Matyu 28
28
To panagungar ne̍ Je̍sus
Mar. 16:1-10; Luk. 24:1-12; Juan 20:1-10
1Ket ito nalabes sin to Algew Ngilin, ito gibegibet pekkem iya agsapa niya Duminggu, nawe̍ siningen de̍ Marya nga iMagdala se̍ to isa pe̍ nga Marya to tamen. 2Ket ya napasamac itun, uwed met nakabilbileg nga yegyeg. Ket nairana met yan iya panagdessag niya isa nga anghe̍l ne̍ Apu Diyus manipud ka langit. Ket nawe̍ na nibukalig to dackel nga batu nga naigiset ito tamen, ket nagtugawan nan. 3Arig met nga kilawet ya darang nito anghe̍l, se̍ nakapurpuraw to luput na. 4Ket nagpilpilpig ngarudin dito guwardiya gapu ito ansing da ito anghe̍l, ket arig da nga natey yin.
5Ket to anghe̍l, kinunen na kadito babey, “Madi kayu mansing. Emmuc nga sapsapulen nu nge̍ Je̍sus nga nailansa ito krus. 6Awan met idi nin. Ta nagungarin, nga agten mettas ito kinunen na. Umbe̍t nu singen to nakaipaidaan na itun. 7Ket se̍ kayu gawaan ya mawe̍ kadito adalan na, nga ipadamag nu igida nga agten idi: ‘Nagungarin. Ket ita, mon-ona ngem dakayu nga mawe̍ enna Galilya ngin. Masingen nu nad ngarud antuni,’ kunen nu kuma. Tandaanan nu ngarud yani nga nibagac dakayu,” kunen nito anghe̍l.
8Ket gapu ito nasingen se̍ nagicna dito babey, naalistu da nga pimanawin ito edyan nito tamen, nga siaansing dan, se̍ siaanggem da met pe̍ yin. Ket nanagtag da nga nawe̍ mangibaga kadito adalan ne̍ Je̍sus.
9Ket ito uwed dito babey ito dalanin, uwed met iyanin nge̍ Je̍sus nga simabet igida. Ket kinablaawan na da. Ket imadenni da ngarud e̍ Je̍sus, nga nagparintumeng da nga nicman da diya saka na, ket nagdaydayaw da igina.
10Ket kinunen ne̍ Je̍sus igida itun, “Madi kayu kuma mansingin. Mawe̍ kayu was ibaga kadiya kakabsat ku, nga mawe̍ da kuma ka Galilya ngin. Ta ennan ya pakasingnan da nad iyaken,” kunen na.
To panangpasucsuc dito pangpangulu kadito guwardiya
11Ito uwed pekkem mas dito babey ito dalan, uwed duduma kadito guwardiya nga nawe̍ enna siyudad, nga nibaga da kadito pangpangulu diya agsirsirbi iya Te̍mplu amin nga napasamac itun.
12Ket dito pangpangulu diya agsirsirbi iya Te̍mplu, se̍ dito panglakayen, nagiinnumanan da ngarudin. Ket nagtutulag da nga e̍cdan da ka adu nga kuwarta dito suldadu nga guwardiya, 13nga kinunen da igida, “Ibaga nu kadiya toltoley nga inumbe̍t dito pasurut na ito gabi nga linibas da to bangkay na ito matmatudug kayu, kunen nu, a. 14Ket no madamag nad niya gube̍rnadur yani, ket dakami nad ya mangay-ayu igina tasun awan nad pakadanagan nu,” kunen da.
15Ket inawat ngarud dito guwardiya to kuwarta, ket tinungpal da to naisuru igida. Ket iya agten iyan, to nipadamag dito guwardiya kadiya toltoley, itu pe̍ yin ya is-istoryaen diya Hudyu orey ita pekkem nga timpu.
To panangibon ne̍ Je̍sus kadito adalan na
Mar. 16:14-18; Luk. 24:36-49; Juan 20:19-23; Ara. 1:6-8
16Ket dito sangapulu ket isa nga adalan ne̍ Je̍sus, nawe̍ da ngarud itun ka Galilya, enna tageytey nga nisuru ne̍ Je̍sus igida itun. 17Ket ito nasingen da nge̍ Je̍sus antuni, nagparintumeng da ngarud nga nagdaydayaw igina. Ngem uwed da met duduma igida nga nagduwaduwa pekkem.
18Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi. 19Itu nga mawe̍ kayu kuma ngarud agpasurut kadiya toltoley kadiya amin nga pagpagiliyan, tasun umapu da iyaken. Bautisaran nu diya pasurut gapu iya turay nga uwed iya Ama, Anac, se̍ iya Ispiritu Santu. 20Ket isuru nu da nga tungpalen da diya amin nga nibilin ku dakayu. Ket laglagipen nu kuma nga kabulun dac nga pe̍yeng agingga iya panagpatingga nidi nga timpu,” kunen na.
Currently Selected:
Matyu 28: YBT
Highlight
Share
Copy
Want to have your highlights saved across all your devices? Sign up or sign in
© 1990 New Tribes Mission, Sanford, FL 32771-1487, USA.
