Hechos 7
7
Esteban yöawina wene
1Ikenama Diostjö jojodötjö ö'weje la'aka pjabato̧ma Estebannö abebö a̧ja̧kwijetö:
—Jobadö yötjawaja̧ma ¿jweinö yötjawaja̧ji̧?— abebö a̧ja̧kwijetö. 2Jejenö abebö a̧ja̧kwiökwe Estebanma yöbawö atadijetö:
—Chömöledö, ötjö yötawi̧ a̧ja̧kwaduwi: Damötjö dewinö dejato̧ Diosma öwawachijetö da'dömine Abrahamnöma, Mesopotamianö ö̧jena, Haránnö ö̧jakwa̧ abönö. 3Öwawachö baikwö webijetö:
Kwitebotjö kwömöledötjö kwabe'do ejunö ju̧kwadötjö labebi jelobe kwi̧'yo chi̧sebokwö,
jö̧ba̧lö webijetö Diosma Abrahamnöma. 4Jejenö weiökwe Abrahamma caldeo jojodö tjitebotjö labebö Haránbe 'yi̧jetö. Jobe ji̧jetö iteda abe'do woenanö baibanö. Abe'do woaja̧ okobe Diosma webijetö Abrahamnöma ökwödö babe dö̧jena 'ya̧nö ö̧jobö— yöbawijetö Estebanma—. 5Ja̧danö, Diosma Abrahamnö bena ichö ö̧jobö weinajayonö ja̧ mölema ina iyijökötö bemi nijima itebo baibanöma. Ja'yubebi iyijökötö. Jo̧kwaijayonö Diosma isabenö iyakwa̧ wene yöbawö junijetö Abrahamnöma. Baikwö yöbawijetö:
Bemi nijima chiyocha ökwötjö kwömöledö tupadanö jojodönöda,
jö̧ba̧lö yöbawijetö Diosma Abrahamnöma. Ja̧danö, Abrahamma ina i̧tji̧mu deayi jejenö yöbawö junijetö Diosma— yöbawijetö Estebanma. 6Ina yöbawijetö:
—Ju'wibi yöbawijetö Diosma Abrahamnöma, baikwö:
Ökwötjö tupadanö jojodöma ju'wedö tjitebonö jobe jojodö wetji̧ ja̧bö tjuju̧kwakwedö. Jobe jojodöma kwömöledönö tjotidobö kwakwabö wetjakwawö̧, cuatrociento o̧biya jenanö. 7Ikenama kwömöledönö weba̧ladönöma lȩtebakwo̧sa. Ikenama kwömöledöma jobetjö labebajadö ötjönö ösödö bai tjichakobe,
jö̧ba̧lö yöbawijetö Diosma Abrahamnöma— yöbawijetö Estebanma. 8Ina yöbawijetö:
—Ikenama Diosma webijetö Abrahamnöma, jo̧banöbi ömöledönöbi okobe deinö ömadönöma tjötade bajale jawa o̧di̧ju 'wibebö lotjobö. Ja̧ 'wibebö loawama Dios webijetö jobadönöma, tjomukwatobö Dios jobadönö yöbawö ujunina wene, iteda isabenö iyakwa̧ wenema. Ja̧danö, Abrahamma itji̧ Isaacnö ojo'do jemaja̧ tupakwö jelemutjö wa̧pötakwa möle baledibajena itji̧ ötade bajalesado̧ 'wibebö lobijetö. Ja̧danö, Isaacbi itji̧ Jacobnö, ötade bajalesado̧ 'wibebö lobijetö. Ja̧danö, Jacobbi i̧tji̧mu tjötade bajale jawa o̧di̧juma 'wibebö lobijetö, okobe deinö, a̧li̧nösamutjö du̧ju̧tajanö i̧tji̧munöma. Jobadö a̧li̧nösamutjö du̧ju̧tajanö jojodö, Jacob i̧tji̧muma, israel jojodötjö ajayinö ji̧nadö—yöbawijetö Estebanma—.
9Ja̧danö, jobadö da'dödöminema, Jacob i̧tji̧muma, tjöjawo̧ Josénö tjo̧'wo̧ sulinö edijadötö. Tjo̧'wo̧ sulinö edö jo̧banö mikwanö jö̧ba̧lö iyijadötö ju'wedönö Egiptobe tje'ewobö, jobe Egipto la'aka luwo̧nö tjiyobö. Jo̧kwaijayonö Diosma Josékwö pjabatö ji̧jetö. 10José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma. 11Ina yöbawijetö:
—Ikenama a̧wi̧chö̧lö̧ji̧ baledijetö Egipto nijinöbi Canaán nijinöbi, jobe ju̧kwadö a̧wi̧chi̧tjö usula tjemawinö. Da'dödöminema kwakwawa tjisakwemi jwiijetö. 12Jo̧kwaiökwe, Jacobma, Egipto nijinö kwakwawa jo̧be, jö̧ba̧lö, yötjawobe a̧ja̧kwö i̧tji̧munö webijetö jobekwö, ajayinöma, kwakwawa tjemajobö. 13Ja̧danö, yemidanö weawö̧ tji̧'yajena Joséma yöbawijetö jobadönöma, öpöedönöma, Ötjöma Josésa, kwöjawo̧duwisa ötjöma, jö̧ba̧lö. Ja̧danö, faraónma waisachibijetö José ömöledönöma. 14Ikenama Joséma a̧debijetö abe'donöbi okobe deinö ömöledönöbi tjichobö iteda ö̧jobekwö. Jobadöma okobe deinöma setenta y cinconö jojodö— yöbawijetö—.
