Zɔ̃̀ɔ̃́ 15
15
Zízɛ̀ lɛ ɓɛ̀lɛ̀-wɛ́lɛ́-kɔ́ɔ́ kpó-kpó ká
1“Ma lɛ́ m ɓɛ̀lɛ̀-wɛ́lɛ́-kɔ́ɔ́ ɓɛ dìè kpó-kpó káa. M Dàa lɛ́ e nyìɛ-kɛ̀-nyɛ́nɛ̀ɛ-mɔ̀-mì káa. 2Lɛ́ɛ̀ m kɔ̀ séĩ́ lɛ́ lɛ̀ɛ́ ɓaa ɓo m mɔ̀, tó áà m kɔ̀ séĩ́ lɛ́ è ɓaa là kã̀ kɛ é ɓa e ɓɛɛ ká zeĩ́ gbùò. 3Wɔ̃́ lɛ́ maà gèe ka lɛ̀ɛ kolo làa, ka mɛ́ ɓɔɔ̀ lɛ gbaa. 4Kà ka yàlà kṹ m yí. Ká kɛ̀á kília, ma bɛ̃̀ɛ̃ ḿm̀ lo m zì kṹũ̀ ka yí. Pɛ kɔ̀ lɛ̀ɛ́ bɛ̀i ɓaà e dìè wũ mɔ̀. Kɛɛ lɛ́ɛ̀ ɓa yé à gbɛ̃̀ɛ̃̀ lɛ e lèe mɔ̀ɔ ká. Zi nɔ́ doóa káa, ka bɛ̃̀ɛ̃ kàá bɛ̀i ɓaà yé ka yàlà kṹũ̀ wá m yía ká.
5“Ma lɛ́ m ɓɛ̀lɛ̀-wɛ́lɛ́-kɔ́ɔ́ɔ dìè káa. Ka bɛ̃̀ɛ̃, ka lɛ́ ka m kɔ̀ káa. Mi lɛ́ à yàlà kṹũ̀ è lo kɛɛ̀á m yí, lɛ́ ma bɛ̃̀ɛ̃ m zì kṹũ̀ lɛ à yía, lɛ́ɛ̀ lo ɓaà e ɓɛɛ ká gbùò, ɓii kàá bɛ̀i wɔ̃́ nɔ́ɔ fé kɛɛ̀ m tií. 6Mi lɛ́ lɛ̀ɛ́ e yàlà kṹ m yía, à dùò lɛ luú lɛ̀ yílí-kɔ̀ lɛ́ ò kã e lèe mɔ̀, wáà dùò luú tó áà kpáa kũ̀a lɛ́ ɓe. Óò yílí-kɔ̀ sùua pa e kíe mɔ̀, tó wa dùò tíé yí, tó áà gèlè. 7Ká ka yàlà kũ̀á m yí, ɛ̃́ɛ̃́ tó m lé-wè áà e yàlà kũ̀ ka yía, kɛɛ káà lo pɛ nɔ́ɔ fé kà nàà à káa pɛ̃́ɛ̃̀, tó káà sɔ̀lɔ̀ ɓò. 8Zi lɛ́ mia ò lo m Dàa zì kɛ̀-kpànazɛ̀-kɔ̀ gɛ̃̀áa, lɛ́ e kélɛ̀, yé kaà ɓa ka ɓɛɛ ká gbùòa. Zí e kéa káa, káà lo kɛɛ̀á tò-m-píé-mìà ká. 9Zí m lɔ̀ kpɔ́ɔ̀ lɛ à ká mia Dàa mɔ̀ɔ, zi nɔ́ doóa lɛ́ ka lɔ̀ kpɔ́ɔ̀ lɛ à ká m mɔ̀ɔ. Kà ka yàlà kṹ m zì mia lɔ̀-kpɔ̀-m-mɔ̀ yí. 10Ká wɔ̃́ m̀ gèe ka lɛ̀ɛ ká kɛɛ kɛ̀áa, ka yàlà kṹũ̀ lɛ́ɛ̀ lo kɛɛ̀á m zì mia lɔ̀-kpɔ̀-m-mɔ̀ yí, lɛ̀ zí nɔ́ maà wɔ̃́ lɛ́ m Dàa aà à gèe ḿ kɛɛ kɛá, lɛ́ m yàlà kṹũ̀ lɛ à zì m lɔ̀-kpɔ̀à-mɔ̀ yía ká.
