Luuka 7
7
Ilihuuvi lya muyimililaaji wa vasulukhali
(Mataayo 8:5-13; Yohana 4:43-54)
1UYeesu pina wámalile kivamanyisa avaanu, wálutile khanji ku Kapelinawumu. 2Mu lijumbi lila, akhandi akwali umuyimililaaji wa vasulukhali wa Shiluumi. Umuyimililaaji uyo wáali nu muvanda yuna akhandi amuganile mandu. Umuvanda yula wáatamwa mandu, wáava nkholeela na kiifwa. 3Umuyimililaaji yula pina wápulikha imola sa Yeesu, wávafilikha avakhome vamonga va Vayahuudi kiija, valute vamulombe uYeesu, ayinse amuponie umuvanda waakwe. 4Avakhome vala pina vafikhaga kwa Yeesu, vamulomba mandu kiija valute nawo, khanji vaaja, “Umuunu uyu lunofu umupeele ulutango luna ikikulomba, 5kwa kiiva ayidobweshe inyi yeesu. Khanji uyu, wátusenjeele inanda yeesu iya kifuunyila.”
6Baheene uYeesu wálongosania na vakhome vala kiluta ku litembe ilya muyimililaaji yula. Pina vaali nkholeela kifikha, umuyimililaaji yula wávafilikha avamanyi vaakwe valute kwa Yeesu vamujovele kiija, “Mutwa, usikhayilafyaga kiyinjila mu litembe lyangu, kwa kiiva nisikwiliile kitiilwa ngaja ndeeno. 7Khanji nikhandi nimeenye kiija, one nisikwiliile hata kiyinsa kunyaakho. Lino, nikikulomba ulogole iliswi hela, umuvanda wangu asiipone. 8Kiiva, na yuune nina vakhome vangu. Khanji, na yuune nina vasulukhali vina vali mu wutawulilwa wangu. Nda yumo nimujove, ‘Luta!’ iiluta. Khanji uyunji nimujove, ‘Yinsa!’ iyinsa. Umuvanda wangu nda nimujove kiija, ‘Gaha ndeeni!’ iigaha.”
9UYeesu wáganaga kipulikha injowo iso, wáswigaga mandu. Baheene wáshisetushila ishipuga sha vaanu shina shikhandi shikimufwata, wáajova, “Nikivajovela kiija, hata mu Vaisilaheli woona, nisinamwagaje umuunu umunya lihuuvi ndawuli ili!”
10Baaho, avaanu vina vakhandi vafiliikhwe, pina vawuyile ku litembe ilya muyimililaaji yula, vamwajile umuvanda waakwe aponile.
UYeesu ikimufyusa umudiimi wa mushimaayi umufwile
11Paanyuma padoodo, uYeesu na vamanyisiwa vaakwe, lumo ni shipuga shikhome sha vaanu valutile ku lijumbi lya Nayini. 12Pina akhandi nkholeela kifikha pa shikwilo sha lijumbi lila, wátangaanile ni shipuga sha vaanu vahumile mu lijumbi ilyo, vasumwile umufimba gwa mudiimi mu lupaasa. Umudiimi uyo, akhandi mwene duguli kwa maayi waakwe yuna akhandi mufwile. Avaanu vinshi va lijumbi lila vakhandi valongoseenie lumo nu mushimaayi yula.
13UMutwa pina wámwajile umufwile yula, wámusungupiile. Wámujovela wáaja, “Sisima kikhoola.” 14Baheene wávejeela pa lupaasa, wálupyasa, avaanu vina vamusumwile, vayiima. UMutwa uYeesu wáaja, “Wee mudiimi! Nikikujova, yiima!” 15Baaho umudiimi yula yuna wáava afwile wálamukha, wáakhala, wáyansa kilogola. Baheene uYeesu wámutawula umwana yula kwa nyina. 16Avaanu woona vatiila vayansa kimusufya uNguluvi vaajova, “Umukuvamalago umukhome wáyinsa kunyeesu! UNguluvi wáyinsa kitutanga ti vaanu vaakwe!” 17Imola isi sina wásenjile uYeesu, sayalaliile imbali soona isa ku Yudeya na ku nyi soona isa nkholeela.