15Jejenöobetjö̧ Jacobma Egiptobe 'yi̧jetö ö̧jobö. Lekwe tjuju̧kwina ikena jobetjö pöe waekwö wobijetö Jacobma. Ja̧danö, i̧tji̧mubi damö waekwö wobijadötö. 16Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö. 17Jejenö ju̧kwijadötö ökwödö da'dödöminema Egiptonö. Dios ajayinö Abrahamnö yöawina baibakwa̧ma, niji iyakwa̧ möle yöneawachibanö baibanö, da'dödöminema, Egipto nijinö ju̧kwadöma ba̧jekwadö ju̧kwijadötö— yöbawijetö Estebanma. 18Ina yöbawijetö:
—Ikenama jelo̧ faraón bamatijetö Egiptonö ju̧kwadö tjuluwo̧ baibanö. Jo̧bama José otidawama wajwibijetö. 19Jo̧bama o̧'wo̧ sulinö omukwatö sulabenö ja̧bijetö da'dödöminenöma. Usula tjemawinö webijetö, jobadö tji̧tji̧munö pjetjawobö wotjawinö. 20Ja̧ möle bakwujuma tjemunö emijotö. Jo̧ba tjemuma Moisés mikwijetö. Jo̧bama otiwijetö yelösöda. Ja̧wo̧dö wa̧medukwanö ojo'doma jo̧banö tojibö bötjatijotö, jobadö tjejutjöma. 21Ikenama, ja̧wo̧dö wa̧medukwa tupakwöma ojo'doma jejutjö labebö, jitji̧nö e'ewaja̧ju ödö nönibö ȩwa̧jijotö. Ikenama nönibö jȩwa̧jökwenöma faraón itjijuma emijotö. Jemi ikenama jobujuma jitji̧danö bötjatijotö Moisésnöma. 22Ja̧danö, Moisésma okobe jwiinö Egiptonö ju̧kwadö tjöwaisi̧ jawa waisachijetö. Jojodöma Moisésnö edö jö̧ba̧lijadötö, Jo̧bama waisö yöba̧lo̧, otiwanö ja̧bo̧, jö̧ba̧lö— yöbawijetö Estebanma. 23Ina yöbawijetö:
—Moisésma jejenö Egiptonö ö̧jijayonö, ida̧ökö cuarenta o̧biya juna̧lo̧ma omukwatijetö, Chedobö jö̧ta̧la chömöledönö, jö̧ba̧lö, Israelminetjö tupadanö jojodönöma. 24Ikenama, jobekwö 'ya̧nö Moisésma edijetö egipto jojoma Israel jojonö inia tjöinö ja̧obe. Jejenö ja̧iökwe Moisésma ömöledöso̧nö, israel jojonö pjabatö, balekwa mikwa ja̧bö kwabö lobijetö Egipto jojonöma. 25Ja̧danö, Moisésma omukwatijetö, Chömöledöma ötjönöma tjöwaisena, Moisésma Dios weinökwe dö̧jibinö pjaatobö, jö̧ba̧lö. Moisésma jejenö omukwatijayonö ömöledöma jejenöma omukwatijöködötö—yöbawijetö Estebanma—. 26Ju'wi dewachö Moisésma edijetö du̧ju̧taja ömöledönö, israel jojodönöma 'do'dotjakwawobe. Katjatakwawobö jö̧ba̧lijetö Moisésma, Chömöledö, ökwödöma kwömöledöduwi ¿tajawedö 'do'doköbakwawaduwa? jö̧ba̧lö. 27Jejenö jö̧a̧liökwe, bakwo̧, ömöledöso̧nö sulabenö ja̧bo̧ma Moisésnö jibö döbebö jö̧ba̧lijetö, ¿Ti ujuninada ökwönöma ökwödö duluwo̧ baibanöma, sulabenö ja̧köbaduwa jö̧ka̧lo jö̧ba̧löma? 28¿Ötjönöbi kwabö loköbobö jö̧ka̧liji̧ egipto jojonö kwabö loköbinadanö? jö̧ba̧lö, Moisésnö jibö döbebö jö̧ba̧lijetö. 29Jejenö jö̧a̧liökwe Moisésma döbibajijetö Madián nijibe, ju'wedö tjitebonö ö̧jobö. Jobetjöma ilekwonö emijetö. Jobetjöbi i̧tji̧munö, ömadö du̧ju̧tajanö 'yabebijetö— yöbawijetö Estebanma. 30Ina yöbawijetö:
—Ja̧danö, lekwe, cuarenta o̧biya baledajena jojodö deena, mö'ösa'otjö, Sinaí mikwa'otjö ángelma Moisésnö öwawachijetö, ösötjenö ökwöla ubi̧danö ubi̧nö. 31Jötje edinö Moisésma, ¡Ayö!, jö̧ba̧lö, eda̧lijetö. Ikenama yöne edotö jö̧ba̧lö ichibiökwe jötje okwatjö Duluwo̧ Dios jö̧ba̧lijetö:
32Ötjöma ökwötjö ajayinö ji̧nadö tjösödinökwe Diossa. Abrahambi Isaacbi Jacobbi tjösödinökwe Diossa ötjöma,
