NJƆÚ 8
8
1Kɛ́ Jísu i liiní ngihéi sí wa taa tolí ngáá Ɔ́levi Wuluí Yíhei. 2Ngelendáá lɛtɛngí, kɛ Jísu i mɔɔ liingá Hɛ́ɛ́ma Yála Pɛ́lɛi góvii h̃u, í hei. Naa lɔ nungái kpɛ́lɛɛ tí maayelé mbéleni na aáva í ɣɛi áá ti galambó. 3Kɛ kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai tí váánga ngáá nyah̃ápo yiláá Jísu yelé. Ti ɣɛ́i nyah̃ápoi ná hóuni kɔlɔsiyá mbóndai h̃u. Kɛ tí tónga nungái kpɛ́lɛɛ ngutúwɔ, 4tí ndé náá Jísu w̃a, ti ɣɛ́ ma, “Kaamɔ́ɔ́, ní nyah̃ápoi sí hóungɔ kɔlɔsiyá mbóndai h̃u. 5Aáva Ngala sávai í féngɔ Muusé yáá a mu haáw̃a, ndengɔ́ɔ́ lé su ngáá kule lɔ nuu w̃á nuu i ló nyah̃ápoi sí hɔ́ɔ́ma ngáá kɔtu í lo su í há. Ná ná áá ɣɛ́, í ndá gí mai waa bɛɛ́ faí sí h̃u?” 6Ti mɔɔningí sí woí lá ngáá kɛinɔɔ́ tí sóu ndaa wóó wá sí tɔ́ɔ́ ló maah̃u tí sou savaí h̃u ngáá faa ỹaaní mɔ́ɔ. Kɛ́ Jísu ɣele i w̃áávɛlɛni nɔ́ɔ í pɛ́lɛ kɔlɔ vɔ́nɛma ndɔwɔlɔ́i wa ngáá loko beɣái. 7Ná tí ndií ngu ma ngáá mɔɔningí wondáá kélei nɔɔ́, kɛ Jísu i yooɣɛ́nga í lo í ɣɛ́ ti w̃a, “Nuí fíli áá ɣɛ́ wú h̃u ɛ́i nɛ́ɛ́ ɣɛ faa ỹɔ́u fíli kɛ́ni, maa w̃ɔ́i í nyah̃ápoi sí hɔ́ɔ́ ngáa kɔtu hése.” 8Kɛ Jísu i mɔ́ɔ́ w̃áávɛlɛnga íwaa kɔlɔi vɔ́nɛ ndɔwɔlɔ́i wa. 9Ná nungái tí ngoí sí ỹɛ́nini, tí pɛ́lɛi gulamá naa wa ngáá ngiláá ngíla. Kpakólongai tɔ ti gúlai naa wa hése nuu vékaitii tɔɔ yáá ngapu ngáa gulandáá naa wa, í lo su Jísu yilaá lɔ náá í ɣɛ́i na, nyah̃ápoi í lóóni kpela. 10Kɛ Jísu i yooɣénga í ló, i ɣɛ nyah̃ápoi w̃a, “Ɔ́ɔ nungáitii? Baa nuu fíli aa longɔ́ ɔ́ɔ́ kɔsɔ́ pɛ́lɛ í wá faa bá ndá fááw̃a í w̃a?”
11Nyah̃ápoi í Jísu woo yápoteni, i ɣɛ ma, “Kpéle, nuu fíli aa ná ɣɛ́ngɔ, kawálai.”
Jísu i ɣɛ ma, “Nyá ɣéle tɔ ngɛ́i ná ɣɛ́, kɛ́ lí, yí bé naá faa ỹɔ́i ɣɛndái wa.”]
Jísu lɔ í ngáá lámbongi
12Ná Jísu í yɛ́pɛni mɔɔ nungái ngele, í ndéni, í ɣɛ ta, “Nyá lɔ́ ngí ngáá lámbongi ngeleí sí wuu yélaitii faaw̃a. Nuí fíli pá áá ɣɛ́ ngáá pólu w̃ɔ́ɔ ɛi hiya kpíndii h̃u kɛ́ aa lámbongi sí w̃ááhɔlɔ áá ndɛ́ɛ́h̃ui gitei he ngeyá.”
13Kɛ Júsuai sítii taa ɣɛ́ ti w̃a Falósiai ti ɣɛ́a ma, “Ná lɔ́ na, yá gíte lɔ nɔ́ɔ́ yíwaa faa lé bɔwɔ́ hááw̃a, kɛ í háá le ngoí ná, pele áá su.”
