Àpɔ́sò 9
9
Sɔ́ɔ̀ taɓa Jízɛ̀ hwìɖǐǐ
(Àpɔ́sò 22:6-16; 26:12-18)
1Ɓó tia ɓaɖaa, Sɔ́ɔ̀ nì ma fã̀à-wùɖù cɛ̃ɛ kpauń. Ɔ nìɛ̀ ma cɛ̃iń kà ɓɛ́ ɔ mu ma Bounɓoɔ̀ ɖeín-nà-nyɔ̀ ɓěɔ̀ ɖáɓáùn wɛ̃. Ɔ mu ma ɖé sáa-zà-nyɔ̀ vɛ̀nɛ̀ɔ̀ gbo, 2ké ɔ cɛ̃ɛ ma ɔ gbo, ɓɛ́ ɔ ké ma ɔ bìì céè-ɖɛ̀ ɓě céè, ɓɛ́ ɔ ké ma wa Júù-nyɔ̀ ɓěɔ̀ cɔ́cì-gbò ɓě ɓɛ́ wa nì ɖé Dìmásìkɔ̀-hwɔ̀ɖɔ̀ɔ̀ múɛɛ mú kpa. Ɔ nyuɛ ma náa, ɔ jǔ ké ɔ dyi nyɔ ɖò fɛ̀ɛ̀ ɖìèɔ̀ dyi kpɔ̃ɔ dyéín, kɛbì ɔ mɛ jǔ màa mɔɔ gàa kɛɛ, ɔ ké wa sã, ɓɛ́ ɔ ké wa Jùɖúsɛ̀ɖɛ̀ìn-hwɔ̀ɖɔ̀ɔ̀ mú dyà.
3Ti ɔ nì ma hwìèɔ̀ kɔ̃, ké ɔ nìǎ ma Dìmásìkɔ̀-hwɔ̀ɖɔ̀ɔ̀ bũ̌in xwɛ̃́ǐn nyɛɛ, wàɖà cá kɛɛ, ce ɖò sɔ̀ìn ma ɖé dyií, ké ɔ fã̀ìn ma ɔ ɖei. 4Ké Sɔ́ɔ̀ ɓùɖùìn ma ɓó ɓóɖó-kpàɔ̀ kɔ̃, ké ɔ wɔ̃́ ma wuɖu ɖò. Ké wuɖuɔ̀ ɖá, “Sɔ́ɔ̀, Sɔ́ɔ̀, ɖɛ́ kɔ̃̀ jè m̀ nìà ḿ gǎ dyéɛ̌n nyɛ́?”
5Ké ɔ ɖá, “Ɓɔ̌ɔ̀, m̀ mɔ̀ nyɛ́ɛ̀?”
Ké ɔ ɖá, “Mɔ̄ Jízɛ̀, mɔ̄ mɔ̀ nyɔ m̀ nìà gǎ dyéɛ̌n nyɛ̀. 6Kɛɛ sɔ̀ dyí, ɓɛ́ m̀ ké ɖé hwɔɖɔɔ̀ mú mu. Ké ɖɛ m̀ ɓéɖé m̀ ké nyuɛɛ, wa muɛ m̀ gbo cɛ̃ìn.”
7Ɓó tia ɓaɖaa, gàa ɓě ɓɛ́ wa nì ɓó Sɔ́ɔ̀ gboɛɛ nyànà ma dyi dĩin. Wa wɔ̃́ ma wuɖuɔ̀ ní, kɛɛ wa se ma nyɔ ɖò dyé. 8Ti ɓɛ́ Sɔ́ɔ̀ sɔ̀ ma ɓó ɓíɖíiɔ̀ dyíɛɛ, ɔ ɓáà ma dyéɖé, kɛɛ ɔ se ma dyi dyéɛ ɓɛ́ìn. Ɔ jèɛɛ, wa kpɔ̃ ma ɔ sɔ̃in, ké wa kpa ma ɔ ɖé Dìmásìkɔ̀-hwɔ̀ɖɔ̀ɔ̀ mú. 9Ké ɓó wé tã xwíníín nyɛɛ, ɔ se ma dyi dyéɛ ɓɛ́ìn. Ɔ se ma ɖɛ ɖò ɖi, ké ɔ se ma ní ɖò ná dyɛ mɔ̀ùn.
10Ké Jízɛ̀ɛ̀ ɖeín-nà-nyɔ̀ ɖò nì ma ɖé Dìmásìkɔ̀-hwɔ̀ɖɔ̀ɔ̀ mú. Ɔ nyɛ́nɛ́ mɔ̀ ma Ánànádyà. Ké Bounɓoɔ̀ cɛ̃ɛ ma ɔ gbo ɖé dyí-tɛ̀mɛ̀ìn-ɖɛ̀ ɖò mú, ké ɔ ɖá, “Ánànádyà.”
Ké Ánànádyà ɖá, “Mɔ̄ kɛ̀o, Bounɓo.”
11Ké Bounɓoɔ̀ cɛ̃ɛ ma ɔ gbo, ké ɔ ɖá, “Sɔ̀ dyí, ɓɛ́ m̀ ké hwìè wa ɖáìn Dyí-sɛ́ɖɛ́ìn-hwìè kɛɛ xwíníín kpá. Mu ɖé Júdà ɓíɖí-taún, ɓɛ́ m̀ ké gàa ɖò sɔ̀ìn Tásɔ̀-hwɔ̀ɖɔ̀ɔ̀ mú, ɓɛ́ wa ɖáìn Sɔ́ɔ̀ kɛɛ jè dyi diè. Nì mu ɔ ɓaà dyi dyɛ̀ìn. 12Ɔ ɖǎ dyí-tɛ̀mɛ̀ìn-ɖɛ̀ ɖò dyé, ké ɖéɛ múɛɛ, ɔ dyé gàa ɖò. Gàaɔ̀ nyɛ́nɛ́ mɔ̀ Ánànádyà, ké ɔ dyi ɔ gbo, ké ɔ pɛ̃́ìn ɔ sɔ̃ kɔ̃, ɓɛ́ ɔ ké dyi dyéɛ ɓɛ́ìn ɖe.”
