Mataayo 7
7
Kivahiga avaanu avanji
(Maluko 4:24; Luuka 6:37-38, 41-42)
1“Musikhavahigaji avaanu avanji, baheene na yuumwe musikhahigwa nu Nguluvi. 2Shina mukivahiga avanji, shiisho na yuumwe mukhahigwa nu Nguluvi. Ishijelo shina mukivajelela avanji, shiisho na yuumwe shina uNguluvi akhavajelela.
3“Kwashi wiloleela akhabando khina khali mu liiho lya muyaago, leelo usiloleela ulupaati ulukhome luna luli mu liiho lyakho? 4Khanji ukwiliile kimujova umuyaago kiija, ‘Wee lukholo lwangu, lekha nikuwuuse akhabando khina khali mu liiho lyakho,’ leelo owe usiloleela ulupaati ulukhome luna luli mu liiho lyakho? 5Owe uli mumyansi! Wuusa tangusiina ulupaati ulukhome luna luli mu liiho lyakho. Apo baheene ukwiliile kiloleela wunofu na kiwuusa akhabando khina khali mu liiho lya muyaago!
6“Musikhasipeelaji imbwa ifiinu ifinofu ifya Nguluvi, kwa kiiva hambi sikivahalushila. Khanji, musikhasitosesaaji ingubi ifiinu fina fiitunwa, kwa kiiva nda musitoosese ifiinu fina fiitunwa, hambi sikhanyanga.
Lombaji, sakulaji khanji hodesaaji
(Luuka 11:9-13)
7“Lombaji musipeelwe, sakulaji musifyaje, hodesaaji musidindulilwe. 8Kiiva, umuunu yoyoona yuna ilomba, ipeelwa, yuna isakula, ikifyaga. Woope yuna ihoodesa, idindulilwa.
9“Wuli, yu naani kunyeenyu, umwanaakwe nda amulombe umukhaate, ikimupeela ilingʼanga? 10Awu ikimulomba inswi, ikimupeela injokha? 11Nda omwe muna muli vanansi, mumeenye kivapeela avaneenyu ifiinu ifinofu, lino wuli, uWiheenyu uwa kushaanya asikhagaha wunofu mandu kivapeela amanofu vina vikimulomba?
12“Lino muvagahilaje avaanu avanji, ngaja omwe shina mwidobokha kigahilwa. Kiiva ago gageene mamanyiso ga vakuwamalago ni ndaji sa Musa.
Umulyango umubanu nu mupapaate
(Luuka 13:24)
13“Yinjilaji kwa kishilila umulyango umubanu, kwa kiiva umulyango umupapaate gwita ku malava, insila iya kiluta ukho nkhome mandu. Khanji, avaanu vina viishila umo, vinshi. 14Leelo umulyango umubanu, insila yoope mbanu iya kihulutila ku wuumi, khanji avaanu vina viyinjila, vasheefu.
Ilipishi limanyikha kwa makhomo gaakwe
(Luuka 6:43-44)
15“Yivavalaji na vakuwamalago avadehi, kwa kiiva pina viyinsa, viiva ngaja nkholo. Leelo mu numbula saanave vali ngaja mbwawa nkhali. 16Avaanu awo musivamanye kwa gina vikigasenga. Kwa kiiva avaanu vasikungula amakhomo ga masabiibu mu mapishi ga mimfwa. Khanji, vasikungula amakhomo ga mujombe mu mapishi ga mimfwa. 17Ndeeno ilipishi lyolyona ilinofu liikhoma amakhomo amanofu, leelo ilipishi lyolyona ilivi liikhoma amakhomo amavi. 18Kusiina ilipishi ilinofu lina liikhoma amakhomo amavi. Khanji, kusiina ilipishi ilivi lina liikhoma amakhomo amanofu. 19Ndeeno ilipishi lyolyona lina lisiikhoma amakhomo amanofu, lidumulwa na kitaagwa mu mooto. 20Ndeeno avakuwamalago avadehi, musivamanye kwa gina vikigasenga.