14Kɛ Jísu i ti woo yápotenga, i ɣɛ ti w̃a, “Ngí bɔ́ɔ́ faa lé bɔwɔ́ haaw̃a, aa ɣɛ ngáá tɔɔỹáa woo bɔw̃álale ngí kɔ́lɔ mbéi ngí gúlangɔ na ɛ́ɣɛ mbéinda ngáá li na. Kɛ́ wálaa, wáá kɔ́lɔ kpósouŋ mbéi ngí gúlangɔ na ɛ́ɣɛ mbéi ngáá lí na. 15Wáá faítii mbaaléve ngáá nuu búsa gísiya ɣɛ kíli, kɛ́ nyá, ngɛ́i nuu fíli kɔ́sɔ. 16Kɛ́ ná mɔ́ɔ́ ngáá nuu gɔ́sɔ, ní ndái waaléve kílii aa ɣɛ pele w̃a bɔw̃álale ngílaa laa le ngɔ́ɔ́ ɣɛ́ loko volú, ní Kɛ́ɛ́ɣɛ í tɔ́vengɔ ni lóów̃aa í yíla. 17Wú bɔ́wɔ bɔ́wɔ havaí h̃u Ngalá ngí féni Muusé yáá, pɔnɛngɔ́ lé su ngáá nuu félengɔ heele woo lɔ ngáá tɔɔỹáa haa. 18Nyɛ́i ngáá faa le bɔwɔ́ hááw̃a, hééle yiláá mbáá ngé. Ní hééle vekaí waa ngáá ní Kɛɛɣɛ́ lɛí í tɔ́vengɔ.”
19Kɛ ti Jísu w̃ɔɔningá, ti ɣɛ́ ma, “Míl̃inda lɔ́ í kɛ́ɛ́ɣɛ í na?”
Jísu i ɣɛ ti w̃a, “Wáá kɔ́lɔ ele wáá ngáá ngé kɛlaa ní Kɛ́ɛ́ɣɛ, bele wú ɣɛ́i kɔ́lɔ, wɔ́ɔ́ ɣɛ́ ní Kɛ́ɛ́ɣɛ bɛ́lɛ kɔ́lɔ.”
20Jísu i njɛpɛí sítii puní ná h̃u í ɣɛ́i áá kalambongí wo Hɛ́ɛ́ma Yála Pɛ́lɛi góvii h̃u, mbéinda tɔ́ɔ́ Ngalá kɔ́ngitii pú na ti ɣɛ́i na. Kɛ́ nuu fíli aa souní bɔw̃álale na w̃aa l̃áingi aa nɛɛ ɣɛi folói ma.
Jísu í Júsuai sítii ndaahíni nda tálai í ɣɛ́i ti h̃u
21Jísu i mɔɔ ndení ti w̃a, i ɣɛ ta, “Nyá lɔ́ va liimá. Wáá ɣɛ́ wáá kɔ́li aáva wá lɔɔ vá haamá wú háá ỹɔítii su. Mbéinda vá ngíwaa lí na, wɔ́i lí na.”
22Kɛ Júsuai ti wútuwɔaitii tiyá tɔ taa ɣɛ́ ỹɔw̃ɔ́ ỹɔ́w̃ɔ w̃a, “I ndengɔ́, i ɣɛ ta, ‘Mbéinda va ngíwaa lii na, wɔ́i lí na.’ Baa ɔ́ɔ́ ɣɛ́ yɛ́ɛ́ áa vá bɔwɔ́ vaamá ná lɔ áá ná le ma?”
23Kɛ́ Jísu i ndiiní ngú ma ngáá yɛpɛndáá, i ɣɛ ta, “Wálaa wú gúlangɔ ngeleí sí wu, kɛ́ nyáá va ngí gúlangɔ ngelegóóh̃u. Wá lɔ ngáá ngeleí sí wuu yélaa kɛ́ nyá ngáá ngáá ngeleí sí wuu w̃ɔ́ɔ. 24Ná lɔ́ i kɛ́ngɔ ngí ndéngɔ wú w̃a ngáá wá lɔɔ va haamá wú háá ỹɔítii su. Ná wɔ́i ɣɛ́ laní la ngáá Nyá Wáa Ngáá Nyá#8:24 Nyá Wáa Ngáá Nyá Ná Jísu i ɣɛ́i ta, “Nyá Wáa Ngáá Nyá,” í ɣɛi áá ngakɛ́ ngáá kɛ aa lɔ ngáá Ngalá. Sí lɔ́ í ɣɛi ngáá ndaaheíngi Ngalá ngi pɛ́lɛni bɔwɔ́ wa ná í yɛ́pɛni Muusé yéle mbéi ndɔbɔí í ɣɛ́i áá w̃ɔ́ na., kɛ wá lɔɔ vá haamá wú háá ỹɛ́itii su.”
25Kɛ tí mɔ́ɔ́ mɔɔningá, ti ɣɛ́ ma, “Ele wáá ngáá í ye?”
I tí woo yápoteni, i ɣɛ ta, “Nyá wáá nɔ́ɔ́ ngáá kíya ngáá bɔwɔ́ lowa wo kélei wú w̃a. 26Aáva faa bíh̃i bih̃i tɔ na ngáá nde kɔwɔ́ato wú wa, ngí wú wááleve. Kɛ́ lɛ́i va í tɔ́vengɔ, aá lɔ́ ngáá tɔwɔbáɣa w̃ɔ́ɔ. Aáva sí ngí mɛ́nini nda, laá lɔ́ ngáá nde nungái ma ngelewu.”