11“Wɔ̃́ e kéa ma gèe ka lɛ̀ɛ kɛɛ m mɔ́ɔ̀ géli é kɛ ka yí, ɛ̃́ɛ̃́ ka zì géli lé é pa kpó-kpó ɓo. 12Wɔ̃́ m̀ gèe ká kɛɛ, gɛ̃̀ e ké. Ka kíe nì lɔ̀ è kpɔ́ ka mɔ̀, lɛ̀ zí ka lɔ̀ kpɔ́ɔ̀ lɛ à ká m mɔ̀ɔ lɛ́ ɓe. 13Lɔ̀-kɛ̀à-mɔ̀ gbùò kpó-kpó lɛ́ à diè lɛ pɛ séĩ́ làa lɛ́ e kélɛ̀, mi í ɓà kɛ̀ɓe nɔ i ɓɛ́ĩ̀ nì wɛ̃́ĩ̀. 14Ɛ́ɛ̃́ ka m ɓɛ́ĩ̀ nì ká, yé kaà wɔ̃́ lɛ́ m̀ gèe ká kɛɛ, kɛɛ ká. 15M̀ḿ ka sí gbaa yɛɓo-kɛ̀-m-mɔ̀-mìà. Ƃii yɛɓo-kɛ̀-mi-mɔ̀-mì lɛ̀ɛ́ e dàa-mì kɛ-wɔ̃̀ yí dɔ. Kɛɛ ḿm̀ ka si m ɓɛ́ĩ̀ nì, ɓii maà wɔ̃́ séĩ́ lɛ́ ma ma m Dàa léa gèe ka lɛ̀ɛ. 16Kàá gbaa m sí. Kɛɛ ma lɛ́ m ka sía. Ɛ́ɛ̃́ maà yíí suo ka mɔ̀ kɛ ká ló ká ɓa ka ɓɛɛ ká, kɛ ka ɓɛɛ e kília é kɛ ɓe. Yé aà kɛ kília, mia Dàa lɛ́ɛ̀ lo pɛ nɔ́ɔ fé lɛ́ kà lo à pɛ̃́ɛ̃̀ à mɔ̀ m tɔ́ yía nɔɔ̀ ka lɛ̀ɛ. 17Wɔ̃́ e kéa lɛ́ m̀ gèe ka lɛ̀ɛ ká kɛɛ. Ye lɛ́ e kélɛ̀, ka kíe nì lɔ̀ è kpɔ́ ka mɔ̀.
