Shiyanso 46
46
UIsilaheli ihaamila ku Misili
1Apo, uIsilaheli wáyansa kishuula iiluta ku Misili na vaanu vaakwe ni fiinu fyakwe fyona. Wáganile kifikha ku Belisheeba#46:1 Yimba mu litaafili lya Shiyanso 26:23-25; 28:10. wáahumya ishadanda kwa Nguluvi wa Isaaka, uwiihe. 2Uluhaavi ulwa shilo, uNguluvi wálogola nu Isilaheli mu malooto, wámujovela, “Yaakobo! Yaakobo!” Woope wáaja, “One nili apa!” 3UNguluvi wámujovela, “One nili Nguluvi, Nguluvi wa wiiho. Usikhatiilaga kiluta ku Misili, kwa kiiva ukho nisikuyoolose uve shikholo shikhome. 4Nisiilute lumo noowe ku Misili, shiyooli nikhakutinia khanji ku Kanaani. UYusufu yumwene yuna akhakugonja, pina waafwa.”
5Baheene uYaakobo wáwuukha ku Belisheeba. Avanaakwe vamuyangasa umwene, avaana avanangʼana na vashimaayi vaanave mu mutukha guna gukwehwa ni dogovi, guna uFalawo akhandi amupeelile. 6UYaakobo ni shisafi shaakwe, vatoola ifidiimwa fyanave fyona tipu nu wusi wuna vapataga ukho ku nyi ya Kanaani, baheene vaaluta ku Misili. 7Wáaluta ku Misili lumo na vaana na vasukulu vaakwe ava shigoosi na va shihinja.
8Aga gageene mataawa ga vaana va Isilaheli, yuna itambulwa Yaakobo, vina vayinjilaga ku Misili. ULubeni, muswamuve wa wutasi. 9Avaana va Lubeni, uHenoki, uPaalu, uHesiloni nu Kalimi. 10Avaana va Simiyoni, uYemweli, uYamini, uOhadi, uYakini, uSohaali nu Shawuli, umwana wa mudala wa Shikanaani. 11Avaana va Laawi, uGelishoni, uKohati nu Melaali. 12Avaana va Yuuda, uEli, uOnani, uSheela, uPeleesi nu Seela. Leelo, uEli nu Onani vakhafwiliile ku nyi ya Kanaani. Avaana va Peleesi, uHesiloni nu Hamuli. 13Avaana va Isakaali, uToola, uPuuva, uYashubu nu Shimulooni. 14Avaana va Sabulooni, uSeledi, uEloni nu Yaleeli. 15Awo vaveene vaana va shidiimi va Leya vina wásavaga nu Yaakobo ku Padani-Alaamu, lumo nu mwali waakwe uDina. Avaana na vasukulu vaakwe woona, vakhandi mashumi gatatu na vatatu.
16Avaana va Gaadi, uSefoni, uHagi, uShuuni, uEsiboni, uEli, uAlodi nu Aleli. 17Avaana va Asheeli, uImuna, uIshifa, uIshifi, uBeliya lumo nu Seela uwulumbu waakwe. Avaana va Beliya, uHebeli nu Malikiyeli. 18Awo vaveene vaana va shidiimi va Silipa vina wásavaga nu Yaakobo. USilipa uyo akhandi muvanda yuna uLabani wámupeelaga umwali waakwe uLeya. Avaana na vasukulu woona, vakhandi ishumi na mutanda.
19Ava vaveene vaana va shidiimi va Laheli vina wásavaga nu Yaakobo, uYusufu nu Benyamini. 20Avaana va Yusufu vina wásavaga pina akhandi ku Misili, uManaase nu Efulahimu. Avaana awo, wásavaga nu mudala waakwe yuna akhandi itambulwa Asenati, umwali wa Potifeela. UPotifeela uyu, akhandi mutambule wa lijumbi lya Oni. 21Avaana va Benyamini, uBeela, uBekeli, uAshibeli, uGeela, uNaamani, uEhi, uLoshi, uMupimu, uHupimu nu Alidi. 22Awo vaveene vakhandi vaana na vasukulu vina uYaakobo wásavaga nu Laheli, awo woona vakhandi ishumi na vana.
23Umwana wa Dani akhandi yu Hushimu. 24Avaana va Nafutaali, uYaseeli, uGuni, uYeseeli nu Shileemu. 25Awo vaveene vaana va shidiimi va Biliha vina wásavaga nu Yaakobo. UBiliha uyo akhandi muvanda yuna uLabani wámupeelaga umwali waakwe uLaheli, avaana na vasukulu woona vakhandi fungati.
