Luuka 2
2
Kisawa kwa Yeesu Kilisito
1Uluhaavi lula pina wásawaagwa uYohana uMutwiniaji, uAgusito yuna akhandi Kayisaali, umutwa wa Valuumi,#2:1 Umutwa wa Valuumi: Uluhaavi ulo inyi nyinshi sikhandi mu mawokho ga wutwa wa Shiluumi, shiisho ndeeno inyi ya Isilaheli yikhandi mu wutwa uwo. wálajisaaga kiija, avaanu woona ava mu wutemi waakwe, vavasiwe. 2Uluvaso ulu lukhandi lwa wutasi mu nyi yila, na lwasenjekhaga mu luhaavi luna uKileniyo akhandi atemile inyi ya Siliya. 3Baheene avaanu woona valutaga kivasiwa, shila muunu ku lijumbi lina wáhumaga ku shikholo shaakwe.
4Woope uYusufu wáwuukhaga mu lijumbi lya Nasaleti lina likhandi ku nyi ya Galilaya. Wáaluta kiyiyandihisa mu lijumbi lya Betelehemu ya ku Yudeya. Ku lijumbi ilyo kukwene wásaviilwe umutwa uDawudi, na uYusufu akhandi shikholo sha Dawudi. 5Pina akhalutile kivasiwa, akhalongoseenie nu Maliya yuna akhandi amubaanyile. Uluhaavi ulo, uMaliya akhandi nu lwanda. 6Pina vaali ukho, uluhaavi ulwa Maliya ulwa kisava lwafishile. 7Wáasava umwana wa wutasi wa shidiimi, wámuvilinga amenda ga wushaali. Wámugonia mu litiinyi lya kiliilila ingʼombe, kwa kiiva vasikhapatile apa kigona, inanda sa vahensa sikhandi simemile avaanu.
Avadimaaji viyanushila imola sa kisawa uYeesu
8Ishilo shila vakhandi vakwali avadimaaji vina vakhandi viikhala ku matinga, vidiima na kiyangalila inkholo saanave, nkholeela ni Betelehemu. 9Baaho umalayikha wa Mutwa uNguluvi wávatwiwushila nu lumuli kihuma kwa Mutwa lwavangʼalikha imbali soona. Vayansa kitiila mandu. 10Baheene umalayikha wávajovela kiija, “Loleeli! Musikhatiilaji, kwa kiiva nivaleteele imola inofu yina yisivapeele avaanu woona uwushendeefu wukhome. 11Imola inofu yiyeene iyi, iminsiyaano uMukulusaaji wáasawa mu lijumbi ilya Dawudi, kwa kiiva yeenyu. Uyo yumwene yu Kilisito,#2:11 Kilisito: Yimba iliswi ili mu Maswi aMahensa. Mutwa. 12Ishimanyilo sheenyu isha kimumanya ishi, musimwaje umwana mushaali, afwasiiwe amenda ga wushaali, agonile mu litiinyi lya kiliilila ingʼombe.”
13Baaho umalayikha yula wáava lumo ni shipuga ishikhome sha vamalayikha vayine ava kushaanya, vaava vikimusufya uNguluvi viijova,
14“Atunwajwe uNguluvi kushaanya,
nu wulindamafu wuve mu nyi
ku vaanu vina avayitiishe kivapeela imota.”
15Pina avamalayikha vawuushile viiluta kushaanya, avadimaaji vala vajovana kiija, “Lino tiwuushe tiitaje ku Betelehemu, tiloleele lina lisenjeeshe lina uMutwa atujoveele.” 16Valutaga nyangu nyangu ku Betelehemu. Vaganile kifikha vamwaga uMaliya nu Yusufu, nayu mwana umushaali agonile mu litiinyi lya kiliilila ingʼombe. 17Vaganile kimwaga umwana yula, vavataviilila avaanu imola yina umalayikha akhandi avajoveele iya mwana uyo. 18Woona vina vapulikhaga imola yina vataviliile avadimaaji vala, vaswigaga mandu. 19Leelo, uMaliya wágahiivaga hiivaga aga goona na kigayinatila mu numbula yaakwe. 20Baheene avadimaaji vala vatinaga ku matinga, kuno vikimusufya uNguluvi ku goona gina avamalayikha vavajovelaga, kwa kiiva vagaagaga ngaja shina vajovelwagwa. 21Lyaganile kifikha ilijuva lya munaana kihuma umwana asawe, vamuyinjisa ijando, vamupeela ilitaawa lya Yeesu. Ilitaawa ili wápelwagwa nu malayikha kihuma unyina asinasumule ulwanda.
