Shiyanso 32
32
1UYaakobo wáava apishuula, baheene wátangaana na vamalayikha va Nguluvi. 2Wáganaga kivaaga wáaja, “Ava vasulukhali va Nguluvi!” Baheene uluvala ulo wálutambulila Mahanayimu.#32:2 Mahanayimu: Litaawa lya Shihebulaniya. Uluganulo lwakwe, matinga gavili.
UYaakobo ikiyipinyanga kitangaana nu Esawu
3Apo, uYaakobo wávafilikha avanandeje valongole kiluta ku Seyili mu nyi ya Edomu kwa muvaha waakwe uEsawu. 4Wávalajisa ndeeni, “Mujovelaji umutwa wangu uEsawu kiija, ‘Umuvanda waakho uYaakobo wáajova ndeeni, nikheele ku wuhensa kwa Labani nsiku nyinshi mbakha iminsiyaano. 5Nina ngʼombe, dogovi, mene ni nkholo, avavanda va shidala na va shigoosi. Lino nafilikha imola iyi kunyaakho owe mutwa wangu, baheene niyiitikhwe noowe.’” 6Avanandeje vala vaganile kiwuya kwa Yaakobo vamujovela, “Taafikha kwa muvaha waakho uEsawu, woope ali mu nsila ayinsile na vagoosi magana gana (400) kiija atangaane noowe!” 7UYaakobo wáganile kipulikha ndeeno wátiila, wátungumala mandu. Baaho, avaanu vina akhandi na woope wábaagula pavili, inkholo, imene, ingʼombe ni ngamiya. 8UYaakobo akhandi ihiiva kiija, “UEsawu nda iyinsa kiniyalushila ku shipuga shimo, ishipuga ishinji shikwiliile kikulukha.”
9Baheene uYaakobo wámufuunya uNguluvi wáaja, “Wee Nguluvi wa mbuya uAbulahamu, uli Nguluvi wa daada wangu uIsaaka, yuna wánijovelaga one kiija, ‘Wuya kunyeenyu kwa valukholo lwakho, one nisikuyimiilile.’ 10One ni muvanda waakho nisikwiliile kigahilwa hata padoodo, uwunofu uwu wuna wanigahila. Nalowokhaga umukhoga gwa Yolodani nu lukwegu hela, leelo lino ninafyo fipuga fivili. 11Nikikulomba unikuluse kiyalushilwa nu muvaha wangu uEsawu, kiiva nitiila kiija, umwene hambi iyinsa kiniyalushila, na kitubuda lumo na vashimaayi na vanangu. 12Leelo, mbona wanijovelaga, ‘Shiyooli nisikugahile wunofu na ishisafi shaakho shisiyooloshe ngaja luhankha lwa mu bahali, luna lusikwiliile kivasiwa.’”#32:12 Yimba mu litaafili lya Shiyanso 22:17.
13Ishilo isho, uYaakobo wáagona baaho. Wáagava uwusi waakwe kiija, amupeele ulutono umuvaha waakwe uEsawu. 14Wásitoola imene itogota magana gavili (200), imene ipongo mashumi gavili, inkholo itogota magana gavili (200), inkholo iduuvi mashumi gavili. 15Wásitoola ingamiya sina siyonsa mashumi gatatu ni nyanaave, ingʼombe indama mashumi gana, igida ishumi, idogovi imbalusi mashumi gavili ni dogovi inkholowa ishumi. 16UYaakobo wávapeela avasenga nsengo vaakwe awo ifidiimwa, shila shipuga shahwagwa sheene duguli. Baheene wávajovela, “Longoli, leelo muleshelanaje imwenshe kihuma shipuga shimo mbakha ishipuga ishinji.” 17Wámulajisa umuvanda yuna akhandi alongwele wámujovela wáaja, “Pina usitangaane nu muvaha wangu uEsawu asikupose, ‘Wiiluta kwi? Uli muvanda wa naani? Ifidiimwa fyona ifi fina ulongwese fya naani?’ 18Owe mujovelaga ndeeni, ‘Ifidiimwa ifi fya muvanda waakho uYaakobo, akuleteele ulutono owe Esawu yuna uli mutwa waakwe. Woope ali kunyuma ayinsile.’” 19Khanji wámulajisa uwa shipuga sha wuvili ni sha wutatu ni fipuga fyona fina akhandi alongoseenie nafyo wáajova, “Omwe woona mujovelaji uEsawu shiisho pina hambi mwitangaana nawo. 20Musikhasamwaji kimujovela kiija, ‘Umuvanda waakho uYaakobo ali kunyuma ayinsile.’” UYaakobo akhandi ihiiva kiija, “Ifiinu fya lutono fina nalongosa asifiyanushile na fisivatamye inumbula ya muvaha wangu, baheene tisitangaane lumo.” 21Ndeeno uYaakobo wávalongosa avasenga nsengo vaakwe nu lutono lwa Esawu. Leelo ishilo shila, umwene wásigala ku litinga.