27Kɛ́ nungái pa taá ɣɛ́i ngatɔ́ni mba ngáá Jísu i ɣɛi áá yɛ́pɛ kɔwɔ́ato ngi Kɛ́ɛ́ɣɛ Ngalá mba. 28Faalɔ, Jísu i ndení ti w̃a, i ɣɛ ta, “Ná náa wáá nuí síí w̃ɔ́i taa ɣɛ́ ma Nuu Búsa Goo H̃ú Loí lɛ ngeleya kulɔ́sii w̃a, wáá ɣɛ́ náá kɔlɔ́ ngáá Nyá Wáa Ngáá Nyá. Ná vólu, wáá ɣɛ́ náá mɔ́ɔ kɔlɔ́ ngáá kɛ ngɛ́i faa fíli kɛ ngáá wúmaa kɛ́ ngáá yɛpɛ nɔ́ɔ́ sí wa jɔ́ ní Kɛ́ɛ́ɣɛ Ngalá ngí kálamboni la. 29Nuí í tɔ́vengɔ ni lóów̃aa í yilá, ngílaa laa le ngɔ́ɔ́ ɣɛ loko volú, bɔw̃álale ndiivó fáitii tɔ nɔ́ɔ́ fɔ́ ngáá kɛ.”
30Ná Jísu i njɛpɛí sítii puní, nungáá bih̃íw̃aa tí laí la.
Sítii ti wumááwongɔ ɛ́ɣɛ sítii ti nduwɔlaí h̃u
31Júsuai sítii ti langɔ́ í ɣɛ́i náa lá ngáá Jísu, Jísu i ɣɛi ti w̃a, “Ná wáá ndí ngu ma ngáá hiyandáá ngáá ní gálambongi, kɛ wá gíte gítei lɔ wú ngáá pólu yélai. 32Aáva wáá ɣɛ́ náá tɔɔỹái wɔlɔ́, tɔɔỹái va aa wú wúmaawo.”
33Kɛ tí ngoo yápotenga, ti ɣɛ́ ma, “Lébilah̃au laala lengái mbaa ngáá ni ye aáva nápa naá nɛ́ɛ́ walaí nuu fíli ngéya nduwɔ laá h̃u. Yáá ɣelé nde náá ni w̃a ngáá ni wumáá áá wo?”
34Jísu bɛ́lɛ i ti woo yápoteni, i ɣɛ ta, “Ngí tɔɔỹái le wú w̃a, nuí fíli áá ndi ngu ma ngáá faa ỹɔ́u ɣɛ́ndai, maa w̃ɔ́i lɔ ngáá nduwɔ lopó faa ỹɔ́i yaá. 35Nduwɔ lopói va, toow̃aá aa mbɛ téɣele ndengí h̃u, kɛ́ síỹɛndou loí laá toow̃aá lɔ mbɛ ndengí h̃u. 36Faalɔ, ná Ngalángi H̃íỹɛndou Loí áá wú wúmaawo, wú wumaawongɔ́ gíte aa ɣɛ lá fó fóndei. 37Ngí súuwɔlɔ ngáá Lébilah̃au laala lengaí mbaa ngáá wú ye. Kɛ́ ná fíli su, wá lɔɔ ɣɛ́ nɔ́ɔ w̃ɛ́ɛ́ kɛ wáá páa bɔw̃álale wáá lókoheima ní gálambongi wu. 38Sí ngí naa lɔngá ní Kɛ́ɛ́ɣɛ yaá laá lɔ́ ngáá nde, wáá vá sí wú mɛ́ningɔ wú kɛ́ɛ́ɣɛ la, laá lɔ wúwaa kɛ.”
39Ti Jísu woo yápoteni, ti ɣɛ́ ma, “Ni káwala i ɣɛi ngáá Lébilah̃au.”
Jísu i ɣɛ ti w̃a, “Bele wú ɣɛ́i ngáá Lébilah̃au laala lengaa, wú lúva veléitii tɔɔ ɣɛ́ pele w̃a kíya Lébilah̃au ndái í ɣɛ́i pele w̃a. 40Ta ɣɛ kíli lɔ nɔ́ɔ́ ngáá sí, ngáá kíya wú kpatɛá gí ma ngáá wú páá, nyɛ́i ngáá tɔɔỹái le wú w̃a ngí mááhɔlɔngɔ Ngalá ngeyá. Lébilah̃au va aa ná w̃aa háá ta ɣɛní! 41Wú kɛ́ɛ́ɣɛ luva veléi lɔ́ nɔ́ɔ wúwaa híya la.”
Tí Jísu woo yápoteni, ti ɣɛ́ ma, “Kɔlɔ́ ndéngaa laa ngáá ni ye. Kɛɛɣɛí nɔɔ́ léi í ni yaá aá wáá ngáá Ngalá kítei.”
42Jísu bɛ́lɛ í mɔ́ɔ́ ɣɛ ti w̃a, “Bele Ngalángi ɣɛi gíte ngáá wú Kɛ́ɛ́ɣɛ wɔ́ɔ́ ló ngáá ngé bɔw̃álale ngí gulangɔ Ngalá ngelé aáva nyá lɔ́ náá mbéinda. Ngáá váángɔ mbéi ngáá wu maá kɛ́ laá lɔ́ í tɔ́vengɔ. 43Sí í kɛa ndáá woí ya ngáá kpál̃au wu yáá aa waa ngáá, sífaa wu lélenga ngáá wú wólilo sí w̃a ngíwaa nde. 44Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a. 45Kɛ́ wáá laí ngáá sí ngáá nde sífaa ngáá tɔɔỹái le wú w̃a. 46Ele lɔ í wú h̃u áá ndé ngáá í tɔngá faa ỹɔ́u h̃ú? Ndeé le wɔ́i lá ngáá ngé ná ngáá ɣɛ ngáá tɔɔỹái le wú w̃a? 47Nuí fíli áá ɣɛ́ Ngala ngí ndá aa wolíɣɛ Ngalá ndaa wói wa. Faalɔ, háwui í kɛ́nga waá wolíɣɛma sí w̃a, aá waa ngáá sífaa wáá ngáá Ngalángi ndá.”