Avavanda va shiyooli na va wudehi
(Luuka 13:25-27)
21“Vasili vaanu woona vina viijova, ‘Wee Mutwa, wee Mutwa,’ vakhayinjila mu Wutwa wa Nguluvi. Leelo umuunu yuna isenga gina idobokha uDaada wangu yuna ali kushaanya, uyo yumwene yuna akhayinjila. 22Mu lisiku ilya kihigwa inyi lina liyinsa, avaanu vinshi vakhanijova kiija, ‘Wee Mutwa, wee Mutwa! Kwa litaawa lyakho tikhakhomile iliswi kihuma kwa Nguluvi, tisikhagadajile amalungu na kigaha amabikha minshi?’ 23Leelo one nikhavajova kiija, ‘Nisivameenye omwe, wuushi apa, omwe muna muli vanansi!’#7:23 Yimba mu litaafili lya Sabuli 6:8.
Kisenga mu lipaama, awu kisenga mu luhankha
(Luuka 6:47-49)
24“Umuunu yoyoona yuna ipulikha amaswi gangu na kigayinatila, akhava ngaja umuunu umunya luhala yuna isenga ilitembe lyakwe pa lipaama. 25Uluhaavi pina inoonya yatoonya, amakhoga gaamema amalenga, gafuwukha galitova na kilibunshilisa ilitembe ilyo. Leelo ilitembe ilyo lisaagwa pansi, kwa kiiva uluutu lwakwe lukhandi lusenjiilwe pa lipaama. 26Leelo, umuunu yuna ipulikha amaswi gangu na asikigayinatila, uyo ali ngaja umuunu umuyasu yuna isenga ilitembe lyakwe pa luhankha. 27Inoonya pina yitoonya, amalenga giimema, amakhoga gifuwukha, amavingu amakhome gikutukha na kilibunshilisa ilitembe ilyo, baaho ilitembe liigwa na kibojonkhana lyona!”
28UYeesu wáganaga kimala kilogola amaswi ago, avaanu woona vina vakhandi mula vaswijile mandu. 29Kiiva uYeesu asikhandi imanyisa ngaja avamanyisaaji vaanave ava ndaji sa Musa, leelo wámanyisaaga ngaja muunu munya wutawulilwa.
Currently Selected:
Mataayo 7: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Mataayo 7
7
Kivahiga avaanu avanji
(Maluko 4:24; Luuka 6:37-38, 41-42)
1“Musikhavahigaji avaanu avanji, baheene na yuumwe musikhahigwa nu Nguluvi. 2Shina mukivahiga avanji, shiisho na yuumwe mukhahigwa nu Nguluvi. Ishijelo shina mukivajelela avanji, shiisho na yuumwe shina uNguluvi akhavajelela.
3“Kwashi wiloleela akhabando khina khali mu liiho lya muyaago, leelo usiloleela ulupaati ulukhome luna luli mu liiho lyakho? 4Khanji ukwiliile kimujova umuyaago kiija, ‘Wee lukholo lwangu, lekha nikuwuuse akhabando khina khali mu liiho lyakho,’ leelo owe usiloleela ulupaati ulukhome luna luli mu liiho lyakho? 5Owe uli mumyansi! Wuusa tangusiina ulupaati ulukhome luna luli mu liiho lyakho. Apo baheene ukwiliile kiloleela wunofu na kiwuusa akhabando khina khali mu liiho lya muyaago!
6“Musikhasipeelaji imbwa ifiinu ifinofu ifya Nguluvi, kwa kiiva hambi sikivahalushila. Khanji, musikhasitosesaaji ingubi ifiinu fina fiitunwa, kwa kiiva nda musitoosese ifiinu fina fiitunwa, hambi sikhanyanga.
Lombaji, sakulaji khanji hodesaaji
(Luuka 11:9-13)
7“Lombaji musipeelwe, sakulaji musifyaje, hodesaaji musidindulilwe. 8Kiiva, umuunu yoyoona yuna ilomba, ipeelwa, yuna isakula, ikifyaga. Woope yuna ihoodesa, idindulilwa.
9“Wuli, yu naani kunyeenyu, umwanaakwe nda amulombe umukhaate, ikimupeela ilingʼanga? 10Awu ikimulomba inswi, ikimupeela injokha? 11Nda omwe muna muli vanansi, mumeenye kivapeela avaneenyu ifiinu ifinofu, lino wuli, uWiheenyu uwa kushaanya asikhagaha wunofu mandu kivapeela amanofu vina vikimulomba?
