NJƆÚ 17
17
Jísu i Ngala fɛ́lini bɔwɔ́ hááw̃a
1Ná Jísu í vílani faí sítii ndemá, kɛ i wu nga séinga íwaa wɔ́lɛ ngeleí yá péle, i ɣɛ ta, “Kɛɛɣɛ́, táingi i folóa náa ma, ngakɛ́ ná ngáá nungáitii kíya í H̃íỹɛndou Loí gáámaangɔ ngáá laá bɛ́lɛ í ngákɛ ngáá nungáitii kíya í gáámaangɔ. 2Yí ngákpa fénga ngeyá nuu kpɛ́lɛɛ mááh̃u ngáá í kúnafɔ lɛ́ɛ́h̃ui he sítii ngeyá yí tí hengɔ́ ngeyá. 3Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́. 4Ngí ngákɛnga ngáá nungáitii kíya í gáámaangɔ ngáá ngengengí yí féngɔ ngéya ngáá ngí mbo ngí ngúkulangɔ. 5Kɛɛɣɛ́, kɛ náa ngáá háwu ngí ngufema w̃ááhɔlɔ mbéinda yí na, ngufemaí sí nɔ́ɔ jɔ́ í ɣɛ́i ngéya na h̃u ngí ɣɛ́i í lóów̃a p̃ɛ́ɛ́ yɔ́ɔ́ ɣɛ́a ngelewu bátɛ.”
Jísu i Ngala fɛ́lini volú yélaitii faaw̃a
6Jísu í mɔ́ɔ ɣɛ ta, “Ngí í hái yakɛ́nga kpál̃au ngáá sítii yí ti hengɔ́ ngéya ngeleí sí wu. Tí ɣɛ́ngɔ ngáá í ndá yí ti he ngéya aáva tí gólongɔ í gééla woí wu. 7Aáva ti ɣɛ́a náá kɔlɔ́ ngáá sí kpɛ́lɛɛ yí fengɔ́ ngéya yá gíte lɔ ti gúlangɔ í yáá. 8Í gééla woítii yí ndéngɔ má ngáá ngí ndé ti w̃a, ngí ndéngɔ ti w̃a aáva tí lokohéi mbu. Tí kɔlɔ́ gíte kpál̃au ngáá kɛ ngí gúlangɔ í yéle, ná vólu, tí lángɔ la ngáá kɛ yá lɔ yí tɔ́vengɔ.
9Nyá lɔ́ í hɛ́li ti hááw̃a. Ngáá í hɛ́lima ngeleí sí wúu yélaitii faaw̃a, kɛ́ aá ɣéle, nyá lɔɔ í hɛ́li nungái sítii fááw̃a yí ti hengɔ́ ngéya, bɔw̃álale yá lɔ́ nɔ́ɔ í ndá í ngáá ti ye. 10Nungái sítii kínɛi pá tí fááw̃a, ya lɔ ti í hááw̃a, sítii kínɛi pá ti í haaw̃a, tiyá lɔ fááw̃a aáva ti ngakɛ́a kíya káámangɔ. 11Nyá lɔ vá í yéle h̃umbuwa. Ngáá mɔ́ɔ́ lɛmbíma ngeleí sí wu. Kɛ́ sítii yí tí héngɔ ngéya, tiyá lɔɔ ló ngeleí sí wu. Kɛɛɣɛ́ yɛ́i hɛ́ɛ́ í í w̃a, ti w̃ááh̃u belé í yákpangi w̃áá véle w̃a, ngakpángi sí nɔ́ɔ́ yí féi ngéya kɛinɔɔ́ ti ɣɛ́ ngáá nuu yílaa kíya nɔ́ɔ maa í ye mu ngáá nuu yílaa. 12Ná ngí ɣɛ́ngɔ ti loow̃á, ngí ti w̃ááh̃u beléni ngáá ngakpángi sí yí féi ngéya. Ti tá fíli taá gulangɔ ngéya kɛ léi sí kule í ɣɛ́i ma í gúla ngéya kɛinɔɔ́ í láá wói pɔnɛngɔ́i í hítɛ nga. 13Nyá lɔɔ vá náa í yéle, kɛ́ nyá lɔɔ sítii nde í w̃a ná ngí ngeleí sí wu nɛ́nɛ kɛinɔɔ́ ti góóh̃unɛɛngɔ í ɣɛ́ la ngwala kíya nɔ́ɔ́ kóóh̃unɛɛngɔ. 