Jɛ́nɛ́sì 34
34
Dánà ganaún-kpɔ̃̀ìn-kpɔ̃̀ìn
1Wé ɖòɛ̀ ɓaɖaa, Dánà mɔ̀à Jékɔ̀ kè Ɖéàà dyú-mààɔ̀ kɛɛ mu ma ɓóɖóɔ̀ màa-dyù ɓěɔ̀ gbo dyi téìn. 2Ké Sɛ́kɛ̃̀ìn mɔ̀à Hámɔ̀ɛ̀ dyú-gààɔ̀ kɛɛ dyé ma ɔ. Hámɔ̀ ɓɛ́ ɔ mɔ̀ ma Hívì-nyɔ̀ ɖò kɛɛ mɔ̀ ma ɓóɖóɔ̀ wuɖuí-kɔ̃̀-nyɔ̀. Ti ɓɛ́ Sɛ́kɛ̃̀ìn dyé ma ɔ kɛɛ, ɔ kpɔ̃̀ìn ma ɔ ganaún, ké ɔ pɛ̃́ ma ɔ gbo. 3Sɔ̀ìn ɓóɛ gboɛɛ, ɔ ɖɛ̀ɓɛ̀ ma Dánà mɔ̀à Jékɔ̀ɛ̀ dyú-mààɔ̀ kɛɛ mú mìɔ cá. Ké ɔ cɛ̃ ma ɔ wuɖu nɔ̀mɔ̀ kɔ̃in gbo. 4Hwɛ̀ ké Sɛ́kɛ̃̀ìn cɛ̃ɛ ma ɔ ɓǎ Hámɔ̀ gbo, ké ɔ ɖá, “Mɔ́ ḿ bìì Dánà mɔ̀à Jékɔ̀ɛ̀ dyú-mààɔ̀ kɛ, ɓɛ́ ɔ ké ní gmàà jǔ.”
5Ti ɓɛ́ Jékɔ̀ wɔ̃́ɔ ma kà Sɛ́kɛ̃̀ìn ɖǎ ma ɔ dyú-màà Dánà ganaún kpɔ̃̀ìn nyɛɛ, ɔ se ma ɖɛ ɖò cɛ̃, sepóɛɖé ɔ dyú-gàà ɓěɔ̀ nì ma ɔ nyúà-ɖɛ̀ ɓěɔ̀ dyí gmɔ̀ǔn ɖé gbǎùn-fúɖúáɔ̀ kɔ̃. Ɔ jèɛɛ, ɔ kpɔ̃ ma ɔ hwòɖǒɔ̀ dyí, ké wa dyi ma hwɔɖɔún hwɛ̀. 6Púɛɛ, Sɛ́kɛ̃̀ìn ɓǎ mɔ̀à Hámɔ̀ kɛɛ mu ma ɖé Jékɔ̀ gbo, ɓɛ́ wa ké ma dɔ́ɔ́ dè. 7Ɓó tia ɓaɖaa, Jékɔ̀ɛ̀ dyú-gàà ɓěɔ̀ ɖǎ ma ɖɛ ɖǎà kpáa wɔ̃́. Ké wa hwòɖǒ kpá ma ɖé ɖei, ké wa kpá ma dyoɖoún mìɔ ɓó dɛ̃-ɖɛ̀ vɛ̀nɛ̀ ɓɛ́ Sɛ́kɛ̃̀ìn nyuà kɛɛ jè. Ké wa dyi ma hwɔɖɔún. Ɔ ɖǎ Éézùɖùɛ̀-dyù ɓěɔ̀ dɛ̃-ɖɛ̀ nìà kɛ bũ̌ nyu dyììn ɖé Jékɔ̀ɛ̀ dyú-mààɔ̀ ganaún-kpɔ̃̀ìn-kpɔ̃̀ìn mú. Ɖɛ nì kà nìà kɛɛ se ɓéɖé ɓɛ́ ɔ kéɔ́ ná nì. 8Ti wa ɖǎ ma dyiɛɛ, Hámɔ̀ cɛ̃ɛ ma Jékɔ̀ kè ɔ dyú-gàà ɓěɔ̀ gbo, ké ɔ ɖá, “Ní dyú-gàà Sɛ́kɛ̃̀ìn hwòɖǒ dèìn ɓěɛ̀ dyú-mààɔ̀ múin. Ní ɓaà ɓě ní, ɓě nyí ɔ ní dyú-gààɔ̀, ɓɛ́ ɔ ké ɔ gmàà jǔ. 9Ɓěà kpɔ̃ìn kpɔ̃̀ìn dyi. Ɓě nyí ɓěɛ̀ dyú-màà ɓěɔ̀ à, ɓɛ́ ɓě ké à nììn dyú-màà ɓěɔ̀ dyi kpɔ̃. 