Jɛ́nɛ́sì 38
38
Júɖà kè Támà
1Sɔ̀ìn ɓó ɖɛ ɓěa gboɛɛ, Júɖà sɔ̀ ma ɓó ɔ ɖíí-gàà ɓěɔ̀ hwìɛ̀, ké ɔ cĩ́ ma ɖé gàa ɖò kɔ̃̀ nyɛ́nɛ́ mɔ̀ Híwàɖà kɛɛ gbo. Híwàɖà mɔ̀ ma Àdúɖàùn-hwɔ̀ɖɔ̀ɔ̀ nyɔ ɖò. 2Ti Júɖà nì ma ɖéɛɛ, ɔ dyé ma ɖé màa ɖò. Màaɔ̀ mɔ̀ ma Kénà-gàà ɖò kɔ̃̀ nyɛ́nɛ́ mɔ̀ Súà kɛɛ dyú-màà. Ké ɔ kpɔ̃ ma ɔ dyi, ké ɔ mɔ̀ ma ɔ gmàà. 3Ké màaɔ̀ nì ma zùù kɔ̃, ké ɔ wóɖóìn ma gàa-dyù ɖò, ké ɔ jǔìn ma ɔ Ɛ́ɛ̀-nyɛ̀nɛ̀. 4Sɔ̀ìn ɓóɛ gboɛɛ, ɔ nì ma zùù kɔ̃ ɖe, ké ɔ wóɖóìn ma gàa-dyù ɖò, ké ɔ jǔìn ma ɔ Ónà-nyɛ̀nɛ̀. 5Ké ɔ wóɖóìn ma gàa-dyù ɖò ɖe, ké ɔ jǔìn ma ɔ Séɖà-nyɛ̀nɛ̀. Ɔ nì ma ɖé Kézì-hwɔ̀ɖɔ̀ɔ̀ mú ti ɓɛ́ ɔ wóɖóìn ma gàa-dyùɔ̀ nyɔ nìà kɛ.
6Hwɛ̀ ké Júɖà mɔ́ ma nyɔ́nɔ́ ɖò ɓó ɔ nyíɔ́-dyù mɔ̀à Ɛ́ɛ̀ kɛɛ bìì. Màa-dyùɔ̀ nyɛ́nɛ́ mɔ̀ ma Támà. 7Kɛɛ Ɛ́ɛ̀ mɔ̀à Júɖàà nyíɔ́-dyùɔ̀ kɛɛ nyìnììn ma hwòɖǒ kɔ̃in ɖé Bounɓoɔ̀ dyéɖéín. Ɔ jèɛɛ, Bounɓoɔ̀ ɖáɓá ma ɔ ní. 8Hwɛ̀ ké Júɖà cɛ̃ɛ ma ɔ dyú-gàà mɔ̀à Ónà kɛɛ gbo, ké ɔ ɖá, “Dyá nì ɖíí-gàà gmààɔ̀ gbo gbǒǔn kà dúí-sè-nyɔ̀ ɓéɖé ɓɛ́ ɔ kéɛ nyuɛ, ɓɛ́ m̀ kè ɔ ké dyú wóɖóìn ɓó nì ɖíí-gààɔ̀ nyɛ́nɛ́ kɔ̃ún.” 9Kɛɛ Ónà dyuòɛ̀ ma dyí kà dyú ɓɛ́ ɔ kè màaɔ̀ mu wóɖóìn nyɛɛ se ma ɔ nyɛ́nɛ́ kɔ̃ún nìɛ̌ muɛ jèɛɛ, ti séín ɔ kè ɔ ɖíí-gàà gmààɔ̀ mu ma ɓó da nììn nyɛɛ, nìí, ɔ wáɖáìn ma ɔ mú-sɔ̀-ɖɛ̀ɔ̀ ɓíɖíi dyi, ɓɛ́ ɔ ní kɔ̃̀ ɖà dyú ɖò wóɖóìn ɓó ɔ ɖíí-gààɔ̀ bìì jè. 10Ɖɛ ɔ nyu ma kà kɛɛ se ma Bounɓoɔ̀ hwìɖǐi dè. Ɔ jèɛɛ, Bounɓoɔ̀ ɖáɓá ma ɔ mɔ̀ùn ɖekè. 11Púɛɛ, Júɖà cɛ̃ɛ ma Támà mɔ̀à ɔ dyúɛ̀ gmààɔ̀ kɛɛ gbo, ké ɔ ɖá, “M̀ mɛ mɔ̀ jɔ̌ɔ̀-màà, ɓɛ́ m̀ ké ɖé m̀ ɓǎ ɓíɖí-taún cĩ́ tee, ɓɛ́ ní dyú-gàà mɔ̀à Séɖà kɛɛ ké gàa hwɛ̀ hwɛ̀.” Ɔ cɛ̃ ma ɖɛ nìà kɛ, sepóɛɖé ɔ fɛ̃̀ìn ma ní, Séɖà mɔ̀ùn ní kɔ̃̀ ɖà mɛ́ kà ɔ ɖíí-gàà ɓěɔ̀ mɔ̀ùn mɛ́à kɛɛ jè. Ɔ jèɛɛ, Támà mu ma ɖé ɔ ɓǎ ɓíɖí-taún ɖe.
12Ti ɓɛ́ ti ɓáún-ɓáún ɖǎ ma ziɛɛ, púɛɛ, Júɖàà gmàà mɔ̀à Súàà dyú-mààɔ̀ kɛɛ mɛ́ ma ní. Ti ɓɛ́ Júɖàà gmàà mɛ́ ma kà kɛɛ jè ɖǎ ma ɔ hwìɖǐi hwɛ̀ kɛɛ, púɛɛ, wé ɖòɛ̀ ɓaɖaa, ɔ kè ɔ ɓǎto mɔ̀à Híwàɖà, sɔ̀à ɖé Àdúɖàùn-hwɔ̀ɖɔ̀ɔ̀ múɛɛ mu ma ɖé Tímínà-hwɔ̀ɖɔ̀ɔ̀ mú, dɛ̀ ɓɛ́ gàa ɖíɛ́ ɓě nì ma Júɖàà ɓáɖáá ɓěɔ̀ mí bũ̌in cɛ̃iń nyɛ. 13Ɓó tia ɓaɖaa, nyɔ ɖò cɛ̃ɛ ma Támà gbo, ké ɔ ɖá, “Nì dyú-ɓǎ vɛ̀nɛ̀ nì ɖé Tímínà-hwɔ̀ɖɔ̀ɔ̀ mú muɛń, ɓɛ́ ɔ ké ɔ ɓáɖáá ɓěɔ̀ mí bũ̌in cɛ̃.” 14Púɛɛ, Támà zà ma ɔ jɔ̌ɔ̀-ɖɔ̀ɔ̀ mú, ké ɔ wáɖá ma ɔ mìɔùn ɖɔ dúi, ɓɛ́ ɔ kè gbàɖàùn-màà ké ma hwɔìn. Hwɛ̀ ké ɔ mu, ké ɔ kò ma ɓó Ènáì-hwɔ̀ɖɔ̀ nìà ɓó hwìè muà ɖé Tímínà-hwɔ̀ɖɔ̀ɔ̀ múɛ dyíɛɛ dyáìn-naínɔ̀ dyi. Ɔ nyuɛ náa, sepóɛɖé ɔ dyéɛ kà Júɖàà dyú dyùwè mɔ̀à Séɖà kɛɛ ɖǎ ɖɛ hwɛ̀, ké Júɖà se ɔ Séɖà nyí, ɓɛ́ ɔ ké Séɖàà gmàà jǔ kɛ.