13Kɛɛ Ánànádyà zà ma ɖé wuɖu, ké ɔ ɖá, “Bounɓo, ḿ ɖǎ gàa nìà kɛ jè nyɔ ɓáún-ɓáún wĩín wɔ̃́. Ḿ ɖǎ ɖɛ gbà jĩ̌ kà dyí ɓɛ́ ɔ ɖǎ nì nyɔ ɓě nìà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ bũ̌ nyuɛɛ jè wɔ̃́. 14Ké dyéɛ, ɔ nì nɔ̄, ké sáa-zà-nyɔ̀ kpa ɖɛ ɓěɔ̀ ɖǎ ɔ kpé nyí, ɓɛ́ ɔ ké nyɔ kã̀ìn séín ɓě ɖá nì nyɛ́nɛ́ kɛɛ sã.”
15Kɛɛ Bounɓoɔ̀ cɛ̃ɛ ma ɔ gbo, ké ɔ ɖá, “M̀ mɛ mu, sepóɛɖé ɔ mɔ̀ nyɔ ɓɛ́ ḿ ɖǎ gã, ɓɛ́ ḿ ké ɔ kũ̀à mú nyùìn, ɓɛ́ ɔ ké ní nyɛ́nɛ́ ɓóɖó-dù kà kò ɖò ɓěɛ̀ nyɔ ɓěɔ̀ kè waà nàìn-nyɔ̀ ɓěɔ̀ ɔ kè Éézùɖùɛ̀-dyù ɓěɔ̀ gbo kpa kɛ. 16Mɔ̄ mu ɖɛ séín ɓě ɓɛ́ ɔ mu mú mùìn ɓó ní nyɛ́nɛ́ɔ̀ jè kɛɛ ɔ da zàìn.”
17Ɔ jèɛɛ, Ánànádyà mu ma, ké ɔ dyá ma ɖé gbǒɔ̀ mú. Ké ɔ pɛ̃́ìn ma Sɔ́ɔ̀ sɔ̃ kɔ̃, ké ɔ ɖá, “Ḿ ɖíí Sɔ́ɔ̀, nyɔ ɖoɓoà ḿ wɛ̃ɛ, ɔ mɔ̀ Bounɓo mɔ̀ Jízɛ̀ wóɖóìn ma kà m̀ dyí ɖé hwìè ɓɛ́ m̀ dyà ma kà kɛɛ kɔ̃ɛ. Ɔ ɖoɓo nɔ̄ ḿ, ɓɛ́ m̀ ké dyi dyéɛ ɓɛ́ìn ɖe, ɔ kè ɓɛ́ Zùù Hwɛ̀ǐn-hwɛ̀ǐnɔ̀ ké m̀ múin dyíìn.” 18Wàɖà cáa, ɖɛ ɖò hwɔ zimii-xwɛ̃̀ ɖò ɓuɖu ma Sɔ́ɔ̀ dyéɖéín. Púɛɛ, ɔ dyé ma dyi cá. Ké ɔ sɔ̀ ma dyí, ké Ánànádyà po ma ɔ níɔ. 19Ké ɔ ɖi ma ɖɛ, ké kpé kpá ma ɔ dyí ɖe.
Sɔ́ɔ̀ cɛ̃ bɔ̃̌ nɔ̀mɔ̀ dyíinɔ̀ ɖé Dìmásìkɔ̀-hwɔ̀ɖɔ̀ɔ̀ mú
Ti ɓɛ́ Sɔ́ɔ̀ ɖǎ ma dyi dyéɛɛ, ɔ hwèɖèìn ma ɖé Jízɛ̀ɛ̀ ɖeín-nà-nyɔ̀ ɓě nì ma ɖé Dìmásìkɔ̀-hwɔ̀ɖɔ̀ɔ̀ múɛɛ gbo goun. 20Ké ɔ ɖú ma Jízɛ̀ jè zio po kpàǐ ɖé Júù-nyɔ̀ ɓěɔ̀ cɔ́cì-gbò ɓěɔ̀ mú kà ɓɛ́ ɔ mɔ̀ Gèɖèpɔ́ɔ̀ Dyú-gààɔ̀ kɛ.
21Ké nyɔ séín ɓě ɓɛ́ wa wɔ̃́ ma ɔ wuɖuɔ̀ kɛɛ giniìn ma dyi, ké wa ɖá, “Má, gàa nìà kɛ mɔ̀ nyɔ nì ma vɔ̃uń ɓɛ́ ɔ ké nyɔ ɓě ɓɛ́ wa ɖá ma kà Jízɛ̀ɛ̀ nyɛ́nɛ́ɔ̀ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ mú gbɔɔ̀ kɛe? Ɖɛ kɔ̃̀ jè ɔ dyi ma nɔ̄ kɛɛ, ɔ se ɓɛ́ ɔ ké wa sã, ɓɛ́ ɔ ké wa sáa-zà-nyɔ̀ kpa ɖɛ ɓěɔ̀ dyúa kpa jèè?”
22Kɛɛ Sɔ́ɔ̀ nìǎ ma dyi kuɛń ɖé Gèɖèpɔ́ɔ̀-wùɖùɔ̀ cɛ̃-cɛ̃ mú. Ɔ tɛ̀mɛ̀ìn ma Júù-nyɔ̀ ɓě ɓɛ́ wa cĩ́ ma ɖé Dìmásìkɔ̀-hwɔ̀ɖɔ̀ɔ̀ mú kɛɛ dyí wáɖáá kà ɓɛ́ Jízɛ̀ mɔ̀ Kɛ́ɖɛ́ìɔ̀ kɛ. Ké ɔ nyuɛ ké wa kpá ma ɓɔ́í.
