Matta 22
22
Ȓmaƹna n umensi ameqqran
1Issawaȓ Ƹisa akiḏsen ƹaweḏ s ȓemƹani, indeq-d inna-asen: 2"Ȓmulk ujenna amecnaw ij uzeǧiḏ igga amensi ḏ ameqqran ḏi ȓfarḥ n mmis. 3Issekk ixeddamen nnes aḏ d ȓaɣan i yinni xef iƹareḍ ɣar umensi, walakin ugin aḏ d asen. 4Issekk ixeddamen nneɣni inna-asen: Inim-asen i yinni itwaƹarḍen: Aqa nec swejḏeɣ amensi inu, ɣarṣeɣ iƹejmiyen#22.4 Iƹejmiyen niṯni ḏ imwaṯen. ḏ iyenduzen inu iṣeḥḥan. Kuȓci iwjeḏ, araḥem-d ɣar ȓfarḥ! 5Walakin yinni itwaƹarḍen war ḏayes t uwin ca: ijjen iruḥ ɣar umarjeƹ nnes, ijjen ɣar ttijara nnes. 6Inneɣni ṭṭfen ixeddamen n uzeǧiḏ ƹedden xasen nɣin-ṯen. 7Iɣḍeb uzeǧiḏ issekk ȓƹaskar nnes aḏ nɣen lmujrimin nni aḏ sḥerqen ṯandint nsen. 8Inna-asen i ixeddamen nnes: Amensi n ȓfarḥ iwjeḏ, walakin yinni itwaƹarḍen war ṯ sḏihiǧen ca. 9Effɣeṯ ɣar mani temsagaren ibriḏen ƹarḍem-d ɣar umensi marra wi ɣa ṯafem ḏinni. 10Ruḥen ixeddamen nni ɣar ibriḏen uwin-d marra ug ufin ḏinni, iṣebḥanen ḏ iƹeffanen, ṯƹemmar ssaḥa s inewjiwen.
11Yuḏef uzeǧiḏ ḥima aḏ iẓer inewjiwen, yufa ḏinni ijjen n uryaz war yareḍ bu warruḍ n ȓfarḥ. 12Iruḥ ɣares inna-as: Ay ameddukeȓ, mammec ṯeggiḏ ṯuḏfeḏ-d bȓa arruḍ n ȓfarḥ? Aryaz nni istuk. 13Uca inna-asen uzeǧiḏ i ixeddamen nnes: Carfem-ṯ zeg iḍaren ḏ ifassen nḍarem-ṯ barra ɣar ṯaǧest mani ɣa iȓin imeṭṭawen ḏ uɣeẓẓaẓ n ṯeɣmas."
14Inna-asen Ƹisa: "Aqa aṭṭas ig itwaƹarḍen, ḏrus iy ɣa itwaxḍaren."
Ifarrisiyen ḏ yiwḏan n uzeǧiḏ tjarraben Siḏiṯneɣ Ƹisa
15Kkaren ifarrisiyen mcawaren jarasen ggin ijjen n lxuṭa aḏ ṭṭfen Ƹisa x min iqqar. 16Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic. 17Ini-yaneɣ, min ḏac imeḍharen? Ṯsemmeḥ ccariƹa nneɣ a nxeǧes ḍḍariba i uzeǧiḏ Qayṣar niɣ lla?"
18Issen Ƹisa ixarwiḍen nni iy ḏaysen inna-asen: "A lmunafiqin, mayemmi ḏayi ṯsewjaḏem ṯaxcebṯ? 19Awim-ayi-d dinar nni n ḍḍariba ḥima aṯ ẓreɣ." Kkaren uwin-as-d ijjen n dinar. 20Inna-asen: "Wi yiȓan teṣwirṯ-a ḏ yisem-a iy ḏayes?"
21Nnan-as: "N Qayṣar."
Indeq-d Ƹisa inna-asen: "Min iǧan n Qayṣar ucem-as-ṯ i Qayṣar. Min iǧan n Arebbi ucem-as-ṯ i Arebbi."
22Wami sȓin i ujawab nni qqimen tƹejjben ḏayes. Ssenni semḥen ḏayes uyuren.
