مزگینیا لوقای 6
6
دانوستاندن دەربارەی شەمبیێ
(مەتتا 12:1-8؛ مەرقۆس 2:23-28)
1رۆژەكا شەمبی، عیسا د ناڤ دەخلان را دبوری و شاگردێن وی گولیێن گەنمی ڤەڕویچكاندن، ب دەستان دپەرخاندن و دخوارن. 2ئینا هندەك فەریسیان گۆتە وان: «بۆچی هوین وێ دكەن، ئەوا نە رەوایە د شەمبیێ#6:2 بۆ جوهیان رۆژەكا تایبەت و پیرۆزە و كار تێدا ناهێتە كرن. ل فەرهەنگۆكێ بنێڕە رۆژا شەمبی. دا بهێتە كرن؟» 3ئینا عیسای بەرسڤا وان دا: «ما هەوە نە خواندیە كا داوودی چ كر، دەمێ ئەو و یێن ل گەل وی برسی بووین، 4چەوا چوو د مالا خودێ ڤە و نانێ پێشكێشیێ راكر و خوار و دا یێن ل گەل خۆ ژی، هەر چەندە ژبلی كاهنان نە رەوایە كەس ژێ بخۆت؟#6:4 1 ساموئێل 21:1-6» 5پاشی گۆتە وان: «كوڕێ مرۆڤ خودانێ شەمبیێیە.»
عیسا د شەمبیێ دا مرۆڤەكێ دەست گورۆج ساخ دكەت
(مەتتا 12:9-14؛ مەرقۆس 3:1-6)
6رۆژەكا دی ژ رۆژێن شەمبیێ عیسا چوو د كنیشتەیێ ڤە و دەست ب فێركرنێ كر، مرۆڤەك ل وێرێ بوو، دەستێ وی یێ راستێ یێ گورۆج#6:6 گورۆج: ئانكو سەقەت بوو. 7هنگی چاڤێ مامۆستایێن دەستووری و فەریسیان ل عیسای بوو، كا دێ ل شەمبیێ نەساخان ساخ كەت، چنكو ئەو ل تشتەكی دگەڕیان عیسای پێ تاوانبار بكەن. 8لێ وی زانی چ د دلێ وان دایە، ئینا گۆتە زەڵامێ دەست گورۆج: «رابە و ل ناڤەندێ راوەستە.» ئەو رابوو و راوەستیا. 9عیسای گۆتە وان: «ئەز دێ پرسیارەكێ ژ هەوە كەم: ئایا ل شەمبیێ كرنا كارێ باش رەوایە، یان كارێ خراب؟ قورتالكرنا ژیانەكێ یان ژناڤبرن؟» 10ئەو ل وان هەمیان زڤڕی، پاشی گۆتە وی مرۆڤی: «دەستێ خۆ درێژ كە.» وی ژی وە كر و دەستێ وی ساخ بووڤە. 11وی دەمی ئەو ژ تۆڕەییێ پڕ بوون و پرسیار ژ ئێكودوو كرن، كا چ ل عیسای بكەن.
هەلبژارتنا هەر دوازدە هنارتیان
(مەتتا 10:1-4؛ مەرقۆس 3:13-19)
12د وان رۆژان دا عیسا چوو چیای داكو نڤێژان بكەت. وی ئەو شەڤ هەمی ب نڤێژان ڤە بۆ خودێ بوراند 13و دەمێ رۆژ هەلاتی، گازی شاگردێن خۆ كر و دوازدە كەس ژ وان هەلبژارتن و ناڤێ ‹هنارتی› دانا سەر وان و ئەو دوازدە كەس ژی ئەڤە بوون: 14شەمعون ئەوێ عیسای ناڤێ وی كریە پەترۆس، ئەندراوسێ برایێ وی، یەعقوب، یوحەننا، فیلیپۆس، بەرتولماوس، 15مەتتا، توماس، یەعقوبێ كوڕێ حەلفی، شەمعونێ دگۆتنێ وەڵاتپەروەر#6:15 شەمعونێ وەڵاتپەروەر: بنێڕە فەرهەنگۆكێ.، 16یەهودایێ كوڕێ یەعقوبی و یەهودایێ ئەسخەریوتی، ئەوێ بوویە كەسەكێ بێبەخت.