23Ti ɔ ɖǎ ma ɖé hwèɖèìn mìɔ kɛɛ, Júù-nyɔ̀ ɓěɔ̀ poìn ma wuɖuí, ɓɛ́ wa ké ma ɔ ɖáɓá. 24Kɛɛ Sɔ́ɔ̀ wɔ̃́ɔ ma ní. Wa nì ma hwɔɖɔɔ̀ gmɔ-wɔ̃̀ ɓěɔ̀ dyí gmɔ̀ǔn ɓó dyóɖóaún kè máaún, ɓɛ́ wa ké ma ɔ ɖáɓá. 25Kɛɛ nyɔ ɓě ɓɛ́ wa taɓa ma Gèɖèpɔ́ɔ̀ hwìɖǐǐ kɛɛ ɖú ma ɔ dyí máaún-kà ɖò. Wa po ma ɔ tìě-ɓò ɖò mú, ké wa pòìn ma ɔ ɓí ɖò ɓɛ́ ɔ nì ma gmɔɔ̀ múɛɛ mú, ké wa síìn ma ɔ ɓíɖíi.
Sɔ́ɔ̀ nì ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú
26Ti ɓɛ́ Sɔ́ɔ̀ sɔ̀ ma ɖé Dìmásìkɔ̀-hwɔ̀ɖɔ̀ɔ̀ múɛɛ, ɔ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké ɔ vɔ̃ ma ɓɛ́ ɔ kè Jízɛ̀ɛ̀ ɖeín-nà-nyɔ̀ ɓěɔ̀ ké ma dyí poìn. Kɛɛ wa séín fɛ̃̀ìn ma ɔ dyi, sepóɛɖé wa seɛ ma jǎà po kà ɓɛ́ ɔ mɔ̀ǎ ma ɖeín-nà-nyɔ̀ ɓěɔ̀ ɖò jɛ́ɛ́ cá kɛ. 27Kɛɛ Bànábà ɖú ma ɔ dyí, ké ɔ dyà ma ɔ àpɔ́sò ɓěɔ̀ gbo. Ké ɔ zaìn ma wa gbo kɔ̃in kà ɓɛ́ Sɔ́ɔ̀ dyé ma Bounɓoɔ̀ ɖé hwìè ɓɛ́ ɔ nì ma kà kpauń wɛ̃ɛ kɔ̃ɛ, kè kà ɓɛ́ ɔ wɔ̃́ ma ɔ wuɖuɔ̀ kɛ, ɔ kè kà ɔ se ma fã̀à-kà wùɖù ɖé Jízɛ̀ɛ̀ nyɛ́nɛ́ɔ̀ mú ɖé Dìmásìkɔ̀-hwɔ̀ɖɔ̀ɔ̀ mú kɛ. 28Ɔ jèɛɛ, Sɔ́ɔ̀ kè àpɔ́sò ɓěɔ̀ naìn ma mú ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. Ɔ se ma fã̀à-kà wùɖù ɖé Bounɓoɔ̀ nyɛ́nɛ́ɔ̀ mú. 29Ké ɔ kè Júù-nyɔ̀ ɓě ɓɛ́ wa po ma Gíɖíì-wùɖùɛɛ, wa wuɖuìn ma gbo, ké wa zà ma dòǐn. Ké wa vɔ̃ ɓɛ́ wa ké ma ɔ ɖáɓá. 30Kɛɛ ti Sɔ́ɔ̀ ɖíí cɔ́cì-nyɔ̀ ɓěɔ̀ wɔ̃́ɔ ma kɛɛ, wa kpa ma ɔ ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ké wa tò ma ɔ ɖé Tásɔ̀-hwɔ̀ɖɔ̀ɔ̀ mú.
31Ɓó tia ɓaɖaa, cɔ́cì-nyɔ̀ ɓě ɓɛ́ wa nì ma ɖé Júɖìà-ɓòɖòɔ̀ kè Gáɖàɖíì-ɓòɖòɔ̀ ɔ kè Sɛ̀mɛ́ɖìà-ɓòɖòɔ̀ kɔ̃ dà séín nyɛɛ, wa se ma fũ̀à-fṹá ɖò dyé ɖe. Ké cɔ́cì ɓěɔ̀ ɖú ma dyi ku kpàǐ. Ké nyɔ ɓěɔ̀ nàìn ma cɔ́cì ɓěɔ̀ ɖé Bounɓoɔ̀ dyi-fɛ̃̀ìn-fɛ̃̀ìn mú. Zùù Hwɛ̀ǐn-hwɛ̀ǐnɔ̀ kpá ma cɔ́cì-nyɔ̀ ɓěɔ̀ gbo, ké wa kpá ma kɔ̃.