Iṣadduqiyen tjarraben Siḏiṯneɣ Ƹisa
23Ḏi nhar nni, qarrben-d ɣar Ƹisa can yiwḏan zi ȓḥizeb n iṣadduqiyen (niṯni qqaren belli iwḏan war d tekkaren ca zi ȓmewṯ). 24Kkaren nnan-as: "A Lmuƹallim, iqqar-aneɣ Musa aryaz meȓa immuṯ war d ijji bu ṯarwa, ṯajjaȓṯ nnes at yawi uȓwes nnes bac akiḏes d ijj ṯarwa i wumas nni immuṯen. 25Neccin tuɣa akiḏneɣ sebƹa n wawmaṯen, imȓec umezwaru immuṯ war d ijji bu ṯarwa. Ṯamɣarṯ nni yuwi-t uȓwes nnes. 26Amenni ig iweqƹen i wumas wis ṯnayen ḏ wis ṯȓaṯa aȓ wis sebƹa. 27Aȓ uneggaru uȓa ḏ ṯamɣarṯ nni ṯemmuṯ. 28Yum Lqiyama, umi ɣa ṯiȓi ṯemɣarṯ nni? Aqa uwin-t s sebƹa iḏsen."
29Indeq-d Ƹisa inna-asen: "Kenniw ṯexḍam ȓaḥeqqac war ṯessinem ca Lkitab uȓa ḏ jjheḏ n Arebbi. 30Xmi d ɣa kkaren yinni immuṯen iryazen ḏ ṯemɣarin war meǧcen ca war twasmeǧicen ca; Lla, aḏ iȓin amecnaw lmalaʼikaṯ ig iǧan ḏeg ujenna. 31Walakin cuf, yinni immuṯen aḏ d kkaren zi ȓmewṯ. Ma ƹemmarṣ war ṯeɣrim min ḏawem iqqar Arebbi? 32Iqqar qa nec ḏ Arebbi n Brahim, ḏ Arebbi n Isḥaq, ḏ Arebbi n Yaƹqub."#22.32 Xzar Ufuɣ (Exode) 3:6. Inna-asen Ƹisa: "Netta ḏ Arebbi n yinni iddaren maci n yinni immuṯen."
33Sȓin yiwḏan i wawaȓ-a, ḏehcen ḏeg useȓmeḏ nnes.
Ijjen zeg ifarrisiyen itjarrab Siḏiṯneɣ Ƹisa
34Kkaren ȓḥizeb n ifarrisiyen wami d arrin ȓexbar belli Ƹisa ibelleƹ aqemmum n iṣadduqiyen, ȓexddenni munen jarasen. 35Iruḥ yijjen zzaysen netta itcerraḥ ccariƹa, ixes aḏ ijarreb Ƹisa inna-as: 36"A Lmuƹallim, min ṯeƹna ȓuṣiyeṯ iy iǧan ḏ ṯameqqrant qaƹ ḏi ccariƹa?"
37Inna-as Ƹisa: "Aḏ texseḏ Siḏi Arebbi nnec s marra uȓ nnec, s marra arruḥ nnec, s marra ȓaƹqeȓ nnec.#22.37 Xzar Afessar n Ccariƹa n Musa (Deutéronome) 6:5. 38Ḏ ṯa ḏ ȓuṣiyeṯ iy iǧan ḏ ṯameqqrant ḏ ṯamezwarut. 39Ȓuṣiyeṯ wis ṯnayen am ṯenni ṯamezwarut: Aḏ texseḏ ajjar nnec amecnaw ixef nnec.#22.39 Xzar Lkitab n Ayṯ Lawi (Lévitique) 19:18. 40Ṯnayen-a n ȓuṣiyaṯ iy xef ṯebna Ccariƹa n Musa amen-ṯekmaȓ ḏ ttaƹalim n lʼanbiya."
Siḏiṯneɣ Ƹisa itjarrab ifarrisiyen
41Ȓḥizeb n ifarrisiyen aqaṯen munen ḏinni, ikkar Ƹisa isseqsa-ṯen 42inna-asen: "Min ḏawem imeḍharen ḏi Lmasiḥ? Uw ṯ yiȓan?"
Nnan-as: "Ḏ mmis n Dawed."
43Inna-asen Ƹisa: "Iwa mammec Dawed iqqar-as i mmis s Arruḥ n Arebbi: A Siḏi? Minzi Dawed inna:
44Siḏi Arebbi inna-as i Siḏi: Qqim-d x ufusi inu,
aȓ d ɣa ggeɣ ȓƹaḏyan nnec swadday i iḍaren nnec.#22.44 Xzar Zzabur (Psaumes) 110:1.
45Mammec ɣa yiȓi Lmasiḥ ḏ mmis n Dawed? Netta Dawed iqqar-as i Lmasiḥ: A Siḏi."
46Uȓa ḏ ijjen war izemmar axas yarr ca n wawaȓ. U zi nhar nni war izƹim ḥadd aṯ isseqsa ƹaḏ ktar.