UYeesu iyiitikha kwa lufitikho kiija umwene yu Kilisito
(Mataayo 11:2-19)
18Avamanyisiwa va Yohana uMutwiniaji vamutavililaga uYohana goona gina akhandi iigaha uYeesu. Baheene uYohana wávashemeelaga avamanyisiwa vaakwe vavili, 19wávafilikha kwa Mutwa uYeesu vamupose kiija, “Wuli, owe yuuwe Kilisito yuna avakuwamalago vakuwaagwa amalago kiija akhayinsa, awu timuheepaje uyunji?” 20Avamanyisiwa vala pina vafishile kwa Yeesu vajeele, “UYohana uMutwiniaji wátufilikha kunyaakho tikupose kiija, ‘Wuli, owe yuuwe yuna uNguluvi wátahisaaga kimufilikha yuna avakuwamalago vakuwaagwa amalago kiija akhayinsa, awu timuheepaje uyunji?’ ” 21Uluhaavi luulo, uYeesu akhandi ikivaponia avatamu vinshi na vina vakhandi na malungu. Khanji, wáava ikivaponia avapofu vinshi. 22Baheene wávayankha avamanyisiwa vala wáaja, “Lutaji mumujovele uYohana goona gina mwagaaga na kigapulikha. Avapofu viloleela, avalema vijenda, avanya nyawulova viipona, avadinde vipulikha, vina vafwile vifyukha. Khanji, avapiina viikhomwa iMola iNofu.#7:22 Insengo sina uYeesu iijova mu lukhalala ulu, siseene sina sakuviilwe amalago kiija akhasisenga uKilisito (Mukulusaaji) pina akhayinsa. Yimba mu litaafili lya Isaaya 26:19; 29:18-19; 35:5-6; 61:1. 23Shiba umuunu yoyoona yuna ikinihuviilila one, yuna mugaya muninu muninu!”
24Avamanyisiwa va Yohana pina vawuukha, uYeesu wáyansa kishijovela ishipuga sha vaanu, ulwa Yohana uMutwiniaji wáaja, “Pina mukhandi mwiluta ku lunyikha, mukhandi mwija musiite mushaaje shishi? Mukhandi muhuviliile kilwaga ulutete luna ludegensiwa ni lipepo? Ndaali! 25Leelo mukhandi mwiluta kimuloleela yu naani? Wuli, umuunu yuna ayigojeele amenda aga hela nyinshi? Ndaali, avaanu vina vikiyigojela amenda aga hela nyinshi, viikhala mu nanda isa shitwa. 26Lino, mukhandi mulutile kimuloleela yu naani? Mukhandi muhuviliile kimwaga umukuwamalago? Eena! Nikivajovela kiija, uyo asili mukuwamalago hela, leelo uyo yu mukhome kimushila umukuwamalago. 27UYohana uyu yumwene yuna aMayandikhwa aManofu gayandiishe ndeeni ulwa mwene,
‘Loleela, nikimufilikha umunjaajila wangu
yuna akhakulongola kumwandi.
Uyo yumwene yuna akhakunosesa insila yaakho.’#7:27 Yimba mu litaafili lya Malaaki 3:1.”
28UYeesu wáaja, “Nikivajovela kiija, mu vaanu woona, kusiina yuna mukhome kimushila uYohana. Leelo yuna mudoodo mandu mu Wutwa wa Nguluvi, uyo yumwene mukhome kimushila uYohana.” 29Baheene avaanu woona hata na vatofya khoodi, vina vamupulisaaga uYeesu isa Yohana, vamuyiitikhaga kiija uNguluvi yu wa shiyooli. Kwa kiiva avaanu awo vaveene vina uYohana wávatwiniaga. 30Leelo, aVafalisaayo na vamanyisaaji va ndaji sa Musa, vakhaanaga gina uNguluvi wávagulumilaga, kwa kikhaana kitwinisiwa nu Yohana.