UYeesu itawulwa kwa Mutwa
22Lwaganile kifikha uluhaavi ulwa kivalasiwa#2:22 Uluhaavi ulwa kivalasiwa: Mu ndaji ya Musa yiijova kiija, uwashimaayi isigala kiiva mwafu pina wáasava umwana wa shidiimi mu nsiku mashumi gana. Mu luhaavi ulu asiyiitikhwa kipyasa ishiinu shoshoona ishinofu isha Nguluvi awu kihuluta mu nanda imbaagule iya kifuunyila. Yimba mu litaafili lya Njowo sa Valaawi 12:1-8. kwa Yusufu nu Maliya, ngaja uNguluvi shina ilajisa mu ndaji sa Musa,#2:22 Ndaji sa Musa: Yimba ilitaawa Musa mu Maswi aMahensa. valutaga nu mwana ku Yelusalemu#2:22 Yelusalemu: Yimba ilitaawa ili mu Maswi aMahensa. kiija abaagulwe kwa Mutwa. 23(Shiisho ndeeno shina yiyandiikhwe mu ndaji ya Mutwa uNguluvi kiija, “Umwana yoyoona uwa wutasi uwa shidiimi, atawulwe kiiva mubaagule wa Mutwa.”)#2:23 Yimba mu litaafili lya Kihuma 13:2, 12. 24Khanji valutaga kihumya ishadanda kwa kiiva ya kivalasiwa, ngaja shina yikhandi ndaji ya Mutwa kiija, vahumye inkunda sivili awu inyana nkunda sivili.#2:24 Yimba mu litaafili lya Njowo sa Valaawi 12:8.
25Uluhaavi ulo ku Yelusalemu, akhandi akwali umuunu yumonga yuna itambulwagwa Simiyoni. Umuunu uyo akhandi mugolofu, ikimufuunya uNguluvi luhaavi loona na kiyihuviilila kiyinsa kwa Kilisito, yuna akhavakulusa aVaisilaheli. Khanji akhandi ilongosewa nu Numbula uMunofu. 26UNumbula uMunofu wámujovelaga kiija, asikhafwa mbakha pina akhamwaga uMukulusaaji yuna uNguluvi wátahisaaga kimufilikha.#2:26 Mukulusaaji yuna uNguluvi wátahisaaga kimufilikha: Kwa Shiyunaani yiyandiikhwe Kilisito. Kwa Shihebulaniya viija Mesiya. AVayahuudi vatambulaga ilitaawa lya Mesiya kiija, yu muunu yuna wábagulwagwa nu Nguluvi. Khanji wátahisiwaagwa kifilikhwa kiiva Mukulusaaji kwa vaanu. Yimba iliswi Kilisito mu Maswi aMahensa. 27Baheene, uNumbula uMunofu wámulongosa uSimiyoni kiluta mu lukeeke lwa nanda imbaagule. Lu luhaavi luulo, uYusufu nu Maliya vamutwalaga uYeesu mu nanda, kihumya isadaakha na kimutawula kwa Mutwa, ngaja shina yilajisiiwe mu ndaji. 28USimiyoni wámutoola umwana yula wámupagata na kimusufya uNguluvi wáaja,
29“Mutwa, wakwisa ulugulumilo lwakho luna walogolaga,
lino unitawule one ni muvanda waakho nifwe kwa wulindamafu.
30Ameeho gangu gamwaga uMukulusaaji,
31yuna amubagwile kiiva Mukulusaaji wa vaanu va fimyanja fyona.
32Uyu asiive lumuli lwa kimuwonensa uNguluvi
kwa vina vasili Vayahuudi,
khanji asiive ileeta uwutupikho
kwa vaanu vaakho ava ku Isilaheli.”