15Ti ɓɛ́ Júɖà dyé ma ɔ kɛɛ, ɔ hwòɖǒ ɖá ɔ mɔ̀ ma gbàɖàùn-màà, sepóɛɖé ɔ wáɖá ma ɖɔ dúi jè. 16Púɛɛ, Júɖà pàìn ma ɓó màaɔ̀ gbo, ɓó hwìèɔ̀ gbìǐ, ké ɔ ɖá, “Tòɛ̀ ɓɛ́ ḿ ké m̀ gbo pɛ̃́.” Ɔ nyuɛ ma náa, sepóɛɖé ɔ seɛ ma dyuò kà ɔ mɔ̀ ma ɔ dyúɛ̀ gmààɔ̀ kɛ.
Ké màaɔ̀ ɖá, “Ɖɛ́ nì mu ḿ nyíìn nyɛ́?”
17Ké Júɖà ɖá, “Ní mu m̀ wiɖi gmɔ̀ ɖò nyíìn sɔ̀ìn ɖé ní nyúà-ɖɛ̀ ɓěɔ̀ hwìɛ̀.”
Ké màaɔ̀ ɖá, “Ɖɛ́ mɔ̀ tɔ̀ɔ̀-má ɓɛ́ nì mu ḿ nyíìn nyɛ́?”
18Ké ɔ ɖá, “Ɖɛ́ nì mɔ́ ḿ ké m̀ nyí ɓó tɔ̀ɔ̀-má jè kɛ́?”
Ké màaɔ̀ ɖá, “Tò nì ɖɛ-sɔ̃-bɛ̃̀-kɔ̃-pòìn-ɖɛ̀ ɓɛ́ ɔ nìà m̀ ɖɔɛ kè nì kùì-kpà nìà ɓó m̀ xwaún wɛ̃.”#38:18 Ɖɛ ɓě nìà kɛ mɔ̀ ma ɔ dyí-dyuòìn-ɖɛ̀. Ké ɔ nyí ma màaɔ̀ ɖɛ ɓěɔ̀, ké ɔ pɛ̃́ ma ɔ gbo. Púɛɛ, màaɔ̀ nì ma zùù kɔ̃. 19Ti ɓɛ́ Támà sɔ̀ ma ɓóɛɛ, ɔ mu, ké ɔ zà ma ɖɔ ɔ wáɖá ma kà dúiɛɛ dúi, ké ɔ po ma ɔ jɔ̌ɔ̀-ɖɔ̀ɔ̀ mú ɖe.
20Hwɛ̀ ké Júɖà dèìn ma wiɖi gmɔ̀ɔ̀ ɔ ɓǎto Híwàɖà sɔ̀à ɖé Àdúɖàùn-hwɔ̀ɖɔ̀ɔ̀ múɛɛ xwa, nìí, ɓɛ́ ɔ ké ɔ tɔ̀ɔ̀-má ɓěɔ̀ ɖe dyé sɔ̀ìn ɖé màaɔ̀ xwaún, kɛɛ ɔ se màaɔ̀ dyé. 21Ké ɔ diè ma gàa ɓě cĩ́ ma ɖé hwɔɖɔɔ̀ múɛɛ dyi, ké ɔ ɖá, “Dɛ̌ gbàɖàùn-màà ɓɛ́ gbàɖàùn-po-po mɔ̀à ɔ kũùn-kpò-gèɖèpɔ́ɔ̀ ɓiè-ɓiè, ɓɛ́ ɔ nì ma kà dà ɓó hwìèɔ̀ gbìǐɛɛ nì kɛ́?”
Ké wa ɖá, “Gbàɖàùn-màà ɖò se dà nì.”
22Ɔ jèɛɛ, ɔ mu ma ɖé Júɖà gbo ɖe, ké ɔ ɖá, “Ḿ se màaɔ̀ dyé. Ké gàa ɓě nì ɖé páɔ̀ múɛɛ ɖá gbàɖàùn-màà ɖò se ɖé páɔ̀ mú nì.”
23Hwɛ̀ ké Júɖà ɖá, “Ní ɖɛ ɓě ɔ ɓéɖéà kɛɛ mɛ sè ɔ xwa, ɓɛ́ wa ní kɔ̃̀ ɖà à dyɔ́ ɓaɖa. Ḿ tò ɔ wiɖi gmɔ̀ɔ̀ ní, ké m̀ mɔ́ ɔ dyi, kɛɛ m̀ se ɔ dyé.”
