Héchos 6
6
Jesús anguretasórone ore pésu datocaidode jnanío uje gare ore iji ti
1Udojo quigade ga Jesús anguretasórone chõre raque enga ore chajuguína cucha pibosode ome ñane iji dirode jnese. Mu diga Jesús anguretasórone uñane uje ore uruode u gréciagosode ore uruode ore dojnóngaja ore gueranone ome uraque darásadie, chequé ecai. Chiese Jesús irógode gueranone jiei ome chequé ecadie uje ore uruode u judíode uruode, mu garósi ome chequé ecadie uje ore uruode u gréciagosode ore uruode. 2Jecute Jesús irógode apóstoles uje gare ore iji yirídai ore chamáta dojode Jesús anguretasóño, enga ore catecã́ri ore ga ore chojninga:
–Gajnareque ujetiga yiyágo yacaco ore ome Dupade uruode ujetiga yajuguínango cucha pibosode ome ore gatuaque. 3Yocujode Jesús anguretasóño á, angáchoi yoque. Enga acueyoi jnaníringo iji uacajade ujetiga gare ore iji ti: ujetiga uacarasicho ore adode; ujetiga áyipierãque ore; ujetiga Dupade Ujopié Espíritu Sánto irágu ore ajéode. Enga a ore chajuguína cucha pibosode iji yoque. 4Enga a jé Jesús irógode uyoque yicoi Dupade uruode jne ujetiga yacaco ore ome, enga a yicatecãcoi Dupade gatuaque rĩ.–
5Jesús anguretasórone ore chimesẽre jnese Jesús irógode áyipiedie enga jĩrique ore chucué datocaidode jnanío ome cuchade udore. Enga ore ajegaidode uñai u Estéban. Enga Estéban changuretapise Jesús enga Dupade Ujopié Espíritu Sánto irágu ajei. Enga ore ajegaidode jõra Felipe, jõrapo Prócoro rĩ. Jõrapo Nicanor rĩ. Jõrapo Timón rĩ. Jõrapo Parménas rĩ. Jõrapo Nicolás rĩ uje antioquíagose. Mu uté changureta judíode angureni dupa to, enga cho judío iji re to. 6Ore chijna udore ore aja Jesús irógode. Enga Jesús irógode apóstol udore ore chicha dajmainie aja ore gáyode. Enga ore catecã́ri Dupade ome ore.
7Enga Dupade uruode chubu erámi ga jiei ore uje ore changureta. Enga Jesús anguretasórone chõre re iji Jerusalén. Ga jiépisi sacerdóteode rĩ uje ore changureta Jesús.
Ore jno Estéban údi aja eduguéjnane
8Enga Dupade chatapísaja Estéban, enga chisi ome dajopié ome. Jecute pésu dapesútedatéode, cucha pitijádode iji ayoréode ujade. 9Mu judíode uñane botare Estéban uje ore tṍraji Cirene, Alejándria, Cilícia, Ásia ore. Enga judíode udore cháta rágaja judíode uñane uje ore aquiningamei guiguíjna i u Piroque Piraméone. 10Ore botare Estéban mu uje Estéban chajnai ore enga que ore chiraja darúringome go. Chamáñaje áyipieranguipíse Estéban gu Dupade Ujopié Espíritu Sánto uje déji ajei. 11Jecute ore chisi ome plátadie ome jnanione uñane ujetiga ore chijnime darárigo ome Estéban. Ga ore chojningame ore:
–Ojnicho: Estéban uté dojnóngaja Moisés diríca, jec aja Dupade to.–
12Uje ayoréode chudute ore uruode udore enga ájningaránguipíse ore ome Estéban. Que gusu ore mu ájningarãque ore angaránone to, jec aja ore acadisórone ome Moisés urusarane. Enga udore ore cugujnáji Estéban jnese enga ore chisa enga ore jno údi aja ore eduguéjna cuchábode aquiningamei. 13Enga ore chucué darade ijnimisórone to ujetiga ore chojninga:
–Jecucha ga Estéban dojnóngaja Dupade iguíjna cuchábi uje Dupade gajneque múñi. Dojnóngapója Moisés urusarane rĩ. 14Yudúco to uté uruode uje chiese nazarétgosi Jesús ucácasicá a chajningarase Dupade iguíjna cuchábi jne. Mu que gusu udore go, mu chiese Jesús ajegaidi tu to ujetiga yecãco yoquisocade ome Dupade enga yiyágo Moisés urusarane quigode uje Moisés chacate yógome nanique.–
15Mu jé u uje eduguéjnane, jnanione jnese uje ore déji ore aquiningamei ore chajire Estéban mu ore chimo uje edodie chécãre dadode enga chopise Dupade utocaidi gateminore edodie.