31UYeesu wáyitenekha kilogola kiija, “Nivahwananise ni shi avaanu ava? Avaanu ava vali wuli wuli? 32Vihwanana na vaana vina vineena mu ligulilo, vikivalyovela avanji viija,
‘Mbona tavatovela indemo sa wushendeefu,
leelo musikhashimile!
Tavayeyemelaga injeyemo isa kisugumila,
leelo musikhakhoolile!’
33“Shimushwali hata omwe! UYohana uMutwiniaji pina wáyinsile, akhandi asiilya amakhaate hata kiingʼwa idivaayi, mwajovaga, ‘Uyu ana malungu.’#7:33 UYohana akhandi asiilya ishakiilya shina avaanu woona vakhandi viilya shila lijuva, uluhaavi lwinshi akhandi iilekha kiilya. Akhandi iigaha ndeeno ngaja avakuwamalago avanji ava pawukuulu shina vagahaga kwa kiiva ya nsengo ya Nguluvi. 34Leelo one Lusawo lwa Muunu nayinsa, niilya na kiingʼwa, mwijova, ‘Loleeli! Uyu mupafu khanji mugaasi, mumanyi wa vatofya khoodi, na vanya wunansi!’ 35Leelo ulumanyo lwa Nguluvi, lumanyikha kiija lwa shiyooli mu nsengo isa vaanu vaakwe.”
UYeesu ikimusaajila umuunu umunya wunansi
36Ilijuva limonga uMufalisaayo yuna akhandi itambulwa Simoni, wámusajiise uYeesu alute kiilya ishakiilya kunyaakwe. Baheene uYeesu wáaluta kukhaaya ya muunu uyo, wáakhala pa meesa kiilya ishakiilya. 37Mu lijumbi lila, akhandi akwali uwashimaayi yumonga, yuna akhandi munansi mandu. Uwashimaayi uyo, wáganaga kipulikha kiija uYeesu akwali iilya kukhaaya kwa Mufalisaayo, wáaluta ni nsupa ya mafuta amanofu aga lifungu likhome, gina ginunshilila mandu. 38Wáganile kifikha, wáyiima kunyuma ya Yeesu, nkholeela na magulu gaakwe. Wáyansa kikhoola, amaanyosi gaakwe gaava gidomolela mu magulu gaakwe. Baheene wáava ikimufyangula amaanyosi mu magulu gaakwe kwa nyele saakwe, kuno ikiganoonela na kigadudumisisa amafuta.
39UMufalisaayo yula, pina wályajile ilyo, wáhiiva mu numbula kiija, “Umuunu uyu wáali ave mukuwamalago, wáava akwiliile kimumanya kiija, uwashimaayi yuna ikimupyasa muunu wa wuli wuli. Wáava akwiliile kimumanya kiija munya wunansi.” 40Baheene uYeesu wáaja, “Simoni, nina liswi, nisakula nikujovele.” Woope wáaja, “Nitejile Mumanyisaaji, nijovela.”
UYeesu wáaja, 41“Vakhandi vakwali avaanu vavili, vina vakhandi vana mukhole gwa hela kwa muunu yumonga. Yumo wákhopaga ihela isa mahombo ga nsiku#7:41 Ihela isa mahombo ga nsiku: Kwa Shiyunaani yiyandiikhwe, dinaali. magana gasaanu (500), uyunji wákhopaga ihela isa mahombo ga nsiku mashumi gasaanu. 42Avaanu ava pina vagombolaga kihomba, umuunu yuna wávakhopesaaga, wávasaajila. Lino! Mu awo vavili vina vakhandi vana mukhole, yu naani asimugane mandu umuunu yula yuna wávasajilaga?” 43USimoni wámuyankha wáaja, “One nihiiva kiija yuna wásajilwagwa nyinshi.” UYeesu wámujovela wáaja, “Waahiga wunofu.”