24Ti ɓɛ́ dɛ̀nɛ̀ tã zi ma kɛɛ, wa cɛ̃ɛ ma Júɖà gbo, ké wa ɖá, “Nì dyúɛ̀ gmàà mɔ̀à Támà kɛɛ po gbàɖàùn, ké ɓó kàǔn wɛ̃ɛ, ɔ nì zùù kɔ̃o.”
Ké Júɖà ɖá, “Ɓě dyà ɔ, ɓɛ́ ɓě ké ɔ fɔ̃, ɓɛ́ ɔ ké mɛ́.”
25Ti wa nì ma ɔ dyàǔn wɛ̃ɛ, ɔ ɖoɓo ma kíá ɖé ɔ dyú-ɓǎ vɛ̀nɛ̀ɔ̀ gbo, ké ɔ ɖá, “Ní ɓaà m̀ ní, dyé ɖɛ-sɔ̃-bɛ̃̀-kɔ̃-pòìn-ɖɛ̀ mɔ̀à ɖɔ-po-ɖɛ̀ nìà kɛ kè kùì-kpà nìà kɛ. Nyɛ́ kɔ̃̀ wa kɛ́? Gàa kɔ̃̀ ɖɛ ɓě nìà kɛ mɔ̀ nyɔ dè ḿ xwíɖíɛ̀ wɔ̃.”
26Ti ɓɛ́ Júɖà wɔ̃́ìn ma mú kà wa mɔ̀ ma ɔ kɔ̃̀ɔ̀-ɖɛ̀ kɛɛ, púɛɛ, ɔ ɖá, “Támà mɔ̀ nyɔ sɛ́ɖɛ́ìn dyí ké ɔ zi ḿ dyí, sepóɛɖé ḿ ɓéɖé ɓɛ́ ḿ ké ma ɔ ní dyú-gàà Séɖà nyí, ɓɛ́ ɔ ké ma ɔ gmàà jǔ.” Sɔ̀ìn ɓóɛ gboɛɛ, Júɖà kè Támà se ma ɓó da nì ɖe.
27Ti ɓɛ́ ɔ pó-tìɔ̀ nyini ma ɓóɛɛ, púɛɛ, wa dyéɛ ma kà ní-zèɖě nì ma ɔ xwíɖíɔ̀ múɛ. Wa mɔ̀ ma gàa-dyù sɔ̃́. 28Ti ɔ nì ma póɛń nyɛɛ, dyúɔ̀ ɖòɛ̀ sɔ̃ wóɖó ma píé kĩ́ín. Ɔ jèɛɛ, gbǒ-ɖeín-zòǒɔ̀ ɖú ma dyèě zĩ-zã dyí, ké ɔ poɛ ɔ sɔ̃, ké ɔ ɖá, “Nyɔ nìà kɛ mɔ̀ nyɔ wóɖó kĩ́ín.” 29Kɛɛ ti ɓɛ́ ɔ jiɖi ma sɔ̃ ɖeɛɛ, púɛɛ, ɔ ɖíí-gààɔ̀ wóɖó ma ní, ké gbǒ-ɖeín-zòǒɔ̀ ɖá, “Kē, kǎà m̀ nyu kà xwáɖáún wóɖóɛ cáà?” Ɔ jèɛɛ, wa jǔìn ma ɔ Pɛ́wɛ̀ɖɛ̀-nyɛ̀nɛ̀ kɔ̃̀ xwíníín mɔ̀à wóɖó xwáɖáún wɛ̃. 30Hwɛ̀ ké ɔ ɖíí-gàà ɓɛ́ dyèě zĩ-zãɔ̀ nì ma kà sɔ̃ɛɛ wóɖó ma, ké wa jǔìn ma ɔ Zɛ́wàɖà-nyɛ̀nɛ̀ kɔ̃̀ xwíníín mɔ̀à zĩ-zã kɛ.