jö̧ba̧lö yöbawijetö Diosma Moisésnöma. Jejenö jö̧a̧liökwe Moisésma yebaibijetö, jobekwöma edökönö. 33Ja̧danö, jö̧ba̧lijetö Diosma Moisésnöma:
Sapatu yo̧bekwi, bemima suli̧ jwiinö niji, ötjöda chö̧jemiobetjö̧. 34Isabenö ötjö chömöledö, israel jojodöma, Egiptonö ju̧kwadöma, otidö usula tjemawobe chedijatö. Atjebi̧ma cha̧ja̧kwijatö. Usula tjemawi̧ma chöwaisa. Jo̧kwaobetjö̧ mölejȩbetjö chichajabe chömöledö tjö̧jibobö egipto jojodötjö. Moisés ökwönö wetocha Egiptobe,
jö̧ba̧lö webijetö Diosma Moisésnöma— yöbawijetö Estebanma. 35Ina yöbawijetö:
—Jo̧ba Moisésma, iteda ömöledönö, israel jojodönö pjaatobö tjöpöjödinökwe, ajayinöma. Opöjödö jö̧ba̧lijadötö iteda ömöledöma, ¿Ti ujuninada ökwönöma ökwödö duluwo̧ baibanöma, sulabenö ja̧köbaduwa jö̧ka̧lo jö̧ba̧löma? jö̧ba̧lö. Jejenö jö̧tja̧lijayonö, jo̧ba Moisésnöda Dios webijetö israel jojodö tjuluwo̧ baibanö. Diosma webijetö Moisésnö ömöledö tjö̧jibinö pjaatobö, ángel pjaatakwawanö, Dios weajökwe ángel ösötje okwanö öwawachinama. 36Jo̧ba Moisésma israel jojodönö Egiptotjö labebijetö. Ina Egipto nijinö kwebachöbi, ojwe duwobu pebiböbi, cuarenta o̧biya jojodö deobe kwebachöbi Moisésma i̧sebijetö jojodö edajitjökö jawa, Dios ujulu jawama. 37Jo̧bada, Moisésda israel jojodönö baikwö yöbawijetö:
Diosma ju'wi möle bakwo̧nö weakobe, Dios yöawi̧ yöbawo̧nö, ötjödanö,
38jö̧ba̧lö yöbawijetö Moisésma. Ja̧danö, jo̧ba Moisésda da'dödöminekwö ji̧nama, jojodö deena. Jobetjöma ángelma Dios yöawi̧ yöbawijetö Moisésnöma, mö'ösa'o Sinaí mikwa'onö jo̧nö. Jobetjöma Moisésma emijetö Dios wei̧ iwȩyudinama, ba̧kwȩlö̧jatebö ji̧ iwȩyudinama ökwödöbi dujuna̧lobö. 39Jo̧kwaijayonö ökwödö da'dödöminema Moisésnö tjuluwo̧nö katjatibotö jö̧ba̧lö jo̧ba wei̧ a̧ja̧kwijöködötö. Tjomajade okwanöma Egiptokwö tjetjachajotö jö̧ba̧lö omukwa̧lijadötö—yöbawijetö Estebanma—. 40Jobadöma Aarónnö jö̧ba̧lijadötö, Otidi do̧'wo̧ döwana̧lakwawö̧nö jobadö tjö̧kömanö di̧'yo, jö̧ba̧lö. Ja̧danö jö̧ba̧lijadötö, Ökwödönö Egipto nijitjö ladebinö pjaatina, Moisésma, jo̧banö baledaja̧ma wajwida, jö̧ba̧lö. 41Ja̧ mölema da'dödömine, Moisés egiptotjö labebö pjaatinawö̧ma otidijadötö tjo̧'wo̧ tjöwana̧lökwenö, pakayadanö ichejekwo̧nö. Ikenama tjotidajökwenö juwö iyijadötö. Ja̧danö tjotidajökwenö edö ösödijadötö, idöda tjotidajökwenö. 42Jejenö tjösödiökwe Diosma jobadönö kabatibijetö. Idöda tjösödi̧da tjösödobö, mölejȩnö lö̧jadönö, möle ja̧wo̧nöbi yö̧te ja̧wo̧nöbi, si̧li̧'i̧dönöbi wainö tjösödobö kabatibijetö Diosma, da'dödöminenöma—yöbawijetö Estebanma. Ina yöbawijetö:
—Damötjö Dios yöawi̧ yöbawinama baikwö wȩyudijetö, Dios da'dödöminenö ju'wi möle baledakwa̧ yöawinama:
Ökwödö israel jojodöma, ötjönö kwabö juwö iyö kwösödinaduwokobe cuarenta o̧biya kwebachö kwö̧jaduwenama, jojodö deena. 43Isabenö ötjönöma kwösödinaduwokobe. Ökwödöma e'ewö kwebachiaköbijaduwatö ökwödöda kwotidinaduwama, kwo̧'wo̧ kwöwana̧linaduwawö̧ma. Moloc o̧'wo̧ jawabi, ja̧ o̧'wo̧ jawa e'ewakwawejukwö, ja̧danö, Renfan, sili'idanö ichejekwo̧ o̧'wo̧ jawabi e'ewö kwebachiaköbijaduwatö, ja̧ o̧'wo̧ jawada ösödö. Jo̧kwaitjö̧ ju'wedöma ökwödönö tjujuluwobö wetakwo̧sa. Ja̧danö, Babilonia mikwemi tupakwö ökwödönö öbibö tje'ewobö wetakwo̧sa,
