Lúcas 3:4-6

Dupade uruode atatasṍri jnani bajai Isaías urusarane ojningai jé u Juan uté. Ga proféta Isaías uté urusarane chósi te: A yudúco uté gosi pijnatígo jne ujetiga tṍraji erãpe tarétigai. Enga a chojningame yoque jne: "Boyo yico, yipéco dajei iji Yocangarádejnai iquei uje a di jne. Apésopúsu aja quedéjnane jne. Ujetiga ejopiérigui déji mu acosáyoja ome jnumi. Ujetiga ocórorigui déji mu apéso ga tiroque. Jé ca apéso ga dajetique ditaji mu ujetiga cáputaji daqui. Dajetique ujetiga gajnareque ga apésopúsu ga uerate. Enga diga erámi unirisórone ore jnese ore pañaji Dupade isocade ome ore úringane piquetaque."