Píɖɛ̀ nì ɖé Ɖéɖìà-hwɔ̀ɖɔ̀ɔ̀ kè Jɔ́pà-hwɔ̀ɖɔ̀ɔ̀ mú
32Ti Píɖɛ̀ nì ma sɔ̀ nɔ̄ mu nɔ̄ nyuɛń nyɛɛ, ɔ mu ma ɖé Ɖéɖìà-hwɔ̀ɖɔ̀ɔ̀ mú, ɖé Gèɖèpɔ́ɔ̀-nyɔ̀ ɓě ɓɛ́ wa cĩ́ ma ɖéɛɛ gbo. 33Ké ɔ dyé ma ɖé gàa ɖò kɔ̃̀ nyɛ́nɛ́ mɔ̀ ma Ìníà kɛ. Ìníà pɛ̃́ ma dyi tee ɓó zɔ̃ mɛ̀nɛ̌ìn-tã xwíníín, sepóɛɖé ɔ wáká mɛ́ ma ní jè. 34Ké Píɖɛ̀ cɛ̃ɛ ma ɔ gbo, ké ɔ ɖá, “Ìníà, Jízɛ̀ Kɛ́ɖɛ́ì ɖǎ m̀ dyi kánáìn. Sɔ̀ dyí, ɓɛ́ m̀ ké nì kɔ̃-pɛ̃́-ɖɛ̀ɔ̀ xwa nɔ̀mɔ̀ìn.” Wàɖà cá kɛɛ, Ìníà sɔ̀ ma dyí. 35Ké nyɔ séín ɓě ɓɛ́ wa cĩ́ ma ɖé Ɖéɖìà-hwɔ̀ɖɔ̀ɔ̀ mú ɔ kè ɖé Sáwɔ̀ɖɔ̀ùn Bɔɔ-kpàɔ̀ kɔ̃ kɛɛ, wa dyéɛ ma ní, ké wa gmɔ̀ìn ma Bounɓoɔ̀ gbo.
36Ké màa ɖò ɓɛ́ ɔ mɔ̀ ma Jízɛ̀ɛ̀ ɖeín-nà-nyɔ̀ ɓěɔ̀ ɖòɛɛ nì ma ɖé Jɔ́pà-hwɔ̀ɖɔ̀ɔ̀ mú. Ɔ nyɛ́nɛ́ mɔ̀ ma Tàbítà, ké ɖé Gíɖíì-wùɖù múɛɛ, wa ɖáìn ɔ Dɔ́kɔ̀. Kũ̀à nɔ̀mɔ̀ dyíin kè kpeɖe nɔ̀mɔ̀ dyíin nyu-nyu bã ɔ mú mìɔ. 37Ɓó wé ɓěa ɓaɖaa, ɔ wɛ́, ké ɔ mɛ́ ma. Ti wa ɖǎ ma xwɛ́ɔ̀ dèɖèɛ̀ hwɔɛɛ, wa pɛ̃́ìn ma ɔ ɖé ɓí-dyù ɖò ɓɛ́ ɔ nì ma ɖé gbǒɔ̀ dyiíɛɛ múin. 38Ɖéɖìà-hwɔ̀ɖɔ̀ɔ̀ xwɛ̃́ìn ma Jɔ́pà-hwɔ̀ɖɔ̀ɔ̀ bũ̌in. Ɔ jèɛɛ, ti ɖeín-nà-nyɔ̀ ɓěɔ̀ wɔ̃́ɔ ma kà Píɖɛ̀ nì ma ɖé Ɖéɖìà-hwɔ̀ɖɔ̀ɔ̀ múɛɛ, wa ɖoɓo ma ɖé gàa sɔ̃́, ɓɛ́ wa ké ma ɔ ɓaà, ɓɛ́ ɔ ké ma wa gbo mu wàɖà. 39Ɔ jèɛɛ, Píɖɛ̀ sɔ̀ ma dyí, ké ɔ kè wa mu ma. Ké ti ɔ ɖǎ ma nyiniɛɛ, wa kpa ma ɔ ɖé dyií ɖé ɓí-dyùɔ̀ mú. Jɔ̌ɔ̀-màà séín ɓěɔ̀ dyi ma, ké wa nyànà ma Píɖɛ̀ wáún dyi, ké wa nì ma vĩ̌ɛń. Ké wa nì ma wáɖá-ɖɔ̀ ɓě kè ɖɔ tɔ̀ɔ̀ ɓě ɓɛ́ Dɔ́kɔ̀ gma ma ti ɓɛ́ ɔ nì ma wa gbo keɛɛ Píɖɛ̀ dyí tɛ̀mɛ̀ǐn. 40Ké Píɖɛ̀ síìn ma nyɔ séín ɓěɔ̀ píé, ké ɔ taɓa ma kɔ́-dù hwuɖu, ké ɔ ɓaà ma. Ti ɔ ɖǎ ma ɓaà hwɔɛɛ, ɔ gmɔ̀ìn ma ɖé xwɛ́ɔ̀ gbo, ké ɔ ɖá, “Tàbítà, sɔ̀ dyí.” Ké màaɔ̀ ɓáà ma dyéɖé, ké ɔ dyé ma Píɖɛ̀. Púɛɛ, ɔ sɔ̀ dyí, ké ɔ kò ma dyi. 41Ké Píɖɛ̀ kpɔ̃ ma ɔ sɔ̃in, ké ɔ sɔ̀ìn ma ɔ dyí. Ké ɔ ɖá ma jɔ̌ɔ̀-màà ɓěɔ̀ kè Gèɖèpɔ́ɔ̀-nyɔ̀ tɔ̀ɔ̀ ɓěɔ̀, ké ɔ tɛ̀mɛ̀ìn ma wa dyí kà ɓɛ́ Dɔ́kɔ̀ nì ma cĩ́ɛń ɖeɛ. 42Ké bɔ̃̌ɔ̀ ɓeìn ma Jɔ́pà-hwɔ̀ɖɔ̀ɔ̀ múin, ké nyɔ ɓáún-ɓáún taɓa ma Bounɓoɔ̀ hwìɖǐǐ. 43Ké Píɖɛ̀ nyu ma ti goun wè ɖé Jɔ́pà-hwɔ̀ɖɔ̀ɔ̀ mú, ɖé gàa ɖò ɓɛ́ wa ɖáìn Sã́ɓò kɛɛ gbo. Ɔ mɔ̀ ma kúɖúù-ɖáɓá-nyɔ̀ ɖò.
