Shiyanso 50
50
Kisiilwa kwa Isilaheli
1Apo, uYusufu wámukumbaatila uwihaanave, wákhoola na kimunoonela. 2Baheene uYusufu, wávalajisa avahusi vaakwe vagususuute umuvili gwa Isilaheli uwihaanave, umugoda gwa mafuta kiija, gusikhawolaga. 3Insengo iyo yatoolaga nsiku mashumi gana, kwa kiiva yikhandi ngʼoma ya Vamisili kiyandaala umufimba. AVamisili vamukhoola na kiyaalama kwa nsiku mashumi fungati.
4Vaganile kimala ishivembo isho, uYusufu wálogola na vakhome vina vakhandi viyangalila amaswi ga Falawo, wávajovela wáaja, “One nda mwaniyiitikha, nilomba mulute kwa Falawo mumujovele kiija, 5‘Uwiheesu akhandi anijoveele na kiyiyiiga, wánilajisaaga ndeeni, “One nili nkholeela kiifwa, unisiilaje mu lijooja lina nayihimbilaga ku Kanaani.” Kwa kiiva ya ilyo, nikikulomba unitawule nilute nimusiile uwiheesu. Pina nikhamusiila, nikhatina.’” 6UFalawo wámugomosesa uYusufu wáaja, “Lutaga umusiile uwiiho ngaja shina wáyiyiigaga kimugahila.”
7Ndeeno, uYusufu wáwuukha iiluta kimusiila uwiihe. Wásindihisiwa na vasenga nsengo woona va Falawo na vagosiivaha woona va livansa lyakwe na vagosiivaha woona ava nyi ya Misili. 8UYusufu wáaluta na vanaakwe woona na valukholo lwakwe woona na vaanu woona va nanda ya wihaanave. Leelo, avanaave ni fidiimwa vasigalaga veene duguli ku Gosheni. 9Khanji vamusindihisa shipuga shikhome sha vaanu, vina vayangeele ifalaasi nu mutukha sina sikhandi sikwehwa ni falaasi.
10Vaganile kifikha ku luuga lwa kitovela imbumbulu ya Atadi, luna luli ku mwambwa ya mukhoga gwa Yolodani, apo, vayansa ishivembo shikhome mandu. UYusufu wámukhoola uwihaanave nsiku fungati. 11AVakanaani vina vakhandi viikhala mu nyi iyo, vaganile kishaaga ishivembo shila, baheene vaajova, “Shiyooli ulu luhaavi lwa shivembo ishikhome isha Vamisili.” Kwa kiiva ya ilyo, pa luvala lula pa mwambwa ya mukhoga gwa Yolodani, patambulwa Abeli-Misili.#50:11 Abeli-Misili: Litaawa lya Shihebulaniya. Uluganulo lwakwe, shivembo sha Vamisili.
12Ndeeno avaana va Yaakobo vagahaga ngaja shina uwihaanave akhandi avalajiise. 13Vatwala umufimba gwakwe mbakha inyi ya Kanaani, vamusiila mu lijooja lina lili mu mugunda guna guli ku Makipela, pina wiiluta ku Mamule. Umugunda ugo, uAbulahamu akhandi agulile kihuma kwa Efuloni uMuhiti, pave pa kisiilila avaanu vaakwe. 14UYusufu wáganile kimala kimusiila uwihaanave, wáawuya ku Misili na valukholo lwakwe na vaanu woona vina vakhandi valutile nu mwene kimusiila uwihaanave.
UYusufu ikivasaajila avalukholo lwakwe
15Avalukholo lwakwe va Yusufu vaganile kiwona uwihaanave wáafwa, baheene vayansa kijovana, “Vayaa, uYusufu akwiliile kiiva atukhalaliile ose, angava isakula kitutinisa uwuvi woona wuna tamugahilaga.” 16Kwa kiiva ya ilyo, vamutwalila uYusufu imola vaajova, “Uwiiho wátulajisaaga indaji iyi, pina akhandi ashaanali muumi, 17‘Mumujovelaje uYusufu ndeeni, nilomba uvasaajile avamaamo uwuvi woona wuna vakugahilaga.’ Lino tikikulomba utusaajile ose ti vavanda va Nguluvi wa wiiho.” UYusufu wáganile kipulikha imola iso, wákhoola. 18Apo, baheene avalukholo lwakwe vaaluta kwa Yusufu, vafugama pamwene, vamujovela, “Ose tili vavanda vaakho.”