10Dyììn ɖéɛ múɛɛ, nìí, ɓě ké nɔ̄ à hwìɛ̀ cĩ́. À zà ɓóɖóɔ̀ xwáɖáún, ké à nyíɛ ɓě. Ɓě cĩ́ ɖéɛ mú, ɓɛ́ ɓě ké ɖɛ dɔ̃, ɓɛ́ ɓě ké ɖɛ peɖe kà ɓěɛ̀ hwòɖǒ mɔ́ɔ kɛ, ɓɛ́ ɓě ké ɖɛ kɔ̃̀ nɔ̄ ɓóɖóɛ̀ mú.”
11Hwɛ̀ ké Sɛ́kɛ̃̀ìn cɛ̃ɛ Dánà ɓǎ kè ɔ ɖíí-gàà ɓěɔ̀ gbo, ké ɔ ɖá, “Ɓěɛ̀ hwòɖǒ mɛ dèìn ḿ múin, ké ní mu ɓě ɖɛ ɓě mu ɖé ḿ xwaún mɔ́ùn wɛ̃ɛ nyíìn. 12Ɓě mɛ ɖá bùǐ-wìɖì jĩ̀ kà ɓɛ́ ɓě mɔ́ ḿ ké pɛ́ɛ̀ ɓó ɓěɛ̀ dyú-mààɔ̀ jèɛɛ nyɛ́nɛ́, ɔ kè nyíí-ɖɛ̀ ɓó kɔ̃in ɖe, ké ní muɛ pɛ́ɛ̀ìn. Ní ɓaà ɓě ní, ɓě nyí ḿ màa-dyùɔ̀, ɓɛ́ ɔ ké ní gmàà jǔ wɛ̃́ɛ́.”
13Kɛɛ Jékɔ̀ɛ̀ dyú-gàà ɓěɔ̀ jǔ ma Sɛ́kɛ̃̀ìn kè ɔ ɓǎ Hámɔ̀ gɔ̃̌ gbá-gbá-kà, sepóɛɖé Sɛ́kɛ̃̀ìn kpɔ̃̀ìn ma wa ɖíí-màà Dánà ganaún jè. 14Wa cɛ̃ɛ Sɛ́kɛ̃̀ìn kè ɔ ɓǎ Hámɔ̀ gbo, ké wa ɖá, “À se ɖɛ nì kàà nyuɛ ɓɛ́ìn. À se à ɖíí-mààɔ̀ gàa ɓɛ́ ɔ se sàà mɛ́ kɛɛ nyíɛ ɓɛ́ìn. Ɔ dyi ná nìǐn, nìí, ɔ mu dɛ̃-ɖɛ̀ jǔùn ɓó à bìì. 15Ɔ jǔ ké ɓě dyi ɖɛ dyúáɖò nìà kɛ gbo wɔ̃́ìn ní, nìí, à mɔ̀ùn mu wɔ̃́ùn. Ɖɛɔ̀ mɔ̀, ɓɛ́ ɓěɛ̀ gàa séín ɓěɔ̀ ké sàà mɛ́ kà à mɔ̀ùn nìà kɛ. 16Ɔ dyi ná nìǐn, à mu à dyú-màà ɓěɔ̀ ɓě nyíìn, ɓɛ́ à ké ɓě nììn dyú-màà ɓěɔ̀ dyi kpɔ̃. Nìí, à mu ɖé ɓě hwìɛ̀ cĩ́ìn, ɓɛ́ à kè ɓě ké nyɔ dyúáɖò jǔ. 17Kɛɛ ɓě se wɔ̃́ ɓɛ́ ɓě ké sàà mɛ́ ní, nìí, à mu à ɖíí-mààɔ̀ dyí ɖúùn, ɓɛ́ à ké mu.”
