مزگینیا مەرقۆسی 9
9
1گۆتە وان: «ب راستی دبێژمە هەوە: هندەك ژ ئەوێن ل ڤێرێ راوەستیاین، تاكو نەبینن پاشایەتیا خودێ ب هێز یا هاتی، تام ناكەنە مرنێ.»
مەزناهیا عیسای بۆ شاگردان دیار دبیت
(مەتتا 17:1-13؛ لوقا 9:28-36)
2پشتی شەش رۆژان، عیسای پەترۆس، یەعقوب و یوحەننا ل گەل خۆ برن و سەرئێخستنە چیایەكێ بلند، ل وێرێ ئەو ب تنێ بوون. دیمەنێ وی ل بەر چاڤێن وان هاتە گوهۆڕین 3و جلكێن وی سپی بوون و تەیسین، كو چ كەس ل سەر ئەردی نەشێن وەسا سپی بكەن. 4بۆ وان ئلیاس و مووسا دیار بوون كو یێ ل گەل عیسای دئاخڤن. 5پەترۆسی گۆتە عیسای: «مامۆستا، باش بوو ئەم ل ڤێرێ! ئەڤجا دا ئەم سێ كەپران چێكەین، ئێك بۆ تە، ئێك بۆ مووسای و ئێك بۆ ئلیاسی.» 6پەترۆسی نەدزانی كا چ دبێژیت، چنكو هەر سێ شاگرد د بەهتی بوون. 7پاشی عەورەك هات و سیبەر ل وان كر، دەنگەك ژ عەوری هات: «ئەڤەیە كوڕێ من یێ خۆشتڤی، گوهێ خۆ بدەنێ!» 8ژ نشكەكێ ڤە ل دۆر خۆ زڤڕین و ژبلی عیسای كەس ل گەل خۆ نەدیت.
9دەمێ ئەو ژ چیای دهاتنە خوارێ، عیسای فەرمان ل وان كر كو ئەو تشتێ وان دیتی نەبێژنە كەسێ، تاكو كوڕێ مرۆڤ ژ ناڤ مریان رانەبیت. 10وان پەیڤ د دلێ خۆ دا ژ بەر كر و پرسیار ژ ئێكودوو كر: «رابوون ژ ناڤ مریان چیە؟» 11و پرسیار ژێ كر: «بۆچی مامۆستایێن دەستووری دبێژن پێدڤیە ل بەراهیێ ئلیاس بهێت؟»#9:11 مەلاخی 4:5 12وی بەرسڤا وان دا: «راستە، ئلیاس دێ ل بەراهیێ هێت و هەمی تشتان رێك ئێخیتەڤە. پا چەوا دەربارەی كوڕێ مرۆڤ هاتیە نڤیسین كو ئەو دێ گەلەك ئازارێ كێشیت و هێتە كرێت كرن؟ 13لێ ئەز دبێژمە هەوە: ئلیاس یێ هاتی و وان چ تشتێ ڤیای ل گەل كر، كا چەوا دەربارەی وی هاتیە نڤیسین.»