44Baaho, uYeesu wámuloleela uwashimaayi yula, wámujovela uSimoni wáaja, “Wamwaga uwashimaayi uyu? Pina nayinjila munyaakho muno, owe usanipeela amalenga aga kiyoosa amagulu gangu.#7:44 Vayahuudi yikhandi ngʼoma yaanave kimupeela umuhensa amalenga aga kiyoosa amagulu gaakwe, kwa kiiva insila sikhandi na mankundi uluhaavi lwa lujuva na matope uluhaavi lwa shifuku. Leelo uyu, wágayoosa amagulu gangu kwa maanyosi gaakwe, na kigafyangula kwa nyele saakwe. 45Pina ukinihunjila, usaninoonela. Leelo uyu, kihuma nayinjila muno, asileshile kiganoonela amagulu gangu! 46Khanji, usanisusuuta amafuta ku mutwe,#7:46 Kimususuuta umuhensa amafuta ku mutwe, yikhandi ngʼoma kiwonensa uwunofu wa kimusaajisa umuhensa waakho. leelo uyu wágasusuuta amagulu gangu amafuta amanofu aga lifungu likhome! 47Lino nikikujovela, ulugano lwa washimaayi uyu lukhome, kwa kiiva wásaajilwa uwunansi waakwe winshi. Nu muunu yuna wásaajilwa uwunansi wudoodo, uyo idobokha padoodo.”
48Baheene, uYeesu wámujovela uwashimaayi yula wáaja, “Wasaajilwa uwunansi waakho.”
49Baheene vina vakhandi viilya nu Yeesu, vayansa kiposania veene viija, “Uyu yu naani yuna akwiliile hata kisaajila uwunansi?” 50Baaho, uYeesu wámujovela khanji uwashimaayi yula wáaja, “Ilihuuvi lyakho lyakukulusa, lutaga kwa wulindamafu!”
Currently Selected:
Luuka 7: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Luuka 7
7
Ilihuuvi lya muyimililaaji wa vasulukhali
(Mataayo 8:5-13; Yohana 4:43-54)
1UYeesu pina wámalile kivamanyisa avaanu, wálutile khanji ku Kapelinawumu. 2Mu lijumbi lila, akhandi akwali umuyimililaaji wa vasulukhali wa Shiluumi. Umuyimililaaji uyo wáali nu muvanda yuna akhandi amuganile mandu. Umuvanda yula wáatamwa mandu, wáava nkholeela na kiifwa. 3Umuyimililaaji yula pina wápulikha imola sa Yeesu, wávafilikha avakhome vamonga va Vayahuudi kiija, valute vamulombe uYeesu, ayinse amuponie umuvanda waakwe. 4Avakhome vala pina vafikhaga kwa Yeesu, vamulomba mandu kiija valute nawo, khanji vaaja, “Umuunu uyu lunofu umupeele ulutango luna ikikulomba, 5kwa kiiva ayidobweshe inyi yeesu. Khanji uyu, wátusenjeele inanda yeesu iya kifuunyila.”
6Baheene uYeesu wálongosania na vakhome vala kiluta ku litembe ilya muyimililaaji yula. Pina vaali nkholeela kifikha, umuyimililaaji yula wávafilikha avamanyi vaakwe valute kwa Yeesu vamujovele kiija, “Mutwa, usikhayilafyaga kiyinjila mu litembe lyangu, kwa kiiva nisikwiliile kitiilwa ngaja ndeeno. 7Khanji nikhandi nimeenye kiija, one nisikwiliile hata kiyinsa kunyaakho. Lino, nikikulomba ulogole iliswi hela, umuvanda wangu asiipone. 8Kiiva, na yuune nina vakhome vangu. Khanji, na yuune nina vasulukhali vina vali mu wutawulilwa wangu. Nda yumo nimujove, ‘Luta!’ iiluta. Khanji uyunji nimujove, ‘Yinsa!’ iyinsa. Umuvanda wangu nda nimujove kiija, ‘Gaha ndeeni!’ iigaha.”