18Púɛɛ, ɖɛ wa cɛ̃ ma kà kɛɛ dè ma Hámɔ̀ kè ɔ dyú-gàà Sɛ́kɛ̃̀ìn hwòɖǒ dyi. 19Gàa-dyù gmɔ̀ mɔ̀à Sɛ́kɛ̃̀ìn kɛɛ se ma ti ɖò mú gbɔɔ̀ ɓó ɖɛ wa po ma kà ɔ dyúa dyiɛɛ nyu jè, sepóɛɖé ɔ ɖɛ̀ɓɛ̀ ma Jékɔ̀ɛ̀ dyú-mààɔ̀ mú mìɔ. Ɔ mɔ̀ nyɔ ɓɛ́ nyɔǔn dyé ma kpéín mìɔ ɖé ɔ ɓǎà dyú ɓěɔ̀ hwìɛ̀ kɛ.
20Ɔ jèɛɛ, Hámɔ̀ kè ɔ dyú-gàà Sɛ́kɛ̃̀ìn mu ma ɖé Sɛ́kɛ̃̀ìn-hwɔ̀ɖɔ̀ɔ̀ gmɔ-wɔ̃̀ɔ̀#34:20 Gmɔ-wɔ̃̀ɔ̀ mɔ̀ dɛ̀ ɓɛ́ hwɔ̀ɖɔ̀-gàà ɓěɔ̀ poìn dyí tee ɓó zɔ̃ín cɛ̃ jè kɛ. gbo, ɓɛ́ wa kè wa mǔè-hwɔ̀ɖɔ̀-gàà ɓěɔ̀ ké ma dɔ́ɔ́ dè. 21Wa cɛ̃ɛ ma wa gbo, ké wa ɖá, “Nyɔ ɓě nìà kɛ, wa kpeɖe nɔ̀mɔ̀ dyíin ɓó à gbo. Ɓěà táà wa dyi, ɓɛ́ wa ké ɓěà ɓóɖóɛ̀ mú cĩ́, ɓɛ́ wa ké nɔ̄ ɖɛ dɔ̃, ɓɛ́ wa ké ɖɛ peɖe kà wa hwòɖǒ mɔ́ɔ kɛ. Pá ɓáún-ɓáún nì nɔ̄ ɓóɖóɛ̀ mú ɓó wa bìì. À ɓɛ́ìn waà dyú-màà ɓěɔ̀ dyi kpɔ̃ɔ, ké wa ɓɛ́ìn à nììn dyú-màà ɓěɔ̀ dyi kpɔ̃ɔ ɖekè. 22Nyɔ ɓěɔ̀ mu wɔ̃́ùn ɓɛ́ wa ké nɔ̄ à hwìɛ̀ cĩ́. Kɛɛ wa ɖá à ɓéɖé ɓɛ́ à ké ɖɛ dyúáɖò nyu, hwɛ̀ ɓɛ́ à kè wa ké nyɔ dyúáɖò jǔ. Ɖɛɔ̀ mɔ̀, ɓɛ́ à gàa ɓěɔ̀ ké sàà mɛ́ kà wa nìà kɛ. 23Má, ɔ dyi ná nìǐn, waà nyúà-ɖɛ̀ kè waà kɔ̃̀ɔ̀-ɖɛ̀ séín ɓěɔ̀ à kɔ̃̀ wae? Ɔ jèɛɛ, ɓěà wɔ̃́ìn waà wuɖuɔ̀ gbo. Nìí, wa mu nɔ̄ à hwìɛ̀ cĩ́ìn.” 24Ɔ jèɛɛ, gàa séín ɓě cĩ́ ma ɖé hwɔɖɔɔ̀ múɛɛ wɔ̃́ìn ma ɔ kè ɔ dyú-gàà Sɛ́kɛ̃̀ìn wuɖuɔ̀ gbo, ké hwɔɖɔɔ̀ gàa séín mɛ́ ma sàà.
