TIMOTHI MƆƐKƐ TIŊDƐ 3
3
Ndɔɛ mɛkindɛ
1Kɛ lanɔki samɔ nten, lɛ duɛ ma mɛkindɛ mɛŋk ŋgbathil ma bi ha hun. 2Haliwɔ anyin ha bi ha chɔŋniŋkɛnlen, chɔŋ fe len, thɛŋg thi hɔl, ibiɛ limani, sindum, ikweyɛ len ko abɛna ŋaɛ, ibiɛ chɔŋsɛkɛ, iche charaŋ, 3gbɔl thi kathil, ibiɛ hini gbɔl, shimijɛm, gbɔl thukul, anya mithɛ ja yegbe, 4anya suŋgutha, ibiɛ lonbolɛ, pɛ ka thɛŋgthiwɔl, anya chɔŋɔ pɛthpɛth len chaŋ anya chɔŋɔ Hɔbatokɛ len, 5ŋae yɛthi jali thubi ko Hɔbatokɛ kɛ ŋae hɛm fɔsa landɛ. Ŋa kɛŋgiɛni anya che vɛ. 6Haliwɔ ŋan thiyeŋ ŋanɛ ŋalɔ ŋa lɔyni kil thi athɛma ŋay ŋa ye we amaɛ ŋa biɛni itɛnin dɛ ha koŋ che iwɛi kunɛ, ŋa ye ha lanɛ la ŋa yema gboɛ, 7ŋa lɔŋ nui ko nɔ-o-nɔ ni ŋa chen bi ha bi nten ma tiŋtiŋdɛ. 8Kendɛ Janis ni Jambres ŋa cheni lɔmthibul ni mosisɛ, vɛ anyao hanbɛ ŋa cheni ka tiŋtiŋdɛ, anya nten suŋguthani ni laanɛ mbol; 9kɛ ŋa biɛni ha kɔ livil, haliwɔ yay-yay ŋaɛ hɔ bi ha che leiŋ ko nɔ gbi kendɛ la hɛlɛni apukan atiŋdɛ.
Mɛi thi mɛkindɛ
10Yɛlayo koŋ gbɛlɛŋ hɔ ya toŋgi yɛ, chekin mamdɛ, la ya bɛn bolɛ ihɔloŋ miyayɛ, laanɛmdɛ, muyumdɛ, nchɔŋmalen mamdɛ, yɛthimi kathɛ, 11ngbathil mamdɛ, thenɛkimdɛ, la bɔnthɔ mi Antiyɔk koɛ, Ikoniɔmkoɛ, ni Listrakoɛ, ngbathil gbeɛ ma ya muyuɛ; kɛ Bɛɛ loliɛ mi hiŋg man gbi. 12La rɔŋ nɔɛ gbi wɔ theni gbo ha che jali Hɔbatokayɛ Krayst Jisɔsay wɔ nke ngbathil, 13si anya kafa ni anya mbol hae kɔ che kafay, a diɛ ayin bolmin ni ŋanɛ ha pɔ dibolmindɛ. 14Kɛ ŋa hɔm, kɔ che ko lanɛ la koŋ kaŋdɛ ni koŋ laanɛ kathɛ, ni koŋ si hiŋg nɔɛ lɔ kaŋaɛ 15ni tipik hɔm ta ton koŋ sini gbalak ma Hɔbatokɛ ma mɔ bɔ hɔm ŋɔ mɔ sɔthɔ lol hiŋg laanɛ Krayst Jisɔsayɛ. 16Hɔk ma Hɔbatokɛ gbi kɔ hokɔ hiŋg Hɔbatokɛ ni kɔ kɛlɛŋ ha toŋgi ayin, ha hɔl nɔ, ha sɛmi len tiŋtiŋ, ni ha ndum chekin ma Hɔbatokay, 17chelɛ nɔ Hɔbatokɛ wɔ che pɛ thiŋ, wɔ ye che bɛmpani ha mpanth yegbe gbi.
Currently Selected:
TIMOTHI MƆƐKƐ TIŊDƐ 3: SNT
Highlight
Share
Copy
Want to have your highlights saved across all your devices? Sign up or sign in
Sherbro New Testament Portions © Bible Society in Sierra Leone, 2020.