UYaakobo imenana nu Nguluvi
22Ishilo shishila uYaakobo wálamukha, wávatoola avadala vaakwe vavili, avavanda vaakwe ava shihinja vavili, uSilipa nu Biliha na vanaakwe ishumi na yumo. Baheene wávalowosa pa lilowokho lya mukhoga gwa Yaboki. 23Ndeeno wávalowosa avaanu woona vina akhandi nawo nu wusi woona wuna akhandi anawo. 24Leelo, uYaakobo wásigala mwene duguli ku litinga.
Lino, umuunu yumonga wáyinsa kiilwa nawo kwa lupaso mbakha pina kuhenga kunena. 25Wáganile kiwona kiija asikwiliile kimumena uYaakobo, baheene wámutova uYaakobo pa shinyungʼunyu. Apo ishinyungʼunyu sha Yaakobo shategukha pina akhandi imenana nu muunu yula. 26Baheene umuunu uyo wámujovela uYaakobo wáaja, “Nileshela, niwuushe kwa kiiva kuhenga kunena.” Leelo, uYaakobo wámujovela, “Nisikikuleshela ngʼo, mbakha uniyimiilile!” 27Umuunu yula wámuposa uYaakobo, “Ilitaawa lyakho yuuwe naani?” Woope wámujovela, “Yuune Yaakobo.” 28Umuunu yula wámujovela, “Ilitaawa lyakho usikhashemeelwa Yaakobo khanji, leelo ilitaawa lyakho ukhava wishemeelwa Isilaheli,#32:28 Isilaheli: Litaawa lya Shihebulaniya lina nganulo sivili. Lumo, Wámenanaga nu Nguluvi. Ulwa wuvili, UNguluvi imenana. kwa kiiva waalwa nu Nguluvi na vaanu, na yuuwe wáamena.” 29Baheene uYaakobo wámuposa wáaja, “Nilomba, unijovele ilitaawa lyakho.” Leelo, umuunu yula wámujovela, “Kwashi ukiniposa ilitaawa lyangu?” Baheene wámuyimiilila uYaakobo.
30Baheene uYaakobo wáaja, “Namwaga uNguluvi kwa meeho leelo nisifwile.” Kwa kiiva ya ilyo, uluvala ulo wálushemeela Penuweli.#32:30 Penuweli: Litaawa lya Shihebulaniya. Uluganulo lwakwe, meeho ga Nguluvi.
31Ilijuva likhandi lidibula pina uYaakobo akhandi ilowokha ulukwawo pala pa Penuweli, leelo wáali idudiila kwa kiiva ishinyungʼunyu shikhandi shitegwishe. 32Lulwene, mbakha iminsiyaano aVaisilaheli vasiilya ulukhole lwa shinyungʼunyu sha nyama, kwa kiiva uNguluvi wámutegulaga uYaakobo ishinyungʼunyu.
