TI GƐ́Ɛ́ HAÍTII 22
22
1“Kɛɛɣɛ́ni, í báha náá mu mbálangaitii mba, a wolílo naá ngí bɔwɔ́ w̃áá haa lé.” 2Ná tí mɛniní í yɛ́pɛni ti yelé Híbulu woí h̃u, ti kpɛ́lɛɛ tí w̃aa ɣɛní ló gíte bú bú.
Kɛ Pɔ́ɔ i ɣɛa ta, 3“Nyá lɔ ngáá Júsu w̃ɔɔ. Nyá lɔ ngáá Tásɔɔ taa walái h̃uu lé ndóu sí í Silísiya lataí h̃u. Kɛ́ ti máákɛngɔ Jɛlúsɛl̃ɛ taa walái sí h̃u. Ngí ɣɛ́ngɔ Gamáliyɔ wu kalambo mbú aáva i kálambongɔ bútei ngáá savaítii Ngalá ngí féni Muusé yaá sí a mu káwalani ti ɣɛ́ngɔ taá híya la. Ná vólu, Ngalángi w̃áálii lɔ kóó ya kɛ kíya nɔ́ɔ wú kpɛ́lɛɛ wú na hááwɔ. 4Ngí faa bá ndáni nungái sítiini ma ti ɣɛ́ngɔ Ngala fɛ́lindai sí wa taa ɣɛ́ ma Ndemɔí Jísu Ndá Vélei í ló su ti lɛ́ingaa tí saa w̃ááhɔlɔ. Siỹɛ kpɔ́ngɔ nyah̃aá wa ngɔ́ɔ́ ti hóu, ngáá ti víli kpindi vɛlɛ́ wu, 5kɛ kíya bɛ́lɛ Ngala sááɣa gula mbélai ti wútuwɔɔ w̃ɔ́ɔ́ walaí í na taá nuu wála walaítii kpɛ́lɛɛ, tiyá lɔ ngáá maa heelé. Ngí kɔlɔ vɔ́nɛngɔ w̃aahɔ́lɔni ti yaá ngáá ngí líí la mu mbála Júsuaitii ngelé tí Damásikɔ, aáva ngí ɣɛ́i ngáá lí na maa nungáitii soumá ngáá pelésina ngí vá ngáá ti ye Jɛlúsɛl̃ɛ faa bá ndá fááw̃a ti w̃a.”
Pɔ́ɔ i yɛpɛní kɔwɔ́ato votendái wa
(Ti Gɛ́ɛ́ Haítii 9:1-19; 26:12-18)
6Kɛ Pɔ́ɔ i ndengá i ɣɛ ta, “I ɣɛi nɔ́ɔ́ ngáá foló yá kpángɔi w̃a naa h̃u ngí ɣɛ́i náa bɛɛní Damásikɔ taa h̃uu wá, ngamá nɔ́ɔ, kɛ folo hólongi i holónga má, áá gula ngeleya. 7Ngí h̃úndɛni ndɔwɔlɔ́i wa aáva ngí ngoo tá ỹɛ́nini, i ɣɛ má, ‘Sɔ́ɔ! Sɔ́ɔ! Ndeé le yíwaa faa bá nda má?’ 8Kɛ ngí mɔɔningí wongá, ngí ɣɛ́ ta, ‘Ele wáá ngáá í ye, Kawálai?’ Kɛ ngoí ná i ɣɛa ta, ‘Nyáá le, Jísu Násɔlɛ w̃ɔí, nyɛ́i yíwaa faa bángi la má.’ 9Ní híya polu yeláitii ti folo hólongi sí lɔ́ni kɛ́ taá ngoí sí yátɔni mba í ɣɛ́i áá le. 10Kɛ ngí mɔɔningá, ngí ɣɛ́ ma, ‘Ndeé lɔ ngáá kɛ hɔ́ɔ, Kawálai?’ Kɛ i ndengá má, i ɣɛ má, ‘Yooɣé, yí lí Damásikɔ. Náá lɔ táá vá ndéma í w̃a na ngáá sí kpɛ́lɛɛ Ngalá ngi kpatɛngá í hááw̃a ngáá yí kɛ.’ 11Ní híya polu yeláitii ti sóuni naa tókoi wa, tí li ngáá ngé Damásikɔ, bɔw̃álale folo hólongi ná i ɣɛi náa mbóleni.