19Leelo, uYusufu wávajovela, “Musikhatiilaji! One nisili Nguluvi. 20Omwe mukhandi mugulumiile kinigahila uwuvi, leelo uNguluvi wágulumilaga amanofu, kiija avaanu vinshi vave wuumi ngaja shina mukivaaga iminsiyaano. 21Lino, musikhatiilaji. One nisivapeele ishakiilya omwe na vaneenyu.” Baheene wálogola nawo wunofu, vashendeeva.
Imfwa ya Yusufu
22UYusufu wáyitenekha kikhala na valukholo lwakwe mu nyi ya Misili. Amaakha gina wákhalaga uYusufu pa nyi apa, gakhandi ligana limo ni lishumi (110). 23UYusufu wáyimililwagwa mbakha wávaaga avaana na vasukulu va Efulahimu na vaana va Makili umwana wa Manaase, woope wávapeelaga uwuhaasi waanave ngaja vanaakwe.
24UYusufu wávajovela avalukholo lwakwe, “One nili nkholeela kiifwa. Leelo shiyooli uNguluvi asiyinse kivatanga. Asivahumye inyi iyi na kivatwala inyi yina akhandi avatahiise uAbulahamu, uIsaaka nu Yaakobo.” 25UYusufu wáyiyiiga kwa vaana va Isilaheli wáajova, “Shiyooli, uNguluvi akhayinsa kivatanga. Musikhajelaga kilekha amafupa gangu kuno, mulutaje nago.” 26Baheene uYusufu wáafwa, akhandi ana maakha ligana limo ni lishumi (110). Umuvili gwakwe gwasusuutwa umugoda gwa mafuta kiija gusikhawolaga, vamuviikha mu lisandikho ilya kimusiilila.
Currently Selected:
Shiyanso 50: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Shiyanso 50
50
Kisiilwa kwa Isilaheli
1Apo, uYusufu wámukumbaatila uwihaanave, wákhoola na kimunoonela. 2Baheene uYusufu, wávalajisa avahusi vaakwe vagususuute umuvili gwa Isilaheli uwihaanave, umugoda gwa mafuta kiija, gusikhawolaga. 3Insengo iyo yatoolaga nsiku mashumi gana, kwa kiiva yikhandi ngʼoma ya Vamisili kiyandaala umufimba. AVamisili vamukhoola na kiyaalama kwa nsiku mashumi fungati.
4Vaganile kimala ishivembo isho, uYusufu wálogola na vakhome vina vakhandi viyangalila amaswi ga Falawo, wávajovela wáaja, “One nda mwaniyiitikha, nilomba mulute kwa Falawo mumujovele kiija, 5‘Uwiheesu akhandi anijoveele na kiyiyiiga, wánilajisaaga ndeeni, “One nili nkholeela kiifwa, unisiilaje mu lijooja lina nayihimbilaga ku Kanaani.” Kwa kiiva ya ilyo, nikikulomba unitawule nilute nimusiile uwiheesu. Pina nikhamusiila, nikhatina.’” 6UFalawo wámugomosesa uYusufu wáaja, “Lutaga umusiile uwiiho ngaja shina wáyiyiigaga kimugahila.”
7Ndeeno, uYusufu wáwuukha iiluta kimusiila uwiihe. Wásindihisiwa na vasenga nsengo woona va Falawo na vagosiivaha woona va livansa lyakwe na vagosiivaha woona ava nyi ya Misili. 8UYusufu wáaluta na vanaakwe woona na valukholo lwakwe woona na vaanu woona va nanda ya wihaanave. Leelo, avanaave ni fidiimwa vasigalaga veene duguli ku Gosheni. 9Khanji vamusindihisa shipuga shikhome sha vaanu, vina vayangeele ifalaasi nu mutukha sina sikhandi sikwehwa ni falaasi.
