KEJADIAN 20
20
Nai Abraham ma Nai Abimelekh
1Nai Abraham in natnani na'ko Mamre neu pah Kanaan, ma namaika anbi Kades ma Syur sin atnanan. Anbi neno fauk namuni na'ko in anbi Gerar, 2in namolok nak bi Sara in fenai nane in olif. Es nane te Kesel Nai Abimelekh na'ko Gerar anlenu in haef sin neki bi Sara neu in. 3Anbi fai mese Uisneno natonon neu kesel nane anbi nanait, ma namolok nak, “Of ho mate, natuin ho maiti mulali bife nane; in anmu'i nalali mone.”
4Mes Nai Abimelekh fe kan paumak fa bi Sara, es nane te kesel nane nak, “Uisneno, au ka usanab fa! Ai Uisneno of Ho mule'un kau ma au to? 5Nai Abraham in es neknon kun, nak bife nane in olif, ma bife in namolok onane amsa. Au mo'e ulali lasi nane nok nek muti ma amneot, es nane te au ka usanab fa.”
6Ma Uisneno natae in anbi nanait in nanan nak, “Namneo, Au uhin nak munaob mani nok nek muti ma amneot. Es nane te Au ukain ko na'ko ho he mo'e sanat neu Kau, ma Au ka ufetin ko fa hem haumak mok bife nane. 7Mes anbi tabu le i, amfe mufani in neu in mone. In mone le nane mafefa knino mese, ma in of an onen toti neu ko he nati' kaisa ho mate. Mes leka ho kam fe mufani fa in, mumnau, ho ma ho to ok-oke of hi mate!”
8Anbi nokfa, fe nok-noka, Nai Abimelekh anboin in ameput sin ma natonan sin neu ale lasi nane. Sin al-al sin namtau nae le'uf. 9Nalali onane te Nai Abimelekh anboin Nai Abraham ma natoti in nak, “Sa' es ho mo'e mulai neu kai? Au usanab sa' neu ko, talantia snama le i antom kau nok au pah? Ka namneo fa he ho mo'e onane neu kau. 10Nansa' es ho mo'e onane?”
11Nai Abraham natae nak, “Anbi au tenab, anbi bale le i kan mu'i fa atoni le namtausan Uisneno, talantia atoni le ansinmakan au fenai of namate kau. 12Nansa' anteni namneo in le nane au olif. Hai amaf mese, mes es-es in ainaf kun, ma namuni te hai mafe ma mamone. 13Ma leka Uisneno anlenu kau he poi usaitan au ama in ume, ma fun utef ale pah le atoni sin ini, au ak neu fenai ak, ‘Muton no nek aki'at nane neu kau ma muton neu atoni sin mese-mese mak au le i ho tataf.’ ”
14Nalali te Nai Abimelekh anfe nafani bi Sara neu Nai Abraham, ma anbi tabu nane in anfe nok ate-ate amsa, bibi kase ma bijae. 15Kesel nane nak neu Nai Abraham nak, “Au pah anfunam natef esle' i; mutua mubalah anbi me le hom lomi.” 16Oke te in nak neu bi Sara nak, “Au fe ulali noni muti nifun mese neu ho tataf anfani takaf neu ale atoni nak namneo-namneo ho ka musanab fa.”
17-18 Uisneno anle ale bife abit Nai Abimelekh in sonaf sin apun ka nahoni fa natuin lasi le antom nok bi Sara, Nai Abraham in fenai nane. Oke te Nai Abraham an onen toti neu Uisneno, ma Uisneno naleko Nai Abimelekh, in fenai ma in ate bife sin, talantia bife nane sin nahoni anteni.
Currently Selected:
KEJADIAN 20: AOZ
Highlight
Share
Copy
Want to have your highlights saved across all your devices? Sign up or sign in
KEJADIAN 20
20
Nai Abraham ma Nai Abimelekh
1Nai Abraham in natnani na'ko Mamre neu pah Kanaan, ma namaika anbi Kades ma Syur sin atnanan. Anbi neno fauk namuni na'ko in anbi Gerar, 2in namolok nak bi Sara in fenai nane in olif. Es nane te Kesel Nai Abimelekh na'ko Gerar anlenu in haef sin neki bi Sara neu in. 3Anbi fai mese Uisneno natonon neu kesel nane anbi nanait, ma namolok nak, “Of ho mate, natuin ho maiti mulali bife nane; in anmu'i nalali mone.”
4Mes Nai Abimelekh fe kan paumak fa bi Sara, es nane te kesel nane nak, “Uisneno, au ka usanab fa! Ai Uisneno of Ho mule'un kau ma au to? 5Nai Abraham in es neknon kun, nak bife nane in olif, ma bife in namolok onane amsa. Au mo'e ulali lasi nane nok nek muti ma amneot, es nane te au ka usanab fa.”
6Ma Uisneno natae in anbi nanait in nanan nak, “Namneo, Au uhin nak munaob mani nok nek muti ma amneot. Es nane te Au ukain ko na'ko ho he mo'e sanat neu Kau, ma Au ka ufetin ko fa hem haumak mok bife nane. 7Mes anbi tabu le i, amfe mufani in neu in mone. In mone le nane mafefa knino mese, ma in of an onen toti neu ko he nati' kaisa ho mate. Mes leka ho kam fe mufani fa in, mumnau, ho ma ho to ok-oke of hi mate!”
8Anbi nokfa, fe nok-noka, Nai Abimelekh anboin in ameput sin ma natonan sin neu ale lasi nane. Sin al-al sin namtau nae le'uf. 9Nalali onane te Nai Abimelekh anboin Nai Abraham ma natoti in nak, “Sa' es ho mo'e mulai neu kai? Au usanab sa' neu ko, talantia snama le i antom kau nok au pah? Ka namneo fa he ho mo'e onane neu kau. 10Nansa' es ho mo'e onane?”
11Nai Abraham natae nak, “Anbi au tenab, anbi bale le i kan mu'i fa atoni le namtausan Uisneno, talantia atoni le ansinmakan au fenai of namate kau. 12Nansa' anteni namneo in le nane au olif. Hai amaf mese, mes es-es in ainaf kun, ma namuni te hai mafe ma mamone. 13Ma leka Uisneno anlenu kau he poi usaitan au ama in ume, ma fun utef ale pah le atoni sin ini, au ak neu fenai ak, ‘Muton no nek aki'at nane neu kau ma muton neu atoni sin mese-mese mak au le i ho tataf.’ ”
14Nalali te Nai Abimelekh anfe nafani bi Sara neu Nai Abraham, ma anbi tabu nane in anfe nok ate-ate amsa, bibi kase ma bijae. 15Kesel nane nak neu Nai Abraham nak, “Au pah anfunam natef esle' i; mutua mubalah anbi me le hom lomi.” 16Oke te in nak neu bi Sara nak, “Au fe ulali noni muti nifun mese neu ho tataf anfani takaf neu ale atoni nak namneo-namneo ho ka musanab fa.”
17-18 Uisneno anle ale bife abit Nai Abimelekh in sonaf sin apun ka nahoni fa natuin lasi le antom nok bi Sara, Nai Abraham in fenai nane. Oke te Nai Abraham an onen toti neu Uisneno, ma Uisneno naleko Nai Abimelekh, in fenai ma in ate bife sin, talantia bife nane sin nahoni anteni.
Currently Selected:
:
Highlight
Share
Copy
Want to have your highlights saved across all your devices? Sign up or sign in