jö̧ba̧lö yöbawijetö Dios yöawi̧ yöbawinama da'dödöminenöma— yöbawijetö Estebanma. 44Ina yöbawijetö:
—Ökwödö da'dödöminema jojodö deena kwebachö tjuju̧kwinanöma isa̧do̧tjö otikweju otidijadötö. Jejuma Dios Moisésnö weinadanö tjotidobö otidijadötö. Jeju okwa inabiyama, Dios weina iwȩyudina öbiyama ji̧jetö. 45Ikenama, ju'wi möle, Moisés woina okobema, da'dödöminema emijadötö jejuma, isa̧do̧tjö otikwejuma, Dios ejuma. Jejuma lobibökönö ichejebijadötö bemi nijikwö, Josué kweatinanöma. Bemi ajayinö ju̧kwinadönö Diosma da'dödömine tjujuluwobö pjaatajabetjö̧ benada ju̧kwijadötö, tjitebo baibanö. Isa̧do̧tjö otikwejuma, jobadö tjuju̧kwena ji̧jetö lekwe, ja̧ möle baibanö Davidmine ö̧jenanö baibanö. 46Davidminenöma Diosma otiwanö edijetö. Jo̧bama Diosnö abebijetö Dios eju otidobö, Jacob ösödökwe Dios ejuma. 47Jo̧kwaijayonö David itji̧da, Salomónda Dios ejuma otidijetö. 48Jejenö baledijayonö, La'aka Luwo̧ Diosma jojodö tjotidinejunöma jö̧kö̧. Damötjö Dios iteda yöawi̧ yöbawo̧nö wanedö iwȩyudobö yöbawijetö, domukwatobö, Diosma jwiinö nöbo̧, jwinö juluwo̧, jö̧ba̧lö. 49Baikwö wanedö wȩyudijetö Dios yöawi̧ yöbawo̧ma:
Ötjö ba̧nö yötawemima mölejȩbeda, chömasapa böjȩnö ja̧ta̧lö ba̧nö. Jo̧kwaobetjö̧ chö̧jeju kwotidoböma jwiobe. Ö'wachibö ba̧nö chö̧bejuma kwotidaduwökena. 50Ötjö okobe jwiinö otido̧ chejuma ¿dakwö kwotidaduwobö?
jö̧ba̧lö laebobe Dios iwenetjö, Dios yöawi̧ yöbawo̧ iwȩyudinama— yöbawijetö Estebanma. 51Ina yöbawijetö:
Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö. 52Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö. 53Damötjö, Dios iteda wei̧ma tjiyobö weinobe ángelesdönö da'dödöminenöma. Ja̧ wei̧ma tupakwöma baledinobe ökwödönöma. Weajawö̧ ángelesdö iyijadötö Dios wei̧ma ökwödönöma. Jo̧kwaijayonö ökwödöma ja̧ weina a̧ja̧kwökönö kwö̧jaduwobe— yöbawijetö Estebanma lȩekwa jojodönöma.
Estebannö inawiyanö tjikwawina wene
54Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö. 55Jo̧kwaijayonö Esteban, Dios O̧'wo̧ Luwo̧ ujulu iyökwema, mölejȩbekwö eda̧lö Dios dewinö idejatobe edijetö. Jobe Dios öwaisobekwöchobe jo̧nö, Jesúsnö edijetö. 56Ikenama Estebanma jö̧ba̧lijetö:
—Edi. Mölejȩ kȩachajobe chedemi jojo baibanö jeminökwe Jesúsma, Dios öwaisobekwöchobe ö̧jobe— jö̧ba̧lö. 57Jejenö jö̧a̧liawö̧ jobadö la'aka luwedöma, labinö jwöbeba̧lö, Da̧ja̧kwökö, jö̧ba̧lö, tjölakiyubiya tumatakwawijadötö. Ikenama Esteban ö̧jobekwö bakobe ö'öbakwawijadötö. 58'Ya̧wibö Estebannö jibö döbeba̧lö öbibö Jerusalén ö'öböbe junijadötö. Junajadö inawiyanö ikwawijadötö. Jobadö ikwawadöma tjökamisi wamesado̧ 'yo̧bekwö, jelo̧, möayo̧, Saulo mikwo̧ ö̧jemi ö'öbö lödajadö ikwawijadötö Estebannöma. 59Tjikwawökwe Estebanma Uluwo̧nö jwöbijetö, Chuluwo̧ Jesús, cho̧'wo̧ luwo̧nö emi, jö̧ba̧lö. 60Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.