Currently Selected:
Jɛ́nɛ́sì 38: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Jɛ́nɛ́sì 38
38
Júɖà kè Támà
1Sɔ̀ìn ɓó ɖɛ ɓěa gboɛɛ, Júɖà sɔ̀ ma ɓó ɔ ɖíí-gàà ɓěɔ̀ hwìɛ̀, ké ɔ cĩ́ ma ɖé gàa ɖò kɔ̃̀ nyɛ́nɛ́ mɔ̀ Híwàɖà kɛɛ gbo. Híwàɖà mɔ̀ ma Àdúɖàùn-hwɔ̀ɖɔ̀ɔ̀ nyɔ ɖò. 2Ti Júɖà nì ma ɖéɛɛ, ɔ dyé ma ɖé màa ɖò. Màaɔ̀ mɔ̀ ma Kénà-gàà ɖò kɔ̃̀ nyɛ́nɛ́ mɔ̀ Súà kɛɛ dyú-màà. Ké ɔ kpɔ̃ ma ɔ dyi, ké ɔ mɔ̀ ma ɔ gmàà. 3Ké màaɔ̀ nì ma zùù kɔ̃, ké ɔ wóɖóìn ma gàa-dyù ɖò, ké ɔ jǔìn ma ɔ Ɛ́ɛ̀-nyɛ̀nɛ̀. 4Sɔ̀ìn ɓóɛ gboɛɛ, ɔ nì ma zùù kɔ̃ ɖe, ké ɔ wóɖóìn ma gàa-dyù ɖò, ké ɔ jǔìn ma ɔ Ónà-nyɛ̀nɛ̀. 5Ké ɔ wóɖóìn ma gàa-dyù ɖò ɖe, ké ɔ jǔìn ma ɔ Séɖà-nyɛ̀nɛ̀. Ɔ nì ma ɖé Kézì-hwɔ̀ɖɔ̀ɔ̀ mú ti ɓɛ́ ɔ wóɖóìn ma gàa-dyùɔ̀ nyɔ nìà kɛ.
6Hwɛ̀ ké Júɖà mɔ́ ma nyɔ́nɔ́ ɖò ɓó ɔ nyíɔ́-dyù mɔ̀à Ɛ́ɛ̀ kɛɛ bìì. Màa-dyùɔ̀ nyɛ́nɛ́ mɔ̀ ma Támà. 7Kɛɛ Ɛ́ɛ̀ mɔ̀à Júɖàà nyíɔ́-dyùɔ̀ kɛɛ nyìnììn ma hwòɖǒ kɔ̃in ɖé Bounɓoɔ̀ dyéɖéín. Ɔ jèɛɛ, Bounɓoɔ̀ ɖáɓá ma ɔ ní. 8Hwɛ̀ ké Júɖà cɛ̃ɛ ma ɔ dyú-gàà mɔ̀à Ónà kɛɛ gbo, ké ɔ ɖá, “Dyá nì ɖíí-gàà gmààɔ̀ gbo gbǒǔn kà dúí-sè-nyɔ̀ ɓéɖé ɓɛ́ ɔ kéɛ nyuɛ, ɓɛ́ m̀ kè ɔ ké dyú wóɖóìn ɓó nì ɖíí-gààɔ̀ nyɛ́nɛ́ kɔ̃ún.” 9Kɛɛ Ónà dyuòɛ̀ ma dyí kà dyú ɓɛ́ ɔ kè màaɔ̀ mu wóɖóìn nyɛɛ se ma ɔ nyɛ́nɛ́ kɔ̃ún nìɛ̌ muɛ jèɛɛ, ti séín ɔ kè ɔ ɖíí-gàà gmààɔ̀ mu ma ɓó da nììn nyɛɛ, nìí, ɔ wáɖáìn