26Ishisafi shoona isha Yaakobo shina shalutaga ku nyi ya Misili, vakhandi mashumi mutanda na mutanda veene duguli, avakhamwana vasikhavasiiwe. 27Ku Misili uYusufu akhandi asavile vaana vavili. Ishisafi shoona isha Yaakobo shina shayinjilaga ku Misili, kihansa ni shisafi sha Yusufu, vakhandi vaanu mashumi fungati.
UYaakobo na vanaakwe viifikha ku Misili
28Apo uYaakobo wámufilikha uYuuda alute kwa Yusufu kiija, amuwonense insila yina yiiluta ku Gosheni. UYaakobo na valukholo lwakwe vaganile kifikha ku Gosheni, 29uYusufu wáyangala imutukha yaakwe yina yikwehwa ni falaasi, kiluta ku Gosheni kimusaajisa uwiihe. UYusufu wáganaga kitangaana nu wiihe, wámuwaawusa na kikhoola kwa luhaavi lutali.
30Baheene uIsilaheli wámujovela uYusufu, “Lino hata nda nifwe, kungaya wuvi wowoona, kwa kiiva nakwaga khanji naamanya kiija, ushaanali uli muumi.” 31Apo, uYusufu wávajovela avalukholo lwakwe na vaanu woona va mu nanda ya wiihe, “Nisiilute kimujovela uFalawo kiija, ‘Avalukholo lwangu na vaanu va mu nanda ya wiheesu, vina vakhandi viikhala ku nyi ya Kanaani, vayinsa kunyangu. 32Avaanu awo vadimaaji va fidiimwa, vayinsa ni mene, inkholo ni ngʼombe lumo ni fiinu fyanave fyona.’ 33Lino, uFalawo nda avashemeele na kivaposa kiija, ‘Omwe, mwisenga nsengo nshi?’ 34Jovaji, ‘Ose ti vavanda vaakho, tili vadimaaji va fidiimwa kihuma uwaana weesu, mbakha lino, ngaja avambuyeesu shina vakhandi viigaha.’ Jovaji ndeeno, baheene muyiitikhwe kikhala mu nyi ya Gosheni, kwa kiiva avadimaaji va fidiimwa, vasidobokhwa na Vamisili.”
Currently Selected:
Shiyanso 46: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Shiyanso 46
46
UIsilaheli ihaamila ku Misili
1Apo, uIsilaheli wáyansa kishuula iiluta ku Misili na vaanu vaakwe ni fiinu fyakwe fyona. Wáganile kifikha ku Belisheeba#46:1 Yimba mu litaafili lya Shiyanso 26:23-25; 28:10. wáahumya ishadanda kwa Nguluvi wa Isaaka, uwiihe. 2Uluhaavi ulwa shilo, uNguluvi wálogola nu Isilaheli mu malooto, wámujovela, “Yaakobo! Yaakobo!” Woope wáaja, “One nili apa!” 3UNguluvi wámujovela, “One nili Nguluvi, Nguluvi wa wiiho. Usikhatiilaga kiluta ku Misili, kwa kiiva ukho nisikuyoolose uve shikholo shikhome. 4Nisiilute lumo noowe ku Misili, shiyooli nikhakutinia khanji ku Kanaani. UYusufu yumwene yuna akhakugonja, pina waafwa.”
5Baheene uYaakobo wáwuukha ku Belisheeba. Avanaakwe vamuyangasa umwene, avaana avanangʼana na vashimaayi vaanave mu mutukha guna gukwehwa ni dogovi, guna uFalawo akhandi amupeelile. 6UYaakobo ni shisafi shaakwe, vatoola ifidiimwa fyanave fyona tipu nu wusi wuna vapataga ukho ku nyi ya Kanaani, baheene vaaluta ku Misili. 7Wáaluta ku Misili lumo na vaana na vasukulu vaakwe ava shigoosi na va shihinja.
8Aga gageene mataawa ga vaana va Isilaheli, yuna itambulwa Yaakobo, vina vayinjilaga ku Misili. ULubeni, muswamuve wa wutasi. 9Avaana va Lubeni, uHenoki, uPaalu, uHesiloni nu Kalimi. 10Avaana va Simiyoni, uYemweli, uYamini, uOhadi, uYakini, uSohaali nu Shawuli, umwana wa mudala wa Shikanaani. 11Avaana va Laawi, uGelishoni, uKohati nu Melaali. 12Avaana va Yuuda, uEli, uOnani, uSheela, uPeleesi nu Seela. Leelo, uEli nu Onani vakhafwiliile ku nyi ya Kanaani. Avaana va Peleesi, uHesiloni nu Hamuli. 13Avaana va Isakaali, uToola, uPuuva, uYashubu nu Shimulooni. 14Avaana va Sabulooni, uSeledi, uEloni nu Yaleeli. 15Awo vaveene vaana va shidiimi va Leya vina wásavaga nu Yaakobo ku Padani-Alaamu, lumo nu mwali waakwe uDina. Avaana na vasukulu vaakwe woona, vakhandi mashumi gatatu na vatatu.
