Matiye 8
8
Jeju aji marə nje-banji
1Jeju in dɔ ddingiri tə̂ le ddisi a, dəwje kə̂ banya unnje goe. 2A ta koo a, marə nje-banji ddee ngɔsi saa, ɔsu məkəjə-gɔlɛ̂ nɔɛ̂n tə̂ ngaâ pa arɛ̂ nan: «Əbbə-dəwje, bbo ə-ndiki â, a kasə ta dda karə rɔm ddee maji#8:2 Banji to marə rɔ-to kə̂ aw dda arə dəw ddee to nɛ̂n-yərəw kəm Lubba tə̂ ddəm nasə kaw kəy-polo Lubba tə̂ ang ddəm..» 3Jeju ula jia ɔru nɛ̂n nje-banji le ngaâ pa nan: «M-ndiki tə̂, maji karə rɔi ddee maji.» Njangə baa njaa a, banji le goto rɔɛ̂ tə̂ ngaâ rɔɛ̂ ddee maji. 4Jeju pa arɛ̂ nan: «Oo kə majɛ̂, ə-pa tarɛ̂ arə dəw ang. A, aw tɔju rɔi arə nje-polo Lubba, ta arə nɛ̂n-polo kə̂ Ndu lə Mɔyijə pa le, mba kɔru nɛ̂n naji ləi karəde.»
Jeju aji nje-kula lə baw-ddɔ kə̂ Rɔm
5Kar tə̂ kə̂ Jeju a ta tee Kapɛrnawum a, marə baw-ddɔ kə̂ Rɔm ddee ngɔsi saa, duje karə numɛ̂n. 6Baw-ddɔ le pa nan: «Əbbə-dəwje, nje-kula ləm to kə̂y, dəbbə rɔɛ̂ oy arə naw noo ndoo nya.» 7Jeju pa arɛ̂ nan: «Mâ kaw kajɛ̂.» 8A baw-ddɔ le ilɛ̂ tə̂ nan: «Əbbə-dəwje, masə karə andə kə̂y ləm ang. Tar njaa ə-pa kâra a, nje-kula ləm le a kaji. 9Mba əman, marə dəw aw ɔn dɔm ngaâ mɔn dɔ marə mbambaje tɔ. Bbo munn ndu marə marɛ̂ m-pa nan: ‹Aw!› A naw. Bbo munn ndu marə marɛ̂ m-pa nan: ‹Ə-ddee!› A n̂-ddee. Munn ndu marə nje-kula ləm m-pa nan: ‹Ə-dda nɛ̂n kə̂ be!› A n̂-dda.»
10 Jeju oo tar lə baw-ddɔ le baann a, tar le nəəle nya ngaâ n̂-pa narə dəwje kə̂ unnje goe nan: «M-pa tar kə̂ tɔkɔrɔ marəse, nangə tə̂ kə̂ Ijarayɛl tɔyn, m-nayn minga marə mə-kunn kə̂ be ang. 11M-pa marəse: Dəwje nya a kinje kəm kar tə̂ kə lo kə̂ kar aw andə tə̂ ta dâ kisi ta nɛ̂n-kusa tə̂ kə Abaraham, Ijakə kə Jakobbo mə Bbe-kɔn tə̂ kə̂ darâ. 12A dede kə̂ Bbe-kɔn le to ləde le, dâ kungude ddaka lo tə̂ kə̂ ndul ngaâ lo tə̂ənn le, dâ nɔnje ddəm dâ ngəərje ngangəde ddəm.»
13Goe tə̂ a, Jeju pa arə baw-ddɔ le nan: «Ə-təl aw bbeê ləi. Nɛ̂n kə̂ ə-duju le, â kinga asə kəm mə-kunn ləi.» A kar tə̂ənn njaa, rɔ-to goto rɔ nje-kula tə̂ lə baw-ddɔ le.
Jeju aji njê-rɔ-toje
14 Jeju andə kə̂y lə Piyɛr a, noo mum Piyɛrje kə̂ dɛnɛ̂n kə̂ to kə̂y kə rɔ-to. Rɔɛ̂ tunga nya. 15Jeju ɔru ji dɛnɛ̂n le kə jia ngaâ rɔɛ̂ kə̂ tunga le wul. Dɛnɛ̂n le in taar ngaâ unn kutu karɛ̂ nɛ̂n-kusa.