14Keela wói yí ndéngɔ má, ngí ndéngɔ ti w̃a kɛ́ ngeleí sí wúu yélaitii tí hílinga ngáá ti ye bɔw̃álale taá mɔɔ ngáá ngeleí sí wúu yélaa, kíya nɔ́ɔ nyá ɣéle tɔ ngáá ngáá ngeleí sí wúu w̃ɔ́ɔ́. 15Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i. 16Kíya nɔ́ɔ ngáá ngáá ngeleí sí wúu w̃ɔ́ɔ́, ngimɔ́ɔ́ nɔ́ɔ tiyá bɛ́lɛ taa ngáá ngeleí sí wúu yélaa. 17Lokolo ti wa, yí ti ɣɛ kíli batɛ́ í yéngengi hááw̃a tɔɔỹái w̃aa véle w̃a, í gééla wói lɔ́ ngáá tɔɔỹaá. 18Ngí ti lɔ́venga ngeleí sí wu í yéngengi w̃a kíya nɔ́ɔ yí tɔ́vengɔ ngeleí sí wu. 19Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”
Jísu í Ngala fɛ́lini sítii fááw̃a ti langɔ́ í ɣɛ́i la lá
20Jísu i mɔɔ ndií ngú ma ngáá Ngala fɛ́lindai, i ɣɛ ta, “Ngáá í hɛ́lima ti yílaa hááw̃a nɔ́ɔ, kɛ́ nyá lɔɔ í hɛ́li nuu vékaitii kele tɔ faaw̃a táá va lamá ngáá ngé ná pólu yélai sítii taá keela wói le ti w̃a. 21Kɛɛɣɛ́, nyá lɔɔ í hɛ́li ngáá ti ɣɛ́ kíli í ɣɛ́ yíla kpé pele kpɛ́lɛɛ sú kíya nɔ́ɔ mu ɣɛ kíli í yíla kpé pele kpɛ́lɛɛ sú. Bɛlɛ́ mu ɣɛ kíli í ɣɛ yíla kpé pele kpɛ́lɛɛ sú maa tiyéni kɛinɔɔ́ ngeleí sí wúu yélai ti lá la ngáá kɛ yá lɔ yí tɔ́vengɔ. 22Ngí kɛ́a ngáá háwu ti ngufema w̃ááhɔlɔ kíya nɔ́ɔ yí kɛngɔ́ ngáá ngé. Ngí ná ɣɛ́ngɔ kɛinɔɔ́ ti ɣɛ́ ngáá nuu yíla kpé pele kpɛ́lɛɛ su kíya nɔ́ɔ mu ngáá nuu yíla kpé pele kpɛ́lɛɛ su. 23Ná wáá ngáá, kpáhangɔ lé ti wa, maa í ye va mu báhangɔ su. Ná vá tɔ í kɛ́ngɔ ti ngoo yílaa su ngáá pangɔ́ kɛinɔɔ́ ngeleí sí wúu yélai ti ɣɛ́ kɔ́lɔ ngáá yá lɔ́ yí tɔ́vengɔ aáva í lóngɔɔ lé ngáá ti ye kíya nɔ́ɔ í lóngɔ ngáá ngé.
24Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́. 25Kɛɛɣɛ́ yɛ́i í lélembongɔ, ngeleí sí wúu yélaitii kái kái taá kɔlɔ́ ngáá ele gíte wáa ngáá í ye, kɛ́ nyá ngi kɔlɔ́ ele gíte wáa ngáá í ye. Aáva pólu yélai sítii yí ti hengɔ́ ngéya tí suuwɔ́lɔ ngáá yá lɔ yí tɔ́vengɔ ngeleí sí wu. 26Ngí í hái yákɛa kpál̃au ngáá ti ye aáva nyá lɔɔ́ ndi ngu ma ngáá ngakɛ́ndaa ngáá ti ye kɛinɔɔ́ ti ló ngáá nungáá vékaa kíya nɔ́ɔ́ i lóngɔ ngáá ngé. Ná vólu, naá tiyéni ni ɣɛ kíli í ɣɛ́ yíla kpé pele kpɛ́lɛɛ su.”