ma ɔ mú-sɔ̀-ɖɛ̀ɔ̀ ɓíɖíi dyi, ɓɛ́ ɔ ní kɔ̃̀ ɖà dyú ɖò wóɖóìn ɓó ɔ ɖíí-gààɔ̀ bìì jè. 10Ɖɛ ɔ nyu ma kà kɛɛ se ma Bounɓoɔ̀ hwìɖǐi dè. Ɔ jèɛɛ, Bounɓoɔ̀ ɖáɓá ma ɔ mɔ̀ùn ɖekè. 11Púɛɛ, Júɖà cɛ̃ɛ ma Támà mɔ̀à ɔ dyúɛ̀ gmààɔ̀ kɛɛ gbo, ké ɔ ɖá, “M̀ mɛ mɔ̀ jɔ̌ɔ̀-màà, ɓɛ́ m̀ ké ɖé m̀ ɓǎ ɓíɖí-taún cĩ́ tee, ɓɛ́ ní dyú-gàà mɔ̀à Séɖà kɛɛ ké gàa hwɛ̀ hwɛ̀.” Ɔ cɛ̃ ma ɖɛ nìà kɛ, sepóɛɖé ɔ fɛ̃̀ìn ma ní, Séɖà mɔ̀ùn ní kɔ̃̀ ɖà mɛ́ kà ɔ ɖíí-gàà ɓěɔ̀ mɔ̀ùn mɛ́à kɛɛ jè. Ɔ jèɛɛ, Támà mu ma ɖé ɔ ɓǎ ɓíɖí-taún ɖe.
12Ti ɓɛ́ ti ɓáún-ɓáún ɖǎ ma ziɛɛ, púɛɛ, Júɖàà gmàà mɔ̀à Súàà dyú-mààɔ̀ kɛɛ mɛ́ ma ní. Ti ɓɛ́ Júɖàà gmàà mɛ́ ma kà kɛɛ jè ɖǎ ma ɔ hwìɖǐi hwɛ̀ kɛɛ, púɛɛ, wé ɖòɛ̀ ɓaɖaa, ɔ kè ɔ ɓǎto mɔ̀à Híwàɖà, sɔ̀à ɖé Àdúɖàùn-hwɔ̀ɖɔ̀ɔ̀ múɛɛ mu ma ɖé Tímínà-hwɔ̀ɖɔ̀ɔ̀ mú, dɛ̀ ɓɛ́ gàa ɖíɛ́ ɓě nì ma Júɖàà ɓáɖáá ɓěɔ̀ mí bũ̌in cɛ̃iń nyɛ. 13Ɓó tia ɓaɖaa, nyɔ ɖò cɛ̃ɛ ma Támà gbo, ké ɔ ɖá, “Nì dyú-ɓǎ vɛ̀nɛ̀ nì ɖé Tímínà-hwɔ̀ɖɔ̀ɔ̀ mú muɛń, ɓɛ́ ɔ ké ɔ ɓáɖáá ɓěɔ̀ mí bũ̌in cɛ̃.” 14Púɛɛ, Támà zà ma ɔ jɔ̌ɔ̀-ɖɔ̀ɔ̀ mú, ké ɔ wáɖá ma ɔ mìɔùn ɖɔ dúi, ɓɛ́ ɔ kè gbàɖàùn-màà ké ma hwɔìn. Hwɛ̀ ké ɔ mu, ké ɔ kò ma ɓó Ènáì-hwɔ̀ɖɔ̀ nìà ɓó hwìè muà ɖé Tímínà-hwɔ̀ɖɔ̀ɔ̀ múɛ dyíɛɛ dyáìn-naínɔ̀ dyi. Ɔ nyuɛ náa, sepóɛɖé ɔ dyéɛ kà Júɖàà dyú dyùwè mɔ̀à Séɖà kɛɛ ɖǎ ɖɛ hwɛ̀, ké Júɖà se ɔ Séɖà nyí, ɓɛ́ ɔ ké Séɖàà gmàà jǔ kɛ.