33Uwiihe nu maayi waakwe uYeesu, vaava viswiga gina uSimiyoni akhandi ilogola aga mwana. 34Paanyuma uSimiyoni wávayimiilila. Baheene wámujovela uMaliya wáaja, “Loleela! Umwana uyu avishiilwe nu Nguluvi kwa kiiva ya vaanu vinshi ava mu nyi ya Isilaheli. Kwa vala vina vikimukhaana viiva vayajile, leelo vina vikimuhuviilila awo vakhakulusiwa. Asivapavile vinshi leelo avanji vina vasiive vikhaana, 35ndeeno amahiiva gaanave gakhava bahawuvalafu. Kikhaanwa kwa mwene, na yuuwe kusikugahe kiiva nu wuvafi wukhome.”
36Khanji akhandi akwali umukuwamalago uwashimaayi yuna akhandi agosiipe, akhandi itambulwa Ana. Uyo akhandi mwali wa Fanuweli kihuma mu shikholo sha Asheeli. Pina vakhandi vakheele maakha fungati kihuma vatoolane, umugoosi waakwe wáafwa. 37Wásigala mufwile mbakha wáafisa maakha mashumi munaana na gana. Uluhaavi loona ulo, akhandi iikhala mu nanda imbaagule iya kifuunyila, akhandi iilekha kiilya#2:37 Iilekha kiilya: Yimba iliswi Kilekha kiilya mu Maswi aMahensa. kwa kiiva ya kimufuunya uNguluvi ishilo ni shiminsi. 38Uluhaavi luulo uSimiyoni pina ilogola nu Yusufu nu Maliya, umukuwamalago uAna wáaluta baaho. Baheene wáyansaaga kimuhonjesa uNguluvi na kiyalaalisa imola sa mwana uyo, ku vaanu woona vina vakhandi vahepeleese kiyinsa kwa Kilisito, yuna akhavakulusa aVaisilaheli.
39UYusufu nu Maliya pina vamalile kigaha ulugoto loona ngaja shina lushwali mu ndaji sa Mutwa, vaawuya mu lijumbi lyanave lya Nasaleti lina likhandi ku Galilaya. 40Umwana yula wáava iikula, iyonjelela ingufu nu luhala, imota ya Nguluvi yikhandi nu mwene.
UYeesu mu nanda imbaagule iya kifuunyila
41Shila mwakha avasafi va Yeesu vakhandi viiluta ku Yelusalemu uluhaavi lwa shiwungo sha Pasaakha.#2:41 Pasaakha: Yimba iliswi ili mu Maswi aMahensa. 42UYeesu pina akhandi ana maakha lishumi limo na gavili, wálutaga na vasafi vaakwe ku Yelusalemu ku shiwungo sha Pasaakha, ngaja shina yikhandi ngʼoma yaanave. 43Uluhaavi lwa shiwungo sha Pasaakha pina lwashilile, avasafi vaakwe vawuukha viiwuya kukhaaya kusiina kimanya kiija, umwanave uYeesu wásigaliile ku Yelusalemu. 44Pina viiwuya kukhaaya, vakhandi vihiiva kiija vali lumo nu Yeesu mu shipuga. Vaganile kijenda ulujendo lwa lijuva limo, baheene vayansa kimusakula ku vanyalukholo na mu vamanyi, leelo vasikhamwajile. 45Baheene vaatina ku Yelusalemu kuno vikimusakula.
46Ilijuva lya wutatu vaafikha vamwaga mu lukeeke lwa nanda imbaagule, akheele na vamanyisaaji va ndaji sa Musa, ikivapuliisa na kivaposa amaposo. 47Woona vina vakhandi vikimupuliisa, vakhandi viswiga mandu uwumanyi waakwe nu luyankho lwakwe. 48Woope avasafi vaakwe pina vaganile kimwaga, vaswigaga mandu. Baheene umaayi waakwe wámujovela wáaja, “Lusawo lwangu, kwashi watugahila ndeeni? Loleela! One nu wiiho taalava mandu kikusakula.” 49UYeesu wávagomosesa wáaja, “Kwashi mwava mukinisakula? Musimeenye kiija one nisakulwa kiiva mu nanda ya Daada wangu?” 50Leelo avasafi vaakwe vasikhagamanyile gina ikivajovela.
51Baheene uYeesu wáawuya na vasafi vaakwe ku Nasaleti, akhandi muunu wa kivayinatila. Ago goona, umaayi waakwe wágayinatilaga mu numbula yaakwe. 52Woope uYeesu wáava iikula umuvili nu luhala, ikimushendeefya uNguluvi na vaanu.
