Luku 19
19
Tar lə Jeju de kə Jase
1Jeju andə mə bbe tə̂ kə̂ Jeriko ngaâ aw riya mə bbe le. 2Marə dingaw kə̂ ria nan Jase ee mə bbe tə̂ənn le. N̂-to nje-kɔn dɔ njê-taaje narɛ lambo ddəm nje-nɛ̂n-kinga ddəm. 3Naw sangə ddəw ta koo Jeju le se n̂-to dəw kə̂ baânn wa? A ninga ddəw ta kooe ang, mba dəwje banyaje nya ngaâ n̂-to dəw-gɔju. 4Nayn ngɔru kete naw naal kakə sikɔmɔr ta koo Jeju le, mba Jeju a ta nday lo tə̂ənn. 5Jeju tee lo tə̂ənn le a, aa lo kə taar ngaâ pa arɛ̂ nan: «Jase, ə-ddisi kə tɔkɛ̂, mba to maji karə m-to mə kəy tə̂ ləi bbokənɛn.»
6Jase ddisi kə tɔkɛ̂ ngaâ taa Jeju kə kə̂y laa kə rɔ-nəəl. 7Dəwje tɔyn ooje baann a, nyuruje nan: «Naw to mə kəy tə̂ lə nje-nɛ̂n-dda kə̂ maji ang.»
8A Jase ar nɔn Əbbə-dəwje tə̂ pa arɛ̂ nan: «Oo, Əbbə-dəwje, maw kayn nɛ̂n-kingaje ləm dannâ maw kayn njê-ndooje. A bbo m-taa narɛ lə dəw kə ddəwe ang a, mâ təl nɛ̂n karɛ̂ asə gɔl sɔ.» 9Jeju pa arɛ̂ nan: «Bbokənɛn Lubba aji dəwje kə̂ kə̂y nəənn, mba Jase to ngonn lə Abaraham tɔ. 10Mba Ngonn lə dəw ddee ta sangə dəwje kə̂ naynje kə kɔrɔ̂ mba kajide.»
Gusu-tar dɔ njê-kulaje tə̂ kə̂ mota
11Dəwje kə̂ banya le naynje aw ooje tar lə Jeju le bbay a, n̂-pa marə gusu-tar narəde, mba nee ngɔsi kə Jerujalɛm ngaâ dəwje aw əjəje to dâ kooje kɔn-mbay lə Lubba bbasinɛn nəənn njaa. 12Yeenn le bba n̂-pa nan: «Marə dəw aw aw kə marə bbe tə̂ ddəw əw ta karə dula mbay dɔɛ̂ tə̂ bba ta təl. N̂-to dəw kə̂ njê kə̂ gəle tə̂ to dəwje kə̂ bo. 13Kete bba karə nɔtu a, n̂-bbar marə njê-kulaje laa dɔku ngaâ dəw kâra a, narɛ̂ kandə narɛ kə̂ kɔrɛ̂ bo nya. N̂-pa narəde nan: ‹Ə-labbəje nɛ̂n kə narɛ nəənn ndərəng ndɔ kə̂ mâ təl ddee.› 14A dəwje kə̂ bbeê laa ndikeje ang. Dulaje marə dəwje goe tə̂ darə aw paje nan: ‹N-ndiki karə dəw nəənn ddee to tɔkə mbay ləje ang.›
15«Dula mbay le dɔɛ̂ tə̂ ngaâ n̂-təl bbeê laa le. Nula n̂-bbar njê-kulaje laa kə̂ narəde kandə narɛ le, ta gərə se baânn â dəw kâra kâra inga dɔ marɛ̂ tə̂ wa? 16Nje-kula kə̂ dɔngɔr ddee ngaâ pa nan: ‹Əbbəmje, kandə narɛ ləi le uju marɛ̂ dɔku.› 17Əbbeeje le pa arɛ̂ nan: ‹Maji, nje-kula kə̂ maji! Mundai to ngonn mbay dɔ ngann bbeje tə̂ dɔku, mba nɛ̂n kə̂ tɛn kə̂ dari ə-dda nɛ̂n kula kə dɔgɔlɛ̂.› 18Nje-kula kə̂ to joo laa ddee ngaâ pa nan: ‹Əbbəmje kandə narɛ ləi uju marɛ̂ min.› 19Əbbeeje le pa arɛ̂ nan: ‹Əi kara mundai dɔ ngann bbeje tə̂ min tɔ.