عیسا زاڕۆكەكی ژ گیانێ پیس ساخ دكەت
(مەتتا 17:14-21؛ لوقا 9:37-43)
14دەمێ ڤەگەڕیاینە نك شاگردێن دی، دیت گەلەك یێ ل دۆران خڕڤەبووین و هندەك مامۆستایێن دەستووری گەنگەشە ل گەل دكر. 15چەوا خڕڤەبوویان ئەو دیت، گوهشین و كرنە غار و سڵاڤ لێ كر. 16عیسای پرسیار ژ وان كر: «هوین گەنگەشەیێ دەربارەی چ ل گەل دكەن؟» 17ئینا ئێك ژ خڕڤەبوویان بەرسڤا وی دا: «مامۆستا، من كوڕێ خۆ یێ ئینایە نك تە، گیانەكێ پیس یێ تێدا وی لال دكەت، 18ل هەر جهێ وی بهنگێڤیت تەپ دهێتێ و كەف ب سەر دەڤی دكەڤیت و ددانێن خۆ دقرچینیت و رەق دبیت. من داخواز ژ شاگردێن تە كر كو وی ژێ دەربئێخن، لێ نەشیان.» 19ئینا بەرسڤا وان دا و گۆت: «هەی نفشێ بێباوەر، تا كەنگی دێ د ناڤ هەوە دا مینم؟ تا كەنگی دێ بێهنا خۆ ل هەوە فرە‍‌ھ كەم؟ وی بیننە نك من.» 20ئینانە نك. دەمێ ئەو دیتی، ئێكسەر گیانێ پیس زاڕۆك ڤەهەژاند و كەفتە ئەردی و خۆ گەڤزاند و كەف ب سەر دەڤی كەفت. 21عیسای پرسیار ژ بابێ كوڕكی كر: «ئەڤە ژ كەنگی وەرە هۆ لێ دهێتە هە؟» گۆت: «ژ بچویكاتی وەرە. 22گەلەك جاران گیانێ پیس ئەو دهاڤێتە د ناڤ ئاگری یان ئاڤێ دا، داكو بكوژیت. ئەگەر تۆ دشێی تشتەكی بكەی، دلۆڤانیێ ب مە ببە و هاریكاریا مە بكە.» 23عیسای گۆتێ: «تە گۆت: ‹ئەگەر تۆ بشێی؟› هەمی تشت بۆ خودان باوەری یێ بەردەستە.» 24د ج‍‌ھ دا بابێ كوڕكی گازی كر: «من باوەریا هەی، هاریكاریا بێباوەریا من بكە!» 25دەمێ عیسای دیتی خەلك یێ دبەزنە نك و ل وێرێ خڕڤە دبن، ل گیانێ پیس حەیتاند و گۆتێ: «هەی گیانێ كەڕ و لال، ئەز فەرمانێ ل تە دكەم ژ كوڕكی دەركەڤە و ئێدی لێ نەزڤڕەڤە!» 26گیانێ پیس كرە هەوار و زاڕۆك ب هێز ڤەهەژاند، پاشی دەركەفت و زاڕۆك وەكو مریان لێ هات، تاكو بەهرا پتر ژ خڕڤەبوویان گۆتی: «مر.» 27لێ دەمێ عیسای دەستێ وی گرتی و راكریەڤە، ئەو رابووڤە. 28دەمێ چوویە مال، شاگردێن وی ب تنێ پرسیار ژێ كر: «بۆچی ئەم نەشیاین گیانێ پیس دەربئێخین؟» 29بەرسڤا وان دا: «ئەڤ توخمە ب چ تشتان دەرناكەڤن، ب تنێ ب نڤێژان نەبیت.»
عیسا جارەكا دی بەحسێ مرن و رابوونا خۆ دكەت
(مەتتا 17:22-23؛ لوقا 9:43-45)
30ژ وێرێ چوون و ژ دەڤەرا جەلیل دەرباز بوون و عیسای نەدڤیا كەس پێ بزانیت، 31چنكو وی شاگردێن خۆ فێر دكرن و دگۆتێ: «دێ كوڕێ مرۆڤ رادەستی مرۆڤان هێتە كرن و دێ وی كوژن و پشتی كوشتنا وی ل رۆژا سێیێ دێ رابیتەڤە.» 32لێ ئەو د ڤێ ئاخفتنێ نەگەهشتن و ترسیان پرسیارێ ژێ بكەن.