عیسا فێركرنێ دكەت و نەخۆشان ژی ساخ دكەت
(مەتتا 4:23-25)
17پشتی عیسا ل گەل وان هاتیە خوارێ، ل ئەردەكێ دەشت راوەستیا. ل وێرێ جەماوەرەكێ مەزن ژ شاگردان و خەلكەكێ گەلەك زۆر ژ هەمی دەڤەرا یەهودیایێ، ئورشەلیمێ و كنارێ سور و سایدا، لێ كۆم بوون. 18ئەو هاتبوون دا گوهێ خۆ بدەنە عیسای و ژ ئێشێن خۆ ساخ ببن. ئەوێن ژ لایێ گیانێن پیس ڤە دهاتنە ئێشاندن، ساخ دبوون 19و هەمی خەلكێ بزاڤ دكر دەستێ خۆ لێ بدەن، چنكو هێزەك ژ وی دەردكەفت و هەمی ساخ دكرن.
خوزی و نەخوزی
(مەتتا 5:1-12)
20بەرێ خۆ دا شاگردێن خۆ و گۆت:
«خوزیكێن هەوە گەلی هەژاران،
چنكو پاشایەتیا خودێ یا هەوەیە،
21خوزیكێن هەوە برسیێن نوكە،
چنكو هوین دێ تێر بن.
خوزیكێن هەوە ئەوێن هوین نوكە دگریێن،
چنكو هوین دێ كەنن.
22خوزیكێن هەوە دەمێ خەلك پێخەمەت كوڕێ مرۆڤ كەربێ ژ هەوە رادكەن
و هەوە ژ ناڤ خۆ دەردئێخن و هەوە فهێت دكەن
و ناڤێ هەوە ب خرابی دئینن.
23ل وێ رۆژێ دلشاد بن و خۆ بهەڵاڤێژن، چنكو خەلاتێ هەوە ل ئەسمانی یێ مەزنە. بابكالێن وان ژی هۆسا رەفتار ل گەل پێغەمبەران دكر.
24لێ نەخوزیكێن هەوە گەلی دەولەمەندان،
چنكو هەوە خۆشیا خۆ وەرگرت.
25نەخوزیكێن هەوە گەلی تێربوویێن ئەڤرۆ،
چنكو هوین دێ برسی بن.
نەخوزیكێن هەوە ئەوێن هوین ئەڤرۆ دكەنن،
چنكو هوین دێ كەڤنە شینی و گرینێ.
26نەخوزیكێن هەوە دەمێ هەمی مرۆڤ بەحسێ هەوە ب باشی دكەن،
چنكو بابكالێن وان ژی هۆسا رەفتار ل گەل پێغەمبەرێن درەوین دكر.
حەز ژ دوژمنێن خۆ بكەن
(مەتتا 5:38-48؛ 7:12)
27لێ دبێژمە هەوەیێن گوهدار: حەز ژ دوژمنێن خۆ بكەن و ل گەل ئەوێن كەربێ ژ هەوە رادكەن، چاكیێ بكەن. 28ئەوێن نفرینان ل هەوە دكەن، بەرەكەتێ بۆ بخوازن و ئەوێن زیانێ ل هەوە دكەن، نڤێژان بۆ بكەن. 29ئەگەر ئێكی زللەهەك دانا رویێ تە، رویێ خۆ یێ دی ژی بدە بەر و ئەگەر ئێكی كوركێ تە ژ تە ستاند، كراسێ خۆ ژی ژێ ڤەنەگێڕە. 30هەر كەسێ ژ تە بخوازیت تۆ بدێ و هەر كەسێ تشتێن تە ژ تە بستینیت، داخوازا وان ژێ نەكە. 31كا چەوا هەوە دڤێت مرۆڤ رەفتارێ ل گەل هەوە بكەن، هوین ژی وەسا رەفتارێ ل گەل بكەن. 32ئەگەر هەوە ب تنێ حەز ژ وان كر، یێن حەز ژ هەوە دكەن، ئەرێ پا باشیا هەوە چیە؟ خۆ مرۆڤێن گونەهكار ژی حەز ژ وان كەسان دكەن، ئەوێن حەز ژ وان دكەن. 33ئەگەر هوین ل گەل وان د باش بن ئەوێن ل گەل هەوە د باش، ئەرێ پا باشیا هەوە چیە؟ خۆ مرۆڤێن گونەهكار ژی ڤێ چەندێ دكەن. 34ئەگەر هەوە قەر ل گەل وان كەسان كر، یێن هوین بزانن دێ قەرێ هەوە ل هەوە زڤڕینن، ئەرێ پا باشیا هەوە چیە؟ خۆ مرۆڤێن گونەهكار ژی ل گەل گونەهكاران ڤێ چەندێ دكەن. 35لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت. 36دلۆڤان بن هەروەكو بابێ هەوە یێ دلۆڤانە.