15Ti ɓɛ́ Júɖà dyé ma ɔ kɛɛ, ɔ hwòɖǒ ɖá ɔ mɔ̀ ma gbàɖàùn-màà, sepóɛɖé ɔ wáɖá ma ɖɔ dúi jè. 16Púɛɛ, Júɖà pàìn ma ɓó màaɔ̀ gbo, ɓó hwìèɔ̀ gbìǐ, ké ɔ ɖá, “Tòɛ̀ ɓɛ́ ḿ ké m̀ gbo pɛ̃́.” Ɔ nyuɛ ma náa, sepóɛɖé ɔ seɛ ma dyuò kà ɔ mɔ̀ ma ɔ dyúɛ̀ gmààɔ̀ kɛ.
Ké màaɔ̀ ɖá, “Ɖɛ́ nì mu ḿ nyíìn nyɛ́?”
17Ké Júɖà ɖá, “Ní mu m̀ wiɖi gmɔ̀ ɖò nyíìn sɔ̀ìn ɖé ní nyúà-ɖɛ̀ ɓěɔ̀ hwìɛ̀.”
Ké màaɔ̀ ɖá, “Ɖɛ́ mɔ̀ tɔ̀ɔ̀-má ɓɛ́ nì mu ḿ nyíìn nyɛ́?”
18Ké ɔ ɖá, “Ɖɛ́ nì mɔ́ ḿ ké m̀ nyí ɓó tɔ̀ɔ̀-má jè kɛ́?”
Ké màaɔ̀ ɖá, “Tò nì ɖɛ-sɔ̃-bɛ̃̀-kɔ̃-pòìn-ɖɛ̀ ɓɛ́ ɔ nìà m̀ ɖɔɛ kè nì kùì-kpà nìà ɓó m̀ xwaún wɛ̃.”#38:18 Ɖɛ ɓě nìà kɛ mɔ̀ ma ɔ dyí-dyuòìn-ɖɛ̀. Ké ɔ nyí ma màaɔ̀ ɖɛ ɓěɔ̀, ké ɔ pɛ̃́ ma ɔ gbo. Púɛɛ, màaɔ̀ nì ma zùù kɔ̃. 19Ti ɓɛ́ Támà sɔ̀ ma ɓóɛɛ, ɔ mu, ké ɔ zà ma ɖɔ ɔ wáɖá ma kà dúiɛɛ dúi, ké ɔ po ma ɔ jɔ̌ɔ̀-ɖɔ̀ɔ̀ mú ɖe.
20Hwɛ̀ ké Júɖà dèìn ma wiɖi gmɔ̀ɔ̀ ɔ ɓǎto Híwàɖà sɔ̀à ɖé Àdúɖàùn-hwɔ̀ɖɔ̀ɔ̀ múɛɛ xwa, nìí, ɓɛ́ ɔ ké ɔ tɔ̀ɔ̀-má ɓěɔ̀ ɖe dyé sɔ̀ìn ɖé màaɔ̀ xwaún, kɛɛ ɔ se màaɔ̀ dyé. 21Ké ɔ diè ma gàa ɓě cĩ́ ma ɖé hwɔɖɔɔ̀ múɛɛ dyi, ké ɔ ɖá, “Dɛ̌ gbàɖàùn-màà ɓɛ́ gbàɖàùn-po-po mɔ̀à ɔ kũùn-kpò-gèɖèpɔ́ɔ̀ ɓiè-ɓiè, ɓɛ́ ɔ nì ma kà dà ɓó hwìèɔ̀ gbìǐɛɛ nì kɛ́?”
Ké wa ɖá, “Gbàɖàùn-màà ɖò se dà nì.”
22Ɔ jèɛɛ, ɔ mu ma ɖé Júɖà gbo ɖe, ké ɔ ɖá, “Ḿ se màaɔ̀ dyé. Ké gàa ɓě nì ɖé páɔ̀ múɛɛ ɖá gbàɖàùn-màà ɖò se ɖé páɔ̀ mú nì.”
23Hwɛ̀ ké Júɖà ɖá, “Ní ɖɛ ɓě ɔ ɓéɖéà kɛɛ mɛ sè ɔ xwa, ɓɛ́ wa ní kɔ̃̀ ɖà à dyɔ́ ɓaɖa. Ḿ tò ɔ wiɖi gmɔ̀ɔ̀ ní, ké m̀ mɔ́ ɔ dyi, kɛɛ m̀ se ɔ dyé.”
