Jan 14
14
Jeju to ddəw kaw rɔ Bɔ tə̂
1Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ. 2Lo-to to nya mə kəy tə̂ lə Bɔmje. Baann ang a, mâ pa karəse. Mba, maw ta dda lo karəse. 3Bbo maw dda lo marəse a, mâ təl ddee kotose karə lo kə̂ mee tə̂ a, sese kara eeje tə̂ tɔ. 4Lo kə̂ maw maw kə tə̂ le ə-gərəje ddəw kə̂ ta kaw nɛ̂n tə̂.» 5Toma pa arɛ̂ nan: «Əbbə-dəwje, n-gərə lo kə̂ aw aw tə̂ le ang. A ja gərə ddəwe tokə baânn wa?» 6Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa. 7Bbo ə-gərəmje a, â gərəje Bɔmje tɔ. Bbasinɛn nəənn ə-gəreje ngaâ ooeje mban.» 8Pilipi pa arə Jeju nan: «Əbbə-dəwje, ə-tɔjuje Bɔ le, a yeenn njaa asə.» 9Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa? 10Oo məi tə̂ kə tar nəənn ang wa? Mee mə Bɔ tə̂ ngaâ Bɔ ee məm tə̂. Tarje kə̂ maw pa in rɔm tə̂ njaa ang. Bɔ kə̂ ee məm tə̂ â aw dda kulajeenn. 11Bbo m-pa nan, mee mə Bɔ tə̂ ngaâ Bɔ ee məm tə̂ a, maji karə ooje məse tə̂ kə tar ləm. Bbo ooje məse tə̂ səm ang kara ooje məse tə̂ mba nɛ̂nje kə̂ maw dda.
12«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂. 13Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn. 14Bbo ə-dujuje nɛ̂n kə rim a, mâ dda nɛ̂n le.»
Bɔ a kula kə Ndil-mə-nda
15«Bbo ə-ndikimje a, â ddaje nɛ̂n kə turu nduje ləm. 16Ngaâ, əman mâ duju Bɔ karə arəse marə Nje-kumanse kə̂ a nayn kə se kə ndɔ tɔyn. 17To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.
18«Mâ kinyase to ngann aalje ang, mâ təl ddee rɔse tə̂. 19Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ. 20Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.
21«Dəw kə̂ gərə nduje ləm ngaâ aw ngəm a, to dəw kə̂ ndikim. Dəw kə̂ ndikim a, Bɔmje a ndike. Əman kara mâ ndike ngaâ mâ tɔju rɔm karɛ̂.» 22Judə, kə̂ to dang kə Judas Iskariyotə duju Jeju nan: «Əbbə-dəwje, â tɔju rɔi karəje a kinya dəwje kə̂ duninya tə̂ tokə baânn wa?» 23Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂. 24Dəw kə̂ ndikim ang a, nâ dda nɛ̂n kə turu ndum ang. Tar kə̂ maw pa marəse nəənn in rɔm tə̂ ang. Tar le in rɔ Bɔ tə̂ kə̂ ulam. 25M-pa tar nəənn marəse kar tə̂ kə̂ m-nayn nɛ̂n kə se bbay. 26A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.
27«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm. 28M-pa marəse kete m-pa nan: Maw maw, a mâ təl ddee rɔse tə̂. Bbo ə-ndikimje a, â ddaje rɔ-nəəl mba maw maw kə rɔ Bɔ tə̂, mba Bɔ utam. 29M-pa nɛ̂njeenn marəse bbasinɛn, kete bba karə nɛ̂njeenn le teeje. Karə bbo nɛ̂njeenn le teeje a, ooje məse tə̂. 30Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang. 31A n̂-ddee bba karə dəwje kə̂ duninya tə̂ nəənn gərəje to m-ndiki Bɔ ngaâ maw dda nɛ̂n kə̂ Bɔ unn ndu arəm karə m-dda. Inje taar arə jɔtuje lo tə̂ nəənn.»