Currently Selected:
Hechos 7: WPC
Highlight
Share
Copy
Want to have your highlights saved across all your devices? Sign up or sign in
©2021, All Rights Reserved
Hechos 7
7
Esteban yöawina wene
1Ikenama Diostjö jojodötjö ö'weje la'aka pjabato̧ma Estebannö abebö a̧ja̧kwijetö:
—Jobadö yötjawaja̧ma ¿jweinö yötjawaja̧ji̧?— abebö a̧ja̧kwijetö. 2Jejenö abebö a̧ja̧kwiökwe Estebanma yöbawö atadijetö:
—Chömöledö, ötjö yötawi̧ a̧ja̧kwaduwi: Damötjö dewinö dejato̧ Diosma öwawachijetö da'dömine Abrahamnöma, Mesopotamianö ö̧jena, Haránnö ö̧jakwa̧ abönö. 3Öwawachö baikwö webijetö:
Kwitebotjö kwömöledötjö kwabe'do ejunö ju̧kwadötjö labebi jelobe kwi̧'yo chi̧sebokwö,
jö̧ba̧lö webijetö Diosma Abrahamnöma. 4Jejenö weiökwe Abrahamma caldeo jojodö tjitebotjö labebö Haránbe 'yi̧jetö. Jobe ji̧jetö iteda abe'do woenanö baibanö. Abe'do woaja̧ okobe Diosma webijetö Abrahamnöma ökwödö babe dö̧jena 'ya̧nö ö̧jobö— yöbawijetö Estebanma—. 5Ja̧danö, Diosma Abrahamnö bena ichö ö̧jobö weinajayonö ja̧ mölema ina iyijökötö bemi nijima itebo baibanöma. Ja'yubebi iyijökötö. Jo̧kwaijayonö Diosma isabenö iyakwa̧ wene yöbawö junijetö Abrahamnöma. Baikwö yöbawijetö:
Bemi nijima chiyocha ökwötjö kwömöledö tupadanö jojodönöda,
jö̧ba̧lö yöbawijetö Diosma Abrahamnöma. Ja̧danö, Abrahamma ina i̧tji̧mu deayi jejenö yöbawö junijetö Diosma— yöbawijetö Estebanma. 6Ina yöbawijetö:
—Ju'wibi yöbawijetö Diosma Abrahamnöma, baikwö:
Ökwötjö tupadanö jojodöma ju'wedö tjitebonö jobe jojodö wetji̧ ja̧bö tjuju̧kwakwedö. Jobe jojodöma kwömöledönö tjotidobö kwakwabö wetjakwawö̧, cuatrociento o̧biya jenanö. 7Ikenama kwömöledönö weba̧ladönöma lȩtebakwo̧sa. Ikenama kwömöledöma jobetjö labebajadö ötjönö ösödö bai tjichakobe,
jö̧ba̧lö yöbawijetö Diosma Abrahamnöma— yöbawijetö Estebanma. 8Ina yöbawijetö:
—Ikenama Diosma webijetö Abrahamnöma, jo̧banöbi ömöledönöbi okobe deinö ömadönöma tjötade bajale jawa o̧di̧ju 'wibebö lotjobö. Ja̧ 'wibebö loawama Dios webijetö jobadönöma, tjomukwatobö Dios jobadönö yöbawö ujunina wene, iteda isabenö iyakwa̧ wenema. Ja̧danö, Abrahamma itji̧ Isaacnö ojo'do jemaja̧ tupakwö jelemutjö wa̧pötakwa möle baledibajena itji̧ ötade bajalesado̧ 'wibebö lobijetö. Ja̧danö, Isaacbi itji̧ Jacobnö, ötade bajalesado̧ 'wibebö lobijetö. Ja̧danö, Jacobbi i̧tji̧mu tjötade bajale jawa o̧di̧juma 'wibebö lobijetö, okobe deinö, a̧li̧nösamutjö du̧ju̧tajanö i̧tji̧munöma. Jobadö a̧li̧nösamutjö du̧ju̧tajanö jojodö, Jacob i̧tji̧muma, israel jojodötjö ajayinö ji̧nadö—yöbawijetö Estebanma—.
9Ja̧danö, jobadö da'dödöminema, Jacob i̧tji̧muma, tjöjawo̧ Josénö tjo̧'wo̧ sulinö edijadötö. Tjo̧'wo̧ sulinö edö jo̧banö mikwanö jö̧ba̧lö iyijadötö ju'wedönö Egiptobe tje'ewobö, jobe Egipto la'aka luwo̧nö tjiyobö. Jo̧kwaijayonö Diosma Josékwö pjabatö ji̧jetö. 10José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma. 11Ina yöbawijetö:
—Ikenama a̧wi̧chö̧lö̧ji̧ baledijetö Egipto nijinöbi Canaán nijinöbi, jobe ju̧kwadö a̧wi̧chi̧tjö usula tjemawinö. Da'dödöminema kwakwawa tjisakwemi jwiijetö. 12Jo̧kwaiökwe, Jacobma, Egipto nijinö kwakwawa jo̧be, jö̧ba̧lö, yötjawobe a̧ja̧kwö i̧tji̧munö webijetö jobekwö, ajayinöma, kwakwawa tjemajobö. 13Ja̧danö, yemidanö weawö̧ tji̧'yajena Joséma yöbawijetö jobadönöma, öpöedönöma, Ötjöma Josésa, kwöjawo̧duwisa ötjöma, jö̧ba̧lö. Ja̧danö, faraónma waisachibijetö José ömöledönöma. 14Ikenama Joséma a̧debijetö abe'donöbi okobe deinö ömöledönöbi tjichobö iteda ö̧jobekwö. Jobadöma okobe deinöma setenta y cinconö jojodö— yöbawijetö—.