مرۆڤێن دی دادنەكەن
(مەتتا 7:1-5)
37دادكرنێ نەكەن، هوین ناهێنە دادكرن. گونەهباركرنێ نەكەن، هوین ناهێنە گونەهباركرن. لێبورینێ بكەن، دێ ل هەوە هێتە بورین. 38بدەن، دێ بۆ هەوە هێتە دان، پیڤانەكا باش و قوتای و حەشاندی و د سەردا چووی دێ هێتە د كۆشا هەوە دا. چنكو ب وی پیڤەرێ هوین دپیڤن، دێ بۆ هەوە ب وی هێتە پیڤان.» 39بۆ وان نموونەیەك ژی ئینا: «ما كۆرە دشێت كۆرەی ب رێ ببەت؟ ئەرێ ما هەردوو ناكەڤنە د چاڵەكێ دا؟ 40شاگرد د سەر مامۆستایێ خۆ را نینە. لێ ئەوێ راهێنانێن خۆ تەمام كرین، دێ وەكو مامۆستایێ خۆ لێ هێت. 41بۆچی تۆ زلكی د چاڤێ برایێ خۆ دا دبینی، لێ تۆ گاریتەی د چاڤێ خۆ دا نابینی؟ 42یان چەوا تۆ دشێی بێژییە برایێ خۆ: ‹برا، بهێلە ئەز زلكی ژ چاڤێ تە بینمە دەرێ› و گاریتەی د چاڤێ خۆ دا نابینی؟ هەی دووڕوی، ل پێشیێ گاریتەی ژ چاڤێ خۆ بینە دەرێ، هنگی دێ باش بینی كو زلكێ د چاڤێ برایێ خۆ دا بینیە دەرێ.
هەر دارەك ژ بەرهەمێ وێ دهێتە نیاسین
(مەتتا 7:17-20؛ 12:33-35)
43دارا باش بەرهەمێ خراب نادەت و دارا خراب ژی بەرهەمێ باش نادەت. 44هەر دارەك ژ بەرهەمێ وێ دهێتە نیاسین. هژیر ژ ستریان ناهێنە چنین و تری ژ دڕیان ناهێتە چنین. 45مرۆڤێ باش، باشیێ ژ گەنجینەیا دلێ خۆ یا باش دەردئێخیت، لێ مرۆڤێ خراب، خرابیێ ژ گەنجینەیا دلێ خۆ یا خراب دەردئێخیت، چنكو دل ب چ یێ پڕە، دەڤ وێ دبێژیت.»
هۆستایێ ئاقلمەند و هۆستایێ دەبەنگ (ئەحمەق)
(مەتتا 7:24-27)
46بۆچی هوین دبێژنە من: ‹خودان، خودان!› و هوین ب گۆتنێن من ناكەن؟ 47هەر كەسێ بهێتە نك من و گوهێ خۆ بدەتە گۆتنێن من و كار پێ بكەت، ئەز دێ دیار كەم كا وەكو چیە: 48ئەو وەكو وی مرۆڤیە ئەوێ خانیەك ئاڤا كری، كو كویر كۆلای و بنیات دانایە سەر كەڤری. گاڤا ئاڤ رابووی و لافاوان ل وی خانی دای، نەشیا بلڤینیت، چنكو باش هاتبوو ئاڤا كرن. 49لێ هەر كەسێ گو‍‌ھ لێ بووی و كار پێ نەكەت، ئەو وەكو وی مرۆڤیە یێ خانیەكێ بێ بنیات ل سەر ئەردی ئاڤا كری. دەمێ لافاوێ لێ دای، د ج‍‌ھ دا هەڕفی و هەڕفینا وی خانی گەلەك یا مەزن بوو.
Currently Selected:
مزگینیا لوقای 6: BHD
Highlight
Share
Copy
Want to have your highlights saved across all your devices? Sign up or sign in
All rights reserved.