› 20Marɛ̂ ddee ngaâ pa nan: ‹Əbbəmje kandə narɛ ləi le â nəənn, m-tɔ kə ta-kubbu m-ngəm. 21M-bbəəli nya mba ə-to dəw kə̂ kətərə nya. Nɛ̂n kə̂ ila ang kara unn ddəm nɛ̂n kə̂ ə-dubbu ang kara uja kandɛ̂ ddəm.› 22Əbbeeje le pa arɛ̂ nan: ‹Nje-kula kə̂ maji ang, tar kə̂ tai tə̂ njaa mâ gangə nɛ̂n sariya dɔi tə̂. Ə-gərə to m-to dəw kə̂ kətərə nya. Nɛ̂n kə̂ mila ang kara munn ddəm nɛ̂n kə̂ m-dubbu ang kara muja kandɛ̂ ddəm. 23Yeenn a, mba ddi bba ila narɛ ləm le lo ngəm narɛ tə̂, ta bbo m-təl a, minga marə narɛ dɔɛ̂ tə̂ ang wa?› 24Goe tə̂ a, n̂-pa narə dəwje kə̂ arje lo tə̂ənn nan: ‹Ə-taaje kandə narɛ le jia tə̂ arəje ne kə̂ ninga kandə narɛ dɔku le.› 25Dəwje le paje nan: ‹Dəw kə̂ bo, ne ninga kandə narɛ dɔku mban.› 26A mbay le ila tə̂ nan: ‹M-pa marəse, dəw kə̂ nɛ̂n laa to a, dâ karɛ̂ marɛ̂ dɔɛ̂ tə̂, a dəw nɛ̂n laa goto, nɛ̂n laa njaa kara dâ taa jia tə̂ kə ddang. 27A njê-baanje ləm kə̂ ndikije karə mɔn dɔde ang le, ə-ddeeje kə de bbo ujaje gɔsude kəmʼm tə̂ nəənn.› » 28Jeju pa tar le baann ngaâ oso kete nɔn dəwje tə̂ kə̂ banya aw ər kə Jerujalɛm.
Jeju aw kə Jerujalɛm
29Jeju tee ngɔsi kə bbe kə̂ Betepaje kə Betani, ər kə dɔ ddingiri tə̂ kə̂ daw bbar nan ddingiri Olibəje a, nula njê-njaje goe tə̂ joo, 30n̂-pa nan: «Awje ngonn bbe tə̂ kə̂ nɔnse tə̂ yoonn. A ta teeje be a, â kingaje marə ngonn kororo kə̂ n̂-tɔɛ̂, dəw nayn isi dɔɛ̂ tə̂ ang bbay. Ə-tuteje ə-ddeeje saa nəənn. 31Bbo dəw dujuse nan: ‹Mba ddi bba ə-tuteje wa?› a, ilɛ̂je tə̂ nan: ‹Əbbə-dəwje le â duju kororo le.› »
32Njê kə̂ Jeju ulade le awje ngaâ ingaje nɛ̂nje le tokə n̂-pa narəde le. 33Daw tutuje ngonn kororo le a, njɛɛ̂je dujude nan: «Mba ddi bba aw tutuje ngonn kororo le wa?» 34Dilaje tə̂ nan: «Əbbə-dəwje le â duju karə jaw kə kororo le.» 35N̂-ddeeje kə ngonn kororo le darə Jeju. N̂-tilaje kubbuje ləde dɔ kororo tə̂ le darə Jeju aal. 36Ngonn kororo le aw nja kə Jeju a, dəwje aw tilaje kubbuje ləde dɔ ddəw tə̂. 37N̂-ddee ngɔsi kə Jerujalɛm kə ddəw kə̂ ta kin nɛ̂n dɔ ddingiri Olibəje tə̂ le ddisi a, rɔ njê-njaje goe tə̂ tɔyn kə̂ banya nəəlde ngaâ daw dɔsuje gaji Lubba kə taar mba nɛ̂n-mɔrije tɔyn kə̂ dooje le. 38N̂-paje nan: «Lubba bbar tar kə̂ maji dɔ tɔkə mbay tə̂ kə̂ ddee kə ri Əbbə-dəwje! Mə-wul-lɔm to mə dara tə̂, piti to loje tə̂ kə̂ ddutu dara tə̂ nu!»
39Marə Parijinyɛje kə̂ eeje horo dəwje tə̂ kə̂ banya le paje arə Jeju nan: «Nje-nɛ̂n-tɔju, ə-ndangə njê-njaje goi tə̂ arə dutuje tade.» 40Nilade tə̂ nan: «M-pa marəse, bbo dutu tade a, ərje â a kuruje əkii.»