Currently Selected:
Jan 14: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA
Jan 14
14
Jeju to ddəw kaw rɔ Bɔ tə̂
1Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ. 2Lo-to to nya mə kəy tə̂ lə Bɔmje. Baann ang a, mâ pa karəse. Mba, maw ta dda lo karəse. 3Bbo maw dda lo marəse a, mâ təl ddee kotose karə lo kə̂ mee tə̂ a, sese kara eeje tə̂ tɔ. 4Lo kə̂ maw maw kə tə̂ le ə-gərəje ddəw kə̂ ta kaw nɛ̂n tə̂.» 5Toma pa arɛ̂ nan: «Əbbə-dəwje, n-gərə lo kə̂ aw aw tə̂ le ang. A ja gərə ddəwe tokə baânn wa?» 6Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa. 7Bbo ə-gərəmje a, â gərəje Bɔmje tɔ. Bbasinɛn nəənn ə-gəreje ngaâ ooeje mban.» 8Pilipi pa arə Jeju nan: «Əbbə-dəwje, ə-tɔjuje Bɔ le, a yeenn njaa asə.» 9Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa? 10Oo məi tə̂ kə tar nəənn ang wa? Mee mə Bɔ tə̂ ngaâ Bɔ ee məm tə̂. Tarje kə̂ maw pa in rɔm tə̂ njaa ang. Bɔ kə̂ ee məm tə̂ â aw dda kulajeenn. 11Bbo m-pa nan, mee mə Bɔ tə̂ ngaâ Bɔ ee məm tə̂ a, maji karə ooje məse tə̂ kə tar ləm. Bbo ooje məse tə̂ səm ang kara ooje məse tə̂ mba nɛ̂nje kə̂ maw dda.
12«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂. 13Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn. 14Bbo ə-dujuje nɛ̂n kə rim a, mâ dda nɛ̂n le.»
Bɔ a kula kə Ndil-mə-nda
15«Bbo ə-ndikimje a, â ddaje nɛ̂n kə turu nduje ləm. 16Ngaâ, əman mâ duju Bɔ karə arəse marə Nje-kumanse kə̂ a nayn kə se kə ndɔ tɔyn. 17To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.
18«Mâ kinyase to ngann aalje ang, mâ təl ddee rɔse tə̂. 19Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ. 20Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.
21«Dəw kə̂ gərə nduje ləm ngaâ aw ngəm a, to dəw kə̂ ndikim. Dəw kə̂ ndikim a, Bɔmje a ndike. Əman kara mâ ndike ngaâ mâ tɔju rɔm karɛ̂.» 22Judə, kə̂ to dang kə Judas Iskariyotə duju Jeju nan: «Əbbə-dəwje, â tɔju rɔi karəje a kinya dəwje kə̂ duninya tə̂ tokə baânn wa?» 23Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂. 24Dəw kə̂ ndikim ang a, nâ dda nɛ̂n kə turu ndum ang. Tar kə̂ maw pa marəse nəənn in rɔm tə̂ ang. Tar le in rɔ Bɔ tə̂ kə̂ ulam. 25M-pa tar nəənn marəse kar tə̂ kə̂ m-nayn nɛ̂n kə se bbay. 26A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.
27«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm. 28M-pa marəse kete m-pa nan: Maw maw, a mâ təl ddee rɔse tə̂. Bbo ə-ndikimje a, â ddaje rɔ-nəəl mba maw maw kə rɔ Bɔ tə̂, mba Bɔ utam. 29M-pa nɛ̂njeenn marəse bbasinɛn, kete bba karə nɛ̂njeenn le teeje. Karə bbo nɛ̂njeenn le teeje a, ooje məse tə̂. 30Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang. 31A n̂-ddee bba karə dəwje kə̂ duninya tə̂ nəənn gərəje to m-ndiki Bɔ ngaâ maw dda nɛ̂n kə̂ Bɔ unn ndu arəm karə m-dda. Inje taar arə jɔtuje lo tə̂ nəənn.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ACOTBA