Currently Selected:
Àpɔ́sò 9: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Àpɔ́sò 9
9
Sɔ́ɔ̀ taɓa Jízɛ̀ hwìɖǐǐ
(Àpɔ́sò 22:6-16; 26:12-18)
1Ɓó tia ɓaɖaa, Sɔ́ɔ̀ nì ma fã̀à-wùɖù cɛ̃ɛ kpauń. Ɔ nìɛ̀ ma cɛ̃iń kà ɓɛ́ ɔ mu ma Bounɓoɔ̀ ɖeín-nà-nyɔ̀ ɓěɔ̀ ɖáɓáùn wɛ̃. Ɔ mu ma ɖé sáa-zà-nyɔ̀ vɛ̀nɛ̀ɔ̀ gbo, 2ké ɔ cɛ̃ɛ ma ɔ gbo, ɓɛ́ ɔ ké ma ɔ bìì céè-ɖɛ̀ ɓě céè, ɓɛ́ ɔ ké ma wa Júù-nyɔ̀ ɓěɔ̀ cɔ́cì-gbò ɓě ɓɛ́ wa nì ɖé Dìmásìkɔ̀-hwɔ̀ɖɔ̀ɔ̀ múɛɛ mú kpa. Ɔ nyuɛ ma náa, ɔ jǔ ké ɔ dyi nyɔ ɖò fɛ̀ɛ̀ ɖìèɔ̀ dyi kpɔ̃ɔ dyéín, kɛbì ɔ mɛ jǔ màa mɔɔ gàa kɛɛ, ɔ ké wa sã, ɓɛ́ ɔ ké wa Jùɖúsɛ̀ɖɛ̀ìn-hwɔ̀ɖɔ̀ɔ̀ mú dyà.
3Ti ɔ nì ma hwìèɔ̀ kɔ̃, ké ɔ nìǎ ma Dìmásìkɔ̀-hwɔ̀ɖɔ̀ɔ̀ bũ̌in xwɛ̃́ǐn nyɛɛ, wàɖà cá kɛɛ, ce ɖò sɔ̀ìn ma ɖé dyií, ké ɔ fã̀ìn ma ɔ ɖei. 4Ké Sɔ́ɔ̀ ɓùɖùìn ma ɓó ɓóɖó-kpàɔ̀ kɔ̃, ké ɔ wɔ̃́ ma wuɖu ɖò. Ké wuɖuɔ̀ ɖá, “Sɔ́ɔ̀, Sɔ́ɔ̀, ɖɛ́ kɔ̃̀ jè m̀ nìà ḿ gǎ dyéɛ̌n nyɛ́?”
5Ké ɔ ɖá, “Ɓɔ̌ɔ̀, m̀ mɔ̀ nyɛ́ɛ̀?”
Ké ɔ ɖá, “Mɔ̄ Jízɛ̀, mɔ̄ mɔ̀ nyɔ m̀ nìà gǎ dyéɛ̌n nyɛ̀. 6Kɛɛ sɔ̀ dyí, ɓɛ́ m̀ ké ɖé hwɔɖɔɔ̀ mú mu. Ké ɖɛ m̀ ɓéɖé m̀ ké nyuɛɛ, wa muɛ m̀ gbo cɛ̃ìn.”
7Ɓó tia ɓaɖaa, gàa ɓě ɓɛ́ wa nì ɓó Sɔ́ɔ̀ gboɛɛ nyànà ma dyi dĩin. Wa wɔ̃́ ma wuɖuɔ̀ ní, kɛɛ wa se ma nyɔ ɖò dyé. 8Ti ɓɛ́ Sɔ́ɔ̀ sɔ̀ ma ɓó ɓíɖíiɔ̀ dyíɛɛ, ɔ ɓáà ma dyéɖé, kɛɛ ɔ se ma dyi dyéɛ ɓɛ́ìn. Ɔ jèɛɛ, wa kpɔ̃ ma ɔ sɔ̃in, ké wa kpa ma ɔ ɖé Dìmásìkɔ̀-hwɔ̀ɖɔ̀ɔ̀ mú. 9Ké ɓó wé tã xwíníín nyɛɛ, ɔ se ma dyi dyéɛ ɓɛ́ìn. Ɔ se ma ɖɛ ɖò ɖi, ké ɔ se ma ní ɖò ná dyɛ mɔ̀ùn.
10Ké Jízɛ̀ɛ̀ ɖeín-nà-nyɔ̀ ɖò nì ma ɖé Dìmásìkɔ̀-hwɔ̀ɖɔ̀ɔ̀ mú. Ɔ nyɛ́nɛ́ mɔ̀ ma Ánànádyà. Ké Bounɓoɔ̀ cɛ̃ɛ ma ɔ gbo ɖé dyí-tɛ̀mɛ̀ìn-ɖɛ̀ ɖò mú, ké ɔ ɖá, “Ánànádyà.”
Ké Ánànádyà ɖá, “Mɔ̄ kɛ̀o, Bounɓo.”
11Ké Bounɓoɔ̀ cɛ̃ɛ ma ɔ gbo, ké ɔ ɖá, “Sɔ̀ dyí, ɓɛ́ m̀ ké hwìè wa ɖáìn Dyí-sɛ́ɖɛ́ìn-hwìè kɛɛ xwíníín kpá. Mu ɖé Júdà ɓíɖí-taún, ɓɛ́ m̀ ké gàa ɖò sɔ̀ìn Tásɔ̀-hwɔ̀ɖɔ̀ɔ̀ mú, ɓɛ́ wa ɖáìn Sɔ́ɔ̀ kɛɛ jè dyi diè. Nì mu ɔ ɓaà dyi dyɛ̀ìn. 12Ɔ ɖǎ dyí-tɛ̀mɛ̀ìn-ɖɛ̀ ɖò dyé, ké ɖéɛ múɛɛ, ɔ dyé gàa ɖò. Gàaɔ̀ nyɛ́nɛ́ mɔ̀ Ánànádyà, ké ɔ dyi ɔ gbo, ké ɔ pɛ̃́ìn ɔ sɔ̃ kɔ̃, ɓɛ́ ɔ ké dyi dyéɛ ɓɛ́ìn ɖe.”