Jeju nɔn mba Jerujalɛm
41Jeju ddee ngɔsi kə Jerujalɛm ngaâ oo bbe le a nɔn mbɛɛ̂. 42N̂-pa nan: «Jerujalɛm, bbo to əi njaa kara ə-gərə gusu kə̂ ta kinga nɛ̂n mə-wul-lɔm mə ndɔ tə̂ nəənn a, maji nya! A bbasinɛn nɛ̂ɛnn nɛ̂n le iya rɔɛ̂ arə asə ta koo ang. 43Mba marə ndɔje aw ddeeje kə̂ njê-baanje ləi a kila ndoko guku nɛ̂n dɔi, dâ kiri dɔi ngaâ dâ korei kə yo kə nɛ̂n. 44Dâ rii kə gɔlde, əi ddəm dəwje ləi ddəm ngaâ dâ kinyaje marə ər kâra karə nayn dɔ marɛ̂ tə̂ ang, mba Lubba ddee ta kumain kar tə̂ nəənn, a ə-gərə kar nəənn le ang.»
Jeju tubba njê-nɛ̂n-labbəje kəy-polo Lubba tə̂
45Jeju andə kəy-polo Lubba tə̂ aw tubba nje-nɛ̂n-labbəje 46ngaâ pa arəde nan: «Lubba pa Makəturu tə̂ laa nan: ‹Kəy ləm a to kəy duju Lubba. A sese ə-ddaje kəy le to lo kiya-rɔ lə njê-bbokoje wa?› »
47Naw tɔju nɛ̂n kə ndɔ tɔyn mə kəy-polo Lubba tə̂ le. Mbayje lə njê-poloje Lubba kə njê-gərəje-Ndu kə tɔkə dəwje aw sangəje ddəw ta tɔlɛ̂. 48A n̂-gərəje nɛ̂n kə̂ ta dda bba ta tɔlɛ̂ nɛ̂n ang, mba dəwje tɔyn aw tukaje mbide nya aw ooje nɛ̂n tar kə̂ tɛɛ̂ tə̂.
Currently Selected:
Luku 19: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA
Luku 19
19
Tar lə Jeju de kə Jase
1Jeju andə mə bbe tə̂ kə̂ Jeriko ngaâ aw riya mə bbe le. 2Marə dingaw kə̂ ria nan Jase ee mə bbe tə̂ənn le. N̂-to nje-kɔn dɔ njê-taaje narɛ lambo ddəm nje-nɛ̂n-kinga ddəm. 3Naw sangə ddəw ta koo Jeju le se n̂-to dəw kə̂ baânn wa? A ninga ddəw ta kooe ang, mba dəwje banyaje nya ngaâ n̂-to dəw-gɔju. 4Nayn ngɔru kete naw naal kakə sikɔmɔr ta koo Jeju le, mba Jeju a ta nday lo tə̂ənn. 5Jeju tee lo tə̂ənn le a, aa lo kə taar ngaâ pa arɛ̂ nan: «Jase, ə-ddisi kə tɔkɛ̂, mba to maji karə m-to mə kəy tə̂ ləi bbokənɛn.»
6Jase ddisi kə tɔkɛ̂ ngaâ taa Jeju kə kə̂y laa kə rɔ-nəəl. 7Dəwje tɔyn ooje baann a, nyuruje nan: «Naw to mə kəy tə̂ lə nje-nɛ̂n-dda kə̂ maji ang.»
8A Jase ar nɔn Əbbə-dəwje tə̂ pa arɛ̂ nan: «Oo, Əbbə-dəwje, maw kayn nɛ̂n-kingaje ləm dannâ maw kayn njê-ndooje. A bbo m-taa narɛ lə dəw kə ddəwe ang a, mâ təl nɛ̂n karɛ̂ asə gɔl sɔ.» 9Jeju pa arɛ̂ nan: «Bbokənɛn Lubba aji dəwje kə̂ kə̂y nəənn, mba Jase to ngonn lə Abaraham tɔ. 10Mba Ngonn lə dəw ddee ta sangə dəwje kə̂ naynje kə kɔrɔ̂ mba kajide.»