16Lo-kul a, n̂-ddee kə dəwje nya nya kə̂ ndilje kə̂ maji ang toje məde tə̂ rɔ Jeju tə̂. Tar kə̂ ta Jeju tə̂ njaa tubba nɛ̂n ndilje kə̂ maji ang le ngaâ aji njê-rɔ-toje le tɔyn. 17N̂-dda baann bba karə tar lə Ejayi kə̂ to nje-kila mbər tar lə Lubba#8:17 Ejayi 53:4 le ddee to tar kə̂ tɔkɔrɔ. Tar le nan:
«Nɔru naməje ləje kə ddang
ngaâ n̂-taa rɔ-toje ləje kə dɔɛ̂ tə̂.»
Dəwje kə̂ ndikije ta kunn go Jeju
18 Jeju oo dəwje kə̂ banya kə̂ gukeje le a, n̂-pa narə njê-njaje goe tə̂ karə dawje tura tɔkə dangə maann tə̂. 19A marə nje-gərə-Ndu ddee pa arɛ̂ nan: «Nje-nɛ̂n-tɔju, lo tɔyn kə̂ â kaw tə̂, mâ kunn goi.» 20Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»
21Marə nje-nja goe tə̂ pa arɛ̂ nan: «Nje-nɛ̂n-tɔju, inya arə maw dubbu bɔmje bba.» 22Jeju ilɛ̂ tə̂ nan: «Unn gom ta inya yoje arə dubbuje yoje ləde.»
Jeju ndangə bamburanbo arə əw rɔɛ̂
23Jeju aal tɔkə to ngaâ njê-njaje goe tə̂ ɔruje goe. 24A ta koo a, bamburanbo in dɔ tɔkə dangə maann tə̂ le. Maann le aw ləngə ungu mə tɔkə to tə̂ le arə nayn ngɔsi ta ddusu, a Jeju aw tibbi. 25Njê-njaje goe tə̂ awje ngɔsi saa aw ndoleje ngaâ paje arɛ̂je nan: «Əbbə-dəwje, ajije! Ja nayn!» 26Jeju ilade tə̂ nan: «Mba ddi bba bbəəl uta dɔse wa? See njê kə̂ mə-kunn ləse ngaji baa.» Yeenn ngaâ nin taar, n̂-ndangə ləl le ddəm maann le ddəm ngaâ lo təl to ddekeke. 27Dede tɔyn njaa məde unda dɔ binya ngaâ n̂-paje nan: «Dəw nəənn to dəw ddi bba ləl kə maann kara ooje tɛɛ̂ nəənn wa?»
Jeju tubba ndilje kə̂ maji ang rɔ dingawje tə̂ joo
28Jeju tee tura dangə maann tə̂, nangə tə̂ kə̂ Gadara a, dingawje joo inje dɔbarəje tə̂ tilaje kəmɛ̂. Ndilje kə̂ maji ang isije məde tə̂. N̂-ddaje singa nya arə dəw kâra ndiki ta nday kə ddəw kə̂ dɔbarəje tə̂ le ang. 29Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»
30Ngɔsi lo tə̂ənn le, kusu bərəje kə̂ banya aw usaje nɛ̂n. 31Ndilje kə̂ maji ang le ddaje rɔde to ndoo rɔ Jeju tə̂ nan: «Bbo a ta tubbaje a, ulaje mə bərəje tə̂ toonn.» 32Jeju pa arəde nan: «Awje!» Ndilje kə̂ maji ang le teeje mə dingawje tə̂ le aw andəje mə bərəje tə̂ le. A, a ta koo a, kusu bərəje le tɔyn inje dɔ kongo tə̂ kə̂ ndəw tosoje mə dangə maann tə̂ le oyje mə maann tə̂ le tɔyn.
33Njê kə̂ aw ngəmje bərəje le aynje aw paje tar nɛ̂n kə̂ to le kə tar nɛ̂n kə̂ inga dingawje kə̂ joo kə̂ ndilje kə̂ maji ang toje məde tə̂ le tɔyn arə dəwje kə̂ tɔkə bbe tə̂ le kə ngann bbeje tə̂. 34Yeenn ngaâ dəwje tɔyn kə̂ mə tɔkə bbe tə̂ le teeje aw tilaje kəm Jeju le. Koo kə̂ dooeje a, n̂-ddaje rɔde to ndoo rɔɛ̂ tə̂ karə nɔtu nangə tə̂ ləde kə ddang.