12Siỹɛndópo yiláá ndaahéingi i ɣɛi ngáá Ananáya í vááni ngáá í tɔ́. I ɣɛi ngáá koló mɔ́ɔ́ Ngala sávaitii mbu. Ná vólu, ngufema wála i ɣɛi mbɛ Júsuaitii kpɛ́lɛɛ ngéya ti héini taí ná h̃u. 13I loní kpéla, i ɣɛ má, ‘Ní mbála Sɔ́ɔ, ỹandá lɔ múl̃ɔ!’ Aáva ngamá nɔ́ɔ, ngí hómboni ngí ỹánda lɔ múl̃ɔ. 14Kɛ i ndengá múl̃ɔ má, i ɣɛ má, ‘A mu káwalani ti Yálangi i lokolongá í wá ngáá yí ɣɛ́ ndiivó fái wɔlɔ taá nuí sí faa ỹɔu fíli áá su. Ná vólu, yí ngoo ỹɛ́ni áá gúla nda. 15Yá lɔ yáá ɣɛ́ ngáá hééle Ngalá fááw̃a nungáitii kpɛ́lɛɛ kákala ngáá faí sítii faaw̃a yí ti lɔngá, ná vólu, yí ti ỹɛ́ninga. 16Ndeé lɔ náa yíwaa maalɛ́lɛ? Yooɣé, yí nguyaí w̃ááhɔlɔ, yí Ndemɔí w̃ááloli, í í háá ỹɔítii nguya í w̃a.’ ”
Pɔ́ɔ lolíndai ngáá í lí, í Ngalá ndaa wói le sítii ma taa ngáá Júsua
17Kɛ Pɔ́ɔ i ndingá ngu ma, i ɣɛ ta, “Ná ngí yangáimani Jɛlúsɛl̃ɛ aáva ngáá Ngala fɛ́li Hɛ́ɛ́ma Yála Pɛ́lɛi góvii h̃u, ngí géluni nɔ́ɔ kínɛi Ndemɔí í yɛ́pɛ ngéle. 18I ɣɛ má, ‘Maahulá yí gúla Jɛlúsɛl̃ɛ wá kɛ kíya suu í na, bɔw̃álale taá vaamá lokohéi má í hééle woí wu yáá vá ndemá kɔwɔ́ato mbá.’ 19Kɛ ngí ngoo yápotenga, ngí ɣɛ́ ma, ‘Kɛɛɣɛ́, nungái sítii tí faa wɔ́lɔ mba ngáá ngí ɣɛ́ngɔ ngáá lɔ́ve tɔvé Ngala fɛ́li máákpɔ wotaítii nda, ngáá nungáitii sou sítii ti langɔ́ ngáá í ye, ngáá ti víli kpindi vɛlɛ́i wu, ná vólu, ngáá ti léve ndevé. 20Aáva ná ti ɣɛ́i taá Sitívi vaa lɛ́i ɔ́ɔ́ faa lé nungái ma kɔwɔ́ato í wá, ngí ɣɛ́i na aáva ngí luw̃á ma ngáá tí páa. Ná vólu, ngí ɣɛ́i ngáá nungái nátii ti lóma maah̃u lómangaitii maah̃u béle tiyɛ́i ti ɣɛ́i taá paa.’ 21Kɛ Ndemɔí Jísu i ndengá má, i ɣɛ má, ‘Lí! Nyá ngaá í lɔ́ve kpɔ́lɔɔ sítii ngelé taa ngáá Júsua.’ ”
22Nungáitii ti wolílongɔ i ɣɛi lá Pɔ́ɔ w̃a í ló su kpóloo í vilá njɛpɛí sí lemá. Kɛ nungáitii tí woo gúlanga ma, ti ɣɛ́ ta, “A paa í híɣe nuu yááh̃u! Maa áá nɛɛni ɔ́ɔ́ ɣɛ́ ndɛɛh̃ú h̃u!” 23Kɛ kíya ti ɣɛ́i taá woo lɛ́ ngeleya, ná vólu, táá ti w̃áá gúlaitii tɛ́ɛ́ lɛɛ́ ngeleyá, ɛ́ɣɛ táá tutuwángi lɛ ngeleya, 24sóyaitii ti w̃ááh̃u w̃ɔ́ɔ́ walaí i ndení ngáá ti lí ngáá Pɔ́ɔ sóya bakií h̃u. I mɔɔ ndení ngáá ti Pɔ́ɔ leve ɛ́ɣɛ tí mɔɔní kɛinɔɔ́ tí tɔ sí í kɛngá nungáitii tíwaa bándɛ kpandɛ́ la h̃íí na. 25Ná ti Pɔ́ɔ yiliní ngáá tí ndeve, kɛ Pɔ́ɔ i sóya nuu walá yiláá mɔ́ɔ́ninga lɛ́i í ɣɛ́i lóóni na, i ɣɛ ma, “Aá lɔ pele w̃a savaí h̃u ngáá ti Lóómi lɔwɔlɔ h̃uu w̃ɔ́ɔ́ leve ná wɔ́i ɣɛ́ kɔsɔní wɔ́ɔ́ tɔ ngáá aa veléni?”
