Matiye 25
25
Gusu-tar dɔ ngann mandəje tə̂ dɔku
1«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n. 2Njê kə̂ min toje to mbəje, a kəseje kə̂ min toje to njê-kəm-karɛje. 3Mbeeje le otoje lambeje ləde, a awje kə ubbu mba kungu mə lambeje tə̂ le ang. 4A njê-kəm-karɛje le otoje lambeje ləde kə ubbu mə ngann kuje tə̂. 5Nje-taa dɛnɛ̂n le nayn ddee njangə ang bbay le a, bbi a ta tɔlde arə n̂-tibbije tɔyn. 6Kar kə̂ lo mɔngu a, marə dəw ila ko nan: ‹Nje-taa dɛnɛ̂n le aw ddee ngaa bbo! Ə-teeje, ə-tilaje kəmɛ̂ bbo!›
7«Yeenn ngaâ ngann mandəje le tɔyn ndolje ngaâ unnje kutu gɔl lambeje ləde. 8Mbeeje le dujuje njê kə̂ kəmde arɛ le nan: ‹Arəjeje ubbu ləse tɛn mba lambeje ləje a ta koy.› 9A njê kə̂ kəmde arɛ le ilade tə̂ nan: Ddəw goto, ubbu ləje a kasə lambeje ləje ddəm ləse ddəm ang. Awje bbeê lə dəwje kə̂ aw labbəje ubbu ta ə-ndokoje ləse. 10Kar tə̂ kə̂ dawje ta ndoko a, nje-taa dɛnɛ̂n le tee. Njê kə̂ gɔlje rɔde kete le andəje saa kəy kusu taa-naan tə̂ ngaâ dutu ta-kəy le. 11Goe tə̂ bba kəsə ngann mandəje le ddeeje ngaâ uruje əkii nan: ‹Bɔy kə̂ maji, bɔy kə̂ maji, ɔru ta-kəy arəje.› 12A nilade tə̂ nan: ‹Tɔkɔrɔ njaa m-pa marəse, m-gərəse ang.› »
13Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»
Gusu-tar dɔ njê-kulaje tə̂ mota
14«Tar Bbe-kɔn lə Lubba a to ddəw kâra baa kə tar lə marə dingaw kə̂ a ta kaw mba tə̂ a, bbar njê-kulaje laa ngaâ inya nɛ̂n-kingaje laa jide tə̂. 15Narə marə nje-kula kandə narɛ kɔr min. Narə marɛ̂ kɔr joo. A narə marɛ̂ kɔr kâra. Narə dəw kâra asə gue ngaâ naw mba tə̂ le. 16Dəw kə̂ inga kandə narɛ kɔr min le aw labbə nɛ̂n nɛ̂n ngaâ inga kandə narɛ kɔr min dɔɛ̂ tə̂ tɔ. 17Ne kə̂ ninga kɔr joo le naw dda tokə baann tɔ ngaâ ninga kɔr joo dɔɛ̂ tə̂ tɔ. 18A ne kə̂ ninga kɔr kâra le naw nuru buwa niya narɛ lə əbbeeje le məɛ tə̂. 19Ndɔ nya goe tə̂ a, əbbə-njê-kulaje le təl ddee ngaâ unn kutu dujude karə n̂-tɔjɛ̂ nɛ̂n kə̂ n̂-ddaje kə narɛ laa le. 20Ne kə̂ ninga kandə narɛ kɔr min le naw ddee kə marə kandə narɛ kɔr min kə̂ ninga dɔɛ̂ tə̂ le ngaâ n̂-pa nan: ‹Əbbəmje, arəm kandə narɛ kɔr min, a ye kə̂ kɔr min kə̂ minga dɔɛ̂ tə̂ â nəənn.› 21Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.› 22Ne kə̂ narɛ̂ kandə narɛ kɔr joo le n̂-ddee tɔ ngaâ n̂-pa nan: ‹Əbbəmje, arəm kandə narɛ kɔr joo, a ye kə̂ kɔr joo kə̂ minga dɔɛ̂ tə̂ â nəənn.› 23Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.› 24Gode tə̂ tɔyn a, ne kə̂ ninga kandə narɛ kɔr kâra le n̂-ddee ngaâ n̂-pa nan: ‹Əbbəmje, m-gərə to ə-to dəw kə̂ kətərə. Lo kə̂ ə-dubbu nɛ̂n tə̂ ang kara, aw uja nɛ̂n tə̂. Lo kə̂ ə-tila kandə-ko tə̂ ang kara, aw uja kandə-ko tə̂. 