10Vaganile kifikha ku luuga lwa kitovela imbumbulu ya Atadi, luna luli ku mwambwa ya mukhoga gwa Yolodani, apo, vayansa ishivembo shikhome mandu. UYusufu wámukhoola uwihaanave nsiku fungati. 11AVakanaani vina vakhandi viikhala mu nyi iyo, vaganile kishaaga ishivembo shila, baheene vaajova, “Shiyooli ulu luhaavi lwa shivembo ishikhome isha Vamisili.” Kwa kiiva ya ilyo, pa luvala lula pa mwambwa ya mukhoga gwa Yolodani, patambulwa Abeli-Misili.#50:11 Abeli-Misili: Litaawa lya Shihebulaniya. Uluganulo lwakwe, shivembo sha Vamisili.
12Ndeeno avaana va Yaakobo vagahaga ngaja shina uwihaanave akhandi avalajiise. 13Vatwala umufimba gwakwe mbakha inyi ya Kanaani, vamusiila mu lijooja lina lili mu mugunda guna guli ku Makipela, pina wiiluta ku Mamule. Umugunda ugo, uAbulahamu akhandi agulile kihuma kwa Efuloni uMuhiti, pave pa kisiilila avaanu vaakwe. 14UYusufu wáganile kimala kimusiila uwihaanave, wáawuya ku Misili na valukholo lwakwe na vaanu woona vina vakhandi valutile nu mwene kimusiila uwihaanave.
UYusufu ikivasaajila avalukholo lwakwe
15Avalukholo lwakwe va Yusufu vaganile kiwona uwihaanave wáafwa, baheene vayansa kijovana, “Vayaa, uYusufu akwiliile kiiva atukhalaliile ose, angava isakula kitutinisa uwuvi woona wuna tamugahilaga.” 16Kwa kiiva ya ilyo, vamutwalila uYusufu imola vaajova, “Uwiiho wátulajisaaga indaji iyi, pina akhandi ashaanali muumi, 17‘Mumujovelaje uYusufu ndeeni, nilomba uvasaajile avamaamo uwuvi woona wuna vakugahilaga.’ Lino tikikulomba utusaajile ose ti vavanda va Nguluvi wa wiiho.” UYusufu wáganile kipulikha imola iso, wákhoola. 18Apo, baheene avalukholo lwakwe vaaluta kwa Yusufu, vafugama pamwene, vamujovela, “Ose tili vavanda vaakho.”
19Leelo, uYusufu wávajovela, “Musikhatiilaji! One nisili Nguluvi. 20Omwe mukhandi mugulumiile kinigahila uwuvi, leelo uNguluvi wágulumilaga amanofu, kiija avaanu vinshi vave wuumi ngaja shina mukivaaga iminsiyaano. 21Lino, musikhatiilaji. One nisivapeele ishakiilya omwe na vaneenyu.” Baheene wálogola nawo wunofu, vashendeeva.
Imfwa ya Yusufu
22UYusufu wáyitenekha kikhala na valukholo lwakwe mu nyi ya Misili. Amaakha gina wákhalaga uYusufu pa nyi apa, gakhandi ligana limo ni lishumi (110). 23UYusufu wáyimililwagwa mbakha wávaaga avaana na vasukulu va Efulahimu na vaana va Makili umwana wa Manaase, woope wávapeelaga uwuhaasi waanave ngaja vanaakwe.
24UYusufu wávajovela avalukholo lwakwe, “One nili nkholeela kiifwa. Leelo shiyooli uNguluvi asiyinse kivatanga. Asivahumye inyi iyi na kivatwala inyi yina akhandi avatahiise uAbulahamu, uIsaaka nu Yaakobo.” 25UYusufu wáyiyiiga kwa vaana va Isilaheli wáajova, “Shiyooli, uNguluvi akhayinsa kivatanga. Musikhajelaga kilekha amafupa gangu kuno, mulutaje nago.” 26Baheene uYusufu wáafwa, akhandi ana maakha ligana limo ni lishumi (110). Umuvili gwakwe gwasusuutwa umugoda gwa mafuta kiija gusikhawolaga, vamuviikha mu lisandikho ilya kimusiilila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.