Jísu ɛ́ɣɛ Lébilah̃au
48Kɛ Júsuaitii tí ngoo yápotenga, ti ɣɛ́ ma, “Kɛ tɔɔỹaá laa ngáá sí ní ndengɔ́ í w̃á ngáá Samááliya w̃ɔɔ waa ngáá í ye, ná vólu, ỹína nyɔí lɔ í vólu?”
49Jísu í tí woo yápotei, i ɣɛ ta, “Ỹína nyɔu aa pólu, kɛ́ ngufemaí lɔ́ ngáá fe ní Kɛ́ɛ́ɣɛ Ngalá mbɛ́, wáá va wúwaa ngufema lálai he mbɛ́. 50Aa yɛɛ́ ngáá tɛ ngóó lɔ ngíwaa kɔlí bɔwɔ́ haaw̃a, kɛ́ nuu lɔ́ na íwaa tɛ ngóó wɔ́li fááw̃a, maa w̃ɔ́i va tɔ áá kiti yéɣe áá ɣɛ́ váni fááw̃a. 51Aáva ngí tɔɔỹái le wú w̃a, ná nuu fíli áá híya ngáá ndáá wói maa w̃ɔ́i ɛi saa w̃ááhɔlɔ kúnafɔ.”
52Kɛ Júsuai tí ɣɛ́a ta, “Ní suuwɔlɔ́ naá kpál̃au ngáá ỹína nyɔí kái kái tɔ́ í í vólu! Bɔw̃álale Ngalá mɔ́i, ni káwala Lébilah̃au i haaní, Ngalá ndaa háá lé mbélaitii bɛ́lɛ tí haaní. Kɛ́ ná fíli su, yí ndengá ngáá nuí fíli áá híya ngáá í láá wói maa w̃ɔ́i ɛi saa w̃ááhɔlɔ kúnafɔ. 53Baa í lɔ́vengɔ lé ni káwala Lébilah̃au wa? I haaní aáva Ngalá ndaa háá lé mbélaitii bɛ́lɛ tí haaní nɔ́ɔ. Í gí ma ele wáá ngáá í ye hɔ́ɔ?”
54Jísu i ti woo yápoteni, i ɣɛ ta, “Ná nyá gíte ngáá kɛ ngáá háwu tɛ ngóó í ɣɛ́ mbɛ́, kɛ faa fíli táá ngáá na, kɛ́ ní Kɛ́ɛ́ɣɛ lɛ́i wúwaa nde ngáá laá lɔ í ngáá wú Yálangi, laá lɔ áá kɛ ngáá háwu tɛ ngóó í ɣɛ́ mbɛ́. 55Kíya bɛ́lɛ wáa kɔlɔ́ ele gite waa ngáá Ngala nyá ngí kɔlɔ́. Bele ngí ɣɛ́i ta ngáá kɔlɔ́, ngɔ́ɔ́ ɣɛ́ ngáá ndɛɛ gɔ́ɔ́la mɔ́ɔ́ kíya wú na, kɛ́ ngí kɔ́lɔ ele waa ngáá laa aáva nyá lɔɔ híya ngáá ndaa wói. 56Wú káwala Lébilah̃au gooh̃unɛ́ɛ́ngɔ i ɣɛi lá ngáá í pááw̃ai lɔ́ ngelewu aáva i pááw̃ai h̃u lɔní, ná va ngi kooh̃unɛ́ɛ́ni.”
57Tí ngoo yápoteni, ti ɣɛ́ ma, “Yá lɔ́ yí Lébilah̃au lɔní yɛ́i yáá nɛɛ fowó vúú ndɔ́ɔ́lungɔ ɣéle tɔ kɛní?”
58Kɛ Jísu i mɔɔ ti woo yápotenga, i ɣɛ ta, “Ngí tɔ́ɔ́ỹai le wú w̃a, tɔɔ ɣɛ́ p̃ɛ́ɛ́ ti Lébilah̃au le, ngí ɣɛ́i náá na#8:58 ngí ɣɛ́i náá na Ná Jísu í ɣɛ́ngɔ ta, “Ngí ɣɛ́i náá na,” mbuí waa ngáá nɔ́ɔ́ sí í ɣɛ́i ta, “Nyá Wáa Ngáá Nyá.” Ná wáá ngáá sí í ndaaheingí sí vɛ́lɛni bɔwɔ́ wa Ngala ngí pɛlɛni bɔwɔ́ wa ná í yɛ́pɛi Muusé yéle mbeí ndɔbɔí í ɣɛi áá w̃ɔ na. Wɔlɛ 8:24 ɛ́ɣɛ 28..”
59Náa hááw̃a, tí kɔtuítii ngeɣéni ngáá ti Jísu hɔɔ la kɛ́ Jísu i lɔɔwuí, í lá ti yaá láávɛɛ, í gúla Hɛ́ɛ́ma Yála Pɛ́lɛi góvii h̃úú wá.