13Kɛɛ Ánànádyà zà ma ɖé wuɖu, ké ɔ ɖá, “Bounɓo, ḿ ɖǎ gàa nìà kɛ jè nyɔ ɓáún-ɓáún wĩín wɔ̃́. Ḿ ɖǎ ɖɛ gbà jĩ̌ kà dyí ɓɛ́ ɔ ɖǎ nì nyɔ ɓě nìà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ bũ̌ nyuɛɛ jè wɔ̃́. 14Ké dyéɛ, ɔ nì nɔ̄, ké sáa-zà-nyɔ̀ kpa ɖɛ ɓěɔ̀ ɖǎ ɔ kpé nyí, ɓɛ́ ɔ ké nyɔ kã̀ìn séín ɓě ɖá nì nyɛ́nɛ́ kɛɛ sã.”
15Kɛɛ Bounɓoɔ̀ cɛ̃ɛ ma ɔ gbo, ké ɔ ɖá, “M̀ mɛ mu, sepóɛɖé ɔ mɔ̀ nyɔ ɓɛ́ ḿ ɖǎ gã, ɓɛ́ ḿ ké ɔ kũ̀à mú nyùìn, ɓɛ́ ɔ ké ní nyɛ́nɛ́ ɓóɖó-dù kà kò ɖò ɓěɛ̀ nyɔ ɓěɔ̀ kè waà nàìn-nyɔ̀ ɓěɔ̀ ɔ kè Éézùɖùɛ̀-dyù ɓěɔ̀ gbo kpa kɛ. 16Mɔ̄ mu ɖɛ séín ɓě ɓɛ́ ɔ mu mú mùìn ɓó ní nyɛ́nɛ́ɔ̀ jè kɛɛ ɔ da zàìn.”
17Ɔ jèɛɛ, Ánànádyà mu ma, ké ɔ dyá ma ɖé gbǒɔ̀ mú. Ké ɔ pɛ̃́ìn ma Sɔ́ɔ̀ sɔ̃ kɔ̃, ké ɔ ɖá, “Ḿ ɖíí Sɔ́ɔ̀, nyɔ ɖoɓoà ḿ wɛ̃ɛ, ɔ mɔ̀ Bounɓo mɔ̀ Jízɛ̀ wóɖóìn ma kà m̀ dyí ɖé hwìè ɓɛ́ m̀ dyà ma kà kɛɛ kɔ̃ɛ. Ɔ ɖoɓo nɔ̄ ḿ, ɓɛ́ m̀ ké dyi dyéɛ ɓɛ́ìn ɖe, ɔ kè ɓɛ́ Zùù Hwɛ̀ǐn-hwɛ̀ǐnɔ̀ ké m̀ múin dyíìn.” 18Wàɖà cáa, ɖɛ ɖò hwɔ zimii-xwɛ̃̀ ɖò ɓuɖu ma Sɔ́ɔ̀ dyéɖéín. Púɛɛ, ɔ dyé ma dyi cá. Ké ɔ sɔ̀ ma dyí, ké Ánànádyà po ma ɔ níɔ. 19Ké ɔ ɖi ma ɖɛ, ké kpé kpá ma ɔ dyí ɖe.
Sɔ́ɔ̀ cɛ̃ bɔ̃̌ nɔ̀mɔ̀ dyíinɔ̀ ɖé Dìmásìkɔ̀-hwɔ̀ɖɔ̀ɔ̀ mú
Ti ɓɛ́ Sɔ́ɔ̀ ɖǎ ma dyi dyéɛɛ, ɔ hwèɖèìn ma ɖé Jízɛ̀ɛ̀ ɖeín-nà-nyɔ̀ ɓě nì ma ɖé Dìmásìkɔ̀-hwɔ̀ɖɔ̀ɔ̀ múɛɛ gbo goun. 20Ké ɔ ɖú ma Jízɛ̀ jè zio po kpàǐ ɖé Júù-nyɔ̀ ɓěɔ̀ cɔ́cì-gbò ɓěɔ̀ mú kà ɓɛ́ ɔ mɔ̀ Gèɖèpɔ́ɔ̀ Dyú-gààɔ̀ kɛ.
21Ké nyɔ séín ɓě ɓɛ́ wa wɔ̃́ ma ɔ wuɖuɔ̀ kɛɛ giniìn ma dyi, ké wa ɖá, “Má, gàa nìà kɛ mɔ̀ nyɔ nì ma vɔ̃uń ɓɛ́ ɔ ké nyɔ ɓě ɓɛ́ wa ɖá ma kà Jízɛ̀ɛ̀ nyɛ́nɛ́ɔ̀ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ mú gbɔɔ̀ kɛe? Ɖɛ kɔ̃̀ jè ɔ dyi ma nɔ̄ kɛɛ, ɔ se ɓɛ́ ɔ ké wa sã, ɓɛ́ ɔ ké wa sáa-zà-nyɔ̀ kpa ɖɛ ɓěɔ̀ dyúa kpa jèè?”
22Kɛɛ Sɔ́ɔ̀ nìǎ ma dyi kuɛń ɖé Gèɖèpɔ́ɔ̀-wùɖùɔ̀ cɛ̃-cɛ̃ mú. Ɔ tɛ̀mɛ̀ìn ma Júù-nyɔ̀ ɓě ɓɛ́ wa cĩ́ ma ɖé Dìmásìkɔ̀-hwɔ̀ɖɔ̀ɔ̀ mú kɛɛ dyí wáɖáá kà ɓɛ́ Jízɛ̀ mɔ̀ Kɛ́ɖɛ́ìɔ̀ kɛ. Ké ɔ nyuɛ ké wa kpá ma ɓɔ́í.
