Lúcas 11:9-10

Jesús cho cuchade udore quigome ore ga chósi tome ore: –Gajnui tu ujetiga acatecãchoi Dupade. Atáyoi uacajegaitígo cucha ome Dupade enga a chisi ome uaque jne. Isocai jé u gu ujetiga gosi chucué cuchárique, diga a chise. Isocai jé upo rĩ ome uacuñeque ujetiga uacuñeque pota chacája guiguíjnarique ga doi ga chujé piagoi bajaque. Ga jé jogadi u ujeta pucherángai ome uté gosi. Ga jé uaque gosi doi dajmapiedie udire ome Dupade to ujetiga uaque gosi chutai cucháriguiji Dupade ga Dupade a jĩrique tẽrája uacuñeque jne.