25M-bbəəl arə maw miya kandə narɛ ləi le mə buwa tə̂. Ye â nəənn, ə-taa.› 26Əbbeeje le ilɛ̂ tə̂ nan: ‹Nje-kula kə̂ maji ang, nje-dabbə. Ə-gərə to lo kə̂ m-dubbu nɛ̂n tə̂ ang kara maw muja nɛ̂n tə̂. Lo kə̂ m-tila kandə-ko tə̂ ang kara, maw muja kandə-ko tə̂. 27Bbo baann a, mba ddi bba ila narɛ ləm le lo ngəm narɛ tə̂, ta bbo m-təl a, minga narɛ ləm le ddəm marə narɛ dɔɛ̂ tə̂ ddəm ang wa? 28Ə-taaje kandə narɛ kə̂ kɔr kâra le jia tə̂ arəje nje-kula kə̂ ee kə kandə narɛ doro kâra le. 29Mba dəw kə̂ nɛ̂n laa to a, dâ kila marɛ̂ dɔɛ̂ tə̂ karɛ̂ karə nɛ̂n-kinga laa banya. A dəw kə̂ nɛ̂n laa goto, nɛ̂n laa njaa kara dâ taa jia tə̂. 30A ne nje-kula kə̂ kari baa nəənn le, ilɛ̂je ddaka lo tə̂ kə̂ ndul, lo tə̂ kə̂ dəwje aw nɔnje ngaâ aw ngəərje ngangəde tə̂.› »
Sariya kə̂ ddutu ndɔ tə̂
31«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti. 32Dəwje tɔyn kə̂ dɔ nangə tə̂ a mbɔnje naan nɔɛ̂n tə̂ ngaâ nâ kayn horo dəwje tokə nje-nɛ̂n-kuul aw kayn horo batəje kə binyaje. 33Nâ kungu batəje dɔ ji-kɔlɛ̂ tə̂, a nâ kungu binyaje dɔ ji-gəle tə̂. 34Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le. 35Mba bbo ddam a, arəmje nɛ̂n musa. Kunda ɔnʼm a, arəmje maann may. M-to nje-mba a, ə-taamje kə kə̂y. 36Kubbu goto rɔm tə̂ a, arəmje kubbu mula. Rɔm tom a, ə-ddee oomje. M-to kəy-kula tə̂ a, ə-ddeeje oomje.› 37Yeenn ngaâ dəwje kə̂ gatə gatə le a kilɛ̂je tə̂ nan: ‹Əbbə-dəwje, ndɔ kə̂ dda bba bbo ddai bba jooi ngaâ jari nɛ̂n-kusa wase kunda ɔin bba jari maann ay wa? 38Ndɔ kə̂ dda bba ə-to nje-mba bba jooi ngaâ n-taai kə kə̂y wase kubbu goto rɔi tə̂ bba jari kubbu ula wa? 39Ndɔ kə̂ dda bba rɔi toi wase ə-to kəy-kula tə̂ bba n-ddee jooi wa?› 40Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›
41«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa. 42Mba bbo ddam, a arəmje nɛ̂n-kusa ang. Kunda ɔnʼm, a arəmje maann may ang. 43M-to nje-mba, a ə-taamje kə kə̂y ang. Kubbu goto rɔm tə̂, a arəmje kubbu ang. Rɔm tom, a ə-ddeeje oomje ang ddəm m-to kəy-kula tə̂, a ə-ddeeje oomje ang ddəm.› 44Yeenn ngaâ dâ kilɛ̂je tə̂ nan: ‹Əbbəjeje! Ndɔ kə̂ dda bba bbo ddai, kunda ɔin, ə-to nje-mba, kubbu goto rɔi tə̂, rɔi toi wase ə-to kəy-kula tə̂ bba jumain ang wa?› 45A nâ kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ngakɔm kə̂ toje to dəwje kə̂ tɛn nəənn, ə-ddaje nɛ̂njeenn le kə marɛ̂ ang a, yeenn to əman â ə-ddaje səm ang.› 46Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»
Currently Selected:
Matiye 25: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA
Matiye 25
25
Gusu-tar dɔ ngann mandəje tə̂ dɔku
1«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n. 2Njê kə̂ min toje to mbəje, a kəseje kə̂ min toje to njê-kəm-karɛje. 3Mbeeje le otoje lambeje ləde, a awje kə ubbu mba kungu mə lambeje tə̂ le ang. 4A njê-kəm-karɛje le otoje lambeje ləde kə ubbu mə ngann kuje tə̂. 5Nje-taa dɛnɛ̂n le nayn ddee njangə ang bbay le a, bbi a ta tɔlde arə n̂-tibbije tɔyn. 6Kar kə̂ lo mɔngu a, marə dəw ila ko nan: ‹Nje-taa dɛnɛ̂n le aw ddee ngaa bbo! Ə-teeje, ə-tilaje kəmɛ̂ bbo!›
7«Yeenn ngaâ ngann mandəje le tɔyn ndolje ngaâ unnje kutu gɔl lambeje ləde. 8Mbeeje le dujuje njê kə̂ kəmde arɛ le nan: ‹Arəjeje ubbu ləse tɛn mba lambeje ləje a ta koy.› 9A njê kə̂ kəmde arɛ le ilade tə̂ nan: Ddəw goto, ubbu ləje a kasə lambeje ləje ddəm ləse ddəm ang. Awje bbeê lə dəwje kə̂ aw labbəje ubbu ta ə-ndokoje ləse. 10Kar tə̂ kə̂ dawje ta ndoko a, nje-taa dɛnɛ̂n le tee. Njê kə̂ gɔlje rɔde kete le andəje saa kəy kusu taa-naan tə̂ ngaâ dutu ta-kəy le. 11Goe tə̂ bba kəsə ngann mandəje le ddeeje ngaâ uruje əkii nan: ‹Bɔy kə̂ maji, bɔy kə̂ maji, ɔru ta-kəy arəje.› 12A nilade tə̂ nan: ‹Tɔkɔrɔ njaa m-pa marəse, m-gərəse ang.› »
13Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»
Gusu-tar dɔ njê-kulaje tə̂ mota
14«Tar Bbe-kɔn lə Lubba a to ddəw kâra baa kə tar lə marə dingaw kə̂ a ta kaw mba tə̂ a, bbar njê-kulaje laa ngaâ inya nɛ̂n-kingaje laa jide tə̂. 15Narə marə nje-kula kandə narɛ kɔr min. Narə marɛ̂ kɔr joo. A narə marɛ̂ kɔr kâra. Narə dəw kâra asə gue ngaâ naw mba tə̂ le. 16Dəw kə̂ inga kandə narɛ kɔr min le aw labbə nɛ̂n nɛ̂n ngaâ inga kandə narɛ kɔr min dɔɛ̂ tə̂ tɔ. 17Ne kə̂ ninga kɔr joo le naw dda tokə baann tɔ ngaâ ninga kɔr joo dɔɛ̂ tə̂ tɔ. 18A ne kə̂ ninga kɔr kâra le naw nuru buwa niya narɛ lə əbbeeje le məɛ tə̂. 19Ndɔ nya goe tə̂ a, əbbə-njê-kulaje le təl ddee ngaâ unn kutu dujude karə n̂-tɔjɛ̂ nɛ̂n kə̂ n̂-ddaje kə narɛ laa le. 20Ne kə̂ ninga kandə narɛ kɔr min le naw ddee kə marə kandə narɛ kɔr min kə̂ ninga dɔɛ̂ tə̂ le ngaâ n̂-pa nan: ‹Əbbəmje, arəm kandə narɛ kɔr min, a ye kə̂ kɔr min kə̂ minga dɔɛ̂ tə̂ â nəənn.› 21Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.› 22Ne kə̂ narɛ̂ kandə narɛ kɔr joo le n̂-ddee tɔ ngaâ n̂-pa nan: ‹Əbbəmje, arəm kandə narɛ kɔr joo, a ye kə̂ kɔr joo kə̂ minga dɔɛ̂ tə̂ â nəənn.› 23Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.› 24Gode tə̂ tɔyn a, ne kə̂ ninga kandə narɛ kɔr kâra le n̂-ddee ngaâ n̂-pa nan: ‹Əbbəmje, m-gərə to ə-to dəw kə̂ kətərə. Lo kə̂ ə-dubbu nɛ̂n tə̂ ang kara, aw uja nɛ̂n tə̂. Lo kə̂ ə-tila kandə-ko tə̂ ang kara, aw uja kandə-ko tə̂. 