23Ti ɔ ɖǎ ma ɖé hwèɖèìn mìɔ kɛɛ, Júù-nyɔ̀ ɓěɔ̀ poìn ma wuɖuí, ɓɛ́ wa ké ma ɔ ɖáɓá. 24Kɛɛ Sɔ́ɔ̀ wɔ̃́ɔ ma ní. Wa nì ma hwɔɖɔɔ̀ gmɔ-wɔ̃̀ ɓěɔ̀ dyí gmɔ̀ǔn ɓó dyóɖóaún kè máaún, ɓɛ́ wa ké ma ɔ ɖáɓá. 25Kɛɛ nyɔ ɓě ɓɛ́ wa taɓa ma Gèɖèpɔ́ɔ̀ hwìɖǐǐ kɛɛ ɖú ma ɔ dyí máaún-kà ɖò. Wa po ma ɔ tìě-ɓò ɖò mú, ké wa pòìn ma ɔ ɓí ɖò ɓɛ́ ɔ nì ma gmɔɔ̀ múɛɛ mú, ké wa síìn ma ɔ ɓíɖíi.
Sɔ́ɔ̀ nì ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú
26Ti ɓɛ́ Sɔ́ɔ̀ sɔ̀ ma ɖé Dìmásìkɔ̀-hwɔ̀ɖɔ̀ɔ̀ múɛɛ, ɔ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké ɔ vɔ̃ ma ɓɛ́ ɔ kè Jízɛ̀ɛ̀ ɖeín-nà-nyɔ̀ ɓěɔ̀ ké ma dyí poìn. Kɛɛ wa séín fɛ̃̀ìn ma ɔ dyi, sepóɛɖé wa seɛ ma jǎà po kà ɓɛ́ ɔ mɔ̀ǎ ma ɖeín-nà-nyɔ̀ ɓěɔ̀ ɖò jɛ́ɛ́ cá kɛ. 27Kɛɛ Bànábà ɖú ma ɔ dyí, ké ɔ dyà ma ɔ àpɔ́sò ɓěɔ̀ gbo. Ké ɔ zaìn ma wa gbo kɔ̃in kà ɓɛ́ Sɔ́ɔ̀ dyé ma Bounɓoɔ̀ ɖé hwìè ɓɛ́ ɔ nì ma kà kpauń wɛ̃ɛ kɔ̃ɛ, kè kà ɓɛ́ ɔ wɔ̃́ ma ɔ wuɖuɔ̀ kɛ, ɔ kè kà ɔ se ma fã̀à-kà wùɖù ɖé Jízɛ̀ɛ̀ nyɛ́nɛ́ɔ̀ mú ɖé Dìmásìkɔ̀-hwɔ̀ɖɔ̀ɔ̀ mú kɛ. 28Ɔ jèɛɛ, Sɔ́ɔ̀ kè àpɔ́sò ɓěɔ̀ naìn ma mú ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. Ɔ se ma fã̀à-kà wùɖù ɖé Bounɓoɔ̀ nyɛ́nɛ́ɔ̀ mú. 29Ké ɔ kè Júù-nyɔ̀ ɓě ɓɛ́ wa po ma Gíɖíì-wùɖùɛɛ, wa wuɖuìn ma gbo, ké wa zà ma dòǐn. Ké wa vɔ̃ ɓɛ́ wa ké ma ɔ ɖáɓá. 30Kɛɛ ti Sɔ́ɔ̀ ɖíí cɔ́cì-nyɔ̀ ɓěɔ̀ wɔ̃́ɔ ma kɛɛ, wa kpa ma ɔ ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ké wa tò ma ɔ ɖé Tásɔ̀-hwɔ̀ɖɔ̀ɔ̀ mú.
31Ɓó tia ɓaɖaa, cɔ́cì-nyɔ̀ ɓě ɓɛ́ wa nì ma ɖé Júɖìà-ɓòɖòɔ̀ kè Gáɖàɖíì-ɓòɖòɔ̀ ɔ kè Sɛ̀mɛ́ɖìà-ɓòɖòɔ̀ kɔ̃ dà séín nyɛɛ, wa se ma fũ̀à-fṹá ɖò dyé ɖe. Ké cɔ́cì ɓěɔ̀ ɖú ma dyi ku kpàǐ. Ké nyɔ ɓěɔ̀ nàìn ma cɔ́cì ɓěɔ̀ ɖé Bounɓoɔ̀ dyi-fɛ̃̀ìn-fɛ̃̀ìn mú. Zùù Hwɛ̀ǐn-hwɛ̀ǐnɔ̀ kpá ma cɔ́cì-nyɔ̀ ɓěɔ̀ gbo, ké wa kpá ma kɔ̃.