24Ti ɓɛ́ dɛ̀nɛ̀ tã zi ma kɛɛ, wa cɛ̃ɛ ma Júɖà gbo, ké wa ɖá, “Nì dyúɛ̀ gmàà mɔ̀à Támà kɛɛ po gbàɖàùn, ké ɓó kàǔn wɛ̃ɛ, ɔ nì zùù kɔ̃o.”
Ké Júɖà ɖá, “Ɓě dyà ɔ, ɓɛ́ ɓě ké ɔ fɔ̃, ɓɛ́ ɔ ké mɛ́.”
25Ti wa nì ma ɔ dyàǔn wɛ̃ɛ, ɔ ɖoɓo ma kíá ɖé ɔ dyú-ɓǎ vɛ̀nɛ̀ɔ̀ gbo, ké ɔ ɖá, “Ní ɓaà m̀ ní, dyé ɖɛ-sɔ̃-bɛ̃̀-kɔ̃-pòìn-ɖɛ̀ mɔ̀à ɖɔ-po-ɖɛ̀ nìà kɛ kè kùì-kpà nìà kɛ. Nyɛ́ kɔ̃̀ wa kɛ́? Gàa kɔ̃̀ ɖɛ ɓě nìà kɛ mɔ̀ nyɔ dè ḿ xwíɖíɛ̀ wɔ̃.”
26Ti ɓɛ́ Júɖà wɔ̃́ìn ma mú kà wa mɔ̀ ma ɔ kɔ̃̀ɔ̀-ɖɛ̀ kɛɛ, púɛɛ, ɔ ɖá, “Támà mɔ̀ nyɔ sɛ́ɖɛ́ìn dyí ké ɔ zi ḿ dyí, sepóɛɖé ḿ ɓéɖé ɓɛ́ ḿ ké ma ɔ ní dyú-gàà Séɖà nyí, ɓɛ́ ɔ ké ma ɔ gmàà jǔ.” Sɔ̀ìn ɓóɛ gboɛɛ, Júɖà kè Támà se ma ɓó da nì ɖe.
27Ti ɓɛ́ ɔ pó-tìɔ̀ nyini ma ɓóɛɛ, púɛɛ, wa dyéɛ ma kà ní-zèɖě nì ma ɔ xwíɖíɔ̀ múɛ. Wa mɔ̀ ma gàa-dyù sɔ̃́. 28Ti ɔ nì ma póɛń nyɛɛ, dyúɔ̀ ɖòɛ̀ sɔ̃ wóɖó ma píé kĩ́ín. Ɔ jèɛɛ, gbǒ-ɖeín-zòǒɔ̀ ɖú ma dyèě zĩ-zã dyí, ké ɔ poɛ ɔ sɔ̃, ké ɔ ɖá, “Nyɔ nìà kɛ mɔ̀ nyɔ wóɖó kĩ́ín.” 29Kɛɛ ti ɓɛ́ ɔ jiɖi ma sɔ̃ ɖeɛɛ, púɛɛ, ɔ ɖíí-gààɔ̀ wóɖó ma ní, ké gbǒ-ɖeín-zòǒɔ̀ ɖá, “Kē, kǎà m̀ nyu kà xwáɖáún wóɖóɛ cáà?” Ɔ jèɛɛ, wa jǔìn ma ɔ Pɛ́wɛ̀ɖɛ̀-nyɛ̀nɛ̀ kɔ̃̀ xwíníín mɔ̀à wóɖó xwáɖáún wɛ̃. 30Hwɛ̀ ké ɔ ɖíí-gàà ɓɛ́ dyèě zĩ-zãɔ̀ nì ma kà sɔ̃ɛɛ wóɖó ma, ké wa jǔìn ma ɔ Zɛ́wàɖà-nyɛ̀nɛ̀ kɔ̃̀ xwíníín mɔ̀à zĩ-zã kɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.