Mia lɔ̀ nyɛɛ̀ lɛ kpóṹ là mɔ̀
18“Ka lɔ̀ é nyɛ̀á kpóṹ là mɔ̀ɔ, kà à yí dɔ kélɛ̀ m lɔ̀ e nyɛ à mɔ̀ bèĩzɛ̀. 19È kɛ̀á ka kpóṹ là mìà káa, ka lɔ̀ áá kpɔ́ɔ̀ kpóṹ là mɔ̀ lɛ̀ zí là mia nì lɔ̀ è kpɔá à mɔ̀ɔ lɛ́ ɓe. Kɛɛ maà ka sí m zɔ̃̀ɔ̃̀ ká kpóṹ là mìà bà. Ɛ́ɛ̃́ ka wá gbaa kpóṹ là là mia nì ká. Pɛ́ à kɛ̀ lɛ́ ka lɔ̀ nyɛɛ̀ lɛ kpóṹ là mɔ̀ɔ lɛ́ ɓɛ. 20Ka zò è vùò wɔ̃́ lɛ́ ma gèe ka lɛ̀ɛ ká. Ye lɛ́ e kélɛ̀, lùò nɔ́ɔ fé wá kpànazɛ̀, é dieá e dàa-mì là. Yé o m sã̀ dɔɔ, óò lo ka bɛ̃̀ɛ̃ ka sã̀ dɔɔ̀ nɔ́ kíli. Yé o m wéè kɛɛ, óò lo ka bɛ̃̀ɛ̃ ka wéè kɛɛ̀ nɔ́ kíli. 21Kɛɛ óò lo wɔ̃́ nì e kéa séĩ́ kɛɛ̀ ka ká, ka kɛ̀ m̀ mia nì ká mɔ́ɔ̀ wɔ̃̀ mɔ̀. Ƃii òó mi lɛ́ e m vɔɔ dɔ. 22È kɛ̀á m̀ḿ gbaa nu kɛ ḿ mɛ́ĩ́ ɓo o lɛ̀ɛ, kɛ-wɔ̃̀ yɔɔ kɛɛ̀ mɔ́ɔ̀ mɛ̀ĩ́-sà lɛ̀ɛ́ gɔ̃̀ káà o wĩĩ́. Kɛɛ o wè-ɓò-yí-bà zì gbɛɛ wá ɓe o kɛ-wɔ̃̀ yɔɔ wɛ̃́ĩ̀ gbaa. 23Mi lɛ́ m lɔ̀ nyɛɛ̀ lɛ à mɔ̀ɔ, kɛɛ m Dàa lɔ̀ nyɛɛ̀ lɛ à mɔ̀ nɔ́ kíli. 24È kɛ̀á m̀ḿ gbaa yɛɓo lɛ́ mi gbɛɛ lɛ̀ɛ́ à kɛ doa, kɛ o fĩ̀ã̀a, kɛ-wɔ̃̀ yɔɔ kɛɛ̀ mɔ́ɔ̀ mɛ̀ĩ́-sà lɛ̀ɛ́ gɔ̃̀ káà o wĩĩ́. Kɛɛ waà wɔ̃́ lɛ́ maà à kɛɛ gɛ̃̀ gbaa. Ɛ́ɛ̃́ kò m Dàa ko lɔ̀ nyɛɛ̀ lɛ o mɔ̀. 25Kɛɛ lɛ à mɔ̀ wɔ̃́ e kéa é kɛ, kɛɛ wɔ̃́ lɛ́ à bɛ̃̀ɛ̃ɛ̃̀ lɛ wà Lɔ́ɔ̀ kiia yía é kɛ wánà zɛ̀. Ye lɛ́ e kélɛ̀, ‘M lɔ̀ e nyɛ o mɔ̀, ɛ̃́ɛ̃́ m lɔ̀ nyɛ̀-o-mɔ̀ yí wá mɔṹ ɓe.’
26“Kɛɛ Gbũ̀-ka-mɔ̀-mì lɛ́ɛ̀ lo nuù. Ye lɛ́ e Gɛ̀ɛ̀ Púlú wánà zɛ̀ lɛ́ è go mia Dàa píéa káa. Lɛ́ɛ̀ lo góò mia Dàa píé, tó ma vɔ ka píé. À bɛ̃̀ɛ̃ lɛ́ɛ̀ lo m mɔ́ɔ̀ wɔ̃̀ gèeè. 27Ɛ́ɛ̃́ ka bɛ̃̀ɛ̃ káà lo m wɔ̃̀ gèeè, ɓii ka kɛ m píé wɔ̃́ séĩ́ gã̀-gbɛ̃̀pìà.
Currently Selected:
Zɔ̃̀ɔ̃́ 15: MNT
Highlight
Share
Copy
Want to have your highlights saved across all your devices? Sign up or sign in
Mann New Testament © Bible Society in Liberia, 1978.
