Juan 16
16
1A yingo uacajnéone cucha dacate udojo aja uaque gu ujetiga chise uaque enga ca uacanguretigai doi jnumi. 2Uje a ore eduguéjnane chijócãre uáguiji ore aquiningaméone. Enga cucha dacate gajnaréngone uñane a tṍraji dajñarenie ome uaque. Enga diga a ore pota chutígome uaque uje ore jos eti Dupade ajéo ome ore ujetiga ore chujé uaque. 3A ore socárome yanguresórone uhuaque gu uje que ore chiraja yu gosi. Enga que ore chise dáringáringo Yapade irajasóño. 4Yuruode u udojo ome uaque gu ujetiga cuchade udore chise dáringáringo tocachucho enga jĩraque uacáyipiedie déji yuruode udore quigode ome uaque. Que yingo cucha dacadode udore aja uaque iji taningai. Chamáñaje qué yugúsi uacari gu. 5Mu e yingome uaque uje a yicáji yirósõri Yai jne. ¿Mu gotique gu a uje que uacuñeque catecã́ri yu ome yiquitique? 6Mu jnusiétaque uaque ome yatatagode cucha dacate udore.
Jesús chatata Dupade Ujopié Espíritu Sánto isocade
7Jé ũrepise yu ome yuruode quigode uje cucha ueradéjnai u ome uaque ujetiga e yiji. Ujetiga ca yiji iji uacari enga a yojningai uacátajasṍre a ca chise uaque jne. Jé basa yiji ome uaque enga jogadi u jne ujetiga yirógaja uaque. 8Ujetiga uté e di iji erámi enga a chingo quigode ome erámone unirisórone ujetiga ore chiraja dáringane ate gajnarécho. Enga a chingopo quigode ome ore jne rĩ ujetiga ore chise dáringáringo ayoré ujñapetácho. Mu a chingopome ore rĩ uje ũrepise Dupade ome dajiritigade ome erámone jogosórone ore adode. 9A ore chiraja ome uté acajnaquéode uje ate gajnaréngone u udore ore jnese uje que ore changureta yu. 10Enga a ore chiraja to ome uté acajnaquéode uje a ore chise dáringane ayoré ujñapetácho gu yicoringai ome Yai jogadi. Enga a ca amóñopo yu iji de jnumi te rĩ. 11Enga a ore chiraja Dupade isocade uje chajire ore adode aja quedéjnane. Chamáñaje e Dupade chajire erámi jogosórone ore eduguéjnai Satanás adode aja quigode gu enga e chimate uté qui.
12Cucha amirone qué uásejna ujetiga yingome uaque, mu a ca toque iji deréjnai udé ujetiga arajáyo quigode. 13Dupade Ujopié Espíritu Sánto u uje cucha uréone garani u. Ujetiga uté di iji uaque enga a uté chacate uágome cucha uréone quigode jnese. Enga a ca acajnaquéode garani tu re mu garani u dadudigode Dupade urúo. Enga uté a chingo cucha dacadode aja uaque uje cáma tocade. 14A picotaque yu jne ome Dupade Ujopié Espíritu Sánto uté adode. Chamáñaje uté acajnaquéode júdode u yajnéone cucha enga a chingome uaque jne. 15Cuchade jnese uje déji Yai gari jé yajnecho to. Jecute yingome uaque uje Dupade Ujopié Espíritu Sánto acajnaquéode júdode u yajnéone cucha enga chingome uaque.