Currently Selected:
NJƆÚ 8: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000
NJƆÚ 8
8
1Kɛ́ Jísu i liiní ngihéi sí wa taa tolí ngáá Ɔ́levi Wuluí Yíhei. 2Ngelendáá lɛtɛngí, kɛ Jísu i mɔɔ liingá Hɛ́ɛ́ma Yála Pɛ́lɛi góvii h̃u, í hei. Naa lɔ nungái kpɛ́lɛɛ tí maayelé mbéleni na aáva í ɣɛi áá ti galambó. 3Kɛ kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai tí váánga ngáá nyah̃ápo yiláá Jísu yelé. Ti ɣɛ́i nyah̃ápoi ná hóuni kɔlɔsiyá mbóndai h̃u. Kɛ tí tónga nungái kpɛ́lɛɛ ngutúwɔ, 4tí ndé náá Jísu w̃a, ti ɣɛ́ ma, “Kaamɔ́ɔ́, ní nyah̃ápoi sí hóungɔ kɔlɔsiyá mbóndai h̃u. 5Aáva Ngala sávai í féngɔ Muusé yáá a mu haáw̃a, ndengɔ́ɔ́ lé su ngáá kule lɔ nuu w̃á nuu i ló nyah̃ápoi sí hɔ́ɔ́ma ngáá kɔtu í lo su í há. Ná ná áá ɣɛ́, í ndá gí mai waa bɛɛ́ faí sí h̃u?” 6Ti mɔɔningí sí woí lá ngáá kɛinɔɔ́ tí sóu ndaa wóó wá sí tɔ́ɔ́ ló maah̃u tí sou savaí h̃u ngáá faa ỹaaní mɔ́ɔ. Kɛ́ Jísu ɣele i w̃áávɛlɛni nɔ́ɔ í pɛ́lɛ kɔlɔ vɔ́nɛma ndɔwɔlɔ́i wa ngáá loko beɣái. 7Ná tí ndií ngu ma ngáá mɔɔningí wondáá kélei nɔɔ́, kɛ Jísu i yooɣɛ́nga í lo í ɣɛ́ ti w̃a, “Nuí fíli áá ɣɛ́ wú h̃u ɛ́i nɛ́ɛ́ ɣɛ faa ỹɔ́u fíli kɛ́ni, maa w̃ɔ́i í nyah̃ápoi sí hɔ́ɔ́ ngáa kɔtu hése.” 8Kɛ Jísu i mɔ́ɔ́ w̃áávɛlɛnga íwaa kɔlɔi vɔ́nɛ ndɔwɔlɔ́i wa. 9Ná nungái tí ngoí sí ỹɛ́nini, tí pɛ́lɛi gulamá naa wa ngáá ngiláá ngíla. Kpakólongai tɔ ti gúlai naa wa hése nuu vékaitii tɔɔ yáá ngapu ngáa gulandáá naa wa, í lo su Jísu yilaá lɔ náá í ɣɛ́i na, nyah̃ápoi í lóóni kpela. 10Kɛ Jísu i yooɣénga í ló, i ɣɛ nyah̃ápoi w̃a, “Ɔ́ɔ nungáitii? Baa nuu fíli aa longɔ́ ɔ́ɔ́ kɔsɔ́ pɛ́lɛ í wá faa bá ndá fááw̃a í w̃a?”
11Nyah̃ápoi í Jísu woo yápoteni, i ɣɛ ma, “Kpéle, nuu fíli aa ná ɣɛ́ngɔ, kawálai.”
Jísu i ɣɛ ma, “Nyá ɣéle tɔ ngɛ́i ná ɣɛ́, kɛ́ lí, yí bé naá faa ỹɔ́i ɣɛndái wa.”]
Jísu lɔ í ngáá lámbongi
12Ná Jísu í yɛ́pɛni mɔɔ nungái ngele, í ndéni, í ɣɛ ta, “Nyá lɔ́ ngí ngáá lámbongi ngeleí sí wuu yélaitii faaw̃a. Nuí fíli pá áá ɣɛ́ ngáá pólu w̃ɔ́ɔ ɛi hiya kpíndii h̃u kɛ́ aa lámbongi sí w̃ááhɔlɔ áá ndɛ́ɛ́h̃ui gitei he ngeyá.”
13Kɛ Júsuai sítii taa ɣɛ́ ti w̃a Falósiai ti ɣɛ́a ma, “Ná lɔ́ na, yá gíte lɔ nɔ́ɔ́ yíwaa faa lé bɔwɔ́ hááw̃a, kɛ í háá le ngoí ná, pele áá su.”