25Ɓó wéɔ̀ tã nììnɔ̀ ɓaɖaa, ti ɓɛ́ gàa ɓěɔ̀ sàà-jè ɓěɔ̀ nì ma wa puàǔn wɛ̃ɛ, púɛɛ, Jékɔ̀ɛ̀ dyú-gàà ɓěɔ̀ sɔ̃́ mɔ̀à Símìɔ̀ kè Ɖíìváà kɛɛ ɖú ma waà gàsíà ɓěɔ̀ dyí. Ké wa kpa ma hwɔɖɔɔ̀ to kɔ̃, ti ɓɛ́ nyɔ ɓěɔ̀ se ma wa jè hwìɖǐi dè kɛ. Ké wa ɖáɓá ma gàa séín ɓě nì ma ɖéɛ. 26Wa ɖáɓá ma Hámɔ̀ kè ɔ dyú-gàà Sɛ́kɛ̃̀ìn gàsíà dyí, ké wa zà ma Dánà ɖé Sɛ́kɛ̃̀ìn gbǒɔ̀ mú, ké wa kpa ma ɔ. 27Ti ɓɛ́ Jékɔ̀ɛ̀ dyú-gàà sɔ̃́ ɓěɔ̀ ɖǎ ma gàa ɓěɔ̀ ɖáɓá kɛɛ, ɔ dyú-gàà séín ɓěɔ̀ mu, ké wa ɖú ma nyɔ ɓěɔ̀ kɔ̃̀ɔ̀-ɖɛ̀ séín nì ɖé hwɔɖɔɔ̀ múɛɛ dyí ɓó dɛ̃-ɖɛ̀ ɓɛ́ hwɔɖɔɔ̀ dyú ɖò nyu ma kà wa ɖíí-mààɔ̀ bũ̌ɛɛ jè. 28Wa ɖú ma hwɔɖɔɔ̀ nyɔ ɓěɔ̀ ɓáɖáá kè wiɖi kè ɓìɖǐ kè jǎkasì kè wa kɔ̃̀ɔ̀-ɖɛ̀ séín nì ma hwɔɖɔɔ̀ múɛ ɔ kè ɖɛ séín nì ma ɖé waà geɖe ɓěɔ̀ gboɛɛ dyí. 29Ké wa kpa ma nyɔ ɓěɔ̀ kɔ́mɔ́-ɖɛ̀ séín ɓěɔ̀ kè wa gmàà ɓě kè wa dyú ɓě ɔ kè ɖɛ séín nì ma ɖé waà taà ɓěɔ̀ múɛ.
30Hwɛ̀ ké Jékɔ̀ cɛ̃ɛ ma Símìɔ̀ kè Ɖíìváà gbo, ké ɔ ɖá, “Ɓě ɖǎ ḿ fũ̀à-fṹá vɛ̀nɛ̀ kɔ̃ dyà ɓó zɛ̃̌ɛ̀, sepóɛɖé ɓě ɖǎa nyu ɓɛ́ ḿ ké dyi-nyàìn-ɖɛ̀ jǔ ɖé Kénà-nyɔ̀ ɓěɔ̀ kè Pɛ́wìɖì-nyɔ̀ ɓě ɓɛ́ wa cĩ́à nɔ̄ ɓóɖóɛ̀ múɛɛ gbo. Ɓě dyuòɛ̀ kà à se dyí vòɛ. Ɔ jǔ ké nyɔ ɓě nìà kɛ dyi dyí poìn, ké wa dyi ḿ to kɔ̃ dyà ní, nìí, wa mu ḿ kè ní gbǒ-xwíníín gànáɔ̀ mú gbɔɔ̀ùn.”
31Kɛɛ wa zà ma ɖé wuɖu, ké wa ɖá, “Nì hwòɖǒ ɖá ɔ nɔ̀mɔ̀ dyíin ɓɛ́ Sɛ́kɛ̃̀ìn ké à ɖíí-mààɔ̀ nyu pū kà gbàɖàùn-màà nìà kɛɛ̀?”
