#Dan 5:29.Faraaho yajuura empeta enyakuroho emanyiikirizo, yagijweka Yosefu, yamujweka ebijwaro ebya kitaani enungi muno, yamujweka omu bikya omufubaso ogwa zaabbu, 43yaragira bamusindikire omu kigaali kye ekya kabiri, abantu baatoka omumaiso ge nibagamba bati: “Inywena muteeze amaju.” Faraaho, nukwo yahaire Yosefu ati obusobozi obw'okulema Misiri. 44Faraaho yayongera yagamba ati: “Ninyowe Faraaho, ninkugambira nti: Busaho muntu n'omu omunsi Misiri alikora ekintu na kimu, iwe otamwikiriize.” 45Nubwo Faraaho yaruka Yosefu ibara Zafenasi-paneya, yamuha Asenasi muhara wa Potifera nyakatagara wa Oni amuswere. Obusobozi bwa Yosefu bwahika omunsi yoona eya Misiri.
Emyaka ey'omweru n'eya kiihe
46Yosefu akaba ahikize emyaka makumi asatu, ha yatandikiire kuheereza Faraaho omukama wa Misiri. Yosefu yaruga omumaiso ga Faraaho, yagenda kurambura ensi Misiri yoona. 47Omu myaka musanju ey'omweru, ensi ekeeza muno ebintu bingi, 48Yosefu yasorooza ebyokulya byona ebyayezire omu myaka egi, obu bikaba bikyali bingi omunsi Misiri, yabihunika omu mbuga, omu buli rubuga, yahunikamu ebyokulya ebinyakurugire omu Misiri ey'ensi ezinyakumuli haihi. 49Yosefu yahunika ebyokulya bingi muno eby'enjuma, ebirukwingana omusenyi gw'enyanja, okuhika obu yakalemerwe kubirenga, habwokuba, bikahingurana obwingi.
50Emyaka eya kiihe obu ekaba etakahikire, mukazi wa Yosefu Asenasi muhara wa Potifera nyakatagara wa Oni, akaba amazire kuzaara abatabani babiri. 51Yosefu, omuzigaijo yamuruka ibara Manaase, habwokuba akagamba ati: “Ruhanga anyebeseze emihito yange yoona n'eka ya ise nyowe.” 52Omusubiro, yamuruka Ibara Efuraimu, habwokuba akagamba ati: “Ruhanga ankanyisize omunsi ei naboniiremu emihito.”
53Emyaka musanju ey'omweru ogw'abaireho omunsi Misiri obu yahoireho, 54#Ebik 7:11.haakurataho emyaka musanju eya kiihe, Yosefu nkooku akaba arangire. Ensi ezindi zoona zaagwerwa kiihe, Misiri yonka, niyo yasigaize ebyokulya. 55#Yoh 2:5.Faraaho yagambira Abamisiri boona ati: “Mugende hali Yosefu, eki araabaragira, nikyo mukole.” 56Kiihe obu yayehinguliriize ensi Misiri yoona, Yosefu yatandika kuguza Abamisiri ebyokulya eby'omu maguli, habwokuba kiihe ekaba esaaliire omunsi Misiri. 57Abantu ab'ensi yoona baija Misiri hali Yosefu kugura ebyokulya, habwokuba kiihe ekaba esaaliire omunsi yoona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.