Currently Selected:
Matiye 8: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA
Matiye 8
8
Jeju aji marə nje-banji
1Jeju in dɔ ddingiri tə̂ le ddisi a, dəwje kə̂ banya unnje goe. 2A ta koo a, marə nje-banji ddee ngɔsi saa, ɔsu məkəjə-gɔlɛ̂ nɔɛ̂n tə̂ ngaâ pa arɛ̂ nan: «Əbbə-dəwje, bbo ə-ndiki â, a kasə ta dda karə rɔm ddee maji#8:2 Banji to marə rɔ-to kə̂ aw dda arə dəw ddee to nɛ̂n-yərəw kəm Lubba tə̂ ddəm nasə kaw kəy-polo Lubba tə̂ ang ddəm..» 3Jeju ula jia ɔru nɛ̂n nje-banji le ngaâ pa nan: «M-ndiki tə̂, maji karə rɔi ddee maji.» Njangə baa njaa a, banji le goto rɔɛ̂ tə̂ ngaâ rɔɛ̂ ddee maji. 4Jeju pa arɛ̂ nan: «Oo kə majɛ̂, ə-pa tarɛ̂ arə dəw ang. A, aw tɔju rɔi arə nje-polo Lubba, ta arə nɛ̂n-polo kə̂ Ndu lə Mɔyijə pa le, mba kɔru nɛ̂n naji ləi karəde.»
Jeju aji nje-kula lə baw-ddɔ kə̂ Rɔm
5Kar tə̂ kə̂ Jeju a ta tee Kapɛrnawum a, marə baw-ddɔ kə̂ Rɔm ddee ngɔsi saa, duje karə numɛ̂n. 6Baw-ddɔ le pa nan: «Əbbə-dəwje, nje-kula ləm to kə̂y, dəbbə rɔɛ̂ oy arə naw noo ndoo nya.» 7Jeju pa arɛ̂ nan: «Mâ kaw kajɛ̂.» 8A baw-ddɔ le ilɛ̂ tə̂ nan: «Əbbə-dəwje, masə karə andə kə̂y ləm ang. Tar njaa ə-pa kâra a, nje-kula ləm le a kaji. 9Mba əman, marə dəw aw ɔn dɔm ngaâ mɔn dɔ marə mbambaje tɔ. Bbo munn ndu marə marɛ̂ m-pa nan: ‹Aw!› A naw. Bbo munn ndu marə marɛ̂ m-pa nan: ‹Ə-ddee!› A n̂-ddee. Munn ndu marə nje-kula ləm m-pa nan: ‹Ə-dda nɛ̂n kə̂ be!› A n̂-dda.»
10 Jeju oo tar lə baw-ddɔ le baann a, tar le nəəle nya ngaâ n̂-pa narə dəwje kə̂ unnje goe nan: «M-pa tar kə̂ tɔkɔrɔ marəse, nangə tə̂ kə̂ Ijarayɛl tɔyn, m-nayn minga marə mə-kunn kə̂ be ang. 11M-pa marəse: Dəwje nya a kinje kəm kar tə̂ kə lo kə̂ kar aw andə tə̂ ta dâ kisi ta nɛ̂n-kusa tə̂ kə Abaraham, Ijakə kə Jakobbo mə Bbe-kɔn tə̂ kə̂ darâ. 12A dede kə̂ Bbe-kɔn le to ləde le, dâ kungude ddaka lo tə̂ kə̂ ndul ngaâ lo tə̂ənn le, dâ nɔnje ddəm dâ ngəərje ngangəde ddəm.»
13Goe tə̂ a, Jeju pa arə baw-ddɔ le nan: «Ə-təl aw bbeê ləi. Nɛ̂n kə̂ ə-duju le, â kinga asə kəm mə-kunn ləi.» A kar tə̂ənn njaa, rɔ-to goto rɔ nje-kula tə̂ lə baw-ddɔ le.
Jeju aji njê-rɔ-toje
14 Jeju andə kə̂y lə Piyɛr a, noo mum Piyɛrje kə̂ dɛnɛ̂n kə̂ to kə̂y kə rɔ-to. Rɔɛ̂ tunga nya. 15Jeju ɔru ji dɛnɛ̂n le kə jia ngaâ rɔɛ̂ kə̂ tunga le wul. Dɛnɛ̂n le in taar ngaâ unn kutu karɛ̂ nɛ̂n-kusa.