Currently Selected:
Jɛ́nɛ́sì 34: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Jɛ́nɛ́sì 34
34
Dánà ganaún-kpɔ̃̀ìn-kpɔ̃̀ìn
1Wé ɖòɛ̀ ɓaɖaa, Dánà mɔ̀à Jékɔ̀ kè Ɖéàà dyú-mààɔ̀ kɛɛ mu ma ɓóɖóɔ̀ màa-dyù ɓěɔ̀ gbo dyi téìn. 2Ké Sɛ́kɛ̃̀ìn mɔ̀à Hámɔ̀ɛ̀ dyú-gààɔ̀ kɛɛ dyé ma ɔ. Hámɔ̀ ɓɛ́ ɔ mɔ̀ ma Hívì-nyɔ̀ ɖò kɛɛ mɔ̀ ma ɓóɖóɔ̀ wuɖuí-kɔ̃̀-nyɔ̀. Ti ɓɛ́ Sɛ́kɛ̃̀ìn dyé ma ɔ kɛɛ, ɔ kpɔ̃̀ìn ma ɔ ganaún, ké ɔ pɛ̃́ ma ɔ gbo. 3Sɔ̀ìn ɓóɛ gboɛɛ, ɔ ɖɛ̀ɓɛ̀ ma Dánà mɔ̀à Jékɔ̀ɛ̀ dyú-mààɔ̀ kɛɛ mú mìɔ cá. Ké ɔ cɛ̃ ma ɔ wuɖu nɔ̀mɔ̀ kɔ̃in gbo. 4Hwɛ̀ ké Sɛ́kɛ̃̀ìn cɛ̃ɛ ma ɔ ɓǎ Hámɔ̀ gbo, ké ɔ ɖá, “Mɔ́ ḿ bìì Dánà mɔ̀à Jékɔ̀ɛ̀ dyú-mààɔ̀ kɛ, ɓɛ́ ɔ ké ní gmàà jǔ.”
5Ti ɓɛ́ Jékɔ̀ wɔ̃́ɔ ma kà Sɛ́kɛ̃̀ìn ɖǎ ma ɔ dyú-màà Dánà ganaún kpɔ̃̀ìn nyɛɛ, ɔ se ma ɖɛ ɖò cɛ̃, sepóɛɖé ɔ dyú-gàà ɓěɔ̀ nì ma ɔ nyúà-ɖɛ̀ ɓěɔ̀ dyí gmɔ̀ǔn ɖé gbǎùn-fúɖúáɔ̀ kɔ̃. Ɔ jèɛɛ, ɔ kpɔ̃ ma ɔ hwòɖǒɔ̀ dyí, ké wa dyi ma hwɔɖɔún hwɛ̀. 6Púɛɛ, Sɛ́kɛ̃̀ìn ɓǎ mɔ̀à Hámɔ̀ kɛɛ mu ma ɖé Jékɔ̀ gbo, ɓɛ́ wa ké ma dɔ́ɔ́ dè. 7Ɓó tia ɓaɖaa, Jékɔ̀ɛ̀ dyú-gàà ɓěɔ̀ ɖǎ ma ɖɛ ɖǎà kpáa wɔ̃́. Ké wa hwòɖǒ kpá ma ɖé ɖei, ké wa kpá ma dyoɖoún mìɔ ɓó dɛ̃-ɖɛ̀ vɛ̀nɛ̀ ɓɛ́ Sɛ́kɛ̃̀ìn nyuà kɛɛ jè. Ké wa dyi ma hwɔɖɔún. Ɔ ɖǎ Éézùɖùɛ̀-dyù ɓěɔ̀ dɛ̃-ɖɛ̀ nìà kɛ bũ̌ nyu dyììn ɖé Jékɔ̀ɛ̀ dyú-mààɔ̀ ganaún-kpɔ̃̀ìn-kpɔ̃̀ìn mú. Ɖɛ nì kà nìà kɛɛ se ɓéɖé ɓɛ́ ɔ kéɔ́ ná nì. 8Ti wa ɖǎ ma dyiɛɛ, Hámɔ̀ cɛ̃ɛ ma Jékɔ̀ kè ɔ dyú-gàà ɓěɔ̀ gbo, ké ɔ ɖá, “Ní dyú-gàà Sɛ́kɛ̃̀ìn hwòɖǒ dèìn ɓěɛ̀ dyú-mààɔ̀ múin. Ní ɓaà ɓě ní, ɓě nyí ɔ ní dyú-gààɔ̀, ɓɛ́ ɔ ké ɔ gmàà jǔ. 9Ɓěà kpɔ̃ìn kpɔ̃̀ìn dyi. Ɓě nyí ɓěɛ̀ dyú-màà ɓěɔ̀ à, ɓɛ́ ɓě ké à nììn dyú-màà ɓěɔ̀ dyi kpɔ̃. 