Currently Selected:
Luuka 2: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Luuka 2
2
Kisawa kwa Yeesu Kilisito
1Uluhaavi lula pina wásawaagwa uYohana uMutwiniaji, uAgusito yuna akhandi Kayisaali, umutwa wa Valuumi,#2:1 Umutwa wa Valuumi: Uluhaavi ulo inyi nyinshi sikhandi mu mawokho ga wutwa wa Shiluumi, shiisho ndeeno inyi ya Isilaheli yikhandi mu wutwa uwo. wálajisaaga kiija, avaanu woona ava mu wutemi waakwe, vavasiwe. 2Uluvaso ulu lukhandi lwa wutasi mu nyi yila, na lwasenjekhaga mu luhaavi luna uKileniyo akhandi atemile inyi ya Siliya. 3Baheene avaanu woona valutaga kivasiwa, shila muunu ku lijumbi lina wáhumaga ku shikholo shaakwe.
4Woope uYusufu wáwuukhaga mu lijumbi lya Nasaleti lina likhandi ku nyi ya Galilaya. Wáaluta kiyiyandihisa mu lijumbi lya Betelehemu ya ku Yudeya. Ku lijumbi ilyo kukwene wásaviilwe umutwa uDawudi, na uYusufu akhandi shikholo sha Dawudi. 5Pina akhalutile kivasiwa, akhalongoseenie nu Maliya yuna akhandi amubaanyile. Uluhaavi ulo, uMaliya akhandi nu lwanda. 6Pina vaali ukho, uluhaavi ulwa Maliya ulwa kisava lwafishile. 7Wáasava umwana wa wutasi wa shidiimi, wámuvilinga amenda ga wushaali. Wámugonia mu litiinyi lya kiliilila ingʼombe, kwa kiiva vasikhapatile apa kigona, inanda sa vahensa sikhandi simemile avaanu.
Avadimaaji viyanushila imola sa kisawa uYeesu
8Ishilo shila vakhandi vakwali avadimaaji vina vakhandi viikhala ku matinga, vidiima na kiyangalila inkholo saanave, nkholeela ni Betelehemu. 9Baaho umalayikha wa Mutwa uNguluvi wávatwiwushila nu lumuli kihuma kwa Mutwa lwavangʼalikha imbali soona. Vayansa kitiila mandu. 10Baheene umalayikha wávajovela kiija, “Loleeli! Musikhatiilaji, kwa kiiva nivaleteele imola inofu yina yisivapeele avaanu woona uwushendeefu wukhome. 11Imola inofu yiyeene iyi, iminsiyaano uMukulusaaji wáasawa mu lijumbi ilya Dawudi, kwa kiiva yeenyu. Uyo yumwene yu Kilisito,#2:11 Kilisito: Yimba iliswi ili mu Maswi aMahensa. Mutwa. 12Ishimanyilo sheenyu isha kimumanya ishi, musimwaje umwana mushaali, afwasiiwe amenda ga wushaali, agonile mu litiinyi lya kiliilila ingʼombe.”
13Baaho umalayikha yula wáava lumo ni shipuga ishikhome sha vamalayikha vayine ava kushaanya, vaava vikimusufya uNguluvi viijova,
14“Atunwajwe uNguluvi kushaanya,
nu wulindamafu wuve mu nyi
ku vaanu vina avayitiishe kivapeela imota.”
15Pina avamalayikha vawuushile viiluta kushaanya, avadimaaji vala vajovana kiija, “Lino tiwuushe tiitaje ku Betelehemu, tiloleele lina lisenjeeshe lina uMutwa atujoveele.” 16Valutaga nyangu nyangu ku Betelehemu. Vaganile kifikha vamwaga uMaliya nu Yusufu, nayu mwana umushaali agonile mu litiinyi lya kiliilila ingʼombe. 17Vaganile kimwaga umwana yula, vavataviilila avaanu imola yina umalayikha akhandi avajoveele iya mwana uyo. 18Woona vina vapulikhaga imola yina vataviliile avadimaaji vala, vaswigaga mandu. 19Leelo, uMaliya wágahiivaga hiivaga aga goona na kigayinatila mu numbula yaakwe. 20Baheene avadimaaji vala vatinaga ku matinga, kuno vikimusufya uNguluvi ku goona gina avamalayikha vavajovelaga, kwa kiiva vagaagaga ngaja shina vajovelwagwa. 21Lyaganile kifikha ilijuva lya munaana kihuma umwana asawe, vamuyinjisa ijando, vamupeela ilitaawa lya Yeesu. Ilitaawa ili wápelwagwa nu malayikha kihuma unyina asinasumule ulwanda.