26Ná sóya nuu walaí ná í ngói ná ỹɛ́nini, i liiní, í vólu haa lé ti w̃ááh̃u w̃ɔ́ɔ́ walaí w̃a, í mɔ́ɔ́ni, i ɣɛ ma, “Ndeé lɔ náa yáá vá kɛmá, sífaa siỹɛndópoi sí lɔ ngáá Lóómi lɔwɔlɔ h̃uu w̃ɔ́ɔ́.”
27Kɛ ti w̃ááh̃u núú walaí ná i liingá Pɔ́ɔ yelé, í mɔɔní, i ɣɛ ma, “Nde lɛ́ɛ má ná wɔ́li Lóómi lɔwɔlɔí h̃uu w̃ɔ́ɔ́ áá ɣɛ́ ngáá í ye.”
Kɛ Pɔ́ɔ i ngoo yápotenga, i ɣɛ ma, “Eéi! Lóómi lɔwɔlɔí h̃uu w̃ɔ́ɔ́ waa ngáá ngé.”
28Kɛ i ndengá Pɔ́ɔ w̃a, i ɣɛ ta, “Nyá ngɔ́ɔ́ ɣɛ́ p̃ɛ́ɛ́ ngí ɣɛ́ ngáá Lóómi lɔwɔlɔ h̃uu w̃ɔ́ɔ́ naholó bih̃íw̃aa lɔ ngí maahíyangɔ.”
Kɛ Pɔ́ɔ i ɣɛa ma, “Kɛ́ nyá laá ti ndéngɔ ngáá Lóómi lɔwɔlɔ h̃uu w̃ɔ́ɔ́.”
29Faa yá kúla mba mbélai sítii pa ti ɣɛ́i taá vá mɔɔni mɔɔníma, tí lokogúlani mɔɔni mbóndai h̃u ngamá. Sóyai ti w̃ááh̃u w̃ɔ́ɔ́ walaí ná bútei suu í bɛ́lini ná í ngátɔni ngáá i Lóómi lɔwɔlɔ h̃uu w̃ɔ́ɔ́ vílinga njɔlɔwɔ ya.
Pɔ́ɔ i ɣɛi Faa H̃úú Haa Lé Mbélaitii kákala
30Folo vékai w̃a, maa sóyai ti w̃ááh̃u w̃ɔ́ɔ́ walaí i ɣɛ́i í ngákula mba kpál̃au, í ɣɛ́ kɔlɔ́ ngáá ndeé le Júsuaitii tí faa vɛ́lɛngɔ Pɔ́ɔ wa. Faalɔ, i Pɔ́ɔ gulaní njɔlɔwɔí ya, ná vólu, í woo víli Ngala sááɣa gula mbélai ti wutúwɔai ngelé ɛ́ɣɛ Faa H̃úú Haa Lé Mbélaitii kpɛ́lɛɛ ngáá tí yátɛ mba. Kɛ i vaangá ngáá Pɔ́ɔ, í kɛ ngáá háwu ná í lo ti gakála.