كیە یێ هەری مەزن؟
(مەتتا 18:1-5؛ لوقا 9:46-48)
33گەهشتنە كەفەرناحوم و دەمێ ب ژۆر كەفتین، پرسیار ژ وان كر: «هەوە ب رێكێ ڤە گەنگەشە ل سەر چ دكر؟» 34لێ ئەو بێدەنگ بوون، چنكو د رێكێ دا وان گەنگەشەیا هندێ دكر كا یێ هەری مەزن ژ وان كیە. 35روینشت و گازی هەر دوازدە شاگردێن خۆ كر و گۆتێ: «ئەگەر ئێكی ڤیا خۆ بكەتە یێ پێشیێ، بلا ل دویماهیا هەمیان بیت و خزمەتكارێ هەمیان بیت.» 36ئەوی زاڕۆكەك ئینا و د ناڤبەرا وان دا راوەستاند و هەمبێز كر و گۆتە وان: 37هەر كەسێ زاڕۆكەكێ وەكو ڤی ب ناڤێ من قەبیل بكەت، ئەوی ئەز قەبیل كرم و یێ من قەبیل بكەت، ئەوی نە ب تنێ ئەز قەبیل كرم، لێ ئەو ژی قەبیل كر یێ ئەز هنارتیم.
ئەوێ دژی مە نەبیت د گەل مە دایە
(لوقا 9:49-50)
38ئینا یوحەننای گۆتە وی: «مامۆستا، مە كەسەك دیت ب ناڤێ تە ئەجنە دەردئێخستن، لێ مە نەهێلا وی كاری بكەت، چنكو ئەو نە ژ مە بوو.» 39عیسای گۆت: «رێكێ لێ نەگرن، چنكو كەس نەشێت حنێران ب ناڤێ من بكەت و بشێت زوی ب زوی ب خرابی بەحسێ من بكەت، 40چنكو ئەوێ دژی مە نەبیت، د گەل مە دایە. 41هەر كەسێ پەرداغەكا ئاڤێ ب ناڤێ من بدەتە هەوە چنكو هوین یێن مەسیحن، ئەز ب راستی دبێژمە هەوە، خەلاتێ وی چ جاران بەرزە نابیت.»
هشیاركرن ژ گونەهان
(مەتتا 18:6-9؛ لوقا 17:1-2)
42«هەر كەسێ ببیتە ئەگەرێ هەلنگفتنا ئێك ژ ڤان بچویكێن باوەری ب من هەی، بۆ وی باشترە بەرئاشەك ب ستۆیێ وی ڤە بهێتە گرێدان و بهاڤێژنە د دەریایێ دا. 43ئەگەر دەستێ تە ببیتە ئەگەرێ هەلنگفتنا تە، ببڕە. باشترە تۆ دەست بڕی بچیە د ژیانێ#9:43 مەبەست پێ ژیانا هەروهەرە. دا، ژ كو تۆ یێ ب دوو دەستان بی و بچیە د دۆزەخێ#9:43 دۆزەخ: ل فەرهەنگۆكێ بنێڕە دا، د ناڤ ئاگرەكی دا، كو نەهێتە ڤەمراندن، 44ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت. 45ئەگەر پێیێ تە ببیتە ئەگەرێ هەلنگفتنا تە، ببڕە. باشترە تۆ لەنگ بچیە د ژیانێ دا، ژ كو تۆ یێ ب دوو پێیان بی و بۆ دۆزەخێ بهێیە هاڤێتن، 46ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت. 47ئەگەر چاڤێ تە ببیتە ئەگەرێ هەلنگفتنا تە، بینە دەر. باشترە تۆ یێ ب چاڤەكی بی و بچیە د پاشایەتیا خودێ دا، ژ كو تۆ یێ ب دوو چاڤان بی و بۆ دۆزەخێ بهێیە هاڤێتن، 48ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت.#9:48 ئیشایا 66:24 49چنكو هەر كەسەك ب ئاگری دهێتە خوێ كرن. 50خوێ یا باشە، لێ ئەگەر خوێ سویراتیا خۆ بەردا، دێ جارەكا دی ب چ سویر كەن؟ بلا خوێ د ناڤ هەوە دا هەبیت و ل گەل ئێكودوو د ئاشتیخواز بن#9:50 مەتتا 5:13 .»
Currently Selected:
مزگینیا مەرقۆسی 9: BHD
Highlight
Share
Copy
Want to have your highlights saved across all your devices? Sign up or sign in
All rights reserved.