Currently Selected:
Matta 22: RIF
Highlight
Share
Copy
Want to have your highlights saved across all your devices? Sign up or sign in
Matta 22
22
Ȓmaƹna n umensi ameqqran
1Issawaȓ Ƹisa akiḏsen ƹaweḏ s ȓemƹani, indeq-d inna-asen: 2"Ȓmulk ujenna amecnaw ij uzeǧiḏ igga amensi ḏ ameqqran ḏi ȓfarḥ n mmis. 3Issekk ixeddamen nnes aḏ d ȓaɣan i yinni xef iƹareḍ ɣar umensi, walakin ugin aḏ d asen. 4Issekk ixeddamen nneɣni inna-asen: Inim-asen i yinni itwaƹarḍen: Aqa nec swejḏeɣ amensi inu, ɣarṣeɣ iƹejmiyen#22.4 Iƹejmiyen niṯni ḏ imwaṯen. ḏ iyenduzen inu iṣeḥḥan. Kuȓci iwjeḏ, araḥem-d ɣar ȓfarḥ! 5Walakin yinni itwaƹarḍen war ḏayes t uwin ca: ijjen iruḥ ɣar umarjeƹ nnes, ijjen ɣar ttijara nnes. 6Inneɣni ṭṭfen ixeddamen n uzeǧiḏ ƹedden xasen nɣin-ṯen. 7Iɣḍeb uzeǧiḏ issekk ȓƹaskar nnes aḏ nɣen lmujrimin nni aḏ sḥerqen ṯandint nsen. 8Inna-asen i ixeddamen nnes: Amensi n ȓfarḥ iwjeḏ, walakin yinni itwaƹarḍen war ṯ sḏihiǧen ca. 9Effɣeṯ ɣar mani temsagaren ibriḏen ƹarḍem-d ɣar umensi marra wi ɣa ṯafem ḏinni. 10Ruḥen ixeddamen nni ɣar ibriḏen uwin-d marra ug ufin ḏinni, iṣebḥanen ḏ iƹeffanen, ṯƹemmar ssaḥa s inewjiwen.
11Yuḏef uzeǧiḏ ḥima aḏ iẓer inewjiwen, yufa ḏinni ijjen n uryaz war yareḍ bu warruḍ n ȓfarḥ. 12Iruḥ ɣares inna-as: Ay ameddukeȓ, mammec ṯeggiḏ ṯuḏfeḏ-d bȓa arruḍ n ȓfarḥ? Aryaz nni istuk. 13Uca inna-asen uzeǧiḏ i ixeddamen nnes: Carfem-ṯ zeg iḍaren ḏ ifassen nḍarem-ṯ barra ɣar ṯaǧest mani ɣa iȓin imeṭṭawen ḏ uɣeẓẓaẓ n ṯeɣmas."
14Inna-asen Ƹisa: "Aqa aṭṭas ig itwaƹarḍen, ḏrus iy ɣa itwaxḍaren."
Ifarrisiyen ḏ yiwḏan n uzeǧiḏ tjarraben Siḏiṯneɣ Ƹisa
15Kkaren ifarrisiyen mcawaren jarasen ggin ijjen n lxuṭa aḏ ṭṭfen Ƹisa x min iqqar. 16Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic. 17Ini-yaneɣ, min ḏac imeḍharen? Ṯsemmeḥ ccariƹa nneɣ a nxeǧes ḍḍariba i uzeǧiḏ Qayṣar niɣ lla?"
18Issen Ƹisa ixarwiḍen nni iy ḏaysen inna-asen: "A lmunafiqin, mayemmi ḏayi ṯsewjaḏem ṯaxcebṯ? 19Awim-ayi-d dinar nni n ḍḍariba ḥima aṯ ẓreɣ." Kkaren uwin-as-d ijjen n dinar. 20Inna-asen: "Wi yiȓan teṣwirṯ-a ḏ yisem-a iy ḏayes?"
21Nnan-as: "N Qayṣar."
Indeq-d Ƹisa inna-asen: "Min iǧan n Qayṣar ucem-as-ṯ i Qayṣar. Min iǧan n Arebbi ucem-as-ṯ i Arebbi."
22Wami sȓin i ujawab nni qqimen tƹejjben ḏayes. Ssenni semḥen ḏayes uyuren.