Currently Selected:
Shiyanso 32: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Shiyanso 32
32
1UYaakobo wáava apishuula, baheene wátangaana na vamalayikha va Nguluvi. 2Wáganaga kivaaga wáaja, “Ava vasulukhali va Nguluvi!” Baheene uluvala ulo wálutambulila Mahanayimu.#32:2 Mahanayimu: Litaawa lya Shihebulaniya. Uluganulo lwakwe, matinga gavili.
UYaakobo ikiyipinyanga kitangaana nu Esawu
3Apo, uYaakobo wávafilikha avanandeje valongole kiluta ku Seyili mu nyi ya Edomu kwa muvaha waakwe uEsawu. 4Wávalajisa ndeeni, “Mujovelaji umutwa wangu uEsawu kiija, ‘Umuvanda waakho uYaakobo wáajova ndeeni, nikheele ku wuhensa kwa Labani nsiku nyinshi mbakha iminsiyaano. 5Nina ngʼombe, dogovi, mene ni nkholo, avavanda va shidala na va shigoosi. Lino nafilikha imola iyi kunyaakho owe mutwa wangu, baheene niyiitikhwe noowe.’” 6Avanandeje vala vaganile kiwuya kwa Yaakobo vamujovela, “Taafikha kwa muvaha waakho uEsawu, woope ali mu nsila ayinsile na vagoosi magana gana (400) kiija atangaane noowe!” 7UYaakobo wáganile kipulikha ndeeno wátiila, wátungumala mandu. Baaho, avaanu vina akhandi na woope wábaagula pavili, inkholo, imene, ingʼombe ni ngamiya. 8UYaakobo akhandi ihiiva kiija, “UEsawu nda iyinsa kiniyalushila ku shipuga shimo, ishipuga ishinji shikwiliile kikulukha.”
9Baheene uYaakobo wámufuunya uNguluvi wáaja, “Wee Nguluvi wa mbuya uAbulahamu, uli Nguluvi wa daada wangu uIsaaka, yuna wánijovelaga one kiija, ‘Wuya kunyeenyu kwa valukholo lwakho, one nisikuyimiilile.’ 10One ni muvanda waakho nisikwiliile kigahilwa hata padoodo, uwunofu uwu wuna wanigahila. Nalowokhaga umukhoga gwa Yolodani nu lukwegu hela, leelo lino ninafyo fipuga fivili. 11Nikikulomba unikuluse kiyalushilwa nu muvaha wangu uEsawu, kiiva nitiila kiija, umwene hambi iyinsa kiniyalushila, na kitubuda lumo na vashimaayi na vanangu. 12Leelo, mbona wanijovelaga, ‘Shiyooli nisikugahile wunofu na ishisafi shaakho shisiyooloshe ngaja luhankha lwa mu bahali, luna lusikwiliile kivasiwa.’”#32:12 Yimba mu litaafili lya Shiyanso 22:17.