14Kɛ Jísu i ti woo yápotenga, i ɣɛ ti w̃a, “Ngí bɔ́ɔ́ faa lé bɔwɔ́ haaw̃a, aa ɣɛ ngáá tɔɔỹáa woo bɔw̃álale ngí kɔ́lɔ mbéi ngí gúlangɔ na ɛ́ɣɛ mbéinda ngáá li na. Kɛ́ wálaa, wáá kɔ́lɔ kpósouŋ mbéi ngí gúlangɔ na ɛ́ɣɛ mbéi ngáá lí na. 15Wáá faítii mbaaléve ngáá nuu búsa gísiya ɣɛ kíli, kɛ́ nyá, ngɛ́i nuu fíli kɔ́sɔ. 16Kɛ́ ná mɔ́ɔ́ ngáá nuu gɔ́sɔ, ní ndái waaléve kílii aa ɣɛ pele w̃a bɔw̃álale ngílaa laa le ngɔ́ɔ́ ɣɛ́ loko volú, ní Kɛ́ɛ́ɣɛ í tɔ́vengɔ ni lóów̃aa í yíla. 17Wú bɔ́wɔ bɔ́wɔ havaí h̃u Ngalá ngí féni Muusé yáá, pɔnɛngɔ́ lé su ngáá nuu félengɔ heele woo lɔ ngáá tɔɔỹáa haa. 18Nyɛ́i ngáá faa le bɔwɔ́ hááw̃a, hééle yiláá mbáá ngé. Ní hééle vekaí waa ngáá ní Kɛɛɣɛ́ lɛí í tɔ́vengɔ.”
19Kɛ ti Jísu w̃ɔɔningá, ti ɣɛ́ ma, “Míl̃inda lɔ́ í kɛ́ɛ́ɣɛ í na?”
Jísu i ɣɛ ti w̃a, “Wáá kɔ́lɔ ele wáá ngáá ngé kɛlaa ní Kɛ́ɛ́ɣɛ, bele wú ɣɛ́i kɔ́lɔ, wɔ́ɔ́ ɣɛ́ ní Kɛ́ɛ́ɣɛ bɛ́lɛ kɔ́lɔ.”
20Jísu i njɛpɛí sítii puní ná h̃u í ɣɛ́i áá kalambongí wo Hɛ́ɛ́ma Yála Pɛ́lɛi góvii h̃u, mbéinda tɔ́ɔ́ Ngalá kɔ́ngitii pú na ti ɣɛ́i na. Kɛ́ nuu fíli aa souní bɔw̃álale na w̃aa l̃áingi aa nɛɛ ɣɛi folói ma.
Jísu í Júsuai sítii ndaahíni nda tálai í ɣɛ́i ti h̃u
21Jísu i mɔɔ ndení ti w̃a, i ɣɛ ta, “Nyá lɔ́ va liimá. Wáá ɣɛ́ wáá kɔ́li aáva wá lɔɔ vá haamá wú háá ỹɔítii su. Mbéinda vá ngíwaa lí na, wɔ́i lí na.”
22Kɛ Júsuai ti wútuwɔaitii tiyá tɔ taa ɣɛ́ ỹɔw̃ɔ́ ỹɔ́w̃ɔ w̃a, “I ndengɔ́, i ɣɛ ta, ‘Mbéinda va ngíwaa lii na, wɔ́i lí na.’ Baa ɔ́ɔ́ ɣɛ́ yɛ́ɛ́ áa vá bɔwɔ́ vaamá ná lɔ áá ná le ma?”
23Kɛ́ Jísu i ndiiní ngú ma ngáá yɛpɛndáá, i ɣɛ ta, “Wálaa wú gúlangɔ ngeleí sí wu, kɛ́ nyáá va ngí gúlangɔ ngelegóóh̃u. Wá lɔ ngáá ngeleí sí wuu yélaa kɛ́ nyá ngáá ngáá ngeleí sí wuu w̃ɔ́ɔ. 24Ná lɔ́ i kɛ́ngɔ ngí ndéngɔ wú w̃a ngáá wá lɔɔ va haamá wú háá ỹɔítii su. Ná wɔ́i ɣɛ́ laní la ngáá Nyá Wáa Ngáá Nyá#8:24 Nyá Wáa Ngáá Nyá Ná Jísu i ɣɛ́i ta, “Nyá Wáa Ngáá Nyá,” í ɣɛi áá ngakɛ́ ngáá kɛ aa lɔ ngáá Ngalá. Sí lɔ́ í ɣɛi ngáá ndaaheíngi Ngalá ngi pɛ́lɛni bɔwɔ́ wa ná í yɛ́pɛni Muusé yéle mbéi ndɔbɔí í ɣɛ́i áá w̃ɔ́ na., kɛ wá lɔɔ vá haamá wú háá ỹɛ́itii su.”
25Kɛ tí mɔ́ɔ́ mɔɔningá, ti ɣɛ́ ma, “Ele wáá ngáá í ye?”
I tí woo yápoteni, i ɣɛ ta, “Nyá wáá nɔ́ɔ́ ngáá kíya ngáá bɔwɔ́ lowa wo kélei wú w̃a. 26Aáva faa bíh̃i bih̃i tɔ na ngáá nde kɔwɔ́ato wú wa, ngí wú wááleve. Kɛ́ lɛ́i va í tɔ́vengɔ, aá lɔ́ ngáá tɔwɔbáɣa w̃ɔ́ɔ. Aáva sí ngí mɛ́nini nda, laá lɔ́ ngáá nde nungái ma ngelewu.”