مزگینیا مەرقۆسی 9
9
1گۆتە وان: «ب راستی دبێژمە هەوە: هندەك ژ ئەوێن ل ڤێرێ راوەستیاین، تاكو نەبینن پاشایەتیا خودێ ب هێز یا هاتی، تام ناكەنە مرنێ.»
مەزناهیا عیسای بۆ شاگردان دیار دبیت
(مەتتا 17:1-13؛ لوقا 9:28-36)
2پشتی شەش رۆژان، عیسای پەترۆس، یەعقوب و یوحەننا ل گەل خۆ برن و سەرئێخستنە چیایەكێ بلند، ل وێرێ ئەو ب تنێ بوون. دیمەنێ وی ل بەر چاڤێن وان هاتە گوهۆڕین 3و جلكێن وی سپی بوون و تەیسین، كو چ كەس ل سەر ئەردی نەشێن وەسا سپی بكەن. 4بۆ وان ئلیاس و مووسا دیار بوون كو یێ ل گەل عیسای دئاخڤن. 5پەترۆسی گۆتە عیسای: «مامۆستا، باش بوو ئەم ل ڤێرێ! ئەڤجا دا ئەم سێ كەپران چێكەین، ئێك بۆ تە، ئێك بۆ مووسای و ئێك بۆ ئلیاسی.» 6پەترۆسی نەدزانی كا چ دبێژیت، چنكو هەر سێ شاگرد د بەهتی بوون. 7پاشی عەورەك هات و سیبەر ل وان كر، دەنگەك ژ عەوری هات: «ئەڤەیە كوڕێ من یێ خۆشتڤی، گوهێ خۆ بدەنێ!» 8ژ نشكەكێ ڤە ل دۆر خۆ زڤڕین و ژبلی عیسای كەس ل گەل خۆ نەدیت.
9دەمێ ئەو ژ چیای دهاتنە خوارێ، عیسای فەرمان ل وان كر كو ئەو تشتێ وان دیتی نەبێژنە كەسێ، تاكو كوڕێ مرۆڤ ژ ناڤ مریان رانەبیت. 10وان پەیڤ د دلێ خۆ دا ژ بەر كر و پرسیار ژ ئێكودوو كر: «رابوون ژ ناڤ مریان چیە؟» 11و پرسیار ژێ كر: «بۆچی مامۆستایێن دەستووری دبێژن پێدڤیە ل بەراهیێ ئلیاس بهێت؟»#9:11 مەلاخی 4:5 12وی بەرسڤا وان دا: «راستە، ئلیاس دێ ل بەراهیێ هێت و هەمی تشتان رێك ئێخیتەڤە. پا چەوا دەربارەی كوڕێ مرۆڤ هاتیە نڤیسین كو ئەو دێ گەلەك ئازارێ كێشیت و هێتە كرێت كرن؟ 13لێ ئەز دبێژمە هەوە: ئلیاس یێ هاتی و وان چ تشتێ ڤیای ل گەل كر، كا چەوا دەربارەی وی هاتیە نڤیسین.»