TIMOTHI MƆƐKƐ TIŊDƐ 3
3
Ndɔɛ mɛkindɛ
1Kɛ lanɔki samɔ nten, lɛ duɛ ma mɛkindɛ mɛŋk ŋgbathil ma bi ha hun. 2Haliwɔ anyin ha bi ha chɔŋniŋkɛnlen, chɔŋ fe len, thɛŋg thi hɔl, ibiɛ limani, sindum, ikweyɛ len ko abɛna ŋaɛ, ibiɛ chɔŋsɛkɛ, iche charaŋ, 3gbɔl thi kathil, ibiɛ hini gbɔl, shimijɛm, gbɔl thukul, anya mithɛ ja yegbe, 4anya suŋgutha, ibiɛ lonbolɛ, pɛ ka thɛŋgthiwɔl, anya chɔŋɔ pɛthpɛth len chaŋ anya chɔŋɔ Hɔbatokɛ len, 5ŋae yɛthi jali thubi ko Hɔbatokɛ kɛ ŋae hɛm fɔsa landɛ. Ŋa kɛŋgiɛni anya che vɛ. 6Haliwɔ ŋan thiyeŋ ŋanɛ ŋalɔ ŋa lɔyni kil thi athɛma ŋay ŋa ye we amaɛ ŋa biɛni itɛnin dɛ ha koŋ che iwɛi kunɛ, ŋa ye ha lanɛ la ŋa yema gboɛ, 7ŋa lɔŋ nui ko nɔ-o-nɔ ni ŋa chen bi ha bi nten ma tiŋtiŋdɛ. 8Kendɛ Janis ni Jambres ŋa cheni lɔmthibul ni mosisɛ, vɛ anyao hanbɛ ŋa cheni ka tiŋtiŋdɛ, anya nten suŋguthani ni laanɛ mbol; 9kɛ ŋa biɛni ha kɔ livil, haliwɔ yay-yay ŋaɛ hɔ bi ha che leiŋ ko nɔ gbi kendɛ la hɛlɛni apukan atiŋdɛ.
Mɛi thi mɛkindɛ
10Yɛlayo koŋ gbɛlɛŋ hɔ ya toŋgi yɛ, chekin mamdɛ, la ya bɛn bolɛ ihɔloŋ miyayɛ, laanɛmdɛ, muyumdɛ, nchɔŋmalen mamdɛ, yɛthimi kathɛ, 11ngbathil mamdɛ, thenɛkimdɛ, la bɔnthɔ mi Antiyɔk koɛ, Ikoniɔmkoɛ, ni Listrakoɛ, ngbathil gbeɛ ma ya muyuɛ; kɛ Bɛɛ loliɛ mi hiŋg man gbi. 12La rɔŋ nɔɛ gbi wɔ theni gbo ha che jali Hɔbatokayɛ Krayst Jisɔsay wɔ nke ngbathil, 13si anya kafa ni anya mbol hae kɔ che kafay, a diɛ ayin bolmin ni ŋanɛ ha pɔ dibolmindɛ. 14Kɛ ŋa hɔm, kɔ che ko lanɛ la koŋ kaŋdɛ ni koŋ laanɛ kathɛ, ni koŋ si hiŋg nɔɛ lɔ kaŋaɛ 15ni tipik hɔm ta ton koŋ sini gbalak ma Hɔbatokɛ ma mɔ bɔ hɔm ŋɔ mɔ sɔthɔ lol hiŋg laanɛ Krayst Jisɔsayɛ. 16Hɔk ma Hɔbatokɛ gbi kɔ hokɔ hiŋg Hɔbatokɛ ni kɔ kɛlɛŋ ha toŋgi ayin, ha hɔl nɔ, ha sɛmi len tiŋtiŋ, ni ha ndum chekin ma Hɔbatokay, 17chelɛ nɔ Hɔbatokɛ wɔ che pɛ thiŋ, wɔ ye che bɛmpani ha mpanth yegbe gbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sherbro New Testament Portions © Bible Society in Sierra Leone, 2020.