Currently Selected:
NJƆÚ 17: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000
NJƆÚ 17
17
Jísu i Ngala fɛ́lini bɔwɔ́ hááw̃a
1Ná Jísu í vílani faí sítii ndemá, kɛ i wu nga séinga íwaa wɔ́lɛ ngeleí yá péle, i ɣɛ ta, “Kɛɛɣɛ́, táingi i folóa náa ma, ngakɛ́ ná ngáá nungáitii kíya í H̃íỹɛndou Loí gáámaangɔ ngáá laá bɛ́lɛ í ngákɛ ngáá nungáitii kíya í gáámaangɔ. 2Yí ngákpa fénga ngeyá nuu kpɛ́lɛɛ mááh̃u ngáá í kúnafɔ lɛ́ɛ́h̃ui he sítii ngeyá yí tí hengɔ́ ngeyá. 3Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́. 4Ngí ngákɛnga ngáá nungáitii kíya í gáámaangɔ ngáá ngengengí yí féngɔ ngéya ngáá ngí mbo ngí ngúkulangɔ. 5Kɛɛɣɛ́, kɛ náa ngáá háwu ngí ngufema w̃ááhɔlɔ mbéinda yí na, ngufemaí sí nɔ́ɔ jɔ́ í ɣɛ́i ngéya na h̃u ngí ɣɛ́i í lóów̃a p̃ɛ́ɛ́ yɔ́ɔ́ ɣɛ́a ngelewu bátɛ.”
Jísu i Ngala fɛ́lini volú yélaitii faaw̃a
6Jísu í mɔ́ɔ ɣɛ ta, “Ngí í hái yakɛ́nga kpál̃au ngáá sítii yí ti hengɔ́ ngéya ngeleí sí wu. Tí ɣɛ́ngɔ ngáá í ndá yí ti he ngéya aáva tí gólongɔ í gééla woí wu. 7Aáva ti ɣɛ́a náá kɔlɔ́ ngáá sí kpɛ́lɛɛ yí fengɔ́ ngéya yá gíte lɔ ti gúlangɔ í yáá. 8Í gééla woítii yí ndéngɔ má ngáá ngí ndé ti w̃a, ngí ndéngɔ ti w̃a aáva tí lokohéi mbu. Tí kɔlɔ́ gíte kpál̃au ngáá kɛ ngí gúlangɔ í yéle, ná vólu, tí lángɔ la ngáá kɛ yá lɔ yí tɔ́vengɔ.
9Nyá lɔ́ í hɛ́li ti hááw̃a. Ngáá í hɛ́lima ngeleí sí wúu yélaitii faaw̃a, kɛ́ aá ɣéle, nyá lɔɔ í hɛ́li nungái sítii fááw̃a yí ti hengɔ́ ngéya, bɔw̃álale yá lɔ́ nɔ́ɔ í ndá í ngáá ti ye. 10Nungái sítii kínɛi pá tí fááw̃a, ya lɔ ti í hááw̃a, sítii kínɛi pá ti í haaw̃a, tiyá lɔ fááw̃a aáva ti ngakɛ́a kíya káámangɔ. 11Nyá lɔ vá í yéle h̃umbuwa. Ngáá mɔ́ɔ́ lɛmbíma ngeleí sí wu. Kɛ́ sítii yí tí héngɔ ngéya, tiyá lɔɔ ló ngeleí sí wu. Kɛɛɣɛ́ yɛ́i hɛ́ɛ́ í í w̃a, ti w̃ááh̃u belé í yákpangi w̃áá véle w̃a, ngakpángi sí nɔ́ɔ́ yí féi ngéya kɛinɔɔ́ ti ɣɛ́ ngáá nuu yílaa kíya nɔ́ɔ maa í ye mu ngáá nuu yílaa. 12Ná ngí ɣɛ́ngɔ ti loow̃á, ngí ti w̃ááh̃u beléni ngáá ngakpángi sí yí féi ngéya. Ti tá fíli taá gulangɔ ngéya kɛ léi sí kule í ɣɛ́i ma í gúla ngéya kɛinɔɔ́ í láá wói pɔnɛngɔ́i í hítɛ nga. 13Nyá lɔɔ vá náa í yéle, kɛ́ nyá lɔɔ sítii nde í w̃a ná ngí ngeleí sí wu nɛ́nɛ kɛinɔɔ́ ti góóh̃unɛɛngɔ í ɣɛ́ la ngwala kíya nɔ́ɔ́ kóóh̃unɛɛngɔ. 