Zɔ̃̀ɔ̃́ 15
15
Zízɛ̀ lɛ ɓɛ̀lɛ̀-wɛ́lɛ́-kɔ́ɔ́ kpó-kpó ká
1“Ma lɛ́ m ɓɛ̀lɛ̀-wɛ́lɛ́-kɔ́ɔ́ ɓɛ dìè kpó-kpó káa. M Dàa lɛ́ e nyìɛ-kɛ̀-nyɛ́nɛ̀ɛ-mɔ̀-mì káa. 2Lɛ́ɛ̀ m kɔ̀ séĩ́ lɛ́ lɛ̀ɛ́ ɓaa ɓo m mɔ̀, tó áà m kɔ̀ séĩ́ lɛ́ è ɓaa là kã̀ kɛ é ɓa e ɓɛɛ ká zeĩ́ gbùò. 3Wɔ̃́ lɛ́ maà gèe ka lɛ̀ɛ kolo làa, ka mɛ́ ɓɔɔ̀ lɛ gbaa. 4Kà ka yàlà kṹ m yí. Ká kɛ̀á kília, ma bɛ̃̀ɛ̃ ḿm̀ lo m zì kṹũ̀ ka yí. Pɛ kɔ̀ lɛ̀ɛ́ bɛ̀i ɓaà e dìè wũ mɔ̀. Kɛɛ lɛ́ɛ̀ ɓa yé à gbɛ̃̀ɛ̃̀ lɛ e lèe mɔ̀ɔ ká. Zi nɔ́ doóa káa, ka bɛ̃̀ɛ̃ kàá bɛ̀i ɓaà yé ka yàlà kṹũ̀ wá m yía ká.
5“Ma lɛ́ m ɓɛ̀lɛ̀-wɛ́lɛ́-kɔ́ɔ́ɔ dìè káa. Ka bɛ̃̀ɛ̃, ka lɛ́ ka m kɔ̀ káa. Mi lɛ́ à yàlà kṹũ̀ è lo kɛɛ̀á m yí, lɛ́ ma bɛ̃̀ɛ̃ m zì kṹũ̀ lɛ à yía, lɛ́ɛ̀ lo ɓaà e ɓɛɛ ká gbùò, ɓii kàá bɛ̀i wɔ̃́ nɔ́ɔ fé kɛɛ̀ m tií. 6Mi lɛ́ lɛ̀ɛ́ e yàlà kṹ m yía, à dùò lɛ luú lɛ̀ yílí-kɔ̀ lɛ́ ò kã e lèe mɔ̀, wáà dùò luú tó áà kpáa kũ̀a lɛ́ ɓe. Óò yílí-kɔ̀ sùua pa e kíe mɔ̀, tó wa dùò tíé yí, tó áà gèlè. 7Ká ka yàlà kũ̀á m yí, ɛ̃́ɛ̃́ tó m lé-wè áà e yàlà kũ̀ ka yía, kɛɛ káà lo pɛ nɔ́ɔ fé kà nàà à káa pɛ̃́ɛ̃̀, tó káà sɔ̀lɔ̀ ɓò. 8Zi lɛ́ mia ò lo m Dàa zì kɛ̀-kpànazɛ̀-kɔ̀ gɛ̃̀áa, lɛ́ e kélɛ̀, yé kaà ɓa ka ɓɛɛ ká gbùòa. Zí e kéa káa, káà lo kɛɛ̀á tò-m-píé-mìà ká. 9Zí m lɔ̀ kpɔ́ɔ̀ lɛ à ká mia Dàa mɔ̀ɔ, zi nɔ́ doóa lɛ́ ka lɔ̀ kpɔ́ɔ̀ lɛ à ká m mɔ̀ɔ. Kà ka yàlà kṹ m zì mia lɔ̀-kpɔ̀-m-mɔ̀ yí. 10Ká wɔ̃́ m̀ gèe ka lɛ̀ɛ ká kɛɛ kɛ̀áa, ka yàlà kṹũ̀ lɛ́ɛ̀ lo kɛɛ̀á m zì mia lɔ̀-kpɔ̀-m-mɔ̀ yí, lɛ̀ zí nɔ́ maà wɔ̃́ lɛ́ m Dàa aà à gèe ḿ kɛɛ kɛá, lɛ́ m yàlà kṹũ̀ lɛ à zì m lɔ̀-kpɔ̀à-mɔ̀ yía ká.