Iṣadduqiyen tjarraben Siḏiṯneɣ Ƹisa
23Ḏi nhar nni, qarrben-d ɣar Ƹisa can yiwḏan zi ȓḥizeb n iṣadduqiyen (niṯni qqaren belli iwḏan war d tekkaren ca zi ȓmewṯ). 24Kkaren nnan-as: "A Lmuƹallim, iqqar-aneɣ Musa aryaz meȓa immuṯ war d ijji bu ṯarwa, ṯajjaȓṯ nnes at yawi uȓwes nnes bac akiḏes d ijj ṯarwa i wumas nni immuṯen. 25Neccin tuɣa akiḏneɣ sebƹa n wawmaṯen, imȓec umezwaru immuṯ war d ijji bu ṯarwa. Ṯamɣarṯ nni yuwi-t uȓwes nnes. 26Amenni ig iweqƹen i wumas wis ṯnayen ḏ wis ṯȓaṯa aȓ wis sebƹa. 27Aȓ uneggaru uȓa ḏ ṯamɣarṯ nni ṯemmuṯ. 28Yum Lqiyama, umi ɣa ṯiȓi ṯemɣarṯ nni? Aqa uwin-t s sebƹa iḏsen."
29Indeq-d Ƹisa inna-asen: "Kenniw ṯexḍam ȓaḥeqqac war ṯessinem ca Lkitab uȓa ḏ jjheḏ n Arebbi. 30Xmi d ɣa kkaren yinni immuṯen iryazen ḏ ṯemɣarin war meǧcen ca war twasmeǧicen ca; Lla, aḏ iȓin amecnaw lmalaʼikaṯ ig iǧan ḏeg ujenna. 31Walakin cuf, yinni immuṯen aḏ d kkaren zi ȓmewṯ. Ma ƹemmarṣ war ṯeɣrim min ḏawem iqqar Arebbi? 32Iqqar qa nec ḏ Arebbi n Brahim, ḏ Arebbi n Isḥaq, ḏ Arebbi n Yaƹqub."#22.32 Xzar Ufuɣ (Exode) 3:6. Inna-asen Ƹisa: "Netta ḏ Arebbi n yinni iddaren maci n yinni immuṯen."
33Sȓin yiwḏan i wawaȓ-a, ḏehcen ḏeg useȓmeḏ nnes.
Ijjen zeg ifarrisiyen itjarrab Siḏiṯneɣ Ƹisa
34Kkaren ȓḥizeb n ifarrisiyen wami d arrin ȓexbar belli Ƹisa ibelleƹ aqemmum n iṣadduqiyen, ȓexddenni munen jarasen. 35Iruḥ yijjen zzaysen netta itcerraḥ ccariƹa, ixes aḏ ijarreb Ƹisa inna-as: 36"A Lmuƹallim, min ṯeƹna ȓuṣiyeṯ iy iǧan ḏ ṯameqqrant qaƹ ḏi ccariƹa?"
37Inna-as Ƹisa: "Aḏ texseḏ Siḏi Arebbi nnec s marra uȓ nnec, s marra arruḥ nnec, s marra ȓaƹqeȓ nnec.#22.37 Xzar Afessar n Ccariƹa n Musa (Deutéronome) 6:5. 38Ḏ ṯa ḏ ȓuṣiyeṯ iy iǧan ḏ ṯameqqrant ḏ ṯamezwarut. 39Ȓuṣiyeṯ wis ṯnayen am ṯenni ṯamezwarut: Aḏ texseḏ ajjar nnec amecnaw ixef nnec.#22.39 Xzar Lkitab n Ayṯ Lawi (Lévitique) 19:18. 40Ṯnayen-a n ȓuṣiyaṯ iy xef ṯebna Ccariƹa n Musa amen-ṯekmaȓ ḏ ttaƹalim n lʼanbiya."
Siḏiṯneɣ Ƹisa itjarrab ifarrisiyen
41Ȓḥizeb n ifarrisiyen aqaṯen munen ḏinni, ikkar Ƹisa isseqsa-ṯen 42inna-asen: "Min ḏawem imeḍharen ḏi Lmasiḥ? Uw ṯ yiȓan?"
Nnan-as: "Ḏ mmis n Dawed."
43Inna-asen Ƹisa: "Iwa mammec Dawed iqqar-as i mmis s Arruḥ n Arebbi: A Siḏi? Minzi Dawed inna:
44Siḏi Arebbi inna-as i Siḏi: Qqim-d x ufusi inu,
aȓ d ɣa ggeɣ ȓƹaḏyan nnec swadday i iḍaren nnec.#22.44 Xzar Zzabur (Psaumes) 110:1.
45Mammec ɣa yiȓi Lmasiḥ ḏ mmis n Dawed? Netta Dawed iqqar-as i Lmasiḥ: A Siḏi."
46Uȓa ḏ ijjen war izemmar axas yarr ca n wawaȓ. U zi nhar nni war izƹim ḥadd aṯ isseqsa ƹaḏ ktar.
Currently Selected:
:
Highlight
Share
Copy
Want to have your highlights saved across all your devices? Sign up or sign in