UYeesu itawulwa kwa Mutwa
22Lwaganile kifikha uluhaavi ulwa kivalasiwa#2:22 Uluhaavi ulwa kivalasiwa: Mu ndaji ya Musa yiijova kiija, uwashimaayi isigala kiiva mwafu pina wáasava umwana wa shidiimi mu nsiku mashumi gana. Mu luhaavi ulu asiyiitikhwa kipyasa ishiinu shoshoona ishinofu isha Nguluvi awu kihuluta mu nanda imbaagule iya kifuunyila. Yimba mu litaafili lya Njowo sa Valaawi 12:1-8. kwa Yusufu nu Maliya, ngaja uNguluvi shina ilajisa mu ndaji sa Musa,#2:22 Ndaji sa Musa: Yimba ilitaawa Musa mu Maswi aMahensa. valutaga nu mwana ku Yelusalemu#2:22 Yelusalemu: Yimba ilitaawa ili mu Maswi aMahensa. kiija abaagulwe kwa Mutwa. 23(Shiisho ndeeno shina yiyandiikhwe mu ndaji ya Mutwa uNguluvi kiija, “Umwana yoyoona uwa wutasi uwa shidiimi, atawulwe kiiva mubaagule wa Mutwa.”)#2:23 Yimba mu litaafili lya Kihuma 13:2, 12. 24Khanji valutaga kihumya ishadanda kwa kiiva ya kivalasiwa, ngaja shina yikhandi ndaji ya Mutwa kiija, vahumye inkunda sivili awu inyana nkunda sivili.#2:24 Yimba mu litaafili lya Njowo sa Valaawi 12:8.
25Uluhaavi ulo ku Yelusalemu, akhandi akwali umuunu yumonga yuna itambulwagwa Simiyoni. Umuunu uyo akhandi mugolofu, ikimufuunya uNguluvi luhaavi loona na kiyihuviilila kiyinsa kwa Kilisito, yuna akhavakulusa aVaisilaheli. Khanji akhandi ilongosewa nu Numbula uMunofu. 26UNumbula uMunofu wámujovelaga kiija, asikhafwa mbakha pina akhamwaga uMukulusaaji yuna uNguluvi wátahisaaga kimufilikha.#2:26 Mukulusaaji yuna uNguluvi wátahisaaga kimufilikha: Kwa Shiyunaani yiyandiikhwe Kilisito. Kwa Shihebulaniya viija Mesiya. AVayahuudi vatambulaga ilitaawa lya Mesiya kiija, yu muunu yuna wábagulwagwa nu Nguluvi. Khanji wátahisiwaagwa kifilikhwa kiiva Mukulusaaji kwa vaanu. Yimba iliswi Kilisito mu Maswi aMahensa. 27Baheene, uNumbula uMunofu wámulongosa uSimiyoni kiluta mu lukeeke lwa nanda imbaagule. Lu luhaavi luulo, uYusufu nu Maliya vamutwalaga uYeesu mu nanda, kihumya isadaakha na kimutawula kwa Mutwa, ngaja shina yilajisiiwe mu ndaji. 28USimiyoni wámutoola umwana yula wámupagata na kimusufya uNguluvi wáaja,
29“Mutwa, wakwisa ulugulumilo lwakho luna walogolaga,
lino unitawule one ni muvanda waakho nifwe kwa wulindamafu.
30Ameeho gangu gamwaga uMukulusaaji,
31yuna amubagwile kiiva Mukulusaaji wa vaanu va fimyanja fyona.
32Uyu asiive lumuli lwa kimuwonensa uNguluvi
kwa vina vasili Vayahuudi,
khanji asiive ileeta uwutupikho
kwa vaanu vaakho ava ku Isilaheli.”