11“Wɔ̃́ e kéa ma gèe ka lɛ̀ɛ kɛɛ m mɔ́ɔ̀ géli é kɛ ka yí, ɛ̃́ɛ̃́ ka zì géli lé é pa kpó-kpó ɓo. 12Wɔ̃́ m̀ gèe ká kɛɛ, gɛ̃̀ e ké. Ka kíe nì lɔ̀ è kpɔ́ ka mɔ̀, lɛ̀ zí ka lɔ̀ kpɔ́ɔ̀ lɛ à ká m mɔ̀ɔ lɛ́ ɓe. 13Lɔ̀-kɛ̀à-mɔ̀ gbùò kpó-kpó lɛ́ à diè lɛ pɛ séĩ́ làa lɛ́ e kélɛ̀, mi í ɓà kɛ̀ɓe nɔ i ɓɛ́ĩ̀ nì wɛ̃́ĩ̀. 14Ɛ́ɛ̃́ ka m ɓɛ́ĩ̀ nì ká, yé kaà wɔ̃́ lɛ́ m̀ gèe ká kɛɛ, kɛɛ ká. 15M̀ḿ ka sí gbaa yɛɓo-kɛ̀-m-mɔ̀-mìà. Ƃii yɛɓo-kɛ̀-mi-mɔ̀-mì lɛ̀ɛ́ e dàa-mì kɛ-wɔ̃̀ yí dɔ. Kɛɛ ḿm̀ ka si m ɓɛ́ĩ̀ nì, ɓii maà wɔ̃́ séĩ́ lɛ́ ma ma m Dàa léa gèe ka lɛ̀ɛ. 16Kàá gbaa m sí. Kɛɛ ma lɛ́ m ka sía. Ɛ́ɛ̃́ maà yíí suo ka mɔ̀ kɛ ká ló ká ɓa ka ɓɛɛ ká, kɛ ka ɓɛɛ e kília é kɛ ɓe. Yé aà kɛ kília, mia Dàa lɛ́ɛ̀ lo pɛ nɔ́ɔ fé lɛ́ kà lo à pɛ̃́ɛ̃̀ à mɔ̀ m tɔ́ yía nɔɔ̀ ka lɛ̀ɛ. 17Wɔ̃́ e kéa lɛ́ m̀ gèe ka lɛ̀ɛ ká kɛɛ. Ye lɛ́ e kélɛ̀, ka kíe nì lɔ̀ è kpɔ́ ka mɔ̀.