9UYeesu wáganaga kipulikha injowo iso, wáswigaga mandu. Baheene wáshisetushila ishipuga sha vaanu shina shikhandi shikimufwata, wáajova, “Nikivajovela kiija, hata mu Vaisilaheli woona, nisinamwagaje umuunu umunya lihuuvi ndawuli ili!”
10Baaho, avaanu vina vakhandi vafiliikhwe, pina vawuyile ku litembe ilya muyimililaaji yula, vamwajile umuvanda waakwe aponile.
UYeesu ikimufyusa umudiimi wa mushimaayi umufwile
11Paanyuma padoodo, uYeesu na vamanyisiwa vaakwe, lumo ni shipuga shikhome sha vaanu valutile ku lijumbi lya Nayini. 12Pina akhandi nkholeela kifikha pa shikwilo sha lijumbi lila, wátangaanile ni shipuga sha vaanu vahumile mu lijumbi ilyo, vasumwile umufimba gwa mudiimi mu lupaasa. Umudiimi uyo, akhandi mwene duguli kwa maayi waakwe yuna akhandi mufwile. Avaanu vinshi va lijumbi lila vakhandi valongoseenie lumo nu mushimaayi yula.
13UMutwa pina wámwajile umufwile yula, wámusungupiile. Wámujovela wáaja, “Sisima kikhoola.” 14Baheene wávejeela pa lupaasa, wálupyasa, avaanu vina vamusumwile, vayiima. UMutwa uYeesu wáaja, “Wee mudiimi! Nikikujova, yiima!” 15Baaho umudiimi yula yuna wáava afwile wálamukha, wáakhala, wáyansa kilogola. Baheene uYeesu wámutawula umwana yula kwa nyina. 16Avaanu woona vatiila vayansa kimusufya uNguluvi vaajova, “Umukuvamalago umukhome wáyinsa kunyeesu! UNguluvi wáyinsa kitutanga ti vaanu vaakwe!” 17Imola isi sina wásenjile uYeesu, sayalaliile imbali soona isa ku Yudeya na ku nyi soona isa nkholeela.
UYeesu iyiitikha kwa lufitikho kiija umwene yu Kilisito
(Mataayo 11:2-19)
18Avamanyisiwa va Yohana uMutwiniaji vamutavililaga uYohana goona gina akhandi iigaha uYeesu. Baheene uYohana wávashemeelaga avamanyisiwa vaakwe vavili, 19wávafilikha kwa Mutwa uYeesu vamupose kiija, “Wuli, owe yuuwe Kilisito yuna avakuwamalago vakuwaagwa amalago kiija akhayinsa, awu timuheepaje uyunji?” 20Avamanyisiwa vala pina vafishile kwa Yeesu vajeele, “UYohana uMutwiniaji wátufilikha kunyaakho tikupose kiija, ‘Wuli, owe yuuwe yuna uNguluvi wátahisaaga kimufilikha yuna avakuwamalago vakuwaagwa amalago kiija akhayinsa, awu timuheepaje uyunji?’ ” 21Uluhaavi luulo, uYeesu akhandi ikivaponia avatamu vinshi na vina vakhandi na malungu. Khanji, wáava ikivaponia avapofu vinshi. 22Baheene wávayankha avamanyisiwa vala wáaja, “Lutaji mumujovele uYohana goona gina mwagaaga na kigapulikha. Avapofu viloleela, avalema vijenda, avanya nyawulova viipona, avadinde vipulikha, vina vafwile vifyukha. Khanji, avapiina viikhomwa iMola iNofu.#7:22 Insengo sina uYeesu iijova mu lukhalala ulu, siseene sina sakuviilwe amalago kiija akhasisenga uKilisito (Mukulusaaji) pina akhayinsa. Yimba mu litaafili lya Isaaya 26:19; 29:18-19; 35:5-6; 61:1. 23Shiba umuunu yoyoona yuna ikinihuviilila one, yuna mugaya muninu muninu!”