Jesús acadigode ore jnusiétigai chécãre re enga pininaquei jogadi u ome ore iji quigade
16Idógosi ujetiga ca amóñopo yu rĩ. Mu garósi dirode iji udojo quigade ujetiga amóñopo yu rĩ. Chamáña gu uje yiji ga yicáji Yai jogadi.–
17Uje ore chudute Jesús uruode udore enga acadigode uñane ore catecã́ri ñane enga ore chojninga:
–¿Chimo jóroque re daruode quitique a ome yoque? Uje chojninga: "Idógosi ujetiga ca amóñopo yu rĩ. Mu a garósi dirode to iji udojo quigade ujetiga amóñopo yu rĩ. Uje yiji ga yicáji Yai jogadi." 18¿Chimo jóroque re daruode quitique? uje chojninga: "Garósi dirode." Que yirajágo uruode udore quigode.–
19Jesús chiraja ore áyipiedie quigode uje ore pota catecã́ri. Jecute chojningame ore:
–Yuruode quigode u udojo ome uaque que uje yojninga: "Idógosi ujetiga ca amóñopo yu rĩ. Mu dirode garósi to iji udojo quigade ujetiga amóñopo yu rĩ." ¿Uacacatecãraitigade ome ñane quigode u udojo ome ñane a? 20Jé ũrepise yu ome yuruode uje a jnusiétaque uaque enga a abóyopo yiquigade rĩ. Jé basa ga erámone jogosórone ore a ore irasique re jne. A jnusiétaque uaque múñi, uacajnusiétigade a chécãre re jne enga pininaquei a irágu uacajéode. 21Uacarajáyo uje chequedíe ore abode achaminone chise ore enga páyuguhebátigade jogadi tu ome ore. Jé basa ga uje ore abode base ga que ore jnusinápo urõsoringuéone rĩ. Chamáñaje ore irasé raque gu uje e ore abode base. 22Adi jé upo ome uaque rĩ. Uje uacáyuguhebátigade sué uacabáyode iji deréjnai udé. Mu ujetiga yisápo uaque rĩ enga pininaquédatéi jogadi u ome uaque. A ca togápo jne rĩ ome uñeque ujetiga chijnime pininaquéode iji uacajéode.
23A ca acatecãchoi yu ome cuchade iji dirode udore mu a acatecãchoi Yai ome cuchade jne. Enga jé ũrepise yu uje Yai a chisi ome uacataidode cucha jnese ome uaque jne ujetiga ẽ́cacho uacanguretigai iji yu. 24Uje uacacatecãchoi Dupade jé aja deréjnai udé mu que ẽ́cacho uacanguretigai iji yu uje uacatáyoi uacapotigádode cucha. Mu jé beyoi enga ẽ́cacho uacanguretigai iji yu enga jogadi u jne ujetiga Dupade chisi ome uacataidode cucha ome uaque. Gaidi u gu ujetiga pininaquéode irágu uacajéode.
Jesús u uje sué erámone jogosórone cucha ore gai jnese
25Uacamóño uje jecucha yacãra yacajnaquéode aja cuchade, mu a chisápo dínique jne rĩ ujetiga ca yacãrápo yacajnaquéode aja cuchade rĩ. Mu a yo Yai adode quique ome uaque jne enga yijna yurúpisode ome uaque uje que yacãra yacajnaquéode aja cuchade. 26Ujetiga atáyoi cuchade iji Yai iji dirode udojo enga a ẽ́cacho uacanguretigade iji yu. Mu que quigode u go ujetiga yijócha Yai ajei údi ome uaque. 27Chamáñaje Yai Dupade chijnorapise uaque gu uacajnoraquei ome yu. Chijnóra uaque to uje uacanguretáyo uje yarani u Dupade. 28Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–
29Uje acadigode chudute Jesús uruode enga ore chojningame:
–Baruode ucode e tocade ome yoque. Enga e babé barúpisode enga que acãra bacajnaquéode aja cuchade. 30E yirajágo uje baraja cuchade jnese. Uje cáma picatecãraite ua ome cuchade mu e batata quigode. Jecute yanguretágo ua uje barani tu Dupade.–