Mia lɔ̀ nyɛɛ̀ lɛ kpóṹ là mɔ̀
18“Ka lɔ̀ é nyɛ̀á kpóṹ là mɔ̀ɔ, kà à yí dɔ kélɛ̀ m lɔ̀ e nyɛ à mɔ̀ bèĩzɛ̀. 19È kɛ̀á ka kpóṹ là mìà káa, ka lɔ̀ áá kpɔ́ɔ̀ kpóṹ là mɔ̀ lɛ̀ zí là mia nì lɔ̀ è kpɔá à mɔ̀ɔ lɛ́ ɓe. Kɛɛ maà ka sí m zɔ̃̀ɔ̃̀ ká kpóṹ là mìà bà. Ɛ́ɛ̃́ ka wá gbaa kpóṹ là là mia nì ká. Pɛ́ à kɛ̀ lɛ́ ka lɔ̀ nyɛɛ̀ lɛ kpóṹ là mɔ̀ɔ lɛ́ ɓɛ. 20Ka zò è vùò wɔ̃́ lɛ́ ma gèe ka lɛ̀ɛ ká. Ye lɛ́ e kélɛ̀, lùò nɔ́ɔ fé wá kpànazɛ̀, é dieá e dàa-mì là. Yé o m sã̀ dɔɔ, óò lo ka bɛ̃̀ɛ̃ ka sã̀ dɔɔ̀ nɔ́ kíli. Yé o m wéè kɛɛ, óò lo ka bɛ̃̀ɛ̃ ka wéè kɛɛ̀ nɔ́ kíli. 21Kɛɛ óò lo wɔ̃́ nì e kéa séĩ́ kɛɛ̀ ka ká, ka kɛ̀ m̀ mia nì ká mɔ́ɔ̀ wɔ̃̀ mɔ̀. Ƃii òó mi lɛ́ e m vɔɔ dɔ. 22È kɛ̀á m̀ḿ gbaa nu kɛ ḿ mɛ́ĩ́ ɓo o lɛ̀ɛ, kɛ-wɔ̃̀ yɔɔ kɛɛ̀ mɔ́ɔ̀ mɛ̀ĩ́-sà lɛ̀ɛ́ gɔ̃̀ káà o wĩĩ́. Kɛɛ o wè-ɓò-yí-bà zì gbɛɛ wá ɓe o kɛ-wɔ̃̀ yɔɔ wɛ̃́ĩ̀ gbaa. 23Mi lɛ́ m lɔ̀ nyɛɛ̀ lɛ à mɔ̀ɔ, kɛɛ m Dàa lɔ̀ nyɛɛ̀ lɛ à mɔ̀ nɔ́ kíli. 24È kɛ̀á m̀ḿ gbaa yɛɓo lɛ́ mi gbɛɛ lɛ̀ɛ́ à kɛ doa, kɛ o fĩ̀ã̀a, kɛ-wɔ̃̀ yɔɔ kɛɛ̀ mɔ́ɔ̀ mɛ̀ĩ́-sà lɛ̀ɛ́ gɔ̃̀ káà o wĩĩ́. Kɛɛ waà wɔ̃́ lɛ́ maà à kɛɛ gɛ̃̀ gbaa. Ɛ́ɛ̃́ kò m Dàa ko lɔ̀ nyɛɛ̀ lɛ o mɔ̀. 25Kɛɛ lɛ à mɔ̀ wɔ̃́ e kéa é kɛ, kɛɛ wɔ̃́ lɛ́ à bɛ̃̀ɛ̃ɛ̃̀ lɛ wà Lɔ́ɔ̀ kiia yía é kɛ wánà zɛ̀. Ye lɛ́ e kélɛ̀, ‘M lɔ̀ e nyɛ o mɔ̀, ɛ̃́ɛ̃́ m lɔ̀ nyɛ̀-o-mɔ̀ yí wá mɔṹ ɓe.’
26“Kɛɛ Gbũ̀-ka-mɔ̀-mì lɛ́ɛ̀ lo nuù. Ye lɛ́ e Gɛ̀ɛ̀ Púlú wánà zɛ̀ lɛ́ è go mia Dàa píéa káa. Lɛ́ɛ̀ lo góò mia Dàa píé, tó ma vɔ ka píé. À bɛ̃̀ɛ̃ lɛ́ɛ̀ lo m mɔ́ɔ̀ wɔ̃̀ gèeè. 27Ɛ́ɛ̃́ ka bɛ̃̀ɛ̃ káà lo m wɔ̃̀ gèeè, ɓii ka kɛ m píé wɔ̃́ séĩ́ gã̀-gbɛ̃̀pìà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mann New Testament © Bible Society in Liberia, 1978.