16Lo-kul a, n̂-ddee kə dəwje nya nya kə̂ ndilje kə̂ maji ang toje məde tə̂ rɔ Jeju tə̂. Tar kə̂ ta Jeju tə̂ njaa tubba nɛ̂n ndilje kə̂ maji ang le ngaâ aji njê-rɔ-toje le tɔyn. 17N̂-dda baann bba karə tar lə Ejayi kə̂ to nje-kila mbər tar lə Lubba#8:17 Ejayi 53:4 le ddee to tar kə̂ tɔkɔrɔ. Tar le nan:
«Nɔru naməje ləje kə ddang
ngaâ n̂-taa rɔ-toje ləje kə dɔɛ̂ tə̂.»
Dəwje kə̂ ndikije ta kunn go Jeju
18 Jeju oo dəwje kə̂ banya kə̂ gukeje le a, n̂-pa narə njê-njaje goe tə̂ karə dawje tura tɔkə dangə maann tə̂. 19A marə nje-gərə-Ndu ddee pa arɛ̂ nan: «Nje-nɛ̂n-tɔju, lo tɔyn kə̂ â kaw tə̂, mâ kunn goi.» 20Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»
21Marə nje-nja goe tə̂ pa arɛ̂ nan: «Nje-nɛ̂n-tɔju, inya arə maw dubbu bɔmje bba.» 22Jeju ilɛ̂ tə̂ nan: «Unn gom ta inya yoje arə dubbuje yoje ləde.»
Jeju ndangə bamburanbo arə əw rɔɛ̂
23Jeju aal tɔkə to ngaâ njê-njaje goe tə̂ ɔruje goe. 24A ta koo a, bamburanbo in dɔ tɔkə dangə maann tə̂ le. Maann le aw ləngə ungu mə tɔkə to tə̂ le arə nayn ngɔsi ta ddusu, a Jeju aw tibbi. 25Njê-njaje goe tə̂ awje ngɔsi saa aw ndoleje ngaâ paje arɛ̂je nan: «Əbbə-dəwje, ajije! Ja nayn!» 26Jeju ilade tə̂ nan: «Mba ddi bba bbəəl uta dɔse wa? See njê kə̂ mə-kunn ləse ngaji baa.» Yeenn ngaâ nin taar, n̂-ndangə ləl le ddəm maann le ddəm ngaâ lo təl to ddekeke. 27Dede tɔyn njaa məde unda dɔ binya ngaâ n̂-paje nan: «Dəw nəənn to dəw ddi bba ləl kə maann kara ooje tɛɛ̂ nəənn wa?»
Jeju tubba ndilje kə̂ maji ang rɔ dingawje tə̂ joo
28Jeju tee tura dangə maann tə̂, nangə tə̂ kə̂ Gadara a, dingawje joo inje dɔbarəje tə̂ tilaje kəmɛ̂. Ndilje kə̂ maji ang isije məde tə̂. N̂-ddaje singa nya arə dəw kâra ndiki ta nday kə ddəw kə̂ dɔbarəje tə̂ le ang. 29Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»
30Ngɔsi lo tə̂ənn le, kusu bərəje kə̂ banya aw usaje nɛ̂n. 31Ndilje kə̂ maji ang le ddaje rɔde to ndoo rɔ Jeju tə̂ nan: «Bbo a ta tubbaje a, ulaje mə bərəje tə̂ toonn.» 32Jeju pa arəde nan: «Awje!» Ndilje kə̂ maji ang le teeje mə dingawje tə̂ le aw andəje mə bərəje tə̂ le. A, a ta koo a, kusu bərəje le tɔyn inje dɔ kongo tə̂ kə̂ ndəw tosoje mə dangə maann tə̂ le oyje mə maann tə̂ le tɔyn.
33Njê kə̂ aw ngəmje bərəje le aynje aw paje tar nɛ̂n kə̂ to le kə tar nɛ̂n kə̂ inga dingawje kə̂ joo kə̂ ndilje kə̂ maji ang toje məde tə̂ le tɔyn arə dəwje kə̂ tɔkə bbe tə̂ le kə ngann bbeje tə̂. 34Yeenn ngaâ dəwje tɔyn kə̂ mə tɔkə bbe tə̂ le teeje aw tilaje kəm Jeju le. Koo kə̂ dooeje a, n̂-ddaje rɔde to ndoo rɔɛ̂ tə̂ karə nɔtu nangə tə̂ ləde kə ddang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ACOTBA