15Jejenöobetjö̧ Jacobma Egiptobe 'yi̧jetö ö̧jobö. Lekwe tjuju̧kwina ikena jobetjö pöe waekwö wobijetö Jacobma. Ja̧danö, i̧tji̧mubi damö waekwö wobijadötö. 16Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö. 17Jejenö ju̧kwijadötö ökwödö da'dödöminema Egiptonö. Dios ajayinö Abrahamnö yöawina baibakwa̧ma, niji iyakwa̧ möle yöneawachibanö baibanö, da'dödöminema, Egipto nijinö ju̧kwadöma ba̧jekwadö ju̧kwijadötö— yöbawijetö Estebanma. 18Ina yöbawijetö:
—Ikenama jelo̧ faraón bamatijetö Egiptonö ju̧kwadö tjuluwo̧ baibanö. Jo̧bama José otidawama wajwibijetö. 19Jo̧bama o̧'wo̧ sulinö omukwatö sulabenö ja̧bijetö da'dödöminenöma. Usula tjemawinö webijetö, jobadö tji̧tji̧munö pjetjawobö wotjawinö. 20Ja̧ möle bakwujuma tjemunö emijotö. Jo̧ba tjemuma Moisés mikwijetö. Jo̧bama otiwijetö yelösöda. Ja̧wo̧dö wa̧medukwanö ojo'doma jo̧banö tojibö bötjatijotö, jobadö tjejutjöma. 21Ikenama, ja̧wo̧dö wa̧medukwa tupakwöma ojo'doma jejutjö labebö, jitji̧nö e'ewaja̧ju ödö nönibö ȩwa̧jijotö. Ikenama nönibö jȩwa̧jökwenöma faraón itjijuma emijotö. Jemi ikenama jobujuma jitji̧danö bötjatijotö Moisésnöma. 22Ja̧danö, Moisésma okobe jwiinö Egiptonö ju̧kwadö tjöwaisi̧ jawa waisachijetö. Jojodöma Moisésnö edö jö̧ba̧lijadötö, Jo̧bama waisö yöba̧lo̧, otiwanö ja̧bo̧, jö̧ba̧lö— yöbawijetö Estebanma. 23Ina yöbawijetö:
—Moisésma jejenö Egiptonö ö̧jijayonö, ida̧ökö cuarenta o̧biya juna̧lo̧ma omukwatijetö, Chedobö jö̧ta̧la chömöledönö, jö̧ba̧lö, Israelminetjö tupadanö jojodönöma. 24Ikenama, jobekwö 'ya̧nö Moisésma edijetö egipto jojoma Israel jojonö inia tjöinö ja̧obe. Jejenö ja̧iökwe Moisésma ömöledöso̧nö, israel jojonö pjabatö, balekwa mikwa ja̧bö kwabö lobijetö Egipto jojonöma. 25Ja̧danö, Moisésma omukwatijetö, Chömöledöma ötjönöma tjöwaisena, Moisésma Dios weinökwe dö̧jibinö pjaatobö, jö̧ba̧lö. Moisésma jejenö omukwatijayonö ömöledöma jejenöma omukwatijöködötö—yöbawijetö Estebanma—. 26Ju'wi dewachö Moisésma edijetö du̧ju̧taja ömöledönö, israel jojodönöma 'do'dotjakwawobe. Katjatakwawobö jö̧ba̧lijetö Moisésma, Chömöledö, ökwödöma kwömöledöduwi ¿tajawedö 'do'doköbakwawaduwa? jö̧ba̧lö. 27Jejenö jö̧a̧liökwe, bakwo̧, ömöledöso̧nö sulabenö ja̧bo̧ma Moisésnö jibö döbebö jö̧ba̧lijetö, ¿Ti ujuninada ökwönöma ökwödö duluwo̧ baibanöma, sulabenö ja̧köbaduwa jö̧ka̧lo jö̧ba̧löma? 28¿Ötjönöbi kwabö loköbobö jö̧ka̧liji̧ egipto jojonö kwabö loköbinadanö? jö̧ba̧lö, Moisésnö jibö döbebö jö̧ba̧lijetö. 29Jejenö jö̧a̧liökwe Moisésma döbibajijetö Madián nijibe, ju'wedö tjitebonö ö̧jobö. Jobetjöma ilekwonö emijetö. Jobetjöbi i̧tji̧munö, ömadö du̧ju̧tajanö 'yabebijetö— yöbawijetö Estebanma. 30Ina yöbawijetö:
—Ja̧danö, lekwe, cuarenta o̧biya baledajena jojodö deena, mö'ösa'otjö, Sinaí mikwa'otjö ángelma Moisésnö öwawachijetö, ösötjenö ökwöla ubi̧danö ubi̧nö. 31Jötje edinö Moisésma, ¡Ayö!, jö̧ba̧lö, eda̧lijetö. Ikenama yöne edotö jö̧ba̧lö ichibiökwe jötje okwatjö Duluwo̧ Dios jö̧ba̧lijetö:
32Ötjöma ökwötjö ajayinö ji̧nadö tjösödinökwe Diossa. Abrahambi Isaacbi Jacobbi tjösödinökwe Diossa ötjöma,