10Dyììn ɖéɛ múɛɛ, nìí, ɓě ké nɔ̄ à hwìɛ̀ cĩ́. À zà ɓóɖóɔ̀ xwáɖáún, ké à nyíɛ ɓě. Ɓě cĩ́ ɖéɛ mú, ɓɛ́ ɓě ké ɖɛ dɔ̃, ɓɛ́ ɓě ké ɖɛ peɖe kà ɓěɛ̀ hwòɖǒ mɔ́ɔ kɛ, ɓɛ́ ɓě ké ɖɛ kɔ̃̀ nɔ̄ ɓóɖóɛ̀ mú.”
11Hwɛ̀ ké Sɛ́kɛ̃̀ìn cɛ̃ɛ Dánà ɓǎ kè ɔ ɖíí-gàà ɓěɔ̀ gbo, ké ɔ ɖá, “Ɓěɛ̀ hwòɖǒ mɛ dèìn ḿ múin, ké ní mu ɓě ɖɛ ɓě mu ɖé ḿ xwaún mɔ́ùn wɛ̃ɛ nyíìn. 12Ɓě mɛ ɖá bùǐ-wìɖì jĩ̀ kà ɓɛ́ ɓě mɔ́ ḿ ké pɛ́ɛ̀ ɓó ɓěɛ̀ dyú-mààɔ̀ jèɛɛ nyɛ́nɛ́, ɔ kè nyíí-ɖɛ̀ ɓó kɔ̃in ɖe, ké ní muɛ pɛ́ɛ̀ìn. Ní ɓaà ɓě ní, ɓě nyí ḿ màa-dyùɔ̀, ɓɛ́ ɔ ké ní gmàà jǔ wɛ̃́ɛ́.”
13Kɛɛ Jékɔ̀ɛ̀ dyú-gàà ɓěɔ̀ jǔ ma Sɛ́kɛ̃̀ìn kè ɔ ɓǎ Hámɔ̀ gɔ̃̌ gbá-gbá-kà, sepóɛɖé Sɛ́kɛ̃̀ìn kpɔ̃̀ìn ma wa ɖíí-màà Dánà ganaún jè. 14Wa cɛ̃ɛ Sɛ́kɛ̃̀ìn kè ɔ ɓǎ Hámɔ̀ gbo, ké wa ɖá, “À se ɖɛ nì kàà nyuɛ ɓɛ́ìn. À se à ɖíí-mààɔ̀ gàa ɓɛ́ ɔ se sàà mɛ́ kɛɛ nyíɛ ɓɛ́ìn. Ɔ dyi ná nìǐn, nìí, ɔ mu dɛ̃-ɖɛ̀ jǔùn ɓó à bìì. 15Ɔ jǔ ké ɓě dyi ɖɛ dyúáɖò nìà kɛ gbo wɔ̃́ìn ní, nìí, à mɔ̀ùn mu wɔ̃́ùn. Ɖɛɔ̀ mɔ̀, ɓɛ́ ɓěɛ̀ gàa séín ɓěɔ̀ ké sàà mɛ́ kà à mɔ̀ùn nìà kɛ. 16Ɔ dyi ná nìǐn, à mu à dyú-màà ɓěɔ̀ ɓě nyíìn, ɓɛ́ à ké ɓě nììn dyú-màà ɓěɔ̀ dyi kpɔ̃. Nìí, à mu ɖé ɓě hwìɛ̀ cĩ́ìn, ɓɛ́ à kè ɓě ké nyɔ dyúáɖò jǔ. 17Kɛɛ ɓě se wɔ̃́ ɓɛ́ ɓě ké sàà mɛ́ ní, nìí, à mu à ɖíí-mààɔ̀ dyí ɖúùn, ɓɛ́ à ké mu.”