Currently Selected:
Héchos 6: Ayore
Highlight
Share
Copy
Want to have your highlights saved across all your devices? Sign up or sign in
© 2021 Ethnos360
Héchos 6
6
Jesús anguretasórone ore pésu datocaidode jnanío uje gare ore iji ti
1Udojo quigade ga Jesús anguretasórone chõre raque enga ore chajuguína cucha pibosode ome ñane iji dirode jnese. Mu diga Jesús anguretasórone uñane uje ore uruode u gréciagosode ore uruode ore dojnóngaja ore gueranone ome uraque darásadie, chequé ecai. Chiese Jesús irógode gueranone jiei ome chequé ecadie uje ore uruode u judíode uruode, mu garósi ome chequé ecadie uje ore uruode u gréciagosode ore uruode. 2Jecute Jesús irógode apóstoles uje gare ore iji yirídai ore chamáta dojode Jesús anguretasóño, enga ore catecã́ri ore ga ore chojninga:
–Gajnareque ujetiga yiyágo yacaco ore ome Dupade uruode ujetiga yajuguínango cucha pibosode ome ore gatuaque. 3Yocujode Jesús anguretasóño á, angáchoi yoque. Enga acueyoi jnaníringo iji uacajade ujetiga gare ore iji ti: ujetiga uacarasicho ore adode; ujetiga áyipierãque ore; ujetiga Dupade Ujopié Espíritu Sánto irágu ore ajéode. Enga a ore chajuguína cucha pibosode iji yoque. 4Enga a jé Jesús irógode uyoque yicoi Dupade uruode jne ujetiga yacaco ore ome, enga a yicatecãcoi Dupade gatuaque rĩ.–
5Jesús anguretasórone ore chimesẽre jnese Jesús irógode áyipiedie enga jĩrique ore chucué datocaidode jnanío ome cuchade udore. Enga ore ajegaidode uñai u Estéban. Enga Estéban changuretapise Jesús enga Dupade Ujopié Espíritu Sánto irágu ajei. Enga ore ajegaidode jõra Felipe, jõrapo Prócoro rĩ. Jõrapo Nicanor rĩ. Jõrapo Timón rĩ. Jõrapo Parménas rĩ. Jõrapo Nicolás rĩ uje antioquíagose. Mu uté changureta judíode angureni dupa to, enga cho judío iji re to. 6Ore chijna udore ore aja Jesús irógode. Enga Jesús irógode apóstol udore ore chicha dajmainie aja ore gáyode. Enga ore catecã́ri Dupade ome ore.
7Enga Dupade uruode chubu erámi ga jiei ore uje ore changureta. Enga Jesús anguretasórone chõre re iji Jerusalén. Ga jiépisi sacerdóteode rĩ uje ore changureta Jesús.
Ore jno Estéban údi aja eduguéjnane
8Enga Dupade chatapísaja Estéban, enga chisi ome dajopié ome. Jecute pésu dapesútedatéode, cucha pitijádode iji ayoréode ujade. 9Mu judíode uñane botare Estéban uje ore tṍraji Cirene, Alejándria, Cilícia, Ásia ore. Enga judíode udore cháta rágaja judíode uñane uje ore aquiningamei guiguíjna i u Piroque Piraméone. 10Ore botare Estéban mu uje Estéban chajnai ore enga que ore chiraja darúringome go. Chamáñaje áyipieranguipíse Estéban gu Dupade Ujopié Espíritu Sánto uje déji ajei. 11Jecute ore chisi ome plátadie ome jnanione uñane ujetiga ore chijnime darárigo ome Estéban. Ga ore chojningame ore:
–Ojnicho: Estéban uté dojnóngaja Moisés diríca, jec aja Dupade to.–
12Uje ayoréode chudute ore uruode udore enga ájningaránguipíse ore ome Estéban. Que gusu ore mu ájningarãque ore angaránone to, jec aja ore acadisórone ome Moisés urusarane. Enga udore ore cugujnáji Estéban jnese enga ore chisa enga ore jno údi aja ore eduguéjna cuchábode aquiningamei. 13Enga ore chucué darade ijnimisórone to ujetiga ore chojninga:
–Jecucha ga Estéban dojnóngaja Dupade iguíjna cuchábi uje Dupade gajneque múñi. Dojnóngapója Moisés urusarane rĩ. 14Yudúco to uté uruode uje chiese nazarétgosi Jesús ucácasicá a chajningarase Dupade iguíjna cuchábi jne. Mu que gusu udore go, mu chiese Jesús ajegaidi tu to ujetiga yecãco yoquisocade ome Dupade enga yiyágo Moisés urusarane quigode uje Moisés chacate yógome nanique.–
15Mu jé u uje eduguéjnane, jnanione jnese uje ore déji ore aquiningamei ore chajire Estéban mu ore chimo uje edodie chécãre dadode enga chopise Dupade utocaidi gateminore edodie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021 Ethnos360