عیسا زاڕۆكەكی ژ گیانێ پیس ساخ دكەت
(مەتتا 17:14-21؛ لوقا 9:37-43)
14دەمێ ڤەگەڕیاینە نك شاگردێن دی، دیت گەلەك یێ ل دۆران خڕڤەبووین و هندەك مامۆستایێن دەستووری گەنگەشە ل گەل دكر. 15چەوا خڕڤەبوویان ئەو دیت، گوهشین و كرنە غار و سڵاڤ لێ كر. 16عیسای پرسیار ژ وان كر: «هوین گەنگەشەیێ دەربارەی چ ل گەل دكەن؟» 17ئینا ئێك ژ خڕڤەبوویان بەرسڤا وی دا: «مامۆستا، من كوڕێ خۆ یێ ئینایە نك تە، گیانەكێ پیس یێ تێدا وی لال دكەت، 18ل هەر جهێ وی بهنگێڤیت تەپ دهێتێ و كەف ب سەر دەڤی دكەڤیت و ددانێن خۆ دقرچینیت و رەق دبیت. من داخواز ژ شاگردێن تە كر كو وی ژێ دەربئێخن، لێ نەشیان.» 19ئینا بەرسڤا وان دا و گۆت: «هەی نفشێ بێباوەر، تا كەنگی دێ د ناڤ هەوە دا مینم؟ تا كەنگی دێ بێهنا خۆ ل هەوە فرە‍‌ھ كەم؟ وی بیننە نك من.» 20ئینانە نك. دەمێ ئەو دیتی، ئێكسەر گیانێ پیس زاڕۆك ڤەهەژاند و كەفتە ئەردی و خۆ گەڤزاند و كەف ب سەر دەڤی كەفت. 21عیسای پرسیار ژ بابێ كوڕكی كر: «ئەڤە ژ كەنگی وەرە هۆ لێ دهێتە هە؟» گۆت: «ژ بچویكاتی وەرە. 22گەلەك جاران گیانێ پیس ئەو دهاڤێتە د ناڤ ئاگری یان ئاڤێ دا، داكو بكوژیت. ئەگەر تۆ دشێی تشتەكی بكەی، دلۆڤانیێ ب مە ببە و هاریكاریا مە بكە.» 23عیسای گۆتێ: «تە گۆت: ‹ئەگەر تۆ بشێی؟› هەمی تشت بۆ خودان باوەری یێ بەردەستە.» 24د ج‍‌ھ دا بابێ كوڕكی گازی كر: «من باوەریا هەی، هاریكاریا بێباوەریا من بكە!» 25دەمێ عیسای دیتی خەلك یێ دبەزنە نك و ل وێرێ خڕڤە دبن، ل گیانێ پیس حەیتاند و گۆتێ: «هەی گیانێ كەڕ و لال، ئەز فەرمانێ ل تە دكەم ژ كوڕكی دەركەڤە و ئێدی لێ نەزڤڕەڤە!» 26گیانێ پیس كرە هەوار و زاڕۆك ب هێز ڤەهەژاند، پاشی دەركەفت و زاڕۆك وەكو مریان لێ هات، تاكو بەهرا پتر ژ خڕڤەبوویان گۆتی: «مر.» 27لێ دەمێ عیسای دەستێ وی گرتی و راكریەڤە، ئەو رابووڤە. 28دەمێ چوویە مال، شاگردێن وی ب تنێ پرسیار ژێ كر: «بۆچی ئەم نەشیاین گیانێ پیس دەربئێخین؟» 29بەرسڤا وان دا: «ئەڤ توخمە ب چ تشتان دەرناكەڤن، ب تنێ ب نڤێژان نەبیت.»
عیسا جارەكا دی بەحسێ مرن و رابوونا خۆ دكەت
(مەتتا 17:22-23؛ لوقا 9:43-45)
30ژ وێرێ چوون و ژ دەڤەرا جەلیل دەرباز بوون و عیسای نەدڤیا كەس پێ بزانیت، 31چنكو وی شاگردێن خۆ فێر دكرن و دگۆتێ: «دێ كوڕێ مرۆڤ رادەستی مرۆڤان هێتە كرن و دێ وی كوژن و پشتی كوشتنا وی ل رۆژا سێیێ دێ رابیتەڤە.» 32لێ ئەو د ڤێ ئاخفتنێ نەگەهشتن و ترسیان پرسیارێ ژێ بكەن.