27Kɛ́ nungái pa taá ɣɛ́i ngatɔ́ni mba ngáá Jísu i ɣɛi áá yɛ́pɛ kɔwɔ́ato ngi Kɛ́ɛ́ɣɛ Ngalá mba. 28Faalɔ, Jísu i ndení ti w̃a, i ɣɛ ta, “Ná náa wáá nuí síí w̃ɔ́i taa ɣɛ́ ma Nuu Búsa Goo H̃ú Loí lɛ ngeleya kulɔ́sii w̃a, wáá ɣɛ́ náá kɔlɔ́ ngáá Nyá Wáa Ngáá Nyá. Ná vólu, wáá ɣɛ́ náá mɔ́ɔ kɔlɔ́ ngáá kɛ ngɛ́i faa fíli kɛ ngáá wúmaa kɛ́ ngáá yɛpɛ nɔ́ɔ́ sí wa jɔ́ ní Kɛ́ɛ́ɣɛ Ngalá ngí kálamboni la. 29Nuí í tɔ́vengɔ ni lóów̃aa í yilá, ngílaa laa le ngɔ́ɔ́ ɣɛ loko volú, bɔw̃álale ndiivó fáitii tɔ nɔ́ɔ́ fɔ́ ngáá kɛ.”
30Ná Jísu i njɛpɛí sítii puní, nungáá bih̃íw̃aa tí laí la.
Sítii ti wumááwongɔ ɛ́ɣɛ sítii ti nduwɔlaí h̃u
31Júsuai sítii ti langɔ́ í ɣɛ́i náa lá ngáá Jísu, Jísu i ɣɛi ti w̃a, “Ná wáá ndí ngu ma ngáá hiyandáá ngáá ní gálambongi, kɛ wá gíte gítei lɔ wú ngáá pólu yélai. 32Aáva wáá ɣɛ́ náá tɔɔỹái wɔlɔ́, tɔɔỹái va aa wú wúmaawo.”
33Kɛ tí ngoo yápotenga, ti ɣɛ́ ma, “Lébilah̃au laala lengái mbaa ngáá ni ye aáva nápa naá nɛ́ɛ́ walaí nuu fíli ngéya nduwɔ laá h̃u. Yáá ɣelé nde náá ni w̃a ngáá ni wumáá áá wo?”
34Jísu bɛ́lɛ i ti woo yápoteni, i ɣɛ ta, “Ngí tɔɔỹái le wú w̃a, nuí fíli áá ndi ngu ma ngáá faa ỹɔ́u ɣɛ́ndai, maa w̃ɔ́i lɔ ngáá nduwɔ lopó faa ỹɔ́i yaá. 35Nduwɔ lopói va, toow̃aá aa mbɛ téɣele ndengí h̃u, kɛ́ síỹɛndou loí laá toow̃aá lɔ mbɛ ndengí h̃u. 36Faalɔ, ná Ngalángi H̃íỹɛndou Loí áá wú wúmaawo, wú wumaawongɔ́ gíte aa ɣɛ lá fó fóndei. 37Ngí súuwɔlɔ ngáá Lébilah̃au laala lengaí mbaa ngáá wú ye. Kɛ́ ná fíli su, wá lɔɔ ɣɛ́ nɔ́ɔ w̃ɛ́ɛ́ kɛ wáá páa bɔw̃álale wáá lókoheima ní gálambongi wu. 38Sí ngí naa lɔngá ní Kɛ́ɛ́ɣɛ yaá laá lɔ́ ngáá nde, wáá vá sí wú mɛ́ningɔ wú kɛ́ɛ́ɣɛ la, laá lɔ wúwaa kɛ.”
39Ti Jísu woo yápoteni, ti ɣɛ́ ma, “Ni káwala i ɣɛi ngáá Lébilah̃au.”
Jísu i ɣɛ ti w̃a, “Bele wú ɣɛ́i ngáá Lébilah̃au laala lengaa, wú lúva veléitii tɔɔ ɣɛ́ pele w̃a kíya Lébilah̃au ndái í ɣɛ́i pele w̃a. 40Ta ɣɛ kíli lɔ nɔ́ɔ́ ngáá sí, ngáá kíya wú kpatɛá gí ma ngáá wú páá, nyɛ́i ngáá tɔɔỹái le wú w̃a ngí mááhɔlɔngɔ Ngalá ngeyá. Lébilah̃au va aa ná w̃aa háá ta ɣɛní! 41Wú kɛ́ɛ́ɣɛ luva veléi lɔ́ nɔ́ɔ wúwaa híya la.”
Tí Jísu woo yápoteni, ti ɣɛ́ ma, “Kɔlɔ́ ndéngaa laa ngáá ni ye. Kɛɛɣɛí nɔɔ́ léi í ni yaá aá wáá ngáá Ngalá kítei.”
42Jísu bɛ́lɛ í mɔ́ɔ́ ɣɛ ti w̃a, “Bele Ngalángi ɣɛi gíte ngáá wú Kɛ́ɛ́ɣɛ wɔ́ɔ́ ló ngáá ngé bɔw̃álale ngí gulangɔ Ngalá ngelé aáva nyá lɔ́ náá mbéinda. Ngáá váángɔ mbéi ngáá wu maá kɛ́ laá lɔ́ í tɔ́vengɔ. 43Sí í kɛa ndáá woí ya ngáá kpál̃au wu yáá aa waa ngáá, sífaa wu lélenga ngáá wú wólilo sí w̃a ngíwaa nde. 44Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a. 45Kɛ́ wáá laí ngáá sí ngáá nde sífaa ngáá tɔɔỹái le wú w̃a. 46Ele lɔ í wú h̃u áá ndé ngáá í tɔngá faa ỹɔ́u h̃ú? Ndeé le wɔ́i lá ngáá ngé ná ngáá ɣɛ ngáá tɔɔỹái le wú w̃a? 47Nuí fíli áá ɣɛ́ Ngala ngí ndá aa wolíɣɛ Ngalá ndaa wói wa. Faalɔ, háwui í kɛ́nga waá wolíɣɛma sí w̃a, aá waa ngáá sífaa wáá ngáá Ngalángi ndá.”