33Uwiihe nu maayi waakwe uYeesu, vaava viswiga gina uSimiyoni akhandi ilogola aga mwana. 34Paanyuma uSimiyoni wávayimiilila. Baheene wámujovela uMaliya wáaja, “Loleela! Umwana uyu avishiilwe nu Nguluvi kwa kiiva ya vaanu vinshi ava mu nyi ya Isilaheli. Kwa vala vina vikimukhaana viiva vayajile, leelo vina vikimuhuviilila awo vakhakulusiwa. Asivapavile vinshi leelo avanji vina vasiive vikhaana, 35ndeeno amahiiva gaanave gakhava bahawuvalafu. Kikhaanwa kwa mwene, na yuuwe kusikugahe kiiva nu wuvafi wukhome.”
36Khanji akhandi akwali umukuwamalago uwashimaayi yuna akhandi agosiipe, akhandi itambulwa Ana. Uyo akhandi mwali wa Fanuweli kihuma mu shikholo sha Asheeli. Pina vakhandi vakheele maakha fungati kihuma vatoolane, umugoosi waakwe wáafwa. 37Wásigala mufwile mbakha wáafisa maakha mashumi munaana na gana. Uluhaavi loona ulo, akhandi iikhala mu nanda imbaagule iya kifuunyila, akhandi iilekha kiilya#2:37 Iilekha kiilya: Yimba iliswi Kilekha kiilya mu Maswi aMahensa. kwa kiiva ya kimufuunya uNguluvi ishilo ni shiminsi. 38Uluhaavi luulo uSimiyoni pina ilogola nu Yusufu nu Maliya, umukuwamalago uAna wáaluta baaho. Baheene wáyansaaga kimuhonjesa uNguluvi na kiyalaalisa imola sa mwana uyo, ku vaanu woona vina vakhandi vahepeleese kiyinsa kwa Kilisito, yuna akhavakulusa aVaisilaheli.
39UYusufu nu Maliya pina vamalile kigaha ulugoto loona ngaja shina lushwali mu ndaji sa Mutwa, vaawuya mu lijumbi lyanave lya Nasaleti lina likhandi ku Galilaya. 40Umwana yula wáava iikula, iyonjelela ingufu nu luhala, imota ya Nguluvi yikhandi nu mwene.
UYeesu mu nanda imbaagule iya kifuunyila
41Shila mwakha avasafi va Yeesu vakhandi viiluta ku Yelusalemu uluhaavi lwa shiwungo sha Pasaakha.#2:41 Pasaakha: Yimba iliswi ili mu Maswi aMahensa. 42UYeesu pina akhandi ana maakha lishumi limo na gavili, wálutaga na vasafi vaakwe ku Yelusalemu ku shiwungo sha Pasaakha, ngaja shina yikhandi ngʼoma yaanave. 43Uluhaavi lwa shiwungo sha Pasaakha pina lwashilile, avasafi vaakwe vawuukha viiwuya kukhaaya kusiina kimanya kiija, umwanave uYeesu wásigaliile ku Yelusalemu. 44Pina viiwuya kukhaaya, vakhandi vihiiva kiija vali lumo nu Yeesu mu shipuga. Vaganile kijenda ulujendo lwa lijuva limo, baheene vayansa kimusakula ku vanyalukholo na mu vamanyi, leelo vasikhamwajile. 45Baheene vaatina ku Yelusalemu kuno vikimusakula.
46Ilijuva lya wutatu vaafikha vamwaga mu lukeeke lwa nanda imbaagule, akheele na vamanyisaaji va ndaji sa Musa, ikivapuliisa na kivaposa amaposo. 47Woona vina vakhandi vikimupuliisa, vakhandi viswiga mandu uwumanyi waakwe nu luyankho lwakwe. 48Woope avasafi vaakwe pina vaganile kimwaga, vaswigaga mandu. Baheene umaayi waakwe wámujovela wáaja, “Lusawo lwangu, kwashi watugahila ndeeni? Loleela! One nu wiiho taalava mandu kikusakula.” 49UYeesu wávagomosesa wáaja, “Kwashi mwava mukinisakula? Musimeenye kiija one nisakulwa kiiva mu nanda ya Daada wangu?” 50Leelo avasafi vaakwe vasikhagamanyile gina ikivajovela.
51Baheene uYeesu wáawuya na vasafi vaakwe ku Nasaleti, akhandi muunu wa kivayinatila. Ago goona, umaayi waakwe wágayinatilaga mu numbula yaakwe. 52Woope uYeesu wáava iikula umuvili nu luhala, ikimushendeefya uNguluvi na vaanu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.