كیە یێ هەری مەزن؟
(مەتتا 18:1-5؛ لوقا 9:46-48)
33گەهشتنە كەفەرناحوم و دەمێ ب ژۆر كەفتین، پرسیار ژ وان كر: «هەوە ب رێكێ ڤە گەنگەشە ل سەر چ دكر؟» 34لێ ئەو بێدەنگ بوون، چنكو د رێكێ دا وان گەنگەشەیا هندێ دكر كا یێ هەری مەزن ژ وان كیە. 35روینشت و گازی هەر دوازدە شاگردێن خۆ كر و گۆتێ: «ئەگەر ئێكی ڤیا خۆ بكەتە یێ پێشیێ، بلا ل دویماهیا هەمیان بیت و خزمەتكارێ هەمیان بیت.» 36ئەوی زاڕۆكەك ئینا و د ناڤبەرا وان دا راوەستاند و هەمبێز كر و گۆتە وان: 37هەر كەسێ زاڕۆكەكێ وەكو ڤی ب ناڤێ من قەبیل بكەت، ئەوی ئەز قەبیل كرم و یێ من قەبیل بكەت، ئەوی نە ب تنێ ئەز قەبیل كرم، لێ ئەو ژی قەبیل كر یێ ئەز هنارتیم.
ئەوێ دژی مە نەبیت د گەل مە دایە
(لوقا 9:49-50)
38ئینا یوحەننای گۆتە وی: «مامۆستا، مە كەسەك دیت ب ناڤێ تە ئەجنە دەردئێخستن، لێ مە نەهێلا وی كاری بكەت، چنكو ئەو نە ژ مە بوو.» 39عیسای گۆت: «رێكێ لێ نەگرن، چنكو كەس نەشێت حنێران ب ناڤێ من بكەت و بشێت زوی ب زوی ب خرابی بەحسێ من بكەت، 40چنكو ئەوێ دژی مە نەبیت، د گەل مە دایە. 41هەر كەسێ پەرداغەكا ئاڤێ ب ناڤێ من بدەتە هەوە چنكو هوین یێن مەسیحن، ئەز ب راستی دبێژمە هەوە، خەلاتێ وی چ جاران بەرزە نابیت.»
هشیاركرن ژ گونەهان
(مەتتا 18:6-9؛ لوقا 17:1-2)
42«هەر كەسێ ببیتە ئەگەرێ هەلنگفتنا ئێك ژ ڤان بچویكێن باوەری ب من هەی، بۆ وی باشترە بەرئاشەك ب ستۆیێ وی ڤە بهێتە گرێدان و بهاڤێژنە د دەریایێ دا. 43ئەگەر دەستێ تە ببیتە ئەگەرێ هەلنگفتنا تە، ببڕە. باشترە تۆ دەست بڕی بچیە د ژیانێ#9:43 مەبەست پێ ژیانا هەروهەرە. دا، ژ كو تۆ یێ ب دوو دەستان بی و بچیە د دۆزەخێ#9:43 دۆزەخ: ل فەرهەنگۆكێ بنێڕە دا، د ناڤ ئاگرەكی دا، كو نەهێتە ڤەمراندن، 44ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت. 45ئەگەر پێیێ تە ببیتە ئەگەرێ هەلنگفتنا تە، ببڕە. باشترە تۆ لەنگ بچیە د ژیانێ دا، ژ كو تۆ یێ ب دوو پێیان بی و بۆ دۆزەخێ بهێیە هاڤێتن، 46ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت. 47ئەگەر چاڤێ تە ببیتە ئەگەرێ هەلنگفتنا تە، بینە دەر. باشترە تۆ یێ ب چاڤەكی بی و بچیە د پاشایەتیا خودێ دا، ژ كو تۆ یێ ب دوو چاڤان بی و بۆ دۆزەخێ بهێیە هاڤێتن، 48ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت.#9:48 ئیشایا 66:24 49چنكو هەر كەسەك ب ئاگری دهێتە خوێ كرن. 50خوێ یا باشە، لێ ئەگەر خوێ سویراتیا خۆ بەردا، دێ جارەكا دی ب چ سویر كەن؟ بلا خوێ د ناڤ هەوە دا هەبیت و ل گەل ئێكودوو د ئاشتیخواز بن#9:50 مەتتا 5:13 .»
Currently Selected:
:
Highlight
Share
Copy
Want to have your highlights saved across all your devices? Sign up or sign in
All rights reserved.