31Jesús chajnai ore uruode enga chojninga:
–¿Jé ũrepise uaque a ome uacanguretigai iji yu? 32A chise deréjnai jne, mu deréjnai uté e u ujetiga asícho uágaja uacajesúode erámio. Enga a ajíñoñome yu iji te jne. Mu que gusu yu iji te gotique, mu Yai u uje déji yari iji te. 33Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–
Currently Selected:
Juan 16: Ayore
Highlight
Share
Copy
Want to have your highlights saved across all your devices? Sign up or sign in
© 2021 Ethnos360
Juan 16
16
1A yingo uacajnéone cucha dacate udojo aja uaque gu ujetiga chise uaque enga ca uacanguretigai doi jnumi. 2Uje a ore eduguéjnane chijócãre uáguiji ore aquiningaméone. Enga cucha dacate gajnaréngone uñane a tṍraji dajñarenie ome uaque. Enga diga a ore pota chutígome uaque uje ore jos eti Dupade ajéo ome ore ujetiga ore chujé uaque. 3A ore socárome yanguresórone uhuaque gu uje que ore chiraja yu gosi. Enga que ore chise dáringáringo Yapade irajasóño. 4Yuruode u udojo ome uaque gu ujetiga cuchade udore chise dáringáringo tocachucho enga jĩraque uacáyipiedie déji yuruode udore quigode ome uaque. Que yingo cucha dacadode udore aja uaque iji taningai. Chamáñaje qué yugúsi uacari gu. 5Mu e yingome uaque uje a yicáji yirósõri Yai jne. ¿Mu gotique gu a uje que uacuñeque catecã́ri yu ome yiquitique? 6Mu jnusiétaque uaque ome yatatagode cucha dacate udore.
Jesús chatata Dupade Ujopié Espíritu Sánto isocade
7Jé ũrepise yu ome yuruode quigode uje cucha ueradéjnai u ome uaque ujetiga e yiji. Ujetiga ca yiji iji uacari enga a yojningai uacátajasṍre a ca chise uaque jne. Jé basa yiji ome uaque enga jogadi u jne ujetiga yirógaja uaque. 8Ujetiga uté e di iji erámi enga a chingo quigode ome erámone unirisórone ujetiga ore chiraja dáringane ate gajnarécho. Enga a chingopo quigode ome ore jne rĩ ujetiga ore chise dáringáringo ayoré ujñapetácho. Mu a chingopome ore rĩ uje ũrepise Dupade ome dajiritigade ome erámone jogosórone ore adode. 9A ore chiraja ome uté acajnaquéode uje ate gajnaréngone u udore ore jnese uje que ore changureta yu. 10Enga a ore chiraja to ome uté acajnaquéode uje a ore chise dáringane ayoré ujñapetácho gu yicoringai ome Yai jogadi. Enga a ca amóñopo yu iji de jnumi te rĩ. 11Enga a ore chiraja Dupade isocade uje chajire ore adode aja quedéjnane. Chamáñaje e Dupade chajire erámi jogosórone ore eduguéjnai Satanás adode aja quigode gu enga e chimate uté qui.
12Cucha amirone qué uásejna ujetiga yingome uaque, mu a ca toque iji deréjnai udé ujetiga arajáyo quigode. 13Dupade Ujopié Espíritu Sánto u uje cucha uréone garani u. Ujetiga uté di iji uaque enga a uté chacate uágome cucha uréone quigode jnese. Enga a ca acajnaquéode garani tu re mu garani u dadudigode Dupade urúo. Enga uté a chingo cucha dacadode aja uaque uje cáma tocade. 14A picotaque yu jne ome Dupade Ujopié Espíritu Sánto uté adode. Chamáñaje uté acajnaquéode júdode u yajnéone cucha enga a chingome uaque jne. 15Cuchade jnese uje déji Yai gari jé yajnecho to. Jecute yingome uaque uje Dupade Ujopié Espíritu Sánto acajnaquéode júdode u yajnéone cucha enga chingome uaque.