13Ishilo isho, uYaakobo wáagona baaho. Wáagava uwusi waakwe kiija, amupeele ulutono umuvaha waakwe uEsawu. 14Wásitoola imene itogota magana gavili (200), imene ipongo mashumi gavili, inkholo itogota magana gavili (200), inkholo iduuvi mashumi gavili. 15Wásitoola ingamiya sina siyonsa mashumi gatatu ni nyanaave, ingʼombe indama mashumi gana, igida ishumi, idogovi imbalusi mashumi gavili ni dogovi inkholowa ishumi. 16UYaakobo wávapeela avasenga nsengo vaakwe awo ifidiimwa, shila shipuga shahwagwa sheene duguli. Baheene wávajovela, “Longoli, leelo muleshelanaje imwenshe kihuma shipuga shimo mbakha ishipuga ishinji.” 17Wámulajisa umuvanda yuna akhandi alongwele wámujovela wáaja, “Pina usitangaane nu muvaha wangu uEsawu asikupose, ‘Wiiluta kwi? Uli muvanda wa naani? Ifidiimwa fyona ifi fina ulongwese fya naani?’ 18Owe mujovelaga ndeeni, ‘Ifidiimwa ifi fya muvanda waakho uYaakobo, akuleteele ulutono owe Esawu yuna uli mutwa waakwe. Woope ali kunyuma ayinsile.’” 19Khanji wámulajisa uwa shipuga sha wuvili ni sha wutatu ni fipuga fyona fina akhandi alongoseenie nafyo wáajova, “Omwe woona mujovelaji uEsawu shiisho pina hambi mwitangaana nawo. 20Musikhasamwaji kimujovela kiija, ‘Umuvanda waakho uYaakobo ali kunyuma ayinsile.’” UYaakobo akhandi ihiiva kiija, “Ifiinu fya lutono fina nalongosa asifiyanushile na fisivatamye inumbula ya muvaha wangu, baheene tisitangaane lumo.” 21Ndeeno uYaakobo wávalongosa avasenga nsengo vaakwe nu lutono lwa Esawu. Leelo ishilo shila, umwene wásigala ku litinga.
UYaakobo imenana nu Nguluvi
22Ishilo shishila uYaakobo wálamukha, wávatoola avadala vaakwe vavili, avavanda vaakwe ava shihinja vavili, uSilipa nu Biliha na vanaakwe ishumi na yumo. Baheene wávalowosa pa lilowokho lya mukhoga gwa Yaboki. 23Ndeeno wávalowosa avaanu woona vina akhandi nawo nu wusi woona wuna akhandi anawo. 24Leelo, uYaakobo wásigala mwene duguli ku litinga.
Lino, umuunu yumonga wáyinsa kiilwa nawo kwa lupaso mbakha pina kuhenga kunena. 25Wáganile kiwona kiija asikwiliile kimumena uYaakobo, baheene wámutova uYaakobo pa shinyungʼunyu. Apo ishinyungʼunyu sha Yaakobo shategukha pina akhandi imenana nu muunu yula. 26Baheene umuunu uyo wámujovela uYaakobo wáaja, “Nileshela, niwuushe kwa kiiva kuhenga kunena.” Leelo, uYaakobo wámujovela, “Nisikikuleshela ngʼo, mbakha uniyimiilile!” 27Umuunu yula wámuposa uYaakobo, “Ilitaawa lyakho yuuwe naani?” Woope wámujovela, “Yuune Yaakobo.” 28Umuunu yula wámujovela, “Ilitaawa lyakho usikhashemeelwa Yaakobo khanji, leelo ilitaawa lyakho ukhava wishemeelwa Isilaheli,#32:28 Isilaheli: Litaawa lya Shihebulaniya lina nganulo sivili. Lumo, Wámenanaga nu Nguluvi. Ulwa wuvili, UNguluvi imenana. kwa kiiva waalwa nu Nguluvi na vaanu, na yuuwe wáamena.” 29Baheene uYaakobo wámuposa wáaja, “Nilomba, unijovele ilitaawa lyakho.” Leelo, umuunu yula wámujovela, “Kwashi ukiniposa ilitaawa lyangu?” Baheene wámuyimiilila uYaakobo.
30Baheene uYaakobo wáaja, “Namwaga uNguluvi kwa meeho leelo nisifwile.” Kwa kiiva ya ilyo, uluvala ulo wálushemeela Penuweli.#32:30 Penuweli: Litaawa lya Shihebulaniya. Uluganulo lwakwe, meeho ga Nguluvi.
31Ilijuva likhandi lidibula pina uYaakobo akhandi ilowokha ulukwawo pala pa Penuweli, leelo wáali idudiila kwa kiiva ishinyungʼunyu shikhandi shitegwishe. 32Lulwene, mbakha iminsiyaano aVaisilaheli vasiilya ulukhole lwa shinyungʼunyu sha nyama, kwa kiiva uNguluvi wámutegulaga uYaakobo ishinyungʼunyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.