مزگینیا لوقای 6
6
دانوستاندن دەربارەی شەمبیێ
(مەتتا 12:1-8؛ مەرقۆس 2:23-28)
1رۆژەكا شەمبی، عیسا د ناڤ دەخلان را دبوری و شاگردێن وی گولیێن گەنمی ڤەڕویچكاندن، ب دەستان دپەرخاندن و دخوارن. 2ئینا هندەك فەریسیان گۆتە وان: «بۆچی هوین وێ دكەن، ئەوا نە رەوایە د شەمبیێ#6:2 بۆ جوهیان رۆژەكا تایبەت و پیرۆزە و كار تێدا ناهێتە كرن. ل فەرهەنگۆكێ بنێڕە رۆژا شەمبی. دا بهێتە كرن؟» 3ئینا عیسای بەرسڤا وان دا: «ما هەوە نە خواندیە كا داوودی چ كر، دەمێ ئەو و یێن ل گەل وی برسی بووین، 4چەوا چوو د مالا خودێ ڤە و نانێ پێشكێشیێ راكر و خوار و دا یێن ل گەل خۆ ژی، هەر چەندە ژبلی كاهنان نە رەوایە كەس ژێ بخۆت؟#6:4 1 ساموئێل 21:1-6» 5پاشی گۆتە وان: «كوڕێ مرۆڤ خودانێ شەمبیێیە.»
عیسا د شەمبیێ دا مرۆڤەكێ دەست گورۆج ساخ دكەت
(مەتتا 12:9-14؛ مەرقۆس 3:1-6)
6رۆژەكا دی ژ رۆژێن شەمبیێ عیسا چوو د كنیشتەیێ ڤە و دەست ب فێركرنێ كر، مرۆڤەك ل وێرێ بوو، دەستێ وی یێ راستێ یێ گورۆج#6:6 گورۆج: ئانكو سەقەت بوو. 7هنگی چاڤێ مامۆستایێن دەستووری و فەریسیان ل عیسای بوو، كا دێ ل شەمبیێ نەساخان ساخ كەت، چنكو ئەو ل تشتەكی دگەڕیان عیسای پێ تاوانبار بكەن. 8لێ وی زانی چ د دلێ وان دایە، ئینا گۆتە زەڵامێ دەست گورۆج: «رابە و ل ناڤەندێ راوەستە.» ئەو رابوو و راوەستیا. 9عیسای گۆتە وان: «ئەز دێ پرسیارەكێ ژ هەوە كەم: ئایا ل شەمبیێ كرنا كارێ باش رەوایە، یان كارێ خراب؟ قورتالكرنا ژیانەكێ یان ژناڤبرن؟» 10ئەو ل وان هەمیان زڤڕی، پاشی گۆتە وی مرۆڤی: «دەستێ خۆ درێژ كە.» وی ژی وە كر و دەستێ وی ساخ بووڤە. 11وی دەمی ئەو ژ تۆڕەییێ پڕ بوون و پرسیار ژ ئێكودوو كرن، كا چ ل عیسای بكەن.
هەلبژارتنا هەر دوازدە هنارتیان
(مەتتا 10:1-4؛ مەرقۆس 3:13-19)
12د وان رۆژان دا عیسا چوو چیای داكو نڤێژان بكەت. وی ئەو شەڤ هەمی ب نڤێژان ڤە بۆ خودێ بوراند 13و دەمێ رۆژ هەلاتی، گازی شاگردێن خۆ كر و دوازدە كەس ژ وان هەلبژارتن و ناڤێ ‹هنارتی› دانا سەر وان و ئەو دوازدە كەس ژی ئەڤە بوون: 14شەمعون ئەوێ عیسای ناڤێ وی كریە پەترۆس، ئەندراوسێ برایێ وی، یەعقوب، یوحەننا، فیلیپۆس، بەرتولماوس، 15مەتتا، توماس، یەعقوبێ كوڕێ حەلفی، شەمعونێ دگۆتنێ وەڵاتپەروەر#6:15 شەمعونێ وەڵاتپەروەر: بنێڕە فەرهەنگۆكێ.، 16یەهودایێ كوڕێ یەعقوبی و یەهودایێ ئەسخەریوتی، ئەوێ بوویە كەسەكێ بێبەخت.