Jesús acadigode ore jnusiétigai chécãre re enga pininaquei jogadi u ome ore iji quigade
16Idógosi ujetiga ca amóñopo yu rĩ. Mu garósi dirode iji udojo quigade ujetiga amóñopo yu rĩ. Chamáña gu uje yiji ga yicáji Yai jogadi.–
17Uje ore chudute Jesús uruode udore enga acadigode uñane ore catecã́ri ñane enga ore chojninga:
–¿Chimo jóroque re daruode quitique a ome yoque? Uje chojninga: "Idógosi ujetiga ca amóñopo yu rĩ. Mu a garósi dirode to iji udojo quigade ujetiga amóñopo yu rĩ. Uje yiji ga yicáji Yai jogadi." 18¿Chimo jóroque re daruode quitique? uje chojninga: "Garósi dirode." Que yirajágo uruode udore quigode.–
19Jesús chiraja ore áyipiedie quigode uje ore pota catecã́ri. Jecute chojningame ore:
–Yuruode quigode u udojo ome uaque que uje yojninga: "Idógosi ujetiga ca amóñopo yu rĩ. Mu dirode garósi to iji udojo quigade ujetiga amóñopo yu rĩ." ¿Uacacatecãraitigade ome ñane quigode u udojo ome ñane a? 20Jé ũrepise yu ome yuruode uje a jnusiétaque uaque enga a abóyopo yiquigade rĩ. Jé basa ga erámone jogosórone ore a ore irasique re jne. A jnusiétaque uaque múñi, uacajnusiétigade a chécãre re jne enga pininaquei a irágu uacajéode. 21Uacarajáyo uje chequedíe ore abode achaminone chise ore enga páyuguhebátigade jogadi tu ome ore. Jé basa ga uje ore abode base ga que ore jnusinápo urõsoringuéone rĩ. Chamáñaje ore irasé raque gu uje e ore abode base. 22Adi jé upo ome uaque rĩ. Uje uacáyuguhebátigade sué uacabáyode iji deréjnai udé. Mu ujetiga yisápo uaque rĩ enga pininaquédatéi jogadi u ome uaque. A ca togápo jne rĩ ome uñeque ujetiga chijnime pininaquéode iji uacajéode.
23A ca acatecãchoi yu ome cuchade iji dirode udore mu a acatecãchoi Yai ome cuchade jne. Enga jé ũrepise yu uje Yai a chisi ome uacataidode cucha jnese ome uaque jne ujetiga ẽ́cacho uacanguretigai iji yu. 24Uje uacacatecãchoi Dupade jé aja deréjnai udé mu que ẽ́cacho uacanguretigai iji yu uje uacatáyoi uacapotigádode cucha. Mu jé beyoi enga ẽ́cacho uacanguretigai iji yu enga jogadi u jne ujetiga Dupade chisi ome uacataidode cucha ome uaque. Gaidi u gu ujetiga pininaquéode irágu uacajéode.
Jesús u uje sué erámone jogosórone cucha ore gai jnese
25Uacamóño uje jecucha yacãra yacajnaquéode aja cuchade, mu a chisápo dínique jne rĩ ujetiga ca yacãrápo yacajnaquéode aja cuchade rĩ. Mu a yo Yai adode quique ome uaque jne enga yijna yurúpisode ome uaque uje que yacãra yacajnaquéode aja cuchade. 26Ujetiga atáyoi cuchade iji Yai iji dirode udojo enga a ẽ́cacho uacanguretigade iji yu. Mu que quigode u go ujetiga yijócha Yai ajei údi ome uaque. 27Chamáñaje Yai Dupade chijnorapise uaque gu uacajnoraquei ome yu. Chijnóra uaque to uje uacanguretáyo uje yarani u Dupade. 28Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–
29Uje acadigode chudute Jesús uruode enga ore chojningame:
–Baruode ucode e tocade ome yoque. Enga e babé barúpisode enga que acãra bacajnaquéode aja cuchade. 30E yirajágo uje baraja cuchade jnese. Uje cáma picatecãraite ua ome cuchade mu e batata quigode. Jecute yanguretágo ua uje barani tu Dupade.–
31Jesús chajnai ore uruode enga chojninga:
–¿Jé ũrepise uaque a ome uacanguretigai iji yu? 32A chise deréjnai jne, mu deréjnai uté e u ujetiga asícho uágaja uacajesúode erámio. Enga a ajíñoñome yu iji te jne. Mu que gusu yu iji te gotique, mu Yai u uje déji yari iji te. 33Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021 Ethnos360