25M-bbəəl arə maw miya kandə narɛ ləi le mə buwa tə̂. Ye â nəənn, ə-taa.› 26Əbbeeje le ilɛ̂ tə̂ nan: ‹Nje-kula kə̂ maji ang, nje-dabbə. Ə-gərə to lo kə̂ m-dubbu nɛ̂n tə̂ ang kara maw muja nɛ̂n tə̂. Lo kə̂ m-tila kandə-ko tə̂ ang kara, maw muja kandə-ko tə̂. 27Bbo baann a, mba ddi bba ila narɛ ləm le lo ngəm narɛ tə̂, ta bbo m-təl a, minga narɛ ləm le ddəm marə narɛ dɔɛ̂ tə̂ ddəm ang wa? 28Ə-taaje kandə narɛ kə̂ kɔr kâra le jia tə̂ arəje nje-kula kə̂ ee kə kandə narɛ doro kâra le. 29Mba dəw kə̂ nɛ̂n laa to a, dâ kila marɛ̂ dɔɛ̂ tə̂ karɛ̂ karə nɛ̂n-kinga laa banya. A dəw kə̂ nɛ̂n laa goto, nɛ̂n laa njaa kara dâ taa jia tə̂. 30A ne nje-kula kə̂ kari baa nəənn le, ilɛ̂je ddaka lo tə̂ kə̂ ndul, lo tə̂ kə̂ dəwje aw nɔnje ngaâ aw ngəərje ngangəde tə̂.› »
Sariya kə̂ ddutu ndɔ tə̂
31«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti. 32Dəwje tɔyn kə̂ dɔ nangə tə̂ a mbɔnje naan nɔɛ̂n tə̂ ngaâ nâ kayn horo dəwje tokə nje-nɛ̂n-kuul aw kayn horo batəje kə binyaje. 33Nâ kungu batəje dɔ ji-kɔlɛ̂ tə̂, a nâ kungu binyaje dɔ ji-gəle tə̂. 34Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le. 35Mba bbo ddam a, arəmje nɛ̂n musa. Kunda ɔnʼm a, arəmje maann may. M-to nje-mba a, ə-taamje kə kə̂y. 36Kubbu goto rɔm tə̂ a, arəmje kubbu mula. Rɔm tom a, ə-ddee oomje. M-to kəy-kula tə̂ a, ə-ddeeje oomje.› 37Yeenn ngaâ dəwje kə̂ gatə gatə le a kilɛ̂je tə̂ nan: ‹Əbbə-dəwje, ndɔ kə̂ dda bba bbo ddai bba jooi ngaâ jari nɛ̂n-kusa wase kunda ɔin bba jari maann ay wa? 38Ndɔ kə̂ dda bba ə-to nje-mba bba jooi ngaâ n-taai kə kə̂y wase kubbu goto rɔi tə̂ bba jari kubbu ula wa? 39Ndɔ kə̂ dda bba rɔi toi wase ə-to kəy-kula tə̂ bba n-ddee jooi wa?› 40Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›
41«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa. 42Mba bbo ddam, a arəmje nɛ̂n-kusa ang. Kunda ɔnʼm, a arəmje maann may ang. 43M-to nje-mba, a ə-taamje kə kə̂y ang. Kubbu goto rɔm tə̂, a arəmje kubbu ang. Rɔm tom, a ə-ddeeje oomje ang ddəm m-to kəy-kula tə̂, a ə-ddeeje oomje ang ddəm.› 44Yeenn ngaâ dâ kilɛ̂je tə̂ nan: ‹Əbbəjeje! Ndɔ kə̂ dda bba bbo ddai, kunda ɔin, ə-to nje-mba, kubbu goto rɔi tə̂, rɔi toi wase ə-to kəy-kula tə̂ bba jumain ang wa?› 45A nâ kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ngakɔm kə̂ toje to dəwje kə̂ tɛn nəənn, ə-ddaje nɛ̂njeenn le kə marɛ̂ ang a, yeenn to əman â ə-ddaje səm ang.› 46Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ACOTBA