Píɖɛ̀ nì ɖé Ɖéɖìà-hwɔ̀ɖɔ̀ɔ̀ kè Jɔ́pà-hwɔ̀ɖɔ̀ɔ̀ mú
32Ti Píɖɛ̀ nì ma sɔ̀ nɔ̄ mu nɔ̄ nyuɛń nyɛɛ, ɔ mu ma ɖé Ɖéɖìà-hwɔ̀ɖɔ̀ɔ̀ mú, ɖé Gèɖèpɔ́ɔ̀-nyɔ̀ ɓě ɓɛ́ wa cĩ́ ma ɖéɛɛ gbo. 33Ké ɔ dyé ma ɖé gàa ɖò kɔ̃̀ nyɛ́nɛ́ mɔ̀ ma Ìníà kɛ. Ìníà pɛ̃́ ma dyi tee ɓó zɔ̃ mɛ̀nɛ̌ìn-tã xwíníín, sepóɛɖé ɔ wáká mɛ́ ma ní jè. 34Ké Píɖɛ̀ cɛ̃ɛ ma ɔ gbo, ké ɔ ɖá, “Ìníà, Jízɛ̀ Kɛ́ɖɛ́ì ɖǎ m̀ dyi kánáìn. Sɔ̀ dyí, ɓɛ́ m̀ ké nì kɔ̃-pɛ̃́-ɖɛ̀ɔ̀ xwa nɔ̀mɔ̀ìn.” Wàɖà cá kɛɛ, Ìníà sɔ̀ ma dyí. 35Ké nyɔ séín ɓě ɓɛ́ wa cĩ́ ma ɖé Ɖéɖìà-hwɔ̀ɖɔ̀ɔ̀ mú ɔ kè ɖé Sáwɔ̀ɖɔ̀ùn Bɔɔ-kpàɔ̀ kɔ̃ kɛɛ, wa dyéɛ ma ní, ké wa gmɔ̀ìn ma Bounɓoɔ̀ gbo.
36Ké màa ɖò ɓɛ́ ɔ mɔ̀ ma Jízɛ̀ɛ̀ ɖeín-nà-nyɔ̀ ɓěɔ̀ ɖòɛɛ nì ma ɖé Jɔ́pà-hwɔ̀ɖɔ̀ɔ̀ mú. Ɔ nyɛ́nɛ́ mɔ̀ ma Tàbítà, ké ɖé Gíɖíì-wùɖù múɛɛ, wa ɖáìn ɔ Dɔ́kɔ̀. Kũ̀à nɔ̀mɔ̀ dyíin kè kpeɖe nɔ̀mɔ̀ dyíin nyu-nyu bã ɔ mú mìɔ. 37Ɓó wé ɓěa ɓaɖaa, ɔ wɛ́, ké ɔ mɛ́ ma. Ti wa ɖǎ ma xwɛ́ɔ̀ dèɖèɛ̀ hwɔɛɛ, wa pɛ̃́ìn ma ɔ ɖé ɓí-dyù ɖò ɓɛ́ ɔ nì ma ɖé gbǒɔ̀ dyiíɛɛ múin. 38Ɖéɖìà-hwɔ̀ɖɔ̀ɔ̀ xwɛ̃́ìn ma Jɔ́pà-hwɔ̀ɖɔ̀ɔ̀ bũ̌in. Ɔ jèɛɛ, ti ɖeín-nà-nyɔ̀ ɓěɔ̀ wɔ̃́ɔ ma kà Píɖɛ̀ nì ma ɖé Ɖéɖìà-hwɔ̀ɖɔ̀ɔ̀ múɛɛ, wa ɖoɓo ma ɖé gàa sɔ̃́, ɓɛ́ wa ké ma ɔ ɓaà, ɓɛ́ ɔ ké ma wa gbo mu wàɖà. 39Ɔ jèɛɛ, Píɖɛ̀ sɔ̀ ma dyí, ké ɔ kè wa mu ma. Ké ti ɔ ɖǎ ma nyiniɛɛ, wa kpa ma ɔ ɖé dyií ɖé ɓí-dyùɔ̀ mú. Jɔ̌ɔ̀-màà séín ɓěɔ̀ dyi ma, ké wa nyànà ma Píɖɛ̀ wáún dyi, ké wa nì ma vĩ̌ɛń. Ké wa nì ma wáɖá-ɖɔ̀ ɓě kè ɖɔ tɔ̀ɔ̀ ɓě ɓɛ́ Dɔ́kɔ̀ gma ma ti ɓɛ́ ɔ nì ma wa gbo keɛɛ Píɖɛ̀ dyí tɛ̀mɛ̀ǐn. 40Ké Píɖɛ̀ síìn ma nyɔ séín ɓěɔ̀ píé, ké ɔ taɓa ma kɔ́-dù hwuɖu, ké ɔ ɓaà ma. Ti ɔ ɖǎ ma ɓaà hwɔɛɛ, ɔ gmɔ̀ìn ma ɖé xwɛ́ɔ̀ gbo, ké ɔ ɖá, “Tàbítà, sɔ̀ dyí.” Ké màaɔ̀ ɓáà ma dyéɖé, ké ɔ dyé ma Píɖɛ̀. Púɛɛ, ɔ sɔ̀ dyí, ké ɔ kò ma dyi. 41Ké Píɖɛ̀ kpɔ̃ ma ɔ sɔ̃in, ké ɔ sɔ̀ìn ma ɔ dyí. Ké ɔ ɖá ma jɔ̌ɔ̀-màà ɓěɔ̀ kè Gèɖèpɔ́ɔ̀-nyɔ̀ tɔ̀ɔ̀ ɓěɔ̀, ké ɔ tɛ̀mɛ̀ìn ma wa dyí kà ɓɛ́ Dɔ́kɔ̀ nì ma cĩ́ɛń ɖeɛ. 42Ké bɔ̃̌ɔ̀ ɓeìn ma Jɔ́pà-hwɔ̀ɖɔ̀ɔ̀ múin, ké nyɔ ɓáún-ɓáún taɓa ma Bounɓoɔ̀ hwìɖǐǐ. 43Ké Píɖɛ̀ nyu ma ti goun wè ɖé Jɔ́pà-hwɔ̀ɖɔ̀ɔ̀ mú, ɖé gàa ɖò ɓɛ́ wa ɖáìn Sã́ɓò kɛɛ gbo. Ɔ mɔ̀ ma kúɖúù-ɖáɓá-nyɔ̀ ɖò.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.