jö̧ba̧lö yöbawijetö Diosma Moisésnöma. Jejenö jö̧a̧liökwe Moisésma yebaibijetö, jobekwöma edökönö. 33Ja̧danö, jö̧ba̧lijetö Diosma Moisésnöma:
Sapatu yo̧bekwi, bemima suli̧ jwiinö niji, ötjöda chö̧jemiobetjö̧. 34Isabenö ötjö chömöledö, israel jojodöma, Egiptonö ju̧kwadöma, otidö usula tjemawobe chedijatö. Atjebi̧ma cha̧ja̧kwijatö. Usula tjemawi̧ma chöwaisa. Jo̧kwaobetjö̧ mölejȩbetjö chichajabe chömöledö tjö̧jibobö egipto jojodötjö. Moisés ökwönö wetocha Egiptobe,
jö̧ba̧lö webijetö Diosma Moisésnöma— yöbawijetö Estebanma. 35Ina yöbawijetö:
—Jo̧ba Moisésma, iteda ömöledönö, israel jojodönö pjaatobö tjöpöjödinökwe, ajayinöma. Opöjödö jö̧ba̧lijadötö iteda ömöledöma, ¿Ti ujuninada ökwönöma ökwödö duluwo̧ baibanöma, sulabenö ja̧köbaduwa jö̧ka̧lo jö̧ba̧löma? jö̧ba̧lö. Jejenö jö̧tja̧lijayonö, jo̧ba Moisésnöda Dios webijetö israel jojodö tjuluwo̧ baibanö. Diosma webijetö Moisésnö ömöledö tjö̧jibinö pjaatobö, ángel pjaatakwawanö, Dios weajökwe ángel ösötje okwanö öwawachinama. 36Jo̧ba Moisésma israel jojodönö Egiptotjö labebijetö. Ina Egipto nijinö kwebachöbi, ojwe duwobu pebiböbi, cuarenta o̧biya jojodö deobe kwebachöbi Moisésma i̧sebijetö jojodö edajitjökö jawa, Dios ujulu jawama. 37Jo̧bada, Moisésda israel jojodönö baikwö yöbawijetö:
Diosma ju'wi möle bakwo̧nö weakobe, Dios yöawi̧ yöbawo̧nö, ötjödanö,
38jö̧ba̧lö yöbawijetö Moisésma. Ja̧danö, jo̧ba Moisésda da'dödöminekwö ji̧nama, jojodö deena. Jobetjöma ángelma Dios yöawi̧ yöbawijetö Moisésnöma, mö'ösa'o Sinaí mikwa'onö jo̧nö. Jobetjöma Moisésma emijetö Dios wei̧ iwȩyudinama, ba̧kwȩlö̧jatebö ji̧ iwȩyudinama ökwödöbi dujuna̧lobö. 39Jo̧kwaijayonö ökwödö da'dödöminema Moisésnö tjuluwo̧nö katjatibotö jö̧ba̧lö jo̧ba wei̧ a̧ja̧kwijöködötö. Tjomajade okwanöma Egiptokwö tjetjachajotö jö̧ba̧lö omukwa̧lijadötö—yöbawijetö Estebanma—. 40Jobadöma Aarónnö jö̧ba̧lijadötö, Otidi do̧'wo̧ döwana̧lakwawö̧nö jobadö tjö̧kömanö di̧'yo, jö̧ba̧lö. Ja̧danö jö̧ba̧lijadötö, Ökwödönö Egipto nijitjö ladebinö pjaatina, Moisésma, jo̧banö baledaja̧ma wajwida, jö̧ba̧lö. 41Ja̧ mölema da'dödömine, Moisés egiptotjö labebö pjaatinawö̧ma otidijadötö tjo̧'wo̧ tjöwana̧lökwenö, pakayadanö ichejekwo̧nö. Ikenama tjotidajökwenö juwö iyijadötö. Ja̧danö tjotidajökwenö edö ösödijadötö, idöda tjotidajökwenö. 42Jejenö tjösödiökwe Diosma jobadönö kabatibijetö. Idöda tjösödi̧da tjösödobö, mölejȩnö lö̧jadönö, möle ja̧wo̧nöbi yö̧te ja̧wo̧nöbi, si̧li̧'i̧dönöbi wainö tjösödobö kabatibijetö Diosma, da'dödöminenöma—yöbawijetö Estebanma. Ina yöbawijetö:
—Damötjö Dios yöawi̧ yöbawinama baikwö wȩyudijetö, Dios da'dödöminenö ju'wi möle baledakwa̧ yöawinama:
Ökwödö israel jojodöma, ötjönö kwabö juwö iyö kwösödinaduwokobe cuarenta o̧biya kwebachö kwö̧jaduwenama, jojodö deena. 43Isabenö ötjönöma kwösödinaduwokobe. Ökwödöma e'ewö kwebachiaköbijaduwatö ökwödöda kwotidinaduwama, kwo̧'wo̧ kwöwana̧linaduwawö̧ma. Moloc o̧'wo̧ jawabi, ja̧ o̧'wo̧ jawa e'ewakwawejukwö, ja̧danö, Renfan, sili'idanö ichejekwo̧ o̧'wo̧ jawabi e'ewö kwebachiaköbijaduwatö, ja̧ o̧'wo̧ jawada ösödö. Jo̧kwaitjö̧ ju'wedöma ökwödönö tjujuluwobö wetakwo̧sa. Ja̧danö, Babilonia mikwemi tupakwö ökwödönö öbibö tje'ewobö wetakwo̧sa,
