Nsengo sa Vanandeje 6
6
Avatanjilisaaji fungati vihaagulwa
1Mu nsiku iso uwinshi wa vahuvililaaji vayitenekhaga kiyonjelela. Mu vahuvililaaji awo vakhandi vakwali aVayahuudi vina vakhandi vilogola ishilogolo sha Shiyunaani na Vayahuudi avanji vakhandi vilogola iShihebulaniya.#6:1 IShihebulaniya: Ku Yelusalemu kukhandi kuna Vayahuudi vina vahansikheene. AVayahuudi avanji vakhahumile ku nyi iyinji, yina yisili Isilaheli, awo vaava vilogola iShiyunaani. AVayahuudi ava ku Yudeya na va ku Yelusalemu, vakhandi vilogola iShihebulaniya. Lino, vala vina vakhandi vilogola iShiyunaani vakhandi vingʼuula viija, vala vina vakhandi vilogola iShihebulaniya vasikhandi vikivatanjilisa avafwile vaanave aVayunaani, kivagavila ifyakiilya ifya nsiku soona. 2Baheene avanandeje vala ishumi na vavili vavakungaania avahuvililaaji vala woona, vavajovela vaaja, “Yisifwaya kiija, tileshe kimanyisa iLiswi lya Nguluvi, baheene tivagavile avaanu ifyakiilya. 3Lino omwe vahuvililaaji vayeesu, kihuma mu omwe, muvahaagule avagoosi fungati, vina vilogolwa wunofu, valongoseewe nu Numbula uMunofu nu wumanyi. Awo vaveene tisivaviishe mu nsengo iyi iya kigava ifyakiilya, 4pina na yuuse tikiyihumya kimufuunya uNguluvi, na kimanyisa avaanu iliswi lyakwe.”
5Vaganile kipulikha iliswi ilyo, woona validobokha mandu. Baheene vamuhaagula uSitefano, umuunu yuna akhandi ni lihuuvi likhome kwa Nguluvi, ilongosewa nu Numbula uMunofu. Khanji vavahaagula uFilipo, uPilokolo, uNikanoli, uTimoni, uPalimena, nu Nikolawo uwa ku Antiyokiya, yuna asikhandi Muyahuudi, leelo akhandi ahuviliile ilihuuvi ilya Shiyahuudi. 6Avagoosi fungati vala vavaviikha kumwandi ya vanandeje. Baheene avanandeje vavafuunyila kwa Nguluvi, na kivaviishila amawokho, vavaviikha mu nsengo.
7Iliswi lya Nguluvi lyayitenekhaga kiyalaalila mu vaanu. Avahuvililaaji va Yeesu mu Yelusalemu vayonjelelaga mandu kiiva vinshi, hata na vatambule vinshi, woope vayitikhaga kimuhuviilila uYeesu.
USitefano iikhatwa
8Lino uNguluvi wámupeelile imota mandu uSitefano, khanji wámupeelile ingufu nyinshi, akhandi iigaha amiitu na mabikha amakhome ku vaanu. 9AVayahuudi avanji vayansa kikhaanania nu Sitefano. Avaanu awo vakhandi ni nanda iya kifuunyila#6:9 Nanda iya kifuunyila: Yimba iliswi ili mu Maswi aMahensa. yina yikhandi yitambulwa, Sinagoogi ya Vaanu vina Vayiyesheele.#6:9 Vaanu vina Vayiyesheele: Ava vakhandi vaanu va shisafi sha Vayahuudi, vina vakhandi vagalwilwe nu wulugu wa Valuumi umwakha gwa mashumi mutanda na gatatu pina asinaasawe uYeesu, kuunyuma valeshelwagwa. Awo vahumaga mu lijumbi lya Kileene na Alekisandiliya. Avanji mu awo vakhandi vahumile ku nyi ya Kilikiya na ku Asiya. 10Leelo vasikhamumenile uSitefano kwa kiiva akhandi ilogola amaswi kwa wumanyi ni ngufu ya Numbula uMunofu.
11Baheene aVayahuudi vala vavahonga avaanu vamonga, kiija valogole aga wudehi kiija, “Tamupulikhaga uSitefano ikimutofola uMusa nu Nguluvi.” 12Vaganile kilogola ndeeno, amaswi ago gavakhalasaaga mandu avakhome va Vayahuudi na vamanyisaaji va ndaji sa Musa,#6:12 Vamanyisaaji va ndaji sa Musa: Yimba iliswi ili mu Maswi aMahensa. lumo na vaanu avanji. Baheene vamukhata uSitefano, vamutwala mu livansa lya Vayahuudi. 13Vavaleeta pa livansa avalunjikhaaji va wudehi vina vajovaga, “Umuunu uyu asiilekha kilogola amaswi amavi aga nanda imbaagule ni ndaji sa Musa!#6:13 Ndaji sa Musa: Yimba iliswi Musa mu Maswi aMahensa. 14Tamupulikhaga ilogola kiija, uYeesu wa ku Nasaleti akhayibomola inanda imbaagule iyi, khanji akhaseetula ingʼoma sina uMusa wátuleshelaga.”
15Avaanu woona vina vakhalaga mu livansa lila vamungʼalulila ameeho uSitefano, vawaaga uweeni waakwe wuhwaneene nu malayikha.