18Púɛɛ, ɖɛ wa cɛ̃ ma kà kɛɛ dè ma Hámɔ̀ kè ɔ dyú-gàà Sɛ́kɛ̃̀ìn hwòɖǒ dyi. 19Gàa-dyù gmɔ̀ mɔ̀à Sɛ́kɛ̃̀ìn kɛɛ se ma ti ɖò mú gbɔɔ̀ ɓó ɖɛ wa po ma kà ɔ dyúa dyiɛɛ nyu jè, sepóɛɖé ɔ ɖɛ̀ɓɛ̀ ma Jékɔ̀ɛ̀ dyú-mààɔ̀ mú mìɔ. Ɔ mɔ̀ nyɔ ɓɛ́ nyɔǔn dyé ma kpéín mìɔ ɖé ɔ ɓǎà dyú ɓěɔ̀ hwìɛ̀ kɛ.
20Ɔ jèɛɛ, Hámɔ̀ kè ɔ dyú-gàà Sɛ́kɛ̃̀ìn mu ma ɖé Sɛ́kɛ̃̀ìn-hwɔ̀ɖɔ̀ɔ̀ gmɔ-wɔ̃̀ɔ̀#34:20 Gmɔ-wɔ̃̀ɔ̀ mɔ̀ dɛ̀ ɓɛ́ hwɔ̀ɖɔ̀-gàà ɓěɔ̀ poìn dyí tee ɓó zɔ̃ín cɛ̃ jè kɛ. gbo, ɓɛ́ wa kè wa mǔè-hwɔ̀ɖɔ̀-gàà ɓěɔ̀ ké ma dɔ́ɔ́ dè. 21Wa cɛ̃ɛ ma wa gbo, ké wa ɖá, “Nyɔ ɓě nìà kɛ, wa kpeɖe nɔ̀mɔ̀ dyíin ɓó à gbo. Ɓěà táà wa dyi, ɓɛ́ wa ké ɓěà ɓóɖóɛ̀ mú cĩ́, ɓɛ́ wa ké nɔ̄ ɖɛ dɔ̃, ɓɛ́ wa ké ɖɛ peɖe kà wa hwòɖǒ mɔ́ɔ kɛ. Pá ɓáún-ɓáún nì nɔ̄ ɓóɖóɛ̀ mú ɓó wa bìì. À ɓɛ́ìn waà dyú-màà ɓěɔ̀ dyi kpɔ̃ɔ, ké wa ɓɛ́ìn à nììn dyú-màà ɓěɔ̀ dyi kpɔ̃ɔ ɖekè. 22Nyɔ ɓěɔ̀ mu wɔ̃́ùn ɓɛ́ wa ké nɔ̄ à hwìɛ̀ cĩ́. Kɛɛ wa ɖá à ɓéɖé ɓɛ́ à ké ɖɛ dyúáɖò nyu, hwɛ̀ ɓɛ́ à kè wa ké nyɔ dyúáɖò jǔ. Ɖɛɔ̀ mɔ̀, ɓɛ́ à gàa ɓěɔ̀ ké sàà mɛ́ kà wa nìà kɛ. 23Má, ɔ dyi ná nìǐn, waà nyúà-ɖɛ̀ kè waà kɔ̃̀ɔ̀-ɖɛ̀ séín ɓěɔ̀ à kɔ̃̀ wae? Ɔ jèɛɛ, ɓěà wɔ̃́ìn waà wuɖuɔ̀ gbo. Nìí, wa mu nɔ̄ à hwìɛ̀ cĩ́ìn.” 24Ɔ jèɛɛ, gàa séín ɓě cĩ́ ma ɖé hwɔɖɔɔ̀ múɛɛ wɔ̃́ìn ma ɔ kè ɔ dyú-gàà Sɛ́kɛ̃̀ìn wuɖuɔ̀ gbo, ké hwɔɖɔɔ̀ gàa séín mɛ́ ma sàà.
