YAHYA PEU INTAT HABA
PEU INTAT HABA
Lam Haba Gét nyoe, Isa teupeugah sibagoe Sabda Po teu Allah nyang abadi nyang ka jeuet keu manusia dan jitinggai lamkawan geutanyoe. Lagée nyang teupeugah lam kitab nyoe, Haba Gét nyoe teutuléh ngon meukeusut mangat ureuëng nyang baca jeuet jimeuiman bahwa Isa Raja Peuseulamat nyang geupeu janjinyan na kheueh – Aneuëk Allah keudroe. Meunan cit ngon meuiman bak Gobnyan awaknyan meuteumé udeb (20:31).
Óh lheueh haba phon teupeugah bahwa Sabda Allah nyang abadi Nyan na kheueh Isa, bagian keu phon kitabnyoe teukisah mubagoe buet ajaéb nyang geupeubuet-buet le Gobnyan. Buet-buet ajaébnyan sibagoe tanda bahwa Isa na kheueh Raja Peuseulamat nyang geupeu janjinyan, Gobnyan Aneuëk Allah. Maséng-maséng kisah keuhai keuajaéban na meusajan ngon tutoe haba Tuhan Isa ngon ureuëng-ureuëng. Nibak tutoe haba Geuh nyan deuh teukalon peue nyang teupeugah lé buet-buet ajaéb nyan. Dan bagiannyoe na teupeugah bahwa na ureuëng nyang meuiman ubak Isa dan jeuet keu murit-murit Gobnyan. Pasai 13-17 na teucetet seucara panyang pakriban krab jih Isa ngon murit-murit Gobnyan bak malam watée gobnyan keuneuk jidrob, dan pakriban Gobnyan geupeu siab ngon geupeukong até awaknyan nibak malam nyan. Pasai-pasai keuneulheueh na teuma teupeugah pakriban Isa jidrob dan jipeusidang, pakriban Gobnyan jisaleb, maté dan geubeudôh teuma, dan pakriban Gobnyan geupeuleumah droe bak murit-murit Gobnyan óh ka lheueh Gobnyan udeb lom teuma.
Haba keuhai inong nyang teudrob basah teungoh jimeumukah (8:1-11), teupeutamong lam tanda kurong rayeuk sabab jai that naseukah dan teujeumahan-teujeumahan jamén ilée hana teutuléh calitra nyan, seudang nyang laén-laén na teutuléh dimubagoe teumpat.
Lam kitab nyoe Nabi Yahya nyang paleng geupeunteung na kheueh meuneubri, na kheueh udeb seujati dan keukai, nyang geubri lé Po teu Allah meulalu Almaseh. Meuneubrinyan ka teupeuphon phon lam donya, dan hase geuteumé lé ureuëng-ureuëng nyang teurimong Isa sibagoe jalan ubak Po teu Allah, sibagoe nyang peugah Allah, sibagoe nyang bri udeb. Ciri khas Nabi Yahya na kheueh kiasan-kiasan nyang geucok nibak hai-hai tieb-tieb uroe keu teutunyok keubeunaran-keubeunaran rohani, miseue jih: ié, ruti, trang, nyang meurabe dan bubiri jih, bak anggô dan boh jih.
Asoe jih
Haba phon 1:1-18
Nabi Yahya Pumanö dan ureuëng-ureuëng nyang phon-phon that jeuet keu murit Isa 1:19-51
Peulayanan Isa lamkawan masyarakat 2:1–12:50
Uroe-uroe akhé di Yerusalem dan dan bak binéh Yerusalem 13:1–19:42
Isa geubeudôh dan geupeuleumah droe Geuh 20:1-31
Peunutôb: geupeuleumah droe sigoe teuk di Galilea 21:1-25
Currently Selected:
YAHYA PEU INTAT HABA: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
YAHYA PEU INTAT HABA
PEU INTAT HABA
Lam Haba Gét nyoe, Isa teupeugah sibagoe Sabda Po teu Allah nyang abadi nyang ka jeuet keu manusia dan jitinggai lamkawan geutanyoe. Lagée nyang teupeugah lam kitab nyoe, Haba Gét nyoe teutuléh ngon meukeusut mangat ureuëng nyang baca jeuet jimeuiman bahwa Isa Raja Peuseulamat nyang geupeu janjinyan na kheueh – Aneuëk Allah keudroe. Meunan cit ngon meuiman bak Gobnyan awaknyan meuteumé udeb (20:31).
Óh lheueh haba phon teupeugah bahwa Sabda Allah nyang abadi Nyan na kheueh Isa, bagian keu phon kitabnyoe teukisah mubagoe buet ajaéb nyang geupeubuet-buet le Gobnyan. Buet-buet ajaébnyan sibagoe tanda bahwa Isa na kheueh Raja Peuseulamat nyang geupeu janjinyan, Gobnyan Aneuëk Allah. Maséng-maséng kisah keuhai keuajaéban na meusajan ngon tutoe haba Tuhan Isa ngon ureuëng-ureuëng. Nibak tutoe haba Geuh nyan deuh teukalon peue nyang teupeugah lé buet-buet ajaéb nyan. Dan bagiannyoe na teupeugah bahwa na ureuëng nyang meuiman ubak Isa dan jeuet keu murit-murit Gobnyan. Pasai 13-17 na teucetet seucara panyang pakriban krab jih Isa ngon murit-murit Gobnyan bak malam watée gobnyan keuneuk jidrob, dan pakriban Gobnyan geupeu siab ngon geupeukong até awaknyan nibak malam nyan. Pasai-pasai keuneulheueh na teuma teupeugah pakriban Isa jidrob dan jipeusidang, pakriban Gobnyan jisaleb, maté dan geubeudôh teuma, dan pakriban Gobnyan geupeuleumah droe bak murit-murit Gobnyan óh ka lheueh Gobnyan udeb lom teuma.
Haba keuhai inong nyang teudrob basah teungoh jimeumukah (8:1-11), teupeutamong lam tanda kurong rayeuk sabab jai that naseukah dan teujeumahan-teujeumahan jamén ilée hana teutuléh calitra nyan, seudang nyang laén-laén na teutuléh dimubagoe teumpat.
Lam kitab nyoe Nabi Yahya nyang paleng geupeunteung na kheueh meuneubri, na kheueh udeb seujati dan keukai, nyang geubri lé Po teu Allah meulalu Almaseh. Meuneubrinyan ka teupeuphon phon lam donya, dan hase geuteumé lé ureuëng-ureuëng nyang teurimong Isa sibagoe jalan ubak Po teu Allah, sibagoe nyang peugah Allah, sibagoe nyang bri udeb. Ciri khas Nabi Yahya na kheueh kiasan-kiasan nyang geucok nibak hai-hai tieb-tieb uroe keu teutunyok keubeunaran-keubeunaran rohani, miseue jih: ié, ruti, trang, nyang meurabe dan bubiri jih, bak anggô dan boh jih.
Asoe jih
Haba phon 1:1-18
Nabi Yahya Pumanö dan ureuëng-ureuëng nyang phon-phon that jeuet keu murit Isa 1:19-51
Peulayanan Isa lamkawan masyarakat 2:1–12:50
Uroe-uroe akhé di Yerusalem dan dan bak binéh Yerusalem 13:1–19:42
Isa geubeudôh dan geupeuleumah droe Geuh 20:1-31
Peunutôb: geupeuleumah droe sigoe teuk di Galilea 21:1-25
Currently Selected:
:
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.