Gusu-tar dɔ njê-kulaje tə̂ kə̂ mota
11Dəwje kə̂ banya le naynje aw ooje tar lə Jeju le bbay a, n̂-pa marə gusu-tar narəde, mba nee ngɔsi kə Jerujalɛm ngaâ dəwje aw əjəje to dâ kooje kɔn-mbay lə Lubba bbasinɛn nəənn njaa. 12Yeenn le bba n̂-pa nan: «Marə dəw aw aw kə marə bbe tə̂ ddəw əw ta karə dula mbay dɔɛ̂ tə̂ bba ta təl. N̂-to dəw kə̂ njê kə̂ gəle tə̂ to dəwje kə̂ bo. 13Kete bba karə nɔtu a, n̂-bbar marə njê-kulaje laa dɔku ngaâ dəw kâra a, narɛ̂ kandə narɛ kə̂ kɔrɛ̂ bo nya. N̂-pa narəde nan: ‹Ə-labbəje nɛ̂n kə narɛ nəənn ndərəng ndɔ kə̂ mâ təl ddee.› 14A dəwje kə̂ bbeê laa ndikeje ang. Dulaje marə dəwje goe tə̂ darə aw paje nan: ‹N-ndiki karə dəw nəənn ddee to tɔkə mbay ləje ang.›
15«Dula mbay le dɔɛ̂ tə̂ ngaâ n̂-təl bbeê laa le. Nula n̂-bbar njê-kulaje laa kə̂ narəde kandə narɛ le, ta gərə se baânn â dəw kâra kâra inga dɔ marɛ̂ tə̂ wa? 16Nje-kula kə̂ dɔngɔr ddee ngaâ pa nan: ‹Əbbəmje, kandə narɛ ləi le uju marɛ̂ dɔku.› 17Əbbeeje le pa arɛ̂ nan: ‹Maji, nje-kula kə̂ maji! Mundai to ngonn mbay dɔ ngann bbeje tə̂ dɔku, mba nɛ̂n kə̂ tɛn kə̂ dari ə-dda nɛ̂n kula kə dɔgɔlɛ̂.› 18Nje-kula kə̂ to joo laa ddee ngaâ pa nan: ‹Əbbəmje kandə narɛ ləi uju marɛ̂ min.› 19Əbbeeje le pa arɛ̂ nan: ‹Əi kara mundai dɔ ngann bbeje tə̂ min tɔ.› 20Marɛ̂ ddee ngaâ pa nan: ‹Əbbəmje kandə narɛ ləi le â nəənn, m-tɔ kə ta-kubbu m-ngəm. 21M-bbəəli nya mba ə-to dəw kə̂ kətərə nya. Nɛ̂n kə̂ ila ang kara unn ddəm nɛ̂n kə̂ ə-dubbu ang kara uja kandɛ̂ ddəm.› 22Əbbeeje le pa arɛ̂ nan: ‹Nje-kula kə̂ maji ang, tar kə̂ tai tə̂ njaa mâ gangə nɛ̂n sariya dɔi tə̂. Ə-gərə to m-to dəw kə̂ kətərə nya. Nɛ̂n kə̂ mila ang kara munn ddəm nɛ̂n kə̂ m-dubbu ang kara muja kandɛ̂ ddəm. 23Yeenn a, mba ddi bba ila narɛ ləm le lo ngəm narɛ tə̂, ta bbo m-təl a, minga marə narɛ dɔɛ̂ tə̂ ang wa?› 24Goe tə̂ a, n̂-pa narə dəwje kə̂ arje lo tə̂ənn nan: ‹Ə-taaje kandə narɛ le jia tə̂ arəje ne kə̂ ninga kandə narɛ dɔku le.› 25Dəwje le paje nan: ‹Dəw kə̂ bo, ne ninga kandə narɛ dɔku mban.› 26A mbay le ila tə̂ nan: ‹M-pa marəse, dəw kə̂ nɛ̂n laa to a, dâ karɛ̂ marɛ̂ dɔɛ̂ tə̂, a dəw nɛ̂n laa goto, nɛ̂n laa njaa kara dâ taa jia tə̂ kə ddang. 27A njê-baanje ləm kə̂ ndikije karə mɔn dɔde ang le, ə-ddeeje kə de bbo ujaje gɔsude kəmʼm tə̂ nəənn.› » 28Jeju pa tar le baann ngaâ oso kete nɔn dəwje tə̂ kə̂ banya aw ər kə Jerujalɛm.