Currently Selected:
TI GƐ́Ɛ́ HAÍTII 22: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000
TI GƐ́Ɛ́ HAÍTII 22
22
1“Kɛɛɣɛ́ni, í báha náá mu mbálangaitii mba, a wolílo naá ngí bɔwɔ́ w̃áá haa lé.” 2Ná tí mɛniní í yɛ́pɛni ti yelé Híbulu woí h̃u, ti kpɛ́lɛɛ tí w̃aa ɣɛní ló gíte bú bú.
Kɛ Pɔ́ɔ i ɣɛa ta, 3“Nyá lɔ ngáá Júsu w̃ɔɔ. Nyá lɔ ngáá Tásɔɔ taa walái h̃uu lé ndóu sí í Silísiya lataí h̃u. Kɛ́ ti máákɛngɔ Jɛlúsɛl̃ɛ taa walái sí h̃u. Ngí ɣɛ́ngɔ Gamáliyɔ wu kalambo mbú aáva i kálambongɔ bútei ngáá savaítii Ngalá ngí féni Muusé yaá sí a mu káwalani ti ɣɛ́ngɔ taá híya la. Ná vólu, Ngalángi w̃áálii lɔ kóó ya kɛ kíya nɔ́ɔ wú kpɛ́lɛɛ wú na hááwɔ. 4Ngí faa bá ndáni nungái sítiini ma ti ɣɛ́ngɔ Ngala fɛ́lindai sí wa taa ɣɛ́ ma Ndemɔí Jísu Ndá Vélei í ló su ti lɛ́ingaa tí saa w̃ááhɔlɔ. Siỹɛ kpɔ́ngɔ nyah̃aá wa ngɔ́ɔ́ ti hóu, ngáá ti víli kpindi vɛlɛ́ wu, 5kɛ kíya bɛ́lɛ Ngala sááɣa gula mbélai ti wútuwɔɔ w̃ɔ́ɔ́ walaí í na taá nuu wála walaítii kpɛ́lɛɛ, tiyá lɔ ngáá maa heelé. Ngí kɔlɔ vɔ́nɛngɔ w̃aahɔ́lɔni ti yaá ngáá ngí líí la mu mbála Júsuaitii ngelé tí Damásikɔ, aáva ngí ɣɛ́i ngáá lí na maa nungáitii soumá ngáá pelésina ngí vá ngáá ti ye Jɛlúsɛl̃ɛ faa bá ndá fááw̃a ti w̃a.”
Pɔ́ɔ i yɛpɛní kɔwɔ́ato votendái wa
(Ti Gɛ́ɛ́ Haítii 9:1-19; 26:12-18)
6Kɛ Pɔ́ɔ i ndengá i ɣɛ ta, “I ɣɛi nɔ́ɔ́ ngáá foló yá kpángɔi w̃a naa h̃u ngí ɣɛ́i náa bɛɛní Damásikɔ taa h̃uu wá, ngamá nɔ́ɔ, kɛ folo hólongi i holónga má, áá gula ngeleya. 7Ngí h̃úndɛni ndɔwɔlɔ́i wa aáva ngí ngoo tá ỹɛ́nini, i ɣɛ má, ‘Sɔ́ɔ! Sɔ́ɔ! Ndeé le yíwaa faa bá nda má?’ 8Kɛ ngí mɔɔningí wongá, ngí ɣɛ́ ta, ‘Ele wáá ngáá í ye, Kawálai?’ Kɛ ngoí ná i ɣɛa ta, ‘Nyáá le, Jísu Násɔlɛ w̃ɔí, nyɛ́i yíwaa faa bángi la má.’ 9Ní híya polu yeláitii ti folo hólongi sí lɔ́ni kɛ́ taá ngoí sí yátɔni mba í ɣɛ́i áá le. 10Kɛ ngí mɔɔningá, ngí ɣɛ́ ma, ‘Ndeé lɔ ngáá kɛ hɔ́ɔ, Kawálai?’ Kɛ i ndengá má, i ɣɛ má, ‘Yooɣé, yí lí Damásikɔ. Náá lɔ táá vá ndéma í w̃a na ngáá sí kpɛ́lɛɛ Ngalá ngi kpatɛngá í hááw̃a ngáá yí kɛ.’ 11Ní híya polu yeláitii ti sóuni naa tókoi wa, tí li ngáá ngé Damásikɔ, bɔw̃álale folo hólongi ná i ɣɛi náa mbóleni.