jö̧ba̧lö yöbawijetö Dios yöawi̧ yöbawinama da'dödöminenöma— yöbawijetö Estebanma. 44Ina yöbawijetö:
—Ökwödö da'dödöminema jojodö deena kwebachö tjuju̧kwinanöma isa̧do̧tjö otikweju otidijadötö. Jejuma Dios Moisésnö weinadanö tjotidobö otidijadötö. Jeju okwa inabiyama, Dios weina iwȩyudina öbiyama ji̧jetö. 45Ikenama, ju'wi möle, Moisés woina okobema, da'dödöminema emijadötö jejuma, isa̧do̧tjö otikwejuma, Dios ejuma. Jejuma lobibökönö ichejebijadötö bemi nijikwö, Josué kweatinanöma. Bemi ajayinö ju̧kwinadönö Diosma da'dödömine tjujuluwobö pjaatajabetjö̧ benada ju̧kwijadötö, tjitebo baibanö. Isa̧do̧tjö otikwejuma, jobadö tjuju̧kwena ji̧jetö lekwe, ja̧ möle baibanö Davidmine ö̧jenanö baibanö. 46Davidminenöma Diosma otiwanö edijetö. Jo̧bama Diosnö abebijetö Dios eju otidobö, Jacob ösödökwe Dios ejuma. 47Jo̧kwaijayonö David itji̧da, Salomónda Dios ejuma otidijetö. 48Jejenö baledijayonö, La'aka Luwo̧ Diosma jojodö tjotidinejunöma jö̧kö̧. Damötjö Dios iteda yöawi̧ yöbawo̧nö wanedö iwȩyudobö yöbawijetö, domukwatobö, Diosma jwiinö nöbo̧, jwinö juluwo̧, jö̧ba̧lö. 49Baikwö wanedö wȩyudijetö Dios yöawi̧ yöbawo̧ma:
Ötjö ba̧nö yötawemima mölejȩbeda, chömasapa böjȩnö ja̧ta̧lö ba̧nö. Jo̧kwaobetjö̧ chö̧jeju kwotidoböma jwiobe. Ö'wachibö ba̧nö chö̧bejuma kwotidaduwökena. 50Ötjö okobe jwiinö otido̧ chejuma ¿dakwö kwotidaduwobö?
jö̧ba̧lö laebobe Dios iwenetjö, Dios yöawi̧ yöbawo̧ iwȩyudinama— yöbawijetö Estebanma. 51Ina yöbawijetö:
Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö. 52Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö. 53Damötjö, Dios iteda wei̧ma tjiyobö weinobe ángelesdönö da'dödöminenöma. Ja̧ wei̧ma tupakwöma baledinobe ökwödönöma. Weajawö̧ ángelesdö iyijadötö Dios wei̧ma ökwödönöma. Jo̧kwaijayonö ökwödöma ja̧ weina a̧ja̧kwökönö kwö̧jaduwobe— yöbawijetö Estebanma lȩekwa jojodönöma.
Estebannö inawiyanö tjikwawina wene
54Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö. 55Jo̧kwaijayonö Esteban, Dios O̧'wo̧ Luwo̧ ujulu iyökwema, mölejȩbekwö eda̧lö Dios dewinö idejatobe edijetö. Jobe Dios öwaisobekwöchobe jo̧nö, Jesúsnö edijetö. 56Ikenama Estebanma jö̧ba̧lijetö:
—Edi. Mölejȩ kȩachajobe chedemi jojo baibanö jeminökwe Jesúsma, Dios öwaisobekwöchobe ö̧jobe— jö̧ba̧lö. 57Jejenö jö̧a̧liawö̧ jobadö la'aka luwedöma, labinö jwöbeba̧lö, Da̧ja̧kwökö, jö̧ba̧lö, tjölakiyubiya tumatakwawijadötö. Ikenama Esteban ö̧jobekwö bakobe ö'öbakwawijadötö. 58'Ya̧wibö Estebannö jibö döbeba̧lö öbibö Jerusalén ö'öböbe junijadötö. Junajadö inawiyanö ikwawijadötö. Jobadö ikwawadöma tjökamisi wamesado̧ 'yo̧bekwö, jelo̧, möayo̧, Saulo mikwo̧ ö̧jemi ö'öbö lödajadö ikwawijadötö Estebannöma. 59Tjikwawökwe Estebanma Uluwo̧nö jwöbijetö, Chuluwo̧ Jesús, cho̧'wo̧ luwo̧nö emi, jö̧ba̧lö. 60Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2021, All Rights Reserved