24Avamanyisiwa va Yohana pina vawuukha, uYeesu wáyansa kishijovela ishipuga sha vaanu, ulwa Yohana uMutwiniaji wáaja, “Pina mukhandi mwiluta ku lunyikha, mukhandi mwija musiite mushaaje shishi? Mukhandi muhuviliile kilwaga ulutete luna ludegensiwa ni lipepo? Ndaali! 25Leelo mukhandi mwiluta kimuloleela yu naani? Wuli, umuunu yuna ayigojeele amenda aga hela nyinshi? Ndaali, avaanu vina vikiyigojela amenda aga hela nyinshi, viikhala mu nanda isa shitwa. 26Lino, mukhandi mulutile kimuloleela yu naani? Mukhandi muhuviliile kimwaga umukuwamalago? Eena! Nikivajovela kiija, uyo asili mukuwamalago hela, leelo uyo yu mukhome kimushila umukuwamalago. 27UYohana uyu yumwene yuna aMayandikhwa aManofu gayandiishe ndeeni ulwa mwene,
‘Loleela, nikimufilikha umunjaajila wangu
yuna akhakulongola kumwandi.
Uyo yumwene yuna akhakunosesa insila yaakho.’#7:27 Yimba mu litaafili lya Malaaki 3:1.”
28UYeesu wáaja, “Nikivajovela kiija, mu vaanu woona, kusiina yuna mukhome kimushila uYohana. Leelo yuna mudoodo mandu mu Wutwa wa Nguluvi, uyo yumwene mukhome kimushila uYohana.” 29Baheene avaanu woona hata na vatofya khoodi, vina vamupulisaaga uYeesu isa Yohana, vamuyiitikhaga kiija uNguluvi yu wa shiyooli. Kwa kiiva avaanu awo vaveene vina uYohana wávatwiniaga. 30Leelo, aVafalisaayo na vamanyisaaji va ndaji sa Musa, vakhaanaga gina uNguluvi wávagulumilaga, kwa kikhaana kitwinisiwa nu Yohana.
31UYeesu wáyitenekha kilogola kiija, “Nivahwananise ni shi avaanu ava? Avaanu ava vali wuli wuli? 32Vihwanana na vaana vina vineena mu ligulilo, vikivalyovela avanji viija,
‘Mbona tavatovela indemo sa wushendeefu,
leelo musikhashimile!
Tavayeyemelaga injeyemo isa kisugumila,
leelo musikhakhoolile!’
33“Shimushwali hata omwe! UYohana uMutwiniaji pina wáyinsile, akhandi asiilya amakhaate hata kiingʼwa idivaayi, mwajovaga, ‘Uyu ana malungu.’#7:33 UYohana akhandi asiilya ishakiilya shina avaanu woona vakhandi viilya shila lijuva, uluhaavi lwinshi akhandi iilekha kiilya. Akhandi iigaha ndeeno ngaja avakuwamalago avanji ava pawukuulu shina vagahaga kwa kiiva ya nsengo ya Nguluvi. 34Leelo one Lusawo lwa Muunu nayinsa, niilya na kiingʼwa, mwijova, ‘Loleeli! Uyu mupafu khanji mugaasi, mumanyi wa vatofya khoodi, na vanya wunansi!’ 35Leelo ulumanyo lwa Nguluvi, lumanyikha kiija lwa shiyooli mu nsengo isa vaanu vaakwe.”