16Avaana va Gaadi, uSefoni, uHagi, uShuuni, uEsiboni, uEli, uAlodi nu Aleli. 17Avaana va Asheeli, uImuna, uIshifa, uIshifi, uBeliya lumo nu Seela uwulumbu waakwe. Avaana va Beliya, uHebeli nu Malikiyeli. 18Awo vaveene vaana va shidiimi va Silipa vina wásavaga nu Yaakobo. USilipa uyo akhandi muvanda yuna uLabani wámupeelaga umwali waakwe uLeya. Avaana na vasukulu woona, vakhandi ishumi na mutanda.
19Ava vaveene vaana va shidiimi va Laheli vina wásavaga nu Yaakobo, uYusufu nu Benyamini. 20Avaana va Yusufu vina wásavaga pina akhandi ku Misili, uManaase nu Efulahimu. Avaana awo, wásavaga nu mudala waakwe yuna akhandi itambulwa Asenati, umwali wa Potifeela. UPotifeela uyu, akhandi mutambule wa lijumbi lya Oni. 21Avaana va Benyamini, uBeela, uBekeli, uAshibeli, uGeela, uNaamani, uEhi, uLoshi, uMupimu, uHupimu nu Alidi. 22Awo vaveene vakhandi vaana na vasukulu vina uYaakobo wásavaga nu Laheli, awo woona vakhandi ishumi na vana.
23Umwana wa Dani akhandi yu Hushimu. 24Avaana va Nafutaali, uYaseeli, uGuni, uYeseeli nu Shileemu. 25Awo vaveene vaana va shidiimi va Biliha vina wásavaga nu Yaakobo. UBiliha uyo akhandi muvanda yuna uLabani wámupeelaga umwali waakwe uLaheli, avaana na vasukulu woona vakhandi fungati.
26Ishisafi shoona isha Yaakobo shina shalutaga ku nyi ya Misili, vakhandi mashumi mutanda na mutanda veene duguli, avakhamwana vasikhavasiiwe. 27Ku Misili uYusufu akhandi asavile vaana vavili. Ishisafi shoona isha Yaakobo shina shayinjilaga ku Misili, kihansa ni shisafi sha Yusufu, vakhandi vaanu mashumi fungati.
UYaakobo na vanaakwe viifikha ku Misili
28Apo uYaakobo wámufilikha uYuuda alute kwa Yusufu kiija, amuwonense insila yina yiiluta ku Gosheni. UYaakobo na valukholo lwakwe vaganile kifikha ku Gosheni, 29uYusufu wáyangala imutukha yaakwe yina yikwehwa ni falaasi, kiluta ku Gosheni kimusaajisa uwiihe. UYusufu wáganaga kitangaana nu wiihe, wámuwaawusa na kikhoola kwa luhaavi lutali.
30Baheene uIsilaheli wámujovela uYusufu, “Lino hata nda nifwe, kungaya wuvi wowoona, kwa kiiva nakwaga khanji naamanya kiija, ushaanali uli muumi.” 31Apo, uYusufu wávajovela avalukholo lwakwe na vaanu woona va mu nanda ya wiihe, “Nisiilute kimujovela uFalawo kiija, ‘Avalukholo lwangu na vaanu va mu nanda ya wiheesu, vina vakhandi viikhala ku nyi ya Kanaani, vayinsa kunyangu. 32Avaanu awo vadimaaji va fidiimwa, vayinsa ni mene, inkholo ni ngʼombe lumo ni fiinu fyanave fyona.’ 33Lino, uFalawo nda avashemeele na kivaposa kiija, ‘Omwe, mwisenga nsengo nshi?’ 34Jovaji, ‘Ose ti vavanda vaakho, tili vadimaaji va fidiimwa kihuma uwaana weesu, mbakha lino, ngaja avambuyeesu shina vakhandi viigaha.’ Jovaji ndeeno, baheene muyiitikhwe kikhala mu nyi ya Gosheni, kwa kiiva avadimaaji va fidiimwa, vasidobokhwa na Vamisili.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.