25Ɓó wéɔ̀ tã nììnɔ̀ ɓaɖaa, ti ɓɛ́ gàa ɓěɔ̀ sàà-jè ɓěɔ̀ nì ma wa puàǔn wɛ̃ɛ, púɛɛ, Jékɔ̀ɛ̀ dyú-gàà ɓěɔ̀ sɔ̃́ mɔ̀à Símìɔ̀ kè Ɖíìváà kɛɛ ɖú ma waà gàsíà ɓěɔ̀ dyí. Ké wa kpa ma hwɔɖɔɔ̀ to kɔ̃, ti ɓɛ́ nyɔ ɓěɔ̀ se ma wa jè hwìɖǐi dè kɛ. Ké wa ɖáɓá ma gàa séín ɓě nì ma ɖéɛ. 26Wa ɖáɓá ma Hámɔ̀ kè ɔ dyú-gàà Sɛ́kɛ̃̀ìn gàsíà dyí, ké wa zà ma Dánà ɖé Sɛ́kɛ̃̀ìn gbǒɔ̀ mú, ké wa kpa ma ɔ. 27Ti ɓɛ́ Jékɔ̀ɛ̀ dyú-gàà sɔ̃́ ɓěɔ̀ ɖǎ ma gàa ɓěɔ̀ ɖáɓá kɛɛ, ɔ dyú-gàà séín ɓěɔ̀ mu, ké wa ɖú ma nyɔ ɓěɔ̀ kɔ̃̀ɔ̀-ɖɛ̀ séín nì ɖé hwɔɖɔɔ̀ múɛɛ dyí ɓó dɛ̃-ɖɛ̀ ɓɛ́ hwɔɖɔɔ̀ dyú ɖò nyu ma kà wa ɖíí-mààɔ̀ bũ̌ɛɛ jè. 28Wa ɖú ma hwɔɖɔɔ̀ nyɔ ɓěɔ̀ ɓáɖáá kè wiɖi kè ɓìɖǐ kè jǎkasì kè wa kɔ̃̀ɔ̀-ɖɛ̀ séín nì ma hwɔɖɔɔ̀ múɛ ɔ kè ɖɛ séín nì ma ɖé waà geɖe ɓěɔ̀ gboɛɛ dyí. 29Ké wa kpa ma nyɔ ɓěɔ̀ kɔ́mɔ́-ɖɛ̀ séín ɓěɔ̀ kè wa gmàà ɓě kè wa dyú ɓě ɔ kè ɖɛ séín nì ma ɖé waà taà ɓěɔ̀ múɛ.
30Hwɛ̀ ké Jékɔ̀ cɛ̃ɛ ma Símìɔ̀ kè Ɖíìváà gbo, ké ɔ ɖá, “Ɓě ɖǎ ḿ fũ̀à-fṹá vɛ̀nɛ̀ kɔ̃ dyà ɓó zɛ̃̌ɛ̀, sepóɛɖé ɓě ɖǎa nyu ɓɛ́ ḿ ké dyi-nyàìn-ɖɛ̀ jǔ ɖé Kénà-nyɔ̀ ɓěɔ̀ kè Pɛ́wìɖì-nyɔ̀ ɓě ɓɛ́ wa cĩ́à nɔ̄ ɓóɖóɛ̀ múɛɛ gbo. Ɓě dyuòɛ̀ kà à se dyí vòɛ. Ɔ jǔ ké nyɔ ɓě nìà kɛ dyi dyí poìn, ké wa dyi ḿ to kɔ̃ dyà ní, nìí, wa mu ḿ kè ní gbǒ-xwíníín gànáɔ̀ mú gbɔɔ̀ùn.”
31Kɛɛ wa zà ma ɖé wuɖu, ké wa ɖá, “Nì hwòɖǒ ɖá ɔ nɔ̀mɔ̀ dyíin ɓɛ́ Sɛ́kɛ̃̀ìn ké à ɖíí-mààɔ̀ nyu pū kà gbàɖàùn-màà nìà kɛɛ̀?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.