عیسا فێركرنێ دكەت و نەخۆشان ژی ساخ دكەت
(مەتتا 4:23-25)
17پشتی عیسا ل گەل وان هاتیە خوارێ، ل ئەردەكێ دەشت راوەستیا. ل وێرێ جەماوەرەكێ مەزن ژ شاگردان و خەلكەكێ گەلەك زۆر ژ هەمی دەڤەرا یەهودیایێ، ئورشەلیمێ و كنارێ سور و سایدا، لێ كۆم بوون. 18ئەو هاتبوون دا گوهێ خۆ بدەنە عیسای و ژ ئێشێن خۆ ساخ ببن. ئەوێن ژ لایێ گیانێن پیس ڤە دهاتنە ئێشاندن، ساخ دبوون 19و هەمی خەلكێ بزاڤ دكر دەستێ خۆ لێ بدەن، چنكو هێزەك ژ وی دەردكەفت و هەمی ساخ دكرن.
خوزی و نەخوزی
(مەتتا 5:1-12)
20بەرێ خۆ دا شاگردێن خۆ و گۆت:
«خوزیكێن هەوە گەلی هەژاران،
چنكو پاشایەتیا خودێ یا هەوەیە،
21خوزیكێن هەوە برسیێن نوكە،
چنكو هوین دێ تێر بن.
خوزیكێن هەوە ئەوێن هوین نوكە دگریێن،
چنكو هوین دێ كەنن.
22خوزیكێن هەوە دەمێ خەلك پێخەمەت كوڕێ مرۆڤ كەربێ ژ هەوە رادكەن
و هەوە ژ ناڤ خۆ دەردئێخن و هەوە فهێت دكەن
و ناڤێ هەوە ب خرابی دئینن.
23ل وێ رۆژێ دلشاد بن و خۆ بهەڵاڤێژن، چنكو خەلاتێ هەوە ل ئەسمانی یێ مەزنە. بابكالێن وان ژی هۆسا رەفتار ل گەل پێغەمبەران دكر.
24لێ نەخوزیكێن هەوە گەلی دەولەمەندان،
چنكو هەوە خۆشیا خۆ وەرگرت.
25نەخوزیكێن هەوە گەلی تێربوویێن ئەڤرۆ،
چنكو هوین دێ برسی بن.
نەخوزیكێن هەوە ئەوێن هوین ئەڤرۆ دكەنن،
چنكو هوین دێ كەڤنە شینی و گرینێ.
26نەخوزیكێن هەوە دەمێ هەمی مرۆڤ بەحسێ هەوە ب باشی دكەن،
چنكو بابكالێن وان ژی هۆسا رەفتار ل گەل پێغەمبەرێن درەوین دكر.
حەز ژ دوژمنێن خۆ بكەن
(مەتتا 5:38-48؛ 7:12)
27لێ دبێژمە هەوەیێن گوهدار: حەز ژ دوژمنێن خۆ بكەن و ل گەل ئەوێن كەربێ ژ هەوە رادكەن، چاكیێ بكەن. 28ئەوێن نفرینان ل هەوە دكەن، بەرەكەتێ بۆ بخوازن و ئەوێن زیانێ ل هەوە دكەن، نڤێژان بۆ بكەن. 29ئەگەر ئێكی زللەهەك دانا رویێ تە، رویێ خۆ یێ دی ژی بدە بەر و ئەگەر ئێكی كوركێ تە ژ تە ستاند، كراسێ خۆ ژی ژێ ڤەنەگێڕە. 30هەر كەسێ ژ تە بخوازیت تۆ بدێ و هەر كەسێ تشتێن تە ژ تە بستینیت، داخوازا وان ژێ نەكە. 31كا چەوا هەوە دڤێت مرۆڤ رەفتارێ ل گەل هەوە بكەن، هوین ژی وەسا رەفتارێ ل گەل بكەن. 32ئەگەر هەوە ب تنێ حەز ژ وان كر، یێن حەز ژ هەوە دكەن، ئەرێ پا باشیا هەوە چیە؟ خۆ مرۆڤێن گونەهكار ژی حەز ژ وان كەسان دكەن، ئەوێن حەز ژ وان دكەن. 33ئەگەر هوین ل گەل وان د باش بن ئەوێن ل گەل هەوە د باش، ئەرێ پا باشیا هەوە چیە؟ خۆ مرۆڤێن گونەهكار ژی ڤێ چەندێ دكەن. 34ئەگەر هەوە قەر ل گەل وان كەسان كر، یێن هوین بزانن دێ قەرێ هەوە ل هەوە زڤڕینن، ئەرێ پا باشیا هەوە چیە؟ خۆ مرۆڤێن گونەهكار ژی ل گەل گونەهكاران ڤێ چەندێ دكەن. 35لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت. 36دلۆڤان بن هەروەكو بابێ هەوە یێ دلۆڤانە.