UYeesu ikimusaajila umuunu umunya wunansi
36Ilijuva limonga uMufalisaayo yuna akhandi itambulwa Simoni, wámusajiise uYeesu alute kiilya ishakiilya kunyaakwe. Baheene uYeesu wáaluta kukhaaya ya muunu uyo, wáakhala pa meesa kiilya ishakiilya. 37Mu lijumbi lila, akhandi akwali uwashimaayi yumonga, yuna akhandi munansi mandu. Uwashimaayi uyo, wáganaga kipulikha kiija uYeesu akwali iilya kukhaaya kwa Mufalisaayo, wáaluta ni nsupa ya mafuta amanofu aga lifungu likhome, gina ginunshilila mandu. 38Wáganile kifikha, wáyiima kunyuma ya Yeesu, nkholeela na magulu gaakwe. Wáyansa kikhoola, amaanyosi gaakwe gaava gidomolela mu magulu gaakwe. Baheene wáava ikimufyangula amaanyosi mu magulu gaakwe kwa nyele saakwe, kuno ikiganoonela na kigadudumisisa amafuta.
39UMufalisaayo yula, pina wályajile ilyo, wáhiiva mu numbula kiija, “Umuunu uyu wáali ave mukuwamalago, wáava akwiliile kimumanya kiija, uwashimaayi yuna ikimupyasa muunu wa wuli wuli. Wáava akwiliile kimumanya kiija munya wunansi.” 40Baheene uYeesu wáaja, “Simoni, nina liswi, nisakula nikujovele.” Woope wáaja, “Nitejile Mumanyisaaji, nijovela.”
UYeesu wáaja, 41“Vakhandi vakwali avaanu vavili, vina vakhandi vana mukhole gwa hela kwa muunu yumonga. Yumo wákhopaga ihela isa mahombo ga nsiku#7:41 Ihela isa mahombo ga nsiku: Kwa Shiyunaani yiyandiikhwe, dinaali. magana gasaanu (500), uyunji wákhopaga ihela isa mahombo ga nsiku mashumi gasaanu. 42Avaanu ava pina vagombolaga kihomba, umuunu yuna wávakhopesaaga, wávasaajila. Lino! Mu awo vavili vina vakhandi vana mukhole, yu naani asimugane mandu umuunu yula yuna wávasajilaga?” 43USimoni wámuyankha wáaja, “One nihiiva kiija yuna wásajilwagwa nyinshi.” UYeesu wámujovela wáaja, “Waahiga wunofu.”
44Baaho, uYeesu wámuloleela uwashimaayi yula, wámujovela uSimoni wáaja, “Wamwaga uwashimaayi uyu? Pina nayinjila munyaakho muno, owe usanipeela amalenga aga kiyoosa amagulu gangu.#7:44 Vayahuudi yikhandi ngʼoma yaanave kimupeela umuhensa amalenga aga kiyoosa amagulu gaakwe, kwa kiiva insila sikhandi na mankundi uluhaavi lwa lujuva na matope uluhaavi lwa shifuku. Leelo uyu, wágayoosa amagulu gangu kwa maanyosi gaakwe, na kigafyangula kwa nyele saakwe. 45Pina ukinihunjila, usaninoonela. Leelo uyu, kihuma nayinjila muno, asileshile kiganoonela amagulu gangu! 46Khanji, usanisusuuta amafuta ku mutwe,#7:46 Kimususuuta umuhensa amafuta ku mutwe, yikhandi ngʼoma kiwonensa uwunofu wa kimusaajisa umuhensa waakho. leelo uyu wágasusuuta amagulu gangu amafuta amanofu aga lifungu likhome! 47Lino nikikujovela, ulugano lwa washimaayi uyu lukhome, kwa kiiva wásaajilwa uwunansi waakwe winshi. Nu muunu yuna wásaajilwa uwunansi wudoodo, uyo idobokha padoodo.”
48Baheene, uYeesu wámujovela uwashimaayi yula wáaja, “Wasaajilwa uwunansi waakho.”
49Baheene vina vakhandi viilya nu Yeesu, vayansa kiposania veene viija, “Uyu yu naani yuna akwiliile hata kisaajila uwunansi?” 50Baaho, uYeesu wámujovela khanji uwashimaayi yula wáaja, “Ilihuuvi lyakho lyakukulusa, lutaga kwa wulindamafu!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.