Jeju aw kə Jerujalɛm
29Jeju tee ngɔsi kə bbe kə̂ Betepaje kə Betani, ər kə dɔ ddingiri tə̂ kə̂ daw bbar nan ddingiri Olibəje a, nula njê-njaje goe tə̂ joo, 30n̂-pa nan: «Awje ngonn bbe tə̂ kə̂ nɔnse tə̂ yoonn. A ta teeje be a, â kingaje marə ngonn kororo kə̂ n̂-tɔɛ̂, dəw nayn isi dɔɛ̂ tə̂ ang bbay. Ə-tuteje ə-ddeeje saa nəənn. 31Bbo dəw dujuse nan: ‹Mba ddi bba ə-tuteje wa?› a, ilɛ̂je tə̂ nan: ‹Əbbə-dəwje le â duju kororo le.› »
32Njê kə̂ Jeju ulade le awje ngaâ ingaje nɛ̂nje le tokə n̂-pa narəde le. 33Daw tutuje ngonn kororo le a, njɛɛ̂je dujude nan: «Mba ddi bba aw tutuje ngonn kororo le wa?» 34Dilaje tə̂ nan: «Əbbə-dəwje le â duju karə jaw kə kororo le.» 35N̂-ddeeje kə ngonn kororo le darə Jeju. N̂-tilaje kubbuje ləde dɔ kororo tə̂ le darə Jeju aal. 36Ngonn kororo le aw nja kə Jeju a, dəwje aw tilaje kubbuje ləde dɔ ddəw tə̂. 37N̂-ddee ngɔsi kə Jerujalɛm kə ddəw kə̂ ta kin nɛ̂n dɔ ddingiri Olibəje tə̂ le ddisi a, rɔ njê-njaje goe tə̂ tɔyn kə̂ banya nəəlde ngaâ daw dɔsuje gaji Lubba kə taar mba nɛ̂n-mɔrije tɔyn kə̂ dooje le. 38N̂-paje nan: «Lubba bbar tar kə̂ maji dɔ tɔkə mbay tə̂ kə̂ ddee kə ri Əbbə-dəwje! Mə-wul-lɔm to mə dara tə̂, piti to loje tə̂ kə̂ ddutu dara tə̂ nu!»
39Marə Parijinyɛje kə̂ eeje horo dəwje tə̂ kə̂ banya le paje arə Jeju nan: «Nje-nɛ̂n-tɔju, ə-ndangə njê-njaje goi tə̂ arə dutuje tade.» 40Nilade tə̂ nan: «M-pa marəse, bbo dutu tade a, ərje â a kuruje əkii.»
Jeju nɔn mba Jerujalɛm
41Jeju ddee ngɔsi kə Jerujalɛm ngaâ oo bbe le a nɔn mbɛɛ̂. 42N̂-pa nan: «Jerujalɛm, bbo to əi njaa kara ə-gərə gusu kə̂ ta kinga nɛ̂n mə-wul-lɔm mə ndɔ tə̂ nəənn a, maji nya! A bbasinɛn nɛ̂ɛnn nɛ̂n le iya rɔɛ̂ arə asə ta koo ang. 43Mba marə ndɔje aw ddeeje kə̂ njê-baanje ləi a kila ndoko guku nɛ̂n dɔi, dâ kiri dɔi ngaâ dâ korei kə yo kə nɛ̂n. 44Dâ rii kə gɔlde, əi ddəm dəwje ləi ddəm ngaâ dâ kinyaje marə ər kâra karə nayn dɔ marɛ̂ tə̂ ang, mba Lubba ddee ta kumain kar tə̂ nəənn, a ə-gərə kar nəənn le ang.»
Jeju tubba njê-nɛ̂n-labbəje kəy-polo Lubba tə̂
45Jeju andə kəy-polo Lubba tə̂ aw tubba nje-nɛ̂n-labbəje 46ngaâ pa arəde nan: «Lubba pa Makəturu tə̂ laa nan: ‹Kəy ləm a to kəy duju Lubba. A sese ə-ddaje kəy le to lo kiya-rɔ lə njê-bbokoje wa?› »
47Naw tɔju nɛ̂n kə ndɔ tɔyn mə kəy-polo Lubba tə̂ le. Mbayje lə njê-poloje Lubba kə njê-gərəje-Ndu kə tɔkə dəwje aw sangəje ddəw ta tɔlɛ̂. 48A n̂-gərəje nɛ̂n kə̂ ta dda bba ta tɔlɛ̂ nɛ̂n ang, mba dəwje tɔyn aw tukaje mbide nya aw ooje nɛ̂n tar kə̂ tɛɛ̂ tə̂.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ACOTBA