مرۆڤێن دی دادنەكەن
(مەتتا 7:1-5)
37دادكرنێ نەكەن، هوین ناهێنە دادكرن. گونەهباركرنێ نەكەن، هوین ناهێنە گونەهباركرن. لێبورینێ بكەن، دێ ل هەوە هێتە بورین. 38بدەن، دێ بۆ هەوە هێتە دان، پیڤانەكا باش و قوتای و حەشاندی و د سەردا چووی دێ هێتە د كۆشا هەوە دا. چنكو ب وی پیڤەرێ هوین دپیڤن، دێ بۆ هەوە ب وی هێتە پیڤان.» 39بۆ وان نموونەیەك ژی ئینا: «ما كۆرە دشێت كۆرەی ب رێ ببەت؟ ئەرێ ما هەردوو ناكەڤنە د چاڵەكێ دا؟ 40شاگرد د سەر مامۆستایێ خۆ را نینە. لێ ئەوێ راهێنانێن خۆ تەمام كرین، دێ وەكو مامۆستایێ خۆ لێ هێت. 41بۆچی تۆ زلكی د چاڤێ برایێ خۆ دا دبینی، لێ تۆ گاریتەی د چاڤێ خۆ دا نابینی؟ 42یان چەوا تۆ دشێی بێژییە برایێ خۆ: ‹برا، بهێلە ئەز زلكی ژ چاڤێ تە بینمە دەرێ› و گاریتەی د چاڤێ خۆ دا نابینی؟ هەی دووڕوی، ل پێشیێ گاریتەی ژ چاڤێ خۆ بینە دەرێ، هنگی دێ باش بینی كو زلكێ د چاڤێ برایێ خۆ دا بینیە دەرێ.
هەر دارەك ژ بەرهەمێ وێ دهێتە نیاسین
(مەتتا 7:17-20؛ 12:33-35)
43دارا باش بەرهەمێ خراب نادەت و دارا خراب ژی بەرهەمێ باش نادەت. 44هەر دارەك ژ بەرهەمێ وێ دهێتە نیاسین. هژیر ژ ستریان ناهێنە چنین و تری ژ دڕیان ناهێتە چنین. 45مرۆڤێ باش، باشیێ ژ گەنجینەیا دلێ خۆ یا باش دەردئێخیت، لێ مرۆڤێ خراب، خرابیێ ژ گەنجینەیا دلێ خۆ یا خراب دەردئێخیت، چنكو دل ب چ یێ پڕە، دەڤ وێ دبێژیت.»
هۆستایێ ئاقلمەند و هۆستایێ دەبەنگ (ئەحمەق)
(مەتتا 7:24-27)
46بۆچی هوین دبێژنە من: ‹خودان، خودان!› و هوین ب گۆتنێن من ناكەن؟ 47هەر كەسێ بهێتە نك من و گوهێ خۆ بدەتە گۆتنێن من و كار پێ بكەت، ئەز دێ دیار كەم كا وەكو چیە: 48ئەو وەكو وی مرۆڤیە ئەوێ خانیەك ئاڤا كری، كو كویر كۆلای و بنیات دانایە سەر كەڤری. گاڤا ئاڤ رابووی و لافاوان ل وی خانی دای، نەشیا بلڤینیت، چنكو باش هاتبوو ئاڤا كرن. 49لێ هەر كەسێ گو‍‌ھ لێ بووی و كار پێ نەكەت، ئەو وەكو وی مرۆڤیە یێ خانیەكێ بێ بنیات ل سەر ئەردی ئاڤا كری. دەمێ لافاوێ لێ دای، د ج‍‌ھ دا هەڕفی و هەڕفینا وی خانی گەلەك یا مەزن بوو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
All rights reserved.