Jísu ɛ́ɣɛ Lébilah̃au
48Kɛ Júsuaitii tí ngoo yápotenga, ti ɣɛ́ ma, “Kɛ tɔɔỹaá laa ngáá sí ní ndengɔ́ í w̃á ngáá Samááliya w̃ɔɔ waa ngáá í ye, ná vólu, ỹína nyɔí lɔ í vólu?”
49Jísu í tí woo yápotei, i ɣɛ ta, “Ỹína nyɔu aa pólu, kɛ́ ngufemaí lɔ́ ngáá fe ní Kɛ́ɛ́ɣɛ Ngalá mbɛ́, wáá va wúwaa ngufema lálai he mbɛ́. 50Aa yɛɛ́ ngáá tɛ ngóó lɔ ngíwaa kɔlí bɔwɔ́ haaw̃a, kɛ́ nuu lɔ́ na íwaa tɛ ngóó wɔ́li fááw̃a, maa w̃ɔ́i va tɔ áá kiti yéɣe áá ɣɛ́ váni fááw̃a. 51Aáva ngí tɔɔỹái le wú w̃a, ná nuu fíli áá híya ngáá ndáá wói maa w̃ɔ́i ɛi saa w̃ááhɔlɔ kúnafɔ.”
52Kɛ Júsuai tí ɣɛ́a ta, “Ní suuwɔlɔ́ naá kpál̃au ngáá ỹína nyɔí kái kái tɔ́ í í vólu! Bɔw̃álale Ngalá mɔ́i, ni káwala Lébilah̃au i haaní, Ngalá ndaa háá lé mbélaitii bɛ́lɛ tí haaní. Kɛ́ ná fíli su, yí ndengá ngáá nuí fíli áá híya ngáá í láá wói maa w̃ɔ́i ɛi saa w̃ááhɔlɔ kúnafɔ. 53Baa í lɔ́vengɔ lé ni káwala Lébilah̃au wa? I haaní aáva Ngalá ndaa háá lé mbélaitii bɛ́lɛ tí haaní nɔ́ɔ. Í gí ma ele wáá ngáá í ye hɔ́ɔ?”
54Jísu i ti woo yápoteni, i ɣɛ ta, “Ná nyá gíte ngáá kɛ ngáá háwu tɛ ngóó í ɣɛ́ mbɛ́, kɛ faa fíli táá ngáá na, kɛ́ ní Kɛ́ɛ́ɣɛ lɛ́i wúwaa nde ngáá laá lɔ í ngáá wú Yálangi, laá lɔ áá kɛ ngáá háwu tɛ ngóó í ɣɛ́ mbɛ́. 55Kíya bɛ́lɛ wáa kɔlɔ́ ele gite waa ngáá Ngala nyá ngí kɔlɔ́. Bele ngí ɣɛ́i ta ngáá kɔlɔ́, ngɔ́ɔ́ ɣɛ́ ngáá ndɛɛ gɔ́ɔ́la mɔ́ɔ́ kíya wú na, kɛ́ ngí kɔ́lɔ ele waa ngáá laa aáva nyá lɔɔ híya ngáá ndaa wói. 56Wú káwala Lébilah̃au gooh̃unɛ́ɛ́ngɔ i ɣɛi lá ngáá í pááw̃ai lɔ́ ngelewu aáva i pááw̃ai h̃u lɔní, ná va ngi kooh̃unɛ́ɛ́ni.”
57Tí ngoo yápoteni, ti ɣɛ́ ma, “Yá lɔ́ yí Lébilah̃au lɔní yɛ́i yáá nɛɛ fowó vúú ndɔ́ɔ́lungɔ ɣéle tɔ kɛní?”
58Kɛ Jísu i mɔɔ ti woo yápotenga, i ɣɛ ta, “Ngí tɔ́ɔ́ỹai le wú w̃a, tɔɔ ɣɛ́ p̃ɛ́ɛ́ ti Lébilah̃au le, ngí ɣɛ́i náá na#8:58 ngí ɣɛ́i náá na Ná Jísu í ɣɛ́ngɔ ta, “Ngí ɣɛ́i náá na,” mbuí waa ngáá nɔ́ɔ́ sí í ɣɛ́i ta, “Nyá Wáa Ngáá Nyá.” Ná wáá ngáá sí í ndaaheingí sí vɛ́lɛni bɔwɔ́ wa Ngala ngí pɛlɛni bɔwɔ́ wa ná í yɛ́pɛi Muusé yéle mbeí ndɔbɔí í ɣɛi áá w̃ɔ na. Wɔlɛ 8:24 ɛ́ɣɛ 28..”
59Náa hááw̃a, tí kɔtuítii ngeɣéni ngáá ti Jísu hɔɔ la kɛ́ Jísu i lɔɔwuí, í lá ti yaá láávɛɛ, í gúla Hɛ́ɛ́ma Yála Pɛ́lɛi góvii h̃úú wá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000