14Keela wói yí ndéngɔ má, ngí ndéngɔ ti w̃a kɛ́ ngeleí sí wúu yélaitii tí hílinga ngáá ti ye bɔw̃álale taá mɔɔ ngáá ngeleí sí wúu yélaa, kíya nɔ́ɔ nyá ɣéle tɔ ngáá ngáá ngeleí sí wúu w̃ɔ́ɔ́. 15Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i. 16Kíya nɔ́ɔ ngáá ngáá ngeleí sí wúu w̃ɔ́ɔ́, ngimɔ́ɔ́ nɔ́ɔ tiyá bɛ́lɛ taa ngáá ngeleí sí wúu yélaa. 17Lokolo ti wa, yí ti ɣɛ kíli batɛ́ í yéngengi hááw̃a tɔɔỹái w̃aa véle w̃a, í gééla wói lɔ́ ngáá tɔɔỹaá. 18Ngí ti lɔ́venga ngeleí sí wu í yéngengi w̃a kíya nɔ́ɔ yí tɔ́vengɔ ngeleí sí wu. 19Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”
Jísu í Ngala fɛ́lini sítii fááw̃a ti langɔ́ í ɣɛ́i la lá
20Jísu i mɔɔ ndií ngú ma ngáá Ngala fɛ́lindai, i ɣɛ ta, “Ngáá í hɛ́lima ti yílaa hááw̃a nɔ́ɔ, kɛ́ nyá lɔɔ í hɛ́li nuu vékaitii kele tɔ faaw̃a táá va lamá ngáá ngé ná pólu yélai sítii taá keela wói le ti w̃a. 21Kɛɛɣɛ́, nyá lɔɔ í hɛ́li ngáá ti ɣɛ́ kíli í ɣɛ́ yíla kpé pele kpɛ́lɛɛ sú kíya nɔ́ɔ mu ɣɛ kíli í yíla kpé pele kpɛ́lɛɛ sú. Bɛlɛ́ mu ɣɛ kíli í ɣɛ yíla kpé pele kpɛ́lɛɛ sú maa tiyéni kɛinɔɔ́ ngeleí sí wúu yélai ti lá la ngáá kɛ yá lɔ yí tɔ́vengɔ. 22Ngí kɛ́a ngáá háwu ti ngufema w̃ááhɔlɔ kíya nɔ́ɔ yí kɛngɔ́ ngáá ngé. Ngí ná ɣɛ́ngɔ kɛinɔɔ́ ti ɣɛ́ ngáá nuu yíla kpé pele kpɛ́lɛɛ su kíya nɔ́ɔ mu ngáá nuu yíla kpé pele kpɛ́lɛɛ su. 23Ná wáá ngáá, kpáhangɔ lé ti wa, maa í ye va mu báhangɔ su. Ná vá tɔ í kɛ́ngɔ ti ngoo yílaa su ngáá pangɔ́ kɛinɔɔ́ ngeleí sí wúu yélai ti ɣɛ́ kɔ́lɔ ngáá yá lɔ́ yí tɔ́vengɔ aáva í lóngɔɔ lé ngáá ti ye kíya nɔ́ɔ í lóngɔ ngáá ngé.
24Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́. 25Kɛɛɣɛ́ yɛ́i í lélembongɔ, ngeleí sí wúu yélaitii kái kái taá kɔlɔ́ ngáá ele gíte wáa ngáá í ye, kɛ́ nyá ngi kɔlɔ́ ele gíte wáa ngáá í ye. Aáva pólu yélai sítii yí ti hengɔ́ ngéya tí suuwɔ́lɔ ngáá yá lɔ yí tɔ́vengɔ ngeleí sí wu. 26Ngí í hái yákɛa kpál̃au ngáá ti ye aáva nyá lɔɔ́ ndi ngu ma ngáá ngakɛ́ndaa ngáá ti ye kɛinɔɔ́ ti ló ngáá nungáá vékaa kíya nɔ́ɔ́ i lóngɔ ngáá ngé. Ná vólu, naá tiyéni ni ɣɛ kíli í ɣɛ́ yíla kpé pele kpɛ́lɛɛ su.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000