Currently Selected:
Nsengo sa Vanandeje 6: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Nsengo sa Vanandeje 6
6
Avatanjilisaaji fungati vihaagulwa
1Mu nsiku iso uwinshi wa vahuvililaaji vayitenekhaga kiyonjelela. Mu vahuvililaaji awo vakhandi vakwali aVayahuudi vina vakhandi vilogola ishilogolo sha Shiyunaani na Vayahuudi avanji vakhandi vilogola iShihebulaniya.#6:1 IShihebulaniya: Ku Yelusalemu kukhandi kuna Vayahuudi vina vahansikheene. AVayahuudi avanji vakhahumile ku nyi iyinji, yina yisili Isilaheli, awo vaava vilogola iShiyunaani. AVayahuudi ava ku Yudeya na va ku Yelusalemu, vakhandi vilogola iShihebulaniya. Lino, vala vina vakhandi vilogola iShiyunaani vakhandi vingʼuula viija, vala vina vakhandi vilogola iShihebulaniya vasikhandi vikivatanjilisa avafwile vaanave aVayunaani, kivagavila ifyakiilya ifya nsiku soona. 2Baheene avanandeje vala ishumi na vavili vavakungaania avahuvililaaji vala woona, vavajovela vaaja, “Yisifwaya kiija, tileshe kimanyisa iLiswi lya Nguluvi, baheene tivagavile avaanu ifyakiilya. 3Lino omwe vahuvililaaji vayeesu, kihuma mu omwe, muvahaagule avagoosi fungati, vina vilogolwa wunofu, valongoseewe nu Numbula uMunofu nu wumanyi. Awo vaveene tisivaviishe mu nsengo iyi iya kigava ifyakiilya, 4pina na yuuse tikiyihumya kimufuunya uNguluvi, na kimanyisa avaanu iliswi lyakwe.”
5Vaganile kipulikha iliswi ilyo, woona validobokha mandu. Baheene vamuhaagula uSitefano, umuunu yuna akhandi ni lihuuvi likhome kwa Nguluvi, ilongosewa nu Numbula uMunofu. Khanji vavahaagula uFilipo, uPilokolo, uNikanoli, uTimoni, uPalimena, nu Nikolawo uwa ku Antiyokiya, yuna asikhandi Muyahuudi, leelo akhandi ahuviliile ilihuuvi ilya Shiyahuudi. 6Avagoosi fungati vala vavaviikha kumwandi ya vanandeje. Baheene avanandeje vavafuunyila kwa Nguluvi, na kivaviishila amawokho, vavaviikha mu nsengo.
7Iliswi lya Nguluvi lyayitenekhaga kiyalaalila mu vaanu. Avahuvililaaji va Yeesu mu Yelusalemu vayonjelelaga mandu kiiva vinshi, hata na vatambule vinshi, woope vayitikhaga kimuhuviilila uYeesu.
USitefano iikhatwa
8Lino uNguluvi wámupeelile imota mandu uSitefano, khanji wámupeelile ingufu nyinshi, akhandi iigaha amiitu na mabikha amakhome ku vaanu. 9AVayahuudi avanji vayansa kikhaanania nu Sitefano. Avaanu awo vakhandi ni nanda iya kifuunyila#6:9 Nanda iya kifuunyila: Yimba iliswi ili mu Maswi aMahensa. yina yikhandi yitambulwa, Sinagoogi ya Vaanu vina Vayiyesheele.#6:9 Vaanu vina Vayiyesheele: Ava vakhandi vaanu va shisafi sha Vayahuudi, vina vakhandi vagalwilwe nu wulugu wa Valuumi umwakha gwa mashumi mutanda na gatatu pina asinaasawe uYeesu, kuunyuma valeshelwagwa. Awo vahumaga mu lijumbi lya Kileene na Alekisandiliya. Avanji mu awo vakhandi vahumile ku nyi ya Kilikiya na ku Asiya. 10Leelo vasikhamumenile uSitefano kwa kiiva akhandi ilogola amaswi kwa wumanyi ni ngufu ya Numbula uMunofu.
11Baheene aVayahuudi vala vavahonga avaanu vamonga, kiija valogole aga wudehi kiija, “Tamupulikhaga uSitefano ikimutofola uMusa nu Nguluvi.” 12Vaganile kilogola ndeeno, amaswi ago gavakhalasaaga mandu avakhome va Vayahuudi na vamanyisaaji va ndaji sa Musa,#6:12 Vamanyisaaji va ndaji sa Musa: Yimba iliswi ili mu Maswi aMahensa. lumo na vaanu avanji. Baheene vamukhata uSitefano, vamutwala mu livansa lya Vayahuudi. 13Vavaleeta pa livansa avalunjikhaaji va wudehi vina vajovaga, “Umuunu uyu asiilekha kilogola amaswi amavi aga nanda imbaagule ni ndaji sa Musa!#6:13 Ndaji sa Musa: Yimba iliswi Musa mu Maswi aMahensa. 14Tamupulikhaga ilogola kiija, uYeesu wa ku Nasaleti akhayibomola inanda imbaagule iyi, khanji akhaseetula ingʼoma sina uMusa wátuleshelaga.”
15Avaanu woona vina vakhalaga mu livansa lila vamungʼalulila ameeho uSitefano, vawaaga uweeni waakwe wuhwaneene nu malayikha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.