Printed in the Philippines.
Matyu 28
28
To panagungar ne̍ Je̍sus
Mar. 16:1-10; Luk. 24:1-12; Juan 20:1-10
1Ket ito nalabes sin to Algew Ngilin, ito gibegibet pekkem iya agsapa niya Duminggu, nawe̍ siningen de̍ Marya nga iMagdala se̍ to isa pe̍ nga Marya to tamen. 2Ket ya napasamac itun, uwed met nakabilbileg nga yegyeg. Ket nairana met yan iya panagdessag niya isa nga anghe̍l ne̍ Apu Diyus manipud ka langit. Ket nawe̍ na nibukalig to dackel nga batu nga naigiset ito tamen, ket nagtugawan nan. 3Arig met nga kilawet ya darang nito anghe̍l, se̍ nakapurpuraw to luput na. 4Ket nagpilpilpig ngarudin dito guwardiya gapu ito ansing da ito anghe̍l, ket arig da nga natey yin.
5Ket to anghe̍l, kinunen na kadito babey, “Madi kayu mansing. Emmuc nga sapsapulen nu nge̍ Je̍sus nga nailansa ito krus. 6Awan met idi nin. Ta nagungarin, nga agten mettas ito kinunen na. Umbe̍t nu singen to nakaipaidaan na itun. 7Ket se̍ kayu gawaan ya mawe̍ kadito adalan na, nga ipadamag nu igida nga agten idi: ‘Nagungarin. Ket ita, mon-ona ngem dakayu nga mawe̍ enna Galilya ngin. Masingen nu nad ngarud antuni,’ kunen nu kuma. Tandaanan nu ngarud yani nga nibagac dakayu,” kunen nito anghe̍l.
8Ket gapu ito nasingen se̍ nagicna dito babey, naalistu da nga pimanawin ito edyan nito tamen, nga siaansing dan, se̍ siaanggem da met pe̍ yin. Ket nanagtag da nga nawe̍ mangibaga kadito adalan ne̍ Je̍sus.
9Ket ito uwed dito babey ito dalanin, uwed met iyanin nge̍ Je̍sus nga simabet igida. Ket kinablaawan na da. Ket imadenni da ngarud e̍ Je̍sus, nga nagparintumeng da nga nicman da diya saka na, ket nagdaydayaw da igina.
10Ket kinunen ne̍ Je̍sus igida itun, “Madi kayu kuma mansingin. Mawe̍ kayu was ibaga kadiya kakabsat ku, nga mawe̍ da kuma ka Galilya ngin. Ta ennan ya pakasingnan da nad iyaken,” kunen na.
To panangpasucsuc dito pangpangulu kadito guwardiya
11Ito uwed pekkem mas dito babey ito dalan, uwed duduma kadito guwardiya nga nawe̍ enna siyudad, nga nibaga da kadito pangpangulu diya agsirsirbi iya Te̍mplu amin nga napasamac itun.
12Ket dito pangpangulu diya agsirsirbi iya Te̍mplu, se̍ dito panglakayen, nagiinnumanan da ngarudin. Ket nagtutulag da nga e̍cdan da ka adu nga kuwarta dito suldadu nga guwardiya, 13nga kinunen da igida, “Ibaga nu kadiya toltoley nga inumbe̍t dito pasurut na ito gabi nga linibas da to bangkay na ito matmatudug kayu, kunen nu, a. 14Ket no madamag nad niya gube̍rnadur yani, ket dakami nad ya mangay-ayu igina tasun awan nad pakadanagan nu,” kunen da.
15Ket inawat ngarud dito guwardiya to kuwarta, ket tinungpal da to naisuru igida. Ket iya agten iyan, to nipadamag dito guwardiya kadiya toltoley, itu pe̍ yin ya is-istoryaen diya Hudyu orey ita pekkem nga timpu.
To panangibon ne̍ Je̍sus kadito adalan na
Mar. 16:14-18; Luk. 24:36-49; Juan 20:19-23; Ara. 1:6-8
16Ket dito sangapulu ket isa nga adalan ne̍ Je̍sus, nawe̍ da ngarud itun ka Galilya, enna tageytey nga nisuru ne̍ Je̍sus igida itun. 17Ket ito nasingen da nge̍ Je̍sus antuni, nagparintumeng da ngarud nga nagdaydayaw igina. Ngem uwed da met duduma igida nga nagduwaduwa pekkem.
18Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi. 19Itu nga mawe̍ kayu kuma ngarud agpasurut kadiya toltoley kadiya amin nga pagpagiliyan, tasun umapu da iyaken. Bautisaran nu diya pasurut gapu iya turay nga uwed iya Ama, Anac, se̍ iya Ispiritu Santu. 20Ket isuru nu da nga tungpalen da diya amin nga nibilin ku dakayu. Ket laglagipen nu kuma nga kabulun dac nga pe̍yeng agingga iya panagpatingga nidi nga timpu,” kunen na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1990 New Tribes Mission, Sanford, FL 32771-1487, USA.
Printed in the Philippines.