12Siỹɛndópo yiláá ndaahéingi i ɣɛi ngáá Ananáya í vááni ngáá í tɔ́. I ɣɛi ngáá koló mɔ́ɔ́ Ngala sávaitii mbu. Ná vólu, ngufema wála i ɣɛi mbɛ Júsuaitii kpɛ́lɛɛ ngéya ti héini taí ná h̃u. 13I loní kpéla, i ɣɛ má, ‘Ní mbála Sɔ́ɔ, ỹandá lɔ múl̃ɔ!’ Aáva ngamá nɔ́ɔ, ngí hómboni ngí ỹánda lɔ múl̃ɔ. 14Kɛ i ndengá múl̃ɔ má, i ɣɛ má, ‘A mu káwalani ti Yálangi i lokolongá í wá ngáá yí ɣɛ́ ndiivó fái wɔlɔ taá nuí sí faa ỹɔu fíli áá su. Ná vólu, yí ngoo ỹɛ́ni áá gúla nda. 15Yá lɔ yáá ɣɛ́ ngáá hééle Ngalá fááw̃a nungáitii kpɛ́lɛɛ kákala ngáá faí sítii faaw̃a yí ti lɔngá, ná vólu, yí ti ỹɛ́ninga. 16Ndeé lɔ náa yíwaa maalɛ́lɛ? Yooɣé, yí nguyaí w̃ááhɔlɔ, yí Ndemɔí w̃ááloli, í í háá ỹɔítii nguya í w̃a.’ ”
Pɔ́ɔ lolíndai ngáá í lí, í Ngalá ndaa wói le sítii ma taa ngáá Júsua
17Kɛ Pɔ́ɔ i ndingá ngu ma, i ɣɛ ta, “Ná ngí yangáimani Jɛlúsɛl̃ɛ aáva ngáá Ngala fɛ́li Hɛ́ɛ́ma Yála Pɛ́lɛi góvii h̃u, ngí géluni nɔ́ɔ kínɛi Ndemɔí í yɛ́pɛ ngéle. 18I ɣɛ má, ‘Maahulá yí gúla Jɛlúsɛl̃ɛ wá kɛ kíya suu í na, bɔw̃álale taá vaamá lokohéi má í hééle woí wu yáá vá ndemá kɔwɔ́ato mbá.’ 19Kɛ ngí ngoo yápotenga, ngí ɣɛ́ ma, ‘Kɛɛɣɛ́, nungái sítii tí faa wɔ́lɔ mba ngáá ngí ɣɛ́ngɔ ngáá lɔ́ve tɔvé Ngala fɛ́li máákpɔ wotaítii nda, ngáá nungáitii sou sítii ti langɔ́ ngáá í ye, ngáá ti víli kpindi vɛlɛ́i wu, ná vólu, ngáá ti léve ndevé. 20Aáva ná ti ɣɛ́i taá Sitívi vaa lɛ́i ɔ́ɔ́ faa lé nungái ma kɔwɔ́ato í wá, ngí ɣɛ́i na aáva ngí luw̃á ma ngáá tí páa. Ná vólu, ngí ɣɛ́i ngáá nungái nátii ti lóma maah̃u lómangaitii maah̃u béle tiyɛ́i ti ɣɛ́i taá paa.’ 21Kɛ Ndemɔí Jísu i ndengá má, i ɣɛ má, ‘Lí! Nyá ngaá í lɔ́ve kpɔ́lɔɔ sítii ngelé taa ngáá Júsua.’ ”
22Nungáitii ti wolílongɔ i ɣɛi lá Pɔ́ɔ w̃a í ló su kpóloo í vilá njɛpɛí sí lemá. Kɛ nungáitii tí woo gúlanga ma, ti ɣɛ́ ta, “A paa í híɣe nuu yááh̃u! Maa áá nɛɛni ɔ́ɔ́ ɣɛ́ ndɛɛh̃ú h̃u!” 23Kɛ kíya ti ɣɛ́i taá woo lɛ́ ngeleya, ná vólu, táá ti w̃áá gúlaitii tɛ́ɛ́ lɛɛ́ ngeleyá, ɛ́ɣɛ táá tutuwángi lɛ ngeleya, 24sóyaitii ti w̃ááh̃u w̃ɔ́ɔ́ walaí i ndení ngáá ti lí ngáá Pɔ́ɔ sóya bakií h̃u. I mɔɔ ndení ngáá ti Pɔ́ɔ leve ɛ́ɣɛ tí mɔɔní kɛinɔɔ́ tí tɔ sí í kɛngá nungáitii tíwaa bándɛ kpandɛ́ la h̃íí na. 25Ná ti Pɔ́ɔ yiliní ngáá tí ndeve, kɛ Pɔ́ɔ i sóya nuu walá yiláá mɔ́ɔ́ninga lɛ́i í ɣɛ́i lóóni na, i ɣɛ ma, “Aá lɔ pele w̃a savaí h̃u ngáá ti Lóómi lɔwɔlɔ h̃uu w̃ɔ́ɔ́ leve ná wɔ́i ɣɛ́ kɔsɔní wɔ́ɔ́ tɔ ngáá aa veléni?”