12“Lino muvagahilaje avaanu avanji, ngaja omwe shina mwidobokha kigahilwa. Kiiva ago gageene mamanyiso ga vakuwamalago ni ndaji sa Musa.
Umulyango umubanu nu mupapaate
(Luuka 13:24)
13“Yinjilaji kwa kishilila umulyango umubanu, kwa kiiva umulyango umupapaate gwita ku malava, insila iya kiluta ukho nkhome mandu. Khanji, avaanu vina viishila umo, vinshi. 14Leelo umulyango umubanu, insila yoope mbanu iya kihulutila ku wuumi, khanji avaanu vina viyinjila, vasheefu.
Ilipishi limanyikha kwa makhomo gaakwe
(Luuka 6:43-44)
15“Yivavalaji na vakuwamalago avadehi, kwa kiiva pina viyinsa, viiva ngaja nkholo. Leelo mu numbula saanave vali ngaja mbwawa nkhali. 16Avaanu awo musivamanye kwa gina vikigasenga. Kwa kiiva avaanu vasikungula amakhomo ga masabiibu mu mapishi ga mimfwa. Khanji, vasikungula amakhomo ga mujombe mu mapishi ga mimfwa. 17Ndeeno ilipishi lyolyona ilinofu liikhoma amakhomo amanofu, leelo ilipishi lyolyona ilivi liikhoma amakhomo amavi. 18Kusiina ilipishi ilinofu lina liikhoma amakhomo amavi. Khanji, kusiina ilipishi ilivi lina liikhoma amakhomo amanofu. 19Ndeeno ilipishi lyolyona lina lisiikhoma amakhomo amanofu, lidumulwa na kitaagwa mu mooto. 20Ndeeno avakuwamalago avadehi, musivamanye kwa gina vikigasenga.
Avavanda va shiyooli na va wudehi
(Luuka 13:25-27)
21“Vasili vaanu woona vina viijova, ‘Wee Mutwa, wee Mutwa,’ vakhayinjila mu Wutwa wa Nguluvi. Leelo umuunu yuna isenga gina idobokha uDaada wangu yuna ali kushaanya, uyo yumwene yuna akhayinjila. 22Mu lisiku ilya kihigwa inyi lina liyinsa, avaanu vinshi vakhanijova kiija, ‘Wee Mutwa, wee Mutwa! Kwa litaawa lyakho tikhakhomile iliswi kihuma kwa Nguluvi, tisikhagadajile amalungu na kigaha amabikha minshi?’ 23Leelo one nikhavajova kiija, ‘Nisivameenye omwe, wuushi apa, omwe muna muli vanansi!’#7:23 Yimba mu litaafili lya Sabuli 6:8.
Kisenga mu lipaama, awu kisenga mu luhankha
(Luuka 6:47-49)
24“Umuunu yoyoona yuna ipulikha amaswi gangu na kigayinatila, akhava ngaja umuunu umunya luhala yuna isenga ilitembe lyakwe pa lipaama. 25Uluhaavi pina inoonya yatoonya, amakhoga gaamema amalenga, gafuwukha galitova na kilibunshilisa ilitembe ilyo. Leelo ilitembe ilyo lisaagwa pansi, kwa kiiva uluutu lwakwe lukhandi lusenjiilwe pa lipaama. 26Leelo, umuunu yuna ipulikha amaswi gangu na asikigayinatila, uyo ali ngaja umuunu umuyasu yuna isenga ilitembe lyakwe pa luhankha. 27Inoonya pina yitoonya, amalenga giimema, amakhoga gifuwukha, amavingu amakhome gikutukha na kilibunshilisa ilitembe ilyo, baaho ilitembe liigwa na kibojonkhana lyona!”
28UYeesu wáganaga kimala kilogola amaswi ago, avaanu woona vina vakhandi mula vaswijile mandu. 29Kiiva uYeesu asikhandi imanyisa ngaja avamanyisaaji vaanave ava ndaji sa Musa, leelo wámanyisaaga ngaja muunu munya wutawulilwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.