Jɛ́nɛ́sì 17:12-13

Sɔ̀ìn ɓó zɛ̃̌ɛ̀ gboɛɛ, ɓěɛ̀ gàa-dyù séín ɓɛ́ wa mu wé mɛ̀nɛ̌ìn-tã nyuùn wɛ̃ɛ ɓéɖé ɓɛ́ wa ké sàà mɛ́, hwɛ̀ ḿ po níiń, gǐì-gàà ɓě ɓɛ́ wa wóɖó ɖé ɓěɛ̀ gbǒɔ̀ xwíníín nyɛ kè gǐì-gàà ɓěɔ̀ nyɔ ɓɛ́ ɓě dɔ̃ wíɖí mú sɔ̀ìn ɖé ɖíà ɓě xwaún wɛ̃. Gǐì-gàà ɓě wóɖó ɖé ɓěɛ̀ gbǒɔ̀ xwíníín nyɛ kè gǐì-gàà ɓě ɓɛ́ ɓě dɔ̃ wíɖí múɛɛ, wa séín ɓéɖé wa ké sàà mɛ́. À dèè-wùɖù ɓá ɓěɛ̀ fɔ́ɔ̀ jè dyíɛɛ mu sè-ná-sèɛ̀ dèè-wùɖù jǔùn.