26Ná sóya nuu walaí ná í ngói ná ỹɛ́nini, i liiní, í vólu haa lé ti w̃ááh̃u w̃ɔ́ɔ́ walaí w̃a, í mɔ́ɔ́ni, i ɣɛ ma, “Ndeé lɔ náa yáá vá kɛmá, sífaa siỹɛndópoi sí lɔ ngáá Lóómi lɔwɔlɔ h̃uu w̃ɔ́ɔ́.”
27Kɛ ti w̃ááh̃u núú walaí ná i liingá Pɔ́ɔ yelé, í mɔɔní, i ɣɛ ma, “Nde lɛ́ɛ má ná wɔ́li Lóómi lɔwɔlɔí h̃uu w̃ɔ́ɔ́ áá ɣɛ́ ngáá í ye.”
Kɛ Pɔ́ɔ i ngoo yápotenga, i ɣɛ ma, “Eéi! Lóómi lɔwɔlɔí h̃uu w̃ɔ́ɔ́ waa ngáá ngé.”
28Kɛ i ndengá Pɔ́ɔ w̃a, i ɣɛ ta, “Nyá ngɔ́ɔ́ ɣɛ́ p̃ɛ́ɛ́ ngí ɣɛ́ ngáá Lóómi lɔwɔlɔ h̃uu w̃ɔ́ɔ́ naholó bih̃íw̃aa lɔ ngí maahíyangɔ.”
Kɛ Pɔ́ɔ i ɣɛa ma, “Kɛ́ nyá laá ti ndéngɔ ngáá Lóómi lɔwɔlɔ h̃uu w̃ɔ́ɔ́.”
29Faa yá kúla mba mbélai sítii pa ti ɣɛ́i taá vá mɔɔni mɔɔníma, tí lokogúlani mɔɔni mbóndai h̃u ngamá. Sóyai ti w̃ááh̃u w̃ɔ́ɔ́ walaí ná bútei suu í bɛ́lini ná í ngátɔni ngáá i Lóómi lɔwɔlɔ h̃uu w̃ɔ́ɔ́ vílinga njɔlɔwɔ ya.
Pɔ́ɔ i ɣɛi Faa H̃úú Haa Lé Mbélaitii kákala
30Folo vékai w̃a, maa sóyai ti w̃ááh̃u w̃ɔ́ɔ́ walaí i ɣɛ́i í ngákula mba kpál̃au, í ɣɛ́ kɔlɔ́ ngáá ndeé le Júsuaitii tí faa vɛ́lɛngɔ Pɔ́ɔ wa. Faalɔ, i Pɔ́ɔ gulaní njɔlɔwɔí ya, ná vólu, í woo víli Ngala sááɣa gula mbélai ti wutúwɔai ngelé ɛ́ɣɛ Faa H̃úú Haa Lé Mbélaitii kpɛ́lɛɛ ngáá tí yátɛ mba. Kɛ i vaangá ngáá Pɔ́ɔ, í kɛ ngáá háwu ná í lo ti gakála.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000